សម្តេចតេជោ ហ៊ុន សែន៖ ការផ្សព្វផ្សាយព័ត៌មានថាកម្ពុជាចុះហត្ថលេខាជាសម្ងាត់ជាមួយចិនប្រើមូលដ្ឋានយោធា គឺជាព័ត៌មានប្រឌិតដ៏អាក្រក់បំផុតប្រឆាំងជាមួយកម្ពុជា

FN ៖ ប្រតិកម្មឆ្លើយតបភ្លាមៗពីសំណាក់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាព្រឹកថ្ងៃទី២២ ខែកក្កដា ឆ្នាំ២០១៩នេះបានប្រកាសតាមបណ្តាញព័ត៌មាន Fresh News ថា ការផ្សព្វផ្សាយព័ត៌មានស្តីអំពីកម្ពុជាចុះហត្ថលេខាជាសម្ងាត់ជាមួយចិន ប្រើប្រាស់មូលដ្ឋានយោធា គឺជាព័ត៌មានប្រឌិតដ៏អាក្រក់បំផុតប្រឆាំងជាមួយកម្ពុជា។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្តល់កិច្ចសម្ភាសន៍ជាមួយលោក លឹម ជាវុត្ថា នាយកប្រតិបត្តិអង្គភាពព័ត៌មាន Fresh News នាព្រឹកថ្ងៃទី២២ ខែកក្កដា ឆ្នាំ២០១៩ ជាមួយខ្លឹមសារយ៉ាងដូច្នេះថា «នេះជាព័ត៌មានប្រឌិតដ៏អាក្រក់បំផុតប្រឆាំងជាមួយកម្ពុជា។ គ្មានរឿងបែបនេះកើតឡើងនោះទេ ព្រោះមូលដ្ឋានយោធា បរទេសវាបានប្រឆាំងនឹងរដ្ឋធម្មនុញ្ញរបស់កម្ពុជា»។

ប្រសាសន៍ឆ្លើយតបរបស់សម្តេចតេជោ ហ៊ុន សែន ធ្វើឡើងបន្ទាប់ពីសារព័ត៌មានបរទេសមួយចំនួន ព្រមទាំងសារព័ត៌មាន VOA បានចេញផ្សាយដកស្រង់តាម សារព័ត៌មាន The Wall Street Journal ថា «ប្រទេសចិនបានចុះហត្ថលេខាលើកិច្ចព្រមព្រៀងជាសម្ងាត់មួយ ដើម្បីអនុញ្ញាតឲ្យកងទ័ពរបស់ខ្លួន ប្រើប្រាស់មូលដ្ឋានទ័ពជើងទឹកកម្ពុជា។ កិច្ចព្រមព្រៀងនោះគឺកម្ពុជាផ្តល់ឲ្យភាគីចិននូវសិទ្ធិផ្តាច់មុខ ធ្វើជាមូលដ្ឋានទាហានជើងទឹកចិនជាផ្នែកមួយនៅឈូងសមុទ្រខ្មែរ ហើយនៅជិតព្រលានយន្តហោះធំមួយ ដែលកសាងដោយចិននឹងអនុញ្ញាតឲ្យចិនប្រើជាមូលដ្ឋានយោធារយៈពេល៣០ឆ្នាំ ដាក់ទ័ព ដាក់គ្រឿងសព្វាវុធ កន្លែងចតជាដើម»។

សម្តេចតេជោ ហ៊ុន សែន មានប្រសាសន៍អះអាងច្បាស់ៗបន្តថា «តើកម្ពុជាត្រូវការវត្តមានយោធាចិនលើទឹកដីរបស់ខ្លួនដើម្បីអ្វី? យើងមិនដែលបានពិភាក្សាណាមួយ ជាមួយមេដឹកនាំចិននោះឡើយកុំថាឡើយដល់មានចុះហត្ថលេខាលើកិច្ចព្រមព្រៀង។ ល្មមឈប់ប្រើព័ត៌មានក្លែងបន្លំអំពីវត្តមានកងទ័ពចិនលើទឹកដីកម្ពុជា ដើម្បីប្រឆាំងនិងយើងហើយ»។

សូមជំរាបថាកន្លងមកសម្តេចតេជោ ហ៊ុន សែន ព្រមទាំងមន្រ្តីយោធាកំពូលៗរបស់កម្ពុជា ធ្លាប់បានចេញសេចក្តីប្រកាស បដិសេធ ជា សាធារណៈច្រើនដងរួចហើយ អំពីបញ្ហានេះនិងអះអាងថា កម្ពុជាជារដ្ឋឯករាជ្យ អធិបតេយ្យ ច្បាប់រដ្ឋធម្មនុញ្ញរបស់កម្ពុជា មិនអនុញ្ញាតឲ្យមានមូលដ្ឋានយោធាបរទេសនៅលើទឹកដីខ្លួនឡើយ៕

សម្តេចតេជោ ហ៊ុន សែន ប្រាប់ពីមូលហេតុដែលសម្តេច «គ្រេចស្មា»

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅរសៀលថ្ងៃទី១៦ ខែកក្កដា ឆ្នាំ២០១៩នេះ បានទម្លាយនូវអាថ៌កំបាំងដែលធ្វើឲ្យសម្តេចគ្រេចស្មា ហើយត្រូវចេញទៅពិនិត្យ និងព្យាបាលនៅប្រទេសសិង្ហបុរី កាលពីពេលថ្មីៗកន្លងមកនេះ។

បន្ទាប់ពីលាក់ទុកអស់ជាច្រើនថ្ងៃរួចមកនោះ សម្តេចតេជោ ហ៊ុន សែន បានសម្រេចទម្លាយចេញនូវមូលហេតុដែលបណ្តាលឲ្យសម្តេចតេជោគ្រេចស្មា គឺដោយសារដួលកង់លើស្មៅ ក៏គ្រេចស្មាតែម្តងទៅ។

ជាមួយគ្នានេះ សម្តេចតេជោ ហ៊ុន សែន បានផ្តាំដល់មនុស្សវ័យចំណាស់ដែលមានអាយុលើសពី៥០ឆ្នាំ សូមកុំជ្រើសរើសយកកីឡាជិះកង់ ព្រោះអាចនាំមកនូវគ្រោះថ្នាក់ ឬឈឺខ្លួនប្រាណដូចសម្តេច។

សម្តេចតេជោ ហ៊ុន សែន បានសរសេរក្នុង Facebook នៅល្ងាចថ្ងៃទី១៦ ខែកក្កដា ឆ្នាំ២០១៩ យ៉ាងដូច្នេះថា «មានបងប្អូនយើងមួយចំនួនមានការងឿងឆ្ងល់ថា ហេតុអ្វីបានខ្ញុំគ្រេចស្មា? ចម្លើយខ្លីរបស់ខ្ញុំមកពីខ្ញុំ រពឹស។ មកពីហ្សឺណែវ ប្រទេសស្វីសនៅព្រឹកថ្ងៃសៅរ៍ ត្រៀមទៅវាយកូនគោលនៅព្រឹកថ្ងៃអាទិត្យ។ ក្រោកពីសម្រាកថ្ងៃរសៀល នឹកឃើញចង់រៀនជិះកង់ប្រណាំង ក៏រៀបចំខ្លួនជិះកង់តាមក្បួនខ្នាត មានទាំងមួកសុវត្តិភាពផង។ ជិះកង់បានប្រហែល៥០នាទី ដល់ពេលត្រូវឈប់ព្រោះបែកញើសខ្លាំងហើយ ពេលកង់ស្ទើរតែអស់ល្បឿនបែរជាកង់ដួលទៅលើស្មៅធ្វើឱ្យ ខ្ញុំគ្រេចស្មាខាងស្តាំ។ សុំបញ្ជាក់ថាកង់ដែលខ្ញុំជិះនេះ ជាប្រភេទកង់ប្រណាំងដែលទើបទិញមក សម្រាប់ការហាត់របស់ខ្ញុំ ដើម្បីឈានទៅចុះឈ្មោះជាកីឡាករប្រណាំងកង់សម្រាប់មនុស្សចាស់ តែខ្ញុំផ្តាំថា អាយុលើសពី៥០ឆ្នាំគួរកុំជិះកង់ប្រភេទនេះ នាំគ្រោះថ្នាក់ ឬឈឺខ្លួនដូចខ្ញុំនេះស្រាប់។ ក្មេងរពឹសមិនងាយរាងចាលទេ តែចាស់រពឹសឆាប់រាងចាលណាស់។ មានឡាន មានម៉ូតូជិះតែមកគ្រោះថ្នាក់ដោយសារកង់មកពី រពឹស»៕

