បច្ចុប្បន្នភាពកម្ពុជា

ក្រសួងការងារ៖ រយៈពេល៨ឆ្នាំ ប.ស.ស ចំណាយ​ថវិកា​ជាង១៥លានដុល្លារ ដល់កម្មករ​ដែលគ្រោះថ្នាក់​ការងារ

FN ៖ លោក ជាវ ប៊ុនរិទ្ធ អ្នកនាំពាក្យបេឡាជាតិរបបសន្តិសុខសង្គម (ប.ស.ស) នៃក្រសួងការងារ និងបណ្តុះបណ្តាលវិជ្ជាជីវៈ បានថ្លែងឲ្យដឹងនៅថ្ងៃទី៣១ ខែឧសភា ឆ្នាំ២០១៧នេះថា រយៈពេល៨ឆ្នាំមកនេះ ប.ស.ស បានចំណាយថវិកាជាង១៥លានដុល្លារ ដើម្បីទូទាត់ចំណាយថ្លៃព្យាបាលជនរងគ្រោះ ១៥៥,០៣៤នាក់ ដល់មន្ទីរពេទ្យ និងទូទាត់ថ្លៃឧបត្ថម្ភដល់ជនរងគ្រោះ គ្រួសារជនរងគ្រោះ។

ថវិកាជាង ១៥លានដុល្លារនេះ ត្រូវបានចំណាយទៅលើ៖
១៖ ថ្លៃដឹកជញ្ជូនជនរងគ្រោះ
២៖ ថ្លៃសង្គ្រោះបន្ទាន់
៣៖ ថ្លៃព្យាបាលរហូតដល់ជាសះស្បើយ
៤៖ ឧបត្ថម្ភលុយប្រចាំថ្ងៃពេលសម្រាកនៅមន្ទីរពេទ្យ
៥៖ ឧបត្ថម្ភលុយប្រចាំថ្ងៃដល់អ្នកចាំថែរក្សា និងអ្នកថែទាំជនរងគ្រោះ
៦៖ ឧបត្ថម្ភលុយប្រចាំខែដល់ជនរងគ្រោះបាត់បង់សមត្ថភាពការងារអចិន្ត្រៃយ៍
៧៖ ផ្តល់ឧបករណ៍ និងសម្ភារៈ ដូចជា៖ ដៃជើង អវៈយវៈសិប្បនិមិត្ត ឈើច្រត់ រទេះរុញដល់ជនរងគ្រោះដែលពិការភាព
៨៖ ផ្តល់ការបណ្តុះបណ្តាលជំនាញបច្ចេកទេសវិជ្ជាជីវៈ ដូចជា អ៊ុតសក់, សំអាង, ជួសជុលទូរស័ព្ទ, ជាងភ្លើងជាដើម។

ដោយឡែក ចំពោះជនរងគ្រោះ ដែលគ្រោះថ្នាក់ដល់ស្លាប់ ទទួលបាន៖
១៖ ឧបត្ថម្ភលុយ៤លានរៀល សម្រាប់ធ្វើបុណ្យសព
២៖ ឧបត្ថម្ភលុយប្រចាំខែ សម្រាប់ចិញ្ចឹមកូនរបស់ជនរងគ្រោះដល់អាយុ១៨ឆ្នាំ។ ប្រសិនបើនៅរៀន ឬមានជំងឺ ផ្តល់លុយឧបត្ថម្ភប្រចាំខែរហូតដល់អាយុ២១ឆ្នាំ
៣៖ ឧបត្ថម្ភលុយប្រចាំខែដល់ ប្តី ឬប្រពន្ធ របស់ជនរងគ្រោះ
៤៖ ឧបត្ថម្ភលុយប្រចាំខែដល់ជនចាស់ជរា រួមមាន៖ ឪពុក ម្តាយ ជីដូន ជីតា សាច់ញ្ញាតិអ្នកនៅក្នុងបន្ទុកផ្ទាល់របស់ជនរងគ្រោះ។

លោក ជាវ ប៊ុនរិទ្ធ បានបន្តថា ប.ស.ស មានភារកិច្ចធានារ៉ាប់រងគ្រោះថ្នាក់ការងារ ធានារ៉ាប់រងសុខភាព និងប្រាក់សោធនដល់កម្មករនិយោជិតក្នុងវិស័យឯកជន។

លោកអ្នកនាំពាក្យ...Read More

ក្រសួងទេសចរណ៍ ដាក់ចេញចលនាប្រឡងប្រណាំង បដិសណ្ឋារកិច្ចល្អ ឆ្នាំ២០១៧ ចាប់ពីថ្ងៃ១មិថុនា

FN ៖ ក្រសួងទេសចរណ៍ នៅថ្ងៃទី៣១ ខែឧសភា ឆ្នាំ២០១៧នេះ បានចេញសេក្ដីជូនដំណឹងថា ខ្លួននឹងដាក់ចេញនូវចលនា ប្រឡងប្រណាំង «បដិសណ្ឋារកិច្ចល្អ» ក្នុងវិស័យទេសចរណ៍ ប្រចាំឆ្នាំ២០១៧ ចាប់ពីថ្ងៃទី០១ ខែមិថុនា ឆ្នាំ២០១៧ តទៅ។

ក្រសួងក៏បានអំពាវនាវដល់ប្រតិបត្តិករទេសចរណ៍ ដែលបម្រើសេវាទេសចរណ៍ ត្រូវមកសុំ និងដាក់ពាក្យចូលរួមប្រឡងប្រណាំងនេះ ជាកាតព្វកិច្ច។

