រសៀលថ្ងៃទី ១៤ ខែ កុម្ភៈ ឆ្នាំ ២០១៦ នៅសហរដ្ឋអាមេរិក ត្រូវនឹងថ្ងៃទី ១៥ ខែ កុម្ភៈ ឆ្នាំ ២០១៦ នៅ កម្ពុជា, មុននឹងចូលរួមកិច្ចប្រជុំកំពូលពិសេសអាស៊ាន-អាមេរិក នៅថ្ងៃទី ១៥ និង ១៦ កុម្ភៈ សម្តេចតេជោ ហ៊ុន សែន បានឆ្លៀតឱកាសជួបសំណេះសំណាលជាមួយបងប្អូនខ្មែរជាង ៦០០ នាក់ ដែលរស់នៅ និងបានអញ្ជើញមកពីរដ្ឋនានា នៃសហរដ្ឋអាមេរិក នៅសណ្ឋាគារ Hyatt Regency។
សម្តេចបានជំរាបជូនប្រជាពលរដ្ឋរួមជាតិថា ការរួបរួមសាមគ្គីគ្នា គោរព និងស្រឡាញ់រាប់អានគ្នារបស់បងប្អូនខ្មែរនៅទូទាំងពិភពលោក ដោយមិនប្រកាន់និន្នាការនយោបាយ មានសារៈសំខាន់ណាស់ ក្នុងការធ្វើអោយខ្មែរគង់វង្ស រីកចម្រើន ដែលផ្ទុយពីការបង្កជម្លោះ បែកបាក់គ្នា នាំមកនូវការបាត់បង់ទឹកដី និងបរទេសជេរដៀលត្មេះ។ សម្តេចបានរំលឹកថា ពេលធ្វើដំណើរចេញពីចំណតអាកាសយានដ្ឋានអន្តរជាតិទីក្រុង Palm Spring មកកាន់ទីក្រុង Rancho Mirage រដ្ឋកាលីហ្វ័រញ៉ា សហរដ្ឋអាមេរិក, សម្តេចមិនបានឃើញមានបាតុករបិទផ្លូវ រារាំងដំណើររបស់សម្តេចទេ។
សម្តេចតេជោ បានចាត់ទុកថា ទំនាក់ទំនងរវាងកម្ពុជា និងអាមេរិកនាពេលបច្ចុប្បន្ន ជាទំនាក់ទំនងល្អមួយដែលមិនធ្លាប់មានពីមុនមក បើទោះបីជាមានបញ្ហាខ្លះៗ កើតមានរវាងប្រទេសទាំងពីរ កាលពីអតីតកាលក៏ពិតមែន។ ទំហំពាណិជ្ជកម្មរវាងប្រទេសទាំងពីរ មានរហូតដល់ជាង ៣ ពាន់លានដុល្លារសហរដ្ឋអាមេរិក ដែលផ្ទុយពីមុន មានមិនដល់រយលានផង។ “កម្ពុជានៅតែចង់ឲ្យមានទំហំពាណិជ្ជកម្មពីកម្ពុជា ទៅទីផ្សារអាមេរិក កាន់តែមានទំហំធំឡើងៗ” សម្តេចតេជោ បញ្ជាក់។
សម្តេចតេជោវាយតម្លៃថា ទំនាក់ទំនងល្អរវាងសហរដ្ឋអាមេរិក ជាមួយបណ្តាប្រទេសសមាជិកអាស៊ានដទៃទៀតជាការរួមចំណែកដល់ការបង្កើនទំនាក់ទំនងនៃបណ្តាប្រទេស ក្នុងតំបន់អាស៊ីប៉ាស៊ីហ្វិកទាំងមូលផងដែរ និងថា ការដែលកម្ពុជាចូលជាសមាជិកអាស៊ានធ្វើអោយទទួលបាននូវអត្ថន័យ និងអត្ថប្រយោជន៍ធំខ្លាំងណាស់...Read More
ថ្ងៃ ១១ កុម្ភៈ ឆ្នាំ ២០១៦ ថ្លែងសង្កថាសម្ពោធសាកលវិទ្យាល័យហេងសំរិនត្បូងឃ្មុំ សម្ដេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា ការវិនិយោគរបស់រដ្ឋ និងឯកជន លើវិស័យអប់រំ ដោយរុញច្រានសាលារៀនឱ្យទៅកៀកនឹងមូលដ្ឋានរបស់ប្រជាពលរដ្ឋ ជួយអោយប្រទេសកាត់បន្ថយបាននូវគម្លាតខាងខួរក្បាល។ សម្តេចអះអាងថា ការបណ្ដុះបណ្ដាលធនធានមនុស្សបានក្លាយ ទៅជាប្រធានបទគន្លឹះនៃការអភិវឌ្ឍរបស់កម្ពុជា ដែលកាត់បន្ថយគម្លាតផ្ទៃក្នុងខ្លួនឯងផង និងក៏កាត់បន្ថយគម្លាតអភិវឌ្ឍន៍ជាមួយប្រទេសដទៃថែមទៀតផង។ “អាទិភាព ៤ គឺ មនុស្ស, ទឹក, ផ្លូវ ភ្លើង ត្រូវតែដើរស្របគ្នា និងនៅតែជាអាទិភាពដែលយើងត្រូវដោះស្រាយ” សម្តេចតេជោបញ្ជាក់ និងកត់សម្គាល់ថា ការពង្រាយសាលាទៅជិតសិស្ស បានជួយអោយសិស្សមានលទ្ធភាពរៀនចប់ថ្នាក់ទី ៩ ហើយក៏បង្កឱកាសអោយយុវនារីនៅមូលដ្ឋាន អាចបន្តការសិក្សាបានដែរ។
