បច្ចុប្បន្នភាពកម្ពុជា

ក្រសួង​ពាណិជ្ជកម្ម​នឹងជំរុញកិច្ច​សហប្រតិបត្តិការ​ពាណិជ្ជកម្ម សេដ្ឋកិច្ច និង​ទេសចរណ៍ ជាមួយ​ខេត្តសានស៊ី ប្រទេសចិន​

FN ៖ នៅព្រឹកថ្ងៃទី២៧ ខែវិច្ឆិកា ឆ្នាំ២០១៧នេះ មន្ត្រីជាន់ខ្ពស់ក្រសួងពាណិជ្ជកម្មរបស់កម្ពុជា បានចុះអនុស្សរណៈ​ជាមួយប្រតិភូខេត្តសានស៊ីរបស់ប្រទេសចិន ដើម្បីពង្រឹង និងពង្រីកកិច្ចសហការលើវិស័យសេដ្ឋកិច្ច ពាណិជ្ជកម្ម និងទេសចរណ៍​រវាងប្រទេសទាំងពីរ។

ពិធីនេះត្រូវបានរៀបចំឡើងនៅក្នុងវេទិកាជំរុញពាណិជ្ជកម្ម និងវិនិយោគកម្ពុជា-សានស៊ី ក្រោមគណៈអធិបតីភាព លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា លោក ហ៊ូ ហេភីង អភិបាលខេត្តសានស៊ីប្រទេសចិន និងលោក ហ្សុង ប៉ូ ឯកអគ្គរដ្ឋទូតចិនប្រចាំប្រទេសកម្ពុជា និងមានការចូលរួមពីថ្នាក់ដឹកនាំ មន្ត្រីរាជការ ព្រមទាំងប្រតិភូពាណិជ្ជករ​នៃខេត្តសានស៊ីជាង ២០០នាក់។

នៅក្នុងឱកាសនោះ លោក ប៉ាន សូរស័ក្តិ បានលើកឡើងពីទំនាក់ទំនងការទូតល្អរវាងកម្ពុជា និងចិន ព្រមទាំងការជួយគាំទ្រ​របស់ប្រទេសចិន ចំពោះការរៀបចំកិច្ចប្រជុំតុមូលចិនលើកទី៥ ក៏ដូចជាការអភិវឌ្ឍវិស័យផ្សេងៗនៅក្នុងប្រទេសកម្ពុជា។ លោករដ្ឋមន្ត្រី ក៏បានលើកឡើងពីអត្ថប្រយោជន៍នៃការបង្កើតមជ្ឈមណ្ឌលពាណិជ្ជកម្ម នៅទីក្រុងស៊ីអាន នៃខេត្តសានស៊ី សម្រាប់ទាក់ទាញគម្រោងវិនិយោគពីប្រទេសចិន និងជំរុញកំណើនសេដ្ឋកិច្ច។

លោក ហ៊ូ ហេភីង បានគូសបញ្ជាក់ពីវឌ្ឍនភាពល្អនៃពាណិជ្ជកម្មទ្វេភាគី រវាងប្រទេសកម្ពុជា និងខេត្តសានស៊ី ដែលមានទំហំ​ទឹកប្រាក់ ១,២៩ពាន់លានដុល្លារអាមេរិក ព្រមទាំងការចូលរួមរបស់សហគ្រាសចិន នៅក្នុងការអភិវឌ្ឍប្រព័ន្ធធារាសាស្ត្រ ទូរគមនាគមន៍ វារីអគ្គិសនី និងហេដ្ឋារចនាសម្ព័ន្ធនៅក្នុងប្រទេសកម្ពុជា។ ឯកឧត្តមអភិបាលខេត្ត ក៏បានចង្អុរបង្ហាញពី​សក្តានុពល និងលទ្ធភាពសហការលើ​វិស័យ​ឧស្សាហកម្ម រវាងវិស័យឯកជន​នៃប្រទេសទាំងពីរ។

សូមបញ្ជាក់ថា ប្រទេសចិនជាដៃគូពាណិជ្ជកម្មទីមួយ និងជាប្រភពទុនវិនិយោគផ្ទាល់ពីបរទេសធំបំផុតរបស់ប្រទេសកម្ពុជា។ គិតត្រឹមខែមិថុនា ឆ្នាំ២០១៦ ទំហំទឹកប្រាក់វិនិយោគដោយផ្ទាល់ពីប្រទេសចិននៅកម្ពុជា មានចំនួន ១,២០០លានដុល្លារ​អាមេរិក រីឯទំហំពាណិជ្ជកម្មនៃប្រទេសទាំងពីរ មានចំនួន ២,៣៤០លានដុល្លារអាមេរិក ពោលគឺបានកើនឡើង១០.២% បើប្រៀបធៀបនឹង​ដំណាក់កាលដូចគ្នាកាលពីឆ្នាំមុន៕

អគ្គនាយកដ្ឋានពន្ធដារ អំពាវនាវឲ្យអ្នកជាប់ពន្ធ លើប្រាក់ចំណូលប្រចាំឆ្នាំ២០១៦ សូមប្រញាប់មកដាក់លិខិតប្រកាស និងបង់ពន្ធ ឲ្យបានមុនថ្ងៃទី៣១ ខែមីនានេះ!

