ក្រើនរំលឹកមន្រ្តីរាជការ អាជ្ញាធរ និងកងកម្លាំងប្រដាប់អាវុធខេត្តក្រចេះ យកចិត្តទុកដាក់បម្រើរាស្ត្រ

កាលពីថ្ងៃទី ២៨ កក្កដា ក្នុងការជួបសំណេះសំណាលជាមួយមន្រ្តីរាជការ អាជ្ញាធរ និងកងកម្លាំងប្រដាប់អាវុធ នៃខេត្តក្រចេះ សម្តេចតេជោ ហ៊ុន សែន បានក្រើនរំលឹកអោយមន្រ្តីរាជការ អាជ្ញាធរ​គ្រប់លំដាប់ថ្នាក់ និងកងកម្លាំងប្រដាប់អាវុធទាំងអស់ ខិតខំយកចិត្តទុកដាក់ធ្វើការបម្រើប្រជាពលរដ្ឋ ជាពិសេក្នុងការផ្តល់នូវ​សេវាសាធារណៈ ដែលមានសេវាជាតម្រូវការចំាបាច់ និងសេវាតាមសំណូមពររបស់ប្រជាពលរដ្ឋ។ សម្តេចតេជោ ដាស់តឿនថា មន្រ្តីរាជការត្រូវចាត់ទុកខ្លួនឯងជាអ្នកបម្រើប្រជាពលរដ្ឋ ដោយមានការទទួលខុស​ត្រូវខ្ពស់ ហើយត្រូវខិតខំកសាងអំពើល្អអោយបានច្រើន ដោយត្រូវការពារសុខសុវត្ថិភាព និងសណ្តាប់ធ្នាប់ ការទប់ស្កាត់អំពើជួញដូរគ្រឿងញៀន ទប់ស្កាត់ការកាប់បំផ្លាញព្រៃឈើ និងជួញដូរឈើ និងធនធានរ៉ែខុសច្បាប់ អោយបាន។ សម្តេចតេជោ បានដាស់តឿនអោយសកម្មថែរក្សាការពារជម្រកត្រីផ្សោតដែលជាធនធានកម្រ ដើម្បីបន្តជាប្រភពទាញចំណូលពីទាញទេសចរណ៌។ ជាមួយគ្នានេះ សម្តេចតេជោ បានណែនាំអោយខេត្តក្រចេះមានទំនាក់ទំនង និងកិច្ចសហប្រតិបត្តិការល្អជាមួយប្រទេសជិតខាង ដើម្បីមិត្តភាព និងផលប្រយោជន៌ពាណិជ្ជកម្មពីគ្នាទៅវិញទៅមក និងបានអំពាវនាវដល់មន្រ្តីរាជការ និងកងកម្លាំងប្រដាប់អាវុធខេត្តក្រចេះទាំងអស់ ត្រូវសាមគ្គីរួមដៃគ្នាជំរុញការអភិវឌ្ឍខេត្តរបស់ខ្លួនអោយបានជោគជ័យ ហើយសហការជាមួយភ្នាក់ងារគយ និងរដ្ឋាករក្នុងការប្រមូលចំណូលថវិកាជាតិ។ គិតចាប់ពីថ្ងៃ ២០ កក្កដា ២០១៦ មក សម្តេចតេជោ បានអញ្ជើញចុះសួរសុខទុក្ខ និងសំ​ណេះ​សំណាល ជាមួយប្រជាពលរដ្ឋ មន្ត្រីរាជការ កងកម្លាំងប្រដាប់អាវុធនៅខេត្តពោធិសាត់ បាត់ដំបង…

ទស្សនៈវិភាគ៖ តើអ្នកណាជាមេក្លោងនៅពីក្រោយខ្នង និងជាអ្នករៀបចំសេណារីយោ ក្នុងផែនការបាញ់សម្លាប់លោក កែម ឡី ដើម្បីបង្វែរស្ថានការណ៍?

