ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញពិនិត្យវឌ្ឍនភាពនៃការសាងសង់ អាកាសយានដ្ឋានអន្តរជាតិសៀមរាប-អង្គរ

FN៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃអាទិត្យ ទី០៣ ខែមេសា ឆ្នាំ២០២២នេះ អញ្ជើញពិនិត្យវឌ្ឍនភាពនៃការសាងសង់អាកាសយានដ្ឋានអន្តរជាតិ សៀមរាប-អង្គរ ស្ថិតនៅក្នុងឃុំពពេល និងឃុំតាយ៉ែក ស្រុកសូទ្រនិគម ខេត្តសៀមរាប។ អាកាសយានដ្ឋានអន្តរជាតិសៀមរាប-អង្គរ គ្រោងចំណាយទុនវិនិយោគប្រមាណ ៨៨០លានដុល្លារអាមេរិក។ អាកាសយានដ្ឋាននេះ បានចាប់ផ្តើមដំណើរការសាងសង់នៅថ្ងៃទី១៥ ខែមីនា ឆ្នាំ២០២០ ហើយគ្រោងប្រើរយៈពេលសាងសង់សរុបចំនួន ៣៦ខែ ឬ ៣ឆ្នាំ ដោយបានប្រើប្រាស់កម្មករប្រមាណជាង ១,០០០នាក់ ក្នុងនោះ ៧០ភាគរយជាពលករខ្មែរ។ តាមគម្រោងអាកាសយានដ្ឋានអន្តរជាតិសៀមរាប-អង្គរ គ្រោងនឹងបញ្ចប់ការសាងសង់នៅថ្ងៃទី៣០ ខែមីនា ឆ្នាំ២០២៣ និងដំណើរការសាកល្បង ជាលើកដំបូងនៅខែតុលា ឆ្នាំ២០២៣។ បច្ចុប្បន្នការសាងសង់សម្រេចបានប្រមាណ ២២ភាគរយ នៃផែនការសរុប។ នៅក្នុងឱកាសអញ្ជើញពិនិត្យវឌ្ឍនភាពនៃការសាងសង់ អាកាសយានដ្ឋានអន្តរជាតិសៀមរាប-អង្គរ, សម្តេចតេជោ ហ៊ុន សែន បានថ្លែងសុន្ទរកថាសំណេះសំណាលប្រមាណជាង១ម៉ោង។ ខាងក្រោមជាខ្លឹមសារសំខាន់ៗរបស់សម្តេចតេជោ៖ * សម្តេចតេជោ ហ៊ុន សែន ប្រកាសថា ដល់ពេលដែលកម្ពុជាប្រកាសពីតារារៈទិសឧត្តរហើយ។ * សម្តេចតេជោ…

សេចក្ដីដកស្រង់ប្រសាសន៍ សម្ដេចតេជោ ហ៊ុន សែន ពិនិត្យការងារជាក់ស្ដែងនៅការដ្ឋានអាកាសយានដ្ឋានអន្តរជាតិសៀមរាបអង្គរ

សម្តេច ឯកឧត្តម លោកជំទាវ​ អស់លោក/ស្រី! លោក LU WEI និងប្រធានក្រុមហ៊ុន AIAI និងបុគ្គលិកទាំងអស់ ដែលបានចូលរួមការងារជាមួយយើង! “តារារះនៅទិសឧត្តរ” … វឌ្ឍនភាពនៃការសាងសង់អាកាសយានដ្ឋានអន្តរជាតិសៀមរាបអង្គរ ខ្ញុំក៏សូមធ្វើគារវកិច្ច ចំពោះកម្មករ ទាំងកម្ពុជា/ចិន ដែលធ្វើការនៅទីនេះ។ ខ្ញុំក៏សូមថ្លែងពីទីនេះ ជូនចំពោះបងប្អូនជនរួមជាតិ ដែលកំពុងមើលការផ្សាយបន្តផ្ទាល់ចេញពីទឹកដីនៃខេត្តសៀមរាប។ ថ្ងៃនេះ យើងទាំងអស់គ្នា បានមកពិនិត្យវឌ្ឍនភាពនៃការកសាងអាកាសយានដ្ឋានអន្តរជាតិសៀមរាប-អង្គរ ហើយនៅថ្ងៃស្អែកនេះ សម្ពោធដាក់ឱ្យប្រើប្រាស់នូវផ្លូវ(ចំនួន) ៣៨ ខ្សែ នៅឯទីក្រុងសៀមរាប។ ខ្ញុំគិតថា វាល្មមដល់ពេល ដែលយើង ត្រូវប្រកាសថា “តារារះនៅទិសឧត្តរ” បន្ទាប់ពីយើងបានប្រកាស “តារារះនៅទិសនិរតី” ដែលសំដៅទៅលើតំបន់ឆ្នេរ ដែលជាតំបន់ទេសចរណ៍របស់យើង។ បន្ទាប់ពីរបាយការណ៍របស់ ឯកឧត្តម តឹករ៉េត សំរេច ប្រធានគណៈកម្មការតម្រង់ទិសសម្រាប់ការសាងសង់អា​កាសយានដ្ឋានអន្តរជាតិសៀមរាប-អង្គរ ហើយបន្ទាប់ពីយើងបានឃើញផ្ទាល់ភ្នែកនូវការដ្ឋានដែលបានសាងសង់រួចមកហើយ ជាពិសេស ផ្លូវរត់និងការដ្ឋានមួយចំនួនផ្សេងទៀត យើងមានការជឿជាក់ចំពោះវឌ្ឍនភាពដែលបានកើតរួចមកហើយ បើទោះបីជា មានការលំបាកនៅក្នុងដំណាក់កាលកូវីដ-១៩ ដែលធ្វើឱ្យរាំងស្ទះដល់ការដឹកជញ្ជូនសម្ភារបរិក្ខារមកកាន់ទីនេះ។ បើទោះបីមានការរអាក់រអួលបែបនេះ ឃើញថាក្រុមហ៊ុនក៏ដូចជា គណៈកម្មការសាងសង់នៅតែសម្រេចឱ្យបាន ដើម្បីឈានទៅបើកឱ្យប្រើប្រាស់នៅក្នុងឆ្នាំ ២០២៣…