FN ៖ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២៧ ខែមីនា ឆ្នាំ២០១៧នេះ បានចេញសេចក្តី​ជូនដំណឹង ស្តីពីការរំលឹកការបង់ពន្ធលើប្រាក់ចំណូល ប្រចាំឆ្នាំ២០១៦ ដោយអំពាវនាវដល់អ្នកជាប់ពន្ធទាំងអស់ ដែលមិន​ទាន់មកដាក់លិខិតប្រកាស និងបង់ពន្ធ សូមប្រញាប់មកបំពេញកាតព្វកិច្ច ឲ្យបានមុនថ្ងៃទី៣១ ខែមីនា ឆ្នាំ២០១៧ខាងមុខ​នេះ។

សេចក្តីជូនដំណឹងបានឲ្យដឹងថា «អគ្គនាយកដ្ឋានពន្ធដារ សូមក្រើនរំលឹកចំពោះម្ចាស់ សហគ្រាសជាអ្នកជាប់ពន្ធទាំងឡាយ ដែលពុំទាន់បានបំពេញកាតព្វកិច្ចបង់ពន្ធ មេត្តារួសរាន់អញ្ជើញមកប្រកាស បង់ពន្ធឲ្យបានទាន់ពេលវេលា។ ការខកខាន​មិនបានដាក់លិខិតប្រកាសបង់ពន្ធ ទាន់ពេលវេលា អ្នកជាប់ពន្ធនឹងត្រូវទទួលរងនូវទោសទណ្ឌ តាមច្បាប់ជាធរមាន»។

លើកពីនេះទៅទៀតនោះ ទាក់ទិននឹងការលើកទឹកចិត្តលើកលែងពន្ធលើប្រាក់ចំណូលរយៈពេល២ឆ្នាំ សម្រាប់ការចុះបញ្ជីដោយស្ម័គ្រចិត្តរបស់សហគ្រាសធុនតូច និងសហគ្រាសធុនមធ្យម ដែលរាជរដ្ឋាភិបាលចេញ​អនុក្រឹត្យលេខ ១៧ អនក្រ.បក ចុះថ្ងៃទី០៧ ខែកុម្ភៈ ឆ្នាំ២០១៧ អគ្គនាយដ្ឋានពន្ធដារសង្កេតឃើញមានការភ័ន្តច្រឡំ ថាការលើកលែងពន្ធលើប្រាក់ចំណូលនេះ ត្រូវបានអនុវត្តជាទូទៅ លើសហគ្រាសធុនតូច និងសហគ្រាសធុនមធ្យមទាំងអស់ ដែលនាំឲ្យសហគ្រាសមួយចំនួន ខកខានមិនបានមកបំពេញកាតព្វកិច្ចដាក់លិខិត ប្រកាសបង់ពន្ធប្រចាំខែ ប្រចាំឆ្នាំឡើយ។

អគ្គនាយកដ្ឋានពន្ធដារសូមធ្វើការបញ្ជាក់ជូនថា «ការលើកទឹកចិត្តលើកលែងពន្ធលើប្រាក់ចំណូលរយៈពេល២ ឆ្នាំនេះ ផ្តល់ឲ្យចំពោះតែសហគ្រាសធុនតូច និងសហគ្រាសធុនមធ្យម ដែលមកចុះបញ្ជីពន្ធដារដោយស្ម័គ្រចិត្ត ក្នុងអំឡុងឆ្នាំ២០១៧ និង២០១៨ប៉ុណ្ណោះ»៕

ប្រជាពលរដ្ឋស្រុកបរសេដ្ឋជិត៤ពាន់នាក់ ថ្លែងអំណរគុណលោក ហ៊ុន ម៉ានី ដែលចាត់ក្រុមគ្រូពេទ្យ ចុះព្យាបាលជំងឺជូនពួកគាត់ដល់គេហដ្ឋាន​

FN ៖ ប្រជាពលរដ្ឋជិត៤ពាន់នាក់ រស់នៅឃុំកក់ ស្រុកបរសេដ្ឋ ខេត្តកំពង់ស្ពឺ បានសម្ដែងការរំភើបរីករាយ និងថ្លែងអំណរគុណ ចំពោះលោក ហ៊ុន ម៉ានី អ្នកតំណាងរាស្ត្រមណ្ឌលកំពង់ស្ពឺ ដែលបានចាត់ឲ្យក្រុមការងារ គ្រូពេទ្យស្ម័គ្រចិត្តរបស់លោកចុះជួយពិនិត្យ និងព្យាបាលជំងឺជូនពួកគាត់ ដោយឥតគិតថ្លៃ។

ក្រុមការងារគ្រូពេទ្យស្ម័គ្រចិត្ត របស់លោក ហ៊ុន ម៉ានី ប្រមាណ២១៦នាក់ ដឹកនាំដោយលោក លេង ផាលី ប្រធានក្រុមការងារ​គ្រូពេទ្យស្ម័គ្រចិត្ត លោក ហ៊ុន ម៉ានី នៅថ្ងៃទី២៦ ខែមីនាម្សិលមិញ បាននាំអំណោយថ្នាំពេទ្យ ចុះទៅពិនិត្យព្យាបាលជំងឺជូនប្រជាពលរដ្ឋ នៅឃុំកក់ ស្រុកបរសេដ្ឋ ខេត្តកំពង់ស្ពឺ ដោយឥតគិតថ្លៃ​ចំនួន៤៥២៥នាក់ ដោយក្នុងនោះជំងឺកុមារចំនួន៥៧៣នាក់ ជំងឺ ស្ត្រី៥១១នាក់ ជំងឺផ្លូវដង្ហើម៣១៥នាក់ ជំងឺផ្លូវចិត្ត៣១២នាក់ ជំងឺឬសដូងបាត២៩២នាក់ ជំងឺទឹកនោមផ្អែម៤១២នាក់ ជំងឺមាត់ធ្មេញ២៧៧នាក់ ជំងឺភ្នែកចំនួន២៧៩នាក់ និងជំងឺទូទៅ ៥៤៨នាក់។

