ថ្លែងទៅកាន់ពិធីសម្ពោធវារីអគ្គិសនីស្ទឹងតាតៃ មានអានុភាព ២៤៦ មេហ្គាវ៉ាត់ នៅស្រុកថ្មបាំង ខេត្តកោះកុង សម្តេចតេជោ ហ៊ុន សែន បានបញ្ជាក់ថា កម្ពុជាកំពុងតែនៅក្នុងសន្តិភាព មានស្ថេរភាពនយោបាយ និងការអភិវឌ្ឍ។ សម្តេចតេជោ បានអះអាងថា “អ្នកដែលចាត់ទុកថា (កម្ពុជា)កំពុងមានវិបត្តិ គឺ(អ្នកនោះមាន)វិបត្តិផ្ទាល់ខ្លួន។ អ្នកកំពុងសប្បាយ គឺប្រជាពលរដ្ឋមួយប្រទេស។ (ដូចយ៉ាង)កម្មវិធីសម្ពោធ(នេះ) មិនបានខកខានដោយមនុស្សម្នាក់ ឬពីរនាក់ឯណា។”
ក្នុងពេលទាញបង្ហាញថា គ្រប់គម្រោងការអភិវឌ្ឍតែងតែមានតម្លៃត្រូវបង់ សម្តេចតេជោបានចង្អុលបង្ហាញហេតុផលថា កម្ពុជាត្រូវការថាមពលអគ្គិសនី ដើម្បីបង្កើនភាពប្រកួតប្រជែង បង្កើតការងារ និងអភិវឌ្ឍសេដ្ឋកិច្ច ទោះបីជាត្រូវបង់ថ្លៃជាការលិចលង់ព្រៃខ្លះក៏ដោយ។ សម្តេចតេជោ បានអំពាវនាវទៅកាន់ដៃគូអភិវឌ្ឃនានា ពិសេសប្រទេសចិន អោយជួយគាំទ្រខាងទុនបន្ថែមទៀត សម្រាប់គម្រោងប្រព័ន្ធបែងចែក និងបណ្តាញអគ្គិសនីជាតិ ព្រមជាមួយនឹងការផ្តល់អនុសាសន៍ អោយពង្រីកបណ្តាញបែងចែកថាមពល បណ្តាញជាតិ និងបន្ថយថ្លៃប្រើប្រាស់អគ្គិសនី សម្រាប់ អ្នកប្រើប្រាស់ពី ៥០ គីឡូវ៉ាត់ចុះក្រោម៕
...
Read Moreថ្ងៃទី១៨ ខែ ធ្នូ ឆ្នាំ ២០១៥ ក្នុងដំណើរទស្សនកិច្ចជាផ្លូវការទៅកាន់ប្រទេសថៃ នាយករដ្ឋមន្រ្តី ប្រាយុទ្ធ ច័ន្ទអូចា បានប្រកាសជំរាបសម្តេចតេជោ ហ៊ុន សែន ថា នឹងបញ្ជូនក្រុមគ្រូពេទ្យរបស់ថៃ មកព្យាបាលជំងឺជូនប្រជាពលរដ្ឋខ្មែរដោយឥតគិតថ្លៃ នាថ្ងៃខាងមុខ ព្រមទាំងមានការបង្កើតព្រឹត្តិការណ៍ នៃការប្រកួតបាល់ទាត់មិត្តភាពកម្ពុជា-ថៃ នៅទីក្រុងភ្នំពេញ និងបាងកក ព្រមទាំងរៀបចំសម្តែងសិល្បៈរបាំមិត្តភាពជាច្រើនទៀតផង ដើម្បីអបអរដល់ខួបអនុស្សាវរីយ៍ទំនាក់ទំនងរវាងប្រទេសទាំងពីរ។
តាម Facebook នាថ្ងៃទី១៨ ខែ ធ្នូ ឆ្នាំ ២០១៥ សម្តេចតេជោ ហ៊ុន សែន បានបញ្ជាក់ទាំងថា នាយករដ្ឋមន្រ្តីថៃ ប្រាយុទ្ធ ច័ន្ទអូចា បានរៀបចំពិធីលៀងសាយភោជន៍ជូនសម្តេចតេជោ ដោយមានការចូលរួមពីមន្រ្តីជាន់ខ្ពស់សំខាន់ៗ នៃប្រទេសទាំងពីរផង នៅវិមានរដ្ឋាភិបាលថៃ។ ប្រទេសទាំងពីរបានសន្យាពង្រឹងនូវចំណងមិត្តភាព និងសហប្រតិបត្តិការល្អ ដែលនាំមកនូវផលប្រយោជន៍ជាច្រើនសម្រាប់ប្រជាជាតិទាំងពីរ។ ប្រមុខដឹកនាំនៃប្រទេសទាំងពីរបានថ្វាយព្រះពរដល់ព្រះមហាក្សត្រ និងសម្តេចម៉ែ សម្តេចយាយសម្តេចយាយទួតនៃព្រះរាជាចក្រកម្ពុជា និង ថ្វាយព្រះពរដល់ព្រះមហាក្សត្រ នៃព្រះរាជា ណាចក្រថៃផងដែរ៕
...
