[…] កម្ពុជាពុំមានជនជនជាតិរុស្ស៊ី ឬជនជាតិបរទេសផ្សេងទៀតចូលរួមការប្រយុទ្ធលើសមរភូមិ ឬធ្វើជាទីប្រឹក្សាយោធាសម្រាប់កងទ័ពកម្ពុជានោះឡើយ។ យើងមិនមានយោធាបរទេសលើទឹកដីកម្ពុជា តាំងពីអ៊ុនតាក់ ដកចេញពីកម្ពុជា នាឆ្នាំ១៩៩៣ មកម្លេះ […] […] យើងធ្លាប់មានយោធាបរទេសចូលមកដើម្បីធ្វើសមយុទ្ធចម្រុះជាតិសាសន៍ ឬទ្វេភាគី នៅលើទឹកដីកម្ពុជា ពិសេសកងទ័ពជើងទឹកបរទេស តាមច្រកសមុទ្រខេត្តព្រះសីហនុ។ នេះជាទម្លាប់ធម្មតាដែលប្រទេសផ្សេងទៀតធ្លាប់បានធ្វើដូចគ្នា ក្នុងក្របខ័ណ្ឌនៃកិច្ចសហការក្នុងវិស័យការពារជាតិ […] […] ពេលនេះ មានជនជាតិបរទេសជាច្រើនជាតិសាសន៍កំពុងស្នាក់នៅកម្ពជា ជាទេសចរណ៍ វិនិយោគិន អ្នកបច្ចេកទេស អ្នកធ្វើការឲ្យក្រុមហ៊ុនបរទេស ឬក្នុងស្រុក។ល។ តែអ្នកទាំងនោះមិនពាក់ពន្ធ័ជាមួយវិស័យយោធាឬការប្រយុទ្ធនោះឡើយ […]

[…] ការផ្អាកការធ្វើដំណើរ គឺគួរធ្វើតែតាមផ្លូវគោក ព្រោះការប្រយុទ្ធនិងការឈ្លានពានមានទូទាំងព្រំដែនគោកទៅហើយ បន្ថែមដោយផ្នែកមួយនៃតំបន់សមុទ្រ។ ការធ្វើដំណើរតាមផ្លូវអាកាសនៅតែអាចធ្វើដំណើរបានធម្មតា ព្រោះគ្មានការប្រយុទ្ធនៅព្រលានយន្តហោះទេ ... បងប្អូនប្រជាជនថៃ ដែលកំពុងរស់នៅកម្ពុជា អាចចាកចេញពីកម្ពុជាតាមផ្លូវអាកាសនៅភ្នំពេញ ឬនៅសៀមរាប។ ប្រជាជនថៃដែលកំពុងធ្វើការនៅជិតព្រំដែនវៀតណាម អាចចេញទៅតាមវៀតណាម ហើយរកវិធីធ្វើដំណើរទៅកាន់ប្រទេសថៃវិញ […]

[…] ឯប្រជាជនកម្ពុជាប្រសិនចង់មកកម្ពុជា ក៏ត្រូវធ្វើដំណើរត្រឡប់មកកម្ពុជាវិញ តាមផ្លូវអាកាសនៅទីកន្លែងដែលមានជើងហោះហើរមកកម្ពុជា […] សូមបញ្ជាក់សារជាថ្មីថាយើងមិនបានហាមឃាត់ការធ្វើដំណើររបស់ប្រជាជនកម្ពុជា ឬប្រជាជនថៃនោះឡើយ អ្វីដែលយើងសូមឱ្យផ្អាកគឺការធ្វើដំណើរតាមផ្លូវគោក ដែលជាចំណុចគ្រោះថ្នាក់ដល់ជីវិតប្រជាជន […]

