[…] កម្ពុជាផ្តល់សារៈសំខាន់ ចំពោះទំនាក់ទំនងដ៏ជិតស្និទ្ធ និងកិច្ចសហប្រតិបត្តិការគ្រប់ជ្រុងជ្រោយរបស់ប្រទេសយើងទាំងពីរដែលបាននិងកំពុងរីកចម្រើនលើគ្រប់វិស័យ និងគ្រប់កម្រិត ដោយឈរលើស្មារតី «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង» […] […] យើងនៅតែចងចាំជានិច្ចនូវការជួយគាំទ្រគ្នាទៅវិញទៅមក ក្នុងអតីតកាល គឺក្នុងគ្រាដែលប្រជាជនកម្ពុជាបានលះបង់និងគាំទ្រវៀតណាមក្នុងការតស៊ូដើម្បីបុព្វហេតុនៃការបង្រួបបង្រួមទឹកដីនិងឯករាជ្យរបស់វៀតណាមនិងការលះបង់របស់កងទ័ពស្ម័គ្រចិត្ត និងប្រជាជនវៀតណាម ក្នុងការផ្តួលរំលំនិងជួយរំដោះប្រជាជនកម្ពុជា ចេញពីរបបប្រល័យពូជសាសន៍ ជួយទប់ស្កាត់ការវិលត្រឡប់នៃរបបប្រល័យពូជសាសន៍ និងជួយកម្ពុជាកសាងប្រទេសឡើងវិញ […] […] ទំហំពាណិជ្ជកម្មទ្វេភាគីមានការកើនឡើងគួរឱ្យកត់សម្គាល់។ នៅឆ្នាំ ២០២៤ វៀតណាម គឺជាដៃគូពាណិជ្ជកម្មលំដាប់ទី ៣ របស់កម្ពុជាដែលមានទំហំពាណិជ្ជកម្មទ្វេភាគីជាង ១០ ពាន់លានដុល្លារអាមេរិកនិងមានការកើនឡើងជាង ១៨% ធៀបនឹងឆ្នាំ ២០២៣។ ស្របតាមនិន្នាការកំណើនជាលំដាប់នេះ ប្រទេសទាំងពីរ ក៏បានប្តេជ្ញាជំរុញកិច្ចសហប្រតិបត្តិការ ដើម្បីសម្រេចឱ្យបានគោលដៅ ២០ ពាន់លានដុល្លារអាមេរិក នាពេលខាងមុខ […]

[…] កាសែតថៃចុះផ្សាយមុននេះបន្តិចថា លោកនាយករដ្ឋមន្ត្រីស្តីទីថៃបាននិយាយថា លោក ហ៊ុន សែន និង ហ៊ុន ម៉ាណែត និងត្រូវចាប់ខ្លួនភ្លាមប្រសិនបើរកឃើញក្នុងប្រទេសថៃ[…][…] ប្រសិនបើការចុះផ្សាយរបស់កាសែតជាសំដីពិតរបស់នាយករដ្ឋមន្ត្រីស្តីទី ជិតផុតអាណត្តិបង្ហាញឲ្យឃើញថា គាត់ គឺជាមនុស្សព្រៃមិនស្គាល់អ្វីទៅជាច្បាប់ទម្លាប់ហើយមិនទាំងចេះការទូតទៀតផង[…] […] បើថៃអាចចាប់មេដឹកនាំកម្ពុជាបាន កម្ពុជាក៏អាចចាប់មេដឹកនាំថៃមួយចំនួនដែលបានឈ្លានពាន និងសម្លាប់ប្រជាជនកម្ពុជាបានដូចគ្នាដែរ[…][…] ច្បាប់ទម្លាប់ត្រូវបានបំផ្លាញដោយពួកឈ្លានពាន។ តើនេះជាគោលបំណងដើម្បីបង្កើតជំនឿទុកចិត្ត និងឈានទៅរកទំនាក់ទំនងល្អឬបំផ្លាញដើម្បីបង្កើតជម្លោះឡើងវិញក្រោយកិច្ចព្រមព្រៀងឈប់បាញ់?[…]

