​ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញចែកសញ្ញាជូននិស្សិត សាកលវិទ្យាល័យវេស្ទើនជាង៤០០០នាក់ នៅមជ្ឈមណ្ឌលកោះពេជ្រ

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃអង្គារ ១៣រោច ខែមាឃ ឆ្នាំរកា ព.ស២៥៦១ ត្រូវថ្ងៃទី១៣ ខែកុម្ភៈ ឆ្នាំ២០១៨នេះ បានអញ្ជើញជាអធិបតីប្រគល់ សញ្ញាបត្រជូននិស្សិតសកលវិទ្យាល័យវេស្ទើនប្រមាណ ៤,១៥៨នាក់។ ពិធីប្រគល់សញ្ញាបត្រនេះធ្វើឡើងនៅមជ្ឈមណ្ឌលកោះពេជ្រ។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានថ្លែងថា សិស្សរៀនកាន់តែពូកែ ការបង់ថ្លៃកាន់តែតិច គឺជាបំណងដែលរាជរដ្ឋាភិបាលកម្ពុជាចង់បាន។ សម្តេចតេជោ ហ៊ុន សែន ការអប់រំពឹងតែលើវិស័យរដ្ឋមិនអាចគ្រប់គ្រាន់នោះទេ ហេតុនេះហើយទើបរាជរដ្ឋាភិបាលសម្រេចឲ្យវិស័យឯកជនចូលរួមវិនិយោគលើវិស័យអប់រំ។

* សម្តេចតេជោ ហ៊ុន សែន បានថ្លែងថា គុណភាពអប់រំនៅតែជាបញ្ហា ហើយសាកលវិទ្យាល័យមានគុណភាពអប់រំល្អ គឺទទួលបានសិស្សកាន់តែច្រើន សាកលវិទ្យាល័យមានគុណភាពអប់រំទាប គឺទទួលសិស្សបានកាន់តែតិច។ សម្តេចតេជោថា នេះហើយគឺជាការប្រកួតប្រជែង តែការប្រកួតប្រជែងនេះ មិនមែនជាការប្រកួតប្រជែងដើម្បីសញ្ញាបត្រទេ គឺជាការប្រកួតប្រជែងយកគុណភាពចំណេះដឹងរបស់និស្សិត។

* សម្តេចតេជោ​ថ្លែងថា រាល់អាហារូបករណ៍ដែលសាកលវិទ្យាល័យនានាប្រគល់ជូនសម្តេច មិនបានយកទៅណានោះទេ គឺយកទៅកូនចៅប្រជាពលរដ្ឋខ្មែរ ដែលមានជីវភាពក្រីក្រ។

* សម្តេចប្រមុខរាជរដ្ឋាភិបាលបានលើកឡើងថា ការបណ្តុះបណ្តាលត្រូវផ្សារភ្ជាប់ជាមួយការងារធ្វើមិនមែនជារឿងដាច់ដោយឡែកនោះទេ។ សម្តេចរំលឹកថា នៅពេលប្រទេសទើបងើប ចេញពីសង្គ្រាម មិនសូវមានអ្នករៀននោះទេ ព្រោះតែរៀនហើយមិនមានការងារធ្វើ។

* សម្តេចតេជោបន្ថែមថា ត្រូវពន្លឿនការបណ្តុះបណ្តាលឲ្យបានកាន់តែច្រើនថែមទៀត ដើម្បីជំនួសអ្នកបច្ចេកទេស និងបុគ្គលិកបរទេស។

* សម្តេចតេជោ បានថ្លែងកត់សម្គាល់ថា តាមរោងចក្រសហគ្រាសនាពេលបច្ចុប្បន្នមានអ្នកបច្ចេកទេសជាជនខ្មែរច្រើន មិនសូវមានអ្នកបច្ចេកទេសបរទេសទៀតទេ។ ផ្ទុយទៅវិញតាមវិស័យសំណង់វិញអ្នកបច្ចេកទេសភាគច្រើនជាជនបរទេស ក្នុងន័យនេះសម្តេចជំរុញឲ្យក្រសួងមានការបណ្តុះបណ្តាលបច្ចេកទេសលើវិស័យសំណង់។

* សម្តេចតេជោ ហ៊ុន សែន បានលើកឡើងដែរថា ការសាងសង់វារីអគ្គិសនី ក៏កម្ពុជាមិនទាន់មានអ្នកជំនាញបច្ចេកទេសផងដែរ។

* សម្តេចតេជោ ហ៊ុន សែន បានថ្លែងថា គិតត្រឹមខែធ្នូ ឆ្នាំ២០១៧ ដល់ខែមករា ឆ្នាំ២០១៨...Read More

សម្តេចេតេជោ ហ៊ុន សែន បញ្ជាឲ្យបង្កើតគណៈកម្មការស្រាវជ្រាវ រកហេតុផលនាំឲ្យសិស្សស្រីបោះបង់ការសិក្សា

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានណែនាំឲ្យបង្កើតគណៈកម្មការមួយរវាងក្រសួងអប់រំ និងអាណាព្យាបាលសិស្ស ដើម្បីស្រាវជ្រាវ រកហេតុផលលើការបោះបង់ចោលការសិក្សារបស់សិស្សស្រី។ ការណែនាំរបស់សម្តេចតេជោ ហ៊ុន សែន បានធ្វើឡើងក្នុងឱកាសដែល សម្តេចអញ្ជើញជាអធិបតីក្នុងកិច្ចប្រជុំក្រុមប្រឹក្សាជាតិកម្ពុជា ដើម្បីស្ត្រីនាព្រឹកថ្ងៃចន្ទ ទី១២ ខែកុម្ភៈ ឆ្នាំ២០១៨នេះ។

ក្នុងកិច្ចប្រជុំនេះ សម្តេចតេជោ ហ៊ុន សែន បានស្នើឲ្យអ្នកពាក់ព័ន្ធជំរុញឲ្យសិស្សស្រីបន្តការសិក្សាឲ្យបានច្រើន ពោលមិនត្រូវឲ្យពួកគេឆាប់បោះបង់ការ សិក្សានោះឡើយ។

