សម្តេចតេជោ ហ៊ុន សែន ជម្រុញអោយប្រជាកសិករកម្ពុជា យកចិត្តទុកដាក់ថែទាំដំណាំកសិកម្ម ជាពិសេសស្រូវសន្ទូង ក្នុងខណៈដែលទូទាំងប្រទេសប្រារព្ធពិធីបុណ្យកាន់បិណ្ឌ។ សម្តេចតេជោ កត់សម្គាល់ថា ទឹកជំនន់រដូវមានកំពស់មិនគ្រប់គ្រាន់ ដើម្បីបញ្ជូនទឹកចូលទៅតាមបឹង និងអាងស្តុកទឹកនានាទេ ហើយអំពាវនាវអោយប្រជាកសិករកម្ពុជាប្រឹងប្រែងរក្សាទឹកក្នុងស្រែ អាងស្តុក និងប្រឡាយនានាសំរាប់ការស្រោចស្រប់ដំណាក់កាលលូតលាស់ចុងក្រោយនៃស្រូវវស្សា និងការចាប់ផ្តើមដាំដុះស្រូវរដូវប្រាំង។ សម្តេចតេជោ បានជម្រុញអោយក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ព្រមទាំងអាជ្ញាធរថ្នាក់ក្រោមជាតិ ត្រៀមបម្រុងធ្វើអន្តរាគមន៍តាមការចាំបាច់ និងជម្រុញអោយកងកម្លាំងប្រដាប់អាវុធគ្រប់ប្រភេទ ក៏ដូចជាមន្ត្រីរាជការ ចូលរួមជួយបង្កបង្កើនផលប្រជាជន ពិសេសគ្រួសារជនពិការ ស្ត្រីមេម៉ាយ និងចាស់ជរាខ្វះពលកម្ម ដែលនៅជិតទីតាំងប្រតិបត្តិការរបស់ខ្លួន។ (ដកស្រង់ពី Facebook: Samdech Hun Sen, 3 October 2015)៕
...
Read Moreសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមជាមួយសមាជិកក្រុមគ្រួសារ បានប្រារព្ធពិធីបុណ្យកាន់បិណ្ឌថ្ងៃទី ៤ នៅវត្ត លង្ការ រាជធានី ភ្នំពេញ។ បុណ្យកាន់បិណ្ឌ ជាផ្នែកមួយនៃ បុណ្យភ្ជុំបិណ្ឌ ឬជាបុណ្យសម្រាប់ឧទ្ទិសដល់បុព្វការីជន សាច់ញាតិ ដែលបានចែកស្ថានទៅ ហើយក៏ជាបុណ្យសាសនាមួយធំបំផុត នៅប្រទេសកម្ពុជា មានរយៈពេលប្រារព្ធទាំងអស់ ១៥ ថ្ងៃ។ភ្ជុំបិណ្ឌ ជាថ្ងៃចុងក្រោយ និងធំបំផុត នៃពិធីបុណ្យកាន់បិណ្ឌ។ ពិធីបុណ្យកាន់បិណ្ឌ ១៥ ថ្ងៃ នៅឆ្នាំនេះ ចាប់ផ្តើមពី ថ្ងៃ ២៨ កញ្ញា រហូតដល់ថ្ងៃ ១២ តុលា។ ដូចធម្មតា ប្រជាពលរដ្ឋកម្ពុជាទៅវត្តដើម្បីប្រគេនចង្ហាន់ ដល់ព្រះសង្ឃ ដោយមានជំនឿថា ព្រះសង្ឃនឹងបញ្ជូនចង្ហាន់ទាំងនោះ ទៅដល់បុព្វការីជនរបស់ខ្លួន។ (ដកស្រង់ពី AKP, October 01, 2015)។
...
