សម្តេចតេជោ ហ៊ុន សែន ផ្ញើលិខិតជូនពរលោក កឹម សុខា ទើបជ្រើសតាំងជាប្រធានគណបក្សសង្គ្រោះជាតិ

FN ៖ សម្តេចតេជោ ហ៊ុន សែន ក្នុងនាមប្រធានគណបក្សប្រជាជនកម្ពុជា ដែលកំពុងដឹកនាំប្រទេស បានផ្ញើលិខិតជូនពរលោក កឹម សុខា ដែលទើបជាប់ឆ្នោតក្លាយជា ប្រធានគណបក្សសង្គ្រោះជាតិ ក្រោយអង្គសមាជបោះឆ្នោតជូននៅព្រឹកថ្ងៃទី០២ ខែមីនា ឆ្នាំ២០១៧។

នៅក្នុងលិខិតរបស់សម្តេចតេជោ ហ៊ុន សែន បានសរសេរជូនពរលោក កឹម សុខា យ៉ាងដូច្នេះថា៖ «ជូនឯកឧត្តម កឹម សុខា នៅក្នុងឱកាសដែល ឯកឧត្តម ត្រូវបានជ្រើសតាំងជាប្រធានគណបក្សសង្គ្រោះជាតិ ខ្ញុំសូមជូនពរឯកឧត្តមមានសុខភាពល្អ និងសុភមង្គលក្នុងគ្រួសារ។ សូមឯកឧត្តមទទួលនូវការរាប់អានពីខ្ញុំ»។

សូមជំរាបថា នៅព្រឹកមិញនេះ លោក កឹម សុខា ដែលកាន់តំណែងប្រធានស្តីទីជាង១ឆ្នាំ បានឡើងកាន់តំណែងប្រធានគណបក្សសង្រ្គោះជាតិជាផ្លូវការហើយ បន្ទាប់ពីសមាជិកជាច្រើនបោះឆ្នោតគាំទ្រនៅក្នុងសមាជវិសាមញ្ញនាព្រឹកថ្ងៃទី០២ ខែមីនា ឆ្នាំ២០១៧នេះ ខណៈ លោក ប៉ុល ហំម លោកស្រី មូរ សុខហួរ និង លោក អេង ឆៃអ៊ាង ត្រូវបានសមាជបោះឆ្នោតគាំទ្រឱ្យធ្វើជាអនុប្រធានគណបក្សប្រឆាំង៕

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញ​បើកសន្និសីទ​ចក្ខុវិស័យ លើប្រធានបទ «ការឈានឡើងក្នុង​ខ្សែចង្វាក់​បង្កើតតម្លៃ សម្រាប់​​ឧស្សាហូបនីយកម្ម កំណើន និងការអភិវឌ្ឍ​កម្ពុជា»

FN ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅព្រឹកថ្ងៃទី០២ ខែមីនា ឆ្នាំ២០១៧នេះ បានអញ្ជើញជាអធិបតីបើកសន្និសីទ ចក្ខុវិស័យលើប្រធានប្រធានបទ «ការឈានឡើងក្នុងខ្សែចង្វាក់បង្កើតតម្លៃ សម្រាប់ឧស្សាហូបនីយកម្ម កំណើន និងការអភិវឌ្ឍកម្ពុជា»។

សន្និសីទនេះ ធ្វើឡើងនៅសណ្ឋាគារសូហ្វីតែលភូគីត្រា ដោយមានការអញ្ជើញចូលរួមពីមន្រ្តីជាន់ខ្ពស់រាជរដ្ឋាភិបាល មន្រ្តីមកពីតាមក្រសួង ស្ថាប័នពាក់ព័ន្ធ ព្រមទាំងម្ចាស់សហគ្រាស និងធុរកិច្ចជនមួយចំនួនទៀត។ សន្និសីទនេះ ធ្វើឡើងក្នុងបំណងជំរុញចង្វាក់ផលិតកម្ម របស់សហគ្រាសនានា នៅក្នុងប្រទេសកម្ពុជា ដើម្បីចូលរួមចំណែកអភិវឌ្ឍន៍ និងជំរុញកំណើនសេដ្ឋកិច្ចនៅកម្ពុជា៕

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានថ្លែងថា នៅរយៈពេលប៉ុន្មានឆ្នាំចុងក្រោយកំណើនសេដ្ឋកិច្ចកម្ពុជា បានកើនឡើងជានិច្ច។ សម្តេចនាយករដ្ឋមន្រ្តី ការសម្រេចបាននូវកំណើនសេដ្ឋកិច្ចថេរក្នុងរង្វង់ប្រមាណ ៧ភាគរយ គឺបានមកពីការដាក់ចេញនូវគោលនយោបាយសេដ្ឋកិច្ច និងធុរកិច្ចត្រឹមត្រូវ ពិសេស គឺកុសលនៃសុខសន្តិភាព និង ស្ថិរភាពនយោបាយនៅទូទាំងប្រទេស ដែលរាជរដ្ឋាភិបាលបានខិតខំការពារជាដាច់ខាតនាពេលកន្លងមក ពេលបច្ចុប្បន្ន និងទៅអនាគត។