លោក ផែត ផុន ប្រជាពលរដ្ឋដែលរស់នៅ ស្រុកបសេដ្ឋ ខេត្តកំពង់ស្ពឺ បានថ្លែងឲ្យដឹង «ថ្ងៃនេះខ្ញុំ និង​​អ្នកភូមិជាច្រើន សូមថ្លែងអំណរ​គុណ​​យ៉ាងជ្រាលជ្រៅ ឯកឧត្តម ហ៊ុន ម៉ានី និងក្រុមការងារគ្រូពេទ្យស្ម័គ្រចិត្ត របស់ឯកឧត្តមដែលបានចុះមក ពិនិត្យព្យាលបាលជំងឺប្រជាពលរដ្ឋ ដោយឥតគិតថ្លៃនេះ ហើយការចុះមកជួយរបស់ក្រុមគ្រូពេទ្យនេះ ​បានជួយដល់អ្នកភូមិ ស្រុកច្រើនណាស់ដូចជាកាត់បន្ថយភាពក្រីក្រ ព្រោះអ្នកភូមិមានជីវភាពក្រីក្រ និងមានអ្នកជំងឺច្រើន ខ្ញុំក៏សូមស្នើឲ្យឯកឧត្តម ហ៊ុន ម៉ានី ក៏ដូចជាក្រុមគ្រូពេទ្យស្ម័គ្រចិត្ត ចុះមកជួយប្រជាពលរដ្ឋឲ្យ បានច្រើនដងថែមទៀត»។

អ្នកស្រី ង៉ែត ង៉ត ប្រជាពលរដ្ឋក្នុងស្រុកបសេដ្ឋ បានថ្លែងឲ្យដឹងថា «ក្នុងថ្ងៃនេះខ្ញុំពិតជាមានភាពរីករាយ សប្បាយចិត្តណាស់ដោយ មានការចុះមកជួយ ពិនិត្យព្យាបាល​ដោយឥតគិតថ្លៃរបស់ ក្រុមគ្រូពេទ្យស្ម័គ្រចិត្ត...Read More

ក្រសួងកសិកម្ម ចេញសេចក្តីសម្រេចបញ្ឈប់ការនាំចូល ផ្គត់ផ្គង់ចែកចាយ និងប្រើប្រាស់ថ្នាំកសិកម្ម ដែលមានសារធាតុសកម្ម Tricyclazole ចាប់ពីថ្ងៃទី២៧ ខែមីនានេះ !

FN ៖ ទីបំផុតក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីសម្រេច បញ្ឈប់ការនាំចូល ផ្គត់ផ្គង់ចែកចាយ និងប្រើប្រាស់ថ្នាំកសិកម្ម ដែលមានសារធាតុសកម្ម Tricyclazole ចាប់ពីថ្ងៃទី២៧ ខែមីនា ឆ្នាំ២០១៧ បន្ទាប់ពីសហគមន៍អឺរ៉ុប ដែលជាទីផ្សារនាំចេញអង្ករដ៏សំខាន់របស់កម្ពុជា ចេញសេចក្តីព្រមានបញ្ឈប់ការនាំចូលអង្ករពីកម្ពុជា ប្រសិនបើមានសារធាតុ Tricyclazole លើសពី ០.០១មីលីក្រាមនោះ។

បន្ទាប់ពីអឺរ៉ុបដាក់ចេញនូវវិធានការនេះ ធ្វើឲ្យអ្នកពាក់ព័ន្ធក្នុងវិស័យស្រូវអង្ករ ជាពិសេសអ្នកនាំចេញអង្ករ បានបង្ហាញពី កង្វល់ចំពោះការកម្រិតថ្មីនេះ។

សូមជម្រាបថា សហភាពអឺរ៉ុបនឹងបញ្ឈប់រាល់ការនាំចូលអង្ករដែលមានកាកសំណល់ ទ្រីហ្ស៊ីក្លាហ្សូល (TRICYCLAZOLE) ដែលមានកម្រិតលើស ០.០១​មីលីក្រាម (ដែលពីមុនកម្រិតមិនលើស១មីលីក្រាមក្នុង១គីឡូក្រាម) ចាប់​ពីដើម​ខែ​កក្កដា​ឆ្នាំ​២០១៧។ កាកសំណល់ថ្នាំកសិកម្ម ទ្រីហ្ស៊ីក្លាហ្សូល (TRICYCLAZOLE) ជាថ្នាំមានប្រសិទ្ធភាពបំផុតក្នុងការសម្លាប់ជម្ងឺប្លាស់ (Blast) ក្នុងដំណាំស្រូវ ហើយ ក៏ជាថ្នាំដែលមានតម្លៃទាប​សម្រាប់ការប្រើប្រាស់ដែរ៕

​អាជ្ញាធរចិន អញ្ជើញសម្តេចតេជោ ហ៊ុន សែន ទៅសម្ពោធមជ្ឈមណ្ឌលពាណិជ្ជកម្មកម្ពុជាប្រចាំ នៅខេត្តសាងស៊ី

