កម្ពុជានាំចេញអង្ករបានជាង៤២ម៉ឺនតោន កើនឡើង១៦% នៅរយៈពេល៩ ខែឆ្នាំ២០១៧, ចិនជាប់លេខ១ នាំចូលបាន១២ម៉ឺនតោន

FN ៖ រយៈពេល៩ខែ ឆ្នាំ២០១៧ ពោលចាប់ពីខែមករា ដល់ខែកញ្ញា កម្ពុជាបាននាំចេញអង្ករទៅកាន់ទីផ្សារអន្ដរជាតិជាង៤២ម៉ឺនតោន កើនឡើង១៦ភាគរយ បើធៀបនឹងរយៈពេលដូចគ្នាឆ្នាំ២០១៦។ របាយការណ៍ផ្លូវការ ពីលេខាធិការដ្ឋានច្រកចេញចូលតែមួយ សម្រាប់ការបំពេញបែបបទនៃការនាំចេញអង្ករ ដែលអង្គភាព Fresh News ទទួលបាននៅថ្ងៃទី០៥ ខែតុលា ឆ្នាំ២០១៧បានបញ្ជាក់ថា ចាប់ពីខែមករា ដល់កញ្ញា ឆ្នាំ២០១៧ កម្ពុជាបាននាំចេញអង្ករបានចំនួន៤២១,៩៦៦តោន កើតឡើង១៦.៧០% បើធៀបនឹងរយៈពេលដូចគ្នាឆ្នាំ២០១៦ ដែលមានចំនួន៣៦១,៥០៥តោន។ យោងតាមរបាយការណ៍ ប្រទេសចំនួនជិត៦០ ត្រូវបានកម្ពុជានាំចេញអង្ករទៅលក់នៅទីនោះ ហើយប្រទេសដែលទិញអង្ករច្រើនជាងគេនៅកម្ពុជា គឺប្រទេសចិន ដែលមានចំនួនជាង១២ម៉ឺនតោន បន្ទាប់មកគឺប្រទេសបារាំង ដែលមានចំនួនជាង៥ម៉ឺនតោន និងចំណាត់ថ្នាក់ទី៣ ប្រទេសប៉ូឡូញដែលមានចំនួនជាង៣.៥ម៉ឺនតោន។ នៅឆ្នាំ២០១៦កន្លងទៅកម្ពុជា បាននាំចេញអង្ករទៅកាន់ទីផ្សារអន្តរជាតិ បានចំនួនជាង៥៤ម៉ឺនតោន ខណៈរាជរដ្ឋាភិបាល មានផែនការជំរុញការនាំចេញអង្ករ ឲ្យបាន១លានតោនក្នុង១ឆ្នាំ៕

មេសហជីពធំៗនៅកម្ពុជា ដែលតំណាងឲ្យកម្មករជិត៥០ម៉ឺននាក់ ប្រកាសគាំទ្រការតម្លើងប្រាក់ឈ្នួលជូនកម្មករ រហូតដល់១៧០ដុល្លារ

