[…] ឆ្លងកាត់រយៈពេល ៧៤ឆ្នាំមកនេះ […] គណបក្សប្រជាជនកម្ពុជាគឺជាកម្លាំងនយោបាយតែមួយគត់ ដែលបានផ្សារភ្ជាប់រួមសុខរួមទុក្ខជាមួយប្រជាជននៅគ្រប់កាលៈទេសៈ […] ប្រមូលកម្លាំងប្រជាជាតិទាំងមូលដោយមិនប្រកាន់ពូជសាសន៍ ពណ៌សម្បុរ ភេទ ភាសា ជំនឿសាសនា និន្នាការនយោបាយ អតីតកាល ឬឋានៈសង្គម ដើម្បីកសាងប្រទេសកម្ពុជា ឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត និងវឌ្ឍនភាពសង្គម […] បន្ទាប់ពីសម្រេចបានជ័យជម្នះលើរបបប្រល័យពូជសាសន៍នៅថ្ងៃ៧មករា ឆ្នាំ១៩៧៩ […] គណបក្សបានដឹកនាំប្រទេសតាមមាគ៌ានយោបាយមួយត្រឹមត្រូវ ស្របទៅនឹងបំណងប្រាថ្នារបស់ប្រជាជន និងសភាពការណ៍ជាក់ស្ដែង សម្រេចបានសមិទ្ធផលលើគ្រប់វិស័យក្នុងការកសាងនិងការពារមាតុភូមិ ធ្វើឱ្យប្រជាជាតិខ្មែរបានរស់យ៉ាងសុខសាន្ដប្រកបដោយកិត្តិយស សេចក្ដីថ្លៃថ្នូរក្នុងសន្តិភាព សេរីភាព អធិបតេយ្យ បូរណភាពទឹកដី […] […] ពីអតីតកាល កម្ពុជា បានបាត់បង់ទឹកដីរបស់ខ្លួនច្រើនណាស់ហើយ ដោយសារការឈ្លានពានដណ្ដើមយកពីបរទេស។ យើងប្ដូរផ្ដាច់ការពារបូរណភាពទឹកដីបច្ចុប្បន្ន ដែលបន្សល់ទុកបន្ទាប់ពីសម័យអាណា-និគមនិយមឱ្យគង់វង្ស ស្ថិតស្ថេរជានិរន្តរ៍មិនឱ្យបាត់បង់សូម្បីតែមួយចំណែកតូចណាក្ដី។ ខ្ញុំសូមអំពាវនាវដល់បងប្អូនជនរួមជាតិទាំងមូល រួមសាមគ្គីជុំវិញរាជរដ្ឋាភិបាល ផ្សារភ្ជាប់ និងផ្ដល់ការគាំទ្រដល់កងកម្លាំងប្រដាប់អាវុធ ដើម្បីពង្រឹងខឿនការពារជាតិរបស់ប្រជាជនឱ្យកាន់តែរឹងមាំឡើង។ ខ្ញុំក៏សូមយកឱកាសនេះ ថ្លែងនូវការគោរពចំពោះវីរភាពរបស់កងទ័ព និងកងនគរបាលដែលកំពុងបំពេញភារកិច្ចការពារបូរណភាពទឹកដីនៅតាមខ្សែបន្ទាត់ព្រំដែនជាមួយប្រទេសជិតខាងប្រកបដោយជំហរលះបង់ និងការប្ដេជ្ញាចិត្តយ៉ាងមោះមុតបំផុត […]

