សេចក្តីដកស្រង់ប្រសាសន៍ ក្នុងសង្កថា ក្នុងពិធីសំណេះសំណាលជាមួយកម្មករ និយោជិត នៅតំបន់កំបូល

ដំបូង ខ្ញុំសូមសំដែងនូវការស្វាគមន៍យ៉ាងកក់ក្ដៅចំពោះសម្ដេច ឯកឧត្តម លោកជំទាវ អស់លោក លោក ស្រី​ ពិសេស ក្មួយៗ ចៅៗ កម្មករ/ការិនីទាំងអស់​ចំនួនជាង ១៥.០០០ នាក់ ដែលបានអញ្ជើញចូលរួម នៅក្នុងពិធីសំណេះសំណាលនៅក្នុងថ្ងៃនេះ។ សង្ឃឹមថា ក្មួយៗ ចៅៗ នឹងបានទទួលនូវការសប្បាយរីក រាយនៃការជួបជុំនៅថ្ងៃនេះ។ ពិតមែនតែព្រះពិរុណ ដែលហៅថា ទឹកភ្លៀង មិនអនុគ្រោះសម្រាប់យើង នោះទេ។ អម្បាញ់មិញនេះ នៅតាមដងផ្លូវធ្វើដំណើរចូលមកដល់ទីនេះ ខ្ញុំ និងក្មួយៗចៅៗ ជាកម្មករ/ការិនី (រួមគ្នាដើរកាត់)ទឹកមួយចំនួន។ ហើយគិតទៅដល់រឿងនេះ កាលពី ២ ឆ្នាំមុន ខ្ញុំបានមើលឃើញនៅប្រ ទេសមួយ ដែលមានត្រឹមតែចៅ​ហ្វា​យខេត្ត ចៅហ្វាយស្រុកតែប៉ុណ្ណោះ ចុះទៅសួរសុខទុក្ខប្រជាពលរដ្ឋ ដែលរងគ្រោះដោយសារទឹកជំនន់។ ប៉ុន្តែចៅហ្វាយស្រុក ឬក៏ចៅហ្វាយខេត្តរូបនោះ បែរជាដាក់អោយគេ សែង ដើម្បីឆ្លងកាត់(ទឹក) គាត់អត់ហ៊ាន(ដើរ)ក្នុងទឹកទេ។ ប៉ុន្តែ(មិនជាលំបាក)សម្រាប់យើងទាំងអស់គ្នា នៅទីនេះ (ព្រោះយើង)សុទ្ធតែជាអ្នកដែលកើតចេញពីអ្នកក្រីក្រ។ ដូចជាខ្លួនខ្ញុំនេះ កើតក្នុងទឹកតែម្ដង ដោយសារតែវាជាឆ្នាំរោង ហើយនៅជាប់ទន្លេ វាជាទឹកធំ។…

ប្រមុខការពារជាតិកម្ពុជា ប្រកាសថា គណបក្សប្រឆាំងនឹងត្រូវរំលាយ ហើយកងទ័ពទាំងអស់ត្រៀមខ្លួនរួចជាស្រេច ប្រឆាំងបុគ្គលទាំងឡាយណាដែលចង់បង្កភាពវឹកវរដល់សង្គមកម្ពុជា