បើតាមក្រសួងទេសចរណ៍ ចលនាប្រឡងប្រណាំងនេះ មានគោលបំណងជំរុញ និងលើកទឹកចិត្តដល់ប្រតិបត្តិករទេសចរណ៍ឱ្យខិតខំ ប្រឹងប្រែងអភិវឌ្ឍន៍សម្បទាទេសចរណ៍របស់ខ្លួន ប្រកបដោយស្ដង់ដារត្រឹមត្រូវ អភិរក្សវប្បធម៌ ប្រពៃណីរបស់ជនជាតិខ្មែរលើកកម្ពស់ ធនធានមនុស្សដែលមានជំនាញ គុណភាព ប្រសិទ្ធភាពខ្ពស់ សំដៅទាក់ទាញទេសចរ ក៏ដូចជាពន្យារការស្នាក់នៅរបស់ទេសចរ និងចូលរួមបង្កើនដល់ការលើកកម្ពស់ កម្ពុជាជាគោលដៅទេសចរណ៍ ប្រកបដោយភាពទាក់ទាញ និងផ្តល់ភាពកក់ក្តៅដល់ភ្ញៀវទេសចរ និងប្រកបដោយផាសុខភាព សម្រាប់ការស្នាក់នៅរបស់ភ្ញៀវទេសចរ សក្តិសមនឹងប្រសិទ្ធនាម «កម្ពុជា៖ ព្រះរាជាណាចក្រអច្ឆរិយៈ ផ្តល់ភាពកក់ក្តៅ»។

លោក ប្រាក់ សុខុន ធ្វើបាឋកថាបង្ហាញពីស្ថានការណ៍ពិភពលោកបច្ចុប្បន្ន និងអាទិភាពនយោបាយការបរទេសរបស់កម្ពុជា ជូនយុវជនជាង ៥០០នាក់

FN ៖ ទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នៅព្រឹកថ្ងៃទី៣០ ខែឧសភា ឆ្នាំ២០១៧នេះ បានអញ្ជើញធ្វើបាឋកថា ស្ដីពីស្ថានការណ៍ពិភពលោកបច្ចុប្បន្ន និងអាទិភាពនយោបាយការបរទេសរបស់កម្ពុជា នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។

ការធ្វើបាឋកថានេះ ត្រូវបានរៀបចំឡើងដោយសហភាពសហព័ន្ធយុវជនកម្ពុជា (ស.ស.យ.ក) ដោយមានអ្នកចូលរួមពីមន្រ្តីជាន់ខ្ពស់ក្រសួងការបរទេស និងឯកអគ្គរាជទូតប្រចាំនៅបណ្តានានា ព្រមទាំងយុវជនប្រមាណ ៥០០នាក់ ដែលដឹកនាំដោយលោក សាយ សំអាល់ ប្រធានសហភាពសហព័ន្ធយុវជនកម្ពុជា ប្រចាំរាជធានីភ្នំពេញ៕

សេចក្តីជូនដំណឹង! ស្អែកនេះក្រសួងមហាផ្ទៃនឹងធ្វើសន្និសីទកាសែត ពី​ចំណាត់ការផ្លូវច្បាប់លើអង្គការ និងក្រុមហ៊ុនមួយចំនួន ដែលប្រតិបត្តិការ គ្មានការអនុញ្ញាត ក្នុងវិស័យមូលបត្រ

FN ៖ ក្រសួងមហាផ្ទៃ នឹងធ្វើសន្និសីទសារព័ត៌មាន ពាក់ព័ន្ធនឹងចំណាត់ការផ្លូវច្បាប់ចំពោះអង្គការ AIF សមាគម ICA ក្រុមហ៊ុន EBC និងបុគ្គលពាក់ព័ន្ធ ក្នុងករណីប្រតិបត្តិការគ្មានការអនុញ្ញាតក្នុងវិស័យមូលបត្រ នៅវេលាម៉ោង០៩៖០០នាទីព្រឹក ថ្ងៃទី៣០ ខែឧសភា​ ឆ្នាំ២០១៧ស្អែកនេះ។

នេះបើតាមសេចក្ដីជូនដំណឹងរបស់ក្រសួងមហាផ្ទៃ ដែលអង្គភាព Fresh News ទទួលបាននៅថ្ងៃទី២៩ ខែឧសភា​ ឆ្នាំ២០១៧។

រដ្ឋមន្ត្រីពាណិជ្ជកម្ម៖ បើចង់ឲ្យផលិតផលជាតិរស់ កុំឆ្ងាញ់តែរសជាតិបរទេស!

FN ៖ «សូមបន្តជួយគាំទ្រផលិតផលខ្មែរថែមទៀត ព្រោះបើចង់ឲ្យផលិតផលជាតិរស់ សូមកុំឆ្ងាញ់តែរសជាតិផលិតផលបរទេស!!!»។ នេះគឺជាសារអំពាវនាវរបស់លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ទៅកាន់ប្រជាពលរដ្ឋកម្ពុជា នៅក្នុងឱកាសបើក ព្រឹត្តិការពិព័រណ៍ផលិតផលខ្មែរ ក្នុងយុទ្ធនាការទិញផលិតផលខ្មែរ ឆ្នាំ២០១៧ ដែលរៀបចំឡើងដោយអគ្គនាយកដ្ឋានជំរុញ ពាណិជ្ជកម្មនៃក្រសួងពាណិជ្ជកម្ម កាលពីល្ងាចថ្ងៃទី២៥ ខែឧសភា នៅឯបរិវេណវាលបែកចាន ក្រុងបាត់ដំបង ទីរួមខេត្តបាត់ដំបង។

