បច្ចុប្បន្នភាពកម្ពុជា

ក្រសួងពាណិជ្ជកម្ម រៀបចំពិព័រណ៍ផលិតផលនាំចេញនាំចូល និងខេត្ត១ផលិតផល១ កម្ពុជា លើកទី១២ នៅពាក់កណ្តាលខែធ្នូ!

FN ៖ ក្រសួងពាណិជ្ជកម្ម បានចេញសេចក្ដីជូនដំណឹងមួយ ដោយបញ្ជាក់ថា ខ្លួននឹងរៀបចំពិព័រណ៍ផលិតផលនាំចេញ-នាំចូល និងខេត្ត១ ផលិតផល១ កម្ពុជាលើកទី១២ នៅមជ្ឈមណ្ឌលពិព័រណ៍ និងសន្និសីទកោះពេជ្រ ចាប់ពីថ្ងៃទី១៥ ដល់១៨ ខែធ្នូ ឆ្នាំ២០១៧។ សេចក្តីជូនដំណឹងដដែលបានឲ្យដឹងទៀតថា ព្រឹតិ្តការណ៍ពិព័រណ៍នេះ មានរួមបញ្ចូលនូវព្រឹត្តិការណ៍សំខាន់ៗដូចជា វេទិកាស្ដីពីវិនិយោគ និងធុរកិច្ច សិក្ខាសាលាស្ដីពីការជំរុញ សកម្មភាពពាណិជ្ជកម្ម និងកម្មវិធីចុះហត្ថលេខា លើកិច្ចសន្យាពាណិជ្ជកម្ម។ លើសពីនេះទៀត ក្រសួងពាណិជ្ជកម្មមានដាក់តាំង បង្ហាញផលិតផលស្រូវអង្ករ និងរៀបចំកម្មវិធីជំនួបពាណិជ្ជកម្ម សម្រាប់អ្នកនាំចេញអង្ករផងដែរ។ ក្រសួងបន្តថា ការរៀបចំព្រឹត្តិការណ៍នេះ គឺមានគោលបំណងជំរុញសកម្មភាពពាណិជ្ជកម្មនៅកម្ពុជា ឲ្យមានការនាំចេញកាន់តែច្រើន ដើម្បីរួមចំណែកដល់ការអភិវឌ្ឍសេដ្ឋកិច្ចនៅកម្ពុជា។ ព្រឹត្តិការណ៍ពិព័រណ៍នេះផងដែរ ក៏នឹងផ្ដល់ប្រយោជន៍ ដល់បរិយាកាសពាណិជ្ជកម្ម ក្នុងស្រុកឲ្យមានសន្ទុះឡើង ដើម្បីបង្កើតការតភ្ជាប់ពាណិជ្ជកម្មក្នុងស្រុក​ និងរវាងកម្ពុជា ជាមួយពាណិជ្ជកម្មបរទេស។ សូមបញ្ជាក់ផងដែលថា ពាណិជ្ជករ អាជីវករ ដែលមានបំណងចូលរួម ក្នុងព្រឹត្តិការណ៍ពិព័រណ៍ផលិតផលនាំចេញ-នាំចូល និងខេត្ត១ ផលិតផល១ កម្ពុជាលើកទី១២ ឆ្នាំ២០១៧​ ឬមានគម្រោងស្វែងរកដៃគូវិនិយោគ ឬត្រូវចុះហត្ថលេខាលើអនុស្សរណៈយោគយល់គ្នាជាមួយដៃគូរបស់ខ្លួន ត្រូវអញ្ជើញមកបំពេញបែបបទ និងផ្ញើគម្រោងរបស់ខ្លួន មកអគ្គនាយកដ្ឋានពាណិជ្ជកម្ម ឲ្យបានមុនថ្ងៃទី១៥ ខែវិច្ឆិកា ឆ្នាំ២០១៧៕

សម្តេចក្រឡាហោម ស ខេង៖ ថវិកាជិត១លានដុល្លារ គ្រោងចំណាយសម្រាប់លើកទឹកចិត្ត ដល់មន្ត្រីក្នុងការប្រយុទ្ធប្រឆាំងគ្រឿងញៀន

FN ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ បានប្រកាសថា ថវិកាជិត១លានដុល្លារ គ្រោងចំណាយសម្រាប់លើកទឹកចិត្តដល់មន្ត្រីក្នុងការប្រយុទ្ធប្រឆាំងគ្រឿងញៀន។ ថ្លែងនៅព្រឹកថ្ងៃទី១៣ ខែកក្កដា ឆ្នាំ២០១៧នេះ ក្នុងកិច្ចប្រជុំដើម្បីត្រៀមរៀបចំធ្វើសន្និបាត បូកសរុបលទ្ធផលអនុវត្តផែនការយុទ្ធនាការ ប្រយុទ្ធប្រឆាំងគ្រឿងញៀន ខុសច្បាប់លើកទី១ និងលើកទិសដៅអនុវត្តយុទ្ធនាការលើកទី២ ដែលនឹងប្រព្រឹត្តទៅនៅថ្ងៃទី២០ ខែកក្កដា ឆ្នាំ២០១៧ខាងមុខនេះសម្តេច ស ខេង បានបញ្ជាក់យ៉ាងដូច្នេះថា «ការគ្រោងថវិកានេះ បានជំរុញ និងលើកទឹកចិត្តដល់សមត្ថកិច្ចមានស្នាដៃ បង្ក្រាបគ្រឿងញៀនបានជោគជ័យ»។ លោកឧត្ដមសេនីយ៍ឯក ម៉ក់ ជីតូ អគ្គស្នងការរងនគរបាលជាតិ និងជាអគ្គលេខាធិការរង នៃអគ្គលេខាធិការដ្ឋានអាជ្ញាធរជាតិ ប្រយុទ្ធគ្រឿងញៀន បានថ្លែងថា រយៈពេល១ឆមាស (៦ខែ) ក្នុងឆ្នាំ២០១៧នេះ អាជ្ញាធរជាតិប្រយុទ្ធគ្រឿងញៀន បានបង្រ្កាបក្រុមមុខសញ្ញា ចែកចាយគ្រឿងញៀនជាង៤ពាន់ករណី និងឃាត់ខ្លួនជនសង្ស័យបានជាង១ម៉ឺននាក់នៅទូទាំងប្រទេស។ សូមជម្រាបថា កាលពីថ្ងៃទី១៣ ខែធ្នូ ឆ្នាំ២០១៦ កន្លងទៅ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានដាក់ចេញយុទ្ធនាការប្រយុទ្ធប្រឆាំង​គ្រឿង​ញៀន​លើកទី១ រយៈពេល ៦ខែ ចាប់ពីថ្ងៃទី០១ ខែមករា ដល់ថ្ងៃទី៣០ ខែមិថុនា ឆ្នាំ២០១៧ ដើម្បីប្រយុទ្ធប្រឆាំងគ្រឿងញៀននៅកម្ពុជា ឲ្យកាន់តែខ្លាំងក្លា និងទទួល​​បាន​លទ្ធផល​ល្អប្រសើរថែមទៀត។ យុទ្ធនាការប្រយុទ្ធប្រឆាំងគ្រឿងញៀននេះ ដឹកនាំដោយសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជាប្រធាន និងឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំង គ្រឿងញៀនជាអនុប្រធាន៕