វិទ្យាល័យជាច្រើនបានកើតក្នុងខេត្តព្រះវិហារ ... យើងពង្រាយ(សាលារៀន)នៅតាមស្រុក។ ដូច្នេះ ផ្ដល់ឱកាសដល់កុមារ យុវជន ជាពិសេសកុមារី ឱ្យបានទទួលការបណ្ដុះបណ្ដាល។ នេះគឺជាការវិនិយោគ(ក្នុងវិស័យអប់រំ) ... ក្នុងដំណើរជាង ៦ពាន់គីឡូម៉ែត្រនេះ ការវិនិយោគបានចំណាយទុនលើវិស័យអប់រំជាង ៤០០លានដុល្លារ។ សមិទ្ធផលនោះហៅថាជា មរតកតេជោ ... អ្នកបន្តវេនកំពុងតែបន្តការខិតខំម្ខាងរក្សាសមិទ្ធផលដែលអ្នកជំនាន់មុនបន្សល់ទុក ឯម្ខាងទៀតជំរុញការអភិវឌ្ឍ ... មើលសាច់ប្រាក់នៅក្នុងរតនាគារមានចំនួនច្រើនជាងមុនពេលដែលពួកយើងចាស់ៗ ចាកចេញ បញ្ជាក់ថា អ្នកជំនាន់ក្រោយនេះមិនមែនជាក្មេងអត់មារយាទ ... អ្វីដែលអកុសល គឺនៅខេត្តព្រះវិហារ ឧត្តរមានជ័យ និងទូទាំងព្រំដែន ពេលនេះ ទូទាំងព្រំដែនកម្ពុជាថៃ ត្រូវជាប់ផុងក្នុងជម្លោះដ៏អាក្រក់ ដែលបង្កើតឡើងដោយការឈ្លានពានពីភាគីថៃនៅតំបន់មុំបី កាលពីថ្ងៃទី១៨ ខែឧសភា ... យើងជ្រើសរើសយក ៤ចំណុចទេ គឺមុំបី តាមាន់ធំ តាមាន់តូច និង តាក្របី ទៅដោះស្រាយតាមផ្លូវតុលាការ ... ឯផ្នែកសេសសល់ពីនោះ បន្តការដោះស្រាយដោយយន្តការទ្វេភាគី ... ពាក្យថា សន្តិវិធី គឺមានទ្វេភាគី និងមានតាមផ្លូវតុលាការ ... ថៃបានចោទកម្ពុជាថារំលោភលើថៃ។ តែហេតុអ្វីបានជាថៃខ្វះសេចក្ដីក្លាហាន នឹងប្ដឹងកម្ពុជាទៅកាន់តុលាការ? ... សិក្សាអំពីការធ្វើវិសោធនកម្មរដ្ឋធម្មនុញ្ញ ទាក់ទងនឹងការដកសញ្ជាតិពលរដ្ឋកម្ពុជាណាដែលឃុបឃិតជាមួយបរទេសបំផ្លាញខ្មែរ ... មេភស្តុភារតាមអង្គភាពទ័ព ផ្តល់អាទិភាពទិញបន្លែបង្ការ ផ្លែឈើ សាច់ ឬត្រី ដែលចិញ្ចឹមក្នុងខេត្តព្រះវិហារផ្គត់ផ្គង់កងទ័ព ... មើលការខុសត្រូវឱ្យបានដិតដល់ចំពោះបងប្អូនជនភៀសសឹក ពិសេសស្រ្តីមានផ្ទៃពោះនិងកុមារតូចៗ ... កម្ពុជាមិនចរចារឿងបើកច្រកព្រំដែនទេ ព្រោះថៃខ្លួនឯងជាអ្នកបិទ ត្រូវថៃខ្លួនឯងជាអ្នកបើក ... សង្ឃឹមនឹងមាននាយករដ្ឋមន្រ្តីថៃថ្មី ចេញមកដោះស្រាយបញ្ហាជាមួយប្រទេសជិតខាង ពិសេសជាមួយកម្ពុជា ...

• (ជនភៀសសឹកទាំងនេះ)ជាសាក្សីរស់បង្ហាញពិភពលោកថា កម្ពុជារងគ្រោះដោយសារការឈ្លានពានរបស់កងទ័ពថៃ ... យើងប្រាថ្នាធ្វើជាមិត្ត ប៉ុន្តែគេចិញ្ចឹមចិត្តម្ដងហើយម្ដងទៀត ដណ្ដើមទឹកដីរបស់យើង ... • អ្នកដែលមានសិទ្ធិបញ្ជាទ័ពគឺនាយករដ្ឋមន្រ្តី រដ្ឋមន្រ្តីការពារជាតិ និងអគ្គបញ្ជាការកងទ័ព ... ខ្ញុំជាមនុស្សទីពីរ បន្ទាប់ពីព្រះមហាក្សត្រមក គឺប្រធានព្រឹទ្ធសភានោះឯង ជាមេដឹកនាំរបស់ប្រទេស។ តើខ្ញុំមានការចាំបាច់ទៅកាន់អគ្គបញ្ជាការកងទ័ពខ្លួនឯងទេ? សូម្បីតែអំណាចនាយករដ្ឋមន្រ្តីដែលខ្ញុំធ្លាប់កាន់ ៣៨ឆ្នាំ ក៏ខ្ញុំលះបង់ ... • អ្នកឯងធ្វើជាភ្លេចភ្លាំង វង្វេង ឬបំភ្លៃប្រវត្តិសាស្ត្រ មិនបានទេ។ អ្នកឯងត្រូវតែគោរពកិច្ចព្រមព្រៀងបារាំង-សៀម(១៩០៤) អមដោយផែនទីកាលពីឆ្នាំ១៩០៧។ បើអ្នកឯងមិនគោរពទេ គឺស្មើនឹងចោរ។ យើងប្រើផែនទីត្រឹមត្រូវតាមច្បាប់អន្តរជាតិ ... • មិនមានជំពាក់គុណថៃរឿងបុគ្គលទេ ... ប៉ុន្តែ ពួកក្រុមអ្នកឯងជំពាក់គុណខ្ញុំ។ ខ្ញុំមិនទារសាគុណទេ។ អ្វីដែលខ្ញុំចង់បានគឺទំនាក់ទំនងស្មើភាព គ្មានការឈ្លានពានគ្នា គ្មានការជ្រាតជ្រែកគ្នាតែប៉ុណ្ណឹង ... សង្ឃឹមថា ថៃនឹងមាននាយករដ្ឋមន្ត្រីថ្មី ដែលចេញមកដោះស្រាយជាមួយកម្ពុជា ត្បិតនៅពេលនេះ មិនដឹងថាអ្នកណាជាអ្នកមានអំណាចពិតប្រាកដ ...