នៅក្នុងឱកាសនោះ លោករដ្ឋមន្ត្រីក៏បានសំណូមពរដល់ផលិតករ និងសហគ្រិនក្នុងស្រុក ត្រូវខិតខំប្រឹងប្រែងពង្រឹងគុណភាពផលិតផល របស់ខ្លួន ស្របតាមបទដ្ឋានស្តង់ដារអន្តរជាតិ ដើម្បីទាក់ទាញទំនុកចិត្ត និងការគាំទ្រកាន់តែច្រើនពីប្រជាជនខ្មែរ ក៏ដូចជាភ្ញៀវទេសចរ បរទេសដែលចូលមកកំសាន្តនៅក្នុងប្រទេសកម្ពុជា សំដៅចូលរួមជំរុញកំណើនសេដ្ឋកិច្ច និងកាត់បន្ថយភាពក្រីក្រ ស្របតាមផែនការ យុទ្ធសាស្ត្រអភិវឌ្ឍន៍ជាតិ និងយុទ្ធសាស្ត្រចតុកោណ ដំណាក់កាលទី៣ របស់រាជរដ្ឋាភិបាល។

«ក្រសួងពាណិជ្ជកម្ម មានភារកិច្ចស្វែងរកទីផ្សារថ្មីៗសម្រាប់សហគ្រាសធុនតូច និងធុនមធ្យម ក៏ប៉ុន្តែផលិតករ និងសហគ្រិនទាំងអស់ ចាំបាច់ត្រូវចេះអភិវឌ្ឍន៍ផលិតផល ឬសេវាកម្មរបស់ខ្លួនឲ្យមានគុណភាពខ្ពស់ និងមានតម្លៃសមរម្យ ទើបអាចប្រកួតប្រជែងជាមួយទំនិញ នាំចូលពីបរទេស»។ លោករដ្ឋមន្ត្រីបានគូសបញ្ជាក់។

លោក ប៉ាន់ សូរស័ក្តិ បានបន្ថែមថា «ខ្ញុំមានជំនឿថា ប្រជាពលរដ្ឋខ្មែរនឹងនាំគ្នាគាំទ្រផលិតផលជាតិកាន់តែច្រើនឡើងៗ បើសិនជា ផលិតករ និងសហគ្រិនយើងអាចធ្វើបាន ព្រោះនេះគឺជាកត្តាសត្យានុម័តនៃការប្រកួតប្រជែងទីផ្សារសេរី ដែលយើងទាំងអស់គ្នា ត្រូវតែទទួលស្គាល់»។

ក្រោមកិច្ចសហការពីអាជ្ញាធរខេត្ត និងស្ថាប័នពាក់ព័ន្ធ ព្រមទាំងមានការគាំទ្រពីក្រុមហ៊ុនភេសជ្ជៈកម្ពុជាកូកា-កូឡា និងក្រុមហ៊ុន ទូរស័ព្ទចល័តស្មាតម៉ូប៊ីល ព្រឹត្តិការណ៍ពិព័រណ៍ផលិតផលខ្មែរ ក្នុងឱកាសយុទ្ធនាការទិញផលិតផលខ្មែរ ឆ្នាំ២០១៧ នឹងត្រូវរៀបចំក្នុង រយៈពេល ៤ថ្ងៃ គឺចាប់ពីថ្ងៃនេះ រហូតដល់ថ្ងៃទី២៨ ខែឧសភា ឆ្នាំ២០១៧។ ពិព័រណ៍នេះ បានទាក់ទាញការចូលរួមពីសហគ្រាស ធុនតូច-ធុនមធ្យម មកពីគ្រប់រាជធានី-ខេត្តចំនួន ១២០ស្តង់ ដែលមានដាក់តាំងលក់ទំនិញប្រភេទម្ហូបអាហារ ភេសជ្ជៈ បន្លែ ផ្លែឈើ សម្លៀកបំពាក់...Read More

ក្រសួងទេសចរណ៍ សូមថ្លែងអំណរគុណដល់ទេសចរអន្តរជាតិ ដែលបានបោះឆ្នោតជូនប្រាសាទអង្គរវត្តរបស់ខ្មែរ ជាប់ចំណាត់ថ្នាក់លេខ១

FN ៖ លោក ថោង ខុន រដ្ឋមន្រ្តីក្រសួងទេសចរណ៍ តាមរយៈបណ្តាញព័ត៌មាន Fresh News សូមអបអរសាទរ និងថ្លែងអំណរគុណដល់ទេសចរ អន្តរជាតិ ដែលបានបោះឆ្នោតតាមរយៈគេហទំព័រដ៏ធំ បំផុតលើពិភពលោក Trip Adviser ជូនប្រាសាទអង្គររបស់ខ្មែរ ជាសំណង់ប្រវត្តិសាស្ត្រ ដ៏អស្ចារ្យបំផុត ជាប់ចំណាត់ថ្នាក់លេខ១ លើពិភពលោក សំរាប់ឆ្នាំ២០១៧។

កាលពីពេលថ្មីៗនេះ គេហទំព័រប្រឹក្សាយោបល់នៃការធ្វើដំណើរ (TripAdvisor) ដ៏ល្បីល្បាញ និងធំជាងគេរបស់ពិភពលោក បានផ្តល់ចំណាត់ថ្នាក់លេខ១ ដល់ប្រាសាទអង្គរវត្តរបស់ខ្មែរ ជាសំណង់ដ៏មានសារសំខាន់ ផ្នែកប្រវត្តិសាស្ត្រអស្ចារ្យបំផុត របស់ពិភពលោកសម្រាប់ឆ្នាំ២០១៧នេះ (Best Landmark in the World) ក្រោយពីមានការចូលរួមបោះឆ្នោតគាំទ្រ ពីភ្ញៀវទេសចររាប់លាននាក់ជុំវិញពិភពលោក។

