Category Archives: បច្ចុប្បន្នភាព សង្គម

រដ្ឋមន្រ្តីក្រសួងអភិវឌ្ឍន៍ជនបទ និងអគ្គរដ្ឋទូតកូរ៉េ អញ្ជើញចូលរួមសិក្ខាសាលាផ្សព្វផ្សាយលើកទី៣ នៃគម្រោងអភិវឌ្ឍន៍ជនបទ ដោយប្រើប្រាស់វិធីសាស្រ្តចលនាភូមិថ្មី នៅមជ្ឈមណ្ឌលអភិវឌ្ឍន៍ជនបទ កម្ពុជា-កូរ៉េ

FN ៖ ក្រសួងអភិវឌ្ឍន៍ជនបទ សហការជាមួយទីភ្នាក់ងារសហប្រតិបត្តិការអន្តរជាតិកូរ៉េ ហៅកាត់ថា (KOICA) នៅថ្ងៃទី៤ ខែកញ្ញា ឆ្នាំ២០១៧នេះ បានរៀបចំសិក្ខាសាលាផ្សព្វផ្សាយលើកទី៣ នៃគម្រោងអភិវឌ្ឍន៍ជនបទ ដោយប្រើប្រាស់វិធីសាស្រ្តចលនាភូមិថ្មី ដោយមានការចូលរួមជាកត្តិយសចូលរួម បិទក្រោមអធិបតីភាព លោកបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និងលោក គីម វ៉ុនជីន ឯកអគ្គរដ្ឋទូត នៃសាធារណរដ្ឋកូរ៉េប្រចាំកម្ពុជា។ សិក្ខាសាលានេះបានរៀបចំធ្វើនៅមជ្ឈមណ្ឌល អភិវឌ្ឍន៍ជនបទ កម្ពុជា-កូរ៉េ ដែលមានទីតាំងស្ថិតនៅភូមិផ្គង់សង្កាត់ច្បារមន ខេត្តកំពង់ស្ពឺ។ លោក អ៊ូ សំអួន រដ្ឋលេខាធិការក្រសួងអភិវឌ្ឍន៍ជនបទ និងជាប្រធានគណៈកម្មការដឹកនាំ និងគ្រប់គ្រងគម្រោងអភិវឌ្ឍន៍ជនបទ ដោយប្រើប្រាស់វិធីសាស្ត្រចលនាភូមិថ្មី បានបញ្ជាក់អំពីគោលបំណងនៃសិក្ខាសាលានេះថា ជាការចែករំលែងចំណេះដឹង និងបទពិសោធន៍ល្អៗ ដែលគណៈកម្មាធិការអភិវឌ្ឍន៍ភូមិ(គ.អ.ភ) និងប្រជាពលរដ្ឋ ដែលបានរួមគ្នាអនុវត្តគម្រោងខាងលើឲ្យទទួលបានលទ្ធផលប្រកបដោយផ្លែផ្កា។ លោកបានឲ្យដឹងទៀតថា «ទីភ្នាក់ងារសហប្រតិបត្តិការអន្តរជាតិកូរ៉េ ប្រចាំប្រទេសកម្ពុជ(KOICA) បានចុះកិច្ចព្រមព្រៀងជាមួយក្រសួងអភិវឌ្ឍន៍ជនបទ កាលពីថ្ងៃទី២៦ ខែកុម្ភៈ ឆ្នាំ២០១៤ ដើម្បីអនុវត្តគម្រោងអភិវឌ្ឍន៍ជនបទ ដោយប្រើប្រាស់វិធីសាស្ត្រចលនាភូមិថ្មី។ គម្រោងនេះមានសមាសភាគចំនួន៣គឺ៖ ការរៀបចំតាក់តែងគោលនយោបាយ ចលនាភូមិថ្មីការបង្កើតមជ្ឈមណ្ឌលអភិវឌ្ឍន៍ជនបទ កម្ពុជា-កូរ៉េ (CKRDC)…

ក្រសួងឧស្សាហកម្ម បន្តពង្រឹងកិច្ចសហប្រតិបត្តិការជិតស្និទ្ធលើវិស័យកម្មសិទ្ធបញ្ញា ជាមួយអង្គភាពកម្មសិទិ្ធបញ្ញាសឹង្ហបុរី និងបណ្តាអង្គភាពកម្មសិទ្ធបញ្ញាលើពិភពលោក

