សម្តេចតេជោ ហ៊ុន សែន បង្ហាញរូបភាព Selfie យ៉ាងស្និទ្ធស្នាលជាមួយអាជីវករផ្សារ នៅខេត្តស្ទឹងត្រែង

FN ៖ នាគ្រាដែលចុះសំណេះសំណាល សួរសុខទុក្ខ និងស្តាប់យោបល់ពីអាជីវករនានា នៅផ្សារសាមគ្គីខេត្តស្ទឹងត្រែង នៅព្រឹកថ្ងៃទី១៧ ខែសីហា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្តែងភាពស្និទ្ធស្នាល ព្រមទាំងបានថតរូប Selfie ជាមួយអាជីវករទាំងនោះផងដែរ។

ផ្សារសាមគ្គីខេត្តស្ទឹងត្រែង ដែលទើបបានសាងសង់រួច កាលពីពេលថ្មីៗនេះ គឺជាអំណោយដ៏ថ្លៃថ្លាបំផុតរបស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលលោកទាំងទ្វេតែងតែមានព្រហ្មវិហារធម៌ចំពោះប្រជាពលរដ្ឋ។ ផ្សារស្ទឹងត្រែងនេះពីមុនគឺបានឆេះខ្ទេចខ្ទីរដោយសារអគ្គីភ័យ ហើយបន្ទាប់មកត្រូវបាន សម្តេចទាំងទ្វេ ធ្វើជូនឡើងវិញមិនឱ្យប្រជាពលរដ្ឋបង់លុយថ្លៃតូបឡើយ។ តូបផ្សាថ្មីៗធំទូលាយល្អ មានខ្យល់ចេញចូល ជាមួយទំនិញជាច្រើន មុខដែលមួយចំនួនជារបស់ក្នុងស្រុក និងមួយចំនួនទៀតនាំចូលមកពីប្រទេសក្រៅ។

សម្តេចតេជោ នាយករដ្ឋមន្រ្តី បានបញ្ជាក់សារជាថ្មីប្រាប់អាជីវករទាំងអស់ថា ផ្សារនេះគឺប្រគល់ជូនបងប្អូនលក់ដូរតកូនតចៅមួយជីវិត មិនមានឱ្យបង់ថ្លៃអ្វីទេ ក្រៅពីអនាម័យ ទឹកភ្លើង និងភាស៊ីបន្តិចបន្តួចប៉ុណ្ណោះ។

ប្រជាពលរដ្ឋ និអាជីវករទូទៅបានសម្តែងនូវអំណរគុណយ៉ាងជ្រាលជ្រៅបំផុត ចំពោះសម្តេចតេជោ និង សម្តេចកិត្តិព្រឹទ្ឋបណ្ឌិត ដែលលោកតែងតែ យកចិត្តទុកដាក់ ចំពោះជីវភាពរស់នៅ និងរួមសុខរួមទុក្ខជាមួយ ប្រជាពលរដ្ឋគ្រប់កាលៈទេសៈទាំងអស់។

កាយវិការដ៏សាមញ្ញរបស់ សម្តេចតេជោ ហ៊ុន សែន គឺបានបង្ហាញពីភាពស្និទ្ឋស្នាល និងគោរពស្រឡាញ់ប្រជាពលរដ្ឋក្នុងផ្សារស្ទឹងត្រែងទាំងអស់ ក្នុងបរិយាកាសសប្បាយរីករាយក្រៃលែង។ ពលរដ្ឋនិងអាជីវករផ្សារសាមគ្គីស្ទឹងត្រែងអរគុណ និងចងចាំ នូវអំណោយដ៏ថ្លៃថ្លារបស់ សម្តេចទាំងទ្វេ ហើយបន្តគាំទ្រ និងបោះឆ្នោតជូនគណបក្សប្រជាជនកម្ពុជាជាបន្តទៀត៕

សម្តេចតេជោ ហ៊ុន សែន ផ្តល់អគារថ្មី១ខ្នង ដល់មជ្ឈមណ្ឌលគរុកោសល្យភូមិភាគខេត្តស្ទឹងត្រែង​ និងពង្រីកអគារចាស់ពី១ខ្នង២ជាន់២០បន្ទប់ ទៅ១ខ្នង៣ជាន់៣០បន្ទប់

FN ៖ ខណៈដែលចុះសំណេះសំណាលជាមួយថ្នាក់ដឹកនាំ មន្រ្តីរាជការ លោកគ្រូអ្នកគ្រូ និងគរុសិស្ស នៃមជ្ឈមណ្ឌលគរុកោសល្យ ភូមិភាគខេត្តស្ទឹងត្រែង នៅព្រឹកថ្ងៃទី១៧ ខែសីហា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសឧបត្ថម្ភដល់ការពង្រីកអគារ បន្ថែមក្នុងនោះពង្រីកពីអគារ១ខ្នង២ជាន់២០បន្ទប់ ទៅកាន់១ខ្នង៣ជាន់៣០បន្ទប់ និងផ្តល់អគារសិក្សាថ្មី១ខ្នង២ជាន់ ២០បន្ទប់។

មិនតែប៉ុណ្ណោះ សម្តេចតេជោ ហ៊ុន សែន ពិសេសបានជួយសាងសង់ទីលានបាល់ទាត់ បាល់ទះ និងបាល់បោះ ដើម្បីប្រែក្លាយមជ្ឈមណ្ឌលនេះ ឲ្យ ក្លាយទៅជាទីកន្លែងបណ្តះបណ្តាលវិស័យកីឡា របស់ខេត្តស្ទឹងត្រែង ឲ្យមានភាពខ្លាំងក្លា និងមានការប្រកួតប្រជែងជាមួយនឹងបណ្តារាជធានី ខេត្តទូទាំងកម្ពុជាផងដែរ។

