សារសម្តេចតេជោតាមហ្វេសប៊ុក ស្តីពី ”ប្រទេសជាតិមានសន្តិភាពពេញ លេញ ធ្វើឲ្យវិស័យកីឡាជាតិរីកលូតលាស់”

សុន្ទរកថា-ការអធិប្បាយ

នៅម៉ោង ៥ រសៀល ថ្ងៃនេះ ខ្ញុំ និងភរិយា មានកិត្តិយសចូលរួមនៅក្នុងពិធីបើកការប្រកួតកីឡាជាតិលើកទី ១ នៅពហុកីឡាដ្ឋានជាតិអូឡាំពិក ដែលចាប់ផ្តើមប្រកួតពីថ្ងៃទី ២៥ តុលា-៥ វិច្ឆិកា ២០១៦។ សូមជនរួម ជាតិ ជាពិសេសយុវជន ចូលរួមគាំទ្រទស្សនាអោយបានច្រើនកុះករទាំងអស់គ្នា។ Facebook ខ្ញុំ និង BTV នឹងផ្សាយបន្តផ្ទាល់ផងដែរ។ ដោយសារសង្រ្គាមជាង ៤០ ឆ្នាំ កន្លងមកនេះ កម្ពុជាយើងបានបាត់បង់ឱកាសជាច្រើន ក្នុងការជំរុញ វិស័យកីឡាជាតិ។ នៅក្នុងរបបខ្មែរក្រហម (១៩៧៥-១៩៧៩) គឺវិស័យកីឡាត្រូវបានបំបាត់ចោលទាំង ស្រុង។ ទើបតែពេលនេះ ក្រោយពីប្រទេសជាតិមានសន្តិភាពពេញលេញ ទើបយើងមានឱកាសកសាង វិស័យកីឡាជាតិអោយរីកលូតលាស់ឡើងវិញ។ ខ្ញុំ និងភរិយា សូមលើកទឹកចិត្ត និងគាំទ្រយ៉ាងពេញទំហឹងដល់ កីឡាករ កីឡាការិនី និងក្មួយៗយុវជន ក្នុង ការចូលរួមលើកស្ទួយកីឡាជាតិយើងអោយកាន់តែរីកចម្រើន និងល្បីរន្ទឺទាំងនៅក្នុងកម្រិតជាតិ និងអន្តរ ជាតិ ជាពិសេស ដើម្បីត្រៀមយកជ័យជម្នះនៅក្នុងការប្រកួតកីឡាស៊ីហ្គេម លើកទី ៣២ (the…

ការដកស្រង់ប្រសាសន៍សម្ដេចតេជោ ស្តីពី ខួបលើកទី២០ឆ្នាំ នៃការធ្វើសមាហរណកម្ម នៅតំបន់ប៉ៃលិន និងខួបលើកទី ២៥ ឆ្នាំ នៃកិច្ចព្រមព្រៀងសន្តិភាព ទីក្រុងប៉ារីស

សុន្ទរកថា-ការអធិប្បាយ

អ៊ុនតាក់ ចេញទៅ ទុកកម្ពុជាអោយនៅជាប្រទេសមួយ មានតំបន់ត្រួតត្រាពីរ និងរដ្ឋាភិបាលពីរ មុនចូលដល់កម្មវិធីនៃការសំណេះសំណាល អនុញ្ញាតអោយខ្ញុំយកឱកាសនេះ ដើម្បីថ្លែងសារបន្តផ្ទាល់​ចេញពីទីរួមខេត្តប៉ៃលិន ដើម្បីឧទិ្ទសទៅដល់ខួប ២០ ឆ្នាំ នៃសមាហរណកម្មតំបន់ប៉ៃលិន ក៏ដូចជាខួប​លើកទី ២៥ នៃថ្ងៃចុះហត្ថលេខាលើកិច្ចព្រមព្រៀងទីក្រុងប៉ារីស។ ខ្ញុំព្រះករុណាខ្ញុំ សូមយកឱកាសនេះ ថ្លែង​ជូនទៅកាន់ព្រះតេជព្រះគុណ ព្រះសង្ឃគ្រប់ព្រះអង្គនៅទូទាំងប្រទេស ក៏ដូចជាបងប្អូនខ្មែរដែលរស់នៅក្នុង និងនៅក្រៅប្រទេសទាំងអស់ អោយបានជ្រាបថា នៅថ្ងៃទី ២៣ ខែតុលា ខាងមុខនេះ ព្រះរាជាណាចក្រ​កម្ពុជារបស់យើងនឹងត្រូវធ្វើខួបអនុស្សាវរីយ៍នៃការចុះហត្ថលេខាលើកិច្ចព្រមព្រៀងទីក្រុងប៉ារីស។ ខ្ញុំព្រះករុ​ណាខ្ញុំ ចង់បញ្ជាក់ជូនព្រះតេជព្រះគុណ ក៏ដូចជាបងប្អូនជនរួមជាតិអោយបានជ្រាបថា អ្វីដែលកិច្ច​ព្រម​​ព្រៀង​ប៉ារីសចង់បាន ប៉ុន្តែអ៊ុនតាក់(UNTAC)មិនអាចធ្វើបាននោះ គឺនៅត្រង់ថា អ៊ុនតាក់បានប្រើ​ប្រាស់ ថវិ​កា​ចំនួនជាង ២.០០០ លានដុល្លារសហរដ្ឋអាមេរិក ជាមួយនឹងកម្លាំងយ៉ាងច្រើនសន្ធឹកសន្ធាប់ធ្វើ​ប្រតិបត្តិ​ការ​នៅក្នុងប្រទេសកម្ពុជា ប៉ុន្តែពេលអ៊ុនតាក់ដកត្រឡប់ចេញពីកម្ពុជាទៅវិញ គឺបន្សល់ទុកអោយ​កម្ពុជានៅ​ជា​ប្រទេសមួយដែលមានតំបន់ត្រួតត្រាពីរ និងរដ្ឋាភិបាលពីរ ហើយធ្វើសង្រ្គាមប្រឆាំងគ្នាមិនចេះ​ចប់។ តំបន់ប៉ៃលិននេះ និងតំបន់ជាប់ព្រំដែនកម្ពុជា-ថៃ ស្ទើរតែជាទូទៅ និងមួយភាគនៃ​ផ្ទៃក្នុង​ប្រទេស​នៅ​ស្ថិតនៅ​ក្រោមការគ្រប់គ្រងនៃអង្គការចាត់តាំងខាងនយោបាយ និងយោធារបស់កម្ពុជា​ប្រជាធិបតេយ្យនៅ​ឡើយ។ ក្នុងស្ថានភាពបែបនេះ ប្រទេសកម្ពុជាយើងក្នុងដំណាក់កាលនោះ សម្រាប់កិច្ចព្រមព្រៀងទីក្រុង​ប៉ារីស​សម្រេច​​បានត្រឹមតែភាគី ៣ ក្នុងចំណោមភាគី ៤ ចូលរួមប៉ុណ្ណោះ ប៉ុន្តែភាគីដែលមិនចូលរួមដែល​ដឹក​នាំ​ដោយ…