FN ៖ មេសហជីពធំៗនៅកម្ពុជា ដែលតំណាងឲ្យកម្មករជិត៥០ម៉ឺននាក់ រួមមានសភាសម្ព័ន្ធសហជីពជាតិកម្ពុជា ហៅកាត់ថា NACC និងសហព័ន្ធសម្លេងយុវជនខ្មែរក្រោម នៅថ្ងៃទី០៦ ខែតុលា ឆ្នាំ២០១៧នេះ បានចេញមកប្រកាសគាំទ្រយ៉ាងពេញទំហឹង ចំពោះការតម្លើងប្រាក់ខែជូនកម្មករ នៅឆ្នាំ២០១៨ រហូតដល់១៧០ដុល្លារ។ លោក សោម អូន ប្រធានសភាសម្ព័ន្ធសហជីពជាតិកម្ពុជា ​សូមថ្លែងអំណរគុណយន្តការត្រីភាគី ដែលមានតំណាងសហជីព តំណាងនិយោជក និងជាពិសេសតំណាងអន្តរក្រសួងរបស់រាជរដ្ឋាភិបាល ដែលបានដឹកនាំពិភាក្សា និងសម្របសម្រួលរហូតទទួលបានលទ្ធផលល្អ។ ប្រធានសភាសម្ព័ន្ធសហជីពជាតិកម្ពុជារូបនេះ សូមអំពាវនាវដល់អ្នកបញ្ជាទិញគ្រប់ម៉ាកល្បីៗទាំងអស់ សូមបង្កើនការបញ្ជាទិញឲ្យបានច្រើន ជាអតិបរមាបន្ថែមទៀត ដើម្បីបង្កើនការងារដល់ប្រជាពលរដ្ឋកម្ពុជា និង​ជាពិសេសសូមតម្លើងតម្លៃទិញឲ្យបានសមរម្យ ដើម្បីឲ្យភាគីនិយោជកមានលទ្ធភាពផ្តល់អត្ថប្រយោជន៍ដល់កម្មករ ឲ្យបានប្រសើរជាបន្តបន្ទាប់។ ជាមួយគ្នានេះ លោក ឡុង សុផាត ប្រធានសហព័ន្ធសហជីពសម្លេងយុវជនខ្មែរ ក៏បានចេញមកប្រកាសគាំទ្រ និងអបអរសាទរយ៉ាងឧឡារិក ចំពោះការដំឡើងប្រាក់ឈ្នួលអប្បបរមា ដល់កម្មករនិយោជិត ផ្នែកវាយណភណ្ឌកាត់ដេរ និងផលិតស្បែកជើង សម្រាប់ឆ្នាំ២០១៨។​ លោកបញ្ជាក់ថា ការសម្រេចដំឡើងប្រាក់ឈ្នួលនេះ បាន​បង្ហាញចេញពីគោលបំណងថែរក្សាស្ថេរភាព បរិយាកាសការងារឲ្យ ស្ថិតក្នុងសន្តិភាព ដើម្បីទាក់ទាញវិនិយោកថ្មីៗបន្ថែម និងលើកកម្ពស់ជីវភាពរស់នៅ របស់បងប្អូនកម្មករ និយោជិក ព្រមទាំងក្រុមគ្រួសាររបស់ពួកគាត់…

ព្រឹកស្អែកនេះ ក្រុមការងារគ្រូពេទ្យស្ម័គ្រចិត្តលោក ហ៊ុន ម៉ានី ចំនួន២៦០នាក់ នឹងចុះពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃ នៅរោងចក្រសាប្រ៊ីណា ស្រុកសំរោងទង

FN ៖ ក្រុមការងារគ្រូពេទ្យស្ម័គ្រចិត្ត លោក ហ៊ុន ម៉ានី ចំនួន២៦០នាក់ នៅព្រឹកថ្ងៃទី០៧ ខែតុលា ឆ្នាំ២០១៧ស្អែកនេះ នឹងចុះពិនិត្យព្យាបាលជំងឺ និងចែកជូនអំណោយថ្នាំពេទ្យ ដល់ប្រជាពល​រដ្ឋប្រមាណជិត៣ពាន់នាក់ នៅរោងចក្រសាប្រ៊ីណា ឃុំត្រពាំងគង ស្រុកសំរោងទង ខេត្តកំពង់ស្ពឺ ព្រមទាំងចែកនំបុ័ង និងទឹកសុទ្ធផងដែរ។ ការពិនិត្យ និងព្យាបាលជំងឺ ដោយឥតគិតថ្លៃ ជូនប្រជាពលរដ្ឋនោះរួមមាន៖ ជំងឺទូទៅ មានវះកាត់ខ្នាតតូច ជំងឺផ្លូវចិត្ត ជំងឺទូទៅផ្នែកកុមារ ជំងឺរោគស្ត្រី ជំងឺឬសដូងបាត ជំងឺសួត ក្រពះ ពោះវៀន ជំងឺផ្លូវដង្ហើម ជំងឺប្រដាប់រំលាយអាហារ ជំងឺសើស្បែក ជំងឺព្រូន ជំងឺស្លេកស្លាំង ជំងឺសន្លាក់ឆ្អឹង ជំងឺរលាកថ្លើម ជំងឺកាមរោគ ជំងឺគ្រុនចាញ់ ជំងឺគ្រុនឈាម ជំងឺភ្នែក សុខភាពមាត់ធ្មេញ ជំងឺទឹកនោមផ្អែម ជំងឺបេះដូង លើសឈាម ជំងឺត្រចៀក ច្រមុះ បំពង់ករ ជំងឺតម្រងនោម អេកូសាស្ត្រ…។ល។ ការចុះពិនិត្យ និងព្យាបាលជំងឺជូនប្រជាពលរដ្ឋនេះ គឺជាស្មារតីមនុស្សធម៌សុទ្ធសាធ…