FN ៖ ក្នុងជំនួបសម្តែងការគួរសម សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដែលធ្វើឡើងនៅវិមានសន្តិភាព នារសៀល ថ្ងៃទី២៧ ខែមីនា ឆ្នាំ២០១៧នេះ លោក ហ៊ូ ហេភីង អភិបាលខេត្តសាងស៊ី បានអញ្ជើញសម្តេចតេជោ ទៅសម្ពោធមជ្ឈមណ្ឌលពាណិជ្ជកម្មកម្ពុជាប្រចាំ នៅខេត្តសាងស៊ី ប្រទេសចិន។
លោក ហ៊ូ ហេភីង បានលើកឡើងថា មជ្ឈមណ្ឌលពាណិជ្ជកម្មកម្ពុជាប្រចាំខេត្តសាងស៊ី នឹងចូលរួមកាន់តែសកម្មថែមទៀត ក្នុងជំរុញកិច្ចសហប្រតិបត្តិការគ្រប់ជ្រុងជ្រោយ រវាងប្រទេសទាំងពីរ ពិសេសលើវិស័យទេសចរណ៍ និង ពាណិជ្ជកម្ម។
ជាការឆ្លើយតប សម្តេចតេជោនាយករដ្ឋមន្រ្តី បានយល់ស្របទៅនឹងការ លើកឡើងរបស់ លោកអភិបាលខេត្ត និងបានទទួលយកនូវសំណើររបស់លោក ក្នុងការអញ្ជើញ ទៅចូលរួមក្នុងពិធី បើកសម្ពោធមជ្ឈមណ្ឌលពាណិជ្ជកម្មកម្ពុជា ប្រចាំ ខេត្តសាងស៊ី។
សម្តេចតេជោ បានធ្វើការណែនាំដល់សហការីរបស់សម្តេច ពិសេសក្រសួងការបរទេសរបស់ប្រទេសកម្ពុជា ធ្វើការជាមួយនឹងថ្នាក់ដឹកនាំ ស្ថានឯកអគ្គរដ្ឋទូតចិន ប្រចាំកម្ពុជា ដើម្បីរៀបចំកម្មវិធីនៃការអញ្ជើញចូលរួមពិធីសម្ពោធ មជ្ឈមណ្ឌល ពាណិជ្ជកម្ម កម្ពុជាប្រចាំខេត្តសាងស៊ី ក្នុងពេលវេលាដ៏សមស្រប នាពេលខាងមុខ។
សូមបញ្ជាក់ថា លោក ហ៊ូ ហេភីង អភិបាលខេត្តសាងស៊ី បានកំពុងធ្វើដំណើរទស្សនកិច្ចនៅកម្ពុជា។ លោកបានបញ្ជាក់ថា ដំណើរទស្សនកិច្ចនេះ គឺដើម្បីពង្រឹង និង ពង្រីកបន្ថែមទៀតនូវទំនាក់ទំនងជាប្រពៃណី ពិសេសការអនុវត្ត ឲ្យកាន់តែស៊ីជំរៅថែមទៀត នូវកិច្ចសហប្រតិបត្តិការយុទ្ធសាស្រ្តគ្រប់ជ្រុងជ្រោយ នៃប្រទេសកម្ពុជា-ចិន៕

គណៈកម្មាធិការសិទ្ធិមនុស្ស ចង់ឱ្យពិភពលោក ផ្តល់ពានរង្វាន់ណូប៊ែលជូន សម្ដេចតេជោ ហ៊ុន សែន

FN ៖ លោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានលើកឡើងឲ្យដឹងថា សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា គួរតែទទួលបានពានរង្វាន់ណូប៊ែលពិភពលោក ពីព្រោះសម្តេចមានសម្បត្តិធំធែងណាស់ ក្នុងការសង្គ្រោះជីវិតមនុស្ស។ ការលើកឡើងរបស់ លោក កែវ រ៉េមី បានធ្វើនៅក្នុងពីធីសន្និសីទសារព័ត៌មាន នៅព្រឹកថ្ងៃទី២៧ ខែមីនា ឆ្នាំ២០១៧នេះ។

លោក កែវ រ៉េមី បានលើកឡើងយ៉ាងដូច្នេះថា៖ «ល្មមដល់ពេលដែលផ្ដល់ឲ្យគាត់ (សម្តេចតេជោ) នូវពានរង្វាន់សន្ដិភាព រឺក៏ពានរង្វាន់លើវិស័យសិទ្ធិមនុស្សជូនគាត់ ក៏ប៉ុន្ដែផ្ទុយទៅវិញ ចំណុច២សំខាន់នេះ ត្រូវបានគេបំផ្លិញ មួលបង្កាច់បង្អាប់ បន្ទុក មនុស្សដែលមានគុណសម្បត្តិស្មើមហាមេឃ»។

លោកបានបន្ថែមថា៖ «សម្ដេចតេជោ នាយករដ្ឋមន្រ្តី គឺជាអ្នកសង្គ្រោះជីវិតមនុស្ស ឲ្យមានជីវិតឡើងវិញ ក្រោយពីរបបប៉ុលពត ហើយការសង្គ្រោះជីវិតនេះ ថ្នាក់ដឹកនាំនៅក្នុងគណបក្សប្រឆាំងក៏ត្រូវទទួលស្គាល់ខ្លួនឯង រស់រានមានជីវិតដោយសារតែ៧មករានេះដែរ»។

លោកបានបន្ថែមទៀតថា ការសង្គ្រោះជីវិតមនុស្សឲ្យរស់រាន់មានជីវិត គឺជាមូលដ្ឋានគ្រឹះ នៃការគាំពារ សិទ្ធិរស់រានមានជីវិត។

