សេចក្តីដកស្រង់ប្រសាសន៍ សម្តេចតេជោ ហ៊ុន សែន ប្រគល់រង្វាន់លើកទឹកចិត្តម្ចាស់ជ័យលាភីមេដាយមាសកីឡាប៉េតង់ជើងឯកពិភពលោក (នៅអេស្ប៉ាញ) កីឡាការិនីជម្រើសជាតិ អ៊ុក ស្រីមុំ
កម្ពុជាទទួលបានមេដាយមាសផ្នែកប៊ូល ៥ ជំនាន់ ជាដំបូងនេះ ក្នុងនាមរាជរដ្ឋាភិបាល នៃព្រះរាជាណាចក្រកម្ពុជា ខ្ញុំសូមអបអរសាទរជាមួយនឹងកីឡាការិនី អ៊ុក ស្រីមុំ និងលោកគ្រូ សុខ មុំ។ អម្បាញ់មិញ ឯកឧត្តម ហង់ ជួនណារ៉ុន បានធ្វើរបាយការណ៍ពាក់ព័ន្ធជាមួយនឹងការទទួលបានថ្មីៗថែមទៀត នូវមេដាយមាស សម្រាប់កីឡាប៊ូល ដែលអាចចាត់ទុកថា ជាការបំបែកនូវឯតទគ្គកម្មសម្រាប់ពិភពលោក ដោយសារតែយើងទទួលបាននូវមេដាយមាសផ្នែកប៊ូលនេះតជំនាន់ រហូតទៅដល់ ៥ ជំនាន់ ដោយវីរកីឡាការិនី កែ ឡេង បាន ៤ ជំនាន់ ឥឡូវនេះ មកដល់កីឡាការិនី អ៊ុក ស្រីមុំ បានមួយជំនាន់ទៀត គ្រប់ ៥ ជំនាន់។ វាហាក់ដូចជារឿងចម្លែកបន្តិច សម្រាប់កីឡាប៊ូល ដែលបង្កើតឡើងដោយប្រទេសនៅអឺរ៉ុប ជាពិសេស គឺប្រទេសបារាំង។ បើតាមប្រវត្តិ គឺប្រទេសបារាំង គឺជាម្ចាស់ ហើយដែលខ្ញុំនៅចាំបានថា កាលពេលអតីតនាយករដ្ឋមន្រ្តី François Fillon មកប្រទេសកម្ពុជានោះ កាដូគាត់សម្រាប់ខ្ញុំ គឺប៊ូលតែម្តង។ ប៉ុន្តែ…