នេះជាឆ្នាំទី៤ហើយ ដែលប្រាសាទអង្គរវត្តត្រូវបានភ្ញៀវទេសចរលើពិភពលោកបោះឆ្នោតគាំទ្រ ហើយទទួលបានចំណាត់លេខ១ជាប់ៗគ្នា តាមរយៈគេហទំព័រ ដ៏ល្បីល្បាញផ្សេងៗគ្នា។ ជាក់ស្តែងកាលពីឆ្នាំ២០១៤ អង្គរវត្តបានជាប់ចំណាត់ថ្នាក់ជាតំបន់បុរាណវិទ្យា និងប្រវត្តិសាស្រ្តលេខមួយ លើពិភពលោក ដែលត្រូវបានរៀបចំឡើងដោយគេហទំព័រ ArchaeoMadness ដែលជាគេហទំព័រមួយដែលតែងតែយកតំបន់បុរាណវិទ្យា និងប្រវត្តិសាស្រ្តទាំងអស់ លើពិភពលោកមកប្រៀបធៀបគ្នា។

នៅឆ្នាំ២០១៥ សៀមរាប-អង្គរ ក៏បានជាប់ជាគោលដៅទេសចរណ៍ពេញនិយមសម្រាប់ភ្ញៀវទេសចរ​លេខមួយក្នុង​តំបន់អាស៊ី និងលេខពីរលើពិភពលោក ដែលត្រូវរៀបចំឡើងដោយគេហទំព័រប្រឹក្សាយោបល់នៃការធ្វើដំណើរ TripAdvisor (TripAdvisor Traveler’s Choice Destination Award) ព្រមជាមួយការទទួលបានលេខមួយ ជាគោលដៅទេសចរណ៍លំដាប់កំពូល របស់ពិភពលោកដែលជ្រើសរើសដោយស្ថាប័នធ្វើដំណើរ Lonely Planet(Lonely Planet’s Ultimate Travelist 2015)។

ទន្ទឹមនឹងនេះ លោក ថោង ខុន រដ្ឋមន្រ្តីក្រសួងទេសចរណ៍ បានរំលឹកថា កាលពីខែឧសភា ២០១៦កន្លងមក លោក Anton Caragea ប្រធានក្រុមប្រឹក្សា ទេសចរណ៍...Read More

នាយកមន្ទីរ​ពេទ្យរុស្ស៊ី៖ បណ្ណាល័យ​ថ្មីរបស់​មន្ទីរពេទ្យ ចំណាយ​ថវិកា​ជាង៣ម៉ឺន​ដុល្លារនេះ នឹងជួយបង្កើន​ចំណេះដឹង​ឯកសារ​ស្រាវជ្រាវ ដល់បុគ្គលិក និងនិស្សិត​មកសិក្សា​នៅទីនេះ

FN ៖ លោកសាស្រ្តាចារ្យ ងី ម៉េង នាយកមន្ទីរពេទ្យមិត្តភាពខ្មែរ-សូវៀត (មន្ទីរពេទ្យរុស្ស៊ី) បានថ្លែងថា បណ្ណាល័យថ្មីរបស់មន្ទីរពេទ្យរុស្ស៊ី ដែលសាងសង់នេះចំណាយថវិកាជាង៣ម៉ឺនដុល្លារ នឹងជួយបង្កើនចំណេះដឹង និងឯកសារស្រាវជ្រាវ ដល់បុគ្គលិក និងនិស្សិតមកសិក្សានៅទីនេះ។

លោកថ្លែងបែបនេះ ក្នុងឱកាសបានបើកសម្ពោធដាក់ឲ្យប្រើប្រាស់ជាផ្លូវការនូវបណ្ណាល័យរបស់ខ្លួននៅថ្ងៃទី២៥ ខែឧសភា ឆ្នាំ២០១៧នេះ ។

លោកសាស្រ្តាចារ្យ ងឺ ម៉េង បានថ្លែងថា បណ្ណាល័យថ្មីសន្លាងមួយនេះ ត្រូវបានចំណាយថវិការសាងសង់ ជាង៣ម៉ឺនដុល្លារ ក្នុងនោះថវិកា ជាង២ម៉ឺន៦ពាន់ដុល្លារ ត្រូវបានផ្ដល់ដោយសមាគមបេសកកម្មអាស៊ី ដែលមានលោក Olvier Rodien ប្រធានសមាគម និងថវិកាជាង១ម៉ឺនដុល្លារទៀត ជាធនធានរបស់មន្ទីរពេទ្យផ្ទាល់។

លោកសាស្រ្តាចារ្យបានបន្តថា កន្លងមក មន្ទីរពេទ្យបានទទួលនិស្សិតឲ្យចូលទៅធ្វើកម្មសិក្សាទាំងក្នុង និងក្រៅប្រទេស ក្នុងនោះមាននិស្សិតកពីប្រទេសបារាំង ប៊ែលហ្សិក កាណាដា សហរដ្ឋអាមេរិក អាឡឺម៉ង់ និងមួយចំនួនទៀត។

សូមជម្រាបថា ក្នុងឆ្នាំ២០១៦ មន្ទីរពេទ្យមិត្តភាពខ្មែរ-សូវៀត បានទទួលនិស្សិតឲ្យចូលទៅធ្វើកម្មសិក្សាចំនួន ៦៣៩០នាក់ ក្នុងនោះមាននិស្សិតបរទេសចំនួន ២៣០នាក់។ ចាប់តាំងពីឆ្នាំ២០១៤មក និស្សិតមកពីសមាគមបេសកកម្មអាស៊ី ចូលទៅធ្វើកម្មសិក្សាក្នុងមន្ទីរពេទ្យនេះ មានចំនួន ៣៧០នាក់ផងដែរ៕

លិខិតមិត្តអ្នកអាន៖ សន្ទុះនិងចំណាប់អារម្មណ៍ លើកំណែទម្រង់បរិស្ថាន និងធនធានធម្មជាតិនៅកម្ពុជា