ក្នុងប្រជុំនាព្រឹកមិញនេះ សម្តេចតេជោ ហ៊ុន សែន បានជំរុញឲ្យស្រ្តីទាំងអស់ត្រូវខិតខំបង្កើនសមត្ថភាពខាងបច្ចេកវិទ្យាបន្ថែមទៀត ដើម្បីងាយស្រួលក្នុងការរកការងារធ្វើនាពេលបច្ចុប្បន្ននេះ ពីព្រោះកន្លែងធ្វើការនាពេលបច្ចុប្បន្ន គឺត្រូវការប្រើប្រាស់បច្ចេកវិទ្យា៕

សម្តេចតេជោ ហ៊ុន សែន ជំរុញក្រសួងសុខាភិបាលពន្លឿនការ ធ្វើកោសល្យវិច័យ លើការរំលោភសេពសន្ធវៈចំពោះស្ត្រី ដើម្បីកុំឲ្យបាត់ភស្តុតាង

FN ៖ ក្នុងកិច្ចប្រជុំក្រុមប្រឹក្សាជាតិកម្ពុជាដើម្បីស្ត្រីនាព្រឹកថ្ងៃទី១២ ខែកុម្ភៈ ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាអនុប្រធានកិត្តិយសនៃក្រុមប្រឹក្សាជាតិកម្ពុជាដើម្បីស្ត្រី បានជំរុញឲ្យក្រសួងសុខាភិបាលពន្លឿនការធ្វើកោសល្យវិច័យ លើការសេពសន្ធវៈរបស់ស្ត្រីឲ្យបានឆាប់រហ័ស ព្រោះថាការធ្វើកោសល្យវិច័យយឺតអាចនាំឲ្យបានភស្តុតាងក្នុងការដាក់ពាក្យបណ្តឹង។

ដើម្បីជួយដោះស្រាយសេវាផ្លូវច្បាប់សម្រាប់ស្ត្រីដែលរងគ្រោះដោយការរំលោភបំពានផ្សេងៗនោះ សម្តេចតេជោប្រមុខរាជរដ្ឋាភិបាល បានសម្រេចបង្កើនថវិកាពី ២០០លានរៀល ទៅ៥០០លានរៀល។ ទាក់ទងទៅនឹងសេវាជួយដល់ជនរងគ្រោះដោយអំពើហឹង្សាវិញ សម្តេចតេជោ បានសម្រេចឲ្យបង្កើតជាមជ្ឃមណ្ឌល ឬកន្លែងសម្រាប់ជួយដោះស្រាយ និងជួយសង្គ្រោះ ដល់ជនរងគ្រោះនៅតាមមន្ទីពេទ្យនីមួយៗតែម្តង ដើម្បីមានភាពងាយស្រួលដល់ជនរងគ្រោះ៕

សម្តេចតេជោ ហ៊ុន សែន រំលឹកជាថ្មីដល់អភិបាលរាជធានី-ខេត្ត ចៅហ្វាយខណ្ឌ ចៅហ្វាយស្រុក បើមិនចាត់វិធានការរថយន្តតទ្រុងខុសបច្ចេកទេស នឹងប្រឈមការដកតំណែង

FN ៖ នៅថ្ងៃអាទិត្យ ១១រោច ខែមាឃ ឆ្នាំរកា ព.ស២៥៦១ ត្រូវនឹងថ្ងៃទី១១ ខែកុម្ភៈ ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានរំលឹកជាថ្មីម្តងទៀតថា អភិបាលរាជធានី-ខេត្ត ចៅហ្វាយស្រុក ចៅហ្វាយខណ្ឌ ដែលមិនព្រមចាត់វិធានការចំពោះរថយន្តដែលតទ្រុងខុសលក្ខណៈបច្ចេកទេសទេនោះ នឹងត្រូវប្រឈមជាមួយការដកហូត តំណែងជាក់ជាមិនខាន។

សម្តេចតេជោ ហ៊ុន សែន បានគូសបញ្ជាក់លើទំព័រ Facebook ដែលកំពុងមានប្រជាប្រិយភាពយ៉ាងដូច្នេះ «ចំពោះរថយន្តតទ្រុង និងកាត់តកែច្នៃទាំងអស់ បើឃើញមានបើកបរនៅខេត្តណា ឬស្រុកណា គឺត្រូវចាប់ទុកទាំងអស់។ ទាំងរដ្ឋមន្រ្តី ទាំងចៅហ្វាយខេត្ត ចៅហ្វាយខណ្ឌ ទាំងចៅហ្វាយស្រុក គឺត្រូវទទួលខុសត្រូវ។ បើមិនចាត់វិធានការទេ គឺប្រឈមនឹងការដកតួនាទីមុខតំណែង»។

បើទោះបីជាយ៉ាងណាសម្តេចប្រមុខរាជរដ្ឋាភិបាលកម្ពុជា បានថ្លែងអំណរគុណដល់ក្រសួងសាធារណការ និងដឹកជញ្ជូន គណៈកម្មាធិការជាតិសុវត្ថិភាពចរាចរណ៍ផ្លូវគោក អាជ្ញាធរ និងសមត្ថកិច្ចគ្រប់ជាន់ថ្នាក់ ដែលកំពុងពង្រឹងការអនុវត្តន៍ច្បាប់ចរាចរណ៍ នឹងត្រួតពិនិត្យយានយន្តកៃច្នៃខុសលក្ខណៈបច្ចេកទេសនៅទូទាំងប្រទេស ដើម្បីទប់ស្កាត់ការដឹកទំនិញលើសទម្ងន់ កំណត់ដោយច្បាប់ ដែលបង្កឲ្យខូចផ្លូវស្ពាន និងបង្កគ្រោះថ្នាក់ផ្សេងៗដល់អាយុជីវិតប្រជាពលរដ្ឋ។

សម្តេចតេជោ ក៏បានបង្ហាញលទ្ធផលនៃប្រតិបត្តិការកាត់ទ្រុងរថយន្តដែលតខុសលក្ខណៈបច្ចេកទេសផងដែរ។ បើតាមសម្តេចតេជោ ហ៊ុន សែន គិតត្រឹមថ្ងៃម្សិលមិញ មានរថយន្តកែច្នៃដាក់ទ្រុង សណ្តាងធំៗខុសបច្ចេកទេស ៨១គ្រឿងហើយដែលបានកាត់ទ្រុងចេញ និងរថយន្ត ៧៦គ្រឿងទៀតត្រូវបានដោះទ្រុងសណ្តោងចេញ ហើយ៣១០គ្រឿងទៀត កំពុងត្រៀមកាត់ទ្រុងចេញ។