រដ្ឋមន្រ្តីសង្គមកិច្ច៖ ការបង្កើតមជ្ឈមណ្ឌលសំចតជួយជនរងគ្រោះ នៅតាមព្រំដែនជាច្រើនកន្លែង បង្ហាញពីការទទួលខុសត្រូវ លើជនងាយរងគ្រោះ

FN ៖ លោក វង សូត រដ្ឋមន្រ្តីក្រសួងសង្គមកិច្ច អតីតយុទ្ធជននិង យុវនីតិសម្បទា បានលើកឡើងថា ការបង្កើត នូវមជ្ឈមណ្ឌលសំចត សម្រាប់ជួយជនរងគ្រោះបានច្រើនកន្លែង នៅតាមច្រកព្រំដែន ពិតជាមានសារៈសំខាន់ណាស់ និងបានចូលរួមចំណែកការងារសង្គមកិច្ច ក្នុងការទទួលមើលខុសត្រូវលើជនងាយរងគ្រោះឲ្យកាន់តែប្រសើរ និងមាន ប្រសិទ្ធភាពជាងមុន ជាពិសេសជាការលើកមុខមាត់រាជរដ្ឋាភិបាលនិងប្រទេសកម្ពុជា។ ការលើកឡើងរបស់ រដ្ឋមន្រ្តី វង​សូត បានធ្វើឡើង នៅក្នុងកិច្ចប្រជុំមួយស្តីពីការពង្រឹងកិច្ចសហការ និងពិនិត្យ តាមដានតួនាទី និងភារកិច្ចក្រុមការងារការពារជនរងគ្រោះ ដោយអំពើរជួញដូរមនុស្ស នៅថ្ងៃទី១៣ ខែកក្កដា ឆ្នាំ២០១៧ នៅទីស្តីការក្រសួងសង្គមកិច្ច អតីតយុទ្ធជននិងយុវ នីតិសម្បទា ដែលមានការចូលរួមពី មន្រ្តីនគបាល នៃក្រសួងមហាផ្ទៃ និងមន្រ្តីពាក់ព័ន្ធជាច្រើនរូប។ ក្នុងឱកាសនោះលោក វង សូត បានលើកឡើងថា នេះគឺ ជាកិច្ចប្រជុំលើកដំបូង ចាប់តាំង ពីបង្កើតក្រុមការងាររួចមក ទោះបីមិនបានប្រជុំជាញឹកញាប់ក្តី ក៏សង្កេតឃើញថាការខិតខំបំពេញការងារទទួល បានផ្លែផ្កាជាយ៉ាងច្រើន ក្នុងនោះនាយកដ្ឋានប្រឆាំងការជួញដូរមនុស្ស និងសមហរណកម្មជនរងគ្រោះដែល ជាសេនាធិការផ្ទាល់ ឲ្យក្រុមការងារ ក៏ដូចជាក្រសួង បានសហការសម្របសម្រួលគ្រប់កិច្ចការទាំងអស់នេះ។ បើតាមរបាយការណ៍ ដែលបានលើកឡើងដោយ លោកស្រី ព្រុំ សុខន ប្រធាននាយកដ្ឋានប្រឆាំងការជួញដូរមនុស្ស និងសមាហរណកម្មជនរងគ្រោះ បានឲ្យដឹងថា រហូតដល់ពេលនេះ នាយកដ្ឋានរបស់លោកស្រី បានទទួលជនរងគ្រោះពីការធ្វើមាតុភូមិនិវត្តន៍ ពីប្រទេសនានាសរុប ចំនួន១១៧នាក់ ក្នុងនោះស្រ្តី៥៧នាក់ ដែលជនរងគ្រោះទាំងនោះ មកពី ប្រទេសម៉ាឡេស៊ី៤១នាក់ ឥណ្ឌូនេស៊ី ២០នាក់ ថៃ៤៥នាក់ ចិន៤នាក់ ជប៉ុន ០៦នាក់ និងប្រទេសសឹង្ហបុរី ០១នាក់៕

រាជរដ្ឋាភិបាល ត្រៀមរួចរាល់កញ្ចប់ថវិកា២៧លានដុល្លារ សម្រាប់ផ្តល់ឲ្យម៉ាស៊ីនកិនស្រូវ ប្រមូលទិញស្រូវសែនក្រអូបរបស់កសិករ!