FN ៖ ការគ្រប់គ្រងធនធានធម្មជាតិនៅកម្ពុជា ក្នុងគោលដៅដើម្បីរក្សាបាននូវចីរភាព​ នៃធនធានព្រៃឈើ នៅកម្ពុជា រាជរដ្ឋាភិបាលបច្ចុប្បន្នដែលនៅ ក្រោមការដឹកនាំ របស់សម្តេចតេជោ ហ៊ុន សែន ប្រមុខរាជរដ្ឋាភិបាល បាននិងកំពុងបំពេញភារកិច្ចយ៉ាងមុតមាំ ក្នុងការកាពារធនធានព្រៃឈើ និងធនធានធម្មជាតិដែលកម្ពុជាមាន។

ផ្អែកលើការកែទម្រង់វិស័យបរិស្ថានក្នុងពេលថ្មីៗនេះ ផ្ទៃដីតំបន់ការពារធម្មជាតិបានកើនឡើងរហូតដល់ទៅ ៧,៥លានហិចតា ស្មើនឹង ៤១% នៃផ្ទៃប្រទេស ដែលចំនួននេះច្រើនជាង២ដង នៃគោលដៅជីវៈចម្រុះសកល ដែលបានកំណត់នៅក្នុងកិច្ចប្រជុំកំពូលលើកទី១០ នៅប្រទេសជប៉ុន។ ផែនការ និងយុទ្ធសាស្រ្តទាំងអស់ ដែលកម្ពុជាបានរៀបចំ និងកំពុងអនុវត្តនាពេលបច្ចុប្បន្ននេះ បានឆ្លុះបញ្ចាំងឱ្យឃើញច្បាស់ពីជំហររបស់រាជរដ្ឋាភិបាលក្នុងការគ្រប់គ្រង ធនធានធម្មជាតិ សម្រាប់ការអភិវឌ្ឍប្រកបដោយចីរភាព ហើយដែលគោលការណ៍នេះបានដើរទន្ទឹមគ្នាជាមួយ និងនិន្នាការពិភពលោក។

នៅក្នុងអាណតិ្តរបស់រាជរដ្ឋាភិបាលបច្ចុប្បន្ន ប្រមុខរាជរដ្ឋាភិបាល បានប្រកាសជាសាធារណៈអំពីវិធានការការពារព្រៃឈើ និងវិធានការបង្រ្កាបបទល្មើព្រៃឈើ នៅលើផ្ទៃប្រទេស។ ឆ្លើយតបទៅនឹងស្ថានភាពនៃឧក្រិដ្ឋកម្មព្រៃឈើ ដែលអាចកើតមាន ប្រមុខរដ្ឋាភិបាលបានប្រកាសជាផ្លូវការបង្កើតគណៈកម្មាធិការជាតិ ទប់ស្កាត់និងបង្រ្កាបបទល្មើសព្រៃឈឺ ដែលបានធ្វើប្រត្តិការជាក់ស្ដែងកន្លងមក ក្នុងការបង្ក្រាបបទ ល្មើសព្រៃឈឺនេះឯង គណៈកម្មាធិការនេះត្រូវបានដឹកនាំ ប្រតិ្តបត្តិការដោយមេបញ្ជាការកងរាជអាវុធហត្ថលើផ្ទៃប្រទេស។ កិច្ចប្រតិបត្តិការនេះបានបង្កាបបទល្មើសព្រៃឈើ ហើយទទួលបានលទ្ធផលយ៉ាងច្រើនសន្ធឹកសន្ធាប់ គួរឱ្យសម្គាល់នូវឈើហ៊ុបត្រូវបានកាប់ដោយជនទុច្ចរិត។ រាជរដ្ឋាភិបាលបានសម្រេចប្រើប្រាស់ឈើហុប ដែលរឹបអូសបានទាំងនេះ ដើម្បីជាប្រយោជន៍ជាតិទាំងមូល ជាពិសេសដើម្បីប្រើប្រាស់ក្នុងវិស័យអប់រំ។

លើសពីនេះទៀត ដើម្បីបង្ហាញនូវវិធានការយ៉ាងមុតមាំ និងជាក់ស្ដែងដល់ពលរដ្ឋកម្ពុជា អំពីការការពារធនធានធម្មជាតិ នៅថ្ងៃទី២២ ខែសីហា ឆ្នាំ២០១៦ ដោយមានក្រសួងបរិស្ថានជាសេនាធិការ រាជរដ្ឋាភិបាលបានបើកឱ្យមានវេទិកាស្ដីពីការ ការពារធនធានធម្មជាតិនៅកម្ពុជា ដែលមានការចូលរួមពីគ្រប់ស្ថាប័នរដ្ឋ ជាពិសេសមានការចូលរួមពីប្រជាពលរដ្ឋសហគមន៍​ និងអង្គការសង្គមស៊ីវិលពាក់ពាន់ផងដែរ។ នៅក្នុងឱកាសនៃវេទិការនោះ ប្រមុខរាជរដ្ឋាភិបាល សម្តេចតេជោ ហ៊ុន សែន បានផ្តល់ឱកាសឲ្យមានវេទិកាសំណួរចម្លើយយ៉ាងសកម្ម ហើយប្រមុខរដ្ឋាភិបាលក៏បានអំពាវនាវសុំឱ្យមានការចូលរួម និងកិច្ចសហប្រតិបត្តិការពីគ្រប់ភាគីពាក់ព័ន្ធ​ អោយបានពេញលេញ​ ដើម្បីការពារធនធានធម្មជាតិ របស់យើងទាំងអស់គ្នា។