* សម្តេចតេជោ ហ៊ុន សែន បានថ្លែងថា តាមការព្យាករណ៍នៅឆ្នាំ២០១៧នេះ សេដ្ឋកិច្ចកម្ពុជាអាចនឹងសម្រេចបានក្នុងរង្វង់ ៧ភាគរយ ក្នុងនោះកំណើនក្នុងវិស័យកសិកម្មរំពឹងនឹងល្អប្រសើរឡើងវិញបន្តិច ដូចគ្នានិងកំណើន នៃវិស័យកាត់ដេរ នឹងរើបឡើងប្រសើរជាឆ្នាំ២០១៦។ ដោយឡែកវិស័យសំណង់ និងអចលនវត្ថុ នឹងបន្តថមថយកំណើន ដោយការកែតម្រូវនូវស្ថានភាពឥណទាន និងការផ្គត់ផ្គង់លើស។ ក្រៅពីនេះ កំណើន នៃឧស្សាហកម្មផ្សេងៗ ពិតមែនកាត់ដេរ រំពឹងថា នឹងមានកំណើនខ្ពស់ ដែលនឹងជួយទ្រទ្រង់ដល់កំណើនសេដ្ឋកិច្ចជារួម។ ស្ថានភាពបែបនេះរំពឹងថា នឹងបន្តរហូតដល់ឆ្នាំ២០១៨ ដែលកំណើនសេដ្ឋកិច្ចអាចនឹងសម្រេចបានដូចគ្នាក្នុងរង្វង់ ៧ភាគរយ។

* សម្តេចតេជោ បានថ្លែងថា សេដ្ឋកិច្ចកម្ពុជា ក៏ប្រឈមទៅនឹងហានិភ័យពីខាងក្រៅមួយចំនួនដូចជា ភាពមិនប្រាកដប្រជាពាក់ព័ន្ធការតម្លើង អាត្រាការប្រាក់គោលរបស់ធនាគារកណ្តាលរបស់អាមេរិក ការចាកចេញរបស់អង់គ្លេស និងអនាគតរបស់សហភាពអឺរ៉ុប...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជាអធិបតីប្រារព្ធទិវាជាតិទីក្រុងស្អាត នៅវិមានសន្តិភាព

FN ៖ នៅព្រឹកថ្ងៃទី២៧ ខែកុម្ភៈ ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា អញ្ជើញជាអធិបតីភាពប្រារព្ធទិវាជាតិ ទីក្រុងស្អាត លើកទី៥ ឆ្នាំ២០១៧ ក្រោមប្រធានបទ ទីក្រុងស្អាតផ្តល់ភាពកក់ក្តៅដល់ប្រជាពលរដ្ឋ និងភ្ញៀវទេសចរ និងប្រគល់រង្វាន់ជ័យលាភី សម្តេចនាយករដ្ឋមន្រ្តី សម្រាប់ធុរកិច្ចបៃតង ក្នុងវិស័យទេសចរណ៍ លើកទី២ អមដោយជ័យលាភីបដិសណ្ឋារកិច្ចល្អ សេវាសាធារណៈរបស់ក្រុង/ខណ្ឌ។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានថ្លែងថា បច្ចុប្បន្នកម្ពុជាមានសុខសន្តិភាព ស្ថិរភាពនយោបាយ សណ្តាប់ធ្នាប់ល្អបរិបូរណ៍ ប្រព័ន្ធហេដ្ឋារចនាសម្ព័ន្ធល្អប្រសើរ និងមានការអភិវឌ្ឍលើគ្រប់វិស័យ ហើយមានកំណើនសេដ្ឋកិច្ចខ្ពស់ គួរឲ្យកត់សម្គាល់ក្នុងរយៈពេលប៉ុន្មានឆ្នាំ ចុងក្រោយនេះ។ សម្តេចបានថ្លែងទៀត កម្ពុជាត្រូវបន្តខិតខំប្រឹងប្រែងខ្លាំងក្លាបន្ថែមទៀត ដើម្បីទទួលបាននូវភាពរីកចម្រើនសម្រេចបាន តាមបំណង ប្រាថ្នារបស់ខ្លួនសំដៅបន្តកែលម្អជីវភាព និងការរស់នៅរបស់ប្រជាជន និងការរួមចំណែកថែរក្សាភពផែនដីរបស់ សម្រាប់កូនចៅ ជំនាន់ក្រោយៗទៀត។

* សម្តេចនាយករដ្ឋមន្រ្តី បានថ្លែងថា វិស័យទេសចរណ៍ចូលរួមចំណែកយ៉ាងសំខាន់ក្នុងជួយដល់ជីវភាពរបស់ប្រជាពលរដ្ឋ និងជួយកាត់បន្ថយ បម្រែបម្រួលអាកាសធាតុនៅលើពិភពលោកផងដែរ។ សម្តេចតេជោ ហ៊ុន សែន បានថ្លែងថា កិច្ចការពារបរិស្ថានគឺជារឿងសំខាន់មួយ ក្នុងការការពារភពផែនដី និងកាត់បន្ថយឧស្ម័នពុលក្នុងបិរស្ថាន។

* សម្តេចតេជោ ហ៊ុន សែន បានថ្លែងថា ភ្ញៀវទេសចរនឹងមិនប្រថុយប្រថានមកកាន់ប្រទេសមានសង្រ្គាម ដូចដែលកម្ពុជាជួបប្រទះកាលពីអតីតកាល ក៏ដូចជាបណ្តាប្រទេសកំពុងជួបសង្រ្គាមដូចបណ្តាប្រទេសនៅតំបន់មជ្ឈឹមនោះឡើយ។ ដូច្នេះការប្រយុទ្ធប្រឆាំងភេរវកម្ម និងរក្សាឲ្យបាននូវសុខសន្តិភាព គឺជាកត្តាដ៏ចាំបាច់ត្រូវអនុវត្ត និងរក្សាឲ្យបាន។

