FN ៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី និងជារដ្ឋមន្រ្តីក្រសួងការពារជាតិ បានលើកឡើងថា បញ្ហាព្រំដែនរវាងប្រទេសកម្ពុជា និងប្រទេសឡាវ ក្នុងពេលបច្ចុប្បន្ននេះ មានភាពល្អប្រសើជាងមុនហើយ ដោយភាគីទាំងពីរ បានដោះស្រាយ បញ្ហាខ្វែងគំនិតគ្នាជាបន្តបន្ទាប់ មិនមានអ្វីគួរឱ្យចាប់អារម្មណ៍ទៀតទេ។
ការអះអាងរបស់ សម្តេចពិជ័យសេនា បានធ្វើឡើងក្នុងសន្និសីទកាសែតខ្លីមួយ នៅព្រលានយន្តហោះអន្តរជាតិភ្នំពេញ នៅរសៀលថ្ងៃទី១៧ ខែមករា ឆ្នាំ២០១៨នេះ បន្ទាប់ពីសម្តេច បានត្រឡប់ពីបំពេញទស្សនកិច្ចជាផ្លូវការ នៅប្រទេសឡាវ រយៈពេល៥ថ្ងៃ។
សម្តេច ទៀ បាញ់ បានថ្លែងយ៉ាងដូច្នេះថា៖ «ចំពោះបញ្ហាព្រំដែន រវាងប្រទេសទាំងពីរ នៅសេសសល់តែលើបញ្ហាបច្ចេកទេសមួយ ចំនួនតូចតែប៉ុណ្ណោះ ដែលភាគីទាំងពីរ កំពុងដោះស្រាយឲ្យបានចប់សព្វគ្រប់ក្នុងពេលឆាប់ៗនេះ»។
សម្តេចពិជ័យសេនា ទៀ បាញ់ បានបន្តថា ប្រទេសកម្ពុជា-ឡាវ នឹងបន្តដំណើរកិច្ចពិភាក្សាគ្នាបន្ថែមទៀតនៅឆ្នាំក្រោយៗ ដើម្បីបង្កើនភាពជិតស្និតប្រទេសនៅភូមិផងរបងជាមួយគ្នា។ ដោយឡែកសម្រាប់កិច្ចប្រជុំលើកនេះ ទទួលបានផ្លែផ្កាយ៉ាងល្អប្រសើរ មិនតែប៉ុណ្ណោះក្នុងកិច្ចប្រជុំសហ មានការចូលរួមពីក្រសួងការពារជាតិ៣ប្រទេស ចូលរួមគឺប្រទេសកម្ពុជា ប្រទេសឡាវ និងប្រទេសវៀតណាម ផងដែរ។
សូមជំរាបថា សម្តេចពិជ័យសេនា ទៀ បាញ់ បានដឹកនាំគណៈប្រតិភូក្រសួងការពារជាតិកម្ពុជា ទៅបំពេញទស្សនកិច្ចជាផ្លូវការ នៅប្រទេសឡាវ រយៈពេល៥ថ្ងៃ ចាប់ពីថ្ងៃទី១៣ ដល់១៧ ខែមករា ឆ្នាំ២០១៨។
ក្នុងជំនួបជាមួយ រដ្ឋមន្រ្តីក្រសួងការបរទេសឡាវ នៅប្រទេសឡាវ កាលពីថ្ងៃទី១៥ ខែមករា ឆ្នាំ២០១៨ ប្រមុខការពារជាតិប្រទេសទាំងពីរ បានជំរុញឱ្យកងទ័ព នៅព្រំដែន ត្រូវរួមគ្នាថែរក្សាសន្តិសុខព្រំដែន ហើយដោះស្រាយបញ្ហាដោយសន្តិវិធី ចៀសវាងប៉ះទង្គិចគ្នា៕
...
Read More
FN ៖ គ្រាទំនាក់ទំនងកម្ពុជា-ចិន កំពុងពង្រីកកាន់តែខ្លាំង ហើយទំហំវិនិយោគចិននៅកម្ពុជា មានកាន់តែច្រើនដែរនោះ គេសង្កេតឃើញថា ទំនាក់ទំនងក្នុងផ្នែកពាណិជ្ជកម្មរបស់ពលរដ្ឋប្រទេសទាំងពីរក៏កំពុងតែមមាញឹកផងដែរ។ ការទទួលបានព័ត៌មានពីគ្នាទៅវិញទៅ មករវាងប្រជាពលរដ្ឋកម្ពុជា-ចិន ត្រូវបានគេមើលឃើញថា នៅតែជារណាំងនៃទំនាក់ទំនងរវាងប្រជាពលរដ្ឋទាំងពីរ។
ដើម្បីទម្លុះរណាំងនៃទំនាក់ទំនង ក៏ដូចជាចង់ឲ្យពលរដ្ឋចិន និងអ្នកវិនិយោគចិន បានទទួលព័ត៌មានរបស់កម្ពុជាកាន់តែច្រើន ក្រុមហ៊ុនលើ វិស័យព័ត៌មានដ៏ធំមួយរបស់ចិន មានមូលដ្ឋាននៅតំបន់ស្វយ័តក្វាងស៊ី (Guangxi China News Culture & Innovation Media Co., Ltd.) បានចាប់ដៃជាមួយក្រុមហ៊ុននៅកម្ពុជាបង្កើតក្រុមហ៊ុនផ្សព្វផ្សាយមួយមានឈ្មោះថា ខេមបូឌា ហ៊ែតឡាញ (Cambodia Headline)។ ខេមបូឌា ហ៊ែតឡាញ បានបង្កើតកម្មវីធីផ្តល់ព័ត៌មានលើទូរស័ព្ទឆ្លាតវៃ (Smart Phone) ដែលមានឈ្មោះថា ASEAN TOP។