សូមបញ្ជាក់ថា សម្តេចតេជោ ហ៊ុន សែន កំពុងមានវត្តមាន នៅក្នុងខេត្តស្ទឹងត្រែង ដើម្បីត្រួតពិនិត្យមាន សមិទ្ធផលនានា ក៏ដូចជាវឌ្ឍនភាពក្នុងខេត្តនេះ បន្ទាប់ពីសម្តេចតេជោ បានជួបជាមួយថ្នាក់ដឹកនាំ និងកងទ័ព នៅយោធភូមិភាគទី១ នៅក្នុងខេត្តស្ទឹងត្រែង កាលពីម្សិលមិញ៕

សម្តេចតេជោ ហ៊ុន សែន ជួបសំណេះសំណាលជាមួយមន្រ្តីរាជការ និងកម្លាំងប្រដាប់អាវុធ នៅក្នុងខេត្តស្ទឹងត្រែង បន្ទាប់ពីសួរសុខទុក្ខកងទ័ព

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅល្ងាចថ្ងៃទី១៦ ខែសីហា ឆ្នាំ២០១៧ បានអញ្ជើញជួបសំណេះសំណាលជាមួយ ថ្នាក់ដឹកនាំ មន្រ្តីរាជការ និងកម្លាំងប្រដាប់អាវុធមកពីគ្រប់មន្ទីរ-អង្គភាពនានា ជុំវិញខេត្តស្ទឹងត្រែង។ ការជួបសំណេះសំណាលជាមួយមន្រ្តីរាជការនៅក្នុងខេត្តស្ទឹងត្រែងនេះ បានធ្វើឡើងបន្ទាប់ពីសម្តេច បានចុះសួរសុខទុក្ខកងទ័ព នៅយោធភូមិភាគទី១ ដែលមានទីបញ្ជាការដ្ឋាន នៅខេត្តស្ទឹងត្រែង។

ក្នុងពិធីសំណេះសំណាលនាល្ងាចនេះ សម្តេចតេជោ ហ៊ុន សែន បានថ្លែងថា សម្តេចគ្រោងនឹងធ្វើដំណើរតាមឧទ្ធម្ភាគចក្រត្រឡប់មកកាន់ រាជធានីភ្នំពេញ នៅ​រសៀលថ្ងៃនេះវិញហើយ ប៉ុន្តែដោយសារតែមានភ្លៀង គឺមិនអនុញ្ញាតឲ្យរូបសម្តេចធ្វើដំណើរមកកាន់រាជធានីភ្នំពេញវិញបាន។ សម្តេចនឹងបន្ត ស្នាក់នៅខេត្តស្ទឹងត្រែងនេះ ១យប់។

សម្តេចបន្តថា នៅទីកន្លែងនេះ សម្តេចធ្លាប់ជួបនិងដោះស្រាយជាមួយអាជីវករខេត្តស្ទឹងត្រែង ដោយមានការលំបាកខ្លាំង​ណាស់ បើទោះបីជា សម្តេចបានចំណាយថវិកាផ្ទាល់ខ្លួន កសាងជូនអាជីវករក៏ពិតមែន ប៉ុន្តែមានការលំបាក់ពីការទាមទាររបស់អាជីវករ។ សម្តេចតេជោ ក៏បានថ្លែងដែរថា នៅថ្ងៃស្អែក សម្តេចមានកម្មវិធីចុះទៅកាន់គោល​ដៅចំនួន៣កន្លែង ក្នុងខេត្តស្ទឹងត្រែង មុនពេលធ្វើដំណើរមកកាន់រាជធានីភ្នំពេញ។

សម្តេចតេជោ ហ៊ុន សែន បានសម្តែងនូវ​ការវាយតម្លៃខ្ពស់និងកោតសរសើរ ជូនចំពោះថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ ខេត្តស្ទឹងត្រែង ដែល​បានចូលរួមអនុវត្តយ៉ាងខ្ជាប់ខ្ជួន តាមតួនាទីភារកិច្ចរៀងៗខ្លួន ក្នុងអនុវត្តនូវកម្មវិធីនយោបាយ និងយុទ្ធសាស្រ្ត ចតុ​កោណ ដំណាក់កាលទី៣ របស់រាជរដ្ឋាភិបាល ដើម្បីកំណើន សមធម៌ និងប្រសិទ្ធភាពការងារនៅកម្ពុជា។

សម្តេចតេជោ សម្តែងនូវការវាយតម្លៃខ្ពស់ និងកោតសរសើរផងដែរ ចំពោះថ្នាក់ដឹកនាំ មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋខេត្តស្ទឹងត្រែង ដែលបានចូលរួមថែរក្សាបាន សន្តិសុខ សុវត្តិភាព ស្ថិរភាពនយោបាយ និងសន្តិសុខសណ្តាប់ធ្នាប់សសង្គម ចាប់តាំងពីក្រោយការបោះឆ្នោតជ្រើស រើសក្រុមប្រឹក្សាឃុំ សង្កាត់ អណត្តិទី៤ ឆ្នាំ២០១៧ ដែលបានបញ្ចប់ទៅប្រកបដោយលទ្ធផលដ៏ត្រចះត្រចង់ កាលពីពេលថ្មីៗកន្លងទៅ។

