សម្តេចតេជោ ហ៊ុន សែន ប្រកាសអនុញ្ញាតឲ្យកីឡាករ-កីឡាការិនីជំនាញនៅកម្ពុជា ជិះរថយន្តក្រុងរបស់រាជធានីភ្នំពេញដោយមិនគិតថ្លៃ

FN ៖ លោក ថោង ខុន រដ្ឋមន្រ្តីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា បានថ្លែងប្រាប់បណ្តាញព័ត៌មាន Fresh News នៅព្រលប់ថ្ងៃទី០៩ ខែតុលា ឆ្នាំ២០១៧នេះឲ្យដឹងថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសអនុញ្ញាតឲ្យកីឡាករ-កីឡាការិនីជំនាញប្រើប្រាស់រថយន្តក្រុងរបស់រាជធានីភ្នំពេញ ដោយមិនគិតថ្លៃ។ ប្រធានគណៈកម្មាធិការជាតិអូឡាំពិកលោក ថោង​ ខុន បានបន្ថែមថា កីឡាករដែលមានសិទ្ធជិះរថយន្តក្រុងឥតគិតថ្លៃនេះ គឺមានបណ្ណកីឡាករជំនាញ ដែលទទួលស្គាល់ដោយសហព័ន្ធកីឡាជំនាញ និងបានឯកភាពដោយគណៈកម្មាធិការជាតិអូឡាំពិកកម្ពុជា ហើយបច្ចុប្បន្នកីឡាករជំនាញទាំងអស់មានចំនួនប្រមាណ៥០០០នាក់។ ការផ្តល់នេះជាការលើកទឹកចិត្តដល់កីឡាករ-កីឡាការិនីកម្ពុជា ដើម្បីជំរុញដល់វិស័យកីឡាឲ្យកាន់តែប្រសើរបន្ថែមទៀត ជាពិសេសសម្រាប់ឈានឆ្ពោះទៅរកស៊ីហ្គេម ២០២៣ ខាងមុខ ដែលកម្ពុជានឹងធ្វើជាម្ចាស់ផ្ទះ នឹងក៏ដូចជាផ្តល់នូវភាពងាយស្រួលដល់កីឡាករ ធ្វើដំណើរទៅហាត់នៅពហុកីឡដ្ឋានជាតិផងដែរ។

រដ្ឋបាលរាជធានី និងអគ្គិសនីកម្ពុជា ចុះពិនិត្យខ្សែរត់តង់ស្យុងអគ្គិសនី ក្រោមស្ពានអាកាសក្បាលថ្នល់ ដើម្បីចាប់ផ្ដើមសាងសង់ស្ពានអាកាសថ្មីបន្ថែមទៀត

FN ៖ លោក កើត ឆែ អភិបាលរងរាជធានីភ្នំពេញ និងអង្គភាពអគ្គិសនីកម្ពុជា ព្រមទាំងអង្គភាពអាជ្ញាធរ ពាក់ព័ន្ធជាច្រើននាក់ទៀត នាព្រឹកថ្ងៃទី០៩ ខែតុលា ឆ្នាំ២០១៧នេះ បានចុះពិនិត្យ និងស្វែងរកដំណោះស្រាយរួមគ្នា ក្រោយពីមានការងាររាំងស្ទៈមួយចំនួន ពាក់ព័ន្ធនឹងខ្សែរត់តង់ស្យុងរបស់អគ្គិសនីកម្ពុជា ទៅកាន់អនុស្ថានីយ៍របស់ខ្លួន ក្រោយរដ្ឋបាលរាជធានីចាប់ផ្តើម រៀបចំគំរោងសាងសង់ស្ពាន អាកាសថ្មីបន្ថែមទៀត។ ការចុះសិក្សាស្វែងយល់ និងរកដំណោះស្រាយខាងលើនេះ ដើម្បីរំកិលខ្សែតុងស្យុងរបស់អគ្គិសនីកម្ពុជា ក្នុងការបញ្ចៀសផលប៉ះពាល់ ការដ្ឋានសាងសង់បន្ថែមស្ពានអាកាសក្បាលថ្នល់ ស្ថិតនៅចំណុចផ្លូវមុនីវង្ស ក្រោមស្ពានអាកាសក្បាលថ្នល់ ។ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានី បានប្រាប់ឲ្យដឹងក្រោយការដោះស្រាយថា ជាលទ្ធផលក្រោយការចុះត្រួតពិនិត្យភាគីពាក់ព័ន្ធ បានឯកភាពឲ្យខ្សែរត់របស់អគ្គិសនីកម្ពុជា តង់ស្យុងអាចរត់ចូលតាមគំរោងសាងសង់ស្ពានអាកាសក្បាលថ្នល់បន្ថែម។ លោក សាំ ពិសិដ្ឋ បានបន្ថែមថា ការធ្វើបែបនេះ ដើម្បីមានភាពងាយស្រួលទៅថ្ងៃក្រោយ ក្នុងការសហការគ្នាដោះស្រាយបញ្ហាកុំឲ្យមានផលប៉ះពាល់ ដែលខាងអគ្គិសនីកម្ពុជានិងចាប់ផ្តើមភ្ជាប់បណ្តាញរបស់ខ្លួននៅយប់នេះ។ ជាមួយគ្នានេះដែរ លោក កើត ឆែ អភិបាលរងរាជធានីភ្នំពេញ តំណាងអភិបាលរាជធានី សូមអំពាវនាវដល់ប្រជាពលរដ្ឋ ដែលធ្វើដំណើរឆ្លងកាត់ ការដ្ឋានស្ពានអាកាសក្បាលថ្នល់នេះ សូមមានយោគយល់ចំពោះការប៉ះពាល់…