សម្តេចតេជោ ហ៊ុន សែន៖ គណនី Facebook ប្រឌិតព័ត៌មានអាក្រក់ពីស្ថានភាពសុខភាពនាយករដ្ឋមន្ត្រី ជាបទល្មើសព្រហ្មទណ្ឌ

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអះអាងថា គណនី Facebook ទាំងឡាយណាដែលប្រឌិតព័ត៌មានអាក្រក់លើស្ថានភាពសុខភាពរបស់នាយករដ្ឋមន្ត្រីនៅក្នុងតំណែងនាំឱ្យមានការជ្រួលច្របល់មតិសាធារណៈប៉ះពាល់ដល់សន្តិសុខជាតិ គឺជាការប្រព្រឹត្តនូវបទល្មើសព្រហ្មទណ្ឌ។ សម្តេចតេជោនាយករដ្ឋមន្ត្រី បានគូសបញ្ជាក់ដូច្នេះក្នុងកិច្ចប្រជុំគណៈរដ្ឋមន្ត្រីនាព្រឹកថ្ងៃទី១២ ខែកក្កដា ឆ្នាំ២០១៩នេះ។

លោក ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាអ្នកនាំពាក្យរាជរដ្ឋាភិបាល បានបញ្ជាក់ប្រាប់អង្គភាពព័ត៌មាន Fresh News យ៉ាងដូច្នេះ «កិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ប្រសិនបើគណនីហ្វេសប៊ុកណាមួយប្រឌិតបំភ្លៃព័ត៌មាន (Fake News) ដែលធ្វើឱ្យមានការជ្រួលច្របល់មតិសាធារណៈជាហេតុផលធ្វើឱ្យប៉ះពាល់ដល់សន្តិសុខជាតិ ដោយប្រឌិតស្ថានភាពអាក្រក់ពីសុខភាពរបស់នាយករដ្ឋមន្រ្តី នៅក្នុងតំណែង គឺជាបទល្មើសព្រហ្មទណ្ឌ។ រាជរដ្ឋាភិបាល និងចាត់វិធានការយ៉ាងម៉ឹងម៉ាត់ចំពោះសកម្មភាពឧក្រិដ្ឋនេះ»។

ជាការកត់សម្គាល់ការដាក់ចេញវិធានការច្បាប់ចំពោះជនបំភ្លៃព័ត៌មានពាក់ព័ន្ធសុខភាពរបស់នាយករដ្ឋមន្ត្រីនេះ បានធ្វើឡើងបន្ទាប់ពីមានជនទុច្ចរិតមួយចំនួននៅលើបណ្តាញសង្គម Facebook តែងតែបង្ហោះព័ត៌មានប្រឌិត និងប្រមាថមកលើអាយុជីវិតរបស់នាយករដ្ឋមន្ត្រីនៃកម្ពុជា។ ជាក់ស្តែងកាលពីសប្តាហ៍កន្លងទៅនេះ គ្រាន់តែសម្តេចតេជោនាយករដ្ឋមន្ត្រីអញ្ជើញចេញទៅពិនិត្យសុខភាពនៅប្រទេសសិង្ហបុរី មានក្រុមជនទុច្ចរិតលើបណ្តាញសង្គមបង្ហោះព័ត៌មានបំភ្លៃការពិតជាច្រើនពាក់ព័ន្ធសុខភាពរបស់សម្តេច។ ការបង្ហោះសារប្រឌិតរបស់ក្រុមជនទុច្ចរិតនេះ ត្រូវបានគេចាត់ទុកជាការប្រមាថដល់អាយុជីវិតរបស់សម្តេចតេជោនាយករដ្ឋមន្ត្រី និងត្រូវបានមើលឃើញថា មានចេតនាបង្កឱ្យមានភាពចលាចលនៅក្នុងប្រទេសផងដែរ៕

ក្រុមហ៊ុនស្វីស ចង់បង្កើតមន្ទីរពេទ្យនៅកម្ពុជាជាមួយទុនប្រមាណ៤០លានដុល្លារ

FN ៖ ក្រុមហ៊ុនធំៗរបស់ស្វីស បានអះអាងត្រៀមថវិកាប្រមាណ ៤០លានដុល្លារអាមេរិក ដើម្បីបង្កើតមន្ទីរពេទ្យ និងមជ្ឈមណ្ឌលថែទាំងសុខភាពនៅកម្ពុជា។ ការអះអាងនេះបានធ្វើឡើងក្នុងពេលតំណាងក្រុមហ៊ុនរបស់ស្វីសចំនួន៦ ចូលជួបសម្តែងការគួរសម និងសំណេះសំណាលជាមួយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នាទីក្រុងហ្សឺណែវ ប្រទេសស្វីស នៅថ្ងៃទី០៤ ខែកក្កដា ឆ្នាំ២០១៩នេះ។

តំណាងក្រុមហ៊ុនបានអះអាងថា ពួកគេមិនត្រឹមតែបង្កើតមន្ទីរពេទ្យនោះទេ។ ពួកគេក៏ចង់ចូលរួមក្នុងការបណ្ដុះបណ្ដាល និងកសាងសមត្ថភាពលើវិស័យសុខាភិបាលផងដែរ។ ក្រៅពីបង្ហាញបំណងចង់បង្កើតមន្ទីរពេទ្យហើយនោះ តំណាងក្រុមហ៊ុនរបស់ស្វីស ក៏បានបង្ហាញការចាប់អារម្មណ៍ចង់វិនិយោគទៅលើវិស័យថាមពល និងវិស័យបច្ចេកវិទ្យាផងដែរ។

សម្ដេចតេជោនាយករដ្ឋមន្ត្រី បានមានប្រសាសន៍ថា សម្ដេចគាំទ្ររាល់ការវិនិយោគក្នុងប្រទេសកម្ពុជា ជាពិសេសការកសាងនូវហេដ្ឋារចនាសម្ព័ន្ធថ្មី ដូចជាមន្ទីរពេទ្យជាដើមនេះ រួមទាំងការបណ្ដុះបណ្ដាលធនធានមនុស្ស និងវិស័យថាមពល។

លើវិស័យសុខាភិបាល សម្តេចតេជោ ហ៊ុន សែន បានគូសបញ្ជាក់តំណាងក្រុមហ៊ុនស្វីសថា ប្រជាជនកម្ពុជាជាច្រើន បានទៅព្យាបាលនៅក្រៅប្រទេសដូចជា វៀតណាម ថៃ និងសិង្ហបុរីជាដើម។ សម្តេចតេជោ បានលើកឡើងថា ប្រសិនបើមានការវិនិយោគលើវិស័យសុខាភិបាលនៅប្រទេសកម្ពុជា ជារឿងល្អដោយសារអាចផ្ដល់សេវាផ្នែកសុខាភិបាលនេះ ដល់ប្រជាពលរដ្ឋខ្មែរ និងអាចមានជំនឿទុកចិត្តពីប្រជាពលរដ្ឋខ្មែរផងដែរ។