សម្តេចតេជោ មានប្រសាសន៍សង្កត់ធ្ងន់ថា កន្លងមកទាំងប្រមុខរាជរដ្ឋាភិបាល...Read More

សម្តេចតេជោ ហ៊ុន សែន បង្កើតកងពលតូចថ្មើរជើងលេខ១២៨ ដើម្បីកិច្ចការពារជាតិ ការពារប្រជាជន ខណៈសម្តេចអញ្ជើញចុះសួរសុខទុក្ខ និងពិភាក្សាជាមួយកម្លាំងប្រដាប់នៅខេត្តស្ទឹងត្រែង

FN ៖ នៅព្រឹកថ្ងៃទី១៦ ខែសីហា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជានាយឧត្តមសេនីយ៍ផ្កាយមាស៥ បានអញ្ជើញចុះ សួរសុខទុក្ខកងទ័ព និងពិភាក្សាការងារ នៅយោធភូមិភាគទី១ ដែលមានទីបញ្ជាការដ្ឋាន នៅខេត្តស្ទឹងត្រែង ដើម្បីជាការលើកទឹកចិត្ត ព្រមទាំងបង្កើតកងពលតូចថ្មើរ ជើងលេខ១២៨ ចំណុះឲ្យយោធភូមិភាគទី១ ដើម្បីសំដៅលើកិច្ចការពារជាតិ ការពារប្រជាជន និងទំនាក់ទំនងល្អជាមួយប្រទេសជិតខាង។

សម្តេចបានបញ្ជាក់ថា សម្តេចនឹងបង្កើតកងពលតូចអន្តរាគមន៍ថ្មីមួយ មានលេខ១២៨ ឬហៅថា កងពលតូចថ្មើរជើងលេខ១២៨ ចំណុះឲ្យយោធភូមិភាគទី១ ដែលការរៀបចំនេះ មិនសំដៅធ្វើសង្គ្រាមជាមួយប្រទេសជិតខាងនោះទេ តែសំដៅលើកិច្ចការពារជាតិ ការពារប្រជាជន និងទំនាក់ទំនងល្អជាមួយប្រទេសជិតខាង។

សម្តេចតេជោ ហ៊ុន សែន បានសរសេរទាំងស្រុងនៅលើ Facebook យ៉ាងដូច្នេះថា «ថ្ងៃនេះខ្ញុំឆ្លៀតពេលមកសួរសុខទុក្ខកងទ័ព នៅយោធភូមិភាគទី១ ដែលមានទីបញ្ជាការដ្ឋាន នៅខេត្តស្ទឹងត្រែង។ គោលបំណងសំខាន់ គឺពិនិត្យដោះស្រាយការលំបាក របស់កងកម្លាំងប្រដាប់អាវុធ។ យើងនឹងបង្កើតកងពលតូច អន្តរាគមន៍ថ្មីមួយមានលេខ ១២៨ ឬហៅថាកងពលតូចថ្មើរជើងលេខ១២៨ ចំណុះឲ្យយោធភូមិភាគទី១។ យើងនឹងដាក់ទីតាំងកងទ័ពជើងទឹកឲ្យប្រចាំការ នៅខេត្តស្ទឹងត្រែងផងដែរ។ ការរៀបចំទាំងអស់មិនសំដៅធ្វើសង្រ្គាមជាមួយប្រទេសជិតខាងនោះទេ តែសំដៅលើ កិច្ចការពារជាតិ ការពារប្រជាជន និងទំនាក់ទំនងល្អជាមួយប្រទេសជិតខាង»៕

សម្តេចតេជោ ហ៊ុន សែន កំពុងធ្វើដំណើរចុះសាកសួរសុខទុក្ខ កងទ័ពនៅយោធភូមិភាគទី១ ខេត្តស្ទឹងត្រែង ដើម្បីដោះស្រាយការលំបាក របស់កម្លាំងប្រដាប់អាវុធ

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជានាយឧត្តមសេនីយ៍ផ្កាយមាស៥ នៅព្រឹកថ្ងៃទី១៦ ខែសីហានេះ បាននិងកំពុងធ្វើដំណើរសួរសុខទុក្ខកងទ័ព នៅយោធភូមិភាគទី១ ដែលមានទីបញ្ជាការដ្ឋាន នៅខេត្តស្ទឹងត្រែង។

សម្តេចតេជោ ហ៊ុន សែន បានសរសេរក្នុង Facebook របស់សម្តេចថា គោលបំណងរបស់សម្តេច ចុះជួបសំណេះសំណាល សាកសួរសុខទុក្ខកងទ័ពយោធភូមិភាគទី១នេះ ដើម្បីដោះស្រាយការលំបាក របស់កងកម្លាំងប្រដាប់អាវុធ។

សម្តេចបានបញ្ជាក់ថា សម្តេចនឹងបង្កើតកងពលតូចអន្តរាគមន៍ថ្មីមួយ មានលេខ១២៨ ឬហៅថា កងពលតូចថ្មើរជើងលេខ១២៨ ចំណុះឲ្យយោធភូមិភាគទី១ ដែលការរៀបចំនេះ មិនសំដៅធ្វើសង្គ្រាមជាមួយប្រទេសជិតខាងនោះទេ តែសំដៅលើកិច្ចការពារជាតិ ការពារប្រជាជន និងទំនាក់ទំនងល្អជាមួយប្រទេសជិតខាង។