Read Moreគណៈប្រតិភូជាន់ខ្ពស់កម្ពុជា ដឹកនាំដោយនាយករដ្ឋមន្ត្រី សម្តេចតេជោ ហ៊ុន សែន បាននិវត្តមកដល់មាតុភូមិវិញដោយសុវត្ថិភាព បន្ទាប់ពីបានចូលរួមកិច្ចប្រជុំកំពូលសហប្រជាជាតិ សម្រាប់ ការអនុម័តរបៀបវារៈអភិវឌ្ឍន៍ក្រោយឆ្នាំ ២០១៥ ដែលប្រព្រឹត្តទៅនៅទីស្នាក់ការសហប្រជាជាតិ នៅបុរី ញូយ៉ក សហរដ្ឋអាមេរិក ពីថ្ងៃ ២៥ ដល់ ២៧ កញ្ញា។សម្តេចក្រឡាហោម ស ខេង ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ រួមជាមួយមន្ត្រីជាន់ខ្ពស់នៃរាជរដ្ឋាភិបាលផ្សេងទៀត បានអញ្ជើញស្វាគមន៍គណៈប្រតិភូនៅព្រលានយន្តហោះអន្តរជាតិភ្នំពេញ។ គួររំលឹកថា ក្នុងពេលស្នាក់នៅសហរដ្ឋអាមេរិក សម្តេចតេជោ ហ៊ុន សែន បានចូលរួមក្នុងពិធីបើកជាផ្លូវការ និងថ្លែងសុន្ទរកថាចំពោះ កិច្ចប្រជុំកំពូលសហប្រជាជាតិ សម្រាប់ការអនុម័តរបៀបវារៈអភិវឌ្ឍក្រោយឆ្នាំ ២០១៥។ សម្តេចតេជោ ក៏បានថ្លែងសុន្ទរកថា ទៅកាន់ កិច្ចប្រជុំមេដឹកនាំពិភពលោក ស្តីពី សមភាពជេនឌ័រ និងការផ្តល់អំណាចអោយស្ត្រី៖ ការប្តេជ្ញាអោយមានសកម្មភាព ហើយកាលពីថ្ងៃ ២៤ កញ្ញា បានធ្វើការជួបជុំជាមួយប្រជាជនកម្ពុជាប្រមាណ ២០០ នាក់ មកពីសហរដ្ឋអាមេរិក កាណាដា បារាំង និងអាឡឺម៉ង់ (ដកស្រង់ពី AKP ថ្ងៃ ២៩ កញ្ញា ២០១៥)៕
...
Read Moreថ្លែងក្នុងកិច្ចប្រជុំកំពូលអង្គការសហប្រជាជាតិ នៅក្រុងញូយ៉ក ដើម្បីអនុម័ត របៀបវារៈអភិវឌ្ឍន៍ក្រោយឆ្នាំ ២០១៥ សម្តេចតេជោ ហ៊ុន សែន បានស្នើសុំឲ្យមានការគាំទ្រហិរញ្ញវត្ថុមួយរយៈបន្ថែមទៀត ដល់ប្រទេសទន់ខ្សោយ ដែលបានទទួលជោគជ័យក្នុងការឈានឡើងទៅកាន់ដំណាក់កាលអភិវឌ្ឍន៍បន្ត ដើម្បីឲ្យប្រទេសទាំងនោះអាចឈរជើងរឹងមាំ សម្រាប់ប្រកួតប្រជែងជាអន្តរជាតិ។សម្តេចក៏បានស្នើសុំផងដែរ ទៅកាន់ក្រុមប្រទេសអភិវឌ្ឍន៍ ឲ្យបន្តផ្តល់ហិរញ្ញប្បទានអភិវឌ្ឍន៍ផ្លូវការ ទាំងហិរញ្ញប្បទានឥតសំណង ទាំងឥណទានសម្បទាន ដើម្បីដោះស្រាយតម្រូវការជាមូលដ្ឋាននានា ពិសេស បញ្ហាគម្លាត ហេដ្ឋារចនាសម្ព័ន្ធ និងការកសាងសមត្ថភាពធនធានមនុស្ស និងស្ថាប័ន។ ក្នុងនាមរាជរដ្ឋាភិបាលកម្ពុជា សម្តេចបានបង្ហាញជំហរគាំទ្រ ចំពោះកិច្ចព្រមព្រៀង និងរបៀបវារៈសកម្មភាព អាដីស អាបាបា (Addis Ababa) ដែលផ្តោតលើការកៀរគរធនធានក្នុងស្រុក ដើម្បីបម្រើឲ្យសេចក្តីត្រូវការក្នុងការអភិវឌ្ឍ៕
...