សម្តេចនាយករដ្ឋមន្ត្រីបានគូសរំលេចថា រថយន្តធំៗវែងៗទាំងនោះភាគច្រើនបើកលឿននៅលើដងផ្លូវដែលងាយនឹងបង្កគ្រោះថ្នាក់ខ្លាំងណាស់។ មានរថយន្តសណ្តោងធំៗវែងមួយចំនួនទៀត ក៏បានលួចចូលមកក្នុងក្រុងទម្លាក់ឥវ៉ាន់ចតធ្វើឲ្យប៉ះពាល់ដល់សណ្តាប់ធ្នាប់សាធារណៈផងដែរ។

សម្តេចតេជោ ក៏បានស្នើជនរួមជាតិចូលផ្ញើសារ (Comment) ក្នុង Facebook របស់សម្តេចពេលឃើញភាពអសកម្មចំពោះចំណាត់ការលើរថយន្តតទ្រុងខុសលក្ខណៈបច្ចេកទេសនេះផងដែរ។ សម្តេចបានសង្កត់ធ្ងន់ថា «ពេលនេះខ្ញុំនឹងចាត់វិធានការដោយខ្លួនឯង បើមន្រ្តីពាក់ព័ន្ឋទាំងនោះមិនអនុវត្តន៍»។

បើទោះបីជាយ៉ាងណា សម្តេចតេជោ បានស្នើដល់ប្រជាពលរដ្ឋគោរពច្បាប់ចរាចរណ៍គ្រប់ៗគ្នា។ «យើងមានផ្លូវថ្នល់ល្អៗ និងស្ពានល្អៗប្រើប្រាស់ សូមកុំបើកបរលឿនខុសច្បាប់ ហើយកុំដឹកទំនិញលើសការកំណត់ដោយច្បាប់។ យើងចូលរួមថែរក្សាផ្លូវថ្នល់ និងស្ពាននៅទូទាំងប្រទេស ដើម្បីយើងទាំងអស់គ្នាប្រើប្រាស់បានយូរអង្វែង»។

សូមបញ្ជាក់ថា កាលពីថ្ងៃទី០៩...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញបើកការដ្ឋានសាងសង់ស្ពានឆ្លងទន្លេមេគង្គថ្មីមួយទៀតតម្លៃជិត៥៧លានដុល្លារ តភ្ជាប់កំពង់ចាម ទៅត្បូងឃ្មុំ

FN ៖ នៅថ្ងៃសុក្រ ៩រោច ខែមាឃ ឆ្នាំរកា ព.ស២៥៦១ ត្រូវនឹងថ្ងៃទី០៩ ខែកុម្ភៈ ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញបើកការដ្ឋាន សាងសង់ស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីនៃខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ។ គម្រោងសាងសង់ស្ពាននិងផ្លូវនេះ គ្រោងចំណាយថវិកាជិត៥៧លានដុល្លារ ការសាងសង់នេះនឹងបញ្ចប់នៅឆ្នាំ២០២១ ដោយចំណាយពេលប្រមាណ៤២ខែ។

ខាងក្រោមនេះជាប្រសាសន៍របស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានប្រាប់ឯកអគ្គរដ្ឋទូតចិនថា ស្ពាន៨ ដែលចិនផ្តល់កម្ចីសម្រាប់សាងសង់មិនទាន់ចប់នោះទេ នៅយ៉ាងហោចណាស់៣ទៀត។ រួមមាន៖ ស្ពាននៅទីរួមខេត្តក្រចេះ ភ្ជាប់ទៅខេត្តកំពង់ធំ ស្ពានភ្ជាប់ពីជ្រោយចង្វា ទៅអរិយក្សត្រស្វាយជ្រុំ និងស្ពាំនភ្ជាប់ទៅក្តីតាកុយ។

* សម្តេចតេជោ ហ៊ុន សែន បានថ្លែងថា គ្មាននរណាស្មានដឹងថា កុមារម្នាក់ដែលធ្លាប់តែឆ្លងទូកនៅស្ទឹងត្រង់-ក្រូចឆ្មារ និងឆ្លងសាឡាងនៅតំបន់នានានោះ បានក្លាយជានាយករដ្ឋមន្ត្រីដឹកនាំប្រទេស ដែលមិនធ្លាប់បានគិតដល់នោះ។

* សម្តេចតេជោ ហ៊ុន សែន បានប្រតិកម្មចំពោះលោក សម រង្ស៊ី ដែលបានបបួលសម្តេចឈប់ធ្វើនយោបាយនៅអាយុ ៦៥ឆ្នាំ។ សម្តេចតេជោថ្លែងថា សម្តេចមិនល្ងង់តាមនោះទេ ហើយព្រោះតែមិនល្ងង់នេះហើយទើបសម្តេចបានដឹកនាំប្រទេសរហូតមក ហើយលោក​ សម រង្ស៊ី មិនអាចសម្រេចមហិច្ឆតារបស់ខ្លួន។

* សម្តេចតេជោ ហ៊ុន សែន បានប្រកាសដាច់ណាត់ថា មានសម្តេច គឺគ្មានវត្តមានលោក សម រង្ស៊ី នោះឡើយ។ បើតាមសម្តេចតេជោការប្រកាសដាក់ចេញការតាំងចិត្តបែបនេះ គឺធ្វើតាមលោក សម រង្ស៊ី ដែលបានប្រកាសកាលពី១០ឆ្នាំមុនថា «មានស៊ី ត្រូវអត់សែន ហើយបើមានសែន គឺត្រូវអត់ស៊ី»។

* សម្តេចនាយករដ្ឋមន្ត្រីបានថ្លែងថា ការអនុវត្តន៍នយោបាយចិនមួយដែលបន្តមរតកពីសម្តេចព្រះបរមរតនកោដ្ឋ នរោត្តម សីហនុ...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់រោងចក្រផលិតស៊ីម៉ង់ត៍ដ៏ធំនៅខេត្តកំពត

