សម្តេចតេជោ ហ៊ុន សែន អំពាវនាវឲ្យប្រជាពលរដ្ឋអ្នកធ្វើដំណើរយោគយល់គ្នាក្នុងការធ្វើចរាចរណ៍ នៅបរិវេណការដ្ឋានសាងសង់ស្ពានអាកាសផ្សារដីហុយទី៥

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសអំពាវនាវឲ្យបងប្អូនអ្នកធ្វើដំណើរ និងសាធារណជន មេត្តាយោគយល់ និងអធ្យាស្រ័យក្នុងការធ្វើចរាចរណ៍នៅលើដងផ្លូវម្តុំបរិវេណការដ្ឋានសាងសង់ស្ពានអាកាសផ្សារដីហុយទី៥ ដែលស្ថិតនៅលើដងផ្លូវសហព័ន្ធរុស្សី ដែលប្រសព្វជាមួយផ្លូវលេខ១០១៩ នេះបើយោងតាម Facebook ផ្លូវការរបស់សម្តេចតេជោ ហ៊ុន សែន បានបង្ហោះឲ្យដឹងនៅមុននេះបន្តិច។ ការអំពាវនាវរបស់សម្តេចតេជោ ហ៊ុន សែន នាពេលនេះបានធ្វើឡើងក្រោយពេលដែលសម្តេចតេជោ សង្កេតឃើញថា ការដ្ឋានសាងសង់ស្ពាន គឺមានហ៊ុមព័ទ្ធរបងដែលធ្វើឲ្យដងផ្លូវនៅចំណុចការដ្ឋានរួមតូចចង្អៀត ហើយអាចមានការកកស្ទះចរាចរណ៍។ Facebook ផ្លូវការរបស់សម្តេចតេជោ ហ៊ុន សែន បានបញ្ជាក់ឲ្យដឹងថា ស្ពានអាកាសទី៥ ក្នុងរាជធានីភ្នំពេញនេះ គឺនឹងជួយសម្រួលដល់បញ្ហាកកស្ទះចរាចរណ៍ នៅតំបន់ជុំវិញទីនេះបានយ៉ាងច្រើន ហើយនឹងធ្វើឲ្យការធ្វើដំណើររបស់ប្រជាពលរដ្ឋកាន់តែងាយស្រួលជាងមុន។ ស្ពានអាកាសផ្សារដីហុយទី៥ ស្ពានអាកាសផ្សារដីហុយ គឺជាគម្រោងស្ពានអាកាសទី៥ នៅរាជធានីភ្នំពេញ ដែលបាននឹងកំពុងសាងសង់យ៉ាងមមាញឹក បន្ទាប់ពីបានបើកការដ្ឋានសាងសង់កាលពីខែសីហាឆ្នាំ ២០១៦ កន្លងទៅនេះ។ មកទល់ពេលនេះគឺសំរេចបានប្រមាណ៣០% ហើយ។ មន្រ្តីជំនាញសាងសង់កំពុងបន្តចាក់តម្លើងសសរស្ពាន ចាក់ជើងតាង និងចាក់ពុម្ពសសរបេតុងស្ពាន។ គម្រោងសាងសង់ «ស្ពានអាកាសស្តុបផ្សារដីហុយ» នេះ មានប្រវែង៩០៥ម ទទឹង១៦.៥ម គ្រោងនឹងបព្ចាប់ការសាងសង់ នៅខែធ្នូ…

សម្តេចតេជោ ហ៊ុន សែន អំពាវនាវ​ឲ្យ​ប្រជាពលរដ្ឋ ចូលរួម​ការប្រកួតកីឡា​កងយោធពល​ខេមរភូមិន្ទ ឆ្នាំ២០១៧ ឲ្យបាន​គ្រប់ៗគ្នា