FN ៖ រាជរដ្ឋាភិបាលកម្ពុជា បានត្រៀមរួចរាល់ហើយ នូវកញ្ចប់ថវិកា២៧លានដុល្លារ សម្រាប់ផ្តល់កម្ចីឲ្យម្ចាស់រោងម៉ាស៊ីនកិនស្រូវ ដើម្បីប្រមូលទិញស្រូវសែនក្រអូប ពីប្រជាកសិករ នៅរដូវប្រមូលដែលនឹងឈាន មកនាពេលខាងមុខ។ កញ្ចប់ថវិកា២៧លានដុល្លារនេះ គឺជាកញ្ចប់ថវិកាដែលរាជរដ្ឋាភិបាល ទម្លាក់ឲ្យធនាគារអភិវឌ្ឍន៍ជនបទ កាលពីឆ្នាំ២០១៦កន្លងទៅ នៅពេលដែលបញ្ហាស្រូវសែនក្រអូប របស់កសិករចុះថ្លៃ ហើយម្ចាស់រោងម៉ាស៊ីនកិនស្រូវបានរអ៊ូរទាំថា គ្មានថវិកាគ្រប់គ្រាន់ ទិញស្រូវសែនក្រអូបពីកសិករ។ អគ្គនាយកធនាគារអភិវឌ្ឍន៍ជនបទ លោក កៅ ថាច បានថ្លែងប្រាប់អង្គភាព Fresh News នៅរសៀលថ្ងៃទី១៣ ខែកក្កដា ឆ្នាំ២០១៧ នេះថា នៅឆ្នាំ២០១៦កន្លងទៅ ធនាគារអភិវឌ្ឍន៍ជនបទ បានផ្តល់ឥណទាន ដល់ម្ចាស់រោងម៉ាស៊ីនកិនស្រូវចំនួន៣.៥លានដុល្លារ នៃកញ្ចប់ថវិកា២៧លានដុល្លារ ដែលរាជរដ្ឋាភិបាលទម្លាក់ថវិកា ដើម្បីអន្តរាគមន៍ ពេលស្រូវសែនក្រអូបរបស់ប្រជាពលរដ្ឋជួបបញ្ហា ធ្លាក់ថ្លៃ។ នៅពេលនេះ ថវិកាដែលបានផ្តល់ឥណទាន ត្រូវបានប្រមូលមកវិញអស់ហើយ ដែលថវិកា២៧លានដុល្លារនេះ ត្រូវបានត្រៀមរួចរាល់ ដើម្បីផ្តល់ឥណទានដល់រោងម៉ាស៊ីនកិនស្រូវ ដែលត្រូវការថវិកា ដើម្បីទិញស្រូវសែនក្រអូប ពីប្រជាកសិករនៅរដូវ ប្រមូលផលខាងមុខនេះ។ អគ្គនាយករូបនេះ ក៏បានអំពាវនាវឲ្យម្ចាស់រោងម៉ាស៊ីនកិនស្រូវ មកទទួលយកឥណទានឲ្យបានច្រើន ដើម្បីធ្វើទុនបង្វិលទិញស្រូវ ពីប្រជាពលរដ្ឋ។ លើសពីនេះទៅទៀត លោកក៏បានបញ្ជាក់ថា នៅប៉ុន្មានថ្ងៃខាងមុខនេះ លោកនឹងប្រជុំជាមួយក្រុមប្រឹក្សាភិបាល របស់ធនាគារអភិវឌ្ឍន៍ ជនបទ ដើម្បីពិចារណា ក្នុងការទម្លាក់អត្រាការប្រាក់ឲ្យធ្លាក់ចុះបន្តិចទៀត ដែលបច្ចុប្បន្នត្រូវបានកំណត់៧% ក្នុង១ឆ្នាំ។ ជាមួយគ្នានេះដែរ លោក កៅ ថាច ក៏បានវាយតម្លៃផងដែរថា ស្រូវសែនក្រអូបរបស់ប្រជាកសិករ នៅរដូវប្រមូលផលឆ្នាំនេះអាចនឹងមាន ទិន្នផលច្រើនជាងឆ្នាំមុន ក៏ព្រោះតែប្រជាកសិករ បានផ្លាស់ប្តូរពួជស្រូវមកដាំដុះស្រូវសែនក្រអូបច្រើន គួបផ្សំនឹងអាកាសធាតុអំណោយ ផលផងដែរនោះ។

បើទោះបីជាទិន្នផលស្រូវសែនក្រអូបរបស់កសិករ អាចមានចំនួនច្រើនជាងឆ្នាំមុនក្តី ក៏លោកយល់ឃើញថា នឹងមិនមានបញ្ហាដូច ឆ្នាំមុនឡើយ ព្រោះថា ឆ្នាំនេះរោងម៉ាស៊ីនកិនស្រូវ...Read More

រាជរដ្ឋាភិបាលកម្ពុជា នឹងបង្កើនថវិកាបន្ថែមទៀត ដល់វិស័យអប់រំនៅឆ្នាំ២០១៨ ផ្តោតលើគ្រូបង្រៀន និងសាលារៀន, ថវិកាក្រសួងអប់រំឆ្នាំនេះ អាចឡើងដល់ជាង៧៣០លានដុល្លារ

FN ៖ ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៣ ខែកក្កដា ឆ្នាំ២០១៧ បានរៀបចំសិក្ខាសាលាពិគ្រោះយោបល់ស្តីពី «ការពង្រឹងប្រសិទ្ធភាព ចំណាយសាធារណៈ ដើម្បីធានាឱ្យការអប់រំមានគុណភាព ប្រកបដោយសមធម៌ និងបរិយាបន្ន» ដោយការពិគ្រោះយោបល់នេះ រាជរដ្ឋាភិបាលកម្ពុជា នឹងបន្តបង្កើនថវិកាបន្ថែមទៀត ដល់វិស័យអប់រំនៅឆ្នាំ២០១៨ ដែលផ្តោតទៅលើគ្រូបង្រៀន និងសាលារៀន។ លោក វង្សី វិស្សុត រដ្ឋលេខាធិការ នៃក្រសួងសេដ្ឋ កិច្ចនិងហិរញ្ញវត្ថុ និងលោកបណ្ឌិតសភាចារ្យ ហង់ ជួនណារុន រដ្ឋមន្រ្តីក្រសួងអប់រំ យុវជននិងកីឡា បានធ្វើជាសហប្រធាន នៃសិក្ខាសាលាពិគ្រោះយោបល់នេះ ដោយមានការចូលរួមពីថ្នាក់ដឹកនាំ និងមន្រ្តីជំនាញជាន់ខ្ពស់ នៃក្រសួងសេដ្ឋកិច្ច និងហិរញ្ញវត្ថុ ក្រសួងអប់រំ យុវជន និងកីឡា ព្រមទាំងមកពីក្រសួងស្ថាប័ន ពាក់ព័ន្ធផ្សេងទៀត ដៃគូអភិវឌ្ឍន៍សំខាន់ៗដូចជា WB, ADB, EU, UNDP, UNESCO, UNICEF, USIAD, JICA, KOICA, SWEDEN ,WFP អង្គការសង្គមស៊ីវិល ស្ថាប័នស្រាវជ្រាវ អ្នកសារព័ត៌មាន គ្រឹះស្ថានឧត្តមសិក្សា ព្រមទាំងនាយកសាលា គ្រូបង្រៀនឆ្នើម និងមន្រ្តីអប់រំមកពីបណ្តាខេត្តមួយចំនួនផងដែរ។ លោក វង្សី វិស្សុត បានឲ្យដឹងថា គោលបំណងនៃការរៀបចំសិក្ខាសាលាពិគ្រោះយោបល់ជាលើកទី៤ នៅក្នុងឆ្នាំ២០១៧នេះ គឺធ្វើការពិនិត្យឡើងវិញនូវវឌ្ឍនភាព សមិទ្ធិកម្ម និងកំណត់បញ្ហាប្រឈមនានា ក្នុងវិស័យអប់រំ ព្រមទាំងធ្វើការវិភាគសែ្វងរកនូវជម្រើស នៃដំណោះស្រាយដែលល្អបំផុតសម្រាប់កម្ពុជា ហើយរួមគ្នាកំណត់សកម្មភាពអាទិភាព និងសម្រួចអាទិភាព គោលនយោបាយ ជាមួយនឹងការរៀបចំថវិកាឆ្នាំ២០១៨ ក្នុងគោលដៅធ្វើការបែងចែកធនធានឱ្យកាន់តែចំមុខ និងកាន់តែមានប្រសិទ្ធភាព ព្រមទាំងលើកកម្ពស់ប្រសិទ្ធភាព នៃប្រតិបត្តិការចំណាយ នៅពេលអនុវត្តផងដែរ។