សម្តេចតេជោ បន្ថែមថា បច្ចុប្បន្នកម្ពុជាមានកំណើនភ្ញៀវទេសចរច្រើន ដូច្នេះវិស័យសុខាភិបាលដែលបង្កើតនៅប្រទេសកម្ពុជា មិនត្រឹមតែសម្រាប់ព្យាបាលដល់ប្រជាពលរដ្ឋកម្ពុជា ប៉ុណ្ណោះទេ ក៏ប៉ុន្តែ ក៏អាចផ្តល់សេវាកម្មផ្នែកសុខាភិបាលនៅដល់ភ្ញៀវទេសចរដែលមកទស្សនាប្រទេសកម្ពុជាផងដែរ។

«សូមឲ្យក្រុមហ៊ុនអ្នកវិនិយោគទាំងអស់ទៅសិក្សាក៏ដូចជាទៅទស្សនកិច្ចនៅក្នុងប្រទេសកម្ពុជា ដើម្បីធ្វើការពិភាក្សាការងារជាក់ស្ដែង និងដើម្បីអាចធ្វើការវិនិយោគក្នុងប្រទេសកម្ពុជាតែម្ដងលើវិស័យដែលមានបំណងចង់វិនិយោគនោះ»។ នេះជាប្រសាសន៍សម្តេចតេជោ ហ៊ុន សែន ដែលបានដកស្រង់មកបញ្ជាក់ដោយលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី។

ពាក់ព័ន្ធការបណ្តុះបណ្តាលធនធានមនុស្សវិញ សម្តេចតេជោ ហ៊ុន សែន បានណែនាំឱ្យចាប់ជាដៃគូជាមួយសាលារៀន ដែលមានស្រាប់នៅប្រទេសកម្ពុជាទាំងសាលារដ្ឋ និងសាលាឯកជន ដើម្បីបង្កភាពងាយស្រួល។

នៅចំពោះមុខតំណាងក្រុមហ៊ុនវិនិយោគនោះ សម្តេចតេជោនាយករដ្ឋមន្ត្រី បានគូសបញ្ជាក់ថា សម្ដេចពិតជារីករាយ និងស្វាគមន៍ដល់បណ្ដាក្រុមហ៊ុនវិនិយោគទាំងអស់៕

មេសិទ្ធិមនុស្សអន្តរជាតិ៖ ឧត្តមស្នងការសិទ្ធិមនុស្សទទួលស្គាល់ថា សម្តេចតេជោធ្វើឱ្យប្រសើរឡើងសិទ្ធិផ្នែកសេដ្ឋកិច្ច និងសង្គមរបស់ប្រជាពលរដ្ឋ

FN ៖ លោកស្រី មីឆែល បាឆេឡេ (Michelle Machelet) ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស បានថ្លែងថា ឧត្តមស្នងការសិទ្ធិមនុស្សនៃអង្គការសហប្រជជាជាតិ បានទទួលស្គាល់សម្តេចតេជោ ហ៊ុន សែន ជាមេដឹកនាំរបស់កម្ពុជា ដែលបានធ្វើឱ្យរីកចម្រើន និងប្រសើរឡើងសិទ្ធិផ្នែកសេដ្ឋកិច្ច និងសង្គមរបស់ប្រជាពលរដ្ឋ។

ការគូសបញ្ជាក់របស់លោកស្រី មីឆែល បាឆេឡេ បានធ្វើឡើងក្នុងជំនួបសម្តែងការគួរសម និងពិភាក្សាការងារមួយចំនួនលើបញ្ហាសិទ្ធិមនុស្សជាមួយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានៅថ្ងៃទី០៤ ខែកក្កដា ឆ្នាំ២០១៩នេះ នៅទីហ្សឺណែវ ប្រទេសស្វីស។ ជំនួបនេះធ្វើឡើងបន្ទាប់ពីសម្តេចតេជោ និងលោកស្រីឧត្តមស្នងការចូលរួមកិច្ចប្រជុំទៀងទាត់លើកទី៤១នៃក្រុមប្រឹក្សាសិទ្ធិមនុស្សអង្គការសហប្រជាជាតិ។

ក្នុងជំនួបនេះសម្តេចតេជោ ហ៊ុន សែន លោកស្រី មីឆែល បាឆេឡេ បានពិភាក្សាគ្នាជាច្រើនលើបញ្ហាសិទ្ធិមនុស្សនៅកម្ពុជា ក៏ដូចជាកិច្ចប្រឹងប្រែងមួយចំនួនរបស់កម្ពុជាក្នុងធ្វើឱ្យប្រសើរឡើងលើបញ្ហាសិទ្ធិមនុស្សនៅកម្ពុជា។ សម្តេចតេជោនាយករដ្ឋមន្ត្រីបានគូសបញ្ជាក់ផងដែរថា កន្លងមកមានការលាបពណ៌ជាច្រើនពាក់ព័ន្ធបញ្ហាសិទ្ធិមនុស្សនៅកម្ពុជា ប៉ុន្តែកម្ពុជានៅតែប្រឹងប្រែងអភិវឌ្ឍន៍ប្រទេស ប្រកាន់ខ្ជាប់លទ្ធិប្រជាធិបតេយ្យ ការការពារ និងលើកតម្កើងសិទ្ធិមនុស្ស។

សម្ដេចតេជោ ហ៊ុន សែន បានលើកឡើងថា និយាយពីសិទ្ធិមនុស្សនៅកម្ពុជា ជាពិសេសក្នុងសម័យខ្មែរក្រហម គឺគ្មានសិទ្ធិអ្វីទាំងអស់។ ផ្ទុយមកវិញសម្រាប់ពេលបច្ចុប្បន្ន កម្ពុជាបរិបូរណ៍ដោយសិទ្ធិ។

សម្តេចតេជោនាយករដ្ឋមន្ត្រី បានលើកឡើងទៀតថា សម្តេចបានធ្វើការងារជាច្រើន ដើម្បីជំរុញការអភិវឌ្ឍន៍ និងលើកកម្ពស់សិទ្ធិមនុស្សនៅកម្ពុជា។ ដូចជាពេលថ្មីៗនេះ សម្តេចបានធ្វើសកម្មភាពជួយស្ត្រីដែលមានក្តីក្តាំក្នុងប្រព័ន្ធតុលាការ ដោយបានបង្កើតក្រុមមេធាវីស្ម័គ្រចិត្តជួយការពារក្តីជូនពួកគេដោយឥតគិតថ្លៃ។ បន្ថែមពីលើនោះ សម្តេចក៏បានបង្កើនថវិកាជាតិសម្រាប់ក្រសួងកិច្ចការនារី ក៏ដូចជាក្រសួងយុត្តិធម៌សម្រាប់ធ្វើការងារលើសំណុំរឿងរបស់ស្ត្រី ដែលខ្វះមេធាវីផងដែរ។

សម្តេចតេជោនាយករដ្ឋមន្ត្រី បានបញ្ជាក់ផងដែរថា កន្លងមកនេះសម្តេចបានផ្តល់សិទ្ធិអំណាចជាច្រើនដល់ស្ត្រី ហើយកន្លងទៅនេះក៏បានដាក់ចេញនូវគោលនយោបាយជាច្រើនសម្រាប់ការគាំពារសង្គម។

លោកស្រី មីឆែល បាឆេឡេ ឧត្តមស្នងការទទួលបន្ទុកសិទ្ធិមនុស្សនៃអង្គការសហប្រជាជាតិ បានលើកឡើងនៅក្នុងជំនួបនោះថា មានការងារជាច្រើនត្រូវ យកចិត្តទុកដាក់លើកតម្កើងរួមមានទាំងការផ្តល់សិទ្ធិអំណាចដល់ស្ត្រីផងដែរ។ ជាពិសេសពាក់ព័ន្ធបញ្ហាសេដ្ឋកិច្ច ដែលកម្ពុជាបានធ្វើច្រើននាពេលកន្លងមក។