[…] ខ្ញុំសូមជូនយោបល់ទៅកាន់នាយករដ្ឋមន្ត្រី និងរាជរដ្ឋាភិបាលពិចារណាលើការផ្អាករាល់ការធ្វើដំណើររបស់ប្រជាជនកម្ពុជា និងប្រជាជនថៃឆ្លងកាត់ព្រំដែន។ ពលរដ្ឋកម្ពុជាដែលកំពុងស្ថិតក្នុងប្រទេសថៃត្រូវបន្តរស់នៅនិងធ្វើការនៅក្នុងប្រទេសថៃ ឯពលរដ្ឋថៃដែលកំពុងរស់នៅនិងធ្វើការនៅកម្ពុជាត្រូវបន្តស្ថិតនៅកម្ពុជារហូតបទឈប់បាញ់ត្រូវបានអនុវត្តពេញលេញ […] […] វិធានការនេះ គឺដើម្បីធានាសុវត្ថិភាពប្រជាជនកម្ពុជា និងប្រជាជនថៃកុំឲ្យមានគ្រោះថ្នាក់ពេលធ្វើដំណើរពិសេសពេលធ្វើដំណើរឆ្លងកាត់ព្រំដែន។ សូមប្រជាជនកម្ពុជាដែលកំពុងរស់នៅប្រទេសថៃ និងប្រជាជនថៃមេត្តាយោគយល់។ សូមរាជរដ្ឋាភិបាលកម្ពុជាជួយការពារសុវត្ថិភាពប្រជាជនថៃដែលកំពុងរស់នៅកម្ពុជាកុំឲ្យពួកគេរងគ្រោះដោយសារគ្រាប់កាំភ្លើងឬគ្រាប់បែកឬផ្សែងពុលរបស់ថៃ […]

វិមានព្រឹទ្ធសភា, ០២ ធ្នូ ២០២៥៖ ជំនួបជាមួយលោកជំទាវ Marketa Kolc Hajkova ឯកអគ្គរដ្ឋទូតនៃសាធារណរដ្ឋឆែក ប្រចាំនៅកម្ពុជា, សម្ដេចតេជោ ហ៊ុន សែន ប្រមុខរដ្ឋស្ដីទី លើកឡើងថា សក្ដានុពលរវាងប្រទេសទាំងពីរ គឺនៅមានចន្លោះជាច្រើនដែលអាចធ្វើជាមួយគ្នាឱ្យសមស្រប ទៅនឹងទំនាក់ទំនងការទូត និងនយោបាយរវាងប្រទេសទាំងពីរឱ្យមានភាពល្អប្រសើរ។

វិមានព្រឹទ្ធសភា, ០២ ធ្នូ ២០២៥៖ ទទួលជួបឯកឧត្តម Christian DesRoches ឯកអគ្គរដ្ឋទូត កាណាដា, សម្ដេចតេជោ ហ៊ុន សែន ប្រមុខរដ្ឋស្ដីទី រីករាយចំពោះការវិលត្រឡប់របស់កាណាដាសាជាថ្មីក្នុងការដាក់និវេសនដ្ឋានស្ថានទូតប្រចាំព្រះរាជាណាចក្រកម្ពុជា បន្ថែមលើនោះគឺការកើនឡើងនូវទំនាក់ទំនងពាណិជ្ជកម្មរវវាងប្រទេសទាំងពីរ ក្នុងពេលកន្លងទៅនេះដល់ជាង១ពាន់លានដុល្លារ។

វិមានព្រឹទ្ធសភា, ២៨ វិច្ឆិកា ២០២៥៖ ទទួលជួបឯកឧត្តម Bui Thanh Son ឧបនាយករដ្ឋមន្ត្រីនៃសាធារណរដ្ឋសង្គមនិយមវៀតណាម, សម្ដេចតេជោ ហ៊ុន សែន ប្រធានព្រឹទ្ធសភា ពេញចិត្តចំពោះពាណិជ្ជកម្មរវាងប្រទេសទាំងពីរដែលមានការកើនឡើងជាបន្តបន្ទាប់ ហើយសង្ឃឹមថានឹងសំរេចគោលដៅ ២០ពាន់លានដុល្លារដែលចង់បាននៅពេលខាងមុខ។

