អង្គការភ្លែន សហការជាមួយក្រសួងអភិវឌ្ឍន៍ជនបទ បន្ដពង្រឹង និងលើកកម្ពស់អនាម័យជនបទនៅកម្ពុជា ខណៈបច្ចុប្បន្នមាន​ប្រជាពលរដ្ឋយល់ដឹងច្រើនពីផ្នែកអនាម័យ

FN ៖ នាថ្ងៃទី១៨ ខែឧសភា ឆ្នាំ២០១៧ អង្គការភ្លែន បានចូលរួមសហការជាមួយក្រសួងអភិវឌ្ឍន៍ជនបទ រៀបចំសិក្ខា សាសាផ្សព្វផ្សាយគម្រោងលើកកម្ពស់អនាម័យជនបទនៅក្នុងប្រទេសកម្ពុជា ដើម្បីបន្ដពង្រឹង និងលើកកម្ពស់អនាម័យជនបទនៅ តាមខេត្តមួយចំនួននៅក្នុងប្រទេសកម្ពុជា ខណៈពេលបច្ចុប្បន្នមានប្រជាពលរដ្ឋយល់ដឹងច្រើនពីផ្នែកអនាម័យ។ ការរៀបចំសិក្ខាសាលានេះធ្វើឡើងដើម្បីបង្ហាញពីគោលដៅ គោលបំណងនៃការធ្វើគម្រោង និងសកម្មភាពអនុវត្តកម្មវិធី ទៅដល់ភាគីពាក់ព័ន្ធ ស្វែងរកការគាំទ្រលើការអនុវត្តន៍កម្មវិធីនៅថ្នាក់ខេត្ត និងថ្នាក់មូលដ្ឋាន កសាងទំនាក់ទំនងរវាងអង្គការ ភ្លែនអន្តរជាតិដៃគូអនុវត្តគម្រោង និងស្ថាប័នរដ្ឋាភិបាលដែលពាក់ព័ន្ធ រួមទាំងអាជ្ញាធរមូលដ្ឋាន និងអង្គការដែលធ្វើការ លើវិស័យទឹកស្អាត និងអនាម័យនៅក្នុងខេត្តព្រៃវែង។ អង្គការភ្លែនអន្តរជាតិបានចាប់ផ្តើមប្រតិបតិ្តការនៅឆ្នាំ២០០២ និងកំពុងអនុវត្តន៍គម្រោងរបស់ខ្លួននៅក្នុងខេត្តដូចជា សៀមរាប ត្បូងឃ្មុំ ស្ទឹងត្រែង និងរតនគីរី ដែលមានការិយាល័យប្រចាំប្រទេសនៅភ្នំពេញ។ អង្គការភ្លែនអន្តរជាតិ អនុវត្តន៍គម្រោងចំនួន ៥ គឺ គម្រោងការថែទាំ និងអភិវឌ្ឍន៍កុមារតូច (ECCD) ការការពារកុមារ ទឹកស្អាត និងអនាម័យ អាហាររូបត្ថម្ភ និងការអប់រំ។ សិក្ខាសាលា​នេះធ្វើឡើងដើម្បីដោះស្រាយបញ្ហាប៉ះពាល់ដល់កុមារក្នុងប្រទេសកម្ពុជា។ អង្គការភ្លែនអន្តរជាតិ ត្រូវបានជ្រើសរើសអោយធ្វើជាភ្នាក់ងារប្រតិបត្តិ(EA) ដើម្បីដឹកនាំការអនុវត្តគម្រោងខាងលើ តាមរយៈ ដៃគូអភិវឌ្ឍន៍នានាដែលជ្រើសរើសចេញពីអង្គការក្នុងស្រុក អង្គការអន្តរជាតិ និងស្ថាប័នរាជរដ្ឋាភិបាលមួយចំនួនដើម្បី អនុវត្តហិរញ្ញប្បទានខាងលើអោយមានប្រសិទ្ធិភាព អង្គការភ្លែនអន្តរជាតិ…

សម្តេចតេជោ ហ៊ុន សែន ថ្លែងថា សមិទ្ធិផលសន្តិភាព និងភាពរីកចម្រើនរបស់កម្ពុជា គ្មានបាតដៃរបស់បក្សប្រឆាំងនោះឡើយ

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងគូសបញ្ជាក់ថា សមិទ្ធិផលសន្តិភាព និងភាពរីកចម្រើនរបស់កម្ពុជាតាំងពីដើម រហូតមកដល់ពេលបច្ចុប្បន្ននេះ គឺជាកិច្ចខិតខំប្រឹងប្រែងរបស់​គណបក្សប្រជាជនកម្ពុជា មិនមានបាតដៃរបស់គណបក្សប្រឆាំងនោះឡើយ ផ្ទុយទៅវិញបក្ស ប្រឆាំងនេះធ្លាប់ចូលដៃចូលជើងចង់នាំរបបវាលពិឃាតមកវិញថែមទៀតផង។ សម្តេចតេជោ ហ៊ុន សែន បានថ្លែងបញ្ជាក់ថា យ៉ាងដូច្នេះក្នុងកិច្ចសំណេះសំណាលជាមួយមន្រ្តីរាជការ កងកម្លាំងប្រដាប់អាវុធ និងមន្រ្តីក្រុមប្រឹក្សាឃុំ សង្កាត់ នៅទូទាំងខេត្តកំពង់ស្ពឺ នាព្រឹកថ្ងៃព្រហស្បតិ៍ ទី១៨ ខែឧសភា ឆ្នាំ២០១៧នេះ។ ប្រទេសកម្ពុជា បានរងភាពខ្ទេចខ្ទាំស្ទើរក្លាយជាផេះដោយសារតែភ្លើងសង្រ្គាមចាប់តាំងពីចុងទសវត្សរ៍ឆ្នាំ៦០ និងក្រោយការធ្វើរដ្ឋប្រហារទម្លាក់សម្តេច នរោត្តម សីហនុ ពីព្រះប្រមុខរដ្ឋដោយលោកសេនាប្រមុខ លន់ នល់ និងបក្ខពួកនៅថ្ងៃទី១៨ មីនា ឆ្នាំ១៩៧០ ហើយភាពខ្ទេចខ្ទាំបានកើតមានកាន់តែខ្លាំងថែមទៀត នៅក្នុងរបបកម្ពុជាប្រជាធិបតេយ្យរបស់បនប្រល័យពូជសាសន៍ ប៉ុល ពត (១៧ មេសា ១៩៧៥-០៧ មករា ១៩៧៩)។ ក្នុងរបបនេះ ៣ឆ្នាំ ៨ខែ និង២០ថ្ងៃនេះ មិនត្រឹមតែមិនកសាងប្រទេសឲ្យរីកចម្រើននោះទេ ពួកគេថែមទាំងបានកាប់សម្លាប់ប្រជាពលរដ្ឋខ្មែរអស់ជិត ៣លាននាក់ថែមទៀត។ ប្រទេសកម្ពុជា…