[…] កម្ពុជាក៏ត្រូវការមេដឹកនាំថៃរូបណាដែលមានអំណាចខ្លាំង ដើម្បីចរចារកសន្តិភាពបាន។ ឯថៃក៏ត្រូវការមេដឹកនាំកម្ពុជាណាដែលមានអំណាចខ្លាំង ដែលពេលនេះគឺមានតែ ហ៊ុន សែន និង ហ៊ុន ម៉ាណែត ប៉ុណ្ណោះដើម្បីចរចាដែល ហ៊ុន ម៉ាណែត ចេញមុខចរចាដោយផ្ទាល់ […] […] យោងលើហេតុផលនេះគឺ គ្មានមូលហេតុណាមួយដែលមេដឹកនាំថៃ មានគម្រោងសម្លាប់ ហ៊ុន សែន និង ហ៊ុន ម៉ាណែត នោះឡើយ។ ប្រសិនបើ ហ៊ុន សែន ឬ ហ៊ុន ម៉ាណែត ស្លាប់ដោយស្នាដៃមេដឹកនាំថៃមែនវាច្បាស់ជានឹងកើតមាន ហ៊ុន សែន ឬ ហ៊ុន ម៉ាណែត រាប់ម៉ឺនរាប់សែនរាប់លាននាក់ នៅលើទឹកដីកម្ពុជាភ្លាម ដែលវានឹងក្លាយជាសត្រូវសួរពូជពិបាករំលត់ […]

វិមានព្រឹទ្ធសភា, ០៩ កញ្ញា ២០២៥៖ ទទួលជួបលោកសាស្ត្រាចារ្យបណ្ឌិត Sir Konstantin (Kostya) S. Novoselov FRS អ្នកទទួលពានរង្វាន់ ណូបែលរូបវិទ្យា, សម្ដេចតេជោ ហ៊ុន សែន ប្រមុខរដ្ឋស្ដីទីលើកឡើងថា គម្រោងរបស់លោកសាស្ត្រាចារ្យ នឹងធ្វើអោយយុវជនកម្ពុជាដែលមានសមត្ថភាពផ្នែកវិទ្យាសាស្ត្រ និងបច្ចេកវិទ្យា បន្តខិតខំប្រឹងប្រែង អភិវឌ្ឍខ្លួនបន្ថែមកាន់តែស៊ីជម្រៅ និងបានជាក្ដីសង្ឃឹមអំពីភាពរីកចម្រើនមួយថែមទៀត។

វិមានព្រឹទ្ធសភា, ០៥ កញ្ញា ២០២៥៖ សម្ដេចតេជោ ហ៊ុន សែន ប្រមុខរដ្ឋស្ដីទី បានប្រាប់លោកជំទាវ Bridgette L. Walker ភារធារីស្តីទីនៃស្ថានឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាថា "បទឈប់បាញ់ដែលមានការរួមចំណែកពីឯកឧត្តម ដូណាល់ ត្រាំម៍ បានជួយដល់ប្រទេសទាំងសងខាង កុំឱ្យមានទាហាននិងប្រ ជាពលរដ្ឋស្លាប់ដោយការផ្ទុះអាវុធបន្តទៀត"។ សម្តេចតេជោ បន្តថា "យ៉ាងណាក្តី ចុងក្រោយនេះ ថៃបានបន្តដាក់បន្លាលួសជាបន្តបន្ទាប់ ដែលសហរដ្ឋអាមេរិកត្រូវតាមដានបញ្ហានេះ ដើម្បីធានាឲ្យបានការគោរពបទឈប់បាញ់ឲ្យបានពេញលេញ"។

វិមានព្រឹទ្ធសភា, ០៤ កញ្ញា ២០២៥៖ ក្នុងឱកាសទទួលសារតាំង ឯកឧត្តម Daouda Bitie ឯកអគ្គរដ្ឋទូតសាធារណរដ្ឋប្រជាមានិតបួគីណាហ្វាសូ ប្រចាំកម្ពុជា, សម្ដេចតេជោ ហ៊ុន សែន ប្រមុខរដ្ឋស្ដីទី ចែករំលែក ពីបទពិសោធដឹកនាំប្រទេសក្រីក្រ ដែលត្រូវប្រយ័ត្នអំពីជំនួយបរទេសដែលជំនួយខ្លះនឹងជះផលអវិជ្ជមាន ក្នុងនោះ ចំពោះបរិបទកម្ពុជាកន្លងមក ថ្វីបើការវិនិយោគពីបរទេសសំខាន់ ប៉ុន្តែរឿងដែលសំខាន់បំផុតគឺ ការវិនិយោគនៅក្នុងស្រុក។

