ច្រានចោលលិខិតក្លែងក្លាយដែលផ្សព្វផ្សាយថា សិស្សប្រឡងសញ្ញាបត្របាក់ឌុប និងឌីប្លូម កំណត់ឲ្យ «ជាប់ជាស្ថាពរ»

សុន្ទរកថា-ការអធិប្បាយ

FN ៖ ក្រសួងអប់រំ យុវជន និងកីឡា នៅព្រឹកថ្ងៃទី២៨ ខែតុលា ឆ្នាំ២០២១នេះ តាមរយៈបណ្តាញព័ត៌មាន Fresh News បានចេញមកច្រានចោលចំពោះលិខិតក្លែងក្លាយ ដែលត្រូវបានផ្សព្វផ្សាយតៗគ្នាថា ក្រសួងសម្រេចឲ្យសិស្សប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) និងសញ្ញាបត្រមធ្យមសិក្សាបឋមភូមិ (ឌីប្លូម) កំណត់ឲ្យជាប់ជាស្ថាពរ ដោយមិនកំណត់និទ្ទេស។ លោក រស់ សុវាចា អ្នកនាំពាក្យក្រសួងអប់រំ បានបញ្ជាក់យ៉ាងដូច្នេះថា «លិខិតដែលផ្សព្វផ្សាយអំពីការជាប់ជាស្ថាពរ របស់បេក្ខជននោះ គឺជាលិខិតក្លែងក្លាយ ក្រសួងអប់រំ សូមច្រានចោលលិខិតក្លែងក្លាយនោះ»។ សូមជម្រាបថា ក្រសួងអប់រំ យុវជន និងកីឡា បានកំណត់កាលបរិច្ឆេទប្រឡងសញ្ញាបត្រមធ្យមសិក្សាបឋមភូមិ (ឌីប្លូម) នៅថ្ងៃទី១៥ ខែវិច្ឆិកា ឆ្នាំ២០២១ ដោយប្រកាសលទ្ធផលនៅថ្ងៃទី២២ ខែវិច្ឆិកា ឆ្នាំ២០២១ និងប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី០៦ ខែធ្នូ ឆ្នាំ២០២១ ដោយប្រកាសលទ្ធផលនៅថ្ងៃទី២៨-២៩ ខែធ្នូ ឆ្នាំ២០២១។ លោក រស់ សុវាចា បានបញ្ជាក់ទៀតថា ក្រសួងអប់រំ យុវជន និងកីឡា…

សុន្ទរកថាថ្លែងក្នុងកិច្ចប្រជុំកំពូលអាស៊ាន-រុស្ស៊ីលើកទី ៤

សុន្ទរកថា-ការអធិប្បាយ

ព្រះចៅស៊ុលតង់ ហាជី ហាសាណាល់ ប៊ុលគីយ៉ា (Sultan Haji Hassanal Bolkiah), ប្រធានអង្គប្រជុំ; ឯកឧត្តម វ្ល៉ាឌីមៀរ ពូទីន (Vladimir Putin), ប្រធានាធិបតីនៃសហព័ន្ធរុស្ស៊ី; ឯកឧត្តមថ្នាក់ដឹកនាំនៃបណ្តាប្រទេសអាស៊ាន; ឯកឧត្តម, លោកជំទាវ, លោក, លោកស្រី ! ជាកិច្ចចាប់ផ្តើម ខ្ញុំសូមចូលរួមជាមួយថ្នាក់ដឹកនាំនៃបណ្តាប្រទេសអាស៊ាន សម្តែងនូវការស្វាគមន៍យ៉ាងកក់ក្តៅចំពោះ ឯកឧត្តម វ្ល៉ាឌីមៀរ ពូទីន ប្រធានាធិបតីនៃសហព័ន្ធរុស្ស៊ី ក្នុង កិច្ចប្រជុំកំពូលអាស៊ាន-រុស្ស៊ី  លើកទី​៤។ ក្នុងនាមជាប្រទេសសម្របសម្រួលក្នុងក្របខណ្ឌនៃទំនាក់ទំនងដៃគូសន្ទនាអាស៊ាន-រុស្ស៊ី, ខ្ញុំសូមតំណាងឲ្យអាស៊ាន សម្តែងនូវការសាទរយ៉ាងកក់ក្តៅចំពោះខួបលើកទី ៣០ នៃចំណងមិត្តភាពដ៏ស្អិតរមួតនេះ ដែលជាផ្លែផ្កានៃការប្តេជ្ញាចិត្ត ក្នុងការបន្តជំរុញកិច្ចសហប្រតិបត្តិការមានស្រាប់ និងការដោះស្រាយនូវរាល់បញ្ហាប្រឈមរួមនៃតំបន់យើងទាំងពីរ។ ក្នុងន័យនេះ, អាស៊ានមានសេចក្តីសោមនស្សក្នុងការអនុម័តនូវ៖ ១). ផែនការសកម្មភាពគ្រប់ជ្រុងជ្រោយ ឆ្នាំ ២០២១-២០២៥; ២). សេចក្តីថ្លែងការណ៍អាស៊ាន-រុស្ស៊ី ស្តីពីការកសាងតំបន់ ប្រកបដោយសន្តិសុខ និងចីរភាព; និង៣). កិច្ចសហប្រតិបត្តិការអាស៊ាន-រុស្ស៊ី លើផ្នែកដោះ-ស្រាយ និងប្រឆាំងបញ្ហាគ្រឿងញៀនពិភពលោក។ ពាក់ព័ន្ធនឹងកិច្ចសហប្រតិបត្តិការនយោបាយ-សន្តិសុខ,…

