Category Archives: បច្ចុប្បន្នភាព សង្គម

ក្រសួងឧស្សាហកម្ម និងសិប្បកម្ម ចេញសេចក្ដីប្រកាស ស្ដីពីការដាក់ឲ្យអនុវត្តគោលការណ៍រួម នៃការកំណត់ថ្លៃលក់ទឹកស្អាត

FN ៖ ​ក្រសួងឧស្សាហកម្ម និងសិប្បកម្ម ចេញសេចក្ដីប្រកាស ស្ដីពីការដាក់ឲ្យអនុវត្ត​គោលការណ៍រួម នៃការកំណត់ថ្លៃលក់ទឹកស្អាត ដែល​ផលិត និងផ្គត់ផ្គង់ដោយ​អ្នក​ផ្ដល់សេវាទឹកស្អាត (ទាំងផ្នែកសាធារណៈ និងផ្នែកឯកជន) ក្រោម​សមត្ថកិច្ចគ្រប់គ្រង់ របស់ក្រសួងឧស្សាហកម្ម និងសិប្បកម្ម។ ក្នុងសេចក្ដីប្រកាស ដែលអង្គភាពព័ត៌មាន Fresh News ទើបទទួលបាន​នៅរសៀលនេះ បានបញ្ជាក់ឲ្យដឹងថា ថ្លែលក់ទឹកស្អាត ត្រូវបែកចែកទៅតាមកម្រិត​អ្នកប្រើប្រាស់ ដោយកំណត់ដូចខាងក្រោម៖ * កម្រិតប្រើប្រាស់ចាប់ពី ០ម៉ែត្រគូប ដល់៣ម៉ែត្រគូប ថ្លៃលក់ទឹកស្អាតត្រូវបានកំណត់ ស្មើនឹងថ្លៃដើមផលិត ដោយផ្អែកលើការគិតគូ អំពីជីវភាពរស់នៅ របស់ប្រជាពលរដ្ឋ ដែលមានចំណូលទាប។ * កម្រិតប្រើប្រាស់ចាប់ពី ៤ម៉ែត្រគូប ឡើងទៅ ថ្លៃលក់ទឹកស្អាតត្រូវ​កំណត់កម្រិត ថ្លៃមួយដោយឡែក ផ្អែកតាមភូមិសាស្រ្ត​ជាក់ស្ដែ​ង​នីមួយៗ ដោយមានការឯកភាព​ ពីក្រសួងឧស្សាហកម្ម និងសិប្បកម្ម ឈរលើស្មារតីការពារ ផលប្រយោជន៍ប្រជាពលរដ្ឋ ដែលជាអ្នកប្រើប្រាស់ និងអ្នកផ្ដល់សេវាកម្មទឹកស្អាត។ យោងតាមសេចក្ដីប្រកាសដដែល​ បានបញ្ជាក់ថា ការកំណត់ថ្លៃលក់ទឹកស្អាត​​តាមគោលការណ៍រួមនេះ ចាប់អនុវត្តពីថ្ងៃទី១៥ ខែឧសភា ឆ្នាំ២០១៧ តទៅ។ សូមជម្រាបថា…

អគ្គនាយកដ្ឋានពន្ធដារ ប្រជុំផ្សព្វផ្សាយពីកាតព្វកិច្ចពន្ធ ចំពោះក្រុមហ៊ុនទើបចុះបញ្ជីថ្មី ដែលស្ថិតក្រោមការគ្រប់គ្រង របស់នាយកដ្ឋានគ្រប់គ្រង អ្នកជាប់ពន្ធធំ