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាស​អំពាវនាវ​ឲ្យប្រជាពលរដ្ឋ ចូលរួម​ការប្រកួតកីឡា កងយោធពលខេមរភូមិន្ទ​ឆ្នាំ២០១៧ ចាប់ពីថ្ងៃទី​០៦ ដល់០៨ ខែមករា ឆ្នាំ​២០១៧ ឲ្យបានគ្រប់ៗគ្នា។ នេះបើតាម​ការបង្ហោះឲ្យដឹង​នៅលើ Facebook ផ្លូវការរបស់​សម្តេចតេជោ ហ៊ុន សែន នៅមុននេះបន្តិច។ Facebook ផ្លូវការ​របស់​សម្តេចតេជោ ហ៊ុន សែន បានបញ្ជាក់ឲ្យដឹងថា ការប្រកួត​កីឡា​កងយោធ​ពល​ខេមរភូមិន្ទ ឆ្នាំ២០១៧ ការប្រកួតកីឡា​កងយោធពល​ខេមរភូមិន្ទ ឆ្នាំ២០១៧ គឺធ្វើឡើង​ចាប់ពីថ្ងៃទី​០៦ ដល់ ០៨ ខែមករា ឆ្នាំ២០១៧ នៅមជ្ឈមណ្ឌលកោះពេជ្រ រាជធានីភ្នំពេញ។ Facebook សម្តេចតេជោ ដដែលបន្ថែមថា ការប្រកួតកីឡាកងយោធពលខេមរភូមិន្ទ ឆ្នាំ២០១៧ (ការប្រកួតកីឡាកងទ័ព) គឺជាព្រឹត្តិការណ៍ដ៏ធំមួយ ដែលត្រូវបានរៀបចំឡើងក្នុងគោលបំណងសំខាន់ៗដូចជា៖ ១៖ ដើម្បីរំលឹកខួបអនុស្សាវរីយ៍ទិវាបុណ្យជាតិថ្ងៃជ័យជំនះពីរបបប្រល័យពូជសាសន៍ប៉ុលពត (៧ មករា ១៩៧៩ – ៧ មករា ២០១៧) ២៖ ដើម្បីប្រមូលមូលនិធិគាំទ្រសកម្មភាពសមាគមអតីតយុទ្ធជនកម្ពុជា។ ៣៖…

សម្តេចតេជោ ហ៊ុន សែន៖ ស្ពានអាកាស៥មករាដំណើរការបាន១ឆ្នាំហើយ, ស្ពាននេះបានជួយសម្រួលចរាចរណ៍ ដល់ប្រជាពលរដ្ឋច្រើន

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានមានប្រសាសន៍ឲ្យដឹង នៅលើ Facebook ផ្លូវការសម្តេចថា ស្ពាន៥មករា ​បានដាក់ឲ្យប្រើប្រាស់ការរយៈពេល១ឆ្នាំហើយ គិតចាប់ពីថ្ងៃទី០៥ ខែមករា ឆ្នាំ២០១៦។ សម្តេចតេជោ ហ៊ុន សែន បានបញ្ជាក់ថា ក្រោយពីមានការដាក់ដំណើរការស្ពាននេះគឺ ពិតជាបានជួយសម្រួលចរាចរណ៍ ដល់បងប្អូនប្រជាពលរដ្ឋបានច្រើន។ Facebook ផ្លូវការរបស់សម្តេចបានបញ្ជាក់យ៉ាងដូច្នេះថា៖ «ស្ពានអាកាស៥មករា (ស្ពានតិចណូ) ថ្ងៃនេះក៏ជាថ្ងៃ ខួប១ឆ្នាំនៃការសម្ពោធដាក់ឲ្យប្រើប្រាស់ ស្ពានអាកាស៥មករា (ស្ពានតិចណូ) ដែលស្ថិតនៅខណ្ឌទួលគោក រាជធានីភ្នំពេញ ត្រង់ចំណុចប្រសព្វមហាវិថីសហព័ន្ធរុស្ស៊ី មហាវិថីគីមអ៊ីលស៊ុង និងមហាវិថីម៉ៅសេទុង ត្រង់ភ្លើងស្តុបតិចណូ។ ស្ពាន៥មករា បានដាក់ឲ្យប្រើប្រាស់កាលពីថ្ងៃទី០៥ ខែមករា ឆ្នាំ២០១៦ ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ តាំងពីស្ពានអាកាសនេះបានដាក់អោយដំណើរការ គឺពិតជាបានជួយសម្រួលចរាចរណ៍ដល់បងប្អូន ប្រជាពលរដ្ឋបានច្រើនណាស់។ ពីមុនចំណុចប្រសព្វផ្លូវនៅម្តុំនេះគឺកកស្ទះចរាចរណ៍ខ្លាំងណាស់ ជាពិសេសពេលរថយន្តបត់ចេញចូលទៅទីតាំងទួលគោក»។ ជាមួយគ្នានោះដែរ សម្តេចតេជោ ហ៊ុន សែន បានអំពាវនាវឲ្យប្រជាពលរដ្ឋ ជួយថែរក្សាផ្លូវស្ពាន…