ពិធីបើកសម្ពោធប្រព័ន្ធផ្សព្វផ្សាយថ្មីក្រោមកិច្ចសហការរវាងចិន និងកម្ពុជា ត្រូវបានធ្វើឡើងយ៉ាងអធឹកអធមក្រោមអធិបតីភាពលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោក ហ៊ុន ម៉ានី អ្នកតំណាងរាស្ត្រមណ្ឌលខេត្តកំពង់ស្ពឺ និងជាប្រធានសហភាពសហព័ន្ធយុវជនកម្ពុជា។ ក្នុងពិធីនោះ ក៏មានការអញ្ជើញចូលរួមពីតំណាងស្ថានទូតចិនប្រចាំនៅកម្ពុជា អ្នកស្រី Zou Wenxing និងតំណាងក្រុមហ៊ុនមក ពីប្រទេសចិន និងតំណាងក្រុមហ៊ុននៅកម្ពុជា ព្រមទាំងម្ចាស់ស្ថាប័នព័ត៌មាន និងអ្នកព័ត៌មានជាច្រើនទៀតនៅក្នុងប្រទេសកម្ពុជា។
លោក សំ រតនា អនុប្រធានក្រុមហ៊ុន ប៊ី ភី មេឌា បានថ្លែងឲ្យដឹងថា កម្មវិធីផ្តល់ព័ត៌មានដែលដំណើរការលើទូរស័ព្ទឆ្លាតវៃ «ASEAN TOP» នឹងផ្តល់ព័ត៌មានផ្នែកនយោបាយ សង្គម សេដ្ឋកិច្ច ទេសចរណ៍ និងវិស័យផ្សេងៗទៀតនៅក្នុងប្រទេសកម្ពុជា ដោយផ្សាយជាភាសាខ្មែរ និងភាសាចិន។ បើតាមលោក រតនា ក្រៅពីផ្តល់ព័ត៌មានហើយនោះ «ASEAN TOP»...Read More
FN ៖ «យុវជនទាំងអស់ត្រូវតែសិក្សាស្វែងយល់អំពីប្រវត្តិសាស្ត្ររបស់ខ្លួនជាពិសេសរឿងរ៉ាវ ទាក់ទងនឹងរបបខ្មែរក្រហមព្រោះប្រវត្តិសាស្ត្រគឺជាផ្នែកមួយនៃអត្តសញ្ញាណជាតិផង ដែរ»។ នេះគឺជាការថ្លែងរបស់លោក នេត្រ ភក្ត្រា ប្រធានស្តីទីផ្នែកកិច្ចការសាធារណៈ និងជាមន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជា នៅចំពោះមុខ សិស្សានុសិស្ស និងនិស្សិតជាង៤០០នាក់មកពីខេត្តព្រៃវែង និងខេត្តសៀមរាបដែល បានធ្វើទស្សនកិច្ចសិក្សានៅសាលាក្តីខ្មែរក្រហមថ្ងៃទី៤ ខែមករា ឆ្នាំ ២០១៨។ សិស្សនិស្សិតទាំងនេះនឹងបន្តដំណើរទស្សនកិច្ចទៅកាន់សារៈមន្ទីរប្រល័យពូជសាសន៍ ជើងឯង និងគុកទួលស្លែងបន្ថែមទៀត។
ប្រធានស្តីទីផ្នែកកិច្ចការសាធារណៈរូបនេះ បានថ្លែងថា កាន់តែមានសារៈសំខាន់ថែមទៀតពេលដែលយុវជនបានយល់ដឹងអំពីប្រវត្តិសាស្ត្រដ៏សោកសៅរបស់ប្រទេសកម្ពុជាកាលពីអតីតកាល និងចូលរួមទប់ស្កាត់អំពើប្រល័យពូជសាសន៍កុំឱ្យវិលត្រឡប់ និងកើតឡើងសាជាថ្មីនៅលើទឹកដីកម្ពុជា។ លោក នេត្រ ភក្ត្រា បានបន្តថា ទោះបីជាង ៦០% នៃប្រជាជនកម្ពុជាកើតមិនទាន់របបខ្មែរក្រហម ប៉ុន្តែយុវជនទាំងនោះ គឺជាសាក្សីរស់នៃដំណើរការនាំយកអតីតមេដឹកនាំខ្មែរក្រហម និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតមកជំនុំជម្រះក្តី ដើម្បីស្វែងរកយុត្តិធម៌ និងការពិត ជូនជនរងគ្រោះក្នុងរបបខ្មែរក្រហមក៏ដូចមនុស្សជាតិទាំងមូល។