សម្តេចតេជោ ហ៊ុន សែន បានសរសេរទាំងស្រុងយ៉ាងដូច្នេះថា «ថ្ងៃនេះខ្ញុំឆ្លៀតពេលមកសួរសុខទុក្ខកងទ័ព នៅយោធភូមិភាគទី១ ដែលមានទីបញ្ជាការដ្ឋាន នៅខេត្តស្ទឹងត្រែង។ គោលបំណងសំខាន់ គឺពិនិត្យដោះស្រាយការលំបាក របស់កងកម្លាំងប្រដាប់អាវុធ។ យើងនឹងបង្កើតកងពលតូចអន្តរាគមន៍ថ្មីមួយ មានលេខ១២៨ ឬហៅថាកងពលតូចថ្មើរជើងលេខ១២៨ ចំណុះឲ្យយោធភូមិភាគទី១។ យើងនឹងដាក់ទីតាំងកងទ័ពជើងទឹក ឲ្យប្រចាំការនៅខេត្តស្ទឹងត្រែងផងដែរ។ ការរៀបចំទាំងអស់មិនសំដៅធ្វើសង្រ្គាមជាមួយប្រទេសជិតខាងនោះទេ តែសំដៅលើ កិច្ចការពារជាតិ ការពារប្រជាជន និងទំនាក់ទំនងល្អជាមួយប្រទេសជិតខាង»៕

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងនៅក្នុងពិធីប្រគល់សញ្ញាបត្រ ដល់និស្សិតនៃសាកលវិទ្យាល័យភូមិន្ទភ្នំពេញ នាព្រឹកថ្ងៃនេះ

FN ៖ នៅព្រឹកថ្ងៃទី១៤ ខែសីហា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងអញ្ជើញជាអធិបតីភាព ក្នុងពិធីប្រគល់សញ្ញាបត្រ ដល់និស្សិតនៃសាកលវិទ្យាល័យភូមិន្ទភ្នំពេញ ជាង៣ពាន់នាក់ នៅមជ្ឈមណ្ឌលពិព័រណ៍ និងសន្និបាតកោះពេជ្រ។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ចាប់ផ្តើមចែកសញ្ញាបត្រលើកដំបូង នៅឆ្នាំ១៩៩៦ ហើយសម្តេចតេជោ បានថ្លែងថា និស្សិតសាកលវិទ្យាល័យភូមិន្ទភ្នំពេញ គឺជាសិស្សប្អូនរបស់សម្តេច ដោយសារសម្តេចបានចុះឈ្មោះចូលរៀនបរិញ្ញាបត្រតាំងពីឆ្នាំ១៩៩៨។

* សម្តេចតេជោ ហ៊ុន សែន សម្រេចបន្ថែមប្រាក់ឧបត្ថម្ភប្រចាំខែដល់បុគ្គលិកបណ្ណាល័យ ហ៊ុន សែន នៅសាកលវិទ្យាល័យភូមិន្ទភ្នំពេញ ពី១,៤៤០,០០០រៀល ឡើងទៅ ៣លានរៀល ដោយចាប់ផ្តើមពីខែសីហានេះតទៅ

* ខណៈដែលការប្រឡងបាក់ឌុប ជិតចូលមកដល់ នៅថ្ងៃទី២១-២២ សីហា ឆ្នាំ២០១៧ សម្តេចតេជោ ហ៊ុន សែន អំពាវនាវដល់លោកគ្រូ អ្នកគ្រូ មាតាបិតា ឲ្យខិតខំបំពាក់បំប៉នកូនសិស្ស ហើយអំពាវនាវ ឲ្យសិស្សខិតខំរៀនសូត្រ

* សម្តេចតេជោ ហ៊ុន សែន សរសើរដល់ប្រទេសជប៉ុន ដែលបានយកចិត្តទុកដាក់ខ្ពស់បំផុត ចំពោះការអភិវឌ្ឍធនធានមនុស្ស។ សម្តេចតេជោ​ ហ៊ុន សែន៖ ធនធានមនុស្សរបស់កម្ពុជា ក៏កំពុងអភិវឌ្ឍពីមួយថ្ងៃទៅមួយថ្ងៃផងដែរ

* សម្តេចតេជោ ហ៊ុន សែន បានថ្លែងសរសើរម្តងទៀតដល់កុមារទេព គឹម ហុង ដែលមានទេពកោសល្យខ្ពស់ ក្នុងការគណនាលេខ និងដោះស្រាយលំហាត់គណិតវិទ្យា ទាំងរូបគេមានវ័យទើបតែ ៧ឆ្នាំប៉ុណ្ណោះ។ សម្តេចតេជោ ហ៊ុន សែន បើសិនជាយើងមានក្មេងច្រើន មានទេពកោសល្យអច្ឆៈរិយៈ ដូចកុមារ គឹម ហុង...Read More

សម្ដេចតេជោ ហ៊ុន សែន បានប្រាប់មេទ័ពរបស់កម្ពុជាទាំងអស់ថា នៅពេលនេះការចរចាទទួលបានជោគជ័យហើយ ក្រោយនាយករដ្ឋមន្ដ្រីឡាវ យល់ព្រមដកទ័ពចេញពីកម្ពុជា

FN ៖ សម្ដេចតេជោ ហ៊ុន សែន​ នាយករដ្ឋមន្ដ្រីដ៏មានឥទ្ធិពលបំផុតរបស់កម្ពុជា បានប្រកាសប្រាប់ដល់មេទ័ពកំពូលៗរបស់កម្ពុជា នៅខេត្តស្ទឹងត្រែង​ មុននេះបន្ដិចថា ការចរចារបស់សម្ដេច ជាមួយនាយករដ្ឋមន្ដ្រីឡាវ បានជោគជ័យហើយបន្ទាប់ពីឡាវ បានយល់ព្រមដកកងទ័ពចេញពីទឹកដីស្រុកសៀងប៉ាង ខេត្តស្ទឹងត្រែង ជាតំបន់ដែលកងទ័ពឡាវបានចូលឈ្លានពាន​នៅទីនោះ។