ស្តីពី E-Government ឬរដ្ឋាភិបាលអេឡិកត្រូនិក ហើយក៏ជាការឆ្លើយតបទៅនឹងក្រុមអ្នកវិភាគ ដែលរិះគន់ថា ការដែលសម្ដេចប្រើហ្វេសប៊ុក ក្នុងការដោះស្រាយបញ្ហាជូនប្រជាពលរដ្ឋបានធ្វើឱ្យបាត់ប្រព័ន្ធការងាររបស់ក្រសួង ស្ថាប័ន រដ្ឋ, សម្ដេចទាញបំភ្លឺថា ការប្រើហ្វេសប៊ុកមិនចោលប្រព័ន្ធការងារដែលធ្លាប់មានពីមុនទេ ក៏ប៉ុន្តែវាបានបង្កើន និងពន្លឿនប្រសិទ្ធិភាពដោះស្រាយកង្វល់របស់ប្រជាពលរដ្ឋ។ “ខ្ញុំសូមផ្តាំត្រឡប់ទៅវិញ ខ្ញុំអត់ចោលប្រព័ន្ធការងារដែលធ្លាប់មានពីមុនទេ។ ខ្ញុំគ្រាន់តែបង្កើនល្បឿនឲ្យមន្ត្រីរបស់យើងគ្រប់ទីកន្លែង ដោះស្រាយការងារឲ្យបានលឿនបំផុតសម្រាប់ប្រជាពលរដ្ឋ” សម្តេចបញ្ជាក់៕
...
Read More
ថ្ងៃ ១០ កុម្ភៈ ឆ្នាំ ២០១៦ សម្តេចតេជោ ហ៊ុន សែន បានសរសេរតាមហ្វេសប៊ុកថា រាជរដ្ឋាភិបាលកម្ពុជា បន្តកសាងហេដ្ឋារចនាសម្ព័ន្ធ គមនាគមន៍ជាបន្តបន្ទាប់ទៀត ដើម្បីបង្កលក្ខណៈងាយស្រួលដល់ការធ្វើដំណើររបស់ប្រជាពលរដ្ឋ។ ជាក់ស្តែង កំណាត់ផ្លូវជាតិលេខ ១ ដែលនៅសល់ប្រវែង ៤ គីឡូម៉ែត្រទៀត គិតចាប់ពីគល់ស្ពានមុនីវង្ស ដល់ម្តុំវត្តក្តីតាកុយ ក្នុងខណ្ឌច្បារអំពៅ រាជធានីភ្នំពេញ កំពុងតែស្ថាបនាយ៉ាងមមាញឹក។ គំរោងស្ថាបនាកំណាត់ផ្លូវនេះ គឺជាកិច្ចសហប្រតិបត្តិការ រវាងរាជរដ្ឋាភិបាលកម្ពុជា និងរដ្ឋាភិបាលជប៉ុន បន្ទាប់ពីបានជួយទាំងផ្លូវជាតិលេខ ១ ទាំងស្ពានអ្នកលឿង(ទ្សឹបាសា)។
សមិទ្ធិផល និងគម្រោងផ្លូវដែលមានស្រាប់ និងកំពុងបន្តពង្រីក ភ្ជាប់ប្រទាក់ក្រឡាគ្នាយ៉ាងច្រើន គឺជាការចូលរួមចំណែកយ៉ាងសំខាន់ ផ្តល់ភាពងាយស្រួលក្នុងការដឹកជញ្ជូនចល័តទូទាំងប្រទេស ជាពិសេសលើផ្នែកសេដ្ឋកិច្ច ពាណិជ្ជកម្ម។ រាជរដ្ឋាភិបាលកម្ពុជា ក្រោមការដឹកនាំរបស់ សម្តេចតេជោ ហ៊ុន សែន អរគុណចំពោះ រដ្ឋាភិបាលជប៉ុន ដែលជានិច្ចកាលតែងគាំទ្ររាជរដ្ឋាភិបាលកម្ពុជាក្នុងការកសាងហេដ្ឋារចនាសម្ព័ន្ឋជាតិរួមទាំងផ្លូវថ្នល់ និងស្ពានជាច្រើននៅក្នុងប្រទេសកម្ពុជា។ សូមប្រជាពលរដ្ឋបើកបរលើផ្លូវដែលកំពុងសាងសង់នេះ ដោយគោរពច្បាប់ចរាចរណ៍ និងយោគយល់អធ្យាស្រ័យ ដើម្បីសុវត្ថិភាពទាំងអស់គ្នា ។
...