Read Moreសម្តេចតេជោ បានថ្លែង ក្នុងកិច្ចប្រជុំកំពូលអង្គការសហប្រជាជាតិ នៅក្រុងញូយ៉ក ដើម្បីអនុម័ត របៀបវារៈអភិវឌ្ឍន៍ក្រោយឆ្នាំ ២០១៥ ថា ក្នុងរយៈពេល ២ ទសវត្សរ៍ចុងក្រោយនេះ កម្ពុជាពិតជាមានមោទនភាពទៅលើការរីកចំរើនរបស់ខ្លួនជាពិសេស ក្នុងការរក្សាបានសន្តិភាពពេញលេញ, ស្ថេរភាពនយោបាយរឹងមាំ, សន្តិសុខ, សណ្តាប់ធ្នាប់សាធារណៈល្អប្រសើរ និងកំណើនសេដ្ឋកិច្ចខ្ពស់ ក្នុងអត្រាជាមធ្យម ៧,៧% ក្នុងមួយឆ្នាំ។សម្តេចបន្ថែមថា អត្រានៃភាពក្រីក្រនៅកម្ពុជា បានធ្លាក់ចុះយ៉ាងលឿន ពីជាង ៥៣% ក្នុងឆ្នាំ ២០០៤ មកនៅ ត្រឹម ១៦% នៅឆ្នាំ ២០១៣ ដែលធ្វើឲ្យកម្ពុជាសម្រេចបាននូវគោលដៅអភិវឌ្ឍន៍សហស្សវត្សរ៍ លើការកាត់ បន្ថយភាពក្រីក្រ និងលើវិស័យសង្គមកិច្ចមួយចំនួនទៀត មុនពេលកំណត់ ឆ្នាំ ២០១៥។ សម្តេចបានបញ្ជាក់ ថា កម្ពុជានឹងសម្រេចនូវគោលដៅដែលនៅសេសសល់ នាដំណាច់ឆ្នាំ ២០១៥ ខាងមុខនេះ ហើយថា កម្ពុជានឹងប្រែខ្លួនទៅជាប្រទេសដែលមានចំណូលមធ្យមកម្រិតទាប នៅឆ្នាំ ២០១៦ ខាងមុខ។ សម្តេចតេជោ គាំទ្រ គោលដៅអភិវឌ្ឍន៍ដោយចីរភាពទាំង ១៧ ដែលត្រូវបានបង្កើតឡើងលើមូលដ្ឋាន នៃគោលដៅអភិវឌ្ឍន៍សហស្សវត្សរ៍ ពិតជាមានភាពសមស្របសម្រាប់បរិការណ៍កម្ពុជា។ លើសពីនេះ កម្ពុជានឹងដាក់បញ្ចូលការបោសសម្អាតមីន និងយុទ្ធភណ្ឌមិនទាន់ផ្ទុះ ឲ្យទៅជាគោលដៅបន្ថែមមួយទៀត នៅក្នុងគោលដៅអភិវឌ្ឍន៍ដោយចីរភាព៕
...
Read Moreញូយ៉ក, រសៀលថ្ងៃទី ២៤ កញ្ញា ២០១៥
“… ខ្ញុំមានសេចក្តីសោមនស្សរីករាយខ្លាំងណាស់ ដោយបានជួបសំណេះសំណាលដោយផ្ទាល់ជាមួយ បងប្អូនជនរួមជាតិទាំងអស់ ដែលមានវត្តមានក្នុងពិធីដ៏កម្រនៅថ្ងៃនេះ។កម្ពុជាបានឆ្លងកាត់នូវសង្រ្គាម និងរបបប្រល័យពូជសាសន៍ដ៏ល្វីងជូរចត់បំផុត បើប្រៀបធៀបទៅនឹងបណ្តាប្រទេសនានាលើសកលលោក ដែលធ្វើឲ្យប្រជាពលរដ្ឋស្លាប់បាត់បង់ជីវិតព្រាត់ប្រាសគ្នា ចាកចោលស្រុកកំណើតរបស់ខ្លួន ដើម្បីគេចពីសេចក្តីស្លាប់ និងសង្រ្គាមទៅនៅបរទេស។ … យើងពិតជាមិនចង់បាននូវប្រវត្តិសាស្រ្តច្រំដែលបែបនោះ កើតឡើងសារជាថ្មីនៅលើទឹកដីដ៏កំសត់របស់យើងតទៅមុខទៀតនោះទេ។ ខ្ញុំបានសិក្សាពីប្រវត្តិនៃសង្រ្គាមដែលបានកើតនៅលើ បណ្តាប្រទេសមួយចំនួនលើពិភពលោក (ឃើញថា) យើងមិនអាចប្រើប្រាស់សង្រ្គាមដើម្បីបញ្ចប់សង្រ្គាមបាននោះទេ។ តាមរយៈនេះហើយ ខ្ញុំផ្ទាល់បានចំណាយពេលវេលាដ៏ច្រើនបំផុត ក្នុងការស្វែងរកការចរចារបញ្ចប់សង្រ្គាមបង្ហូរឈាមរវាងខ្មែរ និងខ្មែរគ្នាឯង បើទោះបីជាដល់ទីកន្លែងណាក៏ដោយ ក្នុងពិភពលោកយើងនេះ។