ជាលទ្ធផលចេញពីវេទិការនេះ អ្នកចូលរួមជាពិសេសពីប្រជាពលរដ្ឋសហគមន៍ និងអង្គការសង្គមស៊ីវិល បានសម្តែងនូវការពេញចិត្តចំពោះការអំពាវនាវជាចំហរ របស់ប្រមុខរាជរដ្ឋាភិបាល ដល់គ្រប់ភាគីពាក់ព័ន្ធទាំងអស់ ដើម្បីចូលរួមចំណែកការពារធនធានធម្មជាតិ...Read More

ក្រសួងទេសចរណ៍៖ ឥណ្ឌាស្នើឲ្យកម្ពុជាផ្សព្វផ្សាយ ពីខេត្តសៀមរាប និងខេត្តព្រះសីហនុ ឲ្យបានសុះសាយទៅដល់ទេសចររបស់ខ្លួន

FN ៖ ក្នុងជំនួបសម្ដែងការគួរសម និងជម្រាបលាលោក ថោង ខុន រដ្ឋមន្រ្តីក្រសួងទេសចរណ៍ នៅថ្ងៃទី២៤ ខែឧសភា ឆ្នាំ២០១៧នេះ លោក ណាវិន ស្រីវ៉ាស្ដាវ៉ា ឯកអគ្គរដ្ឋទូតចប់អាណត្តិប្រចាំកម្ពុជា នៃសាធារណរដ្ឋឥណ្ឌា បានស្នើឲ្យកម្ពុជាផ្សព្វផ្សាយពីសក្ដានុពល ទេសចរណ៍ នៅខេត្តសៀមរាប និងខេត្តព្រះសីហនុ ឲ្យសុះសាយទូលំទូលាយទៅដល់ទេសចរឥណ្ឌាបន្ថែមទៀត។

លោក ណាវិន បានផ្ដល់ជាមតិយោបល់ និងស្នើឲ្យកម្ពុជាធ្វើការផ្សព្វផ្សាយពីសក្ដានុពលទេសចរណ៍របស់ខ្លួន ពិសេសខេត្តសៀមរាប ជាគោលដៅសម្រាប់អាពាណ៍ពិពាណ៍ និងខេត្តព្រះសីហនុ ជាគោលដៅក្រេបចន្ទទឹកឃ្មុំ សម្រាប់ភ្ញៀវទេសចរឥណ្ឌា។

លោកឯកអគ្គរដ្ឋទូតបានបន្តថា នៅពេលចេញដើរកម្សាន្តក្រៅប្រទេសម្ដងៗ ទេសចរឥណ្ឌាពេញនិយមដើរជាក្រុមៗ យ៉ាងហោចពី ២០០នាក់ ទៅ៣០០នាក់ ហើយពួកគេក៏ចូលចិត្តស្នាក់នៅរយៈពេលយូរ និងចាយវាយច្រើន ដែលជាប្រយោជន៍ធំ សម្រាប់ប្រទេស ដែលទទួលភ្ញៀវពីប្រទេសមហាអំណាចមួយនេះ។

មូលហេតុដែលលោក ណវិន ស្នើបែបនេះ ដោយសារប្រជាជនឥណ្ឌាបានស្គាល់ប្រាសាទអង្គវត្តហើយ តែចំពោះកន្លែងផ្សេងទៀត នៅកម្ពុជា ប្រជាជនឥណ្ឌាភាគច្រើន មិនទាន់ស្គាល់នៅឡើយទេ ដែលជាហេតុចាំបាច់តម្រូវឲ្យមានការជំរុញការបង្កើតពិព័រណ៍ ទេសចរណ៍ធំៗបន្ថែមទៀត ប្រាប់ទៅប្រជាជនឥណ្ឌា។

ទាំងរាជរដ្ឋាភិបាលកម្ពុជា ទាំងលោករដ្ឋមន្រ្តី ថោង ខុន និងលោក ណាវិន ស្រីវ៉ាស្តាវ៉ា សុទ្ធតែចង់ជំរុញឲ្យមានការហោះហើរត្រង់ ពីឥណ្ឌាមកកម្ពុជា និងពីកម្ពុជាទៅឥណ្ឌា ដើម្បីងាយស្រួលក្នុងការដឹកជញ្ជូនអ្នកដំណើរ ក៏ដូចជាភ្ញៀវទេសចរឥណ្ឌានិងទេសចរ ប្រទេសទី៣ ឲ្យចូលមកទស្សនាកម្សាន្ត និងបង្កើនវិនិយោគនៅកម្ពុជាផងដែរ ដែលការងារនេះ ត្រូវបានបញ្ជាក់ពីក្រសួងទេសចរណ៍ថា ការព្រមព្រៀង ការចុះហត្ថលេខា និងបែបបទនានា ត្រូវបានធ្វើរួចរាល់អស់ហើយ នៅចាំតែថ្ងៃបើកសម្ពោធការហោះហើរជាផ្លូវការ តែប៉ុណ្ណោះ។

សូមជម្រាបថា ក្នុងឆ្នាំ២០១៦ កន្លងទៅ ភ្ញៀវទេសចរឥណ្ឌាដែលចូលមកទស្សនាកម្ពុជា មានចំនួន ៤៦,១៣១នាក់ កើនឡើង ២៥.៨ភាគរយ បើធៀបនឹងឆ្នាំ២០១៥៕

ក្រសួង​ឧស្សាហកម្ម និងសិប្បកម្ម ជំរុញកិច្ចសហប្រតិបត្តិការ លើវិស័យប្រកាស​នីយបត្រតក្ក​កម្ម (Patent) រវាងកម្ពុជា-ចិន