លោក វង្សី...Read More

រថយន្តក្រុងសាធារណៈចំនួន១០០គ្រឿង ដែលជាជំនួយរបស់ចិន នឹងរៀបចំពិធីប្រគល់ និងទទួលជាផ្លូវការ នៅរសៀលស្អែក

FN ៖ រថយន្ត​ក្រុង១០០គ្រឿង ដែលជាជំនួយឥតសំណងរបស់រដ្ឋាភិបាលចិន ផ្តល់ជូនសាលារាជធានីភ្នំពេញ នឹងរៀបចំពិធីប្រគល់ និងទទួលជាផ្លូវការ នៅម៉ោង៣៖៣០នាទីរសៀលថ្ងៃទី១៣ ខែកក្កដា ឆ្នាំ២០១៧ នៅមជ្ឈមណ្ឌលកោះពេជ្រ។ ពិធីប្រគល់ និងទទួលរថយន្តក្រុងទាំង១០០គ្រឿងនេះ នឹងធ្វើឡើងក្រោមវត្តមានលោក ឃួង ស្រេង អភិបាលរាជធានីភ្នំពេញ​ ​និងលោក TAN QINGSHENG ភារធារីអមស្ថានទូតចិនប្រចាំកម្ពុជា។ លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានថ្លែងប្រាប់អង្គភាព Fresh News ឱ្យដឹងថា នេះជាលើកទីមួយហើយ ដែលប្រទេសចិន បានផ្តល់ជំនួយ ជារថយន្តក្រុងថ្មី១០០គ្រឿង មកឲ្យប្រទេសកម្ពុជា ដើម្បីដាក់ឲ្យដំណើរការនៅ ក្នុងរាជធានីភ្នំពេញជាសារធាណៈ។ ការផ្តល់ជំនួយជារថយន្តក្រុងនេះ បានរៀបចំទុកជាយូរមកហើយ។ លោក ម៉េត មាសភក្តី បានបន្តថា «រថយន្តក្រុងដែលជាជំនួយរបស់ចិន និងត្រូវដាក់ឲ្យដំណើរការនូវខ្សែរត់ថ្មី ដោយខាងសាលារាជធានីភ្នំពេញ បានរៀបចំសម្រាប់រថយន្តក្រុងថ្មី ដែលបន្ថែមសម្រាប់ខ្សែរថយន្តដែលយើង មានស្រាប់ចំនួន៣ខ្សែ ហើយរថយន្តដែលទទួលបានថ្មីពីប្រទេសចិន យើងអាចដាក់បន្ថែមលើរថយន្តចាស់ ដើម្បីកាត់បន្ថយការរង់ចាំរបស់ប្រជាពលរដ្ឋ និងចូលរួមកាត់បន្ថយការកកស្ទះចរាចរនៅរាជធានីភ្នំពេញ»។ សូមបញ្ជាក់ថា សព្វថ្ងៃនេះ នៅរាជធានីភ្នំពេញ មានសេវារថយន្តក្រុងសាធារណៈចំនួន៣ខ្សែដោយខ្សែរត់ទី១ ចេញពីម្តុំឬស្សីកែវ ត្រង់គីឡូម៉ែត្រលេខ៩ ឆ្ពោះទៅដល់វត្តក្តីតាកុយ តាមផ្លូវជាតិលេខ១ រីឯខ្សែទី២ ចេញពីផ្សាររាត្រី ទៅដល់ក្រុងតាខ្មៅខេត្តកណ្តាល ចំណែកខ្សែទី៣ ចេញពីផ្សាររាត្រីឆ្ពោះទៅរង្វង់មូលចោមចៅ ហើយរថយន្តក្រុងទាំង៣ខ្សែនេះ ប្រើប្រាស់រថយន្ត៥៧គ្រឿង ជាមួយចំណតរង់ចាំ១៦៨កន្លែង។ លោក ម៉េត មាសភក្តី​ បានបញ្ជាក់ថា «មិនមែនតែភាគីចិននោះទេ ដែលបានផ្តល់ជំនួយជារថយន្តក្រុងសាធារណៈមកកម្ពុជា, ខាងភាគីជប៉ុន តាមរយៈទីភ្នាក់ងារ JICA នឹងជួយឧបត្តម្ភរថយន្តក្រុងថ្មីចំនួន១៨០គ្រឿងបន្ថែមទៀត ដែលនឹងមកដល់កម្ពុជា តាមដំណាក់កាលបន្តបន្ទាប់ទៀត»។ បើតាមអ្នកនាំពាក្យរូបនេះ រថយន្តទាំង១០០គ្រឿង...Read More

