Speech given by the Prime Minister on national and international occasions, review conference, etc. in English and in Khmer
ខ្ញុំចង់និយាយទៅកាន់សមាជិក សមាជិកា អំពីការធ្វើតេស្ដរហ័ស និងការប្រើប្រាស់ឧបករណ៍តេស្ដរហ័សនេះ។ ដំបូងឡើយ ខ្ញុំចង់ថាធ្វើសារាចរណែនាំ ក៏ប៉ុន្តែ ខ្ញុំគិតថា មិនចាំបាច់ធ្វើទេ ដោយសារយើងមានប្រជុំគណៈរដ្ឋមន្រ្តី ដែលមានសមាជិករដ្ឋាភិបាលចូលរួមអស់ហើយ។ ខ្ញុំសូមស្នើឱ្យ បណ្ដាស្ថាប័នយកចិត្តទុកដាក់លើការប្រើប្រាស់តេស្ដរហ័ស។ ការតេស្ដរហ័សនេះទៀតសោត ក៏គួរធ្វើដោយមានការសន្សំសំចៃ ដើម្បីកុំឱ្យវាមានទំងន់ធ្ងន់ហួសទៅដល់ថវិកាជាតិរបស់យើង។ ម្សិលមិញ ខ្ញុំបានបញ្ជាទៅលោកជំទាវ យក់ សម្បត្តិ ឱ្យទិញ(ឧបករណ៍តេស្ដរហ័ស)មួយលានបន្ថែមទៀត ដោយថវិការបស់សប្បុរសជន។ យប់មិញ យកមកដល់ ១ លាន ប៉ុន្តែនៅក្នុងស្ដុករបស់យើងពីម្សិលមិញ គឺអស់ នៅសល់ ១០ ម៉ឺនទេ(ឧបករណ៍តេស្ដរហ័ស) ដោយសារយើងបានបែងចែកទៅឱ្យខេត្ត ។ ឯកឧត្តម នាង ផាត ក្នុងនាមក្រសួងការពារជាតិ បានស្នើសុំ ៣០ ម៉ឺន(ឧបករណ៍តេស្ដរហ័ស) ប៉ុន្តែយើងបានផ្ដល់ ៥ ម៉ឺន(ឧបករណ៍តេស្ដរហ័ស)ទៅឱ្យហើយ។ អញ្ចឹងខ្ញុំផ្ដល់ឱ្យតែ ២០ ម៉ឺនបន្ថែមទេ ដើម្បីរៀបចំចែកជូនទៅតាមបណ្ដាអង្គភាព ប៉ុន្តែប្រហែលជាខ្ញុំគិតថា នឹងអាចផ្ដល់បន្ថែម ប្រហែល ១០ ម៉ឺន(ឧបករណ៍តេស្ដរហ័ស) ទៅតាមគម្រោងហ្នឹងទៅចុះ ដោយសារតែអង្គភាពវាមានច្រើន។ អញ្ចឹងទេ…
ឯកឧត្តម លោកជំទាវ ដែលបានចូលរួម(ការថ្លែងសារពិសេសនិងប្រជុំ) តាមរយៈ ZOOM នៅព្រឹកនេះ ថ្ងៃនេះ យើងប្រជុំគណៈកម្មការជាតិប្រយុទ្ធនឹង កូវីដ-១៩ តាមរយៈប្រព័ន្ធ ZOOM ដែលអនុញ្ញាតឲ្យយើងធ្វើការប្រជុំពីចម្ងាយ។ ម្យ៉ាងទៀត ខ្ញុំក៏សុំយកការបញ្ជាក់ថា ដោយសារខ្ញុំកំពុងតែជាប់ចត្តាឡីស័ក ថ្ងៃស្អែកទើបធ្វើតេស្តចុងក្រោយ និងថ្ងៃ ០៣ (កក្កដា) ក៏មានណាត់ទទួលភ្ញៀវបរទេសរួចស្រេចទៅហើយ ។ ខ្ញុំគួរតែរង់ចាំ បន្ទាប់ពីការបញ្ចប់នៃចត្តាឡីស័ក ក៏ប៉ុន្តែយើងមិនអាចនឹងបញ្ចប់ត្រឹមនេះបាននោះទេ បើសិនជាយើងនៅរង់ចាំ យើងអាចយឺតពេល។ ថ្ងៃនេះ ក្នុងគណៈកម្មការរបស់យើង (មាន)អវត្តមាន សម្ដេចក្រឡាហោម ស ខេង (ដែល)ត្រូវទៅខេត្តកំពង់ឆ្នាំង ដើម្បីផ្ទេរអភិបាលខេត្តកំពង់ឆ្នាំង។ ដូច្នេះ អវត្តមាននៅក្នុងគណៈកម្មការរបស់យើងគឺមានចំនួនពីររូប។ “អ្នកគិតពីការស្លាប់របស់ខ្ញុំ គួរតែគិតពីសុខភាពខ្លួនឯងប្រសើរជាង” ការប្រជុំថ្ងៃនេះ ម្ខាងគឺវាយតម្លៃសភាពការណ៍ដែលយើងបានធ្វើកន្លងទៅ តែម្ខាងទៀតគឺដាក់ចេញនូវយុទ្ធសាស្ត្រ ឬក៏គោលការណ៍ (ដែល)យើងនឹងត្រូវអនុវត្តទៅខាងមុខទៀត។ ខ្ញុំគួរតែនិយាយបន្ថែមថា ខ្ញុំមិននឹកស្មានថា មកដល់ពេលនេះ មានពាក្យចចាមអារាមដ៏អាក្រក់នៅខាងក្រៅ ថាខ្ញុំបានស្លាប់តាំងពីថ្ងៃទី ២៣ (មិថុនា) ម៉ោង ៤ ល្ងាចឯណោះ ក្នុងពេលដែលខ្ញុំជាប់ចត្តាឡីស័ក។ ហើយបើទោះបីនៅថ្ងៃ…
ឯកឧត្តម ឌីមេទ្រី មេដវេឌេវ, ប្រធានគណបក្សរួបរួមរុស្សី និងជាអនុប្រធានក្រុមប្រឹក្សាសន្តិសុខនៃសហព័ន្ធរុស្ស៊ី, ឯកឧត្តមប្រធាន និងតំណាងគណបក្សនៃបណ្តាប្រទេសអាស៊ាន, ឯកឧត្តម, លោកជំទាវ, លោក, លោកស្រី! [ចាប់ផ្ដើមប្រសាសន៍ក្រៅបទអន្តរាគមន៍] មុននឹងចាប់ផ្ដើមចូលដល់របៀបវារៈ អនុញ្ញាតឱ្យខ្ញុំបាននិយាយបន្តិចថា ថ្ងៃនេះ ពេលនេះខ្ញុំកំពុងជាប់នៅក្នុងចត្តាឡីស័ក ដែលការចាប់ផ្ដើមចត្តាឡីស័កតាំងពីថ្ងៃទី ១៩ រហូតមកដល់ថ្ងៃនេះ មានរយៈពេល ១០ ថ្ងៃរួចមកហើយ នៅសល់តែ ៤ ថ្ងៃទៀតប៉ុណ្ណោះទេ។ ប៉ុន្តែដើម្បីបានជួបជាមួយនឹងជំនួបកំពូលតុមូលរបស់យើង ខ្ញុំបានខិតខំថា ដើម្បីដោះស្រាយជាមួយនឹងវិស័យសុខាភិបាលទាក់ទងនឹងបញ្ហាចត្តាឡីស័ក ដោយក្នុងនោះពុំមានអ្នកអមដំណើរខ្ញុំនៅក្នុងការប្រជុំនេះ ហើយម្យ៉ាងទៀតអ្នកដែលចូលថតនៅនេះសុទ្ធតែបានពាក់នូវឯកសណ្ឋានពេទ្យទាំងអស់ ដើម្បីឱ្យចៀសវាងនូវការថ្លោះធ្លោយណាមួយ ដែលយើងមិនអាចដឹង។ នៅសល់ ៤ ថ្ងៃទៀត ទើបខ្ញុំអាចរួចផុតពីការធ្វើចត្តាឡីស័ក និងត្រូវទៅធ្វើតេស្ដ។ នេះជាដំណាក់កាលកូវីដ–១៩ ដែលវាមិនស្គាល់នាយករដ្ឋមន្រ្តី ឬប្រធានគណបក្សនោះទេ។ ក្នុងពេលនេះដែរ អនុញ្ញាតឱ្យខ្ញុំបានស្វាគមន៍ចំពោះឯកឧត្ដម Manny Pacquiao ដែលជាប្រធានគណបក្សរបស់ហ្វីលីពីន ដែលបានចូលរួមជាមួយយើង។ ឯកឧត្ដមមិនគ្រាន់តែជាអ្នកជោគជ័យក្នុងវិស័យកីឡាទេ ប៉ុន្តែក្នុងឋានៈជាអ្នកជោគជ័យក្នុងវិស័យនយោបាយផងដែរ។ [ចប់ប្រសាសន៍ក្រៅបទអន្តរាគមន៍] ជាបឋម, ខ្ញុំសូមសម្តែងនូវអំណរគុណយ៉ាងជ្រាលជ្រៅចំពោះគណបក្សរួបរួមរុស្ស៊ី ដែលបានរៀបចំឡើងនូវសន្និសីទតុមូលនេះ ក្រោមប្រធានបទ «តួនាទី…
