សម្តេចតេជោ បើកកម្មវិធីឆ្លើយឆ្លងជាមួយយុវជន តាមហ្វេសប៊ុក

តេជោ តាមរយៈសារព័ត៌មាន

ថ្ងៃ ២២ មករា ឆ្នាំ ២០១៦, រួមជាមួយការថ្លែងអំណរគុណ ចំពោះយុវជនដែលតែងតែគាំទ្រ តាមដាន និងចែករំលែកព័ត៌មានពីគេហទំព័ររបស់ សម្តេចតេជោ ទៅកាន់មិត្ត​ភក្តិ ទាំងក្នុង និងក្រៅប្រទេស ពិសេស នៅក្នុងកំឡុងពេលពិនិត្យសុខភាពនៅសឹង្ហបូរី តាមការណែនាំរបស់គ្រូពេទ្យជំនាញកម្ពុជា សម្តេចតេជោ ហ៊ុន សែន បញ្ជាក់ថា “ហ្វេសប៊ុករបស់ខ្ញុំ ជាហ្វេសប៊ុកសន្តិភាព លើកតម្កើងសិទ្ធិសេរីភាព និងសកម្មភាព​ចូលរួមកសាងសង្គមដោយអហឹង្សា។ ខ្ញុំយល់ថាការចូលរួមពីមហាជន ជាពិសេសពីស្រទាប់យុវជន នឹង​ជួយ​ជំរុញការកសាងសង្គមជាតិកាន់តែមានសន្ទុះលឿនទៅមុខ”។ សម្តេចអះអាងថា “ដើម្បីបង្កបរិយា​កាស​កាន់តែ​រីករាយស្និទ្ធស្នាលជាមួយជនរួមជាតិ និងយុវជន សិស្ស និស្សិតនៅទូទាំង​ប្រ​ទេស ខ្ញុំនឹង​បើក​វេទិកាឆ្លើយឆ្លងជាមួយយុវជន និងជនរួមជាតិនៅក្នុង Facebook របស់​ខ្ញុំផ្ទាល់​ លើប្រ​ធានបទដែល​មាន​សារៈសំខាន់នានា”។ សម្តេចតេជោ បានអញ្ជើញយុវជនអោយផ្ញើអត្ថបទ ឃ្លីបសម្លេង ឃ្លីបវីដេអូ រូបថត រូប​គំនូរតាមមូលបទកសាងសង្គមជាតិ ដូចជា ការគោរពច្បាប់ចរាចរណ៍ អំពើល្អចំពោះ​មនុស្សចាស់ជរា និងជនពិការ អំពើល្អចំពោះកុមារ និងស្រ្តីទន់ខ្សោយ ការជួយគ្នានៅពេលមានគ្រោះ​ថ្នាក់​ចរាចរណ៍ ការ​ចូល​រួមរើសសំរាមសំអាតទីក្រុង និងតាមទីធ្លាសាធារណៈ ការទប់ស្កាត់ និងលុបបំបាត់​គ្រឿង​ញៀន និង​ការឈប់ជក់បារីជាដើម។ល។…

អភិរក្សព្រៃ និងបង្ក្រាបបទល្មើសព្រៃឈើ នៅត្បូងឃ្មុំ, កំណត់នីតិវិធី និងតម្លៃប័ណ្ណសម្គាល់ និងបើកបរយានយន្ត