នៅចំពោះមុខសម្តេចតេជោ ហ៊ុន សែន, លោកស្រីឧត្តមស្នងការសិទ្ធិមនុស្សនៃអង្គការសហប្រជាជាតិ ក៏បានថ្លែងអំណរគុណដល់រាជរដ្ឋាភិបាលកម្ពុជា ដែលតែងតែទទួល យកនូវអនុសាសន៍នានា ដើម្បីកែលំអស្ថានភាពសិទ្ធិមនុស្ស។ លោកស្រីបន្ថែមថា ឧត្តមស្នងការសិទ្ធិត្រៀមខ្លួនជានិច្ចក្នុងការផ្តល់កិច្ចសហការនានា...Read More

ប្រសាសន៍ដ៏មានខ្លឹមសាររបស់សម្តេចតេជោ ហ៊ុន សែន ក្នុងឱកាសអញ្ជើញជួបសំណេះសំណាលជាមួយបងប្អូនប្រជាពលរដ្ឋខ្មែររស់នៅតំបន់អឺរ៉ុប

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញជួបសំណោះសំណាលជាមួយប្រជាពលរដ្ឋ សិស្ស និងនិស្សិត នៅក្នុងប្រទេសស្វីស និងប្រទេសមួយចំនួននៅអឺរ៉ុប នាព្រលប់ថ្ងៃទី០៤ ខែកក្កដា ឆ្នាំ២០១៩ ម៉ោងនៅប្រទេសស្វីស។

សម្តេចតេជោ ហ៊ុន សែន បានថ្លែងសំណេះសំណាលជិត៣ម៉ោង, ខាងក្រោមជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានថ្លែងថា សម្តេចពិតជារីករាយដែលបានវិលមកជួបសំណេះសំណាលជាមួយប្រជាពលរដ្ឋនៅតំបន់អឺរ៉ុបជាថ្មី បន្ទាប់ពីជួបកាលពីខែតុលា ឆ្នាំ២០១៨កន្លងទៅ។

* សម្តេចតេជោ ហ៊ុន សែន បានថ្លែងហៅការស្កាត់មកជួបសម្តេចរបស់បងប្អូនប្រជាពលរដ្ឋនៅអឺរ៉ុប គឺជាបង្ហាញឱ្យឃើញពីការយកចិត្តទុកដាក់របស់ប្រជាពលរដ្ឋនៅអឺរ៉ុប ចំពោះប្រទេសជាតិតាមរយៈតំណាងស្របច្បាប់។

* សម្តេចតេជោ ហ៊ុន សែន បានថ្លែងហួសចិត្តចំពោះការលើកឡើងមួយចំនួនថា ប្រជាពលរដ្ឋមកជួបសម្តេចមានការទិញដូរ។ សម្តេចតេជោ បានចាត់ទុកការលើកឡើងបែបនេះជាការប្រមាថដ៏ធ្ងន់ធ្ងរមួយ។

* សម្តេចតេជោ បានថ្លែងថា សម្តេចនឹកស្មានមិនដល់សោះថា ពលរដ្ឋខ្មែរនៅក្រៅប្រទេសមួយចំនួនអាចហារមាត់ចោទប្រកាន់ និងប្រមាថបែបនេះទៅរួច។

* សម្តេចតេជោ ហ៊ុន សែន បានថ្លែងថា សម្តេចបានតស៊ូក្នុងសរមភូមិសង្គ្រាមពីអតីតកាលតែសម្តេចមិនដែលប្រមាថប្រទេសជាតិម្តងណានោះឡើយ។

* សម្តេចតេជោនាយករដ្ឋមន្ត្រី បានថ្លែងថា សមាជិកគណបក្សប្រជាជនកម្ពុជា ធ្លាប់មានអ្នកដើរចេញពីបក្សតែសម្តេចមិនដែលជេរប្រមាថអ្នកដើរចេញនោះឡើយ។ ផ្ទុយទៅវិញមានតែគិតថា មកពីគណបក្សនៅមានចំណុចខ្វះចន្លោះទើបពួកគេដើរចេញ។

* សម្តេចតេជោ ហ៊ុន សែន បានថ្លែងថា ជាការសោកស្តាយមួយចំពោះកម្ពុជា ដែលមានជនចេះតែធ្វើទង្វើជាការប្រមាថ។

* សម្តេចតេជោនាយករដ្ឋមន្ត្រី បាននាំប្រជាពលរដ្ឋខ្មែរដែលមកជួបសម្តេចស្បថឱ្យស្លាប់ទាំងអស់គ្នា បើសិនជំនួបនេះមានការជួល ឬទិញដូរនោះ។ ផ្ទុយទៅវិញបើមិនមានការជួល ឬទិញដូរ គឺឱ្យអ្នកចោទនោះស្លាប់ដូចគ្នាផងដែរ។

* សម្តេចតេជោ ហ៊ុន សែន បានថ្លែងថា ការជួបគ្នារវាងសម្តេច និងប្រជាពលរដ្ឋខ្មែរនៅអឺរ៉ុប គឺជាការរត់រកគ្នានៃឈាមខ្មែរដូចគ្នា។

* សម្តេចតេជោ ហ៊ុន សែន បានថ្លែងថា ការប្រកាសធ្វើបាតុកម្មនៅថ្ងៃទី០៥...Read More

សម្តេចតេជោ ហ៊ុន សែន ប្រាប់អគ្គនាយក WTO ថា ដំណើរការដក EBA ពីកម្ពុជារបស់ EU ជាការអនុវត្តន៍ស្តង់ដារច្រើនយ៉ាង

FN ៖ នៅចំពោះមុខលោក រ៉ូប៊ែរតូ អាហ្សវ៉េដូ (Roberto Azevedo) អគ្គនាយកអង្គការពាណិជ្ជកម្មពិភពលោក WTO, សម្តេចតេជោ ហ៊ុន សែ នាយករដ្ឋមន្ត្រីនៃកម្ពុជា បាននិយាយរិះគន់ចំៗទៅលើចំណាត់ការរបស់គណៈកម្មការអឺរ៉ុប (EU) ដែលកំពុងអនុវត្តន៍នីតិវិធីក្នុងការព្យួរការអនុគ្រោះពន្ធជាបណ្តោះអាសន្ន សម្រាប់ទំនិញកម្ពុជា ឬហៅថា EBA នោះ។ សម្តេចតេជោ ហ៊ុន សែន បានហៅការចំណាត់ការរបស់ EU ក្នុងការព្យួរ EBA សម្រាប់កម្ពុជានេះ ជាការអនុវត្តន៍នូវស្តង់ដារច្រើនយ៉ាង។

បើទោះបីជាយ៉ាងណានៅក្នុងជំនួបពិភាក្សាជាមួយលោក រ៉ូប៊ែរតូ អាហ្សវ៉េដូ នៅទីក្រុងហ្សឺណែវ ប្រទេសស្វីស នាថ្ងៃទី០៣ ខែកក្កដា ឆ្នាំ២០១៩នេះ សម្តេចតេជោនាយករដ្ឋមន្ត្រីនៅរក្សាជំហរមួយច្បាស់លាស់ដដែលពាក់ព័ន្ធនឹងបញ្ហា EBA ។ សម្តេចតេជោ បានអះអាងថា ទោះបីទទួលបាន EBA កម្ពុជាមិនអាចក្លាយជាអ្នកមាន ហើយបើបាត់បង់ EBA ក៏កម្ពុជាមិនស្លាប់នោះដែរ។

តែបើទោះបីជាយ៉ាងណាសម្ដេចតេជោនាយករដ្ឋមន្ត្រី បានគូសបញ្ជាក់ថា កម្ពុជានៅតែបន្តពង្រឹងពង្រីកទីផ្សាររបស់ខ្លួន ហើយអង្គការពាណិជ្ជកម្មពិភពលោក នៅតែជាដៃគូល្អជាមួយកម្ពុជា ហើយកម្ពុជាក៏នៅតែជាដៃគូល្អជាមួយអង្គការពាណិជ្ជកម្មពិភពលោកផងដែរ។