FN ៖ រោងចក្រផលិតស៊ីម៉ង់ត៍ដ៏ធំមួយនៅខេត្តកំពត ដែលបានវិនិយោគជាមួយទឹកប្រាក់រហូតដល់ ២៦២លានដុល្លារសហរដ្ឋអាមេរិករបស់សាជីវកម្ម ជីបម៉ុង អ៉ិនស៊ី ស៊ីមេន (CMIC) ត្រូវបានដាក់សម្ពោធឲ្យប្រើប្រាស់ជាផ្លូវការនៅព្រឹកថ្ងៃទី០៨ ខែកុម្ភៈ ឆ្នាំ២០១៨នេះ ក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

ពិធីអបអរសាទរនៃការបើកដាក់ឲ្យដំណើរការរោងចក្រផលិតស៊ីម៉ង់ត៍ដ៏ធំនៅកម្ពុជានេះ ក៏មានការអញ្ជើញចូលរួមយ៉ាងច្រើនកុះករផងដែរ ពីសំណាក់មន្ត្រីជាន់ខ្ពស់រាជរដ្ឋាភិបាលកម្ពុជា មន្ត្រីរាជការ សិស្សានុសិស្ស បុគ្គលិកក្រុមហ៊ុន និងប្រជាពលរដ្ឋសរុបប្រមាណជា ៧ពាន់នាក់។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ក្នុងឋានៈជានាយករដ្ឋមន្ត្រី ដែលបានដឹកនាំ និងអភិវឌ្ឍន៍ប្រទេសចេញពីភ្លើងសង្គ្រាម បានថ្លែងថា សមិទ្ធផលនៅលើទឹកដីខេត្តកំពត រួមមានរោងចក្រផលិតស៊ីម៉ង់តិ៍ចំនួន៣ និងវារីអគ្គិសនីមួយផងនោះ គឺជាសមិទ្ធផល ដែលបានកើតចេញពីសុខសន្តិភាពនៃជាតិ ដែលបានរកមកបានដោយលំបាក។

* សម្តេចតេជោ ហ៊ុន សែន បានថ្លែងថា បច្ចុប្បន្នកម្ពុជាមានលទ្ធភាពផលិតស៊ីម៉ង់ត៍បានប្រមាណ ៧លានតោនក្នុងមួយឆ្នាំ ជាមួយរោងចក្រចំនួន៤។

* ប្រមុខរាជរដ្ឋាភិបាលបានបន្តថា ស៊ីម៉ង់ត៍នេះ បានដើរតួនាទីសំខាន់សម្រាប់បំពេញតម្រូវការលើវិស័យសំណង់ និងផ្លូវមួយចំនួនផងដែរ។

* សម្តេចនាយករដ្ឋមន្ត្រីបានគូសបញ្ជាក់ថា រោងចក្រផលិតស៊ីម៉ង់ត៍នេះ មិនត្រឹមតែផ្តល់ការងារដោយផ្ទាល់ដល់ពលរដ្ឋដែលធ្វើការងារនៅក្នុងរោងចក្រដោយផ្ទាល់នោះទេ តែក៏បានផ្តល់ការងារដោយប្រយោលដល់ប្រជាពលរដ្ឋជាច្រើនទៀត។

* សម្តេចតេជោនាយករដ្ឋមន្ត្រី បានបន្តថា ក្រោយឆ្នាំ១៩៧៩ ពលរដ្ឋកម្ពុជាភាគច្រើនគឺបាតដៃទទេ តែពេលបច្ចុប្បន្នកម្ពុជាមានពលរដ្ឋជាអ្នកវិនិយោគ ដែលមានទុនរាប់រយ និងពាន់លានដុល្លារផងដែរ។

* សម្តេចតេជោប្រធានគណបក្សប្រជាជនកម្ពុជា បានអរគុណដល់ប្រជាពលរដ្ឋខ្មែរ ដែលបានគាំទ្រគណបក្សប្រជាជនកម្ពុជា និងរូបសម្តេចផ្ទាល់ឲ្យដឹកនាំប្រទេសជាតិ។ សម្តេចបានបន្ថែមថា រាល់ព្រឹត្តិការណ៍នៅក្នុងប្រទេសចុងក្រោយនេះ សុទ្ធតែបានផ្សារភ្ជាប់ជាមួយសម្តេច។

* សម្តេចតេជោបន្តថា អ្វីដែលកម្ពុជាកំពុងមាននាពេលបច្ចុប្បន្នសុទ្ធតែបានកើតចេញពីការដែលសម្តេចបានយកជីវិតទៅធ្វើដើមទុន ដើម្បីនាំមកនូវការរំដោះប្រទេសចេញ ពីរបបប្រល័យពូជសាសន៍ប៉ុលពត និងការយកជីវិតទៅបិទបញ្ចប់ភ្លើងសង្គ្រាមនៅទូទាំងប្រទេស។

* សម្តេចតេជោ ហ៊ុន សែន បានថ្លែងថា កិច្ចចរចាសន្តិភាពទីក្រុងប៉ារីស ២៣ តុលា ១៩៩១ មិនមែនជាអ្នកនាំសេដ្ឋកិច្ចទីផ្សារមកកម្ពុជានោះទេ ពោលសេដ្ឋកិច្ចទីផ្សារត្រូវបានសម្តេចដាក់ចេញ...Read More

សម្តេចតេជោ ហ៊ុន សែន​​ បានចូលបច្ច័យ៥ពាន់ដុល្លារ កសាងមជ្ឈមណ្ឌលអភិរក្សសួនគ្រញូង-នគរបាជ័យ និងរូបបដិមា៩អង្គ នៅខេត្តកំពង់ចាម, មជ្ឈមណ្ឌល និងរូបបដិមា៩អង្គ បានសម្ពោធជាផ្លូវការនៅថ្ងៃនេះ