មន្ដ្រីយោធាជាន់ខ្ពស់របស់កម្ពុជា បានប្រាប់បណ្ដាសារព័ត៌មាន Fresh News នៅមុននេះបន្ដិ​ចថា ការចរចាររបស់សម្ដេចតេជោ ហ៊ុន សែន ជាមួយភាគីឡាវ ប្រកបដោយផ្លែផ្កាជាទីបំផុតគឺភាគីឡាវ បានយល់ព្រមដកទ័ពចេញពីទឹកដីកម្ពុជាហើយ។

មន្ដ្រីយោធាជាន់ខ្ពស់រូបនេះ បានបញ្ជាក់ទៀតថា សម្ដេចតេជោ​ ហ៊ុន សែន ក៏បានបញ្ជាឲ្យកងទ័ពរបស់កម្ពុជា ដែលកំពុងចល័តទៅតំបន់សមរភូមិនោះ ត្រូវត្រឡប់ចូលមូលដ្ឋានដើមវិញ។

សូមបញ្ជាក់ថា ការពីព្រឹកមិញ សម្ដេចតេជោ ហ៊ុន សែន បានដឹកនាំគណៈប្រតិភូជាន់ខ្ពស់ទៅកាន់ប្រទេសឡាវ ដើម្បីចរចារជាមួយនាយករដ្ឋមន្ដ្រីឡាវ លោក ថោងលន់ ស៊ីសូលីត ដើម្បីឲ្យឡាវដកកងទ័ពចេញពីទឹកដីកម្ពុជា ហើយលទ្ធផលគឹយើងទទួលបានជោគជ័យហើយ សូមពលរដ្ឋកម្ពុជាទាំងអស់ចូលរួមអបអរសាទរ នៃដំណឹងដ៏រីករាយបំផុតនេះ៕

សម្តេចតេជោ ហ៊ុន សែន ទម្លាយរូបថត Selfies ជាមួយនាយករដ្ឋមន្ត្រីជប៉ុន តាំងពីជាង២ឆ្នាំមុន និងបញ្ជាក់ថា មិត្តភាពរបស់សម្តេច និងលោក អាបេ រួមគ្នាកសាងជាដៃគូយុទ្ធសាស្ត្ររវាងកម្ពុជា-ជប៉ុន

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី១១ ខែសីហា ឆ្នាំ២០១៧នេះ បានទម្លាយនូវរូបថតរបស់សម្តេច ថត Selfies ជាមួយនឹងនាយករដ្ឋមន្ត្រីជប៉ុន លោក ស៉ិន ហ្សូ អាបេ ដែលបានថតទុកតាំងពីជាង២ឆ្នាំមុន ពោលគឺកំឡុងខែមេសា ឆ្នាំ២០១៥ នៅទីក្រុងហ្សាកាតា ក្នុងឱកាសខួប៦០ឆ្នាំ នៃសន្និសីទប្រជាជនអាស៉ី អាហ្រិក។

ជាមួយគ្នានេះ សម្តេចតេជោ ហ៊ុន សែន បានបញ្ជាក់ទៀតថា មិត្តភាពរបស់សម្តេចតេជោ និងនាយករដ្ឋមន្ត្រីជប៉ុន លោក អាបេ បានរួមគ្នាកសាងឲ្យទៅជាដៃគូយុទ្ធសាស្ត្ររវាងកម្ពុជា-ជប៉ុន មានមួយផ្នែកចេញពីមិត្តភាព ការគោរពរាប់អានគ្នា ដោយមិនប្រកាន់ប្រទេសមាន ប្រទេសក្រ ប្រទេសធំ ប្រទេសតូចនោះទេ។

សម្តេចតេជោ ហ៊ុន សែន បានសរសេរក្នុង Facebook របស់សម្តេចដែលមានខ្លឹមសារទាំងស្រុងយ៉ាងដូច្នេះថា៖

«រូបថត Selfies រវាងខ្ញុំជាមួយនាយករដ្ឋមន្ត្រីជប៉ុន ស៊ីន ហ្សូ អាបេ មិនទាន់មានអ្នកណាបានឃើញនៅឡើយ ព្រោះវាស្ថិតក្នុងទូរស័ព្ទរបស់ខ្ញុំជាង២ឆ្នាំមកហើយ។ រូបថតនេះថតនៅយប់មួយនាខែមេសា ២០១៥ នៅទីក្រុងហ្សាកាតា ក្នុងឱកាសខួប៦០ឆ្នាំ នៃសន្និសីទប្រជាជនអាស៊ី អាហ្វ្រិក (បាន់ឌុង)។

ក្រោយបញ្ចប់ពិធីជប់លៀង រៀបចំដោយប្រធានាធិបតីឥណ្ឌូណេស៊ី ខ្ញុំនិងនាយករដ្ឋមន្ត្រី អាបេ បានអង្គុយរង់ចាំរថយន្តជាមួយគ្នា និងឆ្លៀតពិភាក្សាការងារផងដែរ។ ក្នុងពេលរង់ចាំនោះ ខ្ញុំក៏ទាញទូរស័ព្ទមក Selfie ជាមួយអាបេ ហើយរក្សាទុករហូតទើបរកឃើញ នាល្ងាចថ្ងៃទី១០ សីហា ២០១៧ ក្រោយពេលទស្សនកិច្ច នៅជប៉ុន។ មិត្តភាពដែលខ្ញុំ និងនាយករដ្ឋមន្ត្រីអាបេ រួមគ្នាកសាងឲ្យទៅជាដៃគូ យុទ្ធសាស្ត្ររវាងកម្ពុជា-ជប៉ុន មានមួយផ្នែកចេញមកពីមិត្តភាព ការគោរពរាប់អានគ្នាដោយ មិនប្រកាន់ប្រទេសមាន ប្រទេសក្រ ប្រទេសធំ...Read More