លោកបានបញ្ជាក់ថា «យើងត្រូវនិយាយរឿងនឹងឲ្យច្បាស់ ហើយការឯកភាពទឹកដីនេះ មានសារសំខាន់ណាស់ ហើយបង្កើននៃការរីកចម្រើនសិទ្ធិមនុស្សបន្តទៅទៀត ហើយយើងទាំងអស់គ្នាមើលៗ យើងសព្វថ្ងៃនេះ មានការបានជួយផ្ដល់វិបាកអ្វីខ្លះទៀត»៕

ស្ថានទូតកម្ពុជា ជួយអន្តរាគមន៍ដល់ពលករ-ពលការីខ្មែរ៤នាក់ ដែលរងគ្រោះ នៅប្រទេសម៉ាឡេស៊ី

FN ៖ ស្ថានទូតកម្ពុជា ប្រចាំនៅម៉ាឡេស៊ី បានអន្តរាគមន៍ពលករ-ពលការីខ្មែរ​រងគ្រោះចំនួន៤នាក់ដែលបានរងគ្រោះ នៅប្រទេសម៉ាឡេស៊ី ឲ្យត្រឡប់មកកម្ពុជាវិញ ។ នេះបើតាមសេចក្តីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី២៧ ខែមីនា ឆ្នាំ២០១៧នេះ។

គួរបញ្ជាក់ថា ពលករ-ពលការីខ្មែរទាំង៤នាក់ សុទ្ធតែបានត្រឡប់មកដល់ប្រទេសកម្ពុជា ដោយសុវត្ថិភាពហើយ កាលពីថ្ងៃទី២៥ ខែមីនា ឆ្នាំ២០១៧។

ប្រមុខរដ្ឋស្តីទី​ សម្តេច សាយ ឈុំ​ ថ្លែងកោតសរសើរ និងលើកទឹកចិត្តមន្រ្តីពុទ្ធសាសនបណ្ឌិត្យ លើការរៀបចំទុកដាក់ និងថែរក្សាសៀវភៅ ឯកសារចាស់ៗ ខ្លះមានអាយុកាលរហូតជាង១០០ឆ្នាំ

FN ៖ ប្រមុខរដ្ឋស្តីទី​ សម្តេចវិបុលសេនាភក្តី​ សាយ​ ឈុំ បានថ្លែងកោតសរសើរ និងលើកទឹកចិត្តដល់មន្រ្តីទាំងអស់ ដែលកន្លងមកសកម្ម បំពេញការងារតាមជំនាញបានល្អ រួមមាន ទាំងការរៀបចំទុកដាក់ថែរក្សាសៀវភៅ ឯកសារចាស់ៗ ហើយសៀវភៅឯកសារខ្លះ មានអាយុកាលរហូតជាង១០០ឆ្នាំមកហើយ ព្រមទាំងបានស្រាវជ្រាវអភិរក្ស សៀវភៅ ឯកសារ ទាំងផ្នែកពុទ្ធចក្រ អាណាចក្រ និងរៀបរៀងបោះពុម្ពឡើងវិញសម្រាប់កូនចៅជំនាន់ក្រោយ។

ការថ្លែងលើកទឹកចិត្តខាងលើនេះ បានធ្វើឡើងនៅថ្ងៃទី២៧ ខែមីនា ឆ្នាំ២០១៧នេះ ខណៈសម្តេចបានអញ្ជើញជួបសំណេះសំណាល សួរសុខទុក្ខ មន្រ្តី ដែលបម្រើការងារនៅពុទ្ធសាសនបណ្ឌិត្យ។

លោក ស សុខនី ប្រធានពុទ្ធសាសនបណ្ឌិត្យ និងមន្រ្តីជំនាញ បានជម្រាបរាយការណ៍ឲ្យដឹងអំពីសកម្មភាពការងារថា ពុទ្ធសាសនបណ្ឌិត មានមន្រ្តីក្របខណ្ឌចំនួន១៤រូប មន្រ្តីចុះមកធ្វើកម្មសិក្សា៥រូប, បុគ្គលិកកិច្ចសន្យា៥រូប និងអ្នកហាត់ការដោយស្ម័គ្រចិត្តមួយចំនួនទៀត។ ពុទ្ធសាសនបណ្ឌិត មាន៥ការិយាល័យការងារ៖ ការិយាល័យបណ្ណាល័យ, ការិយាល័យក្រុមជុំនំទំនៀមទម្លាប់, ការិយាល័យអភិរក្សឯកសារវប្បធម៌ និងសាសនា, ការិយាល័យពត៌មានវិទ្យា និងការិយាល័យរដ្ឋបាលសរុប។

លោកថា ពុទ្ធសាសនបណ្ឌិត្យ ដែលមានដំណើរការងារល្អ គឺអាស្រ័យដោយមានប្រភព ឧបត្ថម្ភពីថវិការដ្ឋ, មូនិធិ និងថវិកាដែលសប្បុរសជន ទាំងក្នុងទាំងក្រៅប្រទេសបានជួយឧបត្ថម្ភ ជាក់ស្តែង អង្គការមូនិធិ ពុទ្ធសាសនាជប៉ុន «រីហ្សូកូសីកៃ» ដែលកន្លងមក បានជួយឧបត្ថម្ភកសាងអាគារពុទ្ធសាសនបណ្ឌិត ជួយដល់សកម្មភាពការងារបណ្ណាល័យ កិច្ចការបោះពុម្ពផ្សាយមួយចំនួន និងកិច្ចការរដ្ឋបាលផងខ្លះផងដែរ…។