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា តាមរយៈ លោក ហាស់ វ៉ារី​​ ទីប្រឹក្សាផ្ទាល់របស់សម្តេច បានចូលបច្ច័យ ៥ពាន់ដុល្លារ កសាងមជ្ឈមណ្ឌលអភិរក្សសួនគ្រញូង-នគរបាជ័យ និងរូបបដិមា៩អង្គ (ព្រះអង្គផ្ចាញ់មារ ព្រះអង្គចេក ព្រះអង្គចម ព្រះអង្គជុំ ព្រះអង្គចែម ព្រះអង្គច័ន្ទ ព្រះបាទជ័យវរ្ម័នទី៧ លោកតាដំបងដែក និងព្រះអង្គកងជុំ នៅក្នុងមជ្ឈមណ្ឌល ស្ថិតនៅ សង្កាត់ សំបូរមាស ក្រុមកំពង់ចាម ខេត្តកំពង់ចាម។

មជ្ឈមណ្ឌលអភិរក្សសួនគ្រញូង-នគរបាជ័យ និងរូបបដិមា៩អង្គ ត្រូវបានសម្ពោធជាផ្លូវការ នៅសង្កាត់សំបូរមាស ក្រុមកំពង់ចាម ខេត្តកំពង់ចាម ថ្ងៃទី០១ ខែកុម្ភៈ ឆ្នាំ២០១៨នេះ ក្រោមការអញ្ជើញចូលរួមពី លោក យឹម ឆៃលី ឧបនាយករដ្ឋមន្រ្តី និង លោកស្រី ទន់ ខុន និងក្រុមគ្រួសារ ព្រមទាំងពុទ្ធបរិស័ទ រួមនឹងក្រុមការងារចុះជួយមូលដ្ឋានខេត្តកំពង់ចាមយ៉ាងច្រើនកុះករ។

បន្ថែមពីលើនេះ លោក ហាស់ វ៉ារី​​ ទីប្រឹក្សាផ្ទាល់របស់សម្តេចតេជោ ហ៊ុន សែន ក៏បានឧបត្ថម្ភថវិកាចំនួន៣ពាន់ដុល្លារបន្ថែមទៀត ជូនទៅដល់ លោក ហ៊ិន អ៊ុន មេឃុំស្រងែ ស្រុកព្រៃឈរ ខេត្តកំពង់ចាម ដើម្បីជួយទៅដល់ប្រជាពលរដ្ឋក្រីក្រ គ្មានទីពឹង និងសម្រាប់ឧបត្ថម្ភជូនដល់គ្រួសារដែលមានសមាជិកទទួលមរណៈភាពផងដែរ៕

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញចែកសញ្ញាបត្រ និងសម្ពោធអគារទេពកោសល្យវិស្វកម្ម នៅវិទ្យាស្ថានបច្ចេកវិទ្យាកម្ពុជា

FN ៖ នៅព្រឹកថ្ងៃទី០១ ខែកុម្ភៈ ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញចែកសញ្ញាបត្រ និងសម្ពោធអគារទេព្យកោសល្យវិស្វកម្ម នៅវិទ្យាស្ថានបច្ចេកវិទ្យាកម្ពុជា។ និស្សិតវិទ្យាស្ថានដែលទទួលបានសញ្ញាបត្រពីសម្តេចតេជោ ហ៊ុន សែន រួមមាន និស្សិតបញ្ចប់ថ្នាក់បរិញ្ញាបត្ររងវិស្វកម្មជំនាន់២០, ២១ និង ២២, និស្សិតបរិញ្ញាបត្ររងវិស្វកម្មជំនាន់ទី៩, ទី១០ និងទី១១, វិស្វករជំនាន់ទី៣០ ទី៣១ និងទី៣២ និងនិស្សិតបរិញ្ញាបត្រជាន់ខ្ពស់ជំនាន់ទី៥ ទី៦ និងទី៧។

និស្សិតជ័យលាភីសញ្ញាបត្របរិញ្ញាបត្ររងវិស្វកម្ម បរិញ្ញាបត្រវិស្វកម្ម វិស្វករ និងបរិញ្ញាបត្រជាន់ខ្ពស់ផ្នែកអាហារូបករណ៍ និង ផ្នែកសិក្សាបង់ថ្លៃនៃវិទ្យាស្ថានបច្ចេកវិទ្យាកម្ពុជា ដែលត្រូវទទួលសញ្ញាបត្រសរុបចំនួន ២.៣២៨នាក់។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ងឿយឆ្ងល់ថា ហេតុអ្វីរដ្ឋមន្រ្តីផ្សេងៗជំនាន់មុន មិនយកនិស្សិតចេញពីវិទ្យាស្ថានបច្ចេកវិទ្យាកម្ពុជាទៅធ្វើការ ទុកឱ្យសម្តេចយកពួកគាត់ទៅធ្វើការនៅក្រសួងការបរទេសទៅវិញ។

* សម្តេចតេជោ ហ៊ុន សែន រំលឹកថា លោក ឡុង វិសាឡូ និស្សិតមកពីប្រទេសហុងគ្រី កាលមុនគេមិនឱ្យធ្វើការនៅក្រសួងកសិកម្ម ប៉ុន្តែត្រូវសម្តេចយកទៅធ្វើការនៅក្រសួងការបរទេស។

* សម្តេចតេជោ ហ៊ុន សែន រំលឹកថា នៅពេលកម្ពុជាទើបនឹងចាប់ផ្តើមដំបូងៗក្រោយសង្រ្គាម ពេលសូវៀតផ្តាច់ជំនួយ សម្តេចបានស្នើទៅបារាំង ប៉ុន្តែមានក្រុមមួយចំនួនដឹកនាំដោយ លោក ប៉ាង លីដា ប្រឆាំងវប្បធម៌និយាយភាសាបារាំងទៅវិញ។

* សម្តេចតេជោ ហ៊ុន សែន ប្រតិកម្មចំពោះការបង្ហាញពីការព្រួយបារម្ភចំពោះវត្តមានវិនិយោគិនចិន នៅក្នុងប្រទេសកម្ពុជា។ សម្តេចថ្លែងថា ការហូរចូលនូវវិនិយោគិនចិន ដោយសារតែកម្ពុជាយើង មិនទាន់ឆ្លើយតបចំពោះការវិវឌ្ឍរបស់ប្រទេស។

* សម្តេចតេជោ ហ៊ុន សែន បានថ្លែងថា អគារកំពស់៦០០ម៉ែត្រ នៅកម្ពុជា...Read More

សម្តេចតេជោ ហ៊ុន សែន៖ កម្ពុជាមានសុខសន្តិភាព ពលរដ្ឋមានសិទ្ធិសេរីភាពពេញលេញ ក្នុងការជ្រើសរើសជំនឿសាសនា និងប្រារព្វពិធីបុណ្យទានទៅតាមប្រពៃណីទំនៀមទម្លាប់ពីដូនតា ដោយគ្មានការបង្ខិតបង្ខំ