Read More
ថ្ងៃទី ៨ កុម្ភៈ ឆ្នាំ ២០១៦ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានចេញសេចក្តីណែនាំ ដល់សម្តេច ឯកឧត្តម លោកជំទាវ ឧបនាយករដ្ឋមន្រ្តី រដ្ឋមន្រ្តីប្រតិភូ រដ្ឋមន្រ្តីគ្រប់ក្រសួង ប្រធានគ្រប់ស្ថាប័ន និងអភិបាលនៃគណៈអភិបាលរាជធានី-ខេត្ត អោយបង្កើតក្រុមការងារតាមដាន និងស្រង់ព័ត៌មាន ពាក្យបណ្តឹង និងសំណូមពរប្រជាពលរដ្ឋនៅលើគេហទំព័រ Facebook សម្តេចនាយករដ្ឋមន្រ្តី។ “ខ្ញុំសូមសម្តេច សម្តេច ឯកឧត្តម លោកជំទាវ ឧបនាយករដ្ឋមន្រ្តី រដ្ឋមន្រ្តីប្រតិភូ រដ្ឋមន្រ្តីគ្រប់ក្រសួង ប្រធានគ្រប់ស្ថាប័ន និងអភិបាលនៃគណៈអភិបាលរាជធានី-ខេត្ត យកចិត្តទុកដាក់លើកិច្ចការសំខាន់នេះ ដើម្បីរួមសហការគ្នាដោះស្រាយរាល់បញ្ហា ជូនប្រជាពលរដ្ឋអោយបានឆាប់រហ័ស ប្រកបដោយតម្លាភាព និងប្រសិទ្ធិភាពខ្ពស់” សម្តេចបានសរសេរក្នុងសេចក្តីណែនាំ។ ហ្វេសប៊ុកសម្តេចតេជោ សព្វថ្ងៃទទួលបាននូវរបាយការណ៍ជាព័ត៌មានចម្រុះ រួមទាំងពាក្យបណ្តឹងពីប្រជាពលរដ្ឋទូទាំងប្រទេស។
ក្នុងថ្ងៃដដែល ក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានប្រកាសថា សម្តេចតេជោ ហ៊ុន សែន នាយករដ្ឋមន្រ្តី នឹងជួបសំណេះសំណាលជាមួយប្រជាពលរដ្ឋរាប់រយនាក់ ដែលមកពីគ្រប់កន្លែងនៅសហរដ្ឋអាមេរិក ក្នុងអំឡុងពេលសម្តេចទៅចូលរួមកិច្ចប្រជុំកំពូលអាស៊ាន-អាមេរិក នៅ Rancho Mirage, California ពីថ្ងៃទី ១៥ ដល់ ១៦ ខែ កុម្ភៈ ឆ្នាំ២០១៦ ខាងមុខនេះ។
...
Read More
តាមហ្វេសប៊ុក ថ្ងៃ ៦ កុម្ភៈ ឆ្នាំ ២០១៦ សម្តេចតេជោ ហ៊ុន សែន បានផ្ញើសារជម្រាបជូនជនរួមជាតិទូទាំង ប្រទេសថា រាជរដ្ឋាភិបាលកម្ពុជា បានចេញសេចក្តីសម្រេចលុបចោលកិច្ចសន្យាវិនិយោគប្រព័ន្ធសាងសង់ អាជីវកម្មផ្ទេរ (Build, Operate and Transfer – BOT) ផ្លូវជាតិលេខ ១២៣ ក្នុងខេត្តតាកែវ។
សម្តេចតេជោបញ្ជាក់ថា ចាប់ពីពេលនេះតទៅ ប្រជាពលរដ្ឋឈប់បង់លុយក្នុងការធ្វើដំណើរលើផ្លូវជាតិ លេខ ១២៣ ដែលតភ្ជាប់ពីផ្លូវជាតិលេខ ២ ចាប់ពីផ្សារចំបក់ ទៅដល់ភូមិទំនប់ ឃុំត្នោត ស្រុកបាទី ខេត្តតាកែវ ហើយសង្ឃឹមថា ការសម្រេចនេះ នឹងជួយកាត់បន្ថយការចំណាយប្រចាំថ្ងៃរបស់បងប្អូនប្រជា ពលរដ្ឋ ក៏ដូចជាជួយសម្រាលដល់ជីវភាពរស់នៅ របស់ប្រជាពលរដ្ឋអោយកាន់តែប្រសើរឡើង៕
...