វារីអគ្គិសនីធំជាងគេបំផុតនៅកម្ពុជា វិនិយោគជិត១ពាន់លានដុល្លារ នឹងចាប់ផ្តើមដំណើការសាកល្បង នៅថ្ងៃទី១៥ ខែកក្កដាខាងមុខនេះ

FN ៖ វារីអគ្គិសនីធំជាគេបំផុតនៅកម្ពុជា ដែលមានអនុភាពរហូតដល់៤០០មេហ្គាវ៉ាត់ ស្ថិតនៅក្នុងទឹកដីខេត្តស្ទឹងត្រែង នឹងត្រូវដាក់ ឲ្យដំណើរការសាកល្បង នៅថ្ងៃទី១៥ ខែកក្កដាខាងមុខនេះ។ វារីអគ្គិសនីដ៏ធំជាងគេនេះ គឺជាវារីអគ្គិសនីសេសានក្រោម២ ដែលវិនិយោគទឹកប្រាក់ជិត១ពាន់លានដុល្លារអាមេរិក ដែលជាការចាប់ដៃគូ រវាងក្រុមហ៊ុនចិន និងក្រុមហ៊ុនរ៉ូយ៉ាល់គ្រុបរបស់អ្នកឧញ៉ា គិត ម៉េង។ អាជ្ញាធរអគ្គិសនីកម្ពុជា នៅថ្ងៃទី១២ ខែកក្កដានេះ បានសរសេរនៅលើ Facebook របស់ខ្លួនថា «វារីអគ្គិសនីសេសានក្រោម២ ស្ថិតនៅក្នុងខេត្តស្ទឹងត្រែង ជាវារីអគ្គិសនីដែលមានអនុភាព៤០០មេហ្គាវ៉ាត់ ធំជាងគេនៅក្នុងព្រះរាជាណាចក្រកម្ពុជា នឹងចាប់ផ្តើម ដំណើរការសាកល្បង នៅថ្ងៃទី១៥ ខែកក្កដា ឆ្នាំ២០១៧ខាងមុខនេះ រួចពិធីបិទទំនប់ទប់ទឹកជាផ្លូវការ នឹងប្រព្រឹត្តទៅនៅថ្ងៃទី២៥ ខែកញ្ញា ឆ្នាំ២០១៧។ នេះគឺជាសម្ធិផលដ៏ធំធេង របស់រាជរដ្ឋាភិបាលកម្ពុជា ក្នុងការអភិវឌ្ឍវិស័យអគ្គិសនី ឲ្យកាន់តែរីកចម្រើនប្រកប ដោយគុណភាពនិងស្ថេរភាព»។ វារីអគ្គិសនីសេសានក្រោម២ ដែលនឹងដាក់ដំណើរការ ក្នុងពេលដ៏ខ្លីខាងមុខនេះ និងធ្វើឲ្យកម្ពុជាមានលទ្ធភាព ក្នុងការផ្គត់ផ្គងអគ្គិសនី ដល់ប្រជាជន និងអាជីវកម្មតាមតម្រូវការ នឹងធ្វើឲ្យកម្ពុជាកាន់មានភាពរឹងមាំ និងឯករាជ្យខាងវិស័យថាមពល ដែលកាត់បន្ថយបាន នូវការនាំអគ្គិសនីពីខាងក្រៅ។ សូមជម្រាបថា វារីអគ្គិសនីសេសានក្រោម២ គឺត្រូវបានវិនិយោគរួមគ្នា ដោយក្រុមហ៊ុនវិនិយោគមកពីប្រទេសចិន Hydrolancang International Energy មានភាគហ៊ុន៥១% ក្រុមហ៊ុននៅកម្ពុជា Royal Group របស់អ្នកឧកញ៉ា គិត ម៉េង មានភាគហ៊ុន៣៩% និងក្រុមហ៊ុន EVN មកពីប្រទេសវៀតណាម មានភាគហ៊ុន១០% ជាមួយនឹងទុនវិនិយោគ ក្នុងទឹកប្រាក់ជាង៨០០លានដុល្លារអាមេរិក។ សំណង់វារីអគ្គិសនីនេះ ស្ថិតនៅខេត្តស្ទឹងត្រែង ត្រូវបានសាងសង់នៅលើផ្ទៃដីទំហំ៣ម៉ឺន៦ពាន់ហិកតា និងមានកម្ពស់សរុប៨០ម៉ែត ក្នុងនោះកម្ពស់៧៥ម៉ែត ជាកម្ពស់សម្រាប់ទប់ទឹក និងកម្ពស់៥ម៉ែត សម្រាប់ការពារហានិភ័យ ពីកម្រិតកម្ពស់ទឹកខ្ពស់ជ្រុលដែលយូរៗ...Read More

កម្ពុជា ស្នើបេឡារុសពិនិត្យលទ្ធភាពបើករោងចក្រដំឡើងរថយន្តក្រុង និងផលិតសំបកកង់យានយន្តនៅកម្ពុជា

FN ៖ កម្ពុជា បានស្នើឲ្យបេឡារុសពិនិត្យលទ្ធភាពបើករោងចក្រដំឡើងរថយន្តក្រុង និងផលិសំបកយានយន្តនៅក្នុងប្រទេសកម្ពុជា ដើម្បីចែកចាយទីផ្សារនៅក្នុងប្រទេសកម្ពុជា ក៏ដូចជាប្រទេសក្នុងតំបន់អាស៊ានទាំងមូល។

សំណើនេះបានធ្វើឡើងក្នុងកិច្ចប្រជុំលើកទី២ គណៈកម្មាធិការចម្រុះស្តីពីកិច្ចសហប្រតិបត្តិការពាណិជ្ជកម្ម និងសេដ្ឋកិច្ច រវាងកម្ពុជា និងបេឡារុស ដែលបានធ្វើឡើងនៅចុងខែមិថុនា កន្លងទៅនេះនៅទីក្រុងមីនស្ក សាធារណរដ្ឋបេឡារុស ដែលភាគកម្ពុជា ដឹកនាំដោយលោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្ម តំណាងលោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ខណៈដែលភាគីបេឡារុស ដឹកនាំលោក ជេនណាឌី ស្វេឌ័រស្គី (Gennady Svidersky) អនុរដ្ឋមន្រ្តីទី១ ក្រសួងឧស្សាហកម្មនៃសាធារណរដ្ឋបេឡារុស។