លោក នេត្រ ភក្ត្រា បានគូសបញ្ជាម់ថា៖ «យុវជនត្រូវសិក្សាពីប្រវត្តិសាស្ត្ររបស់ខ្លួនឱ្យបានច្បាស់លាស់ ជាពិសេសរឿងរ៉ាវដែលកើតឡើងនៅក្នុងរបបកម្ពុជាប្រជាធិបតេយ្យ ដើម្បីចៀសវាងការប្រព្រឹត្តកំហុសច្រំដែលជាន់ដានប្រវត្តិសាស្ត្រ នាំឱ្យមានការស្លាប់បាត់បងជីវិតប្រជាជន ហើយខឿនសេដ្ឋកិច្ចជាតិ ត្រូវបានបំផ្លិចបំផ្លាញដូចពីអតីតកាល»។ លោកបន្តថា ការចងចាំអំពីប្រវត្តិសាស្ត្រកម្ពុជាក៏ជាផ្នែកមួយដែលជួយឱ្យយុវជនបានយល់ដឹងកាន់តែស៊ីជម្រៅ បន្ថែមពីលើរឿងរ៉ាវដែលឪពុកម្តាយ និងជីដូនជីតារបស់ខ្លួនដែលហែលឆ្លងកាត់និយាយប្រាប់ និងអាចផ្ទេរការចងចាំនេះទៅមនុស្សរាប់ជំនាន់ទៅមុខទៀត។ លោក នេត្រ ភក្ត្រា ក៏បានលើកទឹកចិត្តដល់ជនរងគ្រោះនៃរបបខ្មែរក្រហមជួយនិយាយបន្ត និងផ្សព្វផ្សាយពីរឿងរ៉ាវដែលគាត់បានជួបប្រទះនៅក្នុងរបបខ្មែរក្រហមជូនដល់ក្មេងៗជំនាន់ក្រោយដើម្បីការចងចាំ ទោះបីជាការរំលឹករឿងរ៉ាវនេះធ្វើ ឱ្យពលរដ្ឋមួយចំនួនមានការឈឺចាប់ ពេលរំលឹកពីការឈឺចុកចាប់ រងទុក្ខវេទនារបស់ខ្លួន ព្រោះដើម្បីទប់ស្កាត់ការវិលត្រឡប់មកវិញ នូវសោកនាដកម្មដូចរបបខ្មែរក្រហមនេះមកលើទឹកដីកម្ពុជាជាថ្មីទៀត។
លោក នេត្រ ភក្ត្រា បានបញ្ជាក់ថា ការជំនុំជម្រះក្តីលើឧក្រិដ្ឋកម្ម នៅក្នុងរបបខ្មែរក្រហមគឺជាដំណើរនៃការផ្សះផ្សាជាតិ និងចូលរួមថែរក្សាសន្តិភាព និងការអភិវឌ្ឍនៅកម្ពុជា។ ការយល់ដឹងរបស់យុវជនលើរឿងរ៉ាវសោកនាដកម្មដែលកើតឡើងក្នុងរបបខ្មែរក្រហមជាការចាំបាច់បំផុត។ លោក នេត្រ ភក្ត្រា បានបន្ថែមថា ការជំនុំជម្រះក្តីលើឧក្រិដ្ឋកម្មដែលបានកើតឡើងនៅក្នុងរបបខ្មែរក្រហម គឺក្នុងគោលបំណងដើម្បីស្វែងរកអ្នកទទួលខុសត្រូវលើឧក្រិដ្ឋកម្ម និងផ្តល់យុត្តិធម៌ជូនជនរងគ្រោះដែលបានស្លាប់បាត់បង់ជីវិត និងអ្នកដែលកំពុងរស់រានមានជីវិតពីរបបខ្មែរក្រហម ព្រមទាំងចូលរួមស្វែងរកការពិតជូនមនុស្សជាតិទាំងមូលថាតើមានអ្វីកើតឡើងពិតប្រាកដក្នុងរបបនេះ បានជាធ្វើឱ្យមនុស្សយ៉ាងហោចណាស់ចន្លោះពី ១,៧...Read More
FN ៖ របាយការណ៍របស់អគ្គនាយកដ្ឋានកាំកុងត្រូល ដែលបានបញ្តាញព័ត៌មាន Fresh News នៅថ្ងៃទី៤ ខែមករា ឆ្នាំ២០១៨ បានបញ្ជាក់ថា រយៈពេល១១ខែ ឆ្នាំ២០១៧កន្លងទៅ ប្រទេសកម្ពុជា បាននាំចេញទំនិញកសិកម្ម និងទំនិញផ្សេងៗទៀត ទៅកាន់ប្រទេសចិន សរុបជាទឹកប្រាក់ចំនួនជាង៦៣៣លានដុល្លារ ខណៈដែលប្រទេសចិននាំចូលមកកម្ពុជាវិញ មានទឹកប្រាក់ រហូតដល់ជាង៤,៤៨០លានដុល្លារអាមេរិកឯណោះ។ បើប្រៀបធៀបចំនួននេះ ឃើញថាការចេញរបស់កម្ពុជា ទៅកាន់ប្រទេសចិន គឺតិចជាងប្រទេសចិននាំចូលមកកម្ពុជាដល់ទៅ៧ដង។
របាយការណ៍ដដែលបានបញ្ជាក់ទៀតថា ទំនិញដែលកម្ពុជានាំចេញទៅប្រទេសចិនរួមមាន៖ ផលនេសាទ ដំឡូងមីស្ងួត ម្សៅដំឡូងមី គ្រាប់ស្វាយចន្ទី អង្ករ ប្រេងដូងមិនទាន់ចំរាញ់ កៅស៊ូក្រែប ឈើកែច្នៃ ក្រណាត់ ស្បែកកែច្នៃ សម្លៀកបំពាក់ ស្បែកជើង និងទំនិញផ្សេងៗមួយចំនួនទៀត។
ចំពោះទំនិញដែលកម្ពុជានាំចូលពីប្រទេសចិនរួមមាន៖ សាច់ស្រស់ ផលនេសាទ ទឹកដោះ និងផលិតផលពីទឹកដោះ បន្លែស្រស់ ផ្លែឈើស្រស់ ស្រូវសាលី ចំណីសត្វ ថ្នាំជក់ បារី ឧស្ម័ន ឱសថ ជីកសិកម្ម សម្ភារៈកាត់ដេរ ស្បែកជើង វត្ថុធាតុផលិតស្បែកជើង សម្ភារៈសំណង់ រថយន្ត ម៉ូតូ និងផលិតផ្សេងៗមួយចំនួនទៀត៕
...