Read More
ក្នុងពិធីប្រគល់សញ្ញាបត្រជូននិស្សិតជ័យលាភី ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតនៃសាកលវិទ្យាល័យជាតិគ្រប់គ្រង នៅព្រឹកថ្ងៃទី ០៥ ខែ កុម្ភៈ ឆ្នាំ ២០១៦ ជាមួយនឹងការសាទរនូវវឌ្ឍនភាពរបស់សាកលវិទ្យាល័យជាតិគ្រប់គ្រង ក៏ដូចជាជ័យលាភី សម្តេចតេជោ ហ៊ុន សែន បានទទូចឱ្យបន្តកំណែទម្រង់ស៊ីជម្រៅលើវិស័យអប់រំ។ សម្តេចបានលើកឡើងថា ការផ្លាស់ប្តូរនៅក្នុងតំបន់ និងពិភពលោក ត្រូវឱ្យមានការប្រកួតប្រជែង ដែលធនធានមនុស្សបានក្លាយទៅជាបញ្ហាគន្លឹះពិតប្រាកដ ក្នុងដំណើរសមាហរណកម្មក្នុងក្របខណ្ឌតំបន់ អនុតំបន់ និងពិភពលោក។ ទាក់ទងជាមួយកិច្ចការតំបន់ និងពិភពលោក សម្តេចបានបញ្ជាក់ថា ការដែលសហរដ្ឋអាមេរិកបញ្ជូនរដ្ឋមន្ត្រីការបរទេសមកកម្ពុជា មុនពេលបើកកិច្ចប្រជុំរវាងអាស៊ាន និងសហរដ្ឋអាមេរិក ពិតជាអាចអោយយល់បានថា កម្ពុជា ជាប្រទេសមួយនឹងគេ ជារដ្ឋអធិបតេយ្យ និងជាអ្នកដែលមានខួរក្បាលដូចគេដូចឯងដែរ។ឆ្លើយតបទៅការរិះគន់របស់ក្រុមអ្នកវិភាគក្មេងខ្ចីមួយចំនួនអំពីអធិបតេយ្យរបស់កម្ពុជាកន្លងមក សម្តេចតេជោ អះអាងថា កម្ពុជាមានអធិបតេយ្យភាព មិនមានការចាំបាច់សុំយោបល់ពីប្រទេសណាទាំងអស់។ បើគ្មាននយោបាយឯករាជ្យនោះទេ កម្ពុជាមិនអាចចេញផុតពីអន្លង់គ្រោះថ្នាក់ពីអតីតកាល តាមរយៈនៃនយោបាយឈ្នះឈ្នះរបស់ខ្លួននោះឡើយ។ សម្តេចសង្កត់ធ្ងន់ថា “គ្មានការចាំបាច់ត្រូវរាយការណ៍ថា(កម្ពុជា)ធ្វើជាមួយអាមេរិកអញ្ចេះ … ធ្វើជាមួយចិនអញ្ចុះ ហើយគ្មានការចាំបាច់ទៅទីក្រុងតូក្យូ ដើម្បីប្រាប់ជប៉ុនថាធ្វើអញ្ចុះ ក៏ទេដែរ។ ខ្មែរ គឺខ្មែរ។ គ្មានអ្នកណាស្គាល់ខ្មែរជាងខ្មែរគ្នាឯងនោះទេ ហើយមានតែខ្មែរមួយគត់ដែលមានសិទ្ធិសម្រេច លើជោគវាសនារបស់ខ្មែរ។ លើកឡើងពីការជួបពិភាក្សាជាមួយ John Kerry រដ្ឋមន្តី្រការរទេសសហរដ្ឋអាមេរិក កាលពីពេលកន្លង ទៅថ្មីៗនេះ អំពីសមុទ្រចិនខាងត្បូង សម្តេចស្នើឱ្យសហរដ្ឋអាមេរិកផ្តល់យុត្តិធម៌ជូនសម្តេច ក៏ដូចប្រទេសកម្ពុជា។ តបទៅលោក John Kerry ដែលនិយាយថា មិនមែន(មកកម្ពុជា)ដើម្បីឱ្យមានការជ្រើសរើសរវាងអាមេរិក និងចិន សម្តេចតេជោថា កម្ពុជាក៏គ្មានការចាំបាច់រើសអ្នកណាដែរ ព្រោះកម្ពុជាត្រូវការធ្វើមិត្តទាំងអស់។ តើវាមានប្រយោជន៍អីដើម្បីឱ្យកម្ពុជារើសអ្នកនេះចោលអ្នកនោះ ចូលជាមួយអ្នកនេះប្រឆាំងអ្នកនោះ? យ៉ាងណាក្តី សម្តេចតេជោ បានប្រាប់រដ្ឋមន្ត្រីការបរទេសសហរដ្ឋអាមេរិកថា ល្មមដល់ពេល សងនូវយុត្តិធម៌សម្រាប់ខ្ញុំអំពីសមុទ្រចិនខាងត្បូងកាលពីឆ្នាំ...Read More