ក្នុងជំនួបនេះសម្តេចតេជោ ហ៊ុន សែន ក៏បានឆ្លៀតគូសបញ្ជាក់ប្រាប់អគ្គនាយកអង្គការពាណិជ្ជកម្មពិភពលោកដែរថា សម្ដេចមិនមែនជាអ្នកនយោបាយឯកោនិយមនោះឡើយ។ ត្រង់ចំណុចនេះ សម្តេចប្រមុខរាជរដ្ឋាភិបាលកម្ពុជា ចង់គូសបញ្ជាក់ពីជំហរនយោបាយនយោបាយ ក៏ដូចជាការធ្វើពាណិជ្ជកម្មរបស់កម្ពុជា គឺតែងតែប្រកាន់នូវនយោបាយសមូហភាព និងបានបង្ហាញពីការធ្វើកំណែទម្រង់ពាណិជ្ជកម្មរបស់ខ្លួនជាច្រើនផងដែរ។

សម្ដេចតេជោ ហ៊ុន សែន ក៏បានថ្លែងអំណរគុណដល់អង្គការពាណិជ្ជកម្មពិភពលោក ដែលបានផ្ដល់ការជួយកម្ពុជាក៏ដូចជាជួយដល់ប្រទេសមានការអភិវឌ្ឍន៍តិចតួច។ សម្ដេចតេជោ បានគូសបញ្ជាក់ថា សម្រាប់ស្ថានភាពវិវាទពាណិជ្ជកម្មនាពេលបច្ចុប្បន្នជាពេលវេលាដែលល្អជាងពេលណាទាំងអស់ ដោយទទួលបានគាំទ្រអំពីតួនាទីរបស់អង្គការ ពាណិជ្ជកម្មពិភពលោក៕

នាយកប្រតិបត្តិផ្នែកសមាហរណកម្មពាណិជ្ជកម្ម WTO កោតសរសើរការធ្វើកំណែទម្រង់ពាណិជ្ជកម្មរបស់សម្តេចតេជោ ហ៊ុន សែន

FN ៖ លោកបណ្ឌិត រតនាការ អាឌីការី (Ratnakar Adhikari) នាយកប្រតិបត្តិនៃក្របខណ្ឌពង្រឹងសមាហរណកម្មពាណិជ្ជកម្ម របស់អង្គការពាណិជ្ជកម្មពិភពលោក WTO បានកោតសរសើរ និងវាយតម្លៃខ្ពស់ចំពោះការធ្វើកំណែទម្រង់ពាណិជ្ជកម្មរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ ជាពិសេសការដឹកនាំអភិវឌ្ឍន៍សេដ្ឋកិច្ចរបស់កម្ពុជាឱ្យរក្សាបានក្នុងកំណើនប្រមាណ ៧ភាគរយក្នុងរយៈពេល ២០ឆ្នាំចុងក្រោងក្រោយនេះ។

ការថ្លែងកោតសរសើរនេះ បានធ្វើឡើងនៅរសៀលថ្ងៃទី៣ ខែកក្កដា ឆ្នាំ២០១៩នេះ ក្នុងពេលដែលលោកបណ្ឌិត រតនាការ អាឌីការី អញ្ជើញចូលជួបពិភាក្សាការងារជាមួយសម្ដេចតេជោ ហ៊ុន សែន។ នៅក្នុងជំនួបនោះលោកនាយកប្រតិបត្តិ បានលើកឡើងថា លោកមានការចាប់អារម្មណ៍យ៉ាងខ្លាំងអំពីកំណើនសេដ្ឋកិច្ចកម្ពុជាដែលទទួលបានក្នុងរង្វង់ ៧%ក្នុងរយៈពេលជាង២ទសវត្សរ៍នេះ។

នាយកប្រតិបត្តិរូបនេះបានលើកឡើងថា អ្វីដែលកម្ពុជាបានអនុវត្តកន្លងមក គឺចេញជាលទ្ធផលគួរឲ្យកោតសរសើរជាពិសេសក្នុងការនាំចេញអង្ករផងដែរ។ លោកនាយកប្រតិបត្តិបានកោតសរសើរចំពោះសម្ដេចតេជោដែលកន្លងមកបានចូលរួមយ៉ាងសកម្មក្នុងការធ្វើសមាហរណកម្មពាណិជ្ជកម្មនេះ។

ជាការឆ្លើយតប សម្តេចតេជោនាយករដ្ឋមន្ត្រី បានមានប្រសាសន៍អញ្ជើញលោកនាយកប្រតិបត្តិឲ្យទៅទស្សនកិច្ចនៅប្រទេសកម្ពុជានៅពេលខាងមុខ ហើយសម្តេចក៏បានអរគុណចំពោះនាយកប្រតិបត្តិនិងស្ថាប័ន និងស្ថាប័នរបស់លោកដែលបានជួយដល់ប្រទេសកម្ពុជា ក្នុងការរៀបចំអភិវឌ្ឍនៃយុទ្ធសាស្ត្រសម្រាប់សមាហរណកម្មពាណិជ្ជកម្មនេះ។

សម្ដេចក៏បានគួរបញ្ជាក់ថា កន្លងមកកម្ពុជាបានទទួលការគាំទ្រប្រមាណ ៥៧លានកន្លះដើម្បីជំរុញការងាររបស់ប្រទេសកម្ពុជាក្នុងការសម្រួលដល់ការរៀបចំយុទ្ធសាស្ត្រសមាហរណកម្មពាណិជ្ជកម្មរបស់ប្រទេសកម្ពុជានេះ។ ប្រទេសកម្ពុជាបានបន្តធ្វើបច្ចុប្បន្នភាព ជាពិសេសលើពាណិជ្ជកម្មនេះ និងជាពិសេសក្នុងការជំរុញធ្វើយុទ្ធសាស្ត្រសមាហរណកម្មពាណិជ្ជកម្មក្នុងប្រទេសកម្ពុជា។

សម្តេចតេជោបានបញ្ជាក់ថា «យើងបានរៀបចំយុទ្ធសាស្រ្តនៃការធ្វើពាណិជ្ជកម្មកម្ពុជានៅ២០០១ មកម៉្លេះ។ ពិសេសក្នុងការរៀបចំយុទ្ធ សាស្ត្រចតុកោណរបស់ រដ្ឋាភិបាលដែលទទួលបានជោគជ័យកន្លងមក។ យើងចង់ឃើញបន្ទាប់ទៀត គឺការពង្រឹងនៃសមាហរណកម្មប្រជាជនជន ពីព្រោះកន្លងមកប្រទេសកម្ពុជា ឆ្លងកាត់ការលំបាកជាច្រើន ក៏ប៉ុន្តែប្រទេសកម្ពុជាបានតស៊ូជម្នះឧបសគ្គជាបន្តបន្ទាប់ជាពិសេសការរៀបចំដាក់ចេញនូវនយោបាយឈ្នះឈ្នះក្នុងឆ្នាំ១៩៩៨ មករហូតដល់កម្ពុជាបានចូលជាសមាជិកនៃអង្គការពាណិជ្ជកម្មពិភពលោកនៅឆ្នាំ២០០៤»។

សម្តេចតេជោក៏បានអរគុណនាយកប្រតិបត្តិ ដែលបានផ្ដល់ជំនួយជាពិសេសក្នុងការជួយការធ្វើយុទ្ធសាស្ត្រសមារណកម្មពាណិជ្ជកម្មប្រទេសកម្ពុជានេះឆ្នាំ ២០១៩-២០២៣។

សម្តេចតេជោបានគួសបញ្ជាក់ថា កម្ពុជានៅមានសក្តានុពលជាច្រើនទៀតក្នុងក្រខណ្ឌអាស៊ាន។ ជាពិសេសក្នុងការជំរុញពាណិជ្ជកម្មផ្ទៃក្នុងរបស់អាស៊ាន ដោយសារបច្ចុប្បន្នសេដ្ឋកិច្ចសេរីរវាងអាស៊ាន និងបណ្ដាប្រទេសដែលជាដៃគូសន្ទនារបស់អាស៊ានក៏អាចធ្វើសមាហរណកម្មផងដែរ។