អត្ថបទ Fresh News គេមិនអាចមើលរំលងបានទេ នូវសារជាតិរបស់មនុស្សពាល ដែលកំពុងទាល់ច្រក គឺជននោះអាចនឹងហ៊ាន ធ្វើសកម្មភាពអាក្រក់ឃោរឃៅសព្វបែបយ៉ាង សូម្បីតែ «សម្លាប់មនុស្ស» ក៏ហ៊ានបញ្ជាឲ្យគេសម្លាប់ដែរ ក្នុង​គោលដៅបង្វែរស្ថានការណ៍ពីបញ្ហារបស់ខ្លួនគេដែលកំពុងប្រឈម ឲ្យទៅជារឿងផ្សេង និងទម្លាក់​កំហុស​ដាក់​អ្នកដទៃ។ ព័ត៌មានសម្ងាត់ពីមនុស្សជំនិតរបស់លោក សម រង្ស៊ី ដែលដឹងច្បាស់ពីល្បិចកលរបស់លោក កឹម សុខា បាន​ទម្លាយឲ្យដឹងថា កាលពីខែមុន លោក កែម ឡី បានទៅជួបលោក កឹម សុខា នៅក្នុងទីស្នាក់ការ​គណបក្ស​សង្គ្រោះជាតិ ដើម្បីសួរសុខទុក្ខ និងសម្តែងការអាណិតអាសូរ ក៏ដូចជាបង្ហាញនូវការគាំទ្រស្មារតី ចំពោះលោក កឹម សុខា ថា «មិនត្រូវចុះញ៉ម ឬខ្លបខ្លាចជាដាច់ខាតនូវការគំរាមផ្លូវច្បាប់ណាមួយឡើយ» ហើយថែមទាំង​បានចាត់ទុកទង្វើរបស់លោក កឹម សុខា ថា ធ្វើត្រូវតែរឹងមាំ។ ជំនួបរវាងលោកបណ្ឌិត កែម ឡី និងលោក កឹម សុខា បានកើតឡើង ខណៈលោក កឹម សុខា កំពុងស្ថិត​ក្នុង​ស្ថានភាពបាក់ស្រុតស្មារតី ថមថយកម្លាំង…

ប្រសាសន៍សំខាន់ៗ សម្តេចតេជោ ក្នុងពិធីសម្ពោធ សមិទិ្ធផលនានា នៅទីបញ្ជាការដ្ឋាន កងរាជអាវុធហត្ថ លើផ្ទៃប្រទេស

ដកស្រង់ដោយ Cambodian Youth Will ថ្ងៃ ១១ កក្កដា ឆ្នាំ ២០១៦៖ -កោតសរសើរដល់មេបញ្ជាការ និងមេបញ្ជាការរង ព្រមទាំងមន្រ្តីអាវុធហត្ថពេញផ្ទៃប្រទេសដែលខិតខំកសាង​សមិទ្ធផលទាំងនេះឡើង។ -ថ្ងៃស្អែកនេះជាខួប ៣ ឆ្នាំនៃមរណទុក្ខរបស់ឪពុករបស់ខ្ញុំ។ -ម្សិលមិញនេះ មានរឿងអកុសល បានកើតឡើង ដែលឃាតករបានបាញ់សម្លាប់ លោកបណ្ឌិត កែម ឡី។ ខ្ញុំសូមឆ្លៀតឱកាសនេះ ចូលរួមរំលែកមរណទុក្ខ ចំពោះក្រុមគ្រួសារ និងអំពាវនាវឲ្យសមត្ថកិច្ចគ្រប់លំដាប់ថ្នាក់ ស្វែងរកការចាប់ខ្លួន អ្នកនៅពីក្រោយខ្នង និងពាក់ព័ន្ធចំពោះឃាតកម្មនេះ។ នេះជាឃាតកម្មធំៗ ចំនួន២លើក ដែលយើងបានជួប លើកទី ១ ការបាញ់ប្រហារលើលោកឧកញ៉ា អ៊ឹង ម៉េងជឺ និងលើក ទី ២ លោកបណ្ឌិត កែម ឡី អ្នកវិភាគដ៏ល្បីល្បាញ។ -ខ្ញុំសូមអំពាវនាវ និងចេញបទបញ្ជាឲ្យក្រសួងមានសមត្ថកិច្ចចាត់វិធានការតាមផ្លូវច្បាប់លើរឿងនេះ។ -ខ្ញុំសូមអំពាវនាវឲ្យប្រជាពលរដ្ឋគ្រប់រូប រក្សាភាពស្ងប់ស្ងាត់ ដើម្បីឲ្យក្រសួងមានសមត្ថកិច្ច ចាត់វិធាន​ការ​តាម​ផ្លូវច្បាប់។ -សំណួរត្រូវបានលើកឡើងថា តើការស្លាប់របស់លោក បណ្ឌិត កែម ឡី…