វិមានព្រឹទ្ធសភា,១៩ វិច្ឆិកា ២០២៥៖ ទទួលជួបឯកឧត្តម Wehelm Maximilian Donko ឯកអគ្គរដ្ឋទូតនៃសាធារណរដ្ឋអូទ្រីសជម្រាបលា, សម្ដេចតេជោ ហ៊ុន សែន ប្រធានព្រឹទ្ធសភា ថ្លែងអំណរគុណអូទ្រីសដែលបានចូលរួមចំណែកជួយក្នុងវិស័យដោះមីន និងអង្គជំនុំជម្រះវិសាមញ្ញក្នុងតុលាការកម្ពុជា បន្ថែមលើនោះចង់ឃើញការពង្រីកទំហំពាណិជ្ជកម្ម សេដ្ឋកិច្ច ការវិនិយោគ ឱ្យមានការរីកចម្រើនទៅជាមួយគ្នា។

មាន៧មករា, ១០ វិច្ឆិកា ២០២៥៖ ទទួលជួបឯកឧត្តម TAKAHASHI Fumiaki ប្រធានសមាគមជប៉ុន-កម្ពុជា, សម្ដេចតេជោ ហ៊ុន សែន ប្រធានព្រឹទ្ធសភា ពេញចិត្តចំពោះវឌ្ឍនភាពរបស់សមាគម ដែលបានខិតខំប្រឹងប្រែង ក្នុងការជំរុញ ទាក់ទងទៅនឹងការបណ្តុះបណ្តាលជំនាញវិជ្ជាជីវៈដល់ប្រជាជនកម្ពុជា ជាពិសេសយុវជន ដែលនេះជាតម្រូវការទាំងក្នុងបរិបទប្រទេសកម្ពុជានិងប្រទេសជប៉ុន ហើយក៏ជាចំណែកក្នុងការជំរុញផ្នែកសេដ្ឋកិច្ចដ៏សំខាន់ ។

សម្ដេចតេជោ ហ៊ុន សែន ប្រធានព្រឹទ្ធសភា អញ្ជើញដង្ហែព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា សម្តេចយាងជាព្រះរាជាធិបតីភាពដ៏ខ្ពង់ខ្ពស់បំផុត ក្នុងខួបអនុស្សាវរីយ៍៧២ឆ្នាំ នៃទិវាបុណ្យឯករាជ្យជាតិ៩ វិច្ឆិកា​​ នៅវិមានឯករាជ្យ រាជធានីភ្នំពេញ។

វិមានព្រឹទ្ធសភា,៣១ តុលា ២០២៥៖ ទទួលជួបលោក Tan Sri Michael Yeoh ប្រធានវិទ្យាស្ថានយុទ្ធសាស្ត្រ KSI ប្រចាំតំបន់អាស៊ីប៉ាស៊ីហ្វិក, សម្ដេចតេជោ ហ៊ុន សែន ប្រធានព្រឹទ្ធសភា បានបញ្ជាក់ថានៅទីក្រុងភ្នំពេញបច្ចុប្បន្ន កំពុងតែចាប់អារម្មណ៍ប្រើប្រាស់រថយន្តអគ្គិសនី ដែលនេះជាផ្នែកមួយក្នុងការគាំពារ កាត់បន្ថយឧស្ម័នពុល និងរួមចំណែកជំរុញឱ្យមានភាពល្អប្រសើរដល់បរិស្ថាន និងកាត់បន្ថយបម្រែបម្រួលអាកាសធាតុ។

២៧ តុលា ២០២៥៖ សម្តេចតេជោ ហ៊ុន សែន ប្រធានព្រឹទ្ធសភា អញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី(១) ពិនិត្យ និងសម្រេចលើសំណើរបស់គណៈកម្មការពិសេសលើសេចក្តីស្នើច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា។(២) ផ្សេងៗ។

វិមាន៧មករា, ២០ តុលា ២០២៥៖ សំណេះសំណាលជាមួយ ក្រុមការងារគណបក្សប្រជាជនកម្ពុជាប្រចាំរដ្ឋអូរីហ្គិន ដឹកនាំដោយលោក សេង សំអុន, សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បង្ហាញអំពីស្ថានភាពនយោបាយមួយចំនួនដល់សកម្មជនរបស់គណបក្ស ជាពិសេសសម្រាប់បងប្អូននៅក្រៅប្រទេសបានឈ្វេងយល់ ពីស្ថានភាពពិត និងបានដឹង បានឃើញពីការអភិវឌ្ឍរីកចម្រើនរបស់ប្រទេសកម្ពុជានាពេលបច្ចុប្បន្ននេះ។