សម្តេចក៏មានការចាប់អារម្មណ៍ចំពោះការរៀបចំ កន្លងមករបស់ពុទ្ធសាសនបណ្ឌិត្យ ដែលផ្តល់ឱកាសជូន ក្រុមអ្នកដែលស្រឡាញ់ ចូលចិត្តការស្រាវជ្រាវតែងនិពន្ធសៀវភៅ ឬអត្ថបទ អំពីវប្បធម៌ សាសនា ប្រពៃណី ទំនៀមទំលាប់ ប្រវត្តិសាស្រ្ត អក្សរសាស្រ្ត អក្សរសិល្បិ៍ បុរាណវិទ្យា… ជាដើម ឲ្យមកធ្វើបឋកថា បង្ហាញពីស្នាដៃស្រាវជ្រាវ តែងនិពន្ធរបស់ខ្លួនជូនដល់សាធារណជន។

នៅក្នុងឱកាសនោះ សម្តេចបានសម្រេចឧបត្ថម្ភ១០លានរៀល ក្នុង១ឆ្នាំ សម្រាប់បន្តការងារទៅមុខនេះទៀត។...Read More

ឧបនាយករដ្ឋមន្ត្រី កែ គឹមយ៉ាន៖ រាជរដ្ឋាភិបាល​ផ្តល់ប្រាក់រង្វាន់​១ម៉ឺនដុល្លារ សម្រាប់​មន្រ្តីអនុវត្ត​ច្បាប់ដែល​បង្ក្រាបបាន​គ្រឿងញៀន​ចាប់ពី១គីឡូក្រាម

FN ៖ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន និងជាអនុប្រធានយុទ្ធនាការ បង្ក្រាបគ្រឿងញៀនខុសច្បាប់ ទូទំាងប្រទេស លើកទី១ ឆ្នំា២០១៧ បានថ្លែងនៅថ្ងៃទី២៧ ខែមីនា ឆ្នាំ២០១៧នេះថា នៅឆ្នំានេះរាជរដ្ឋាភិបាលកម្ពុជា បានដាក់ចេញនៃគោលការណ៍លើកទឹកចិត្ត សម្រាប់មន្ត្រីអនុវត្តច្បាប់ បង្ក្រាបគ្រឿងញៀន ដោយសម្រេចផ្តល់ប្រាក់លើកទឹកចិត្ត១ម៉ឺនដុល្លារ សម្រាប់ការបង្ក្រាបបានគ្រឿងញៀនចាប់ពី១គីឡូក្រាម។

ថ្លែងប្រាប់ក្រុមអ្នកយកព័ត៌មាន ក្រោយកិច្ចប្រជុំ របស់អាជ្ញាធរប្រយុទ្ធប្រឆាំងគ្រឿងញៀន នៅទីស្រ្តីការក្រសួងមហាផ្ទៃ នៅព្រឹកថ្ងៃទី២៧ ខែមីនានេះ លោកឧបនាយករដ្ឋមន្ត្រី កែ គឹមយ៉ាន បានថ្លែងថា «ជាការលើកទឹកចិត្ត ដល់កងកម្លំាងរបស់យើង ដែលធ្វើការងារបានល្អ សម្តេចក្រឡាហោម ស ខេង លោកបានប្រកាសថា មន្ត្រីដែលចាប់គ្រឿងញៀនបាន១គីឡូក្រាម ទទួលបានរង្វាន់១ម៉ឺនដុល្លារ សម្រាប់ឆ្នំាំ២០១៧ នៃយុទ្ធនាការប្រយុទ្ធប្រឆំាងគ្រឿងញៀន»។

រាជរដ្ឋាភិបាលកម្ពុជា បានដាក់ចេញផែនការ ស្តីពីយុទ្ធនាការប្រយុទ្ធប្រឆាំងគ្រឿងញៀន ខុសច្បាប់លើកទី១ រយៈពេល៦ខែ (ចាប់ពីថ្ងៃទី០១ ខែមករា ដល់ថ្ងៃទី៣០ ខែមិថុនា ឆ្នាំ២០១៧) ដើម្បីប្រយុទ្ធប្រឆាំងគ្រឿងញៀននៅកម្ពុជា ឲ្យកាន់តែខ្លាំងក្លា និងទទួលបានលទ្ធផលល្អឡើងថែមទៀត។ ជនសង្ស័យជាច្រើននាក់ ពាក់ព័ន្ធករណីជួញដូរ និងប្រើប្រាស់គ្រឿងញៀន ត្រូវបានមន្ត្រីអនុវត្តន៍ច្បាប់ឃាត់ខ្លួនបានជារៀងរាល់ថ្ងៃ។

បើតាមរបាយការណ៍របស់អាជ្ញាធរជាតិ ប្រយុទ្ធប្រឆាំងគ្រឿងញៀន បានបញ្ជាក់ថា នៅឆ្នាំនេះ អ្នកប្រើប្រាស់គ្រឿងញៀន នៅទូទាំងប្រទេសមានចំនួន ២០៦២១នាក់ ក្នុងនោះអ្នកប្រើគ្រឿងញៀន ដែលមិនបានទៅទទួលសេវាព្យាបាលមានចំនួន ៩០២០នាក់ ស្មើនឹង៤៥.១២ភាគរយ ខណៈអ្នកប្រើប្រាស់គ្រឿងញៀន ដែលទៅបានសេវាព្យាបាល មានចំនួន ១១៦០១នាក់ ស្មើនឹង៥៦.២៥ភាគរយ នៃចំនួនអ្នកញៀនសរុប៕

