Category Archives: តេជោ តាមរយៈសារព័ត៌មាន

សម្តេចតេជោ ហ៊ុន សែន អញ្ជើញបើកវេទិកាជំរុញ ផ្សព្វផ្សាយពាណិជ្ជកម្ម និងទេសចរណ៍កម្ពុជា-ចិន ឆ្នាំ២០១៧

FN ៖ វេទិកាស្តីជំរុញការផ្សព្វផ្សាយពាណិជ្ជកម្ម និងទេសចរណ៍កម្ពុជា និងចិន ឆ្នាំ២០១៧ បានបើកជាផ្លូវការហើយ នៅទីក្រុងប៉េកាំង ប្រទេសចិន នៅថ្ងៃទី១៦ ខែឧសភា ឆ្នាំ២០១៧នេះ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និង លោក វ៉ាង ចែរ៉ុយ អនុប្រធានព្រឹទ្ធសភា នៃសាធារណរដ្ឋប្រជាមានិតចិន។ ក្នុងវេទិកានេះ ស្តង់ផលិតផលរបស់កម្ពុជាជាច្រើន ត្រូវបានដាក់តាំងបង្ហាញប្រជាពលរដ្ឋចិន និងភ្ញៀវទេសចរណ៍ដទៃទៀត។ សម្តេចតេជោ ហ៊ុន សែន បានគូសបញ្ជាក់ថា វេទិកានេះ នឹងផ្តល់ឱកាសសម្រាប់ធុរជន និងវិនិយោគិនកម្ពុជា-ចិន បានជួបពិភាក្សា និងសិក្សាស្វែងយល់ពីកាលានុវត្តន៍ភាព និងសក្តានុពលពាណិជ្ជកម្ម និងទេសចរណ៍ ហើយក៏ជាឱកាសសម្រាប់ពង្រឹងនិងពង្រីក កិច្ចសហប្រតិបត្តិការទ្វេភាគីរវាងកម្ពុជា និងចិន លើវិស័យផ្សេងៗទៀត។ សម្តេចតេជោ ហ៊ុន សែន បានគូសបញ្ជាក់ដូច្នេះ «ខ្ញុំមានជំនឿចិត្តយ៉ាងមុតមាំថា វេទិកានេះ មិនត្រឹមតែផ្តល់ឱកាសម្រាប់ធុរជន និងវិនិយោគិននៃប្រទេសទាំងពីរ បានជួបពិភាក្សា និងសិក្សាស្វែងយល់ពីកាលានុវត្តន៍ភាព និងសក្តានុពលពាណិជ្ជកម្ម និងទេសចរណ៍ ប៉ុណ្ណោះទេ…

នាយក​រដ្ឋមន្រ្តី​កម្ពុជា​-​ចិន៖ ​មិត្តភាព​ជា​ប្រពៃណី​កម្ពុជា​-​ចិន ​គឺជា​សម្បត្តិ​ដ៏​មានតម្លៃ​នៃ​ប្រជាជន​ទាំងពីរ​

FN ៖ ​សម្តេច​តេជោ ​ហ៊ុន ​សែន ​នាយក​រដ្ឋមន្រ្តី​នៃ​កម្ពុជា ​និង​លោក ​លី ​ខឺ​ឈាង ​នាយក​រដ្ឋមន្រ្តី​ចិន ​បាន​គូសបញ្ជាក់​ជាថ្មី​ម្តង​ទៀត​ពីសា​រៈសំ​ខាន់​នៃ​ទំនាក់ទំនង​ដ៏​យូរលង់​រវាង​ប្រទេស​ទាំងពីរ ​ដោយ​បាន​ចាត់ទុក​ទំនាក់ទំនង​នេះ ​គឺជា​សម្បត្តិ​ដ៏​មានតម្លៃ​នៃ​ប្រជាជន​ទាំងពីរ ​ដែល​ត្រូវ​យកចិត្ត​ទុកដាក់​ពង្រីក ​និង​ពង្រឹង​បន្ថែម​ទៀត​។ ​ ​ការ​គូសបញ្ជាក់​ពីសា​រៈសំ​ខាន់​នៃ​ទំនាក់ទំនង​កម្ពុជា ​និង​ចិន ​បាន​ធ្វើឡើង​ក្នុង​ជំនួប​ពិភាក្សា​ទ្វេភាគី​រវាង​សម្តេច​តេជោ ​ហ៊ុន ​សែន ​និង​លោក ​លី ​ខឺ​ឈាង ​នៅ​ថ្ងៃទី១៦ ​ខែឧសភា ​ឆ្នាំ២០១៧នេះ​។ ​បន្ទាប់ពី​បញ្ចប់​កិច្ចប្រជុំ​កំពូល​តុមូល​ខ្សែក្រវាត់ ​និង​ផ្លូវ​សម្រាប់​កិច្ច​សហប្រតិបត្តិ​ការអន្តរជាតិ​នៅ​ថ្ងៃម្សិលមិញ ​សម្តេច​តេជោ ​ហ៊ុន ​សែន ​នៅ​ថ្ងៃទី១៦ ​ខែឧសភា ​ឆ្នាំ២០១៧នេះ ​បាន​ដឹកនាំ​គណៈប្រតិភូ​បំពេញ​ទស្សនកិច្ច​ជា​ផ្លូវការ​នៅក្នុង​ប្រទេស​ចិន​។​ ដំណើរ​ទស្សនកិច្ច​ផ្លូវការ​របស់​សម្តេច​តេជោ ​ហ៊ុន ​សែន ​និង​គណៈប្រតិភូ​ត្រូវ​បាន​ទទួល​បាន​ទទួល​បដិសណ្ឋារ​កិច្ច ​និង​ស្វាគមន៍​យ៉ាង​កក់ក្តៅ ​និង​ស្និទ្ធស្នាល​ពី​មន្រ្តី​ជាន់ខ្ពស់​រដ្ឋាភិបាល​ចិន ​និង​នាយក​រដ្ឋមន្រ្តី​ចិន ​លោក ​លី ​ខឺ​ឈាង ​នៅ​មហា​វិមាន​ប្រជាជន​ចិន ​កណ្តាល​ទីក្រុង ​ប៉េកាំង ​ប្រទេស​ចិន​។​ ក្នុង​ជំនួប​ពិភាក្សា​ការងារ​រយៈពេល​ប្រមាណ ​៥០នាទី ​លោក ​លី ​ខឺ​ឈាង…