ថ្ងៃទី ៣០ ខែ មករា ឆ្នាំ ២០១៦ សម្តេចតេជោហ៊ុន សែន បានផ្សព្វផ្សាយតាមហ្វេសប៊ុក នូវពង្រៀងលក្ខន្តិកៈ នៃកម្មវិធី «ខ្ញុំជាយុវជនគំរូកម្ពុជា» ដោយបានសូមឲ្យសាធារណជនចូលរួមផ្តល់មតិយោបល់ចាប់ពីពេលនេះ រហូតដល់ថ្ងៃ ពុធ ទី ៣ ខែ កុម្ភៈ។ ទិសដៅ និងគោលបំណងសំខាន់នៃកម្មវិធី គឺការទាក់ទាញយុវជនអោយបញ្ចេញមតិយោបល់ ធ្វើសកម្មភាព និងចូលរួមកសាងអំពើល្អ ក្លាយជាពលរដ្ឋគំរូ នៅក្នុងសង្គមអោយកាន់តែច្រើន។ បេក្ខជន បេក្ខនារី អាចធ្វើការជ្រើសដោយសេរី រូបភាពនៃការចូលរួម មានដូចជាការផលិតសាច់រឿងជាវីដេអូ កំណាព្យ ចម្រៀង គំនូរ ឬជាអត្ថបទ។ បេក្ខជន បេក្ខនារី អាចរើសប្រធានបទណាដែលខ្លួនកំពុងមានសកម្មភាពជាក់ស្តែង ឬដែលគិតថាទទួលបានការគាំទ្រច្រើន ឧទាហរណ៍ ការគោរច្បាប់ចរាចរណ៍ ការជួយកុមារកំព្រា/ស្រ្តីមេម៉ាយទីទាល់ក្រ/ជនចាស់ជរា/ជនពិការ សកម្មភាពជួយយកសារជនរងគ្រោះ(គ្រោះថ្នាក់ចរាចរណ៍ អគ្គិភ័យ ទឹកជំនន់) អនាម័យតាមទីសាធារណៈ និងក្នុងទីក្រុង ការលុបបំបាត់គ្រឿងញៀន។ល។
នឹងមានការប្រកាសម្តងទៀតអំពីការដាក់ពាក្យ ជាមួយនឹងលក្ខន្តិកៈការប្រកួតនៅពេលឆាប់ៗខាងមុខ។ កម្មវិធីកំណត់ទទួលពាក្យម្តងតែ ១០០ នាក់ប៉ុណ្ណោះ។ ក្រោយពីទទួលបានការចូលរួម ១០០ ជាវីដេអូ ឬ កំណាព្យ ឬ ចំរៀង ឬគំនូរ នឹងមានដាក់ឲ្យសាធារណជនបោះឆ្នោតនៅលើគេហទំព័ររបស់សម្តេចតេជោ ចំនួន ៤ ថ្ងៃ ដើម្បីជ្រើសរើសបេក្ខជនលំដាប់ខ្ពស់ជាងគេ ១០ នាក់។ បន្ទាប់ទៅកិច្ចការរបស់បេក្ខជនទាំង ១០ នឹងត្រូវយកទៅបង្ហោះលើហ្វេសប៊ុក សម្តេចតេជោ ៣ ថ្ងៃទៀត ដើម្បីបោះឆ្នោតដោយការ Like ដើម្បីជ្រើសរើសយកលេខ ១ ប្រចាំសប្តាហ៍ ដែលនឹងទទួលបានរង្វាន់ iPhone...Read More
ថ្ងៃទី ២៨ ខែ មករា ឆ្នាំ ២០១៦ សម្តេចតេជោ ហ៊ុន សែន បានអនុញ្ញាតឲ្យអគ្គរដ្ឋទូតគូបា សហរដ្ឋអាមេរិក និងសហភាពអឺរ៉ុប ចូលជួបសម្តែងការគួរសមដោយឡែកពីគ្នា នៅវិមានសន្តិភាព។ ក្នុងជំនួបជាមួយ ឯកឧត្តម Juan de Jesus Hidalgo Gato Perez ឯកអគ្គរដ្ឋទូតថ្មីនៃប្រទេសគូបា, សម្តេចតេជោ បានរំលឹកឡើងអំពី ទំនាក់ទំនងរវាងគូបា និងកម្ពុជា ដែលមានតាំងពីឆ្នាំ ១៩៧៩ មក ហើយបានស្វាគមន៍ និងវាយតម្លៃខ្ពស់ ទៅលើការប្តេជ្ញាចិត្តរបស់ឯកឧត្តមអគ្គរដ្ឋទូតគូបា ក្នុងការជំរុញកិច្ចសហប្រតិបត្តិការរវាងប្រទេសទាំងពីរឲ្យកាន់តែល្អប្រសើរឡើងទៀត។
