ការស្រង់ប្រសាសន៍ក្នុងសង្កថា ក្នុងពិធីចែកសញ្ញាប័ត្រនិស្សិត នៃសកលវិទ្យាល័យ Western

សុន្ទរកថា-ការអធិប្បាយ

“ដកចាស់ ចាស់ប្រតិកម្ម, ទុកចាស់ ថ្មីប្រតិកម្ម” … សួរថា នៅពេលដែលគេឈ្នះឆ្នោត តើគេយកមនុស្សពីណាមកធ្វើការ? តើគេត្រៀមបណ្តេញចេញនូវអ្នកដែលអត់តម្លៃទាំងឡាយ កំពុងធ្វើការឬ ក្នុងពេលដែលសារនយោបាយរបស់គេថា «រក្សាទុកមន្រ្តីចាស់ មានតែតំឡើងប្រាក់ខែ»។ អ្នកដែលគាំទ្រ លក់គោ លក់ក្របី លក់តាំងពីឆ្កែ ដើម្បីជួយបក្ស បានការងារមកពីណាធ្វើ បើអាចាស់វានៅដដែលហ្នឹង? ចាប់ពីចៅហ្វាយខេត្តចុះ អគ្គបញ្ជាការកងទ័ពចុះ អគ្គប៉ូលីសចុះ អគ្គនាយកដ្ឋានចុះ ហៅថាក្របខណ្ឌមុខងារសាធារណៈ ត្រូវទុកទាំងអស់។

សន្តិភាព, ហេដ្ឋារចនាសម្ព័ន្ធ និងភាពប្រសើរឡើងនៃប្រាក់ចំណូល ធ្វើឲ្យប្រជាជនរីករាយបុណ្យភ្ជុំបិណ្ឌ

តេជោ តាមរយៈសារព័ត៌មាន

ថ្ងៃទី ១៩ ខែតុលា ឆ្នាំ ២០១៥ សម្តេចតេជោ ហ៊ុន សែន អះអាងថា មានកត្តា ៣ ធំៗ ដែលធ្វើឲ្យស្ងាត់ទី​ក្រុង​ភ្នំពេញ កំឡុងពេលបុណ្យភ្ជុំបិណ្ឌ ពីថ្ងៃទី ១២ ដល់ ១៤ តុលា ឆ្នាំ ២០១៥។ សន្តិភាព គឺជាកត្តា​ចម្បង និងសំខាន់ ដែលអនុញ្ញាតឲ្យប្រជាពលរដ្ឋក្នុងស្រុកអាចធ្វើដំណើរទៅគ្រប់ទីកន្លែងបាន។ ប្រជាជន​លែងខ្លាចគ្រាប់មីន ឬជម្លោះប្រដាប់អាវុធ ដូចពេលដែលកម្ពុជានៅមានតំបន់ត្រួតត្រា ៤ គឺរាជរដ្ឋាភិបាល ខ្មែរក្រហម រណសិរ្សរំដោះប្រជាពលរដ្ឋខ្មែរ និង ហ៊្វុនស៊ិនប៉ិច។

ការបង្អាប់តម្លៃសញ្ញាប័ត្រក្នុងស្រុក ជាការប្រមាថដល់ស្ថាប័នសិក្សា និងនិស្សិត

តេជោ តាមរយៈសារព័ត៌មាន

ព្រឹកថ្ងៃទី ១៩ ខែ តុលា ឆ្នាំ ២០១៥, ក្នុងពិធីប្រគល់សញ្ញាបត្រជូននិស្សិតនៃសាកលវិទ្យាល័យវេស្ទើន, ឆ្លើយតបទៅនឹងសាររបស់អ្នកនយោបាយដែលបានបណ្តុះបង្អាប់គុណភាពអប់រំ និងសញ្ញាបត្រក្នុងស្រុក, សម្តេចតេជោពន្យល់ថា សារបែបនេះមិនត្រឹមតែប្រមាថដល់សិស្ស និស្សិត ដែលខិតខំប្រឹងប្រែង​សិក្សា​ប៉ុណ្ណោះទេ តែក៏ជាការមើលស្រាលដល់មាតាបិតា និង ប្តី/ប្រពន្ធ ដែលបានលះបង់គ្រប់បែបយ៉ាង ដើម្បី​ការ​សិក្សារបស់កូន/ប្តី/ប្រពន្ធផងដែរ។