* សម្តេចតេជោ បានថ្លែងបន្តថា ភ្ញៀវទេសចរ ក៏នឹងមិនចង់មកឃើញប្រទេសមានបរិស្ថានពុល កខ្វក់ និងក្លិនស្អុយនោះទេ។ សម្តេចនាយករដ្ឋមន្រ្តី ក៏បានណែនាំឲ្យមានការបង្កើតបរិយាកាសបៃតង តាមរយៈការដាំបន្លែបែបធម្មជាតិ និងការចិញ្ចឹមសត្វជាដើម ដើម្បីផ្គត់ផ្គង់នៅតាមភោជនីយដ្ឋាន និងសណ្ឋាគារផ្សេងៗនៅតាមតំបន់ទស្សនាចរ។

*...Read More

​សម្តេចតេជោ ហ៊ុន សែន ក្រើនរំលឹកជាថ្មី ឱ្យអាជ្ញាធរតាមបណ្តាខេត្ត ត្រួតពិនិត្យឱ្យបានម៉ត់ចត់ចំពោះការយកលុយពីអ្នកលក់តាមកញ្ច្រែង កញ្ជើ ល្អី 

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានក្រើនរំលឹកជាថ្មីដល់អាជ្ញាធរគ្រប់ខេត្តទាំងអស់ឱ្យត្រួតពិនិត្យឱ្យបាន​ម៉ត់ចត់ និងខ្លាំងក្លាបំផុត ចំពោះករណីយកភាស៊ី ឬលុយឈ្នួលផ្សេងៗ ពីអ្នកលក់ដូរតូចតាចតាមកញ្ច្រែង កញ្ជើ និងល្អី នៅក្នុងផ្សារមូលដ្ឋានរៀងៗខ្លួន។
ការក្រើនរំលឹករបស់សម្តេចតេជោ ហ៊ុន សែន បានធ្វើឡើងនៅក្នុងពិធីបិទសន្និបាតត្រួតពិនិត្យលទ្ធផលការងារ ឆ្នាំ២០១៦ និងលើកទិសដៅការងារ ឆ្នាំ២០១៧ របស់ក្រសួងមហាផ្ទៃ នារសៀលថ្ងៃទី២៤ ខែកុម្ភៈ ឆ្នាំ២០១៧នេះ។
ការក្រើនរំលឹកនេះ បានធ្វើឡើងបន្ទាប់ពីមានការលេចលឺថា មានម្ចាស់ផ្សារមួយចំនួនបានលួចប្រមូលភាស៊ីពីប្រជាពលរដ្ឋដែលលក់ដូរតូចតាច នៅតាមផ្សារ។ សម្តេចបានថ្លែងថា ប្រជាពលរដ្ឋដែលលក់ដូរតាមកញ្ច្រែង កញ្ជើ ល្អីទាំងនោះ ជួនកាលគាត់យកបន្លែដែលគាត់ដាំមកលក់ ទទួលបានកម្រៃតិចតួចប៉ុណ្ណោះ។
សូមបញ្ជាក់ថា កាលពីឆ្នាំ២០១៦ រាជរដ្ឋាភិបាលកម្ពុជា បានប្រកាសបញ្ឈប់ឱ្យមានការយកភាស៊ី សម្រាប់អ្នកលក់ដូរ នៅតាមកញ្ច្រែង កញ្ជើ ល្អី នៅតាមផ្សារ និងតាមដងផ្លូវ នៅទូទាំងប្រទេស។ ការសម្រេចបែបនេះ គឺដើម្បីសម្រួលដល់ជីវភាពប្រជាពលរដ្ឋដែលលក់ដូរតូចតាច៕

​រាជរដ្ឋាភិបាល អនុញ្ញាតឲ្យក្រសួងកសិកម្ម ចូលរួមត្រួតពិនិត្យអនាម័យ និងភូតគាមអនាម័យ នៅប៉ុស្តិ៍ពិនិត្យមាត់ច្រកនាំចេញ នំាចូល !

FN ៖ រាជរដ្ឋាភិបាលកម្ពុជា បានសម្រេចអនុញ្ញាតឲ្យក្រសួងកសិកម្ម រុក្ខាប្រមាញ់ និងនេសាទ បន្ថែមសមត្ថកិច្ចជំនាញពាក់ព័ន្ធមួយចំនួនទៀត ក្រោមឱវាទក្រសួង រួមមាន កសិកម្ម ជលផល និងបសុព្យាបាល ដើម្បីចូលរួមត្រួតពិនិត្យអនាម័យ និងភូតគាមអនាម័យ តាមសមត្ថកិច្ចរៀងៗខ្លួន នៅតាមប៉ុស្តិ៍ត្រួតពិនិត្យមាត់ច្រកនាំចេញ នាំចូលបន្ថែមទៀត ដោយសហការជាមួយសមត្ថកិច្ចគយ និងរដ្ឋាករ ប៉ុន្តែក្រោមច្រកចេញចូលតែមួយ និងជៀសវាង ច្រកច្រើន និងយឺតយ៉ាវ៕

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញបិទសន្និបាតប្រចាំឆ្នាំ នៅក្រសួងមហាផ្ទៃ នារសៀលថ្ងៃនេះ

FN ៖ នៅរសៀលថ្ងៃទី២៤ ខែកុម្ភៈ ឆ្នាំ២០១៧​នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញ​បិទបើកសន្និបាត ត្រួតពិនិត្យលទ្ធផលការងារ ឆ្នាំ២០១៦ និងលើកទិសដៅការងារឆ្នាំ២០១៧ របស់ក្រសួងមហាផ្ទៃ។ សន្និបាតនេះបានធ្វើឡើងរយៈពេល៣ថ្ងៃ ចាប់ពីថ្ងៃទី២២ ដល់ ថ្ងៃទី២៤ ខែកុម្ភៈ ឆ្នាំ២០១៧ ដែលបានបើកឡើងដោយ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តី ក្រសួងមហាផ្ទៃ។