Read Moreក្នុងកិច្ចប្រជុំផ្សព្វផ្សាយ «ការបញ្ជ្រាបទស្សនាទានសីលធម៌សាសនា ដើម្បីសុខដុមនីយកម្មនៅកម្ពុជា» សម្តេចតេជោ ហ៊ុន សែន បានចង្អុលបង្ហាញថា ទោះបីជាមានក្រុមសាសនាច្រើននៅក្នុងប្រទេស តែសុខដុមភាវូបនីយ៍កម្មសាសនា ត្រូវបានរក្សា។ ក្នុងពេលដែលបានអំពាវនាវឲ្យមានការបន្តសុខដុមភាវូបនីយកម្ម សម្តេចតេជោ សង្កត់ធ្ងន់ថា សាសនាត្រូវតែមានបេសកកម្មរួម ក្នុងការ ជម្រុញ និងអប់រំមនុស្សឲ្យធ្វើតែអំពើល្អ។
ក្នុងព្រឹត្តិការណ៍តែមួយនោះ សម្តេចតេជោបានចេញបញ្ជាឲ្យអាជ្ញាធរថ្នាក់ជាតិ/ក្រោមជាតិ កងកម្លាំងប្រដាប់អាវុធគ្រប់ប្រភេទ កម្លាំងសមត្ថកិច្ចទាំងអស់ បង្កើននូវការប្រុងប្រយ័ត្ន សហការគ្នា ទប់ស្កាត់ និងបង្ក្រាបក្រុមជនទុច្ចរិត បន្ទាប់ពីមានការកើតឡើងញឹកញាប់នូវអំពើប្លន់ប្រដាប់អាវុធ ក្នុងមួយសប្តាហ៍ចុងក្រោយនេះ។ សម្តេចតេជោ បានណែនាំរដ្ឋមន្ត្រីយុត្តិធម៌ឲ្យពិនិត្យ និងពិចារណាឲ្យបានច្បាស់លាស់ មុននឹងដោះលែងអ្នកទោសណាម្នាក់ ដោយសារថាអំពើប្លន់ថ្មីៗនេះ បង្កដោយក្រុមមុខសញ្ញាដែលទើបនឹងត្រូវបានដោះលែង។
ទាក់ទងនឹងករណីពុលសាច់ឆ្កែ និងពុលស្រា, ទោះបីថាជាការទទួលខុសត្រូវរបស់អង្គភាព កាំកុងត្រូល ក្នុងការត្រួតពិនិត្យ សម្តេចតេជោ បានសង្កត់ធ្ងន់ថា ជាការសំខាន់ដែលប្រជាពលរដ្ឋត្រូវមានការប្រុងប្រយ័ត្នខ្លួនឯង ក្នុងការទទួលទានអាហារ និងភេសជ្ជៈមួយចំនួន។ សម្តេចបញ្ជាក់ថា “អាហារនៅតាមផ្សារ ជាការត្រួតពិនិត្យដោយ កាំកុងត្រូល តែអាហារតាមលំនៅដ្ឋានមិនអាចត្រួតពិនិត្យបានទេ”៕
...
