សេចក្តីដកស្រង់ប្រសាសន៍ ទិវាវប្បធម៌ជាតិ ៣ មីនា លើកទី ២២ ពិធីបិទមហោស្រពសិល្បៈយុវជនទូទាំងប្រទេស ឆ្នាំទី ៦ និងពិធីសំណេះសំណាលជាមួយសិល្បករទូទាំងប្រទេស លើកទី ៣

សុន្ទរកថា-ការអធិប្បាយ

[…] (ក្រសួង)ត្រូវស្វែងរកឱ្យឃើញ។ បើទោះបីថា អ្នកនាំទៅនោះជារាជវង្សានុវង្ស ក៏ត្រូវយាងរាជវង្សានុវង្សនោះឱ្យមកក្រសួងវប្បធម៌ ដើម្បីក្រសួងវប្បធម៌ធ្វើការណែនាំ មិនអាចតាំងខ្លួនជារាជវង្សានុវង្ស ហើយនាំសិល្បៈខ្មែរទៅបំផ្លាញទេ។ សិល្បៈរបស់ជាតិយើង គឺជារបស់ប្រជាជាតិកម្ពុជា មិនមែនជារបស់រាជវង្សានុវង្សមួយអង្គណានោះទេ ហើយព្រះមហាក្សត្រក៏ព្រះអង្គមិនដែលទុកថាជារបស់ព្រះអង្គផ្តាច់មុខនោះទេ […]

[…] សុំមេត្តារក្សាតម្លៃនៃសិល្បៈវប្បធម៌របស់ជាតិរបស់យើងដោយខិតខំធ្វើយ៉ាងណារក្សានូវរបៀបរបបទម្រង់របស់យើង។ ខ្ញុំនៅតែនិយាយដដែលថា គ្មានការឈ្លានពានខាងវប្បធម៌ទេ មានតែការទទួលដោយស្ម័គ្រចិត្តតែប៉ុណ្ណោះ នេះគឺជារឿងពិត គ្មានប្រទេសណាមួយអាចមកឈ្លានពានវប្បធម៌យើងបានទេ មានតែយើងទទួលដោយស្ម័គ្រចិត្តតែប៉ុណ្ណោះ […]

[…] តើខ្ញុំអាចសុំបានទេ អំពីសិល្បករ/ការិនី ដែលកន្លងមកនេះ ឧស្សាហ៍ជេរគ្នាតាមហ្វេសប៊ុក … រឿងនេះគឺជារឿងមិនគប្បីទាល់តែសោះ។ យើងជាសិល្បករ/ការិនី ជាបុគ្គលសាធារណៈ ដែលបង្ហាញមុខតាមកញ្ចក់ទូរទស្សន៍ ឬក៏បង្ហាញមុខនៅក្នុងចំណោមសាធារណជន រាបពាន់រាប់ម៉ឺននាក់មួយកន្លែងៗ ប៉ុន្តែ យើងបែរជាជេរគ្នាទៅតាមហ្វេសប៊ុក … អង្វរករសិល្បករ/ការិនីរបស់យើង ជាសមាគមក្ដី មិនមែនសមាគមក្ដី សូមមេត្តាកុំប្រើប្រាស់វោហារសាស្រ្តវាយប្រហារ ជេរបញ្ចោរគ្នាតាមហ្វេសប៊ុក … ជាអ្នកប្រកាន់តួនាទីអប់រំ ប៉ុន្តែផ្ទុយទៅវិញ យើងប្រឆាំងនឹងខ្លួនឯង […]
សម្ដេចតេជោ ហ៊ុន សែន, ទិវាវប្បធម៌ជាតិ ៣ មីនា លើកទី ២២, ថ្ងៃទី ៣ មីនា ២០២០ ។

សុន្ទរកថា និងសេចក្តីដកស្រង់ប្រសាសន៍ ទិវាវប្បធម៌ជាតិ ៣ មីនា លើកទី ២១ ពិធីបិទមហោស្រពសិល្បៈយុវជនទូទាំងប្រទេសឆ្នាំទី ៥ និងពិធីសំណេះសំណាលជាមួយសិល្បករ/ការិនីទូទាំងប្រទេស