ក្នុងជំនួបបន្ទាប់មកទៀត ឯកឧត្តម William A. Heidt ឯកអគ្គរដ្ឋទូតថ្មីនៃសហរដ្ឋអាមេរិកប្រចាំនៅកម្ពុជា បានអះអាងជូនសម្តេចតេជោថា នឹងធ្វើនូវអ្វីៗ ដែលនាំមកនូវប្រយោជន៍ដល់ប្រទេសទាំងពីរ ជាពិសេស នូវអ្វីដែលសម្តេចតេជោ ហ៊ុន សែន បានពិភាក្សាជាមួយនឹងឯកឧត្តម ជន ឃឺរី កាលពីពេលថ្មីៗនេះ។ សម្តេចតេជោបានប្រាប់អគ្គរដ្ឋទូតថ្មីនៃសហរដ្ឋអាមេរិកថា ទំនាក់ទំនងផ្នែកសេដ្ឋកិច្ច ពាណិជ្ជកម្ម រវាងប្រទេសទាំងពីរ ដែលបានកើតមានឡើងកន្លងមក គឺជាមូលដ្ឋានគ្រឹះនៃទំនាក់ទំនងលើវិស័យផ្សេងៗទៀត សម្រាប់កម្ពុជា និងសហរដ្ឋអាមេរិក។
ឯកឧត្តម George Edgar ឯកអគ្គរដ្ឋទូតសហគមន៍អឺរ៉ុប បានសំដែងនូវការរីករាយចំពោះទំនាក់ទំនងល្អរវាងកម្ពុជា និងសហគមន៍អឺរ៉ុប ពិសេសលើវិស័យអប់រំ កសិកម្ម ក៏ដូចជា វិស័យជ្សេងៗទៀត ព្រមទាំងបានអបអរសាទរ ចំពោះកម្ពុជាដែលសម្រេចបានយ៉ាងជោគជ័យនូវផែនការអភិវឌ្ឍសហសវត្សន៍ ដែលជាមូលដ្ឋានមួយសម្រាប់ពង្រីកនូវកិច្ចសហប្រតិបត្តិការរវាងកម្ពុជា និងសហគមន៍អឺរ៉ុបជាបន្តទៀត។ សម្តេចតេជោ ហ៊ុន សែន បានថ្លែងអំណរគុណចំពោះសហគមន៍អឺរ៉ុប ដែលបានផ្តល់ជំនួយដល់កម្ពុជា និងបានស្នើឲ្យសហគមន៍អឺរ៉ុប បន្តសហការជាមួយរាជរដ្ឋាភិបាលកម្ពុជាធ្វើឲ្យគម្រោងអាទិភាពទាំងឡាយទទួលបានជោគជ័យ ជាប្រយោជន៍ដល់ការពង្រឹងទំនាក់ទំនងរវាងកម្ពុជា...Read More
ថ្ងៃទី ២៨ ខែ មករា ឆ្នាំ ២០១៦ ក្នុងសារតាមហ្វេសប៊ុក ដែលរំលឹកពីប្រវត្តិនៃការជក់ និងឈប់ជក់បារី សម្តេចតេជោ ហ៊ុន សែន បានសរសេរ “ថ្ងៃទី ២៨ មករា ២០១៦ នេះ ចៅស្រីរបស់ខ្ញុំមានវ័យគ្រប់ ១៦ ឆ្នាំ។ កាដូធំជាងគេសម្រាប់នាង គឺខ្ញុំបានបំពេញតាមការសន្យាដែលថាពេលមានចៅ គឺខ្ញុំឈប់ជក់បារី”។ សម្តេចបានរំលឹក ថា គិតពី ខែ មីនា ឆ្នាំ ២០១៤ មកទល់បច្ចុប្បន្ននេះ មានរយៈពេល ២២ ខែហើយ ដែលសម្តេចផ្តាច់បារីចោលបានទាំងស្រុង ហើយក៏លែងបារម្ភថា ចៅៗទទួលផលប៉ះពាល់ដោយផ្សែងបារីទៀតហើយ។ សម្តេចបញ្ជាក់ថា ពីមុន សម្តេចតែងតែរត់ចេញ ឬពន្លត់បារីចោលភ្លាម ពេលចៅៗមកលេងម្តងៗ ឬពេលដែលសម្តេចទៅលេងចៅវិញ។
ជាមួយនឹងការអំពាវនាវចំពោះប្រជាជនដែលបាន និងកំពុងជក់បារី អោយឈប់ជក់បារី ព្រមទាំងចំពោះយុវជន/នារី ដែលមិនទាន់ចេះជក់បារី កុំរៀនជក់បារី ដែលមិនគ្រាន់តែសន្សំប្រាក់កាសប៉ុណ្ណោះទេ ប៉ុន្តែដើម្បីសុខភាពផ្ទាល់ខ្លួនម្នាក់ៗ ក្រុមគ្រួសារយើង មិត្តភ័ក្តរួមប្រាស្រ័យការងារជាមួយយើង សហគមន៍យើង និងដល់បរិស្ថានដែលជាផ្នែកមួយនៃសុខភាពសាធារណៈ សម្តេចតេជោបានរំលឹកថា “ក្រោយពីចូលកងទ័ព ខ្ញុំបានក្លាយជាអ្នកជក់បារី ដោយចាប់ផ្តើមពីការរៀនជក់ … (ពេលនោះ)ដើម្បីកាត់បន្ថយភាពតានតឹងក្នុងការងារ កាត់បន្ថយមូស និងសត្វល្អិតខាំ។ ប៉ុន្តែក្រោយមក ការជក់ … ក្លាយទៅជាឆ្ងាញ់ហើយញៀន និងបន្តមកទៀត ខ្ញុំបានជក់ ដើម្បីការគិត។” សម្តេចបានរៀបរាប់ថា យុទ្ធជនស្ទើរតែ ១០០% ក្នុងអង្គភាពទ័ពជាមួយសម្តេចនៅពេលនោះ ចេះជក់បារី ហើយសម្តេចញៀនបារី រហូតត្រូវស្វែងរកស្លឹកល្ហុង និងស្លឹកឈើផ្សេងៗមកជក់ជំនួសបារី ក្នុងស្ថានភាពលំបាករកថ្នាំជក់។