Read Moreក្នុងឱកាសអញ្ជើញជាអធិបតី នៃការប្រាព្ធទិវាជាតិប្រឆាំងការជួញដូរមនុស្ស សម្តេចតេជោ ហ៊ុន សែន បានព្រមានដាក់ទោសធ្ងន់ធ្ងរតាមច្បាប់ ដល់មន្ត្រីទាំងឡាយណា ដែលជាប់ពាក់ព័ន្ធក្នុងការជួញដូរមនុស្ស។ សម្តេចមានប្រសាសន៍ថា “ខ្ញុំសូមព្រមាន មន្ត្រីទាំងឡាយណា ដែលឃុបឃិតជាមួយឧក្រិដ្ឋជន ក្នុងការជួញដូរមនុស្ស ត្រូវតែឈប់ជាបន្ទាន់។ មន្ត្រីរដ្ឋាភិបាលណា ដែលត្រូវបានរកឃើញថាធ្វើ និងសហការជាមួយឧក្រិដ្ឋជនដើម្បីរកផលចំណេញ ទោះជាស្របច្បាប់ ឬមិនស្របច្បាប់ក្តី ពីការជួញដូរមនុស្ស នឹងត្រូវទទួលទោសដោយគ្មានការលើកលែង”។ ក្នុងពេលដែលសង្កត់ធ្ងន់ពីការប្តេជ្ញាចិត្ត និងការប្រឹងប្រែងដ៏ខ្លាំងក្លារបស់កម្ពុជា ក្នុងការប្រយុទ្ធប្រឆាំងការជួញដូរមនុស្ស និងការកេងប្រវ័ញ្ចតាមគ្រប់រូបភាព សម្តេចតេជោ នៅបានអំពាវនាវឲ្យវិស័យឯកជន សង្គមស៊ីវិលជាតិ និងអន្តរជាតិ ដៃគូ អភិវឌ្ឍ ភ្នាក់ងារសហប្រជាជាតិ និងជនរួមជាតិកម្ពុជា បន្តធ្វើការប្រឹងប្រែង និងចូលរួមក្នុងការប្រយុទ្ធ នឹងការជួញដូរអោយបានហ្មត់ចត់ និងមានប្រសិទ្ធិភាព ដើម្បីលុបបំបាត់ការជួញដូរមនុស្ស៕
...
Read Moreថ្ងៃ ១០ ធ្នូ ២០១៥ អញ្ជើញជាអធិបតីពិធីផ្សព្វផ្សាយលទ្ធផលសម្រេចនៃការធ្វើជំរឿនកសិកម្ម ឆ្នាំ ២០១៣ នៃព្រះរាជាណាចក្រកម្ពុជា សម្តេចតេជោ ហ៊ុន សែន បានជំរាបជាសាធារណថា ប្រទេសបានសម្រេចគោលដៅជម្រុញផលិតកម្មស្រូវ តែមិនទាន់បានសម្រេចគោលដៅនៃការនាំចេញនៅឡើយទេ។ សម្តេចតេជោ មានប្រសាសន៍ថា “យើងបានជោគជ័យក្នុងការជម្រុញផែនការផលិតកម្មស្រូវ ដោយបានប្រែក្លាយកម្ពុជាពីប្រទេសនាំចូលស្បៀង ទៅជាប្រទេសដែលមានអតិរេកស្រូវប្រមាណ ៥ លានតោន ឬត្រូវជា ៣ លានតោនអង្ករ។ យ៉ាងណាក្តី គោលដៅនៃការនាំចេញអង្ករអោយបានមួយលានតោននៅឆ្នាំ ២០១៥ មិនអាចសម្រេចបាននៅឡើយទេ ដោយសារតែ(កម្ពុជា)ទើបនឹងនាំចេញបានត្រឹមប្រមាណ ៥០០ ពាន់តោន ឬក៏ ៥០% នៃគោលដៅប៉ុណ្ណោះ”។ ពន្យល់ពីមូលហេតុនៃការមិនទាន់សម្រេចបាននេះ សម្តេចតេជោ លើកហេតុផលថា អ្នកវិនិយោគភាគច្រើនមើលរំលងសក្តានុពលកម្ពុជាក្នុងផ្នែកផលិតកម្មស្រូវ ពីព្រោះប្រទេសធ្លាប់តែនាំចូលស្បៀង ខ្វះការវិនិយោគក្នុងផ្នែកម៉ាស៊ីនកិនស្រូវ ឃ្លាំង និងពិសេសថវិកាដើម្បីទិញស្រូវពីកសិករ ជាដើម។ ប្រការដែលថាមានប្រទេសជាច្រើនទៀតក៏នាំចេញស្រូវដែរ ធ្វើអោយមានការប្រកួតប្រជែងខ្ពស់ ជាហេតុផលមួយទៀត។ យ៉ាងណាក្តី សម្តេចតេជោ បានគូសបញ្ជាក់ថា កម្ពុជាត្រូវតែបន្តនូវអ្វីដែលមានក្នុងដៃ លើកកំពស់សមត្ថភាព ព្រមទាំងជួយប្រជាកសិករកាត់បន្ថយចំណាយថ្លៃដើមផលិតកម្ម៕
...
Read Moreថ្ងៃ ៨ ធ្នូ ២០១៥ ទទួលជួបគណៈប្រតិភូប្រព័ន្ធអង្គការសហប្រជាជាតិប្រចាំនៅកម្ពុជា ដឹកនាំដោយលោកជំទាវ Claire Van der Vaeran តំណាង UNDP ប្រចាំកម្ពុជា សម្ដេចតេជោ ហ៊ុន សែន បានថ្លែងអំណរគុណចំពោះអង្គការសហប្រជាជាតិ ដែលបានចូលរួមចំណែក ក្នុងការអភិវឌ្ឍកម្ពុជារយៈពេលកន្លងមក ពិសេសនៅឆ្នាំ ២០១១ និង ២០១២ ដែលជួយអោយកម្ពុជាទទួលបានជោគជ័យក្នុងការសម្រេចគោលដៅសហវត្សរ៍របស់ខ្លួន។ សម្ដេចបញ្ជាក់ថា រាជរដ្ឋាភិបាលកម្ពុជាគាំទ្រសកម្មភាពមានគោលដៅដូចគ្នា នៃអង្គការសហប្រជាជាតិនៅក្នុងព្រះរាជាណាចក្រកម្ពុជា ហើយទាំងរាជរដ្ឋាភិបាល និងសហប្រជាជាតិ ត្រូវនាំគ្នាកែប្រែគោលដៅ ឲ្យទៅជាការងារជាក់ស្តែងប្រកបដោយប្រសិទ្ធិភាព។ សម្ដេចតេជោ បានស្នើឲ្យប្រព័ន្ធអង្គការសហប្រជាជាតិពិនិត្យ និងយកចិត្តទុកដាក់ទៅលើផលប៉ះពាល់នៃការផ្លាស់ប្ដូរអាកាសធាតុ ជាពិសេស ភាពធន់ទ្រាំនឹងកំដៅនៃដំណាំកសិកម្ម។
លោកជំទាវ Claire Van der Vaeren និងគណៈប្រតិភូ បានរាយការណ៍ជូនសម្ដេចតេជោនាយករដ្ឋមន្ត្រី អំពីសកម្មភាពរបស់ប្រព័ន្ធអង្គការសហប្រជាជាតិប្រចាំកម្ពុជា ជាពិសេសក្នុងផ្នែកអភិវឌ្ឍន៍ លើវិស័យសុខភាព អប់រំ យេនឌ័រ អភិបាលកិច្ចល្អ គាំពារសង្គម សិទ្ធិមនុស្ស យុវជន និងការឆ្លើយតបចំពោះគ្រោះមហន្តរាយ។ ប្រព័ន្ធអង្គការសហប្រជាជាតិ បានវាយតម្លៃខ្ពស់ និងគាំទ្ររាល់សកម្មភាពនៃរាជរដ្ឋាភិបាលកម្ពុជា ហើយប្តេជ្ញាធ្វើសកម្មភាពស្របតាមគោលនយោបាយ និងយុទ្ធសាស្ត្ររបស់រាជរដ្ឋាភិបាល ដើម្បីរួមចំណែកដល់ការអភិវឌ្ឍកម្ពុជា៕
...