សម្តេចតេជោបានលើកឡើងថា ត្រូវតែជំរុញពាណិជ្ជកម្មជាមួយបណ្ដាប្រទេសដែលជាប្រទេសដៃគូសន្ទនាដូចជាប្រទេសចិនជាដើម និងប្រួេសប្រទេសដទៃទៀតក្នុងតំបន់អាស៊ាន។ សម្តេចតេជោបានបញ្ជាក់ថា អង្គការពាណិជ្ជកម្មពិភពលោកនៅតែក្លាយជាអង្គការដែលមានស្ថេរភាព ហើយអ្វីដែលសំខាន់គឺកម្ពុជានៅតែបន្តប្រើប្រាស់យន្តការអង្គការពាណិជ្ជកម្មពិភពលោកនេះ ហើយសម្ដេចក៏បានស្នើធ្វើយ៉ាងណាឲ្យបន្តជួយប្រទេស កម្ពុជាជាបន្តទៀតក្នុងការធ្វើសមាហរណកម្មពាណិជ្ជកម្មនេះ ហើយមិនត្រឹមតែសម្រាប់ប្រទេសកម្ពុជាទេ ក៏ដូចជាប្រទេសដទៃទៀតផងដែរ៕

សម្តេចតេជោ ហ៊ុន សែន ស្នើហ្វាំឡង់បង្កើនការវិនិយោគនៅកម្ពុជា និងជំរុញទំហំពាណិជ្ជកម្មទ្វេភាគី

FN ៖ ក្នុងដំណើរបំពេញបេសកកម្មការងារនៅទីក្រុងហ្សឺណែវ ប្រទេសស្វីសនៅថ្ងៃទី០៣ ខែកក្កដា ឆ្នាំ២០១៩នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអនុញ្ញាតឱ្យលោក វិល ស្គីនណារី (Ville Skinnari) រដ្ឋមន្ត្រីសហប្រតិបត្តិបត្តិការអភិវឌ្ឍន៍ និងពាណិជ្ជកម្មអន្តរជាតិ ប្រទេសហ្វាំងឡង់ ចូលជួបសម្តែងការគួរសម និងពិភាក្សាលើការងារសំខាន់ៗមួយចំនួន។

ជាកិច្ចចាប់ផ្តើមនៃជំនួបសម្តេចតេជោ ហ៊ុន សែន និងលោក វិល ស្គីនណារី បានជជែកទៅលើការទិញម៉ាស៊ីនភ្លើងសម្រាប់ផលិតថាមពលនៅកម្ពុជា។ បើតាមលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឱ្យដឹងថា សម្តេចតេជោ ហ៊ុន សែន នៅចំពោះមុខរដ្ឋមន្ត្រីហ្វាំងឡង់ បានថ្លែងអំណរគុណដល់ក្រុមហ៊ុនហ្វាំងឡង់ដែលបានលក់ម៉ាស៊ីនភ្លើងអាចផលិតថាមពលរហូតដល់ ២០០េមហ្គាវ៉ាត់ និងបញ្ចេញផ្សែងពុលតិច សម្រាប់ដោះស្រាយបញ្ហាខ្វះថាមពលនៅកម្ពុជា។

សមភាគីទាំងពីរក៏បានជជែកផងដែរទៅលើការពង្រឹងទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។ ពាក់ព័ន្ធការពង្រឹងពង្រីកទំនាក់ទំនង និងកិច្ចសហប្រតិបត្តិការរវាងកម្ពុជា និងហ្វាំងឡង់នេះ លោករដ្ឋមន្ត្រីហ្វាំងឡង់ បានគូសបញ្ជាក់ថា ហ្វាំងឡង់កំពុងតែស្វែងរកកុងស៊ុលកិត្តិយស ដើម្បីជួយលើកតម្កើងដល់ទំនាក់ទំនងរវាងហ្វាំងឡង់ និងកម្ពុជានាពេលខាងមុខ។

ក្រៅពីបញ្ហាពង្រឹងពង្រីកទំនាក់ទំនង និងកិច្ចសហប្រតិបត្តិការរវាងកម្ពុជា និងហ្វាំងឡង់ សម្តេចតេជោ ហ៊ុន សែន បានជជែកផ្តោតជាសំខាន់ទៅលើការវិនិយោគ និងពង្រីកទំហំពាណិជ្ជកម្មរវាងប្រទេសទាំងពីរផងដែរ។

លោក កៅ គឹមហួន បានបញ្ជាក់ថា ក្នុងជំនួបនេះសម្តេចតេជោ ហ៊ុន សែន បានស្នើដល់លោក វិល ស្គីនណារី អញ្ជើញបំពេញទស្សនកិច្ចនៅកម្ពុជា ក៏ដូចជាណែនាំដល់ដល់អ្នកវិនិយោគហ្វាំងឡង់បំពេញទស្សនកិច្ចនៅកម្ពុជា ដើម្បីបានសិក្សាស្វែងរកឱកាសវិនិយោគនៅកម្ពុជា។

សម្តេចតេជោ ហ៊ុន សែន បានគូសបញ្ជាក់ថា ក្រៅពីវិស័យថាមពល ក្រុមហ៊ុនរបស់ហ្វាំងឡង់អាចសិក្សាវិនិយោគលើវិស័យជាច្រើនផ្សេងទៀត ដែលអាចពិចារណាលើសហគ្រាសធុនតូច និងធម្យមផងដែរ។ សម្តេចតេជោ បានសង្កត់ធ្ងន់ថា សម្តេចចង់ឃើញក្រុមហ៊ុនហ្វាំងឡង់វិនិយោគនៅកម្ពុជា ដោយអាចកែច្នៃនៅកម្ពុជាហើយនាំចេញទៅហ្វាំងឡង់ និងប្រទេសផ្សេងៗទៀត។ សម្តេចតេជោនាយករដ្ឋមន្ត្រី បានលើកឡើងថា កម្ពុជាត្រូវការអ្នកវិនិយោគពីហ្វាំងឡង់...Read More

សម្តេចតេជោ ហ៊ុន សែន ស្នើសមាជិក និងដៃគូអភិវឌ្ឍន៍ WTO បន្តជួយកម្ពុជា ដើម្បីសម្រេចមហិច្ឆតាក្លាយជាប្រទេសមានចំណូលខ្ពស់នៅឆ្នាំ២០៥០

FN ៖ នៅចំពោះមុខថ្នាក់ដឹកនាំអង្គការពាណិជ្ជកម្មពិភពលោក (WTO) និងបណ្តាមេដឹកនាំរដ្ឋជាសមាជិក ព្រមទាំងដៃគូអភិវឌ្ឍន៍របស់អង្គការ ពាណិជ្ជកម្មពិភពលោកមួយចំនួនទៀត ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន បានថ្លែងអំពាវនាវទៅដល់រដ្ឋជាសមាជិក និងដៃគូអភិវឌ្ឍន៍អង្គការ WTO បន្តជួយលើគម្រោងសំខាន់ៗមួយចំនួនទៀត ដើម្បីឱ្យកម្ពុជាសម្រេចមហិច្ឆតាក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូល ខ្ពស់នៅឆ្នាំ២០៥០។

ការទទូចរបស់សម្តេចតេជោនាយករដ្ឋមន្ត្រីនៃកម្ពុជា បានធ្វើឡើងតាមរយៈសុន្ទរកថាគន្លឹះថ្លែងក្នុងពិធីបើកកិច្ចប្រជុំត្រួតពិនិត្យឡើងវិញជាសកលលើកទី៧ «ស្តីពីជំនួយសម្រាប់ពាណិជ្ជកម្ម» នៅទីស្នាក់ការអង្គការពាណិជ្ជកម្មពិភពលោក នាទីក្រុងហ្សឺណែវ ប្រទេសស្វីស នាថ្ងៃទី០៣ ខែកក្កដា ឆ្នាំ២០១៩។