សុន្ទរកថា-ការអធិប្បាយ

សម្តេច ឯកឧត្តម លោកជំទាវ លោក លោកស្រី ភ្ញៀវកិត្តិយសជាតិ និងអន្តរជាតិ, ព្រឹទ្ធាចារ្យ វរៈសិល្បករ សិល្បករ លោក លោកស្រី សាស្ត្រាចារ្យ អ្នកគ្រូ លោកគ្រូ និងក្មួយៗសិស្សានុសិស្ស និស្សិតទាំងអស់ជាទីមេត្រី! ថ្ងៃនេះ ខ្ញុំ និងភរិយាពិតជាមានសេចក្តីរីករាយ ដោយបានចូលរួមក្នុងពិធីអបអរសាទរ ទិវាវប្បធម៌ជាតិ ៣  មីនា លើកទី ២១ ឆ្នាំ ២០១៩ ក្រោមប្រធានបទ យុវជនដើម្បីវប្បធម៌ជាតិ ពិធីបិទ មហោស្រពសិល្បៈយុវជនទូទាំង ប្រទេស ឆ្នាំទី ៥ និង ពិធីជួបជុំសិល្បករទូទាំងប្រទេសលើកទី ២ ដែលជាព្រឹត្តិការណ៍ដ៏មានសារៈសំខាន់ រៀប ចំឡើងសំដៅលើកទឹកចិត្ត បង្កើនសាមគ្គីភាព រវាងក្រសួង-ស្ថាប័នពាក់ព័ន្ធ វិស័យឯកជន អង្គការសង្គមស៊ីវិល ជាពិសេសក្នុងស្រទាប់យុវជន ដែលជាអ្នកបន្តវេន បានផ្លាស់ប្តូរមតិយោបល់ និងចែករំលែកព័ត៌មានគ្នាទៅវិញ ទៅមក រួមគ្នាផ្សព្វផ្សាយវប្បធម៌ជាតិដ៏សម្បូរបែបរបស់កម្ពុជា ដើម្បីថែរក្សា ការពារសម្បត្តិវប្បធម៌ ទាំងរូបី និង អរូបី ដែលជាដួងព្រលឹងអត្តសញ្ញាណជាតិ ប្រកបដោយកិត្យានុភាព ស័ក្តិសមជាប្រទេសដែលមានអរិយធម៌ រុងរឿង។ ក្នុងពិធីដ៏មានសារៈសំខាន់នេះ ខ្ញុំ និងភរិយាសូមឧទ្ទិស ទិវាវប្បធម៌ជាតិ ៣ មីនា លើកទី ២១ នេះ ជាថ្ងៃរំលឹក ដល់គុណូបការៈបុព្វបុរស និងដូនតាខ្មែរ និងសូមឱ្យទិវានេះស្ថិតនៅជាអមតៈ ក្នុងដួងចិត្តប្រជាពលរដ្ឋខ្មែរគ្រប់ រូបទូទាំងប្រទេស ប្រកបដោយឆន្ទៈ មនសិការ និងស្មារតីទទួលខុសត្រូវ រួមគ្នាជាធ្លុងមួយ…

សុន្ទរកថា ក្នុងពិធីប្រកាសជាផ្លូវការនៃក្រុមប្រឹក្សាវប្បធម៌ឤស៊ី

សុន្ទរកថា-ការអធិប្បាយ

សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា -សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា -ឯកឧត្តម យូសុស កាឡា (Jusuf Kalla) អនុប្រធានាធិបតី នៃសាធារណរដ្ឋឥណ្ឌូណេស៊ី -ឯកឧត្តម ហូហ្សេ ដឺ វេណេស៉្យា (Jose de venecia) ប្រធានស្ថាបនិកនៃសន្និសីទអន្តរជាតិនៃគណបក្ស នយោបាយឤស៊ី ( ឤយខាប់) និង គណៈប្រតិភូ ឤយខាប់ –ឯកឧត្តម អង់ដ្រេ ប៉ាស្ត្រាណា (Andres pastrana) ប្រធានស្ថាបនិកអង្គការអ្នកប្រជាធិបតេយ្យនិយមកណ្តាល (CDI) – ឯកឧត្តម លោកជំទាវ ប្រធានព្រឹទ្ធសភា ប្រធានរដ្ឋសភា និង ប្រធានគណៈប្រតិភូនៃវេទិកាសភាឤស៊ី-ប៉ាស៊ីហ្វិក (APPF) – ឯកឧត្តម លោកជំទាវ សមាជិកព្រឹទ្ធសភា រដ្ឋសភា រាជរដ្ឋាភិបាល អង្គទូត ភ្ញៀវកិត្តិយសជាតិ-អន្តរជាតិ ! ក្នុងនាមរាជរដ្ឋាភិបាល…