Read Moreក្នុងទំព័រហ្វេសប៊ុក នាថ្ងៃទី ៧ ធ្នូ ២០១៥ សម្តេចតេជោបានលើកឡើងថា ឆ្នាំនេះ ដំណាំកសិកម្មនានា ពិសេសដំណាំស្រូវ ទាំងស្រូវវស្សា ទាំងស្រូវប្រាំងបាន និងកំពុងប្រឈមនឹងការខ្វះទឹក។ ក្នុងសភាពការណ៍បែបនេះ ជាមួយវិធានការដែលរាជរដ្ឋាភិបាលបានដាក់ចេញរួចមកហើយ សម្តេចតេជោ បានដាស់តឿនអោយយកចិត្តទុកដាក់ ក្នុងការអន្តរាគមន៍ជួយបូមទឹកសង្គ្រោះស្រូវប្រជាពលរដ្ឋ ដោយមិនត្រូវទុកអោយស្រូវខូចនៅតំបន់ដែលមានប្រភពទឹកនោះឡើយ។ជាមួយនោះ ប្រមុខរាជរដ្ឋាភិបាល បានណែនាំអោយកម្លាំងប្រដាប់អាវុធគ្រប់ប្រភេទ និងមន្ត្រីរាជការ ចាត់តាំងកម្លាំងចុះជួយច្រូតកាត់ប្រមូលផលសំរាប់គ្រួសារដែលខ្វះកម្លាំងពលកម្ម ដោយសារតែភាពចាស់ជរា ជាស្ត្រីមេម៉ាយ ជាជនពិការ និងគ្រួសារយុទ្ឋជនជាដើម ព្រមគ្នានឹងស្ថាប័នកសិកម្ម ត្រូវផ្ដល់ពូជដំណាំដល់ប្រជាកសិករ ដែលមិនអាចធ្វើស្រែប្រាំងបាន ដោយជំរុញអោយពួកគាត់ដាំដុះដំណាំរួមផ្សំវិញ។ ខណៈដែលបានដាស់តឿនអោយត្រៀមអន្តរាគមន៍កំចាត់សត្វបំផ្លាញដំណាំ និងទប់សា្កត់ជម្ងឺសត្វគ្រប់ប្រភេទ សម្តេចតេជោ នៅបានផ្តល់មតិអោយស្ថាប័នហិរញ្ញវត្ថុនិងធនាគារ ត្រូវធ្វើការជាមួយស្ថាប័នមីក្រូហិរញ្ញវត្ថុ រកវិធីអនុគ្រោះមួយចំនួនជូនប្រជាជនដែលរងគ្រោះ ដូចជាពន្យារពេលសង ឬពន្យារពេលសងដោយមិនយកការប្រាក់ ឬបន្ថយការប្រាក់ ទប់ស្កាត់ការឆ្លៀតឱកាសរឹបអូសដីធ្លី ផ្ទះសម្បែង ទ្រព្យសម្បត្តិ។ល។ ពីសំណាក់ម្ចាស់បំណុល ចំពោះកូនបំណុលដែលកំពុងជួបការលំបាកដោយសារគ្រោះធម្មជាតិ៕
...