ខាងក្រោមនេះជាប្រសាសន៍ទាំងស្រុងរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានថ្លែងកោតសរសើរ និងវាយតម្លៃខ្ពស់ចំពោះថ្នាក់ដឹកនាំក្រសួងមហាផ្ទៃ និងកងកម្លាំងនគរបាលទាំងអស់ដែលបានខិតខំ រួមគ្នាក្នុងការដោះស្រាយបញ្ហារបស់ជាតិ និងរក្សាបាននូវសន្តិសុខសណ្តាប់ធ្នាប់សង្គម គេចផុតពីមហិច្ឆតាប៉ុនប៉ងបង្កភាពចលាចលពី ជនអគតិមួយចំនួន។

* សម្តេចតេជោ ហ៊ុន សែន បានបញ្ជាក់ថា មកដល់បច្ចុប្បន្ននេះ មានគ្រឿងញៀនប្រមាណ១៩៤គីឡូក្រាមត្រូវបានដកហូត ខណៈជនល្មើសជាង ១ម៉ឺននាក់ ត្រូវបានចាប់ខ្លួនជាបន្តបន្ទាប់។ សម្តេចក្រឡាហោម ស ខេង រដ្ឋមន្រ្តីក្រសួងមហាផ្ទៃ បានថ្លែងឲ្យដឹងថា កំណើនអ្នកទោសបានកើនឡើង យ៉ាងច្រើន ធ្វើឲ្យពន្ធនាគារនៅតាមបណ្តារាជធានីខេត្តប្រឈមការកកណែនដោយអ្នកទោស ខណៈដែលជនញៀនថ្នាំ ក៏កើតមានច្រើននាំឲ្យមានបញ្ហា ប្រឈមខ្វះមណ្ឌលបន្សាបគ្រឿងញៀន។

* សម្តេចតេជោ ហ៊ុន សែន បានថ្លែងថា ដើម្បីបង្កបរិយាកាសល្អនៅក្នុងសង្គម ក៏ដូចជាការបោះឆ្នោតនៅខែមិថុនា ខាងមុខត្រូវបន្តរួមសហការគ្នា ធ្វើការងារសំខាន់ៗចំនួន៣រួមមាន៖ ១. បន្តរក្សាឲ្យបានដាច់ខាតនូវសន្តិភាព សន្តិសុខសណ្តាប់ធ្នាប់សាធារណៈ, ២. បន្តជំរុញការអភិវឌ្ឍន៍ឲ្យបាន ខ្លាំងក្លាថែមទៀត ក្នុងនោះរួមមានការធ្វើកំណែទម្រង់ប្រព័ន្ធវិមជ្ឈិការ និងសហវិមជ្ឈិការ ៣.បង្កើនប្រសិទ្ធភាពផ្តល់សេវាសាធារណៈកិច្ចគាំពារសង្គម និងការដោះស្រាយបញ្ហាសំខាន់របស់ប្រជាពលរដ្ឋ។

* សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបន្តថា...Read More

រាជរដ្ឋាភិបាលកម្ពុជា អនុញ្ញាតឱ្យភាគីឡាវប្រើប្រាស់ កំពង់ផែ ផ្លូវទឹក និងផ្លូវគោករបស់ខ្លួន ដើម្បីដឹកទំនិញចេញចូល

FN ៖ ខណៈដែលប្រទេសឡាវ មិនមានកំពង់ផែ ដើម្បីដឹកទំនិញតាមសមុទ្រនោះ កម្ពុជាបានសម្រេចបើកផ្លូវឱ្យមិត្តជិត ខាងមួយនេះ ប្រើប្រាស់កំពង់ផែ ផ្លូវទឹក និងផ្លូវគោករបស់ខ្លួន ដើម្បីដឹកទំនិញចេញចូល។

ការបើកផ្លូវឱ្យភាគីឡាវប្រើប្រាស់ កំពង់ផែ ផ្លូវទឹក និងផ្លូវគោកកម្ពុជានេះ ត្រូវបានបញ្ជាក់ជាថ្មីដោយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ខណៈជួបពិភាក្សាជាមួយ ប្រធានរដ្ឋឡាវ លោក ប៊ុនញ៉ាំង វរជិត (Bounnhang Vorachith) ដែលមកធ្វើទស្សនកិច្ចនៅកម្ពុជា នៅវិមានសន្តិភាពកម្ពុជា កាលពីថ្ងៃទី២២ ខែកុម្ភៈ ឆ្នាំ២០១៧។

សេចក្តីប្រកាសព័ត៌មានក្រសួងការបរទេសកម្ពុជា ស្តីអំពីលទ្ធផលផ្លូវការនៃដំណើរទស្សនកិច្ចផ្លូវរដ្ឋរបស់ លោកប្រធានាធិបតីឡាវ បានបញ្ជាក់យ៉ាងដូច្នេះថា៖ «សម្តេចតេជោ ហ៊ុន សែន បានឯកភាពចំពោះការវាយតម្លៃខ្ពស់របស់ ប្រធានរដ្ឋឡាវ និងបានបញ្ជាក់ជាថ្មីថា កម្ពុជានឹងអនុញ្ញាតឱ្យប្រទេសប្រទេសឡាវជាមិត្តប្រើប្រាស់កំពង់ផែ និងផ្លូវទឹក ផ្លូវគោកកម្ពុជា សម្រាប់ការដឹកទំនិញចេញចូល ដើម្បីជំរុញការតភ្ជាប់ពាណិជ្ជកម្មរវាងប្រទេសទាំងពីរ ជាពិសេស នៅភាគខាងត្បូងនៃប្រទេសឡាវ និងនៅភាគឦសាននៃកម្ពុជា ឱ្យកាន់តែរីកចំរើន»។