អនុព័ន្ធយោធាថ្មីវៀតណាម នឹងខិតខំជំរុញសន្ទុះទំនាក់ទំនងមិត្តភាព និងកិច្ចសហប្រតិបត្តិការយោធាប្រទេសទាំងពីរ

FN៖ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក រំពឹងថា អនុព័ន្ធយោធាវៀតណាមថ្មី ប្រចាំកម្ពុជានឹងចូលរួមចំណែកជំរុញសន្ទុះនៃទំនាក់ទំនងមិត្តភាព និងកិច្ចសហប្រតិបត្តិការយោធាទ្វេភាគី ឱ្យកាន់តែរីកចម្រើនជិតស្និទ្ធ និងរឹងមាំបន្ថែមទៀត។ លោកឧត្តមសេនីយ៍ឯក ហ៊ុន ម៉ាណែត បានលើកឡើងបែបនេះនៅក្នុងឱកាសដែល លោកអនុញ្ញាតឱ្យ លោក ង្វៀន ហ៊ុយតាំង ឯកអគ្គរដ្ឋទូតនៃសាធារណរដ្ឋសង្គមនិយមវៀតណាមប្រចាំនៅកម្ពុជា, លោកវរសេនីយ៍ឯក ង្វៀន ថាញ់ជីញ អនុព័ន្ធយោធាដែលទើបបញ្ចប់អាណត្តិ និងលោកវរសេនីយ៍ឯកបម្រុង ជិន វ៉ាន់តឹម អនុព័ន្ធយោធាថ្មី ចូលជួបសម្តែងការគួរសម។ ជំនួបនេះ បានធ្វើឡើងនៅទីបញ្ជាការកងទ័ពជើងគោក នាព្រឹកថ្ងៃទី៣១ ខែមីនា ឆ្នាំ២០២២នេះ។ មេបញ្ជាការកងទ័ពជើងគោក ក៏បានអបអរសាទរ និងស្វាគមន៍ចំពោះការចូលកាន់តំណែងរបស់អនុព័ន្ធយោធាវៀតណាមថ្មី ដែលនឹងចូលរួមចំណែកក្នុងការជំរុញសន្ទុះនៃទំនាក់ទំនងមិត្តភាព និងកិច្ចសហប្រតិបត្តិការយោធាទ្វេភាគី ឱ្យកាន់តែរីកចម្រើនជិតស្និទ្ធ និងរឹងមាំបន្ថែមទៀត ស្របតាមទិសដៅរបស់ក្រសួងការពារជាតិនៃប្រទេសទាំងពីរ សំដៅធានាបាននូវសន្តិភាព និងវិបុលភាពសម្រាប់ប្រទេសនីមួយៗ ក៏ដូចជាតំបន់ទាំងមូល។ ឧត្តមសេនីយ៍ឯក ហ៊ុន ម៉ាណែត បានថ្លែងអំណរគុណចំពោះកិច្ចខិតខំប្រឹងប្រែង និងសមិទ្ធផលការងារក្នុងអាណត្តិការទូតយោធារបស់ លោកវរសេនីយ៍ឯក ង្វៀន ថាញ់ជីញ…