Read Moreថ្ងៃ ៥ ធ្នូ ២០១៥ សម្តេចតេជោ បានឆ្លៀតយកពេលសម្រាកចុងសប្តាហ៍ ជំរាបប្រជាពលរដ្ឋកម្ពុជា និងអ្នកមើលទំព័រហ្វេសប៊ុកសម្តេចទាំងអស់ថា សម្តេចនឹងវិលទៅរកបញ្ហាទាក់ទង និងក្រុមគ្រួសារជាបន្តទៀត។ក្នុងពេលដែលខួបទី ៤០ នៃថ្ងៃរៀបការម្តង ១៣ គូ ក្រោមរបបប្រល័យពូជសាសន៍ប៉ុល ពត ក្នុងនោះមានគូសម្តេច និងលោកជំទាវកិត្តិព្រឹទ្ធបណ្ឌិតផង នឹងឈានមកដល់នៅថ្ងៃ ៥ មករា ឆ្នាំ២០១៦ (៥ មករា ១៩៧៦ – ៥ មករា ២០១៦) សម្តេចនឹងសរសេរលំអិតផ្សាយតាម Facebook នូវរឿងរ៉ាវដែលបានកើតឡើងសំរាប់យុវជន/យុវនារីពីររូប ដែលប្រឹងត្រដររស់ សំរាប់ខ្លួនឯងផង និងរួមចំណែកដើម្បីការរស់រានរបស់ប្រជាជនកម្ពុជាផង។សម្តេចតេជោ ចោទជាសំណួរថាតើអ្វីទៅដែលនាំអោយសម្តេច និងលោកជំទាវកិត្តិព្រឹទ្ធបណ្ឌិត អាចឆ្លងកាត់គ្រោះថ្នាក់ ដែលពុំគួរអោយជឿបាន និងមានជីវិតរហូតមកដល់សព្វថ្ងៃនេះ។ សម្តេចតេជោ ជំរាបថានឹងរៀបរាប់ពីជីវិតយុទ្ធជនម្នាក់ក្នុងភ្លើងសង្គ្រាម ពិសេសក្នុងរបបប្រល័យពូជសាសន៍ ដែលចាំបាច់ត្រូវតែតស៊ូផ្ដួលរំលំ ដោយយកជីវិតធ្វើដើមទុន និងពីជីវិតប្តីប្រពន្ធដែលបន្ទាប់ពីរៀបការហើយ មិនមានអ្វីដែលហៅថាសេចក្តីសុខ។ ការឈឺចាប់ពីការស្លាប់កូនទីមួយ ការដែលត្រូវកូនទីពីរហៅថា “ពូ” ជាច្រើនខែ ត្រូវបានសម្តេចតេជោ រំលឹកថា សុទ្ធតែរឿងរ៉ាវមិនមែនបានកើតតែលើ រូបសម្តេច និងភរិយាប៉ុណ្ណោះទេ តែជារឿងរ៉ាវដែលបានកើតឡើងសំរាប់ប្រជាជនទូទាំងប្រទេស ហើយ ទឹកភ្នែករាប់លានដំណក់ បាននាំមកនូវការរស់រានមានជីវិតសំរាប់ប្រជាជនទូទាំងប្រទេស ក៏ដូចជាសំរាប់ក្រុមគ្រួសារសម្តេចដែរ៕
...