FN ៖ ក្នុងជំនួបពិភាក្សា​រវាងលោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម ជាមួយប្រតិភូការិយាល័យ កម្មសិទ្ធិបញ្ញា​នៃប្រទេសចិន (SIPO) ដឹកនាំដោយ​លោកស្រី Wang Xiaoyun អគ្គនាយករង បានផ្តោតការយកចិត្តតុកដាក់ ទៅលើក្របខណ្ឌ​បច្ចេកទេស ដើម្បីបើកផ្លូវឲ្យក្រុមការងារ នៃភាគីទាំងពីរពិភាក្សាគ្នា​ផ្លាស់ប្តូរយោបល់ ហើយឈានទៅចុះអនុស្សារណៈយោគយល់គ្នា ស្តីពីកិច្ចសហប្រតិបត្តិការ លើវិស័យប្រកាស​នីយបត្រតក្កកម្ម (Patent) រវាង​កម្ពុជា-ចិន នាពេលខាងមុខឆាប់ៗនេះ។

បន្ទាប់ពីក្រសួងឧស្សាហកម្ម និងសិប្បកម្ម ដែលរយៈពេលប​ន្តបន្ទាប់មកនេះ បានចុះហត្ថលេខារួចហើយ ជាមួយប្រទេសសឹង្ហបុរី ជប៉ុន និងសហគមន៍អឺរ៉ុប ស្តីពីការទទួលស្គាល់សុពលភាព ប្រកាសនីយបត្រតក្កកម្ម ក្នុងចំណោម ប្រទេសហត្ថលេខីទាំងនេះ ជាមួយកម្ពុជា ។

សូមបញ្ជាក់ថា ក្រោមការដឹកនាំរបស់លោកទេសរដ្ឋមន្ត្រី ចម ប្រសិទ្ធ ក្រសួងឧស្សាហកម្ម និងសិប្បកម្ម ក្នុងអាណត្តទី ៥ នេះ វិស័យប្រកាសនីយបត្រតក្កកម្ម មានការរីកចម្រើន និងមានកិច្ចសហការយ៉ាងទូលំទូលាយ ជាមួយដៃគូបរទេស ដែលមានបទពិសោធន៍ និងជំនាញ ហើយនៅពេលកន្លង​ទៅថ្មីៗនេះ កម្ពុជាបានចូលជាសមាជិក សន្ធិសញ្ញាសហប្រតិបត្តិការ​ប្រកាសនីយ បត្រតក្កកម្ម (PTC) កាលពីថ្ងៃទី០៨ ខែធ្នូ ឆ្នាំ២០១៦ ដែលកម្ពុជាបានក្លាយ​ជាប្រទេសទី១៥១ នៃសមាជិកសន្ធិសញ្ញានេះ និងបានចូលជាសមាជិកកិច្ច​ ព្រមព្រៀងទីក្រុងហេច ទាក់ទងនឹងការចុះបញ្ជីគំនូរឧស្សា​ហកម្មជាអន្តរជាតិ នៅថ្ងៃទី២៥ ខែវិច្ឆិកា ឆ្នាំ២០១៦ ហើយបានក្លាយជា​សមាជិកទី៦៦ នៅថ្ងៃទី ២៥ ខែ​កុម្ភៈ ឆ្នាំ ២០១៧ កន្លងទៅ៕

លោក ឈាង វុន បង្ហាញដល់សិស្សមន្រ្តីក្រមការនៃសាលាភូមិន្ទរដ្ឋបាល ពីបដិវត្តពណ៌ និងវិនាសកម្មនៃសង្រ្គាម

FN ៖ ដោយមានការអញ្ជើញពីនាយកសាលាភូមិន្ទរដ្ឋបាល នៅព្រឹកថ្ងៃទី២៤ ខែឧសភា ឆ្នាំ២០១៧នេះ លោក ឈាង វុន សមាជិក គណៈកម្មាធិការអចិន្រ្តៃយ៍រដ្ឋសភា និងជាប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា បានធ្វើបទបង្ហាញពីបដិវត្តពណ៌ និងវិនាសកម្មនៃសង្រ្គាម ដល់សិស្សដែល ជាមន្រ្តីក្រមការកំពុង សិក្សានៅសាលា ភូមិន្ទរដ្ឋបាល។

ក្នុងបទបង្ហាញពេញមួយព្រឹកនោះ លោក ឈាង វុន បានលើកឡើងថា ជាទូទៅទម្រង់បដិវត្តពណ៌មាន ១២ដំណាក់កាល។ បដិវត្តពណ៌ បានបង្កើតឡើងដោយប្រទេសមហាអំណាច ប្រឆំាងទៅលើរដ្ឋាភិបាលប្រទេសណាមួយ ដែលមិនស្តាប់បញ្ជារបស់ខ្លួន។

លោកបានបន្តថាក្រុមបដិវត្តពណ៌នេះ បានប្រើប្រាស់អង្គការក្រៅរដ្ឋាភិបាលផ្លូវការ ជនតំាងខ្លួនជាអ្នកវិភាគឯករាជ្យ យុវជន និស្សិត បង្កើតវោហាសព្ទ វាយប្រហាររដ្ឋាភិបាល ក្រោមលេសថា រដ្ឋាភិបាលនោះផ្តាច់ការ រំលោភសិទ្ធិមនុស្ស ឬគ្មានលទ្ធិប្រជាធិបតេយ្យ ជាដើម។ ជាមួយគ្នានេះ ពួកគេក៏បង្កើតជាចលនាបាតុកម្មទាមទារតាមដងផ្លូវ ដោយប្រើប្រាស់ប្រព័ន្ធផ្សព្វផ្សាយបរទេស ដើម្បីឲ្យពលរដ្ឋ អ្នកនយោបាយបរទេស ដែលមិនយល់សភាពការណ៍ ជាក់ស្តែងនៅក្នុងប្រទេសនោះយល់ច្រលំ ហើយគិតថា នោះជាបញ្ហាពិតប្រាកដ។