FN ៖ លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម បានដឹកនាំគណៈប្រតិភូក្រសួងឧស្សាហកម្ម និងសិប្បកម្ម ទៅចូលរួមកិច្ចប្រជុំជាន់ខ្ពស់លើកទី៦ និងកម្មវិធីសប្តាហ៍កម្មសិទ្ធិបញ្ញាក្រោមប្រធាបបទ “គំនិតគឺជាទ្រព្យសម្បត្តិ ក្នុងការជំរុញសេដ្ឋកិច្ចនាពេលអនាគតជាមួយកម្មសិទ្ធិបញ្ញា” ដែលបានប្រព្រឹត្តទៅចាប់ពីថ្ងៃទី២៨ ដល់ ៣០ ខែសីហា ឆ្នាំ២០១៧ ដោយទទួលបានលទ្ធផលដូចខាងក្រោម៖ -នៅថ្ងៃទី២៨ ខែសីហា ឆ្នាំ២០១៧ លោកទេសរដ្ឋមន្ត្រី ចម ប្រសិទ្ធ បានដឹកនាំគណៈប្រតិភូចូលរួមកិច្ចប្រជុំកម្រិតខ្ពស់លើកទី៦ ស្តីពីកិច្ចសហប្រតិបតិ្តការទេ្វភាគី រវាងក្រសួងឧស្សាហកម្ម និងសិប្បកម្ម ជាមួយអង្គភាពកម្មសិទិ្ធបញ្ញាសឹង្ហបុរី លើវិស័យកម្មសិទិ្ធឧស្សាហកម្ម ដោយបានធ្វើការពិនិត្យមើលឡើងវិញលើគម្រោងកិច្ចប្រតិបត្តិការដែលបានអនុវត្តន៍កន្លងមក និងពិនិត្យមើលលើម្រោងដែលត្រូវអនុវត្តន៍បន្តនៅពេលខាងមុខ ព្រមទាំងបានចុះហត្ថលេខាលើកំណត់ហេតុរួមនៃកិច្ចពិភាក្សា រវាងក្រសួងឧស្សាហកម្ម និងសិប្បកម្ម ជាមួយនឹងអង្គភាពកម្មសិទ្ធិបញ្ញាសឹង្ហបុរី។ កិច្ចព្រមព្រៀងស្តីពីសហប្រតិបតិ្តការអំពីកម្មសិទិ្ធឧស្សាហកម្មនេះ ជាសញ្ញាមួយដ៏ល្អក្នុងការ បន្តពង្រឹងទំនាក់ទំនងកម្ពុជា និងសឹង្ហបុរីឲ្យកាន់តែរឹងមាំថែមទៀតលើវិស័យកម្មសិទ្ធិបញ្ញា កិច្ចការពារកម្មសិទ្ធិបញ្ញា និងបើកទូលាយបន្ថែមទៀតនូវឱកាសសម្រាប់អភិវឌ្ឍសេដ្ឋកិច្ច​​​​​បង្កើនវិនិយោគបរទេសចូលមក​​ក្នុងប្រទេសដើម្បីទ្រទ្រង់កំណើនសេដ្ឋកិច្ចជាតិកាន់តែប្រសើរឡើង។ -នៅថ្ងៃទី២៩ ខែសីហា ឆ្នាំ២០១៧ លោកទេសរដ្ឋមន្ត្រី ចម ប្រសិទ្ធ បានបន្តដឹកនាំគណៈប្រតិភូក្រសួងឧស្សាហកម្ម និងសិប្បកម្ម ចូលរួមកម្មវិធីសប្តាហ៍កម្មសិទ្ធិបញ្ញា នៅមជ្ឈមណ្ឌលពិពណ៌សឹង្ហបុរី Sands Expo…

ចំណូលពីការលក់សំបុត្រ ចូលតំបន់អង្គរនៅរយៈពេលខែ៨ ទទួលបានជិត៧០លានដុល្លារ, ថវិកាជាង២.៦លានដុល្លារ ត្រូវបានផ្តល់ជូនមន្ទីរពេទ្យគន្ធបុប្ផា!

FN ៖ ក្នុងរយៈពេល៨ខែ ឆ្នាំ២០១៧នេះ ភ្ញៀវទេសចរអន្តរជាតិជាង១.៦លាននាក់ បានទិញប័ណ្ណចូលទស្សនារមណីយដ្ឋានអង្គរ ទទួលបានចំណូលជិត៧០លានដុល្លារ ដែលក្នុងនោះ ថវិកាជាង២.៦លានដុល្លា បានប្រគល់ជូនមន្ទីរពេទ្យគន្ធបុប្ផា នេះបើតាមការបញ្ជាក់របស់គ្រឹះស្ថានអង្គរ នៅថ្ងៃទី០១ ខែកញ្ញា ឆ្នាំ២០១៧នេះ។ តាមសេចក្ដីប្រកាស​ព័ត៌មាន ដែលគ្រឹះស្ថានអង្គរ បានថ្លែងប្រាប់អង្គភាពព័ត៌មាន Fresh News នៅព្រឹកថ្ងៃទី១ ខែកញ្ញា ឆ្នាំ២០១៧នេះបានឲ្យដឹងថា រយៈពេល៨ខែ ដើមឆ្នាំ​២០១៧នេះ គឺមានភ្ញៀវទេសចរអន្តរជាតិចំនួន ១,៦០៨,១៧២នាក់ បានទិញប័ណ្ណចូលទស្សនា រមណីយដ្ឋានអង្គរ ចាប់ពីខែមករា ដល់ ខែសីហា បើធៀបនឹងរយ:ពេល៨ខែដូចគ្នា កាលពីឆ្នាំ២០១៦ គឺមានការកើនឡើង១២.២៨%។ ហើយដែលរកចំណូលសរុបបានចំនួន ៦៩,២៣២,៤១២ដុល្លារអាមេរិក​ មានការកើនឡើង៦៩.៨២℅ ធៀបនឹងរយៈពេលដូចគ្នា កាលពីឆ្នាំ២០១៦។ សម្រាប់ខែសីហា ឆ្នាំ២០១៧ ភ្ញៀវទេសចរអន្តរជាតិ ចំនួន១៩២,៤០៣នាក់ បានទិញប័ណ្ណចូលទស្សនារមណីយដ្ឋានអង្គរបើធៀបនឹងរយ:ពេលដូចគ្នា ខែសីហា ឆ្នាំ២០១៦ គឺមានការកើនឡើង១១.៨៣% និងបានចំណូល៨,៨៤០,៧៥៦ដុល្លារ មានការកើនឡើង៨០.៧៧℅ ធៀបនឹងខែសីហា ឆ្នាំ២០១៦កន្លងទៅ។ សម្រាប់ការអនុវត្តតម្លៃលក់ប័ណ្ណថ្មី ចូលទស្សនារមណីយដ្ឋានអង្គរ ដែលត្រូវបានចាប់អនុវត្តពីថ្ងៃទី០១ ខែកុម្ភៈ…