ភាគីទាំងពី ក៏បង្ហាញអំពីភាពរីករាយចំពោះទំនាក់ទំនងមិត្តភាពជាប្រពៃណីដ៏ប្រសើរ ភាពជាអ្នកជិតខាងល្អ និងកិច្ចសហប្រតិបត្តិការគ្រប់ជ្រុងជ្រោយ រវាងប្រទេសទាំងពីរផងដែរ ដែលមិត្តភាពនេះ បានផ្តល់ប្រយោជន៍ សម្រាប់ប្រជាជនទាំងពីរ ក្នុងរយៈពេលប៉ុន្មានឆ្នាំចុងក្រោយ ដូចជាវិស័យអប់រំ ពាណិជ្ជកម្ម ការប្រយុទ្ធប្រឆាំងគ្រឿងញៀន និងការកាប់ឈើខុសច្បាប់ជាដើម។

កម្ពុជា-ឡាវ ក៏បានបង្ហាញអំពីលទ្ធផល នៃភាគីទាំងពីរសម្រេចបាននាថ្មីៗនេះ ផងដែឬ ក្នុងនោះមានដូចជា ការដាក់ឱ្យប្រើប្រាស់ប័ណ្ណឆ្លងកាត់ព្រំដែន នៅថ្ងៃទី១ ខែមករា ឆ្នាំ២០១៧ និង ការសម្ពោធដាក់ឱ្យប្រើប្រាស់ជាផ្លូវការ នូវច្រកទ្វារអន្តរជាតិ និងអគារត្រួតពិនិត្យត្រពាំងក្រៀល-ណងណុកខៀន កាលពីថ្ងៃទី១០ ខែមករា ឆ្នាំ២០១៧ផងដែរ។

ការប្រើប្រាស់ប័ណ្ណឆ្លងកាត់ព្រំដែន និងការសម្ពោធច្រកអន្តរជាតិនេះ មិនត្រឹមតែជួយសម្រួលការឆ្លងកាត់ព្រំដែន របស់ប្រជាជននៃប្រទេសទាំងពីរប៉ុណ្ណោះទេ ថែមទាំងជួយជំរុញទំនាក់ទំនងរវាងប្រជាជន និងប្រជាជន ពាណិជ្ជកម្ម និងទេសចរ៕

ឆ្នាំ២០១៦ ទេសចរអន្តរជាតិជាង៥លាននាក់ មកទស្សនាកម្ពុជា ខណៈទេសចរខ្មែរចេញក្រៅប្រទេសជាង១.៤លាននាក់

FN ៖ របាយការណ៍របស់ក្រសួងទេសចរណ៍ ដែលចេញផ្សាយនៅថ្ងៃទី២៣​ ខែកុម្ភៈ ឆ្នាំ២០១៧នេះ បានបង្ហាញថា នៅឆ្នាំ២០១៦ កម្ពុជាទទួលភ្ញៀវទេសចរអន្តរជាតិ ចំនួន «៥,០១១,៧១២នាក់» ដែលកើនឡើង ៥ភាគរយ បើធៀបនឹងឆ្នាំ២០១៥។ ចំណែកភ្ញៀវទេសចរកម្ពុជា ដែលធ្វើដំណើរកម្សាន្តនៅក្រៅប្រទេសវិញនោះ មានចំនួន «១,៤៣៤,០៣០នាក់» គឺកើនឡើង ២០.១ភាគរយ។

របាយការណ៍ក្រសួងទេសចរណ៍ បានបង្ហាញថា ភ្ញៀវទេសចរដែលមកទស្សនាកម្ពុជាច្រើនជាងគេ នៅឆ្នាំ២០១៦ គឺនៅតែជាភ្ញៀវជនជាតិវៀតណាម ដែលមានចំនួន ៩៥៩,៦៦៣នាក់ តែមានការថយចុះ ២.៨ភាគរយ ខណៈភ្ញៀវជនជាតិចិន មានចំនួន ៨៣០,០០៣នាក់ កើនឡើង ១៩.៥ភាគរយ។ ក្នុងនោះភ្ញៀវទេសចរ មកតាមផ្លូវអាកាសមានចំនួន ២,៧០៤,៣៦៧នាក់ កើនឡើង ៩.២ភាគរយ ផ្លូវគោកចំនួន ២,១៥៣,៩៣២នាក់ និងផ្លូវទឹក មានចំនួន ១៥៣,៤១៣នាក់។

សម្តេចតេជោ ហ៊ុន សែន ប្រកាសស្វាគមន៍គម្រោងហោះហើរ របស់ក្រុមហ៊ុនអាកាសចរណ៍ Emirates មកកាន់កម្ពុជា

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែង សូមស្វាគមន៍គម្រោងហោះហើរ របស់អាកាសចរណ៍ដ៏ល្បី របស់ពិភពលោក Emirates Airline នៅក្នុងខែកក្កដា ឆ្នាំ២០១៧ខាងមុខនេះ។

ប្រមុខរាជរដ្ឋាភិបាលកម្ពុជា សម្តេចតេជោ បានបញ្ជាក់ថា កំណើនភ្ញៀវទេសចរមកកម្ពុជា កំពុងកើនឡើងជារៀងរាល់ឆ្នាំ ហើយព្រលានយន្តហោះកម្ពុជា ក៏កំពុងរៀបចំពង្រីក និងកែលម្អបំពាក់ដោយឧបករណ៍ទំនើបៗ ដែលបង្កលក្ខណៈកាន់តែងាយស្រួល ដល់អ្នកទេសចរ និងពាណិជ្ជករមកកម្ពុជា។