សម្តេចតេជោ រំលឹកទៀតថា...Read More
ថ្ងៃទី ២៦ ខែ មករា ក្នុងឱកាសចូលជួបប្រាស្រ័យការងារ ជាមួយសម្តេចតេជោ ហ៊ុន សែន នាយករដ្ឋមន្ត្រី កម្ពុជា ឯកឧត្តម ជន ឃែរី (John Kerry) រដ្ឋមន្ត្រីការបរទេសសហរដ្ឋអាមេរិក បានទទួលស្គាល់ថា ព្រះរាជាណាចក្រកម្ពុជា កំពុងទទួលបាននូវការរីកចម្រើនគួរឱ្យកត់សំគាល់ ជាពិសេស ភ្នំពេញមានការអភិវឌ្ឍយ៉ាងឆាប់រហ័ស បើប្រៀបធៀបទៅនឹងប៉ុន្មានឆ្នាំមុន។ ក្រៅពីលើកឡើងថា កម្ពុជាមានសក្ដានុពលយ៉ាងខ្លាំង និងមានឱកាសច្រើនសម្រាប់ជនជាតិអាមេរិកមកវិនិយោគនៅកម្ពុជា រដ្ឋមន្ត្រីការបរទេសសហរដ្ឋអាមេរិក បានថ្លែងអំណរគុណចំពោះរាជរដ្ឋាភិបាលកម្ពុជា ដែលបានចូលរួមក្នុងប្រតិបត្តិការសន្តិភាពក្នុងពិភពលោក ក្រោមឆ័ត្ររបស់អង្គការសហប្រជាជាតិ។ ឯកឧត្តមអះអាងថា “កម្ពុជាជាប្រទេសតូចមួយ ហើយការរួមចំណែកនេះ ពិតជាមានសារៈសំខាន់ និងមានអត្ថន័យជាទីបំផុត”។ ឯកឧត្ដម ជន ឃែរី ជម្រាបសម្ដេចតេជោ ពីគោលបំណងនៃទស្សនកិច្ចថា ដើម្បីរៀបចំកិច្ចប្រជុំកំពូលអាស៊ាន-អាមេរិក ដែលនឹងប្រព្រឹត្តទៅនៅខែ កុម្ភៈ ខាងមុខនេះ និងស្វែងរកវិធីដើម្បីក្ដាប់ឱកាសឱ្យកាន់តែធំធេងឡើងសម្រាប់ប្រទេសទាំងពីរ។ សម្ដេចតេជោ ហ៊ុន សែន បានថ្លែងអំណរគុណរដ្ឋាភិបាលសហរដ្ឋអាមេរិក ដែលបានប្រគល់ត្រឡប់មកវិញនូវរូបចម្លាក់បុរាណរបស់កម្ពុជា ហើយក៏បានស្នើសុំឱ្យសហរដ្ឋអាមេរិក បន្តសកម្មភាពជួយដល់កម្ពុជា បើមានករណីដូចនេះទៀត និងបន្ថែមថា ការរីកចម្រើនរបស់កម្ពុជា មិនអាចកាត់ផ្ដាច់ពីការជួយ និងទំនាក់ទំនងល្អជាមួយសហរដ្ឋអាមេរិកឡើយ។
សម្ដេចតេជោ បានស្នើអោយមានការរួមគ្នាជំរុញទំហំពាណិជ្ជកម្មរវាងប្រទេសទាំងពីរឱ្យកាន់តែរីកចម្រើនថែមទៀត និងបានវាយតម្លៃពីទំនាក់ទំនងរវាងកម្ពុជា និងសហរដ្ឋអាមេរិក ពិសេស លើវិស័យប្រយុទ្ធប្រឆាំងភេរវកម្ម ថាកំពុងតែប្រព្រឹត្តទៅយ៉ាងល្អបំផុត។ សម្តេចបានសូមឱ្យអាមេរិកបន្តជួយកម្ពុជាលើវិស័យសុខាភិបាល, វិស័យអប់រំ និងការដោះមីន ក៏ដូចជា ពិចារណាអនុញ្ញាតឱ្យកម្ពុជានាំទំនិញចេញទៅសហរដ្ឋអាមេរិក ដោយពុំមានកូតា និងដោយរួចពន្ធ។ ទាក់ទងនឹងសមុទ្ទចិនខាងត្បូង សម្ដេចតេជោនាយករដ្ឋមន្ត្រីបានបញ្ជាក់ថា បញ្ហាធំនៃបញ្ហាសមុទ្ទចិនខាងត្បូងនេះ គឺការត្រូវគោរពច្បាប់ ដែលអាស៊ាន និងចិន បានចុះហត្ថលេខា កាលពីឆ្នាំ ២០០២ លើឯកសារ...Read More