វៀតណាម, ០២ កញ្ញា ២០២៥៖ ទទួលជួបឯកឧត្ដម Pham Minh Chinh នាយករដ្ឋមន្ត្រីវៀតណាម, សម្ដេចតេជោ ហ៊ុន សែន ប្រធានព្រឹទ្ធសភា ពេញចិត្តនឹងការរីកចម្រើនផ្នែកពាណិជ្ជកម្មនិងការវិនិយោគរវាងប្រទេសទាំងពីរ ដែលជាផ្នែកនៃការបំពេញឲ្យគ្នាទៅវិញទៅមក ជាពិសេសកំណើនទេសចររបស់វៀតណាមនៅកម្ពុជា ស្ថិតក្នុងលំដាប់លេខ ១ ហើយទេសចរកម្ពុជា ក៏ទៅទស្សនាវៀតណាមច្រើនដែរ។

វៀតណាម, ០២ កញ្ញា ២០២៥៖ ទទួលជួប ឯកឧត្តម ជិន ថាញ់មិន ប្រធានរដ្ឋសភានៃសាធារណរដ្ឋសង្គមនិយមវៀតណាម, សម្ដេចតេជោ ហ៊ុន សែន ប្រធានព្រឹទ្ធសភា បានរំលេចអំពីភាពរីកចម្រើននៅក្នុងវិស័យពាណិជ្ជកម្ម រវាងប្រទេសទាំងពីរដែលសម្រេចបានគោលដៅ ១០ពាន់លានដុល្លារក្នុងមួយឆ្នាំ នឹងកំពុងជំរុញសម្រេចគោលដៅឲ្យបាន២០ពាន់លានដុល្លារ ក្នុងពេលខាងមុខ។

វៀតណាម, ០១ កញ្ញា ២០២៥៖ សម្ដេចតេជោ ហ៊ុន សែន ប្រធានព្រឹទ្ធសភា ថ្លែងទៅកាន់ ឯកឧត្តម To Lam អគ្គលេខាធិការគណបក្សកុម្មុយនីស្តវៀតណាមថា ក្របខ័ណ្ឌបក្សរវាងប្រទេសទាំងពីរ ជាផ្នែកមួយដ៏សំខាន់ ក្នុងការពង្រីកទំនាក់ទំនង លើវិស័យ សេដ្ឋកិច្ច យោធា ពាណិជ្ជកម្ម ដែលធ្វើអោយមានភាពរីកចម្រើននាពេលបច្ចុប្បន្ននេះ។

វិមានព្រឹទ្ធសភា, ២៨ សីហា ២០២៥៖ ទទួលជួបឯកឧត្តម Marcos dos Reis da Costa ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រឡេស្តេថ្មីប្រចាំកម្ពុជា សម្ដេចតេជោ ហ៊ុន សែន ប្រមុខរដ្ឋស្ដីទីបានសង្កត់ធ្ងន់ ថា ប្រទេសទាំងពីរត្រូវខិតខំបន្តជំរុញទំនាក់ទំនងទ្វេភាគី ពិសេសកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគទៅវិញទៅមក ដើម្បីធ្វើឱ្យទំនាក់ទំនងកាន់តែស៊ីជម្រៅ។

២៣ សីហា ២០២៥, សម្ដេចតេជោ ហ៊ុន សែនប្រធានព្រឹទ្ធសភា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញថ្វាយព្រះរាជដំណើរព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ព្រះមហាក្សត្រី នរោត្តម មុនិនាថ សីហនុ យាងទៅទីក្រុងប៉េកាំងប្រទេសចិន។

វិមានព្រឹទ្ធសភា, ២២ កក្កដា ២០២៥៖ ទទួលជួបលោក YOSHIHISA Kainuma ប្រធាននិងជានាយកប្រតិបត្តិក្រុមហ៊ុន MinebeaMitsumi Inc, សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ពីគោលការណ៍ដែលថាក្រុមហ៊ុនណាមកមុន មិនថាតូច ឬធំនោះទេ នឹងទទួលបានការស្វាគមន៍មុន។ បន្ថែមលើនោះប្រការដែលកម្រមានការទាត់ចោល ឬលុបចោលក្រុមហ៊ុនដែលបានចូលមកដំណើរការនៅកម្ពុជា បានបង្កទំនុកចិត្តដល់វិនិយោគិនចំពោះបរិយាកាសវិនិយោគនៅកម្ពុជា។