Read More
FN ៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ធ្លាប់បានអះអាងថា ការដឹកជញ្ជូនអ្នកដំណើរតាមផ្លូវទឹកនឹងចាប់ផ្តើមដំណើរការឲ្យបានមុនចូលឆ្នាំថ្មីប្រពៃណីខ្មែរឆ្នាំ២០១៨នេះ ដើម្បីសម្រួលការធ្វើដំណើរ ជាពិសេសកាត់បន្ថយការកកស្ទះចរាចរណ៍។
បើតាមលោកទេសរដ្ឋមន្ត្រី ស៊ុន ចាន់ថុល ផ្លូវដឹកសម្រាប់ដឹកអ្នកដំណើរ ដែលនឹងដាក់ឲ្យដំណើរការជាលើកដំបូងនេះ គឺចាប់ពីព្រែកព្នៅចូលមករាជធានីភ្នំពេញ ឆ្ពោះទៅក្រុងតាខ្មៅ និងពីក្រុងតាខ្មៅចូលមករាជធានីភ្នំពេញ ហើយឆ្ពោះទៅព្រែកព្នៅវិញ។
បើតាមក្រសួងសាធារណការ និងដឹកជញ្ជូន បានបញ្ជាក់ថា មានកំពង់ផែចំនួន ១៥ទីតាំង ត្រូវបានរៀបចំសម្រាប់ឲ្យការណូតចូលសំចតដឹកអ្នកដំណើរ។ កំពង់ផែទាំង ១៥ទីតាំងនោះរួមមាន៖
* រាជធានីភ្នំពេញ
– ទី១៖ គល់ស្ពានព្រែកព្នៅត្រើយខាងកើត (កំពុងពិចារណា)
– ទី២៖ គីឡូម៉ែត្រលេខ៦
– ទី៣៖ ខាងមុខឃ្លាំងសាំងឬស្សីកែវជាប់ នឹងទីលានប្រជាធិបតេយ្យថ្មី
– ទី៤៖ ផែបណ្ដែតមុខផ្សាររាត្រី
– ទី៥៖ កំពង់ចម្លងកោះពេជ្រ-អារីយ៍ក្សត្រ
– ទី៦៖ ភូមិដើមចាន់ ឬគល់ស្ពានក្បាលថ្នល់ខាងកើត
– ទី៧៖ ចំណតរថយន្តចាក់អង្រែក្រោម
– ទី៨៖ បាក់ខែង ត្រង់ផ្លូវបំបែកលី យ៉ុងផាត់
– ទី៩៖ ទល់មុខផ្សារព្រែកលៀប (កំពង់ចម្លងព្រែកលៀប)
– ទី១០៖ ជាប់សណ្ឋាគារសុខាភ្នំពេញ
– ទី១១៖ ភូមិកោះនរា
– ទី១២៖ កំពង់ចម្លងក្តីតាកុយ
– ទី១៣៖ កំពង់ចម្លងតាព្រហ្មមាត់ក្រសះ
* ខេត្តកណ្តាលៈ
– ទី១៖ មុខវត្តព្រែកសំរោងក្រុងតាខ្មៅ (កំពុងពិចារណា)
– ទី២៖ កំពង់ចម្លងរោងចក្រក្តាបន្ទះផ្លូវត្រី
...
Read More
FN ៖ នៅឆ្នាំ២០១៧ កម្ពុជានាំចេញអង្ករបាន ជាង៦៣ម៉ឺនតោន កើនឡើង១៧% បើធៀបនឹងឆ្នាំ២០១៦។
របាយការណ៍ផ្លូវការរបស់លេខាធិការដ្ឋាន ច្រកចេញចូលតែមួយ សម្រាប់បំពេញបែបបទនាំចេញអង្ករ ដែលបណ្តាញព័ត៌មានអង្គភាព Fresh News ទទួលបាននៅថ្ងៃទី២ ខែមករា ឆ្នាំ២០១៨ បានបញ្ជាក់ថា ពេញ១ឆ្នាំ២០១៧ កម្ពុជាបាននាំចេញអង្ករទៅក្រៅប្រទេស បាន៦៣៥,៦៧៩តោន កើតឡើង១៧.៣០% បើធៀបទៅនឹងឆ្នាំ២០១៦ ដែលមានចំនួនត្រឹមតែ៥៤២,១៤៤តោនប៉ុណ្ណោះ។
យោងតាមរបាយការណ៍ដដែល បានបញ្ជាក់ទៀតថា អង្កររបស់កម្ពុជា បាននាំចេញទៅកាន់ប្រទេសជាង៦០នៅលើ ពិភពលោក ក្នុងនោះនាំទៅកាន់ប្រទេសចិនច្រើនជាងគេ ដែលមានចំនួនជិត២០ម៉ឺនតោន, ប្រទេសបារាំងជិត៨ម៉ឺនតោន និងប្រទេសប៉ូឡូញជាង៤ម៉ឺនតោន។
របាយការណ៍បានបន្ថែមទៀតថា ក្រុមហ៊ុនដែលនាំចេញអង្ករ ទៅកាន់បរទេសមានចំនួន៨៤ក្រុមហ៊ុន ក្នុងនោះដែលក្រុមហ៊ុនដែលនាំចេញបានច្រើនជាងគេរួមមាន៖ ក្រុមហ៊ុន Cristal Rice នាំចេញបានជាង៧ម៉ឺនតោន , ក្រុមហ៊ុនបៃតង ជាង៦ម៉ឺនតោន និងក្រុមហ៊ុន City Rice ចំនួនជាង៥ម៉ឺនតោន៕
...
Read More
FN ៖ ក្នុងឱកាសប្រារព្ធពិធីបុណ្យឆ្លងឆ្នាំសកលឆ្នាំ២០១៧ ឈានចូលឆ្នាំ២០១៨ នៅរមណីយដ្ឋានវត្តភ្នំ លោក ឃួង ស្រេង អភិបាលរាជធានីភ្នំពេញ បានសម្តែងការកោតសរសើរ និងវាយតម្លៃខ្ពស់ ចំពោះការយកចិត្តទុកដាក់ និងកិច្ចខិតខំប្រឹងប្រែងរបស់ថ្នាក់ដឹកនាំ មន្រ្តីរាជការ គ្រប់មន្ទីរជំនាញ កងកម្លាំងមានសមត្ថកិច្ចគ្រប់លំដាប់ថ្នាក់ និងអ្នកពាក់ព័ន្ធនានា នៃរដ្ឋបាលរាជធានីភ្នំពេញ ដែលពុះពារសម្រេចបានសមិទ្ធផល លើគ្រប់វិស័យនៅក្នុងឆ្នាំចាស់ឆ្នាំ២០១៧ ធ្វើឲ្យរាជធានីភ្នំពេញ មានរីកចំរើនយ៉ាងខ្លាំងលើគ្រប់វិស័យនាពេលបច្ចុប្បន្ន។