FN ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅព្រឹកថ្ងៃទី៣០ ខែមករា ឆ្នាំ២០១៨នេះ ជាថ្មីម្តងទៀត បានលើកឡើងអំពីសារៈសំខាន់នៃសន្តិភាពរបស់ប្រទេសកម្ពុជា ដែលអាចឲ្យប្រជាពលរដ្ឋខ្មែរ មានសិទ្ធិសេរីភាពពេញបរិបូរណ៍ ក្នុងការជ្រើសរើសជំនឿសាសនាតាមចិត្តរបស់ខ្លួន និងបង្កលក្ខណៈឲ្យប្រជាពលរដ្ឋប្រារព្ធពិធីបុណ្យទាន តាមទំនៀមទម្លាប់ ដោយគ្មានការបង្ខិតបង្ខំ ឬគៀបសង្កត់អ្វីឡើយ។

សម្តេចតេជោ ហ៊ុន សែន ក៏បានលើកឡើងនូវតថភាពជាក់ស្តែង ដែលប្រជាជនកម្ពុជា រៀបចំពិធីឆ្លងឆ្នាំ៣ដងក្នុងមួយឆ្នាំ គឺចូលឆ្នាំសកល ចូលឆ្នាំចិន និងចូលឆ្នាំខ្មែរ ដែលនេះសបញ្ជាក់ពីភាពសម្បូរសប្បាយរបស់កម្ពុជា តាមរយៈតម្លៃនៃសន្តិភាព។ ជាមួយគ្នានេះសម្តេចតេជោ ហ៊ុន សែន បានអំពាវនាវជាថ្មី ដល់ជនរួមជាតិខ្មែរ ត្រូវរួមគ្នាថែរក្សាសន្តិភាពដែលរកបានដោយលំបាក ឲ្យបានគង់វង្ស។

សម្តេចតេជោ ហ៊ុន សែន បានសរសេរយ៉ាងដូច្នេះថា «ខ្វះតែ១ថ្ងៃទៀតដាច់ខែមករា ហើយចូលឆ្នាំចិន ក៏នឹងមកដល់ក្នុងពេលឆាប់ៗ បន្ទាប់ពីចូលឆ្នាំសកលកន្លងទៅនេះ។ ពិតណាស់ កម្ពុជាយើងចូលឆ្នាំ៣ដងក្នុង១ឆ្នាំ ទាំងសកល, ឆ្នាំចិន និងឆ្នាំខ្មែរ។ ពីមុនយើងមិនសូវឃើញមានបងប្អូនសែនចិនច្រើនទេ ប៉ុន្តែសព្វថ្ងៃនេះគឺមានកាន់តែច្រើនឡើងៗ។ ប្រទេសជាតិមានសុខសន្តិភាព គឺពលរដ្ឋមានសិទ្ធិសេរីភាពពេញលេញ ក្នុងការជ្រើសរើសជំនឿសាសនា ក៏ដូចជាការអបអរប្រារព្វបុណ្យទាន ទៅតាមប្រពៃណីទំនៀមទម្លាប់ពីដូនតា ដោយគ្មានការបង្ខិតបង្ខំអ្វីឡើយ។

ខ្ញុំសូមជូនរូបថតអនុស្សាវរីយ៍មួយសន្លឹក ថតក្នុងទសវត្សឆ្នាំ១៩៩១ ដែលពេលនោះខ្ញុំ និងភរិយាបានទៅទស្សនកិច្ច នៅមហាកំពែងប្រទេសចិន ក្នុងពេលដឹកនាំគណប្រតិភូ ទៅចូលរួមកិច្ចប្រជុំក្រុមប្រឹក្សាជាតិជាន់ខ្ពស់ (Supreme National Council-SNC) មុននឹងចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីស នៅថ្ងៃទី២៣ តុលា ឆ្នាំ១៩៩១។

សន្តិភាពដែលយើងបានខិតខំ រកបានដោយលំបាកបំផុត គឺយើងត្រូវរួមគ្នាថែរក្សាអោយបានគង់វង្សទាំងអស់គ្នា។ ការចូលរួមចំណែករបស់ជនរួមជាតិ គឺបានធ្វើឲ្យប្រទេសជាតិ យើងមានមានសេចក្តីសុខ និងកាន់តែរីកចម្រើនមកទល់សព្វថ្ងៃ។ សូមជូនពរជនរួមជាតិ មានសុខសុភមង្គលក្នុងក្រុមគ្រួសារ សំណាងល្អ និងមានសុខសុវត្ថិភាព ក្នុងការធ្វើដំណើរជិតឆ្ងាយទាំងក្នុង និងក្រៅប្រទេសកុំបីខាន»៕

អនុរដ្ឋមន្ដ្រីការបរទេសជប៉ុន ប្ដេជ្ញានៅចំពោះសម្ដេចតេជោ ហ៊ុន សែន ថានឹងជំរុញទំនាក់ទំនងប្រទេសទាំងពីរឲ្យកាន់តែខ្លាំងបន្ថែមទៀត

FN ៖ អនុរដ្ឋមន្ដ្រីការបរទេសជប៉ុន លោក កាហ្ស៊ូយូគី ណាកាណេ (​Kazuyuki NAKANE) បានប្ដេជ្ញានៅចំពោះមុខសម្ដេចតេជោ ហ៊ុន សែន នាយករដ្ឋមន្ដ្រីកម្ពុជា ថាលោកនឹងជំរុញទំនាក់ទំនងរវាងប្រទេសទាំងពីរឲ្យកាន់តែខ្លាំងបន្ថែមទៀត ខណៈដែលជប៉ុនបានមកបើកស្ថានកុងស៊ុល នៅទីក្រុងសៀមរាប ​​គឺឆ្លុះបញ្ចាំងអំពីទំនាក់ទំនង​រវាងកម្ពុជា និងជប៉ុន កាន់តែស៊ីជម្រៅថែមទៀត។