សម្តេចតេជោបន្ថែមឲ្យដឹងថា កម្ពុជាកំពុងទាក់ទាញ ក្រុមហ៊ុនអាកាសចរណ៍បរទេស ជាច្រើនមកវិនិយោគ នៅប្រទេសកម្ពុជា បន្ថែមទៀត។

សម្តេចតេជោ ហ៊ុន សែន សរសេរលើ Facebook យ៉ាងដូច្នេះថា «ប្រទេសកម្ពុជាយើង ចាប់តាំងពីទទួលបានសន្តិភាពមក គឺប្រជាពលរដ្ឋរស់នៅសុខសប្បាយ ហើយមានឱកាសគ្រប់ៗគ្នា។ ស្ថិរភាពនយោបាយ និងកំណើនសេដ្ឋកិច្ចជាតិ គឺបានទាក់ទាញ វិនិយោគទុនជាតិ និងអន្តរជាតិយ៉ាងច្រើនមកបណ្តាក់ទុន។ កំណើនទេចរណ៍ ក៏កំពុងកើនឡើងជារៀងរាល់ឆ្នាំ ហើយព្រលាន យន្តហោះកម្ពុជា ក៏កំពុងរៀបចំពង្រីក និងកែលម្អបំពាក់ ដោយឧបករណ៍ទំនើបៗ ដែលបង្កលក្ខណៈកាន់តែងាយស្រួល ដល់អ្នកទេសចរ និងពាណិជ្ជករមកកម្ពុជា។ ទន្ទឹមនឹងនេះ កម្ពុជាកំពុងទាក់ទាញ ក្រុមហ៊ុនអាកាសចរណ៍បរទេសជាច្រើន មកវិនិយោគនៅប្រទេសយើងទៀតផង។ កម្ពុជាសូមស្វាគមន៍ គម្រោងហោះហើរ នៃអាកាសចរណ៍ Air Emirates មកកាន់ព្រះរាជាណាចក្រអច្ឆរិយៈ!»។

គួរបញ្ជាក់ថា ក្រុមហ៊ុនអាកាសចរណ៍ដ៏ល្បី របស់ពិភពលោក គឺក្រុមហ៊ុន Emirates Ariline បានប្រកាសថា ខ្លួននឹងបើកដំណើរការ ជើងហោះហើរ ជាលើកដំបូង មកកាន់រាជធានីភ្នំពេញ ប្រទេសកម្ពុជានៅខែកក្កដា ឆ្នាំំ២០១៧ ខាងមុខនេះ។

ក្រុមហ៊ុននេះបានលើកឡើងថា ទីក្រុងភ្នំពេញ នៅប្រទេសកម្ពុជានឹងក្លាយជា ទិសដៅថ្មីបំផុតរបស់ខ្លួន ដោយត្រូវធ្វើការបំរើសេវា ជើងហោះហើរ ចាប់ពីខែកក្កដា...Read More

ចុះ​​យន្តហោះ​ភ្លាម! លោកហ៊ុន ម៉ាណែត ភ្ញាក់​ព្រើត​ជាមួយ​គេហ​ទំព័រ«ដើម​ត្នោត» ថាលោក...

KSP ៖ លោកហ៊ុន ម៉ាណែត បានហួសចិត្ត​ និងអស់ចំណើ​ចខ្លាំង ទៅលើសារព័ត៌មាន​មួយ​ឈ្មោះ​ «ដើមត្នោត» ដែល​បាន​ចុះផ្សាយ​ថា លោក​មានជំនួយការដល់ទៅ​​ជាង​២០​នាក់ ​ហើយ​ពាក់​សុទ្ធតែ​ស័ក្តិ​៥ ។

ខណៈ​លោក​ហ៊ុន ម៉ាណែត បាន​ចុះ​ពីលើ​យន្តហោះ​ភ្លាម កាលពី​វេលា​​ម៉ោង​០១រំលងអធ្រាត្រ​ថ្ងៃទី២៣ កុម្ភៈ ដោយ​លោក​បាន​បើក​ទូរស័ព្ទ​មើលក៏​ភ្ញាក់​ព្រើត ព្រោះ​មាន​មិត្ត​ម្នាក់​គាត់​​ផ្ញើ​​ព័​ត៌​មាន​ប្លែក​មួយ​ថ្មី​ ដែល​សារ​ព័​ត៌​មាន​ដើម​ត្នោត​​បាន​​សរសេរ ​ហើយ​យកមក​ចុះ​លើ​​គេហទំព័រ​របស់​​គាត់​​ថា «​ខ្ញុំ​មាន​ជំនួយការ​ដល់​ទៅ​ជាង​២០​នាក់ ​ហើយ​ពាក់​សុទ្ធតែ​ស័ក្តិ​៥» ​។