ប្រទេសកម្ពុជាបានក្លាយជាសមាជិកអង្គការពាណិជ្ជកម្មពិភពលោកនៅថ្ងៃទី១៣ ខែតុលា ឆ្នាំ២០០៤។ សម្តេចតេជោ ហ៊ុន សែន នៅទីស្នាក់ការងារអង្គការពាណិជ្ជកម្ម ពិភពលោកបានគូសរំលេចនូវអត្ថប្រយោជន៍ជាច្រើនក្នុងនាមជាសមាជិកពាណិជ្ជកម្មពិភពលោកក្នុងការអភិវឌ្ឍសេដ្ឋកិច្ច និងពាណិជ្ជកម្មរបស់កម្ពុជា។

សម្តេចតេជោ ហ៊ុន សែន បានថ្លែងថា ក្នុងនាមជាសមាជិកអង្គការពាណិជ្ជកម្មពិភពលោក កម្ពុជាបានខិតខំបំពេញនូវតួរនាទីប្រកបដោយភាពទទួលខុសត្រូវខ្ពស់ តាមរយៈការដាក់ចេញ និងការរៀបចំកម្មវិធីកែទម្រង់ប្រព័ន្ធសេដ្ឋកិច្ច, ច្បាប់, បទប្បញ្ញត្តិផ្សេងៗ និងវិធាននានា ដើម្បីឱ្យមានអនុលោមភាព និងសង្គតិភាពទាំងស្រុង ជាមួយបទប្បញ្ញត្តិអន្តរជាតិ ជាពិសេសឱ្យស្របតាមការសន្យារបស់កម្ពុជា ក្រោមក្របខ័ណ្ណនៃអង្គការពាណិជ្ជកម្មពិភពលោក។

សម្តេចតេជោនាយករដ្ឋមន្ត្រីបានលើកឡើងទៀតថា ជាមួយការខិតខំបំពេញកាតព្វកិច្ចជាសមាជិករបស់អង្គការពាណិជ្ជកម្មពិភពលោក រាជរដ្ឋាភិបាលកម្ពុជា ក៏បានអនុវត្តយ៉ាងខាប់ខ្លួន នូវគោលការណ៍នៃលទ្ធិប្រជាធិបតេយ្យសេរី ពហុបក្ស ខិតខំរក្សាសន្តិភាព, សន្តិសុខ, ស្ថិរភាពនយោបាយ, សណ្ឋាប់ធ្នាប់សង្គម និង គ្រប់គ្រងម៉ាក្រូសេដ្ឋកិច្ច និង ហិរញ្ញវត្ថុ ប្រកបដោយភាពប្រុងប្រយ័ត្ន តាមរយៈការដាក់ចេញ និង អនុវត្តនូវយុទ្ធសាស្រ្តទូលំទូលាយ ជាអាទី យុទ្ធសាស្រ្តចតុកោណ ដែលជារបៀបវារៈគោលនយោបាយរួមសម្រាប់ការអភិវឌ្ឍសង្គម សេដ្ឋកិច្ច, ផែនការយុទ្ធសាស្រ្តអភិវឌ្ឍជាតិ និងយុទ្ធសាស្រ្តតាមវិស័យសំខាន់ៗដទៃទៀត។

នៅក្នុងវិស័យពាណិជ្ជកម្មវិញ កម្ពុជាបានរៀបចំ និងដាក់ឱ្យអនុវត្តនូវយុទ្ធសាស្រ្តសមាហរណកម្មពាណិជ្ជកម្មកម្ពុជា តាំងពីឆ្នាំ២០០១ ហើយបានកែលម្អជាបន្តបន្ទាប់ ដើម្បីឆ្លើយតបទៅនឹងកម្រិតនៃការអភិវឌ្ឍរបស់កម្ពុជា។ ក្នុងឆ្នាំ២០១៩នេះ កម្ពុជាបានធ្វើបច្ចុប្បន្នភាពលើកទីបីរួចរាល់ជាស្ថាពរនូវយុទ្ធសាស្រ្ត សមាហរណកម្មពាណិជ្ជកម្មកម្ពុជា ២០១៩-២២៣ សំដៅឆ្លើយតបទៅនឹងតម្រូវការអភិវឌ្ឍន៍របស់កម្ពុជា ក៏ដូចជាឆ្លើយតបទៅនឹងបរិការណ៍បច្ចុប្បន្ន...Read More

សម្តេចតេជោ ហ៊ុន សែន ឧបត្ថម្ភដល់ដល់កងកម្លាំងដែលជួយរុករកជនរងគ្រោះ ដោយសាររលំបាក់អគារ៧ជាន់, បុរស ១០០ដុល្លារ និងនារី ២០០ដុល្លារ

FN ៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានឲ្យដឹងថា ក្រៅពីជនរងគ្រោះ និងគ្រួសារជនរងគ្រោះ ដោយករណីរលំបាក់អគារកម្ពស់ ៧ជាន់ នៅខេត្តព្រះសីហនុ សម្តេចក៏បានឧបត្ថម្ភដល់កងកម្លាំង ដែលបានជួយរុករក និងសង្គ្រោះជិត ១៥០០នាក់ ដោយបុរសម្នាក់ៗ ទទួលថវិកា១០០ដុល្លារ ចំណែកនារីទទួលបាន២០០ដុល្លារផងដែរ។

ការឧបត្ថម្ភនេះ បានធ្វើឡើងតាំងពីយប់ថ្ងៃទី២៤ ខែមិថុនា ឆ្នាំ២០១៩មកម្ល៉េះ បន្ទាប់ពីប្រតិបត្តិការរុករកជនរងគ្រោះដោយករណីរលំបាក់អគារ៧ជាន់ នៅខេត្តព្រះសីហនុបានបិទបញ្ចប់ ប៉ុន្តែសម្តេចទើបនឹងប្រកាសតាមរយៈ Facebook នៅល្ងាចថ្ងៃទី២៥ ខែមិថុនា ឆ្នាំ២០១៩។

សម្តេចតេជោ ហ៊ុន សែន បានបញ្ជាក់ថា៖ «ក្នុងការចូលរួមយោបល់តាមរយៈ Comment មានបងប្អូនមួយចំនួន សំណូមពរមកខ្ញុំឱ្យជួយឧបត្ថម្ភ ចំពោះកម្លាំងចូលរួមបំពេញការងាររុករក និងជួយសង្រ្គោះផង។ នេះពិតជាសំណូមពរត្រឹមត្រូវព្រោះបើគ្មានកម្លាំង ដែលពោពេញដោយភាពក្លាហានមិនខ្លាចនើយហត់នេះទេ យើងមិនអាចស្រោចស្រង់ជីវិតអ្នកដែលនៅរស់ និងយកសាកសពបានទេ»។

សម្តេចបញ្ជាក់ទៀតថា «ខ្ញុំបានយកថវិកាខ្ញុំជាង ១៥ម៉ឺនដុល្លារចែកជូនបងប្អូន ១៤៨៧នាក់ តាំងពីយប់មិញមកម្ល៉េះ ដោយបុរសទទួល ១០០ដុល្លារ ក្នុងម្នាក់ នារីទទួលបាន២០០ដុល្លារក្នុងម្នាក់ៗ។ ភរិយាខ្ញុំ និងកូនៗខ្ញុំបានជួយផ្តល់បាយម្ហូបអាហារទឹកផឹកទឹកក្រូច ក្នុងពេលប្រតិបត្តិការមុនពេលខ្ញុំទៅដលកន្លែងកើតហេតុ»។

សូមបញ្ជាក់ថា កាលពីទាបភ្លឺថ្ងៃទី២២ ខែមិថុនា ឆ្នាំ២០១៩ មានករណីរលំបាក់សំណង់អគារកម្ពស់៧ជាន់មួយ នៅខេត្តព្រះសីហនុ ដែលបានបណ្តាលឱ្យមានអ្នកស្លាប់២៨នាក់ និងអ្នករបួស២៦នាក់។