លោកអភិបាលរាជធានី បានថ្លែងថា សមិទ្ធផលនយោបាយ សង្គម និងសេដ្ឋកិច្ចដែលរាជធានីភ្នំពេញ សម្រេចបាននាឆ្នាំ២០១៧កន្លងមកនេះ ពិតជាបានមកដោយសារការប្តេជ្ញាចិត្ត ការចូលរួមយ៉ាងសកម្មពីសំណាក់អស់លោក លោកស្រី ដែលជាថ្នាក់ដឹកនាំមន្រ្តីរាជការ កងកម្លាំងប្រដាប់អាវុធ គ្រប់លំដាប់ថ្នាក់ និងការចូលរួមពីសំណាក់ប្រជាពលរដ្ឋ ក្នុងរាជធានីភ្នំពេញផងដែរ ដែលជាកម្លាំងសាមគ្គីដ៏រឹងមាំក្នុងការអភិវឌ្ឍជាតិ ពិសេសរាជធានីភ្នំពេញ។
លោកអភិបាលរាជធានីភ្នំពេញបានបន្តថា «ទោះបីជាការខិតខំសំរេចបាននូវសមិទ្ធផលធំៗជាច្រើន លើគ្រប់វិស័យក៏ដោយ ប៉ុន្តែក៏នូវមានចំណុចខ្វះខាត និងបញ្ហាប្រឈមមួយចំនួន ដែលអាជ្ញាធរត្រូវខិតខំដោះស្រាយបន្ថែមទៀត។ ជាមួយការកើនឡើងនូវតម្រូវការសង្គម នៃការកើនឡើងយ៉ាងឆាប់រហ័ស នូវលំហូរប្រជាពលរដ្ឋមកប្រកបមុខរបរ ធ្វើការងារ និងតាំងទីលំនៅ ក្នុងរាជធានីភ្នំពេញ បានធ្វើឲ្យការឆ្លើយតប ចំពោះការកើនឡើងយ៉ាងរហ័សនេះ នៅមានកម្រិត ដែលជាហេតុធ្វើឲ្យលេចឡើងនូវបញ្ហាប្រឈម និងចំណុចសេសសល់ ដែលត្រូវដោះស្រាយបន្ត ដូចជា ការកកស្ទះចរាចរ បញ្ហាសំរាម អនាម័យសណ្តាប់ធ្នាប់សាធារណៈ ការសាងសង់ និងការផ្តល់សេវាសង្គមនានាជាដើម»។ល។
លោក ឃួង ស្រេង បានបញ្ជាក់ទៀតថា ជាការពិតរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ដោយឈរលើមូលដ្ឋាន នៃស្មារតីមហាសាមគ្គីជាតិ និងឯកភាពជាតិ បានខិតខំកសាងមូលដ្ឋានគ្រឹះ នៃសន្តិភាព ស្ថេរភាពនយោបាយ សន្តិសុខ និងសណ្តាប់ធ្នាប់សាធារណៈ រហូតដល់បច្ចុប្បន្នប្រទេសកម្ពុជាទាំងមូល ទទួលបានសុខសន្តិភាពពេញលេញ ហើយរាជធានីភ្នំពេញ ក៏ដូចជា តាមខេត្តនានា...Read More
FN ៖ លោក ម៉ម ប៊ុនហេង រដ្ឋមន្រ្តីក្រសួងសុខាភិបាល នៅយប់ថ្ងៃទី៣០ ខែធ្នូ ឆ្នាំ២០១៧នេះ បានបញ្ជាក់ប្រាប់បណ្តាញព័ត៌មាន Fresh News ឱ្យដឹងថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្តល់កាដូថ្មី៣បន្ថែមទៀត សម្រាប់ឆ្នាំ២០១៨ ដោយកំណត់ថា ចាប់ពីថ្ងៃទី១ ខែមករា ឆ្នាំ២០១៨ មន្រ្តីសាធារណៈ, អតីតមន្រ្តីរាជការ និងអតីតយុទ្ធជន នឹងទទួលបានការពិនិត្យ និងព្យាបាលដោយមិនគិតថ្លៃ ដូចកម្មករ, កីឡាករ, ប្រធានភូមិ អនុភូមិ និងក្រុមប្រឹក្សាឃុំ/សង្កាត់ផងដែរ។
លោក ម៉ម ប៊ុនហេង បានបញ្ជាក់ថា ការដាក់បន្ថែមនូវ មន្រ្តីសាធារណៈ, អតីតមន្រ្តីរាជការ និងអតីតយុទ្ធជន សម្រាប់ការព្យាបាលនៅតាមមន្ទីរពេទ្យរដ្ឋ ដោយមិនគិតថ្លៃនេះ នឹងជួយសម្រួលដល់ការចំណាយរបស់ពួកគាត់ ក៏ដូចជាកាត់បន្ថយភាពក្រីក្រនៅក្នុងប្រទេសកម្ពុជាផងដែរ។
សូមបញ្ជាក់ថា សម្តេចតេជោ ហ៊ុន សែន ក្នុងពិធីជួបសំណេះសំណាលជាមួយកម្មករ ក្នុងខណ្ឌពោធិ៍សែនជ័យ កាលពីថ្ងៃទី២៧ ខែធ្នូ ឆ្នាំ២០១៧នោះ បានបង្គាប់ឱ្យក្រសួង និងស្ថាប័នពាក់ព័ន្ធទាំងអស់ ត្រួតពិនិត្យមើលសេវាកម្ម របស់ក្រុមគ្រូពេទ្យ នៅតាមបណ្តា មន្ទីរពេទ្យរដ្ឋនានា ដើម្បីកុំឲ្យមានភាពយឺតយ៉ាវក្នុងការពិនិត្យ និងព្យាបាលជំងឺជូនកម្មករ កម្មការិនី កីឡាករ និងមន្រ្តីរាជការទាំងឡាយ ដែលទទួលបានសេវាកម្មពិនិត្យ និងព្យាបាលជំងឺ ដោយមិនគិតថ្លៃ។ សម្តេចតេជោ ហ៊ុន សែន បានលើកឡើងយ៉ាងដូច្នេះថា៖ «ត្រូវតាមដាននូវកិច្ចការដែលចាប់អនុវត្ត ការពិនិត្យ ព្យាបាលជំងឺ ដោយមិនត្រូវបង់ថ្លៃ នៅតាមមន្ទីរពេទ្យរដ្ឋទាំងអស់ រដ្ឋមន្រ្តីក្រសួងសុខាភិបាល រដ្ឋមន្រ្តីក្រសួងការងារ អ្នកពាក់ព័ន្ធទាំងអស់ ត្រូវធ្វើកិច្ចការងារនេះឱ្យប្រាកដប្រជា មិនអាចឱ្យប្រកាស គ្រាន់តែជាការប្រកាសទេ»។