លោក ឈាង វុន បានគូសបញ្ជាក់ថា បដិវត្តពណ៌ គឺជាចលនាដែលធ្វើសកម្មភាពបំភិតបំភ័យពលរដ្ឋ ធ្វើឲ្យពលរដ្ឋបាត់ជំនឿលើ រដ្ឋាភិបាល ហើយដើរតាមឧបាយកលរបស់ពួកគេ។ ប្រសិនជាការឃោសនា បំភ័ន្តបំភ័យមិនបានសម្រេច ពួកគេនឹងស្នើសុំអន្តរាគមន៍ យោធា ដើម្បីវាយប្រហារប្រទេសដែលមិនស្តាប់បញ្ជារបស់ខ្លួនតែម្តង នៅចុងបញ្ចប់ប្រទេសនោះ នឹងធ្លាក់ក្នុងភ្លើងសង្រ្គាម។

ប្រធានគណៈកម្មការជំនាញរដ្ឋសភា បានលើកឡើងថា ជាទម្លាប់របស់ក្រុមក្រោយឆាកនេះ ច្រើនប្រើប្រាស់ឱកាសនៅ ក្នុងប្រទេស ណាមួយ ដែលរៀបចំការបោះឆ្នោត។ គឺពួកគេធ្វើសកម្មភាពនៅមុនពេលបោះឆ្នោត ពេលបោះឆ្នោត និងក្រោយពេលបោះឆ្នោត តាមរូបភាពនៃការលើកឡើងគ្មានការពិត ភាពមិនប្រក្រតីនៃការបោះឆ្នោតជាដើម។

លោកបានជំរុញ និងលើកទឹកចិត្តដល់មន្រ្តីរាជការ នៃអគ្គលេខាធិការដ្ឋានរដ្ឋសភា ចូលរួមការពារថែរក្សាសុខសន្តិភាព និងការអភិវឌ្ឍ...Read More

៥ខែដើមឆ្នាំនេះ ជនបរទេសជាង១ពាន់នាក់ ស្មើនឹង៣៥សញ្ជាតិ ត្រូវបានបណ្ដេញចេញពីកម្ពុជា, ភាគច្រើនជាជនជាតិវៀតណាម ៧១២នាក់

FN ៖ រយៈពេល៥ខែ ដើមឆ្នាំ២០១៧នេះ ជនបរទេសជាង១ពាន់នាក់ ស្មើនឹង៣៥សញ្ជាតិ ដែលភាគច្រើនជាជនជាតិវៀតណាម ត្រូវបានអគ្គនាយកដ្ឋានអន្ដោប្រវេសន៍ ក្រសួងមហាផ្ទៃ បំពេញសំណុំបែបបទ​បណ្ដេញពីកម្ពុជា ឲ្យវិលត្រឡប់ទៅកាន់ប្រទេស កំណើតវិញ។ នេះបើតាមលោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋាន អន្ដោប្រវេសន៍ ប្រាប់បណ្ដាញសារព័ត៌មាន Fresh News នៅរសៀលថ្ងៃទី២៣ ខែឧសភា ឆ្នាំ២០១៧។

លោកឧត្តមសេនីយ៍ទោ អ៊ុក ហៃសីឡា ថ្លែងយ៉ាងដូច្នេះថា «ដោយគិតចាប់ពីថ្ងៃទី០១ ខែមករា ឆ្នាំ២០១៧ រហូតមកដល់បច្ចុប្បន្ន សរុបចំនួន ១,០២៥នាក់ ក្នុងស្រី២២៦នាក់ មានចំនួន៣៥សញ្ជាតិ»។ បើលោកឧត្តមសេនីយ៍ ប្រធាននាយកដ្ឋាន ក្នុងចំណោមជនបរទេស​ដែលអគ្គនាយកដ្ឋានអន្ដោប្រវេសន៍ បណ្ដេញឲ្យទៅប្រទេសដើមវិញនោះ ភាគច្រើនជាជនជាតិវៀតណាម ដែលមានចំនួន៧១២នាក់ ស្រី១៩៥នាក់។​

លោកឧត្តមសេនីយ៍បានបង្ហាញថា ចំនួនដែលត្រូវចាប់ខ្លួននាដើមឆ្នាំ២០១៧នេះ មានការថយចុះ បើប្រៀបធៀបនឹងរយៈពេលដូចគ្នា កាលពីឆ្នាំ២០១៦។

​ប្រធាននាយកដ្ឋានស៊ើបអង្កេត និងអនុវត្តនីតិវិធីរូបនេះ បានបន្ថែមថា បើទោះបីពេលនេះកម្លាំងជំនាញ បានបណ្ដេញជនបរទេសដែលបាន ចូលមកធ្វើការ និងស្នាក់នៅដោយខុសច្បាប់ពីកម្ពុជា ជាបន្ដបន្ទាប់ទៅហើយក្ដី ប៉ុន្ដែជំនាញមិនបោះបង់ចោលការងារនេះទេពោលកម្លាំង នគរបាល ក្រោមការបញ្ជាផ្ទាល់ពីនាយឧត្តមសេនីយ៍ សុខ ផល នឹងបន្តប្រតិបត្តិការនេះឲ្យដូចភ្លៀងរលឹម។

សូមជម្រាបថា​ របាយការណ៍របស់អគ្គនាយកដ្ឋានអន្ដោប្រវេសន៍​ បានបញ្ជាក់ថា ក្នុងឆ្នាំ២០១៦ កម្លាំងនគរបាលអន្តោប្រវេសន៍សហការ ជាមួយកម្លាំងនគរបាលរាជធានី-ខេត្ត បានចាប់ខ្លួន និងបានបណ្ដេញជនបរទេសខុសច្បាប់ចំនួន២,៩៩៨នាក់ ក្នុងនោះភាគច្រើន ជាជនជាតិវៀតណាម មានចំនួន ១,៦៣២នាក់៕