• មិនមែនដើម្បីស្វែងរកផ្លូវរស់តែខ្លួនឯងនោះទេ tEដើម្បីជួយសង្គ្រោះជីវិតរបស់ជាតិទាំងមូល … ខ្ញុំមានជម្រើស៤ ... ទី១ គឺប្រើកងទ័ពដែលនៅក្រោមបញ្ជាជាង ២ពាន់នាក់វាយកាន់កាប់តំបន់មួយចំនួន ... តែកងទ័ព ២ពាន់នាក់ ជល់នឹងកងទ័ពជាង ១៨ម៉ឺននាក់របស់ ប៉ុល ពត ... យើងនឹងធ្លាក់ទៅក្នុងថ្លុកឈាម ... ទី២ ដកខ្លួនចេញទៅកាន់ប្រទេសវៀតណាម ដើម្បីរកជំនួយក្នុងការរំដោះប្រទេស ... ទី៣ មិនធ្វើអ្វីទាំងអស់ ទុកឲ្យឲ្យពួកខ្មែរក្រហមចាប់យកទៅសម្លាប់ និងទី៤ ធ្វើអត្តឃាតខ្លួនឯង។ នេះគឺជាជម្រើសចុងក្រោយ ... • ដំណើរការស្វែងរកសន្តិភាព ការកែទម្រង់នយោបាយ និង សេដ្ឋកិច្ចកម្ពុជា ក្រោយពេលរំដោះប្រទេសពីខ្មែរក្រហម គឺជាពេលវេលាគ្រោះថ្នាក់បំផុតសម្រាប់ខ្លួនខ្ញុំ ... ទី១ ផ្ទៃក្នុងខ្លួនឯងអត់ទាន់យល់។ បើនិយាយពីកំណែទម្រង់នយោបាយ យើងត្រូវស្វែងរកដំណោះស្រាយនយោបាយ តាមរយៈការចរចា និងមិនយកសង្រ្គាមបញ្ចប់សង្រ្គាមទេ។ តើប៉ុន្មាននាក់យល់ស្រប? ... ទី២ ពេលធ្វើកំណែទម្រង់នយោបាយនិងសេដ្ឋកិច្ច វៀតណាមដែលមិនទាន់មានការកំណែទម្រង់សេដ្ឋកិច្ចនៅឡើយ មានវត្តមាននៅកម្ពុជារហូតប្រមាណជិត ១ សែននាក់ ... ឯទី៣ កម្ពុជាទទួលជំនួយតែពីសហភាពសូវៀត និងក្រុមប្រទេស COMECON ... ដែលពេលនោះ សហភាពសូវៀតមិនទាន់មាន Perestroika និង Glasnost របស់ Gorbachev នៅឡើយទេ ...។

វិមានព្រឹទ្ធសភា, ១៤ ឧសភា ២០២៥៖ ទទួលជួបលោក Akira DODATE នាយកប្រតិបត្តិសាជីវកម្មទេសចរជប៉ុន, សម្ដេចតេជោ ហ៊ុន សែន ប្រធានព្រឹទ្ធសភា បានផ្តល់អនុសាសន៍ឱ្យក្រុមហ៊ុនជប៉ុនចាប់អារម្មណ៍វិនិយោគក្នុងវិស័យកសិឧស្សាហកម្ម កែច្នៃវត្ថុធាតុដើមនៅក្នុងប្រទេសសម្រាប់នាំចេញ ដែលអាចអនុញ្ញាតឱ្យកម្ពុជាពង្រីកការនាំចេញផលិតផល និងទាញយកផលចំណេញបានច្រើនជួយដល់សេដ្ឋកិច្ចជាតិ។

ទីក្រុងឌីលី, ០៨ ឧសភា ២០២៥៖ ក្នុងជំនួបជាមួយឯកឧត្តម José Ramos-Horta ប្រធានាធិបតីនៃសាធារណរដ្ឋប្រជាធិបតេយ្យទីម័រឡេស្តេ, សម្ដេចតេជោ ហ៊ុន សែន ប្រធានព្រឹទ្ធសភា បានសំដែងក្តីសង្ឃឹមថា ប្រទេសទាំងពីរនឹងរួមគ្នាពង្រីកទំនាក់ទំនងការទូតទ្វេភាគី ដែលបានបង្កើតជាផ្លូវការនឹងគ្នាអស់រយៈពេលជាង ២៣ឆ្នាំមកហើយនេះ។

Jakarta, ០៥ ឧសភា ២០២៥៖ ក្នុងឱកាសជំនួបជាមួយ ឯកឧត្តម Prabowo Subianto ប្រធានាធិបតីនៃសាធារណរដ្ឋឥណ្ឌូណេស៊ី, សម្ដេចតេជោ ហ៊ុន សែន ប្រធានព្រឹទ្ធសភាបានជំរុញឱ្យប្រទេសទាំងពីរបង្កើនកិច្ចសហប្រតិបត្តិការបន្ថែមទៀត នូវការផ្លាស់ប្តូរសេដ្ឋកិច្ច ពាណិជ្ជកម្ម ទេសចរណ៍ និងការហោះហើរ ឱ្យកាន់តែខ្លាំងក្លា។