លោក ម៉ម...Read More
FN ៖ ក្រសួងពាណិជ្ជកម្ម ដាក់ឲ្យដំណើរការជាផ្លូវការ នូវកម្មវិធីព័ត៌មានរបស់ខ្លួន សម្រាប់ទូរស័ព្ទចល័ត នៅថ្ងៃទី២៦ ខែធ្នូ ឆ្នាំ២០១៧នេះ ក្រោមអធិបតីភាពលោក ប៉ាន សូរស័ក្ដិ រដ្ឋមន្ដ្រីក្រសួងពាណិជ្ជកម្ម។
លោករដ្ឋមន្ដ្រី ប៉ាន សូរស័ក្ដិ បានលើកឡើងថា កម្មវិធីព័ត៌មានសម្រាប់ទូរស័ព្ទចល័តរបស់ក្រសួងពាណិជ្ជកម្ម ជាគំនិតផ្តួចផ្តើម និងជា ផ្នែកមួយនៃយុទ្ធសាស្ត្រទំនាក់ទំនងសារធារណៈ ដើម្បីជំរុញលំហូរព័ត៌មានរបស់ក្រសួងទៅដល់ដៃសាធារណជនគ្រប់ពេលវេលា និងគ្រប់ទីកន្លែង។
បើតាមលោករដ្ឋមន្ដ្រី កម្មវិធីព័ត៌មានសម្រាប់ទូរស័ព្ទចល័តរបស់ ក្រសួងពាណិជ្ជកម្មនេះ នឹងរួមចំណែកលើកកម្ពស់ប្រសិទ្ធភាពនៃការផ្សព្វផ្សាយ និងការចែកចាយ ព័ត៌មានកាន់តែទូលំទូលាយ ស្តីពីសកម្មភាពការងារប្រចាំថ្ងៃរបស់ថ្នាក់ដឹកនាំ និងមន្ត្រីនៅក្នុង ក្រសួងពាណិជ្ជកម្ម ព្រមទាំងសមិទ្ធផលសំខាន់ៗ ដែលក្រសួងសម្រេចបាននាពេលកន្លងមក ជូនដល់សាធារណជនគ្រប់មជ្ឈដ្ឋានជ្រាបកាន់តែច្បាស់អំពីតួនាទី ភារកិច្ច និងការទទួលខុសត្រូវ របស់ក្រសួងពាណិជ្ជកម្ម ដូចជាការចរចារនៅក្រោមកិច្ចព្រមព្រៀងពាណិជ្ជកម្មសេរី ទ្វេភាគី និងពហុភាគី ការកសាងសមត្ថភាពស្ថាប័ន ការរៀបចំសេចក្តីព្រាងលិខិតបទដ្ឋាន គតិយុត្តិនៅក្រោមវិស័យពាណិជ្ជកម្ម ការបំពេញកាតព្វកិច្ចរបស់កម្ពុជាក្នុងនាមជា ប្រធានសម្របសម្រួលក្រុម ប្រទេសអភិវឌ្ឍន៍តិចតួច នៅក្រោមក្របខណ្ឌអង្គការពាណិជ្ជកម្មពិភពលោក ការរៀបចំព្រឹត្តិការណ៍ពិព័រណ៍ពាណិជ្ជកម្ម ដើម្បីជំរុញផលិតផលខ្មែរ និងការធ្វើពិពិធកម្មទីផ្សារថ្មីៗ ដើម្បីធ្វើសមារហកម្មទំនិញកម្ពុជា ចូលទៅក្នុងទីផ្សារក្នុងតំបន់ និងពិភពលោកជាដើម។ល។
ព័ត៌មានស្តីអំពីសមិទ្ធផលការងារទាំងអស់នេះ មិនត្រឹមតែជាកញ្ចក់ឆ្លុះបញ្ចាំងអំពីកិច្ច ប្រឹងប្រែងរបស់ក្រសួងពាណិជ្ជកម្ម និងរាជរដ្ឋាភិបាលប៉ុណ្ណោះទេ ប៉ុន្តែវាក៏ជាចំណេះដឹងយ៉ាងល្អ សម្រាប់និស្សិត បញ្ញាវន្ត អ្នកសារព័ត៌មាន សេដ្ឋវិទូ និងអ្នកសិក្សាស្រាវជ្រាវទូទៅផងដែរ ដើម្បីយកធ្វើជាឯកសារយោងសម្រាប់ជំនួយក្នុងការបំពេញការងាររបស់ខ្លួនប្រកបដោយប្រសិទ្ធភាព។ បន្ថែមគឺអាចដកស្រង់ ព័ត៌មាន និងលិខិតបទដ្ឋាន គតិយុទ្ធនានាដែលតម្ដល់ក្នុងគេហទំព័រ ព្រមទាំងធ្វើ Comment ឬ Like ជាមួយគណនី Facebook របស់ក្រសួងពាណិជ្ជកម្ម ដោយមានការភ្ជាប់ជាស្វ័យប្រវត្តិ ជាមួយកម្មវិធីព័ត៌មានទូរស័ព្ទចល័តនេះជាស្រេច។
សូមជម្រាបថា កម្មវិធីព័ត៌មាន ដែលកំពុងដាក់ឲ្យប្រើប្រាស់នៅពេលនេះ គឺអាចដំណើរការនៅលើ ប្រព័ន្ធប្រតិបត្តិការ Android ជាមុនសិន ដោយអាចស្វែងរកបាននៅក្នុង...Read More