សេចក្តីដកស្រង់សង្កថា ពិធីជួបសំណេះសំណាលជាមួយ ជ័យលាភីនិទ្ទេស A ឆ្នាំ ២០១៦

សុន្ទរកថា-ការអធិប្បាយ

ជួប​ជាមួយសិស្សដែលបាននិទ្ទេស A ជាប្រចាំឆ្នាំ មុនឡើងមកដល់នេះ ខ្ញុំក៏បានចូលជួបមាតាបិតា អាណាព្យាបាលរបស់ក្មួយៗ នៅឯផ្នែកខាងក្រោម។ ដោយ​សារយើងមិនមានទីកន្លែងគ្រប់គា្រន់ យើងត្រូវរៀបចំនៅខាងលើនេះ គឺមានសិស្សជាប់និទ្ទេស A និង​នាយក​សា​លា និងអភិបាលរងខេត្តម្នាក់។ ការរៀបចំដំណើរលើកនេះ ត្រូវរៀបចំច្បាស់លាស់ មានការទទួលខុសត្រូវ ពេញលេញពីដើមដល់ចប់ ដែលក្នុងនោះ តម្រូវអោយ​អភិបាលរងខេត្តម្នាក់ និងប្រធានមន្ទីរអប់រំខេត្ត បូកនឹង​នាយកសាលាដែលមានសិស្សនិទ្ទេស A (ចូលរួម​ដែរ)។ ខ្ញុំគិតថា ជាដំណើរការដ៏រីករាយមួយដែលយើងបានជួបជុំគ្នានៅទីនេះប្រចាំឆ្នាំ។ ខ្ញុំគិតថា ធ្វើ(ការជួប​ជាមួយ​សិស្សបាននិទ្ទេសA) ជាប្រចាំឆ្នាំ។ ពិតហើយ ឆ្នាំទីមួយ គឺយើងមាន(សិស្សបាននិទ្ទេស A)តែ ១១ នាក់ទេ ហើយឆ្នាំទីពីរ គឺមាន ១០៨ នាក់។ ឯឆ្នាំទីបី គឺមាន ៤០៥ នាក់ ប៉ុន្តែទោះបីជាឡើង ១ ០០០ នាក់ ក៏ខ្ញុំត្រូវតែ​រក​វិធីដើម្បីជួបអោយបាន ដោយសារ(វាជា)កំណែទម្រង់ដែលហុចផ្លែផ្កា។ យើងបានទទួលផល​ហើយ ហើយ​ក៏​ទទួល​ស្វាគមន៍ពីសំណាក់មាតាបិតា អាណាព្យាបាល ក៏ដូចជាសង្គមទាំងមូលទទួលបាន​ទៅលើបញ្ហា​កំ​ណែទម្រង់​ក្នុងវិស័យអប់រំនេះ ពិសេសទាក់ទងនឹងការប្រឡងសញ្ញាបត្រមធ្យមសិក្សាទុតិយ​ភូមិ។ ខ្ញុំសូមមកឱកាសនេះ សំដែងនូវការអបអរសាទរ…