ឧត្តរមានជ័យ, ២៦ មិថុនា ២០២៥៖ ក្នុងឱកាសអញ្ជើញជួបជាមួយមេបញ្ជាការអង្គភាពចំណុះទិសទី២ និងទិសទី៣ សម្ដេចតេជោ នាយឧត្តមសេនីយ៍ផុតលេខផ្កាយមាស៥ ហ៊ុន សែន បានទទួលយកតាមសំណើរបស់មេបញ្ជាការទាំងឡាយ នូវភារកិច្ចជាអគ្គភ័ស្ដុភារជាន់ខ្ពស់ សម្រាប់កងកម្លាំងប្រដាប់អាវុធ ក្នុងការជួយដល់កងទ័ព ជាពិសេស គឺជាការធានានូវការផ្គត់ផ្គង់ដល់កងកម្លាំង ដែលកំពុងតែប្រឈមមុខជាមួយនឹងសត្រូវ ដូចនេះសូមកងទ័ពទាំងឡាយកុំខ្លាច នៅក្នុងការវាយប្រហារជាមួយសត្រូវដែលឈ្លានពាន។

វិមានព្រឹទ្ធសភា, ១៩ មិថុនា ២០២៥៖ ទទួលជួបឯកឧត្តម Dato SRI Tiong King Sing រដ្ឋមន្ត្រីក្រសួងទេសចរណ៍ សិល្បៈ និងវប្បធម៍ នៃប្រទេសម៉ាឡេស៊ី, សម្ដេចតេជោ ហ៊ុន សែន ប្រធានព្រឹទ្ធសភា ថ្លែងពីបំណងអោយមានការពង្រីកជើងហោះហើរត្រង់ពីម៉ាឡេស៊ីមកគោលដៅផ្សេងទៀតកម្ពុជា ក្រៅពីការហោះហើរមកកាន់ភ្នំពេញ ដូចជាជើងហោះហើរទៅកាន់ខេត្តសៀមរាប និងក្រុងព្រះសីហនុ ដើម្បីពង្រីកវិស័យទេសចរណ៍បន្ថែមទៀត។

វិមានព្រឹទ្ធសភា, ១៩ មិថុនា ២០២៥៖ ទទួលជួប ឯកឧត្តម Faiyaz Murshid Kazi ឯកអគ្គរដ្ឋទូតនៃសាធារណរដ្ឋប្រជាមានិតបង់ក្លាដេស សម្ដេចតេជោ ហ៊ុន សែន ប្រធានព្រឹទ្ធសភា ជំរុញអោយបង់ក្លាដែសចាប់អារម្មណ៍ធ្វើការវិនិយោគ បង្កើនសកម្មភាពសេដ្ឋកិច្ចនិងពាណិជ្ជកម្ម អោយកាន់តែមានភាពល្អប្រសើរ ដើម្បីជាស្នូលនៃទំនាក់ទំនង រវាងប្រទេសទាំងពីរ។

ភ្នំពេញ, ៩ មិថុនា ២០២៥៖ សម្តេចតេជោ ហ៊ុន សែន ប្រធានព្រឹទ្ធសភា អញ្ជើញគោរពវិញ្ញាណក្ខន្ធសព ឯកឧត្តមកិត្តិនីតិកោសលបណ្ឌិត ម៉ុម ជីមហ៊ុយ ទីប្រឹក្សាប្រធានព្រឹទ្ធសភា និងជាអតីតសមាជិករាជរដ្ឋាភិបាល រដ្ឋសភា និងព្រឹទ្ធសភា។

វិមាន៧មករា, ០៤ មិថុនា ២០២៥៖ ទទួលជួបប្រតិភូក្រុមប្រឹក្សាជាតិកម្ពុជាដើម្បីស្ត្រី ដឹកនាំដោយលោកជំទាវបណ្ឌិត អ៊ឹង កន្ថាផាវី, សម្ដេចតេជោ ហ៊ុន សែន ប្រធានព្រឹទ្ធសភា បានវាយតម្លៃថា យ៉ាងយូរបំផុត ២០ទៅ៣០ ឆ្នាំទៀត ឥទ្ធិពល និងអនុត្តរភាពរបស់ស្រ្ដី នៅកម្ពុជានឹងកាន់តែខ្លាំងឡើង ចំពោះការចូលរួមចំណែក អភិវឌ្ឍប្រទេសជាតិ និងគ្រួសារ។