ធនាគារពិភពលោក៖ វិស័យសំណង់ និងវិស័យកាត់ដេរ ជំរុញឲ្យកំណើនសេដ្ឋកិច្ចកម្ពុជាកាន់តែរឹងមាំ, ក្នុងឆ្នាំ២០១៧-២០១៨ នឹងសម្រេចបាន ៦.៩%​

FN ៖ យោងតាមរបាយការណ៍របស់ធនាគារពិភពលោក បានឲ្យដឹងនៅថ្ងៃទី១៧ ខែឧសភា ឆ្នាំ២០១៧នេះថា វិស័យសំណង់ និងកាត់ដេរសម្លៀកបំពាក់ បានធ្វើឲ្យកំណើនសេដ្ឋកិច្ចកម្ពុជា បន្ដនៅមានភាពរឹងមាំ ហើយបានព្យាករណ៍​ថា សេដ្ឋកិច្ចកម្ពុជានឹងសម្រេចបាន ៦,៩% ក្នុងឆ្នាំ២០១៧-២០១៨នេះ។ តែរបាយការណ៍បានបង្ហាញថា បើទោះបីស្ថានភាពសេដ្ឋកិច្ចកម្ពុជា នៅមាន​ភាពល្អប្រសើរ ក៏មានសញ្ញាណនៃការថមថយលើវិស័យមួយចំនួន។ ការនាំចេញសម្លៀកបំពាក់ គឺកំពុងប្រឈមនឹងការ​​ប្រ​កួតប្រជែងធំធេង ដោយសារតែតម្លៃប្រាក់ដុល្លារឡើងថ្លៃ និងកម្រៃពលកម្មកើនឡើង ព្រមទាំងមានការប្រកួតប្រជែងពីប្រទេស​ក្នុង​តំបន់ ដែលមានកម្រៃពលកម្មទាប កំណើនក្នុងវិស័យនាំចេញសម្លៀកបំពាក់នេះនឹងទទួលបានតែ ៨,៤% ក្នុងឆ្នាំ២០១៦ បើ​ធៀប​ទៅនឹងឆ្នាំ២០១៥ គឺមាន១២,៣%។ អ្នកស្រី អ៊ីហ្គូណា ដូប្រាចា ប្រធានគ្រប់គ្រងធនាគារពិភពលោកប្រចាំកម្ពុជា បានថ្លែងឲ្យដឹងថា «កំណើនសេដ្ឋកិច្ចកម្ពុជានៅតែបន្ដ​រឹងមាំក្នុងរយៈពេលប៉ុន្មានឆ្នាំខាងមុខទៀត ហើយអត្រានៃភាពក្រីក្រនឹងបន្ដថយចុះ។ វាពិតជាសំខាន់ណាស់ក្នុងការធានាការវិនិយោ​គ​របស់ប្រទេសលើវិស័យហេដ្ឋារចនាសម្ព័ន្ធសាធារណៈ ដែលវាផ្ដល់ប្រយោជន៍ដល់ប្រជាជនក្រីក្រ ដែលទ្រទ្រង់ឲ្យមានកំណើនខ្ពស់ ស្រប់ពេលនេះដែរ ក៏ត្រូវផ្ដោតលើការកសាងជំនាញសម្រាប់វិស័យឯទៀតៗ ដែលផ្ដល់កំណើននាពេលអនាគត និងពង្រឹងការ​ផ្គត់​ផ្គង់វិស័យសាធារណៈ»។ របាយការណ៍ បានបញ្ជាក់ទៀតថា វិស័យដែលជួយរក្សាកំណើនរឹងមាំរបស់កម្ពុជារួមមាន៖ *ការជំរុញបង្កើនផលិភាពការងារដើម្បីជាថ្នូរ នឹងការកើនឡើងប្រាក់ឈ្នួលពិត។ អាទិភាពជាចំបងគឺលើកកម្ពស់គុណភាព នៃការអប់​រំមូលដ្ឋាន និងលើកម្ពុស់ជំនាញវិជ្ជាជីវៈ និងជំនាញបច្ចេកទេស ទន្ទឹមជាមួយនឹងការកាត់បន្ថយតម្លៃអគ្គិសនីដើម្បីទាក់ទាញ និង​ប្រកួតប្រជែងលើកម្មន្ដសាលមានតម្លៃបន្ថែមខ្ពស់ និងស្មុគ្រស្មាញ។…