… សូមបញ្ឈប់ការលាបពណ៌ដាក់គ្នា។ យើងកុំខ្វល់ពីអតីតកាលថាជាអ្វីនោះ។ ផ្ទុយទៅវិញគឺយើងទាំងអស់គ្នាជាជាតិសាសន៍ខ្មែរតែមួយ ហើយកាលដែលយើងមករស់នៅបែកឃ្លាតពីប្រទេសកំណើត គឺកើតឡើងដោយសារតែអ្នកនយោបាយមួយចំនួន ដែលបង្ខំឲ្យយើងទៅនៅទីនេះទៅនៅទីនោះបែបនេះ។ បច្ចុប្បន្ននេះ ស្ថានភាពរបស់ប្រទេសកម្ពុជា មិនដូចពីពេលមុនតទៅទៀតទេ។ កម្ពុជា កំពុងធ្វើការអភិវឌ្ឍស្ទើរគ្រប់ទីកន្លែងទាំងអស់ ចាប់តាំងពី ទីក្រុងរហូតដល់តំបន់ចុងកាត់មាត់ញក។
… ពេលនេះ (ខ្ញុំ)មិនមែននិយាយក្នុងនាមជាមេដឹកនាំគណបក្សនយោបាយនោះទេ គឺ ក្នុងនាមជាប្រមុខដឹកនាំរាជរដ្ឋាភិបាល ដែលកំពុងដឹកនាំប្រទេសមួយកំពុងដើរលើផ្លូវត្រូវ និងកំពុងមានការអភិវឌ្ឍរីកចំរើនលើគ្រប់វិស័យ។ អ្វីដែលបងប្អូនបានឮ និងបានឃើញនៅតាមបណ្តាញសារព័ត៌មាន ពីប្រទេសកំណើតរបស់ខ្លួន មិនទាន់គ្រប់គ្រាន់នោះទេ ផ្ទុយទៅវិញ គឺមានតែបងប្អូនជនរួមជាតិទាំងអស់ ធ្វើដំណើរទៅលេងស្រុកកំណើតដោយផ្ទាល់ទេ ទើបអាចដឹងថា តើកម្ពុជាបច្ចុប្បន្ន កំពុងស្ថិតនៅក្នុងស្ថានភាពបែបណា។
… ប្រទេសកម្ពុជា មិនមែនជាប្រទេសរបស់អ្នកកាន់អំណាចមួយក្រុមណាមួយនោះទេ ផ្ទុយទៅវិញ ប្រទេសកម្ពុជាគឺជាប្រទេសរបស់ប្រជាជនកម្ពុជាទាំងអស់ រាប់ទាំងបងប្អូនជនរួមជាតិខ្មែរទាំងអស់ ដែលកំពុងមានវត្តមានរស់នៅ ក្រៅប្រទេសទាំងអស់ផងដែរ។
… វប្បធម៌សន្ទនាដែលបង្កើតឡើងដោយរូបខ្ញុំ និងឯកឧត្តម សម រង្សី ហាក់មិនមានភាពល្អប្រសើរទាល់តែសោះ ដោយសារតែភាគីម្ខាងកេងចំណេញខាងនយោបាយ បំរើផលប្រយោជន៍គណបក្សជាជាងបំរើឲ្យផលប្រយោជន៍ប្រទេសនិងប្រជាជនកម្ពុជា។ វប្បធម៌សន្ទនា មិនមែនទើបតែកើតឡើងនៅពេលនេះនោះទេ។ វាបានកើតឡើងស្ទើរតែពាក់កណ្តាលជីវិតរបស់ខ្ញុំ …។ ឯកឧត្តម សម រង្សី ធ្វើជាដែគូសន្ទនា ប៉ុន្តែមិនមែនជាលើកដំបូងរបស់ខ្ញុំនោះទេ។ ដៃគូសន្ទនារបស់ខ្ញុំ គឺព្រះករុណាព្រះបរមរតនកោដិ ដែលការចរចាចាប់ផ្តើមនៅហ្វែរអង់តាឌឺន័រ ថ្ងៃទី២ ខែ...Read More