Read Moreក្នុងពិធីបដិសណ្ឋារកិច្ច និងជួបពិភាក្សាទ្វេភាគី ជាមួយ ឯកឧត្តម Dmitry Medvedev នាយករដ្ឋមន្ត្រីនៃសហព័ន្ធរុស្ស៊ី សម្តេចតេជោ ហ៊ុន សែន រំលឹកពីការជួយជ្រោមជ្រែង ពីអតីតសហភាពសូវៀតលើគ្រប់វិស័យ ក្រោយពេលកម្ពុជាត្រូវបានរំដោះពីរបបប្រល័យពូជសាសន៍ ប៉ុល ពត ជាពិសេសវិស័យអប់រំដែលមានអតីតមន្ត្រីជាន់ខ្ពស់កម្ពុជាជាច្រើននាក់បានទទួលអាហារូបករណ៍ទៅសិក្សានៅទីនោះ។សម្តេចតេជោ សំណូមពរដល់នាយករដ្ឋមន្រ្តី Dmitry Medvedev ជំរុញវិនិយោគិនមកកម្ពុជា សម្រួលអោយផលិតផលកម្ពុជាហូរចូលទៅសហព័ន្ធរុស្ស៊ីកាន់តែច្រើនបន្ថែមទៀត និងសូមបន្ថែមអាហារូបករណ៍ដល់និស្សិតកម្ពុជា។ លោក Dmitry Medvedev បានឆ្លើយតបជាវិជ្ជមានចំពោះការស្នើសុំរបស់សម្តេចតេជោ ហ៊ុន សែន ពិសេសការនាំយកផលិតផលកសិកម្ម និងផ្តល់អាហារូបករណ៍ដល់និស្សិតកម្ពុជា។ សម្តេចតេជោ ហ៊ុន សែន និង ឯកឧត្តម Dmitry Medvedev នៅបានឯកភាពគ្នាក្នុងការបង្កើតក្រុមការងារដោះស្រាយបំណុលផងដែរ និងបានធ្វើជាសាក្សី ក្នុងពិធីចុះអនុស្សារណៈ ចំនួន ៦ ដែលគ្របដណ្តប់លើការផ្លាស់ប្តូរព័ត៌មានសម្អាតប្រាក់ និងហិរញ្ញប្បទានភេវកម្ម រហូតដល់លក្ខខណ្ឌប្រតិបត្តិរបស់ក្រុមការងារជាន់ខ្ពស់ កម្ពុជា-រុស្ស៊ី ស្តីពីគម្រោងវិនិយោគអាទិភាពរួម៕
...
Read Moreថ្ងៃទី ១៧ ខែវិច្ឆិកា ឆ្នាំ ២០១៥ អញ្ជើញជួបសំណេះសំណាល ផ្ដល់គ្រឿងឥស្សរិយយស និងប្រាក់រង្វាន់ដល់កីឡាការនី កែ ឡេង ម្ចាស់មេដាយមាសពិភពលោកផ្នែកកីឡាប៉េតង់នារី លើកទី ១៥ នៅព្រះរាជាណាចក្រថៃ និងគ្រូបង្វឹក សម្ដេចតេជោ ហ៊ុន សែន បានបញ្ជាក់ថា ហេតុផលនៃការពន្យារពេលអបអរជោគជ័យរបស់ លោកស្រី កែ ឡេង គឺដោយសារតែប្រទេសមានការរវល់រៀបចំពិធីបុណ្យជាតិតែប៉ុណ្ណោះ មិនមែនជាការរើសអើង ឬមូលហេតុនយោបាយ ដូចដែលបានលើកឡើងក្នុងហ្វេសប៊ុកនោះទេ។សម្ដេចតេជោ បានលើកឡើងថា មេដាយមាសផ្ទួន ដែលលោកស្រី កែ ឡេង ដណ្តើមបាន ទាំងកាលពីឆ្នាំ ២០១៣ និងឆ្នាំ ២០១៥ ជាកិត្តិយសសម្រាប់កម្ពុជា ហើយរាជរដ្ឋាភិបាល ក្នុងនាមព្រះមហាក្សត្រ និងប្រជាពលរដ្ឋកម្ពុជាទាំង ១៥ លាននាក់ បានបំពាក់គ្រឿងឥស្សរិយយសខ្ពស់បំផុត ជាតូប្បការ ដល់លោកស្រី។
ដើម្បីបន្តលើកទឹកចិត្តកីឡាករ ក៏ដូចជាជម្រុញវិស័យកីឡាឲ្យមានការរីកចំរើនលឿនថែមទៀត សម្ដេចតេជោ បានណែនាំក្រសួងមុខងារសាធារណៈ ក្រសួងអប់រំ យុវជន និង កីឡា និងគណៈកម្មាធិការជាតិអូឡាំពិកកម្ពុជា ពិភាក្សាគ្នារកការកំណត់រូបមន្ត សម្រាប់ការដំឡើងឋាន: និងឋានន្តរសក្ដិជូនដល់មន្រ្តីរាជការ កងប្រដាប់អាវុធ ជាកីឡាករ ឬកីឡាការនី ដែលដណ្តើមបានមេដាយមាសក្នុងការប្រកួតកម្រិតអាស៊ី និងពិភពលោក។
ដោយឡែក សម្រាប់ពិធីបុណ្យអុំទូក នៅពេលខាងមុខនេះ សម្តេចបានអំពាវនាវឲ្យប្រជាពលរដ្ឋអញ្ជើញចូលមកកំសាន្តពិធីបុណ្យនៅរាជធានីភ្នំពេញ និងអនុញ្ញាតឲ្យមានការអុំទូកទៅតាមការចូលចិត្តនៅតាមខេត្ត តែបានដាស់តឿនពីកំពស់ទាបនៃទឹកក្នុងទន្លេ និងសុខភាពនៃអ្នកអុំ៕
...