វៀតណាម, ២៩ មេសា ២០២៥៖ នាឱកាសជួបពិភាក្សាជាមួយឯកឧត្តម តូ ឡឹម អគ្គលេខាមជ្ឈិមបក្សកុម្មុយនីស្តវៀតណាម, សម្ដេចតេជោ ហ៊ុន សែន ប្រធានព្រឹទ្ធសភាបានថ្លែងថា “ត្រូវតែបង្កើនថែមទៀតនូវទំនាក់ទំនងជាប្រពៃណី ពង្រឹងសាមគ្គីភាព ការយោគយល់ និងកិច្ចសហប្រតិបត្តិការធ្វើឱ្យគូភាគីកាន់តែរីកចម្រើនឥតឈប់ឈរ” ជាពិសេសទំនាក់ទំនងរវាង គណបក្សប្រជាជនកម្ពុជា និងបក្សកុម្មុយនិស្តវៀតណាម។

វៀតណាម, ២៩ មេសា ២០២៥៖ ក្នុងការជួបសន្ទនាជាមួយ ឯកឧត្តម PHAM Minh Chinh នាយករដ្ឋមន្ត្រីនៃសាធារណរដ្ឋសង្គមនិយមវៀតណាម, សម្ដេចតេជោ ហ៊ុន សែន ប្រធានព្រឹទ្ធសភា បានលើកទស្សនៈថា “ពីអតីតកាល យើងជួយនិងពឹងគ្នាទៅវិញទៅមកតាមរយៈកងទ័ព។ ឥឡូវយើងជួយនិងពឹងគ្នាតាមរយៈសេដ្ឋកិច្ច។ ពោលគឺធ្វើពាណិជ្ជកម្មជាមួយគ្នា។ វៀតណាម ពូកែកែច្នែ។ កម្ពុជាពូកែដាំ ... កម្ពុជាជាប់លេខ១ លើពិភពលោកក្នុងការផលិតគ្រាប់ស្វាយចន្ទី ឯវៀតណាមជាប់លេខ១ ខាងកែច្នៃស្វាយចន្ទីនាំចេញទៅលក់នៅលើពិភពលោក”

វិមានព្រឹទ្ធសភា, ២៣ មេសា ២០២៥៖ សម្ដេចតេជោ ហ៊ុន សែន ប្រធានព្រឹទ្ធសភា ទទួលជួបលោកជំទាវ Paetongtarn Shinawatra នាយករដ្ឋមន្ត្រីនៃព្រះរាជាណាចក្រថៃ។

ភ្នំពេញ, ១៧ មេសា ២០២៥៖ ទទួលជួបឯកឧត្តម Xi Jinping ប្រធានាធិបតីនៃសាធារណរដ្ឋប្រជាមានិតចិន, សម្ដេចតេជោ ហ៊ុន សែន ប្រធានព្រឹទ្ធសភា ចាត់ទុកវត្តមានដ៏ខ្ពង់ខ្ពស់របស់ឯកឧត្តមជាការពង្រឹងមិត្តភាពដែកថែប លើកកម្ពស់ទំនាក់ទំនងរវាងស្ថាប័នរដ្ឋនិងរដ្ឋ បក្សនិងបក្ស កាន់តែជិតស្និទ្ធថែមមួយកម្រិតទៀត ហើយស្នើភាគីមិត្តបន្តគាំទ្រនិងជួយជ្រោមជ្រែងការអភិវឌ្ឍរបស់កម្ពុជាឱ្យកាន់តែខ្លាំងថែមទៀត។

១១ កុម្ភៈ ២៥៖ សម្ដេចតេជោ ហ៊ុន សែន ប្រធានព្រឹទ្ធសភា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធអគារសិក្សា និងសមិទ្ធផលនានាបរិវេណវត្តព្រះឥន្ទសាមគ្គីធម៌ ភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល។

វិមាន៧មករា, ១០ កុម្ភៈ ២៥៖ ទទួលជួបលោកសាស្រ្តាចារ្យ Tetsuya Watanabe ប្រធានវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (ERIA), សម្តេចតេជោ ហ៊ុន សែន ប្រធានគណបក្សប្រជាជនកម្ពុជា លើកឡើងថា ការដែលប្រទេសសមាជិកអាស៊ានមានវប្បធម៌ប្រហាក់ប្រហែលគ្នា ជាកាលានុវត្តភាពក្នុងការផ្លាស់ប្តូរពាណិជ្ជកម្មរវាងគ្នា និងរវាងអាស៊ានជាមួយដៃគូផ្សេងៗទៀត តាមរយៈកិច្ចព្រមព្រៀងផ្លាស់ប្តូរពាណិជ្ជកម្មសេរី កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP)។