វេទិកា​សេដ្ឋកិច្ចពិភព​លោក​ស្តីពីតំ​បន់​អាស៊ាន ​ត្រូវបានប្រកាសបិទបញ្ចប់ជាផ្លូវការដោយប្រមុខរាជរដ្ឋាភិបាលកម្ពុជា, ឆ្នាំក្រោយវៀតណាមនឹងធ្វើជាម្ចាស់ផ្ទះ

FN ៖ នៅរសៀលថ្ងៃទី១២ ខែឧសភា ឆ្នាំ២០១៧នេះ «វេទិកា​សេដ្ឋកិច្ចពិភព​លោក​ស្តីពីតំ​បន់​អាស៊ាន» ​ត្រូវបានប្រកាសបិទបញ្ចប់ជាផ្លូវការ ដោយប្រមុខរាជរដ្ឋាភិបាលកម្ពុជា, ហើយសម្រាប់ឆ្នាំក្រោយវៀតណាមនឹងធ្វើជាម្ចាស់ផ្ទះបន្តពីកម្ពុជា។ នៅក្នុងពិធីប្រកាសបិទបញ្ចប់នោះ, សម្តេចតេជោ ហ៊ុន សែន បានមានប្រសាសន៍ថា៖ «ខ្ញុំរីករាយជាមួយនឹងការអញ្ជើញចូលរួមពីសំណាក់ បណ្តាមិត្តភក្តិ ទាំងអស់ដែលបានអញ្ជើញមកកាន់ទីក្រុងភ្នំពេញ នៃព្រះរាជាណាចក្រកម្ពុជា ដើម្បីចូលរួមជាមួយគ្នា បង្ហាញឲ្យឃើញថា ពេលនេះយើងបានធ្វើការជាក្រុម នៅក្នុងក្របខណ្ឌអាស៊ានក្តី និងនៅក្នុងការរៀបចំដោយការចូលរួមរបស់អ្នកទាំងឡាយ ដែលចូលរួមនៅក្នុងវេទិកាដ៏ធំនេះ ហើយខ្ញុំសង្ឃឹមថា វេទិកាសេដ្ឋកិច្ច ពិភពលោករបស់យើងនេះនឹងក្លាយទៅជាវេទិកា ដ៏សំខាន់ដើម្បីរារាំងនៅនយោបាយគាំពារនិយម…ដែលនឹងពង្រីកនូវស្មារតីសមាហរណកម្ម ក៏ដូចជា សាកលភាវូបនីយកម្ម អរគុណចំពោះអ្នកចូលរួមទាំងអស់ ដែលបានប្រឹងប្រែងហើយផ្តល់នូវកិត្តិយសឲ្យកម្ពុជា ដើម្បីធ្វើជាម្ចាស់ផ្ទះ សូមជូនពរឯកឧត្តម លោកជំទាវ ទទួលបានសេចក្តីសុខ សេចក្តីចម្រើនសូមអរគុណ»។ ពិធីបិទនេះ ត្រូវបានធ្វើឡើងនៅសណ្ឋាគារសុខាភ្នំពេញ។ សូមបញ្ជាក់ថា វេទិកាសេដ្ឋកិច្ចពិភពលោកស្តីពីអាស៊ាននេះ ត្រូវបានធ្វើឡើងនៅលើទឹកដីនៃកម្ពុជា ដោយមានការអញ្ជើញចូលរួមពីប្រធានាធិបតីហ្វីលីពីន លោក រ៉ូឌ្រីហ្គោ ឌុយទែតេ លោកនាយករដ្ឋមន្រ្តីឡាវ ថងលូន ស៊ីស៊ូលីត លោកនាយករដ្ឋមន្រ្តីវៀតណាម ង្វៀន ស៊នហ៊្វុក ព្រមទាំងអ្នកវិនិយោគ និងធុរកិច្ចជនជាមេដឹកនាំមកពីបណ្តាក្រុមហ៊ុនល្បីៗ និងធំៗលើពិភពលោកជាច្រើនរូបផងដែរ។…