នេះបើតាមការបញ្ជាក់របស់លោក អ៊ាង សុផល្លែត ជំនួយការផ្ទាល់របស់សម្ដេចតេជោ ហ៊ុន សែន ប្រាប់ក្រុមអ្នកសារព័ត៌មាន នៅព្រឹកថ្ងៃទី២៩ ខែមករា ឆ្នាំ២០១៨នេះ ក្រោយសម្ដេចតេជោ ហ៊ុន សែន អនុញ្ញាតឲ្យអនុរដ្ឋមន្ដ្រីការបរទេសជប៉ុន ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព។

អនុរដ្ឋមន្ដ្រីការបរទេស បានបញ្ជាក់ទៀតថា លោកនឹងពិនិត្យមើលលើការងារទាំងឡាយណា ដែលថ្នាក់ដឹកនាំកំពូលនៃប្រទេសទាំងពីរ បានសម្រេចរួមមកហើយ ហើយជំរុញការងារទាំងនោះឲ្យ មានប្រសិទ្ធភាព និងទទួលបានជោគជ័យ។ លោកសង្កត់ធ្ងន់ថា ទិសដៅរបស់ជប៉ុន​ក្នុងការរួមចំណែក​នៅក្នុងតំបន់ គឺជួយជំរុញការអភិវឌ្ឍ របៀងខាងត្បូងដែលក្នុងនោះមានការជំរុញ ការអភិវឌ្ឍហេដ្ឋារចនាសម្ព័ន្ធប្រកបដោយគុណភាព ការចូលរួមចំណែកអភិវឌ្ឍកំពង់ផែ និងតំបន់សេដ្ឋកិច្ចពិសេស នៅខេត្តព្រះសីហនុ​ បណ្តាញខ្សែភ្លើងក៏ដូចជាការជួយជំរុញការអភិវឌ្ឍធន​ធានមនុស្ស​។

លោក អ៊ាង សុផល្លែត បានអះអាងបន្ថែមថា លោក កាហ្ស៊ូយូគី ណាកាណេ ក៏បានជំរាបជូនសម្តេចតេជោនាយករដ្ឋមន្ដ្រី​ថា ជប៉ុនបានសម្រេចបង្កើតមហាវិទ្យាល័យ​បណ្តុះបណ្តាល​គ្រូ​ នៅកម្ពុជា​ផងដែរ។​ ​ឆ្លៀតឱកាសនោះ លោក កាហ្ស៊ូយូគី ណាកាណេ​ បានថ្លែងអំណរគុណសម្តេចតេជោ ដែលបានទទួលជួបក្រុមនាវាយុវជនកន្លងមក​។

​ជាការឆ្លើយតប សម្តេចតេជោ ហ៊ុន សែន បានថ្លែងអំណរគុណ ​ចំពោះលោក កាហ្ស៊ូយូគី ណាកាណេ​ ដែល​បានលើកឡើងអំពីគម្រោងជំនួយនានាមកកម្ពុជា ហើយសម្តេចបានមានប្រសាសន៍ថា ជំនួយរបស់ជប៉ុន​ទាំងអស់ គឺសុទ្ធតែជួយចំគោលដៅ នៃការអភិវឌ្ឍរបស់កម្ពុជា​ ហើយជំនួយទាំងនោះ គឺចំអាទិភាព របស់រាជរដ្ឋាភិបាលកម្ពុជា ដែល​ផ្តោតសំខាន់​ទៅលើ​ «ធនធានមនុស្ស​,...Read More

សម្តេចតេជោ ហ៊ុន សែន ស្នើឥណ្ឌាឱ្យបញ្ជូនអ្នកសង្កេតការ មកចូលរួមពិនិត្យតាមដាន ការបោះឆ្នោតនៅកម្ពុជា

FN ៖ ក្នុងពិភាក្សាជាមួយ លោកស្រី Sushma Swaraj រដ្ឋមន្រ្តីការបរទេសឥណ្ឌា នៅសណ្ឋាគារថាចម៉ាហាល ប្រទេសឥណ្ឌា នាថ្ងៃទី២៧ ខែមករា ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានស្នើឥណ្ឌាឱ្យបញ្ជូនអ្នកសង្កេតការ មកចូលរួមពិនិត្យតាមដាន ការបោះឆ្នោតនៅកម្ពុជា ចុងខែកក្កដាខាងមុខនេះ។

សម្តេចតេជោ ហ៊ុន សែន បានប្រកាសនៅលើទំព័រ ​Facebook ឱ្យដឹងថា មូលហេតុដែលសម្តេចស្នើឱ្យភាគីឥណ្ឌាបញ្ជូនអ្នកសង្កេតការទៅចូលរួមពិនិត្យតាមដានការបោះឆ្នោតនៅកម្ពុជា នៅថ្ងៃទី ២៩ ខែកក្កដា ឆ្នាំ២០១៨ ខាងមុខនេះ ដោយសារឥណ្ឌាជាប្រទេសប្រជាធិបតេយ្យដ៏ធំមួយ ដែលអាចវាយតម្លៃបានអំពីការបោះឆ្នោតនៅកម្ពុជាអំពីភាពសេរីត្រឹមត្រូវ និងយុត្តិធម៌ ក្នុងពេលបោះឆ្នោតខាងមុខនេះ។

លោកស្រីរដ្ឋមន្រ្តីការបរទេសឥណ្ឌា ក៏បានសម្តែងនូវក្តីសោមនស្សរីករាយចំពោះទំនាក់ទំនងល្អរវាងប្រទេសទាំងពីរដែលមានជាយូរមកហើយ។ លោកស្រី លើកឡើងថា តាមរយៈទំនាក់ទំនងល្អនិងមិត្តភាពល្អនេះហើយ គឺបានផ្តល់ឱកាសឱ្យឥណ្ឌាបានចូលរួមជួយកម្ពុជាទាំងក្នុងសកម្មភាពមនុស្សធម៌ និងក្នុងការចូលរួមស្វែងរកសន្តិភាពដល់កម្ពុជា រួមទាំងការបណ្តុះបណ្តាលធនធានមនុស្ស និងការថែរក្សាជួសជុលប្រាសាទបុរាណកម្ពុជាផងដែរ។