សម្តេចតេជោ ហ៊ុន សែន បានសម្តែងនូវការសោកស្តាយ និងចូលរួមរំលែកទុក្ខជាមួយគ្រួសារជនរងគ្រោះ ព្រមទាំងចុះទៅដឹកនាំប្រតិបត្តិការរុករកជនរងគ្រោះ នៅកន្លែងកើតហេតុដោយផ្ទាល់ទៀតផង។

ទន្ទឹមនឹងការចូលរួមរំលែកទុក្ខ និងសោកស្តាយ សម្តេចតេជោ ហ៊ុន សែន បានប្រកាសថា ថវិកាសម្រាប់ឧបត្ថម្ភដល់គ្រួសារជនរងគ្រោះ ដែលស្លាប់ដោយការរលំបាក់អគារ៧ជាន់ នៅខេត្តព្រះសីហនុ អាចកើនដល់៧ម៉ឺនដុល្លារក្នុងម្នាក់ៗ ចំណែកជនរងគ្រោះនឹងទទួលបានប្រាក់ឧបត្ថម្ភជាង១ម៉ឺនដុល្លារ ក្នុងម្នាក់ៗផងដែរ។

សូមបញ្ជាក់ថា ឧបទ្ទវហេតុរលំបាក់អគារកម្ពស់៧ជាន់ នៅខេត្តព្រះសីហនុ បានបិទបញ្ចប់ជាស្ថាពរ នៅវេលាម៉ោង៧៖៣០នាទីយប់...Read More

សម្ដេចតេជោ ហ៊ុន សែន៖ ទឹកប្រាក់ឧបត្ថម្ភជូនជនរងគ្រោះក្នុងហេតុការណ៍ បាក់រលំអគារគិតត្រឹមម៉ោង១២ថ្ងៃនេះ សរុប២,១៩៨,៤០០ដុល្លារ, គ្រួសារអ្នកស្លាប់ម្នាក់ៗទទួលបានជិត៨ម៉ឺនដុល្លារ

FN ៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅរសៀលថ្ងៃទី២៥ ខែមិថុនា ឆ្នាំ២០១៩នេះ បានឲ្យដឹងថា ថវិកាដែលបានមកពីការអំពាវនាវរបស់សម្ដេចបន្ថែមពីព្រះរាជអំណោយរបស់ព្រះមហាក្សត្រ និងសម្តេចម៉ែជាទីគោរពសក្ការៈ និងជំនួយឧបត្ថមរបស់ព្រឹទ្ធសភា រាជរដ្ឋាភិបាល កាកបាទក្រហមកម្ពុជា គិតត្រឹមម៉ោង១២ថ្ងៃត្រង់នាថ្ងៃនេះ មានសរុបចំនួន២,១៩៨,៤០០ដុល្លារ។

សម្ដេចតេជោប្រមុខរាជរដ្ឋាភិបាលបានបញ្ជាក់ថា ថវិកានេះត្រូវបានឧបត្ថម្ភជូនអ្នករបួសក្នុងម្នាក់១ម៉ឺនដុល្លារសម្រាប់២៤នាក់ ឯ២នាក់ទៀត ដែលស្ថិតក្រោមគំនរបាក់បែកប្រមាណជិត៦០ម៉ោង ដែលនៅរស់រានមានជីវិតដោយសារការជួយសង្រ្គោះ ត្រូវបានឧបត្ថម្ភក្នុងម្នាក់ចំនួន៣ម៉ឺនដុល្លារ សរុបអ្នករបួសចំណាយអស់៣០ម៉ឺនដុល្លារ។

សម្ដេចតេជោ ហ៊ុន សែន បានបន្ថែមថា ថវិកានៅសល់១,៨៩៨,៤០០ដុល្លារ ត្រូវបែងចែកស្មើៗគ្នា សម្រាប់អ្នកស្លាប់ចំនួន២៨នាក់ ដែលក្នុងមួយនាក់ទទួលចំនួន៦៧,៨០០ដុល្លារនេះ មិនគិតពីថវិការាជរដ្ឋាភិបាល១ម៉ឺនដុល្លារ ដែលជូនដល់គ្រួសារអ្នកស្លាប់មួយចំនួន ក្រោយ១ថ្ងៃនៃថ្ងៃកើតហេតុផងទេ។

តាមរយៈ Facebook នៅរសៀលថ្ងៃនេះ សម្ដេចតេជោ ហ៊ុន សែន បានបង្ហាញសារយ៉ាងដូច្នេះថា៖ «បងប្អូនជនរួមជាតិជាទីគោរពស្រឡាញ់! ក្នុងហេតុការបាក់អាគារកម្ពស់៧ជាន់នៅខេត្តព្រះសីហនុ ដែលធ្វើឲ្យប្រជាជនជាទីស្រឡាញ់របស់យើងស្លាប់២៨នាក់ របួស២៦នាក់ ក្រៅពីព្រះរាជអំណោយរបស់ព្រះមហាក្សត្រ និងសម្តេចម៉ែជាទីគោរពសក្ការៈ និងជំនួយឧបត្ថមរបស់ព្រឹទ្ធសភា រាជរដ្ឋាភិបាល កាកបាទក្រហមកម្ពជា។ ខ្លួនខ្ញុំបានអំពាវនាវសុំសប្បុជនជួយឧបត្ថម្ភបន្ថែម ដែលមកដល់ម៉ោង១២ ថ្ងៃទី២៥ ខែមិថុនានេះ ទទួលទឹកប្រាក់គិតជាដុល្លារ ចំនួន២,១៩៨,៤០០ដុល្លារអាមេរិក។

ថវិកានេះ ត្រូវបានឧបត្ថម្ភជូនអ្នករបួសក្នុងម្នាក់១ម៉ឺនដុល្លារ សម្រាប់២៤នាក់ ឯ២នាក់ទៀត ដែលស្ថិតក្រោមគំនរបាក់បែកប្រមាណជិត៦០ម៉ោង ដែលនៅរស់រានមានជីវិត ដោយសារការជួយសង្រ្គោះត្រូវបានឧបត្ថម្ភ ក្នុងម្នាក់ចំនួន៣ម៉ឺនដុល្លារ។ សរុបអ្នករបួសចំណាយអស់៣០ម៉ឺនដុល្លារ។

ថវិកានៅសល់១,៨៩៨,៤០០ដុល្លារ ត្រូវបែងចែកស្មើៗគ្នា សម្រាប់អ្នកស្លាប់ចំនួន២៨នាក់ ដែលក្នុងមួយនាក់ទទួលចំនួន៦៧,៨០០ដុល្លារនេះ មិនគិតពីថវិការាជរដ្ឋាភិបាល១ម៉ឺនដុល្លារ ដែលជូនដល់គ្រួសារអ្នកស្លាប់មួយចំនួន ក្រោយ១ថ្ងៃ នៃថ្ងៃកើតហេតុផងទេ។

លោក សេង ទៀង នាយករងខុទ្ទកាល័យរបស់ខ្ញុំ នឹងរៀបចំជូនក្រុមគ្រួសារសពតាមរយៈធានាគារ ដើម្បីធានាសុវត្ថិភាពសម្រាប់ក្រុមគ្រួសារសព។ ខ្ញុំសូមអរគុណចំពោះសប្បុសជនទាំងអស់ ដែលបានជួយជាថវិកា សម្រាប់ជនរងគ្រោះទាំងអ្នកស្លាប់ទាំងអ្នករបួស ដោយមិនគិតពីនិន្នាការនយោបាយ។

ជាថ្មីម្តងទៀតសូមអរគុណ និងកោតសសើរចំពោះកម្លាំង ដែលបានចូលរួមជួយរុករក និងជួយសង្រ្គោះដែលបានបង្ហាញនូវការទទួលខុសត្រូវ ផ្តល់នូវក្តីអាណិតស្រឡាញ់ចំពោះជនរងគ្រោះ...Read More