​នាយឧត្តមសេនីយ៍ គន់ គីម ក្រើនរំលឹកកងទ័ពជើងទឹក ឲ្យខិតខំការពារបូរណភាពទឹកដី

FN ៖ នាយឧត្តមសេនីយ៍ គន់ គីម អគ្គមេបញ្ជាការរង និងជានាយសេនាធិការចម្រុះកងយោធពលខេមរភូមិន្ទ ឲ្យខិត​ខំហ្វឹកហាត់ពង្រឹងសមត្ថភាព និងការពារបូរណភាពទឹកដី ជាពិសេសត្រូវចូលរួមបង្រ្កាបរាល់បទ​ល្មើលើលំហរសមុទ្រ​ឲ្យបានខ្ជាប់ខ្ជួន។
ការក្រើនរំលឹករបស់នាយឧត្តមសេនីយ៍ គន់ គីម បានធ្វើឡើងក្នុងពេលចុះសំណេះសំណាល និងសួរសុខទុក្ខ នាយនាវី នាយនាវីរង និង ពលនាវី ដែលឈរជើងប្រចាំការនៅមូលដ្ឋានសមុទ្ររាម នៅក្នុងឱកាសបុណ្យចូលឆ្នាំ​ប្រពៃណីខ្មែរ​នៅថ្ងៃទី២៥ ខែមីនា ឆ្នាំ២០១៧។
នាយឧត្តមសេនីយ៍ គន់ គីម បានថ្លែងក្រើនរំលឹកឲ្យកងទ័ពជើងទឹកទាំងអស់ត្រូវចេះសាមគ្គីគ្នាគោរពច្បាប់របស់រដ្ឋ វិន័យកងទ័ព ហើយត្រូវត្រៀមខ្លួនជាស្រេចអនុវត្តន៍បទបញ្ជារបស់ថ្នាក់ដឹកនាំ។
នាយសេនាធិការចម្រុះនៃកងយោធពលខេមរភូមិន្ទ បានផ្តាំផ្ញើដល់កងទ័ពជើងថា ត្រូវតែការពារឲ្យបានជាដាច់ខាត​នូវរាជ​រដ្ឋា​ភិបាល​ស្របច្បាប់កើតចេញពីការបោះឆ្នោត ដែលមានសម្តេចតេជោ ហ៊ុន សែន ជាប្រមុខ ហើយត្រូវប្រឆាំងរាល់ការ​ប៉ុនប៉ងផ្តួល​រលំរដ្ឋាភិបាលទោះជាតាមរូបភាពណាក៏ដោយ៕

​នាយឧត្តមសេនីយ៍ ប៉ុល សារឿន ទទូចឲ្យពលរដ្ឋទាំងអស់ មានទំនុកចិត្តយ៉ាងមុតមាំលើការដឹកនាំរបស់សម្តេចតេជោ ហ៊ុន សែន ដើម្បីបន្តអភិវឌ្ឍន៍ និងបង្កើនជីវភាពកាន់តែប្រសើរឡើង

FN ៖ នាយឧត្តមសេនីយ៍ ប៉ុល សារឿន អគ្គមេបញ្ជាការ នៃកងយោធពលខេមរភូមិន្ទ តំណាងសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានថ្លែងថា កត្តាសន្តិភាព ពិតជាមានសារសំខាន់ខ្លាំងណាស់ សម្រាប់ការអភិវឌ្ឍប្រទេសជាតិឲ្យមានការរីកចម្រើនលើគ្រប់វិស័យ ទាំងពុទ្ធចក្រ និងអាណាចក្រ។
ក្នុងន័យនេះនាយឧត្តមសេនីយ៍ បានទទូចដល់បងប្អូនប្រជាពលរដ្ឋពាណិជ្ជករ មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ និងក្មួយៗ សិស្សានុសិស្សទាំងអស់ រួមសាមគ្គីគ្នា មានទំនុកចិត្តយ៉ាងមុតមាំដល់រាជរដ្ឋាភិបាល ដែលមានសម្តេចតេជោ ហ៊ុន សែន ជាប្រមុខដឹកនាំដ៏ប៉ិនប្រសប់ ដែលបានខិតខំយកចិត្តទុកដាក់ខ្ពស់ ក្នុងការថែរក្សាឲ្យបានរឹងមាំនូវសុខសន្តិភាព សុវត្ថិភាព ដើម្បីផ្តល់ឱកាសកាន់តែច្រើនដល់ក្មួយៗទាំងអស់ ឲ្យប្រកបដោយស្នាមញញឹម និងក្តីសង្ឃឹមក្នុងការសិក្សារៀនសូត្រ និងបានលើកស្ទួយកម្រិតជីវភាពរស់នៅរបស់ប្រជាពលរដ្ឋជាបន្តបន្ទាប់ សំដៅអភិវឌ្ឍប្រទេសជាតិ ឲ្យកាន់តែរីកចម្រើនរុងរឿងជាលំដាប់ ហើយសម្រេចបានកំណើនសេដ្ឋកិច្ចខ្ពស់ប្រកបដោយចីរភាព។
នៅថ្ងៃទី២៦ ខែមីនា ឆ្នាំ២០១៧នេះ នាយឧត្តមសេនីយ៍ ប៉ុល សារឿន បានអញ្ជើញចូលរួមពិធីបុណ្យបញ្ចុះខណ្ឌសីមា និងសម្ពោធសមិទ្ធផលនានា ក្នុងវត្តពោធិ៍មានជ័យ ស្ថិតក្នុងឃុំកំពេញ ស្រុកស្ទឹងហាវ ខេត្តព្រះសីហនុ។
 លោក គិន សុវណ្ណធី ប្រធានការិយាល័យធម្មការស្រុក តំណាងគណៈកម្មការវត្តបានឲ្យដឹងថា សមិទ្ធផលទាំងនោះមានព្រះវិហារថ្មី បានចាប់ផ្តើមកសាងឡើងនៅថ្ងៃទី១៩ ខែកក្កដា ឆ្នាំ២០០៧ ដែលមានបណ្តោយ៤២,៦៦ ម៉ែត្រ ទទឹង១៩ម៉ែត្រ និងកំពស់២១,៥ម៉ែត្រ និងរោងឧបោសថនេះ ត្រូវបានកសាងរួចរាល់នៅថ្ងៃទី៨ ខែតុលា ឆ្នាំ២០១៦ ចំណាយថវិកាអស់៥៩៧ ២៤៥ ១០០រៀល និង៥៣៤៥៩ដុល្លារ ។ ថវិកាសម្រាប់សាងសង់នេះ បានមកពីសំណាក់ លោក លោកឧកញ៉ា និងញាតិញោម ពុទ្ធបរិស័ទទាំងអស់ចំណុះជើងវត្តទាំងអស់។