អាន​​ភ្លាម ​ខ្ញុំ​ផ្ទុះសំណើច​ហើយ​គ្រវីក្បាល​ រហូត​ដល់​អ្នក​ដើរ​ក្បែរ​ងាក​មើល ព្រោះ​វា​ជា​ព័ត៌​មាន​មួយ​ថ្មី​ ដែល​ធ្វើ​ឱ្យ​​ខ្ញុំ​អស់សំណើច សើច​​ដោយ​ហួសចិត្ត ​។ ពេល​ជាមួយ​គ្នា​ ខ្ញុំ​ក៏​ឆ្ងល់​ថា​ តើ​ជំនួយការ​របស់ខ្ញុំ​ស័ក្តិ​៥ ទាំង​២០​នាក់​ជាង​នោះ ​មកពីណា​ ហើយ​មាន​ឈ្មោះ​​អ្វីខ្លះ? ខ្ញុំ​ក៏​បន្ត​អាន​អត្ថបទ​​ដែល​បាន​ចុះ​នោះ ២ ទៅ​៣​ដង​ ហើយ​ខំប្រឹង​មើល​ថា ​តើ​មាន​អ្វី​ដែល​ឆ្លើយ​នឹង​ការ​ងឿងឆ្ងល់​របស់ខ្ញុំ​ខាងលើ​ទេ ពោល​គឺ​មាន​បង្ហាញ​ជា​មូលដ្ឋាន​នូវ​ឯកសារ​អ្វី​ច្បាស់លាស់​ទេ ក្រែង​ខ្ញុំ​ភ្លេច ​។ ប៉ុន្តែ​​អា​នប៉ុ​ន្មា​ន​ដង ក៏​មិនឃើញ​មាន​អ្វី​ដែល​សារ​ព័​ត៌​មាន​ដើម​ត្នោត​បង្ហាញ​អ្វីជា​ភស្តុ​តាង​ច្បាស់លាស់ ក្រៅ​តែ​ពី​និយាយ​ចោល​ថា ខ្ញុំ​មាន​ជំនួយការ​ជាង២០​នាក់​ដែល​សុទ្ធតែ​ជា​សក្តិ​៥​ ។

ដើម្បី​ឱ្យ​​ខ្ញុំ​បាន​អស់​ច​ម្ង​ល់ ក៏​ដូច​ជា​ឱ្យអ្នក​អាន​ព័​ត៌​មាន​ដើមត្នោត​បានឃើញ​ការ​ពិត ខ្ញុំ​សូម​អោយ​សារ​ព័​ត៌​មាន​ដើម​ត្នោត មេត្តា​ជួយ​បង្ហាញ​ឈ្មោះ​​ជំនួយការ​សក្តិ​៥ របស់ខ្ញុំ​ទាំង​ជាង២០​នាក់​នោះ​ផង និង​សូម​បង្ហាញ​ឯកសារ​តែងតាំង​ក្រុម​ជំនួយការ​នោះ​ផង ដូច​ដែល​បាន​យក​ឯកសារ​តែងតាំង​ខ្ញុំ​មក​បង្ហាញ​អ​ញ្ចឹ​ង​។

បើ​បាន​ដូច្នេះ នឹង​ជួយឱ្យ​ខ្ញុំ​អស់ឆ្ងល់ និងឱ្យ​បងប្អូន​អ្នក​តាមដាន​ព័ត៌​មាន​ដើម​ត្នោត​ បាន​ទទួល​ភាព​កក់ក្តៅ​ពីសារ​ព័​ត៌​មាន​នេះ​ថា​ ជា​សារ​ព័ត៌​មាន​មួយ​ ដែល​អាច​ទុកចិត្ត​បាន មិនមែន​ចេះ​តែ​ចុះ​ផ្សាយ​ព័ត៌​មាន​ ដោយ​អត់​មានការ​ទទួលខុសត្រូវ ឬ​ដោយ​គ្មាន​មូលដ្ឋាន ភស្តុ​តាង ឯកសារ​ច្បាស់លាស់​នោះ​ទេ​បាទ​ ។

ប៉ុន្តែ​បើ​មិន​អាច​បង្ហាញ​ភស្តុ​តាង​នោះ​ទេ ខ្ញុំ​សូម​ឱ្យ​សារ​ព័​ត៌​មាន​ដើម​ត្នោត ធ្វើ​នូវ​​ការងារ​មួយ​ដែល​សារ​ព័ត៌​មាន​ដែល​មាន​លក្ខណ​:​ជា​អាជីព​ និង​មានការ​ទទួលខុសត្រូវ​ខ្ពស់​ គួរ​ធ្វើ​នោះ​ គឺ​កែសម្រួល​ខ្លឹមសារ​ព័ត៌​មាន​របស់​ខ្លួន​ និង​ទទួលស្គាល់​ការ​ពិត​ថា​ ខ្លួន​មិន​មាន​ឯកសារ​ ឬ​ភស្តុ​តាង​គ្រប់គ្រាន់​ ដើម្បី​ជា​មូលដ្ឋាន​សម្រាប់​ព័​ត៌​មាន​ដែល​ខ្លួន​បាន​ចុះ​ផ្សាយ​នោះ​ទេ​ ។

ខ្ញុំ​ជឿ​ថា បងប្អូន​ជា​ច្រើន​នាក់​​ប្រាកដជា​សង្ឃឹម​ដូច​​ខ្ញុំ​ដែរ​ថា សារ​ព័​ត៌​មាន​ដើម​ត្នោត​​នឹង​ឆ្លើយ​តប​ជា​មិន​ខានទៅ​នឹង​សំណូមពរ​របស់ខ្ញុំ ព្រោះ​ពេល​នោះ​យើង​ទាំងអស់​គ្នា​នឹង​បានដឹង​ការ​ពិត ហើយ​ក៏​អាច​ឃើញ​ថា​ សារ​ព័​​ត៌​មាន​ដើម​ត្នោត ​ជា​សារ​ព័​ត៌​មាន​ប្រភេទ​ណា...Read More

រាជរដ្ឋាភិបាល ចេញអនុក្រឹត្យបង្កើត ស្ថានបេសកកម្មអចិន្ត្រៃយ៍កម្ពុជា ប្រចាំនៅអង្គការពាណិជ្ជកម្មពិភពលោក ប្រទេសស្វីស