ក្នុងកិច្ចប្រជុំនេះមានគោលបំណង (១)៖ បន្តតាមដានវឌ្ឍនភាពការងារកិច្ចសហប្រតិបត្តិការ និងពិនិត្យការអនុវត្តតាមកិច្ចព្រមព្រៀងដែលភាគីទាំងពីរបានចុះហត្ថលេខានាអំឡុងដំណើរទស្សនកិច្ចការងាររបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ទៅកាន់សាធារ ណរដ្ឋបេឡារុសកាលពីឆ្នាំ២០១៤កន្លងទៅ និង (២)៖ បន្តពង្រឹងចំណងមិត្តភាព និងកិច្ចសហប្រតិបត្តិការពាណិជ្ជកម្ម សេដ្ឋកិច្ច និងបណ្តាវិស័យអាទិភាពផ្សេងៗទៀត ឲ្យកាន់តែមានភាពស៊ីជម្រៅ និងទូលំទូលាយ។

យោងតាមក្រសួងពាណិជ្ជកម្ម បានគូសបញ្ជាក់ថា ក្នុងកិច្ចប្រជុំនោះភាគីទាំងពីរបានលើកអំពីសារៈសំខាន់នៃកិច្ចព្រមព្រៀង ដែលសម្រេចបានកន្លងមក ជាពិសេសកិច្ចព្រមព្រៀងស្តីពី កិច្ចសហប្រតិបត្តិការពាណិជ្ជកម្ម និងសេដ្ឋកិច្ចកម្ពុជា-បេឡារុសដែលជាមូលដ្ឋានមួយដ៏សំខាន់ក្នុងការគាំទ្រ និងសម្រួលដល់ប្រតិបត្តិការពាណិជ្ជកម្ម ទំនាក់ទំនងវិស័យឯកជន និងធុរកិច្ច ដើម្បីឈានទៅសម្រេចគោលដៅទំហំពាណិជ្ជកម្មទ្វេភាគី ២០០លានដុល្លារអាមេរិកនៅឆ្នាំ២០២០។ ក្នុងនោះ ភាគីទាំងពីរបានគូសបញ្ជាក់អំពីភាពបំពេញគ្នាទៅវិញទៅមកលើវិស័យកសិកម្ម និងឧស្សាហកម្ម ដោយយល់ឃើញថាប្រទេសទាំងពីរជាប្រទេសកសិកម្ម ផលិត និងនាំចូលកសិផល ឧបករណ៍ និងគ្រឿងចក្រកសិកម្មផ្សេងៗ។

ភាគីកម្ពុជា ក៏បានលើកទឹកចិត្តឱ្យភាគីបេឡារុសជំរុញការនាំចេញផលិតផលកសិកម្មកម្ពុជាទៅកាន់ទីផ្សារបេឡារុស និងពិនិត្យលទ្ធភាពបង្កើតរោងចក្រតំឡើងរថយន្តក្រុង និងផលិតសំបកកង់យានយន្តដើម្បីផ្គត់ផ្គង់នៅទីផ្សារកម្ពុជា និងក្នុងតំបន់ ហើយក៏បានជម្រាបអំពីសក្តានុពលផលិតផលកសិកម្ម ពិសេសជ័រកៅស៊ូធម្មជាតិរបស់កម្ពុជាផងដែរ។

ដោយបេឡារុសជាប្រទេសមានភាពរីកចម្រើនខ្លាំងក្នុងវិស័យព័ត៌មានវិទ្យា និងវិទ្យាសាស្ត្រ ភាគីបេឡារុស បានសន្យាគាំទ្រដល់ការអភិវឌ្ឍ និងផ្ទេរចំណេះដឹងផ្នែកវិទ្យាសាស្រ្ត និងបចេ្ចកទេសទំនើបដល់ភាគីកម្ពុជាតាមរយៈការផ្លាស់ប្តូរកម្មវិធីសិក្សា និងកិច្ចសហប្រតិបត្តិការដោយផ្ទាល់លើវិស័យអប់រំ និងការបណ្តុះបណ្តាលធនធានមនុស្ស។ ក្រៅពីវិស័យសំខាន់ៗខាងលើ អង្គប្រជុំក៏បានផ្តោតការយកចិត្តទុកដាក់លើការពង្រឹង និងពង្រីកវិស័យផ្សេងទៀតដូចជា៖...Read More

រដ្ឋមន្រ្តីការងារ៖ កម្ពុជាបានបញ្ជូនកម្មសិក្សាការីទៅជប៉ុន តាមរយៈកម្មវិធីបណ្តុះបណ្តាលជំនាញបច្ចេកទេស ប្រមាណ៤ពាន់នាក់ និងបញ្ជូនបន្ថែមទៀតរហូតដល់ឆ្នាំ២០២២

FN ៖ រយៈពេល៥ឆ្នាំ ចាប់ពីថ្ងៃទី០១ ខែវិច្ឆិកា ឆ្នាំ២០១៧ រហូតដល់ឆ្នាំ២០២២ខាងមុខ រាជរដ្ឋាភិបាលកម្ពុជា និងរដ្ឋាភិបាលជប៉ុន នឹងចាប់ផ្ដើមអនុវត្តកិច្ចសហប្រតិបត្តិការ លើអនុស្សរណៈថ្មីមួយ ក្នុងនោះកម្ពុជានឹងបញ្ជូនកម្មសិក្សាការីរបស់ខ្លួនទៅធ្វើកម្មសិក្សា និងបម្រើការងារនៅប្រទេសជប៉ុនបន្ថែម ខណៈបច្ចុប្បន្នកម្មសិក្សាការីខ្មែរនៅជប៉ុន មានប្រមាណ ៤,០០០នាក់។ នេះបើតាមការបញ្ជាក់របស់លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ពីរាជធានីតូក្យូ។

អនុស្សរណៈនេះ គឺមានខ្លឹមសារស្តីពី «កិច្ចសហប្រតិបត្តិការលើការបណ្តុះបណ្តាលកម្មសិក្សាបច្ចេកទេស និងនីតិវិធីជ្រើសរើស បណ្តុះបណ្តាល និងនាំកម្មសិក្សាការីកម្ពុជា ទៅធ្វើការនៅប្រទេសជប៉ុន» ដែលត្រូវបានចុះហត្ថលេខារវាងលោករដ្ឋមន្រ្តី អ៊ិត សំហេង ជាមួយលោក ស៊ីអូ សាគី រដ្ឋមន្ត្រីក្រសួងការងារ សុខាភិបាល និងសុខមាលភាពសង្គម នៃប្រទេសជប៉ុន នាថ្ងៃទី១១ ខែកក្កដា ឆ្នាំ២០១៧នេះ។