ភ្នំពេញ, ៣០ ឧសភា ឆ្នាំ២០២៥៖ ក្នុងឱកាសជំនួបជាមួយគណបក្សនយោបាយទាំង២៩នៅកម្ពុជា, សម្ដេចតេជោ ហ៊ុន សែន ប្រធានព្រឹទ្ធសភា បានផ្តល់មតិជាក់ស្ដែងអំពីបញ្ហាព្រំដែនថា “យើងត្រូវទប់ស្កាត់កុំឲ្យមានភាពជាតិនិយម(ជ្រុល) ឬញុះញង់ឱ្យមានការរើសអើងជាតិសាសន៍ និងធ្វើឲ្យប៉ះទង្គិចដល់ទំនាក់ទំនងប្រទេសជិតខាង […] ដរាបណានយោបាយជ្រុលនិយមនៅតែមាន កម្ពុជាយើងនៅតែមានហានិភ័យ។ រាជរដ្ឋាភិបាល និងស្ថាប័នពាក់ព័ន្ធនឹងមានវិធានការ ក្នុងការកំចាត់នយោបាយជ្រុលនិយម ចំពោះតែក្រុមណា ឬជនណាដែលមានបំណងចង់ផ្ដួលរំលំរាជរដ្ឋាភិបាលក្រៅប្រព័ន្ធច្បាប់ ឬការធ្វើបដិវត្តន៍ពណ៌ ដែលប្រាសចាកពីរដ្ឋធម្មនុញ្ញ និងគោលការណ៍ប្រជាធិបតេយ្យ […]

វិមាន៧មករា, ២០ ឧសភា ២០២៥៖ ទទួលជួបប្រតិភូសម្ព័ន្ធសមាគមមូលនិធិសម្តេចតេជោដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា ដឹកនាំដោយឧកញ៉ា តែ តាំងប៉, សម្ដេចតេជោប្រធានព្រឹទ្ធសភាសម្ដែងក្ដីរីករាយចំពោះសមាគម ដែលបានចូលរួមចំណែកជួយដល់រាជរដ្ឋាភិបាល ជួយដល់ប្រជាជនកម្ពុជា ជាពិសេសជួយបណ្ដុះបណ្ដាល ពង្រឹង និងពង្រីកសមត្ថភាពសហគ្រាសធុនតូច និងមធ្យមនៅក្នុងប្រទេស ការគ្រប់គ្រងធនធានមនុស្ស និងការទទួលបានកម្ចីពីស្ថាប័នពាក់ព័ន្ធ ដើម្បីជាឱកាសពង្រីកអាជីវកម្មរបស់ខ្លួន ក៏ដូចជាដើរតួនាទីយ៉ាងសំខាន់ក្នុងការពង្រីក និងពន្លឿនសេដ្ឋកិច្ចកម្ពុជា [...]

វិមានព្រឹទ្ធសភា, ១៤ ឧសភា ២០២៥៖ ទទួលជួបលោក Akira DODATE នាយកប្រតិបត្តិសាជីវកម្មទេសចរជប៉ុន, សម្ដេចតេជោ ហ៊ុន សែន ប្រធានព្រឹទ្ធសភា បានផ្តល់អនុសាសន៍ឱ្យក្រុមហ៊ុនជប៉ុនចាប់អារម្មណ៍វិនិយោគក្នុងវិស័យកសិឧស្សាហកម្ម កែច្នៃវត្ថុធាតុដើមនៅក្នុងប្រទេសសម្រាប់នាំចេញ ដែលអាចអនុញ្ញាតឱ្យកម្ពុជាពង្រីកការនាំចេញផលិតផល និងទាញយកផលចំណេញបានច្រើនជួយដល់សេដ្ឋកិច្ចជាតិ។

ទីក្រុងឌីលី, ០៨ ឧសភា ២០២៥៖ ក្នុងជំនួបជាមួយឯកឧត្តម José Ramos-Horta ប្រធានាធិបតីនៃសាធារណរដ្ឋប្រជាធិបតេយ្យទីម័រឡេស្តេ, សម្ដេចតេជោ ហ៊ុន សែន ប្រធានព្រឹទ្ធសភា បានសំដែងក្តីសង្ឃឹមថា ប្រទេសទាំងពីរនឹងរួមគ្នាពង្រីកទំនាក់ទំនងការទូតទ្វេភាគី ដែលបានបង្កើតជាផ្លូវការនឹងគ្នាអស់រយៈពេលជាង ២៣ឆ្នាំមកហើយនេះ។