Read Moreអញ្ជើញជាអធិបតីនៅក្នុងកិច្ចប្រជុំពេញអង្គគណរដ្ឋមន្រ្តី នៅព្រឹកថ្ងៃទី ១៣ ខែ វិច្ឆិកា ឆ្នាំ ២០១៥ សម្តេច តេជោ ហ៊ុន សែន បានជូនដំណឹង អំពីការចេញសារាចរណែនាំប្រជាពលរដ្ឋ ឲ្យឈប់ធ្វើការជួលដី (ស្រែ/ចម្ការ) ទៅឲ្យបរទេស(វៀតណាម/ថៃ/ឡាវ)តទៅទៀត ដើម្បីចៀសវាងបញ្ហាដីខ្មែរ ស្រែវៀតណាម ស្រែថៃ ឬស្រែឡាវ ជាដើម។សម្តេចតេជោ បញ្ជាក់ថា រាជរដ្ឋាភិបាលកំពុងរកវិធានការដោះស្រាយតាមស្ថានភាពជាក់ស្តែង ដូចជាសាងសង់ផ្ទះសម្រាប់ឲ្យកងទ័ពការពារព្រំដែន និងសហការជាមួយរដ្ឋាភិបាលប្រទេសទាំងនោះ ឲ្យធ្វើការហាមឃាត់ប្រជាពលរដ្ឋរបស់ខ្លួន ឈប់មកជួលដីតាមព្រំដែនកម្ពុជា ក៏ដូច ជាសន្យាថានឹងធ្វើការសហការគ្នា ពង្រឹងសេដ្ឋកិច្ច លើកស្ទួយជីវភាពប្រជាពលរដ្ឋតាមព្រំដែនឲ្យកាន់តែប្រសើរ។
...
Read Moreនៅថ្ងៃទី ៧ ខែវិច្ឆិកា ឆ្នាំ ២០១៥ សម្តេចតេជោ ហ៊ុន សែន បានបង្ហោះសារនៅលើគេហទំព័រហ្វេសប៊ុកថា ប្រជាពលរដ្ឋ និងយុវជន អាចទំនាក់ទំនងជាមួយសម្តេចផ្ទាល់ តាមរយៈការផ្ញើជាព័ត៌មាន រូបភាព សម្លេង និងរបាយការណ៍មកកាន់ប្រអប់សំបុត្រ (Inbox) និងតាមសារឆ្លើយឆ្លងភ្លាមៗ (Messenger)។ សម្តេចតេជោនឹងបន្តដោះស្រាយជូននូវរឿងអយុត្តិធម៌ ដែលបង្កឡើងដោយមន្រ្តីខិលខូចមួយចំនួន។ បន្ថែមពីលើនោះ សម្តេចក៏បានណែនាំទៅដល់មន្ត្រីដឹកនាំតាមភូមិ ឃុំ ស្រុក ខេត្ត ឲ្យបម្រើប្រជាពលរដ្ឋឲ្យបានល្អ បើមិនដូច្នោះទេ នឹងពុំមានឱកាសបានបម្រើប្រជាពលរដ្ឋទៀតទេ នៅអាណត្តិក្រោយ។
...
Read More