តេជោ តាមរយៈសារព័ត៌មាន

ថ្ងៃ ១៥ មករា ២០១៦ បន្ថែមលើរបៀបវារៈដែលបានគ្រោងទុក នៃសម័យប្រជុំពេញអង្គគណៈរដ្ឋមន្ត្រី សម្តេច​អគ្គ​​មហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្រេច (១) ប្រគល់ភារ​កិច្ច​​ជូន​​ក្រសួងកសិកម្ម រុក្ខាប្រមាញ់ និងនេសាទ គណៈកម្មាធិការជាតិទទួលបន្ទុកកិច្ចការព្រំដែន និងអាជ្ញាធរ​ខេត្ត​ត្បូង​ឃ្មុំ ចុះពិនិត្យតំបន់ព្រៃមួយកន្លែងនៅជាប់ព្រំដែនក្នុងខេត្តត្បូងឃ្មុំ ដើម្បីដាក់ជាតំបន់ព្រៃអភិរក្ស (២) ប្រ​គល់​ភារកិច្ចជូន ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តី​ការ​គណៈ​រដ្ឋមន្ត្រី រៀបចំសេចក្តីសម្រេចបង្កើតគណៈកម្មាធិការចម្រុះមួយ ដែលរួមមានកងកម្លាំងប្រដាប់អាវុធ រដ្ឋបាល​ព្រៃ​​ឈើ អាជ្ញាធរខេត្តពាក់ព័ន្ធ និងស្ថាប័នរដ្ឋចាំបាច់មួយចំនួនទៀត ដឹកនាំដោយឯកឧត្តម នាយឧត្តម​សេ​នីយ៍ សៅ សុខា អគ្គមេបញ្ជាការរងកងយោធពលខេមរៈភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ធ្វើ​ការ​បង្ក្រាបឲ្យខានតែបាន នូវបទល្មើសនាំចេញឈើ តាមច្រកមួយចំនួននៃបណ្តាខេត្តជាប់ព្រំដែនវៀតណាម ពិ​សេស​ខេត្តត្បូងឃ្មុំ និងប្រគល់ភារកិច្ចជូន ឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឯក​ឧត្តម ត្រាំ អ៊ីវតឹក រដ្ឋមន្ត្រីក្រសួងសាធារណការ និងដឹកជញ្ជូន រៀបចំកំណត់ឲ្យបានឆាប់រហ័សនូវតម្លៃ និងនិតី​វិធី​នៃការធ្វើប័ណ្ណសំគាល់យានយន្ត ការត្រួតពិនិត្យ…

ពង្រឹងសហប្រតិបត្តិការជាមួយហុងគ្រី, ចែករំលែកបទពិសោធន៍ដឹកនាំ ដល់ក្រុមនិស្សិត Harvard

តេជោ តាមរយៈសារព័ត៌មាន

ថ្ងៃ ១៤ មករា ឆ្នាំ ២០១៦ ទទួលជួបពិភាក្សាការងារជាមួយ ឯកឧត្តមរដ្ឋមន្រ្តីការបរ​ទេស​ហុងគ្រី រួមទាំងគណៈប្រតិភូ នៅវិមានសន្តិភាព សម្តេចតេជោ ហ៊ុន សែន បានសំដែងនូវក្តីសោម​នស្ស​រីករាយ ចំពោះមិត្តចាស់ហុងគ្រី ដែលបានភ្ជាប់ទំនាក់ទំនងជាមួយកម្ពុជាតាំងពី ឆ្នាំ១៩៦៣ មក​ម៉្លេះ។ រដ្ឋមន្ត្រីការបរទេសហុងគ្រី បានស្ងើចសរសើរចំពោះការដឹកនាំរបស់សម្តេចតេជោ ដែល​បានធ្វើ​អោយ​ប្រទេសជាតិរីកចម្រើន ប្រកបដោយកំណើនសេដ្ឋកិច្ចខ្ពស់ក្នុងរយៈពេលជាង ២០ ឆ្នាំកន្លងមក​នេះ។ ថ្មីៗនេះ ដើម្បីជម្រុញកិច្ចសហប្រតិបត្តិការក្នុងកម្រិតមួយថ្មីទៀត ហុងគ្រីបានបើកការិយាល័យ​ទំនាក់ទំនងពាណិជ្ជកម្ម និងបើកធនាគារដើម្បីផ្ដល់ឥណទាននៅកម្ពុជាផង។ ភាគីហុងគ្រី​មានចំ​ណាប់អា រម្មណ៍សហការ និងជួយកម្ពុជាលើវិស័យមួយចំនួនដូចជា បច្ចេកវិទ្យានៃការគ្រប់គ្រងទឹក កសិ​កម្ម បច្ចេក វិទ្យាព័ត៌មាន និងហេដ្ឋារចនាសម្ព័ន្ធ។ ចំពោះការអភិវឌ្ឍធនធានមនុស្ស ហុងគ្រីបានសន្យា​បន្ត​ផ្ដល់អា ហារូបករណ៍យ៉ាងហោចណាស់ ចំនួន ១៥ កន្លែង ក្នុងមួយឆ្នាំដល់កម្ពុជា។ ប្រទេសទាំងពីរ​បានសន្យា ពង្រឹងការផ្សារភ្ជាប់ទំនាក់ទំនងសហប្រតិបត្តិការផ្នែកសេដ្ឋកិច្ច ពាណិជ្ជកម្ម និងទេសចរណ៍​ ក៏ដូចជាជំរុញ ទំនាក់ទំនងទ្វេភាគីអោយកាន់តែល្អប្រសើរ។ នៅថ្ងៃដដែល សម្តេចតេជោ ហ៊ុន សែន បានទទួលជួបលោក និងប្រតិភូនិស្សិតកម្ម​សិក្សា ភាពជាអ្នកដឹកនាំនៅអាស៊ី…