FN ៖ ភាគីកម្ពុជា-ឡាវ ជំរុញឲ្យអាជ្ញាធរពាក់ព័ន្ធនៃប្រទេសទាំង២ ត្រូវបានកិច្ចសហប្រតិបត្តិការគ្នា ដើម្បីទប់ស្កាត់ និងបង្ក្រាបបទល្មើសខុសច្បាប់នានា នៅតាមបណ្ដោយព្រំដែន ដើម្បីបន្ដរក្សាឲ្យបាននូវសន្ដិសុខ សណ្ដាប់ធ្នាប់នៅតាមតំបន់ព្រំដែន។
ការស្នើ និងជំរុញបែបនេះ របស់ភាគីទាំង២ ត្រូវបានធ្វើឡើងក្នុងឱកាស លោកឧត្តមសេនីយ៍ឯក សៀក សុជាតិ នាយរងសេនាធិការចម្រុះ និងជានាយកទីចាត់ការការងារព្រំដែនកម្ពុជា ក៏បានដឹកនាំប្រតិភូចូលជួបសម្តែងការគួរសម ជាមួយឧត្តមសេនីយ៍ទោ ខាំ លៀង អនុប្រធានអគ្គសេនាធិការកងទ័ពប្រជាជនឡាវ ក្នុងអំឡុងពេលចូលរួមកិច្ចប្រជុំរវាងគណៈកម្មការកិច្ចសហប្រតិបត្តិការរក្សាសន្តិសុខ របៀបរៀបរយតាមបណ្តោយព្រំដែនកម្ពុជា-ឡាវ នៅថ្ងៃទី២៥ ខែធ្នូ ឆ្នាំ២០១៧ នាទីក្រុងវៀងច័ន្ទ ប្រទេសឡាវ។
នៅក្នុងជំនួបនោះ លោកឧត្តមសេនីយ៍ឯក សៀក សុជាតិ បានជម្រាបជូន លោកឧត្តមសេនីយ៍ទោ ខាំ លៀង អំពីសកម្មភាពនៃកិច្ចពិភាក្សាផ្លាស់ប្តូរយោបល់គ្នា រវាង គណៈកម្មការកិច្ចសហប្រតិបត្តិការរក្សាសន្តិសុខរបៀបរៀបរយតាមបណ្តោយព្រំដែន ប្រទេសទាំងពីរ ដែលបានប្រព្រឹត្តទៅក្នុងបរិយាកាស មិត្តភាព និងកក់ក្តៅ ដែលឆ្លុះបញ្ចាំងឲ្យឃើញពីទំនាក់ទំនងដ៏ជិតស្និទ្ធរវាងប្រទេសទាំងពីរ។
លោកឧត្តមសេនីយ៍ទោ ខាំ លៀង បានថ្លែងអំណរគុណ និងវាយតម្លៃខ្ពស់ ចំពោះកិច្ចសហការដ៏ល្អរវាងគណៈកម្មការកិច្ចសហប្រតិបត្តិការរក្សាសន្តិសុខ របៀបរៀបរយតាមបណ្តោយព្រំដែនប្រទេសទាំងពីរ ហើយបានស្នើសុំឲ្យបន្តជំរុញនូវកិច្ចសហប្រតិបត្តិការនេះ ឲ្យកាន់តែស្អិតរមួតថែមទៀត ដើម្បីទប់ស្កាត់ និងបង្ក្រាបសកម្មភាពខុសច្បាប់នានា ដែលកើតមាននៅតំបន់ព្រំដែន ក្នុងនោះត្រូវបង្កើនកិច្ចការពារសិទ្ធ និងលើកកម្ពស់ការអភិវឌ្ឍន៏ជីវភាពរស់នៅ របស់ប្រជាពលរដ្ឋនៅតាមព្រំដែន ក្នុងករណីប្រព្រឹត្តិខុសភាគីទាំងពីរត្រូវជូនដំណឹង និងដោះស្រាយឲ្យបានល្អដោយឈរលើមូលដ្ឋានមនុស្សធម៌ ការយោគយល់ និងអនុវត្តទៅតាមច្បាប់ប្រទេសនីមួយៗ។
សូមបញ្ជាក់ថា កិច្ចប្រជុំរវាគណៈកម្មាធិការកិច្ចសហប្រតិបត្តិការរក្សាសន្តិសុខ របៀបរយតាមបណ្តោយព្រំដែន កម្ពុជា-ឡាវ ឬឡាវ-កម្ពុជា បានធ្វើឡើងជារៀងរាល់ឆ្នាំ ដោយផ្លាស់ប្តូរវេនគ្នាធ្វើម្ចាស់ផ្ទះក្នុងមួយឆ្នាំម្តង។ ក្នុងករណីចាំបាច់ ភាគីទាំង២នឹងត្រូវបើកកិច្ចប្រជុំជាបន្ទាន់ តាមការកំណត់ និងឯកភាពគ្នា។
តាមការឲ្យដឹងពីមន្រ្តីព្រំដែន កម្ពុជា និងឡាវ មានព្រំដែនជាប់គ្នាប្រវែង៥៤០គីឡូម៉ែត្រ ដោយត្រូវបោះបង្គោលព្រំដែនប្រមាណ១៤៥បង្គោល។ ប៉ុន្តែមកទល់ពេលនេះ ភាគីទាំងពីរបានបោះរួចចំនួន១២១បង្គោល ស្មើនឹង៨៣ភាគរយ នៅសល់ប្រមាណ២៤បង្គោលទៀត ខណៈចំណុចនៅសេសសល់នោះ...Read More
FN ៖ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានប្រកាសឲ្យអភិបាលរាជធានី-ខេត្តនានា ចាប់ផ្តើមស្រង់ឈ្មោះ សមាជិកក្រុមប្រឹក្សាឃុំ-សង្កាត់ ក្នុងមុខតំណែងទាំងអស់ ដើម្បីរៀបចំបញ្ជីឈ្មោះបោះឆ្នោតដំបូង សម្រាប់ការបោះឆ្នោត ជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ ខាងមុខនេះ។