លោករដ្ឋមន្រ្តីបានឲ្យដឹងថា ភាគីកម្ពុជា និងភាគីជប៉ុនបានឯកភាពគ្នាចុះអនុស្សរណៈយោគយល់គ្នា លើវិស័យបណ្តុះបណ្តាលវិជ្ជាជីវៈ ដែលមានគោលបំណង ផ្ទេរជំនាញបច្ចេកទេស តាមរយៈកម្មវិធីបណ្តុះបណ្តាលកម្មសិក្សាការីជំនាញបច្ចេកទេស ពីប្រទេសជប៉ុនមកប្រទេសកម្ពុជា ដែលមានខ្លឹមសារដូចខាងក្រោម៖

១៖ ក្រសួងការងារប្រទេសជប៉ុន ដែលមានការសហការជាមួយស្ថានទូតជប៉ុនប្រចាំនៅកម្ពុជា ត្រូវប្តេជ្ញាចិត្តទទួលនូវកម្មសិក្សាការីជំនាញបច្ចេកទេសពីប្រទេសកម្ពុជា ដោយអនុលោមទៅតាមច្បាប់ និងបទប្បញ្ញត្តិដែលពាក់ព័ន្ធនៃប្រទេសជប៉ុន។
២៖ ក្រសួងការងារកម្ពុជា ត្រូវប្តេជ្ញាចិត្តក្នុងការបញ្ជូនកម្មសិក្សាការីជំនាញបច្ចេកទេស ដោយអនុលោមទៅតាមច្បាប់ និងបទប្បញ្ញត្តិនៃប្រទេសកម្ពុជា។
៣៖ ទាំងក្រសួងការងារប្រទេសកម្ពុជា និងក្រសួងការងារប្រទេសជប៉ុន (ចាប់ពីពេលនេះទៅហៅកាត់ថា ក្រសួងទាំងពីរ) នឹងជ្រើសរើសអ្នកតំណាងក្នុងការទំនាក់ទំនង និងសម្របសម្រួលរវាងប្រទេសទាំងពីរ ដើម្បីអនុវត្តអនុស្សរណៈនេះប្រកបដោយប្រសិទ្ធភាព។
៤៖ ក្រសួងទាំងពីរនឹងប្រឹក្សាយោបល់គ្នា ក្នុងការអនុវត្តសកម្មភាពទាំងឡាយរបស់អនុស្សរណៈ ឬមានវិវាទកើតឡើង ដូចជា ការបាត់ខ្លួនរបស់កម្មសិក្សាការីជំនាញបច្ចេកទេស ដោយរាល់វិវាទទាំងនោះ ត្រូវបានដោះស្រាយដោយកិច្ចសហការយ៉ាងជិតស្និទ្ធ និងតាមរយៈការទូតឱ្យបានសមស្របរវាងក្រសួងដែលពាក់ព័ន្ធ និងទីភ្នាក់ងាររបស់ប្រទេសនីមួយៗ។
៥៖ កិច្ចសហការនៃអនុស្សរណៈ នឹងត្រូវអនុវត្តនៅក្រោមវិសាលភាពនៃច្បាប់ និងបទប្បញ្ញត្តិនៃប្រទេសនីមួយៗ។
៦៖...Read More

ក្រសួងទេសចរណ៍៖ ៥ខែដើមឆ្នាំ២០១៧នេះ ប្រជាពលរដ្ឋកម្ពុជា៧០ម៉ឺននាក់ បានចេញទៅទស្សនាក្រៅប្រទេស កើន១៨.៨ភាគរយ

FN ៖ តាមរបាយការណ៍ផ្លូវការ របស់ក្រសួងទេសចរណ៍ ដែលបង្ហាញនៅថ្ងៃទី១០ ខែកក្កដា ឆ្នាំ២០១៧ បានបញ្ជាក់ថា នៅរយៈពេល៥ខែ ដើមឆ្នាំ២០១៧ មានទេសចរកម្ពុជាចេញទៅទស្សនាក្រៅប្រទេសចំនួន៧០០,០២៧នាក់ កើនឡើង១៨.៨ភាគរយ បើធៀបនឹងរយៈពេលដូចគ្នា នៅឆ្នាំ២០១៦។

ប្រទេសកម្ពុជាមានសុខសន្តិភាព ស្ថិរភាពនយោបាយ និងមានការរីកចម្រើនលើគ្រប់វិស័យ ខណៈកំណើនសេដ្ឋកិច្ចជាតិសម្រេចបាន៧ភាគរយ ក្នុងឆ្នាំ២០១៦ ដែលនេះស្ដែងបញ្ជាក់ថា ប្រជាពលរដ្ឋកម្ពុជាកាន់តែមានជីវភាពធូរធាជាងមុន ពីមួយឆ្នាំទៅមួយឆ្នាំ នាំឲ្យកំណើនមនុស្សដើរទេសចរណ៍ ក៏មានការកើនឡើងច្រើនផងដែរ។

របាយការណ៍បូកសរុបលទ្ធផលការងារទេសចរណ៍ ឆមាសទី១ ឆ្នាំ២០១៧ និងទិសដៅអនុវត្តបន្តឆមាសទី២ បានឲ្យដឹងថា ភ្ញៀវទេសចរអន្តរជាតិ ដែលបានមកទស្សនាប្រទេសកម្ពុជា រយៈពេល៥ខែ ដើមឆ្នាំ២០១៧នេះ មានចំនួន២,២៨៤,៦៣០នាក់ កើនឡើង ១២.៥ភាគរយ​ បើធៀបនឹងរយៈពេលដូចគ្នា នៅឆ្នាំ២០១៦។