FN ៖ រាជរដ្ឋាភិបាលកម្ពុជា បានចេញអនុក្រឹត្យស្ដីពី ការបង្កើតស្ថានបេសកកម្មអចិន្ត្រៃយ៍កម្ពុជា ប្រចាំអង្គការពាណិជ្ជកម្មពិភពលោក និងអង្គការអន្តរជាតិ ពាក់ព័ន្ធនឹងវិស័យសេដ្ឋកិច្ច ពាណិជ្ជកម្ម នៅទីក្រុងហ្សឺណែវ ប្រទេសស្វីស តាមសំណើរបស់រដ្ឋមន្រ្តីក្រសួងពាណិជ្ជកម្ម លោក ប៉ាន សូរស័ក្តិ នេះបើយោងតាម អនុក្រឹត្យរបស់រាជរដ្ឋាភិបាល ដែលអង្គភាព Fresh News ទទួលបាននៅល្ងាចថ្ងៃទី២២ ខែកុម្ភៈ ឆ្នាំ២០១៧នេះ។

អនុក្រឹត្យបានបញ្ជាក់ថា ស្ថានបេសកកម្មអចិន្រ្តៃយ៍នេះត្រូវមានសមាសភាពជា មន្រ្តីការទូត និងមន្រ្តីបច្ចេកទេសចំនួន៥រូប និងមានកញ្ចប់ថវិកាស្ថិតក្រោម ក្រសួងពាណិជ្ជកម្ម ត្រូវដឹកនាំដោយប្រធានមួយរូបមានឋានៈជាអគ្គរាជទូត។

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជាអធិបតីភាពប្រគល់សញ្ញាបត្រដល់និស្សិត នៃសាកលវិទ្យាល័យភ្នំពេញអន្តរជាតិ

FN ៖ សាកលវិទ្យាល័យភ្នំពេញអន្តរជាតិ (PPIU) ប្រារព្ធពិធីចែកសញ្ញាបត្រ ដល់និស្សិតជយលាភី ថ្នាក់បរិញ្ញាបត្ររងជំនាន់ទី១០ ថ្នាក់បរិញ្ញាបត្រ ជំនាន់ទី១០ និងទី១១ និងថ្នាក់បរិញ្ញាបត្រជាន់ខ្ពស់ជំនាន់ទី៨ ចំនួន១៤៣១នាក់ នៅព្រឹកថ្ងៃទី២២ ខែកុម្ភៈ ឆ្នាំ២០១៧ វេលាម៉ោង០៨៖០០ នាទីព្រឹក ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្តេចកិត្តិព្រឹទ្ធបណ្ឌិត នៅវិទ្យាស្ថានជាតិអប់រំ (NIE)។

ខាងក្រោមនេះប្រសាសន៍សំខាន់ៗទាំងស្រុងរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានបង្ហាញក្តីរីករាយជាមួយនិស្សិតជាង ១ពាន់នាក់ នៃសាកលវិទ្យាល័យភ្នំពេញអន្តរជាតិ ដែលបានបញ្ចប់ការសិក្សា ដោយជោគជ័យ និងបានអរគុណដល់ថ្នាក់ដឹកនាំសាកលវិទ្យាល័យ ដែលបានប្រឹងប្រែងក្នុងការបណ្តុះបណ្តាលកូនខ្មែរ។ សម្តេចតេជោ ហ៊ុន សែន នៅព្រឹកនេះ បានសម្រេចផ្តល់អាហារូបករណ៍មួយចំនួន ដល់ព្រះសង្ឃឲ្យបានសិក្សាបន្តនៅសាកលវិទ្យាល័យភ្នំពេញអន្តរជាតិ។

* សម្តេចតេជោ ហ៊ុន សែន បានថ្លែងថា ការរៀនសូត្រមិនចេះជាប់នោះទេ ជាក់ស្តែងរដ្ឋមន្រ្តីក្រសួងអប់រំ លោក ហង់ ជួនណារ៉ុន បើទោះបីមានបណ្ឌិត ជាច្រើនទៅហើយក្តី ក៏នៅតែបន្តទៅយកបណ្ឌិតផ្នែកអប់រំបន្ថែមទៀតនៅឯសាកលវិទ្យាល័យជូឡាឡុងកន ក្នុងប្រទេសថៃ។

* សម្តេចតេជោ ហ៊ុន សែន បានថ្លែងថា ការសិក្សារៀនសូត្រ ខុសពីការដាំដុះដំណាំ។ សម្តេចតេជោ ការសិក្សារៀនសូត្រមានតែការខិតខំរៀនសូត្រដោយខ្លួនឯង មិនមាននរណាមកខិតខំជំនួសបានឡើយ ដែលផ្ទុយពីដំណាំគេអាចបង្កាត់ពូជបាន តែខួរក្បាលមនុស្សមិនអាចបង្កាត់បានទេ។

* សម្តេចតេជោ ហ៊ុន សែន បានថ្លែងថា ក្នុងនាមជាប្រធានសម្របសម្រួលប្រទេសអភិវឌ្ឍន៍តិចតួច ក្នុងការទាញប្រយោជន៍ពីអង្គការពាណិជ្ជកម្មពិភពលោកនោះ កម្ពុជា នឹងប្រឹងប្រែងជួយឲ្យប្រទេសទីម័រ ក្លាយជាសមាជិកអង្គការពាណិជ្ជកម្ម។ សម្តេចតេជោ ហ៊ុន សែន ថា នេះជាមោទនភាពមួយសម្រាប់កម្ពុជា ដែលដៃម្ខាងប្រឹងប្រែងអភិវឌ្ឍន៍...Read More