នៅថ្ងៃទី ២៥ ខែ មករា ឆ្នាំ ២០១៦ ក្នុងកម្មវិធីបើកវេទិកាស្រូវអង្ករកម្ពុជា លើកទី ៥ សម្តេចតេជោ ហ៊ុន សែន បានថ្លែងថា ការដែលរាជរដ្ឋាភិបាលបញ្ចប់នូវកិច្ចសន្យាថែទាំផ្លូវជាតិលេខ ៤ នឹងបានជាផលដល់ សហព័ន្ធស្រូវអង្ករ និងអ្នកនាំចេញទូទៅ ដែលពីមុនមកធ្លាប់តែបង់សេវាដឹកជញ្ជូននៅតាមផ្លូវជាតិលេខ ៤។ ការបញ្ចប់កិច្ចសន្យា បានសម្រួលឲ្យប្រជាពលរដ្ឋមិនបង់ប្រាក់នេះម្យ៉ាង ហើយម្យ៉ាងទៀត ក៏បានជួយផងដែរទៅដល់ការសម្រួលពាណិជ្ជកម្ម កាត់បន្ថយថ្លៃដើម បង្កើនការប្រកួតប្រជែងនៅទីផ្សារខាងក្រៅ។ សម្តេចតេជោ បានបញ្ជាក់ទៀតថា រវាងភ្នំពេញ និងទីក្រុងព្រះសីហនុ ដែលមានកំពង់ផែសមុទ្រទឹកជ្រៅ ផ្លូវដែកនឹងដំណើរការ ដែលតម្រូវឲ្យបង្វែរគិតគូរការដឹកជញ្ជូនទៅតាមផ្លូវរថភ្លើងវិញ សម្រាប់បម្រើឲ្យការនាំចេញ និងការនាំចូលរបស់ធ្ងន់ ដូចជាដែក ជាស៊ីម៉ង់ត៍។ល។ ពាក់ព័ន្ធដល់ផលិតកម្មស្រូវ សម្តេចតេជោ បានលើកឡើងថា អង្ករផ្ការំដួលមានគុណភាពល្អអាចប្រកួតឈ្នះគេមែនពិត ប៉ុន្តែកម្ពុជាអាចដាំដុះស្រូវផ្ការំដួលតែម្ដងទេក្នុងមួយឆ្នាំ ព្រោះជាពូជដែលប្រកាន់រដូវ។ សម្តេចបានណែនាំអោយមានការសិក្សាស្រាវជ្រាវអំពីពូជស្រូវដែលល្អដូចគ្នា តែមិនប្រកាន់រដូវ ដើម្បីបម្រើអោយគោលដៅនៃការនាំចេញ៕
...
Read More
ថ្ងៃទី ២៣ ខែ មករា ឆ្នាំ ២០១៦, ក្នុងឱកាស ឯកឧត្តម Tanasak Patimapragorn ឧបនាយករដ្ឋមន្រ្តី និងរដ្ឋមន្រ្តីក្រសួងការបរទេសថៃ អញ្ជើញចូលជួបសម្តែងការគួរសម និងពិភាក្សាការងារ, សម្តេចតេជោ ហ៊ុន សែន នាយករដ្ឋមន្ត្រី បានយល់ស្របចំពោះការលើកឡើងពីសារសំខាន់នៃការប្រកួតបាល់ទាត់លក្ខណៈមិត្តភាព រវាងក្រុម Cambodia All Stars នៃកម្ពុជា ជាមួយក្រុម Burriram United របស់ថៃ ហើយបានចាត់ទុកថា ជាឱកាស និងព្រឹត្តិការណ៍ដ៏ល្អ កម្រមានមួយ នៃទំនាក់ទំនងដ៏ល្អរវាងប្រទេសទាំងពីរ។ ឆ្លើយតបទៅនឹងការផ្តួចផ្តើមគំនិត ចង់ឲ្យមានការប្រកួតបាល់ទាត់រួមគ្នាកម្ពុជា/ថៃ ប្រកួតជាមួយក្រុមបាល់ទាត់នៃប្រទេសដទៃទៀត សម្តេចផ្តល់នូវការយល់ស្រប ហើយប្រគល់តួនាទីឲ្យទៅឧបនាយករដ្ឋមន្រ្តី សុខ អាន ដើម្បីចាត់ចែង និងបានផ្តល់អនុសាសន៍ ណែនាំឲ្យសមាគមមិត្តភាពកម្ពុជា-ថៃ បន្តធ្វើសកម្មភាពឲ្យកាន់តែសកម្មថែមទៀត។
នៅយប់ថ្ងៃ ២៣ មករា ២០១៦ នេះ ក្រោយការប្រកួតបានចប់សព្វគ្រប់ សម្តេចតេជោ បានសម្រេចផ្តល់រង្វាន់លើកទឹកចិត្តដល់ថ្នាក់ដឹកនាំ និងកីឡាករទាំង ៣៦ រូប ហើយក៏បានលើកសរសើរដល់ថ្នាក់ដឹកនាំ និងកីឡាករ កម្ពុជាទាំងអស់ ដែលបានប្រឹងប្រែងរហូតទទួលបានជ័យជម្នះលើក្រុមកីឡាបាល់ទាត់ខ្លាំងមួយរបស់ថៃ៕
...
Read More