ខុទ្ទកាល័យនាយករដ្ឋមន្រ្តី បង្ហាញលិខិតរបស់សម្តេចតេជោ ហ៊ុន សែន ផ្ញើជូននាយករដ្ឋមន្រ្តីឡាវ ស្នើឲ្យដកកងទ័ពចេញពីទឹកដីកម្ពុជា

FN ៖ ខុទ្ទកាល័យរបស់សម្តេចតេជោ ហ៊ុន សែន នាយករដ្ឋមន្រ្តី បានបង្ហាញនូវលិខិតរបស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ផ្ញើជូននាយករដ្ឋមន្រ្តីឡាវ ដោយស្នើឲ្យដកកងទ័ពចេញពីទឹកដីកម្ពុជា នេះបើយោងតាមលិខិតដែលបណ្តាញព័ត៌មាន Fresh News ទើបទទួលបានមុននេះបន្តិចនាព្រឹកថ្ងៃទី១១ ខែសីហា ឆ្នាំ២០១៧នេះ។

នៅក្នុងលិខិតចំនួន៣ទំព័ររបស់សម្តេចតេជោ ហ៊ុន សែន ផ្ញើជូនលោក ថោងលន់ ស៊ីសូលីត កាលពីថ្ងៃទី០២ ខែសីហា​ ឆ្នាំ២០១៧ បានសរសេរនៅក្នុងកម្មវត្ថុថា៖ «សំណើស្នើ ឲ្យរដ្ឋាភិបាល នៃប្រទេសឡាវ ដកកងកម្លាំងប្រដាប់អាវុធ ចេញពីតំបន់ក្បែរអូរអាឡៃ និងតំបន់អូរតាង៉ាវ ព្រំដែនខេត្តស្ទឹងត្រែង និងខេត្តអាតាពើ ឡាវ»។

សម្តេចតេជោ ហ៊ុន សែន ប្រកាសទុកពេល៦ថ្ងៃ ឲ្យឡាវដកកងទ័ពចេញពីដីខ្មែរក្នុងខេត្តស្ទឹងត្រែង

FN ៖ ភាពអត់ធ្មត់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានឈានដល់ទីបញ្ចប់ហើយ ហើយសម្តេចប្រកាសទុកពេលឲ្យនាយករដ្ឋមន្រ្តីឡាវ ៦ថ្ងៃទៀត ត្រូវដកកងទ័ពចេញឲ្យអស់ពីដែនដីកម្ពុជា។ ការកំណត់ឱសានវាទឲ្យឡាវដកទ័ពត្រឹមថ្ងៃទី១៧ ខែសីហានេះ បន្ទាប់ពីសំបុត្ររបស់សម្តេចដាក់ទៅ នាយករដ្ឋមន្រ្តីឡាវ លោក ថងលូន ស៊ីស៊ូលីត រឿងដកទ័ពនេះមិនមានការឆ្លើយតបវិញ។

ទន្ទឹមនឹងការប្រកាសដាក់ឱសានវាទឲ្យឡាវដកទ័ពនេះ សម្តេចតេជោ ហ៊ុន សែន ក៏គ្រោងនឹងជិះយន្តហោះទៅកាន់ប្រទេសឡាវ ដើម្បីពិភាក្សារឿងដកទ័ពនេះ ផងដែរ។ សម្តេចតេជោ ហ៊ុន សែន ក៏បានបញ្ជាមេទ័ពកម្ពុជា ឲ្យត្រៀមកម្លាំងទៅបណ្តេញកងទ័ពឡាវចេញពីប្រទេសកម្ពុជាផងដែរ។

សម្តេចតេជោ ក៏បានអំពាវនាវដល់ប្រជាពលរដ្ឋខ្មែរកុំឲ្យមានការភ្ញាក់ផ្អើលប្រសិនបើឃើញមានការចល័តទ័ពព្រោះទ័ពទាំងនោះ ត្រូវចល័តទៅកាន់ខេត្តស្ទឹងត្រែង ដើម្បីបណ្តេញទ័ពឈ្លានពានចេញពីដីកម្ពុជា។ សម្តេចតេជោ ហ៊ុន សែន បានថ្លែងទៅកាន់ភាគីឡាវថា មិត្តភក្តិជារឿងមិត្តភក្តិ តែមិនអាចឲ្យមិត្តភក្តិមកជាន់ក្បាល ខ្មែរនោះទេ។ សម្តេចតេជោ ហ៊ុន សែន បានបញ្ជាក់ថា សម្តេចបានចាត់ចែងមេទ័ពខ្មែររួចអស់ហើយ ឲ្យត្រៀមលក្ខណៈសម្បត្តិបណ្តេញទ័ពឡាវចេញពីដីខ្មែរ។

សម្តេចប្រមុខរាជរដ្ឋាភិបាលបានបញ្ជាក់ថា មិនចង់ប្រកាសសង្រ្គាមជាមួយប្រទេសជិតខាងនោះទេ តែក៏មិនអនុញ្ញាតឲ្យប្រទេសជិតខាងរំលោភ ដែនអធិបតេយ្យរបស់កម្ពុជានោះឡើយ សូម្បីដីមួយចំអាម។

ការប្រកាសរបស់ប្រមុខរាជរដ្ឋាភិបាលកម្ពុជា នាពេលនេះធ្វើឡើងនៅក្នុងពិធីប្រកាសចូលកាន់តំណែងជាប្រធានរាជបណ្ឌិត្យសភាកម្ពុជា និងប្រកាសសមាសភាពក្រុមបណ្ឌិត សភាចារ្យ, នៅវិមានសន្តិភាព នាព្រឹកថ្ងៃទី១១ ខែសីហា ឆ្នាំ២០១៧នេះ៕