សូមជម្រាបថា កាលពីឆ្នាំ២០១៦ កន្លងទៅ មានភ្ញៀវទេសចរកម្ពុជា ដែលធ្វើដំណើរទៅទស្សនាកម្សាន្តនៅក្រៅប្រទេសចំនួន១,៤៣៤,០៣០នាក់ ខណៈប្រទេសកម្ពុជាទទួលភ្ញៀវទេសចរអន្តរជាតិចំនួន ៥,០១១,៧១២នាក់ កើនឡើង៥ភាគរយ៕

រដ្ឋមន្ត្រីក្រសួង​អប់រំ៖ ក្រសួងគ្រោងនឹងចំណាយថវិកា ៣,៥លាន​ដុល្លារ​​ សម្រាប់ការប្រឡងបាក់ឌុបឆ្នាំ២០១៧នេះ

FN ៖ លោក ហង់ ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា នៅថ្ងៃទី១០ ខែកក្កដា ឆ្នាំ២០១៧នេះ បានថ្លែងថា សម្រាប់សម័យប្រឡង​សញ្ញាបត្រ​មធ្យមសិក្សា​ទុ​តិ​ភូមិ​ (បាក់ឌុប) ចំណេះ​ទូទៅ និង​បំពេញវិជ្ជា ដែល​មាន​ថ្នាក់វិ​ទ្យា​សាស្ត្រ និង​វិទ្យាសាស្ត្រ​សង្គម នៅថ្ងៃទី២១ ខែសីហា ឆ្នាំ២០១៧ ក្រសួងគ្រោងនឹងចំណាយថវិកា ៣,៥លាន​ដុល្លារ។

ការបញ្ជាក់បែបនេះ របស់លោករដ្ឋមន្ត្រី ហង់ ជួន ណា​រ៉ុ​ន បានធ្វើឡើងនៅក្នុងសន្និសីទសារព័ត៌មានស្ដីពី ការរៀបចំប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា សម័យប្រឡង ថ្ងៃទី២១ ខែសីហា ឆ្នាំ២០១៧ ដែលបានរៀបចំធ្វើឡើងនៅទីស្ដីការក្រសួងអប់រំ នាព្រឹកថ្ងៃទី១០ ខែកក្កដា ឆ្នាំ២០១៧នេះ។

លោក ហង់ ជួន ណា​រ៉ុ​ន ក៏បានណែនាំផងដែរថា ដើម្បី​ឲ្យ​ដំណើរការ​ប្រឡង ប្រព្រឹត្ត​ទៅ​ប្រកបដោយ​គោលការណ៍​ច្បាប់ យុត្តិធម៌ តម្លាភាព និង​លទ្ធភាព​ទទួលយក​បាន ក្រសួង​អប់រំ យុវជន និង​កីឡា សូម​អំពាវនាវ​ ដល់​បេក្ខជន​ទាំងអស់​ត្រូវ​គោរព​បទ​ប្បញ្ញត្តិ ​នៃ​ការ​ប្រឡង​ឲ្យ​បាន​ល្អ​ប្រសើរ ជា​ពិសេស​មិន​ត្រូវ​លាក់​ទុក ​ជាប់​នឹង​ខ្លួន​នូវ​ឧបករណ៍​អេ​ឡិច​ត្រូ​និ​ច​គ្រប់​ប្រភេទ​ចូល​ក្នុង​មណ្ឌល​ប្រឡង ឬ​បន្ទប់​ប្រឡង​ជា​ដាច់ខាត។

សូមបញ្ជាក់ថា បេក្ខជនប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅក្នុងឆ្នាំ២០១៧នេះ មានចំនួនសរុប ១០៣,១១២នាក់ ដែលមានការកើនឡើងជាងឆ្នាំមុន ប្រមាណជាង ៩ពាន់នាក់ បើធៀបនឹងឆ្នាំ២០១៦៕

ស្ថានទូតអាមេរិកប្រចាំកម្ពុជា ចេញសេចក្តីថ្លែងការណ៍ អបអរសាទររាជរដ្ឋាភិបាលកម្ពុជា ដែលសម្រេចចុះ «តំបន់ប្រាសាទសម្បូរព្រៃគុក» ក្នុងបញ្ជីសម្បត្តិបេតិកភណ្ឌពិភពលោក

FN ៖ ស្ថានទូតសហរដ្ឋអាមេរិកប្រចាំនៅកម្ពុជា នៅថ្ងៃចន្ទ ទី១០ ខែកក្កដា ឆ្នាំ២០១៧នេះ បានចេញសេចក្តីថ្លែងការណ៍ អបអរ​សាទរដល់រាជរដ្ឋាភិបាលកម្ពុជា ចំពោះការដាក់បញ្ចូល «តំបន់ប្រាសាទសម្បូរព្រៃគុក» ទៅក្នុងបញ្ជីនៃសម្បត្តិបេតិកភណ្ឌពិភពលោក ដែលបានធ្វើឡើងក្នុងកិច្ចប្រជុំលើកទី៤១ នៃ​គណៈកម្មការ​បេតិកភណ្ឌពិភពលោក របស់អង្គការ UNESCO នាពីថ្ងៃទី០៨ ខែកក្កដា ឆ្នាំ២០១៧ ទីក្រុង Krokow ប្រទេសប៉ូឡូញ។

សេចក្តីថ្លែងការណ៍បានបន្តទៀតថា «សម្បូរព្រៃគុក គឺជាតំបន់ប្រាសាទទី៣ហើយ របស់ប្រទេសកម្ពុជា ដែលត្រូវបានទទួលនាម ជាសម្បត្តិបេតិកភណ្ឌពិភពលោក បន្ទាប់ពីតំបន់ប្រាសាទអង្គវត្ត និងប្រាសាទព្រះវិហារ»។

បន្ថែមពីនេះ ​នៅក្នុងសេចក្តីថ្លែងការណ៍ ដែលត្រូវបានបង្ហោះនៅក្នុងទំព័រ Facebook ផ្លូវការនៃស្ថានទូត​អាមេរិកប្រចាំកម្ពុជា ក៏បានភ្ជាប់ជាមួយនូវរូបភាពជាច្រើនសន្លឹក ដែលបង្ហាញអំពីដំណើរទស្សនកិច្ច របស់លោកឯកអគ្គរដ្ឋទូតអាមេរិក William A. Heidt នៅតំបន់ប្រាសាទសម្បូរព្រៃគុក កាលពីខែឧសភា ឆ្នាំ២០១៧ កន្លងទៅនេះផងដែរ៕