ការដកស្រង់សេចក្តីអធិប្បាយ ពិធីចែកសញ្ញាបត្រសាកលវិទ្យាល័យ ឯកទេសនៃកម្ពុជា

សូមក្រាបថ្វាយបង្គំ ព្រះតេជព្រះគុណ ព្រះសង្ឃគ្រប់ព្រះអង្គ ជាទីសក្ការៈ! ឯកឧត្តម លោកជំទាវ អស់លោក លោកស្រី អ្នកនាង កញ្ញា! វឌ្ឍនភាពនៃសាកលវិទ្យាល័យឯកទេសនៃកម្ពុជា ថ្ងៃនេះ ខ្ញុំព្រះករុណាខ្ញុំ ពិតជាមានការរីករាយ ដែលបានមកចូលរួមសាជាថ្មីម្ដងទៀត ជាមួយនឹងសាកល​វិទ្យាល័យ​ឯក​ទេស នៃកម្ពុជា ដើម្បីចែកជូនសញ្ញាបត្រ សម្រាប់និស្សិត ចំនួន ៥.៨០៨ ហើយដែលចាត់ទុកថា ជាចំនួនមួយ​ដ៏​ច្រើន ដែលប្រមូលផ្ដុំមកពីរាជធានីភ្នំពេញ និងសាខានៅតាមខេត្តផងដែរ។ ខ្ញុំព្រះករុណាខ្ញុំ យល់ឃើញថា នេះ​គឺជាផ្នែកដ៏សំខាន់មួយ ដែលប្រទេសជាតិរបស់យើងទទួលបាន នៅក្នុងការបណ្ដុះបណ្ដាលធនធាន​មនុស្ស តាមរយៈនៃសាកលវិទ្យាល័យឯកទេស នៃកម្ពុជា។ ឯកឧត្តម ស្តើង សុខុម សាកលវិទ្យាធិការ​បាន​ធ្វើ​របាយ​ការណ៍អម្បាញ់មិញ ទាក់ទងជាមួយនឹងវឌ្ឍនភាព នៃដំណើរការ នៃសាកលវិទ្យាល័យ ដែលនោះ​ចាត់​ទុក​ថា ជានិរន្តរភាព និងការវិវឌ្ឍរីកចម្រើន រីកធំធាត់ នៃសាកលវិទ្យាល័យ ចាប់តាំងពីពេលចាប់​កំណើត​រហូត​មកដល់ពេលនេះ។ អត្រាសិស្សមានការធ្វើខ្ពស់ បង្ហាញពីគុណភាព នៃការសិក្សា អនុញ្ញាតអោយ ខ្ញុំព្រះករុណាខ្ញុំ យកឱកាសនេះ ដើម្បីសំដែងជូននូវការកោតសរសើរ ចំពោះជោគជ័យរបស់​ក្រុម​ប្រឹក្សា​ភិបាល របស់គណៈគ្រប់គ្រងរបស់សាស្រ្តាចារ្យ ដែលបានខិតខំជាមួយនឹងការបង្ហាត់បង្ហាញ…