សម្តេចតេជោ ហ៊ុន សែន ថ្លែងប្រាប់វិនិយោគិននៅទីក្រុងតូក្យូថា គណបក្សប្រឆាំងនៅកម្ពុជា ហ៊ានធ្វើអ្វីគ្រប់យ៉ាង ដើម្បីបំផ្លាញសន្តិភាពនៅកម្ពុជា

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី០៨ ខែសីហា ឆ្នាំ២០១៧នេះ បានថ្លែងរិះគន់ដល់គណបក្សប្រឆាំងនៅកម្ពុជា ដែលធ្វើអ្វីៗមិនគិតដល់សន្តិភាពនៅក្នុងប្រទេស។ សម្តេចបានថ្លែងចេញពីទីក្រុងតូក្យូថា គណបក្សប្រឆាំងអាចធ្វើគ្រប់យ៉ាងដើម្បីបំផ្លាញដល់សន្តិភាពនេះ ខុសពីគណបក្សប្រជាជនកម្ពុជា ដែលតែងតែគិតដល់សន្តិសុខ និងជីវិតប្រជាជនខ្មែរជានិច្ច។

សម្តេចតេជោ ហ៊ុន សែន បានថ្លែងយ៉ាងដូច្នេះថា៖ «យើងខ្ញុំមិនមែនគ្រាន់តែគិតថា គណបក្សរបស់ខ្ញុំត្រូវតែឈ្នះនោះទេ។ យើងខ្ញុំត្រូវគិតដល់បរិយាកាសរួម នៃសន្តិសុខរបស់ប្រទេសជាតិ ខុសពីគណបក្សប្រឆាំង ដែលខ្វះការទទួលខុសត្រូវ គេអាចធ្វើអ្វីគ្រប់យ៉ាងដើម្បីបំផ្លាញសន្តិភាព ក៏ប៉ុន្តែយើងខ្ញុំក្នុងឋានៈនៃ បក្សកាន់អំណាច យើងខ្ញុំមានភារកិច្ចទទួលខុសត្រូវលើជីវិតប្រជាជន លើសន្តិសុខរបស់ប្រទេសជាតិ កុំឱ្យធ្លាក់ទៅក្នុងស្ថានភាពច្របូកច្របល់ និងគ្រោះថ្នាក់»។

ការលើកឡើងរបស់ប្រមុខរាជរដ្ឋាភិបាលកម្ពុជា បានធ្វើឡើងនៅរសៀលថ្ងៃទី០៨ ខែសីហា ឆ្នាំ២០១៧នេះ ក្នុងពេលសម្តេចតេជោ ហ៊ុន សែន អញ្ជើញថ្លែងសុន្ទរកថា គន្លឹះក្នុងសិក្ខាសាលាស្ដីពីការវិនិយោគ ដែលរៀបចំដោយសមាគមជប៉ុន-កម្ពុជា និងអង្គការពាណិជ្ជកម្មក្រៅប្រទេសជប៉ុន (JETRO) នាទីក្រុងតូក្យូ ជាទីកន្លែងដែលសម្តេចតេជោ ហ៊ុន សែន កំពុងបំពេញទស្សនកិច្ច។

នៅក្នុងឱកាសថ្លែងសុន្ទរកថា ទៅកាន់វិនិយោគិនជប៉ុនទាំងនោះ សម្តេចតេជោ ហ៊ុន សែន បានបង្ហាញអំពីស្ថានភាពនយោបាយកម្ពុជា នៅអំឡុងពេលបោះឆ្នោត ជាតិឆ្នាំ២០១៣។ សម្តេចបានរំលេចថា នៅអំឡុងពេលនោះ គណបក្សប្រឆាំង បានធ្វើព្យុះធ្វើភ្លៀងនៅក្នុងប្រទេស ដោយប្រកាសថា ឈ្នះនៅមុនការបោះឆ្នោត ប៉ុន្តែក្រោយបោះឆ្នោតបែរជាចាញ់ ហើយមិនទទួលស្គាល់លទ្ធផលខ្លួនទៅវិញ។

សម្តេចតេជោ ហ៊ុន សែន បានថ្លែងថា៖ «បក្សប្រឆាំងតែងតែប្រកាសអំពីភាពជោគជ័យរបស់គេនៅរាល់មុនការបោះឆ្នោត ប៉ុន្តែពួកគេក៏ធ្លាប់តែចាញ់រាល់ពេលនៃ ការបោះឆ្នោត ហើយតែងតែធ្វើបាតុកម្មជានិច្ចក្រោយការបោះឆ្នោត។ ឥឡូវដើម្បីចៀសវាង ច្រំដែលនៃប្រវត្តិសាស្រ្ត យើងក៏បានដាក់ចេញនូវច្បាប់ ព្រោះបក្សប្រឆាំងនៅកម្ពុជា មានចំណុចពិសេសរបស់គេគឺថា លទ្ធផលទាត់ចោល កៅអីគឺយក ប្រាក់ខែគឺយក។ ១មិន ២យក ! ១មិនយកលទ្ធផល...Read More

សម្តេចតេជោ ហ៊ុន សែន ប្រាប់អ្នកវិនិយោគជប៉ុនថា ភាពរីកចម្រើនរបស់កម្ពុជាមិនអាចខ្វះការវិនិយោគ របស់ក្រុមហ៊ុនជប៉ុន