តាមលិខិតដែលអង្គភាពសារព័ត៌មាន Fresh News ទទួលបាននៅរសៀលថ្ងៃទី២៦ ខែធ្នូ ឆ្នាំ២០១៧នេះ បានឲ្យដឹងថា ក្រសួងមហាផ្ទៃ បានស្នើរដ្ឋបាលរាជធានី-ខេត្ត ត្រូវណែនាំដល់ប្រធានប្រឹក្សាឃុំ-សង្កាត់ ធ្វើការស្រង់ឈ្មោះសមាជិកក្រុមប្រឹក្សាឃុំ-សង្កាត់ ក្នុងតំណែងទាំងអស់ក្នុង ឃុំ-សង្កាត់របស់ខ្លួន ដាក់ក្នុងបញ្ជីរាយនាមសមាជិកក្រុមប្រឹក្សាឃុំ-សង្កាត់ក្នុងមុខតំណែង ដោយមានការបញ្ជាក់ឯកភាព តាមឋានុក្រមពីអភិបាល នៃគណៈអភិបាលក្រុង ស្រុក ខណ្ឌ និងអភិបាលនៃគណៈអភិបាលរាជធានី ខេត្ត និងបញ្ជូនមកគណៈកម្មាធិការជាតិរៀបចំការ បោះឆ្នោតយ៉ាងយូរ ត្រឹមថ្ងៃទី២៨ ខែធ្នូ ឆ្នាំ២០១៧។
សូមបញ្ជាក់ថា ការបោះឆ្នោតព្រឹទ្ធសភា អាណត្តិទី៤ នឹងធ្វើឡើងនៅ ថ្ងៃអាទិត្យ ទី២៥ ខែកុម្ភៈ ឆ្នាំ២០១៨ ខាងមុខនេះ។ អាសនៈនៅក្នុងស្ថាប័នព្រឹទ្ធសភា ក្នុងអាណត្តិទី៤នេះ គឺមាន ចំនួន៦២អាសនៈ ដែលក្នុងនោះសមាជិកចំនួន៥៨រូប ត្រូវជ្រើសតាំងតាមរយៈ ការបោះឆ្នោតជាអសកលដោយអង្គបោះឆ្នោត ជាសមាជិកក្រុមប្រឹក្សាឃុំ-សង្កាត់ ក្នុងតំណែងបច្ចុប្បន្នសរុប ១១.៦៩៥នាក់ ខណៈដែលសមាជិក ព្រឹទ្ធសភាចំនួន២រូប ត្រូវចាត់តាំងដោយអង្គព្រះមហា ក្សត្រ និងចំនួន២រូប ជ្រើសតាំងដោយរដ្ឋសភា៕
...
Read More
FN ៖ ក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២២ ខែធ្នូ ឆ្នាំ២០១៧នេះ បានចុះកិច្ចព្រមព្រៀង (MOU) ជាមួយអង្គការចំនួន៤ ក្នុងទំហំទឹកប្រាក់១លាន៧សែនដុល្លារអាមេរិក ដើម្បីជួយទៅលើកម្មវិធីផ្សេងៗរបស់អង្គការក្នុងប្រទេសកម្ពុជា ក្នុងការចូលរួមចំណែកជាមួយក្រសួងសង្គមកិច្ច ដើម្បីការងារលើកកំពស់សុខុមាលភាពរបស់កុមារ និងជនរងគ្រោះ និងជនងាយរងគ្រោះ។
ពិធីចុះហត្ថលេខាលើកិច្ចព្រមព្រៀង (MOU) នេះ ធ្វើឡើងក្រោមវត្តមានរបស់ លោក ហាច ហ៊ាន អគ្គនាយកកិច្ចការរដ្ឋបាល និងហិរញ្ញាវត្ថុ នៃក្រសួងសង្គមកិច្ច តំណាងលោក វង សូត រដ្ឋមន្រ្តីក្រសួងសង្គមកិច្ច និង លោក តូច ចាន់នី អគ្គនាយកដ្ឋានបច្ចេកទេសក្រសួងសង្គមកិច្ច និងតំណាងអង្គការទាំង៤ មានអង្គការសម្រាលទុក្ខមនុស្សជាតិកម្ពុជា អង្គការសេចក្តីសង្ឃឹមពិភពលោកអន្តរជាតិ អង្គការ បេសកម្មទូទាំងពិភពលោក និងអង្គការមូលនិធិកូរ៉េសម្រាប់ជំនួយពិភពលោកកម្ពុជា ព្រមទាំងមានការចូលរួមពីមន្រ្តីក្រុមការងារតាមបណ្តាខេត្តដែលមានអង្គការទាំង៤នេះមានអាស័យដ្ឋាននៅទីនោះ។
លោក ហាច ហ៊ាន អគ្គនាយកកិច្ចការរដ្ឋបាល និងហិរញ្ញវត្ថុ នៃក្រសួងសង្គមកិច្ច បានលើកឡើងថា ការចុះហត្ថលេខា ជាមួយអង្គការចំនួន៤នេះ គោលដៅសំខាន់ គឺផ្តោតលើការងារជួយឧបត្ថម្ភផ្នែកអប់រំសុខុមាលភាព និងជីវភាពរស់នៅរបស់កុមារ ជនរងគ្រោះ និងជនងាយរងគ្រោះ។
លោកបានស្នើឲ្យក្រុមការងារទាំងអស់ធ្វើការងារនេះ ដោយភាពស្មោះត្រង់ ដើម្បីជួយដល់សង្គមកម្ពុជា ឲ្យកាន់តែល្អប្រសើរឡើង។
លោក តូច ចាន់នី អគ្គនាយកដ្ឋានបច្ចេកទេសនៃក្រសួងសង្គមកិច្ច បានលើកឡើងថា ការបន្តចុះ(MOU) ជាមួយអង្គការទាំង៤នេះ ដោយសារអង្គការ បានគោរពទៅកិច្ចសន្យា និងត្រឹមត្រូវតាមស្តង់ដារការងាររបស់ក្រសួងសង្គមកិច្ច។
លោកបានស្នើដល់អង្គការទាំង៤នេះ ត្រូវប្រើប្រាស់ថវិកាទាំងនេះ ឲ្យចំទិសដៅដល់ជនរងគ្រោះ និងងាយរងគ្រោះផ្ទាល់ ឲ្យបានច្រើនជាងការចំណាយផ្នែករដ្ឋបាល។ លោកបានស្នើដល់អង្គការទាំង៤នេះ អនុវត្តគោរពទៅតាមការចុះកិច្ចព្រមព្រៀង មានភាពស្មោះត្រង់ក្នុងការជួយសង្គមកម្ពុជាយ៉ាងពិតប្រាកដ៕
...
Read More