FN ៖ ប្រមុខការពារជាតិកម្ពុជា សម្ដេចពិជ័យសេនា ទៀ បាញ់ បានចេញមកប្រកាសជាសាធារណៈថា គណបក្សប្រឆាំងនឹងត្រូវរំលាយនៅខាងមុខនេះ ហើយកងទ័ពទាំងអស់ត្រៀមខ្លួន រួចជាស្រេចប្រឆាំងបុគ្គលទាំងឡាយណាដែលចង់បង្កភាពវឹកវរដល់សង្គម និងចង់ផ្ដួលរលំរាជរដ្ឋាភិបាលស្របច្បាប់។ នៅរសៀលថ្ងៃទី១៦ ខែតុលា ឆ្នាំ២០១៧នេះ សម្ដេចពិជ័យសេនា ទៀ បាញ់ បានអញ្ជើញជាអធិបតីភាពក្នុងពិធីផ្សព្វផ្សាយ សភាពការណ៍វិវត្តន៍ថ្មីលើវិស័យសន្ដិសុខ ការពារជាតិ ជូននាយទាហានគ្រប់អង្គភាពទាំងអស់ នៃក្រសួងការពារជាតិ និងអគ្គបញ្ជាការ។ ប្រមុខការពារជាតិកម្ពុជា បានថ្លែងបញ្ជាក់ថា សម្ដេចបានជម្រាបបានជំរាបទៅកាន់ សម្ដេចក្រឡាហោម ស ខេង ឧបនាយករដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃ រួចហើយថា «កងទ័ពត្រៀមខ្លួនជានិច្ចក្នុងការប្រយុទ្ធប្រឆាំងចំពោះបុគ្គលណា ដែលចង់ផ្ដួលរំលំរាជរដ្ឋាភិបាលស្របច្បាប់នោះ»។ ការចេញមកបញ្ជាក់បែបនេះរបស់សម្តេចពិជ័យសេនា ទៀ បាញ់ ខាងលើនេះ បានសំដៅនៅពេលគណបក្សសង្គ្រោះជាតិ អាចនឹងត្រូវរំលាយចោលនាពេលខាងមុខ ហើយបើសិនមានសភាពការណ៍ អ្វីកើតឡើងនាំឲ្យចលនានៅក្នុងសង្គមនោះ កងទ័ពទាំងអស់នឹងចាត់វិធានការភ្លាមៗ។ សម្តេចពិជ័យសេនា ក៏បានអំពាវនាវដល់មេអង្គភាពទាំងអស់ ត្រូវតែត្រៀមខ្លួនជានិច្ចចំពោះរាល់បទបញ្ជារបស់រាជរដ្ឋាភិបាល ក្នុងការកំចាត់បុគ្គលណាដែលចង់ផ្តួលរលំរាជរដ្ឋាភិបាល។ សម្តេចពិជ័យសេនា ទៀ បាញ់ បានបញ្ជាក់ថា បក្សប្រឆាំងជាប់ឆ្នោត៥៥កៅអី មិនដែលបានធ្វើអ្វីនោះទេ ក្រៅពីធ្វើពហិការមិនចូលប្រជុំក្នុងរដ្ឋសភា។ រាជរដ្ឋាភិបាលហ៊ានចាប់ប្រធានបក្សប្រឆាំងហើយ…

កម្ពុជាទទួលឧបករណ៍តេស្តរកសារធាតុញៀន ចំនួន១៤០០ប្រអប់​ ដែលជាអំណោយរបស់ប្រទេសអូស្រ្តាលី

FN ៖ នៅថ្ងៃទី១៦​ ខែតុលា​ ឆ្នាំ២០១៧​នេះ នាយឧត្តមសេនីយ៍​ មាស​ វីរិទ្ធអគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀនបានដឹកនាំមន្រ្តីជំនាញទៅទទួលឧបករណ៍តេស្តរកសារធាតុញៀនចំនួន១៤០០ប្រអប់​ ដែលជាអំណោយប្រទេសអូស្រ្តលីតាមរយៈលោក​ Paul Robilliard ឯកអគ្គទូត​អូស្ត្រាលីប្រចាំប្រទេសថៃ​ ដែល ពិធីប្រគល់ទទួលសម្ភារធ្វើតេស្តគ្រឿងញៀនទទួលបានការអញ្ជើញចូលរួមជាកិត្តិយសពីលោក Sirinya Sithichai អគ្គលេខាធិការក្រុមប្រឹក្សាត្រួតពិនិត្យគ្រឿងញៀនថៃ។ ក្នុងឱកាសនោះ​ ​ នាយឧត្តមសេនីយ៍​ មាស​ វិរិទ្ធ​ បានថ្លែងឲ្យដឹងថា​ នេះជាផ្នែកមួយនៃការគាំទ្រនិងរួមចំណែករបស់សហគមន៍អន្តរជាតិក្រោមគម្រោងប្រតិបត្តិការសុវត្ថិភាពទន្លេមេគង្គដែលទទួលបានការឯកភាពពីបណ្តាប្រទេសជាសមាជិកអាស៊ានជាមួយប្រទេសអ្នកផ្តល់ជំនួយក្នុងកិច្ចប្រជុំធ្វើឡើងនៅទីក្រុងឈៀងម៉ៃប្រទេសថៃនាឆ្នាំកន្លងទៅ​ ។ សូមបញ្ជាក់ថា​ សម្ភារតេស្តនោះដែលទទួលបាននៅពេលនេះរួមមានចំនួន៧០០០តេស្ត​ ចែកជា៤ប្រភេទ​ គឺ ១-តេស្តរកសារធាតុញៀនប្រភេទ​ម៉េតំហ្វេតាមី​ ហេរ៉ូ​អ៊ីន​ អិចស្តាស៊ី​ ២-តេស្តរកសារធាតុញៀនប្រភេទកូកាអ៊ីន​ ៣-តេស្តរកសារធាតុញៀនប្រភេទកញ្ឆា ៤-តេស្តរកសារធាតុញៀន​ ប្រភេទម៉េតំហ្វេតាមីន​ និងMDMA៕