ក្រៅពីស្នើឱ្យភាគីឥណ្ឌា ចូលរួមសង្កេតការការបោះឆ្នោតនៅកម្ពុជា នៅក្នុងជំនួបពិភាក្សានេះ ភាគីទាំងពីរ ក៏បានលើកឡើងអំពីការចូលរួមរបស់កម្ពុជា ក្នុងបេសកកម្មអន្តរជាតិក្រោមឆ័ត្ររបស់អង្គការសហប្រជាជាតិផងដែរ។

សម្តេចតេជោ បានស្នើសុំឱ្យភាគីឥណ្ឌាពង្រឹងបន្ថែមនូវកិច្ចសហការគ្នាឱ្យកាន់តែល្អទៅលើបេសកកម្មអន្តរជាតិក្រោមឆ័ត្រ UN ដើម្បីការពារសុវត្ថិភាពបុគ្គលិក និងមន្រ្តីនៃប្រទេសទាំង២ ដែលកំពុងបម្រើការងារនៅតាមប្រទេសមួយចំនួនដូចជា Sudan, South Sudan, Central African Republic, Chad, Syria, Lebanon and Mali ជាដើម។ កន្លងមកកម្ពុជាចូលរួមតែកងកម្លាំង តែមិនទាន់បានចូលរួមជាគំនិតនៅឡើយ ដូច្នេះសូមឱ្យឥណ្ឌាសហការគ្នាឱ្យបានខ្លាំងលើចំណុចនេះ រួមទាំងការផ្លាសប្តូរព័ត៌មាន ចែករំលែកបទពិសោធន៍ចំណេះដឹងជំនាញជាដើម។

លោកស្រីរដ្ឋមន្រ្តី បានគាំទ្រជំហររួមក្នុងការធានាសុវត្ថិភាពកងទ័ពនៃប្រទេសទាំង២ក្នុងបេសកម្ម UN ហើយ នេះក៏ជាការព្រួយបារម្ភរបស់ឥណ្ឌាផងដែរ។ លោកស្រី នឹងពិភាក្សាជាមួយអគ្គលេខាធិការ UN លើចំណុចសំខាន់នេះ៕

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងជំនួបជាមួយអ្នកសាព័ត៌មានជាលើកទី២

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅល្ងាចថ្ងៃអាទិត្យ ៥កើត ខែមាឃ ឆ្នាំរកា ព.ស២៥៦១ ត្រូវនឹងថ្ងៃទី២១ ខែមករា ឆ្នាំ២០១៨នេះ បានអញ្ជើញជួបសំណេះសណាលជាមួយអ្នកព័ត៌មាន អ្នកនាំពាក្យ និងមន្ត្រីព័ត៌មានប្រមាណ ៣៤០០នាក់។

ក្នុងជំនួបនេះសម្តេចតេជោ ហ៊ុន សែន បានផ្តល់អនុសាសន៍ជាច្រើន ដើម្បីពង្រឹងវិស័យព័ត៌មាននៅក្នុងប្រទេសកម្ពុជា។ ខាងក្រោមគឺជាប្រសាសន៍សំខាន់ៗមួយចំនួនរបស់សម្តេចតេជោ៖

* សម្តេចតេជោ ហ៊ុន សែន បានថ្លែងថា ក្នុងបរិបថសភាពការណ៍លើវិស័យព័ត៌នាបនៅកម្ពុជានាពេលបច្ចុប្បន្ន ក្តៅ ឬ ត្រជាក់ ស្ថិតនៅលើស្ថាប័ន ឬ អ្នកព័ត៌មានខ្លួនឯងតែប៉ុណ្ណោះ។ សម្តេចតេជោថា បើចង់ក្តៅសរសេរជេរប្រមាថទៅ នឹងក្តៅ តែបើត្រជាក់សរសេរលើកដៃលើកជើងទំយើបុគ្គលឲ្យខ្លាំងទៅនឹងត្រជាក់រហូតហើយ។

* សម្តេចតេជោ ហ៊ុន សែន បានថ្លែងប្រាប់ក្រុមអ្នកព័ត៌មានថា ព័ត៌មានទាំងល្អ និងអាក្រក់ ត្រូវបញ្ចូលមកជាមួយគ្នា ដើម្បីក្លាយជាកញ្ចក់ឆ្លុះបញ្ចាំងមួយ។ សម្តេចបានថ្លែងថា ប្រសិនបើរឿងពិតហើយអាក្រក់មិនបញ្ចេញមកមិនអាចជួយសង្គមបាននោះទេ។

* សម្តេចតេជោ បានរំលឹកថា ត្រូវធ្វើយ៉ាងណាឲ្យមានព័ត៌មានពិតមួយ ហើយឆ្លុះបញ្ចាំងពីតថភាពពិតនៅក្នុងសង្គម។

* សម្តេចតេជោ ហ៊ុន សែន បានថ្លែងថា នៅកម្ពុជាមានព័ត៌មានបែបសកម្ម ៣ប្រភេទ៖ ១. សារព័ត៌មាន ដែលដើរតួជាម៉ាសព្យា និងជម្រិតទារប្រាក់គេជាដើម, ២. ព័ត៌មានអត់ច្បាប់ មិនគោរពច្បាប់ និងបន្លំប្រាក់មិនបង់ពន្ធ និង៣. ព័ត៌មានមានតែឈ្មោះតែគ្មានសកម្មភាព។

* សម្តេចតេជោ បានថ្លែងព័ត៌មាន៣ប្រភេទនេះ មិនគួរឲ្យមាននៅកម្ពុជានោះឡើយ។

* សម្តេចប្រមុខរាជរដ្ឋាភិបាល បានថ្លែងប្រាប់មន្ត្រីរាជរដ្ឋាភិបាលថា មិនត្រូវគិតថា អ្នកព័ត៌មានជាអ្នកបំផ្លេចបំផ្លាញនោះទេ។

* សម្តេចតេជោ បានផ្តាំផ្ញើទៅស្ថាប័នព័ត៌មាន និងអ្នកព័ត៌មានថា ដើម្បីឲ្យមានការគាំទ្រត្រូវប្រកាន់ចលនានិយមកណ្តាល មិនត្រូវឆ្វេងពេក ស្តាំពេក ហើយត្រូវតែហ៊ាននិយាយមក។...Read More