នៅក្នុងឱកាសនោះ...Read More

​ពលរដ្ឋ ក្នុងស្រុកជើងព្រៃ សាទរយ៉ាងខ្លាំងចំពោះអគ្គិសនីតម្លៃទាបរហូតដល់ទៅ៤.៨០រៀល ក្នុងមួយគីឡូវ៉ាត់ម៉ោង ចាប់ពីថ្ងៃទី១ ខែមេសានេះខាងមុខនេះ

FN ៖ ប្រជាពលរដ្ឋ ដែលរស់នៅក្នុងស្រុកជើងព្រៃ ខេត្ដកំពង់ចាម បានត្រេកអរយ៉ាងខ្លាំង ពេលដែលដឹងថា ចាប់ពីថ្ងៃទី១ ខែមេសា ខាងមុខនេះ តម្លៃអគ្គិសនី នឹងចុះថោកបំផុត​រហូតដល់ទៅ៤.៨០រយរៀលតែប៉ុណ្ណោះ ក្នុងមួយគីឡូវ៉ាត់ម៉ោង ។
ប្រជាពលរដ្ឋបានឲ្យដឹងថា យើងទាំងអស់គ្នាសប្បាយចិត្ដណាស់ ដែលតម្លៃភ្លើងធ្លាក់ចុះយ៉ាងដូច្នេះ ដោយសព្វថ្ងៃតម្លៃភ្លើង នៅខេត្ដកំពង់ចាមនេះ ក្នុងមួយគីឡូវ៉ាត់ម៉ោង៨រយរៀល ដូចនេះការតម្លៃភ្លើងអគិ្គសនីនេះចុះថោក នឹងជួយសម្រាល ការចំណាយ របស់ពួកយើង មានមួយចំណែកធំផងដែរ។
ព្រមជាមួយគ្នានេះ លោកម៉ា ឈឿន ប្រធានក្រុមការងារថ្នាក់ជាតិ ចុះជួយស្រុកជើងព្រៃ ខេត្តកំពង់ចាម បានបញ្ជាក់ថា «ខ្ញុំក៏សប្បាយរីករាយខ្លាំងណាស់ ពេលឃើញប្រជាពលរដ្ឋ រស់នៅបានសុខសាន្ដ និងសប្បាយរីករាយពេលដែលដឹងថា តម្លៃអគ្គិសនី នឹងមានតម្លៃថោក រហូតដល់ទៅ ៤​​​.៨០រយរៀល ក្នុងមួយគីឡូវ៉ាត់ម៉ោង បើសិនជាប្រើប្រាស់មិនលើស១០គីឡូ ក្នុងមួយខែ ហើយបើប្រជាពលរដ្ឋ ប្រើប្រាស់មិនលើសពី៥០ ក្នុងមួយខែ តម្លៃត្រឹមតែ៦.១០រៀលតែប៉ុណ្ណោះ ដែលនេះជាគោលនយោបាយសំខាន់ៗ សម្រាប់ការអភិវឌ្ឍ ឃុំសង្កាត់ ឆ្នាំ២០១៧-២០២២ របស់គណបក្សប្រជាជនកម្ពុជា ដើម្បីជួយសម្រាលនូវទុក្ខលំបាករបស់ប្រជាពលរដ្ឋ »។
លោកថ្លែងបែបនេះ ក្នុងឱកាសសម្ពោធឆ្លងឧបដ្ឋានសាលា និងសមិទ្ធផលនានា ក្នុងវត្តទួលជ្រុំ ឃុំព្រីងជ្រុំ ស្រុកជើងព្រៃ ខេត្តកំពង់ចាម នៅថ្ងៃទី២៦ ខែមីនា ឆ្នាំ២០១៧ ដែលមានការចូលរួមពីប្រជាពលរដ្ឋជាច្រើនកុះករ ។
លោកម៉ាឈឿន​បន្ថែមថា «នេះជាការបង្ហាញពីភាពរីកចម្រើន សម្បូរសប្បាយរបស់ប្រទេសកម្ពុជាយើង ស្របពេលប្រទេសយើងគ្មានសង្គ្រាម មានតែសន្ដិភាព ទើបអាចអភិវឌ្ឍប្រទេស បានយ៉ាងឆាប់រហ័ស ដោយក្រោកការដឹកនាំរបស់សម្តេចតេជោ សម្រេចបានជូនជាតិ និងប្រជាជន ទាំងហេដ្ឋារចនា សម្ព័ន្ធគមនាគមន៍ ផ្លូវ ស្ពាន សាលារៀន មន្ទីរពេទ្យ...Read More