សុន្ទរកថាថ្លែងក្នុងពិធីប្រគល់តំណែងប្រធានអាស៊ានជូនកម្ពុជា

សុន្ទរកថា-ការអធិប្បាយ

ព្រះចៅស៊ុលតង់ ហាជី ហាសាណាល់ ប៊ុលគីយ៉ា (Sultan Haji Hassanal Bolkiah), ប្រធានអង្គប្រជុំ; ឯកឧត្តម ថ្នាក់ដឹកនាំនៃបណ្តាប្រទេសអាស៊ាន; ឯកឧត្តម, លោកជំទាវ, លោក, លោកស្រី !   ជាកិច្ចចាប់ផ្ដើម, ក្នុងនាមប្រជាជន និងរាជរដ្ឋាភិបាលកម្ពុជា, ខ្ញុំពិតជាមានមោទនភាពយ៉ាងក្រៃលែង ដែលកម្ពុជាបានទទួលតំណែងជាប្រធានប្ដូរវេនរបស់អាស៊ានសម្រាប់ឆ្នាំ ២០២២។ ខ្ញុំសូមឆ្លៀតឱកាសនេះ វាយតម្លៃខ្ពស់ចំពោះព្រុយណេដែលបានដឹកនាំអាស៊ានក្នុងឆ្នាំ ២០២១ ក្រោមមូលបទ “យើងយកចិត្តទុក​ដាក់, យើងត្រៀមលក្ខណៈ, យើងរីកចម្រើន”។ ជាពិសេស, ខ្ញុំសូមសម្តែងនូវការកោតសរសើរជូនព្រះចៅស៊ុលតង់ ហាជី ហាសាណាល់ ប៊ុលគីយ៉ា (Sultan Haji Hassanal Bolkiah) ចំពោះភាពជាអ្នកដឹកនាំប្រកបដោយឆ្លាតវៃ និងប្រសិទ្ធភាព និងសម្រេចបាននូវសមិទ្ធផលប្រកបដោយផ្លែផ្កាជាច្រើន រួមទាំងជោគជ័យនៃកិច្ចប្រជុំកំពូលដែលទើបតែបញ្ចប់។ ក្នុងនាមជាប្រធានអាស៊ានឆ្នាំ ២០២២, កម្ពុជានឹងដឹកនាំអាស៊ានឈានទៅសម្រេចបាននូវសមិទ្ធផលសំខាន់ៗថែមទៀត ​ ជាពិសេសជំរុញសម្ទុះនៃដំណើរការកសាងសហគមន៍អាស៊ាន ប្រកបដោយសមធម៌,​​ រឹងមាំ និងបរិយាបន្ន ស្របតាមស្មារតីស្នូលរបស់អាស៊ាន គឺ ចក្ខុវិស័យមួយ,  អត្តសញ្ញាណមួយ,…