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងថា ភាពរីកចម្រើនរបស់កម្ពុជា ក៏ដូចជាការឈានទៅសម្រេចគោលដៅក្លាយខ្លួន ជាប្រទេសមានចំណូលមធ្យមកម្រិតខ្ពស់នាឆ្នាំ២០៣០ មិនអាចកាត់ផ្តាច់ និងមិនអាចខ្វះបាននូវការវិនិយោគរបស់ក្រុមហ៊ុនជប៉ុននោះឡើយ។ ក្នុងន័យនេះសម្តេចនាយករដ្ឋមន្រ្តី បានអំពាវនាវដល់វិនិយោគិនជប៉ុនបន្តបណ្តាក់ទុនរកស៊ីនៅកម្ពុជាឲ្យបាន កាន់តែច្រើនថែមទៀត។

ការថ្លែងបញ្ជាក់ពីការដើរតួនាទីដ៏សំខាន់របស់អ្នកវិនិយោគជប៉ុនសម្រាប់ការអភិវឌ្ឍន៍របស់កម្ពុជា បានធ្វើឡើងនៅរសៀលថ្ងៃទី០៨ ខែសីហា ឆ្នាំ២០១៧នេះ ក្នុងពេលសម្តេចតេជោ ហ៊ុន សែន អញ្ជើញថ្លែងសុន្ទរកថាគន្លឹះក្នុងសិក្ខាសាលាស្ដីពីការវិនិយោគ រៀបចំដោយសមាគមជប៉ុន-កម្ពុជា និងអង្គការពាណិជ្ជកម្ម ក្រៅប្រទេសជប៉ុន (JETRO) នាទីក្រុងតូក្យូ ទីកន្លែងដែលសម្តេចតេជោ ហ៊ុន សែន កំពុងបំពេញទស្សនកិច្ច។

នៅចំពោះមុខអ្នកវិនិយោគរបស់ជប៉ុនជាច្រើននាក់នោះ សម្តេចតេជោ ហ៊ុន សែន បានថ្លែងបញ្ជាក់ថា សម្តេចមិនបោះបង់ចោលការប្រឹងប្រែងរបស់សម្តេចក្នុងការ ទាក់ទាញអ្នកវិនិយោគជប៉ុនមកកាន់ប្រទេសកម្ពុជាក្នុងរយៈពេលប្រមាណ ២០ឆ្នាំចុងក្រោយនេះនោះឡើយ។ សម្តេចបានបន្ថែមថា កិច្ចខិតខំប្រឹងប្រែងរបស់ សម្តេចក្នុងរយៈពេល ២០ឆ្នាំចុងក្រោយនេះ កំពុងទទួលបានផលជាបណ្តើរៗហើយ ដោយមានអ្នកវិនិយោគជាច្រើនកំពុងបណ្តាក់ទុនរកស៊ីនៅកម្ពុជា។

សម្តេចប្រមុខរាជរដ្ឋាភិបាលកម្ពុជា បានគូសបញ្ជាក់ថា «ខ្ញុំមិនបោះបង់ចោលនូវការខិតខំរបស់ខ្ញុំដែលមានជាង ២០ឆ្នាំមកនេះ គឺការខិតខំដើម្បីទាក់ទាញអ្នកវិនិយោគជប៉ុនទៅកាន់ប្រទេសកម្ពុជា»។

សម្តេចតេជោ ហ៊ុន សែន ក៏បានរំលឹកផងដែរ ពីដំណើរស្វែងរកសុខសន្តិភាពនៅក្នុងប្រទេសកម្ពុជា និងការប្រឹងប្រែងរបស់សម្តេចក្នុងការអភិវឌ្ឍប្រទេសចេញពីគំនរ ផេះផង់ នៃភ្លើងសង្រ្គាម រហូតក្លាយជាប្រទេសមួយកំពុងមានការរីកចម្រើនលូតលាស់ផ្នែកសេដ្ឋកិច្ច និងមានការទទួលស្គាល់ពីបណ្តាប្រទេសនានាលើពិភពលោក។

សម្តេចតេជោ បានគូសបញ្ជាក់ដូច្នេះ «ខ្ញុំបានទទួលដឹកនាំប្រទេសនេះ តាំងពីស្ថានភាពដែលប្រទេសនេះ ពីទីក្រុងគ្មានមនុស្សនៅ ហើយជាប្រទេសដែលខ្ទេចខ្ទាំ ដោយសង្រ្គាម និងការកាប់សម្លាប់គ្មានត្រាប្រណៃ។ ខ្ញុំបានយកជីវិតធ្វើដើមទុន ដើម្បីធ្វើឲ្យប្រទេសនេះមានការឯកភាព និងបញ្ចប់សង្រ្គាម។ យើងចាប់ផ្តើមកសាង សេដ្ឋកិច្ចលំបាកណាស់ ហើយយើងក៏មានការសង្ឃឹមច្រើនដែរទៅលើដៃគូជាមិត្ត»។

សម្រាប់សម្តេចតេជោ ហ៊ុន សែន បានឲ្យតម្លៃខ្ពស់ណាស់ទៅដល់តម្លៃនៃសន្តិភាព និងស្ថេរភាពនយោបាយ ដែលកំពុងគ្រប់ដណ្តប់លើផ្ទៃប្រទេសកម្ពុជា នាពេលបច្ចុប្បន្ន ព្រោះវាមិនត្រឹមតែនាំមកនូវសេចក្តីសុខសម្រាប់ប្រជាពលរដ្ឋ និងការផ្តល់ឱកាសសម្រាប់អភិវឌ្ឍន៍ប្រទេសប៉ុណ្ណោះទេ តែវាក៏ជាការរួមចំណែក សម្រាប់ទាក់ទាញអ្នកវិនិយោគទៅរកស៊ីនៅកម្ពុជាផងដែរ។

សម្តេចតេជោ ហ៊ុន សែន...Read More