FN ៖ នៅថ្ងៃទី១២ ខែឧសភា ឆ្នាំ២០១៧ នៅសាលាជាតិពន្ធដារ មានរៀបចំសិក្ខាសាលាផ្សព្វផ្សាយ ស្ដីពី «កាតព្វកិច្ចពន្ធចំពោះក្រុមហ៊ុន​ទើបចុះបញ្ជីថ្មី ដែលស្ថិត ក្រោមការគ្រប់គ្រងរបស់​ នាយកដ្ឋានគ្រប់គ្រងអ្នកជាប់ពន្ធធំ» ក្រោមអធិបតីភាពរបស់ លោក អេង រតនា ប្រធាននាយកដ្ឋានគ្រប់គ្រង អ្នកជាប់ពន្ធធំ នៃអគ្គនាយកដ្ឋានពន្ធដារ ដោយមានការចូលរួមពី លោកអនុ ប្រធាននាយកដ្ឋាន លោកប្រធាន-អនុប្រធានការិយាល័យ និងមន្ដ្រី នៃនាយកដ្ឋានគ្រប់គ្រងអ្នកជាប់ពន្ធធំ លោក-លោកស្រី តំណាងសហគ្រាសដែលទើប ទទួលបានការចុះបញ្ជីពន្ធដារថ្មីចំនួន ២០០សហគ្រាស ដែលត្រូវប្រកាស និងបង់ពន្ធនៅនាយកដ្ឋានគ្រប់គ្រងអ្នកជាប់ពន្ធធំ។ លោក អេង រតនា បានសំដែងនូវកិច្ចស្វាគមន៍ចំពោះវត្ដមានរបស់ លោក លោកស្រី នាងកញ្ញា តំណាងក្រុមហ៊ុន និងលោក-លោកស្រី ជាមន្ដ្រីពន្ធដារ និងភ្ញៀវកិត្ដិយសទាំងអស់ ដែលបានអញ្ឆើញចូលរួមក្នុង អង្គសិក្ខាសាលានេះ។ លោកបន្តថា តាមរយៈសិក្ខាសាលានេះ តំណាងក្រុមហ៊ុនដែលទើបចុះបញ្ជីថ្មីៗទាំងអស់ដែលមានវត្តមាននាព្រឹកនេះ នឹងបានយល់ច្បាស់អំពីកាតព្វកិច្ចពន្ធ ដែលត្រូវបំពេញ និងដើម្បីជៀសវាងបាននូវកំហុសឆ្គងទាំងឡាយ ក្នុងការរៀបចំប្រកាសនិងបង់ពន្ធប្រចាំខែ ប្រចាំឆ្នាំ។ ប្រធានបទសំខាន់ៗដែលលើកយកមកធ្វើបទបង្ហាញ មានដូចខាងក្រោម ៖…

នាយឧត្តមសេនីយ៍ នេត សាវឿន៖ គោលនយោបាយ ភូមិ-ឃុំ មានសុវត្ថិភាព មិនមែនកើតឡើងដោយការបន់ស្រន់​ចេកមួយស្និត និងធូបបីសរសៃទេ, កើតឡើងដោយការ ធ្វើពលិកម្មរបស់យើងទាំងអស់គ្នា

FN ៖ អគ្គស្នងការនគរបាលជាតិ នាយឧត្តមសេនីយ៍ នេត សាវឿន បានថ្លែងថា គោលនយោបាយភូមិ-ឃុំ មានសុវត្ថិភាពរបស់រាជរដ្ឋាភិបាល ដែលបានពង្រឹងសុខសន្តិភាព សណ្តាប់ធ្នាប់ពាសពេញផ្ទៃប្រទេស មិនមែនកើតឡើងដោយការបន់ស្រន់ ចេកមួយស្និត និងធូបបីសរសៃនោះទេ។ សុខសន្តិភាពដែលកើមមានពេញផ្ទៃប្រទេសនោះ គឺកើតឡើងដោយការខិតខំ ការធ្វើពលិកម្មរបស់យើងទាំងអស់គ្នា។ ការថ្លែងរបស់នាយឧត្តមសេនីយ៍អគ្គស្នងការបែបនេះ ក្នុងឱកាសដែលលោកចូលរួមប្រកាសតែងតាំង ផ្លាស់ប្តូរស្នងការនគរបាលខេត្តព្រះវិហារថ្មី នៅព្រឹកថ្ងៃទី១១ ខែឧសភា ឆ្នាំ២០១៧នេះ។ នាយឧត្តមសេនីយ៍ នេត សាវឿន បានបញ្ជាក់ថា «កន្លងមកមានមជ្ឈដ្ឋានខ្លះ បានលំអៀង ហើយក៏មានសារព័ត៌មានខ្លះ បានឆ្កឹះដោយបានវាយតម្លៃថា គោលនយោបាយភូមិ-ឃុំ មានសុវត្ថិភាពរបស់រាជរដ្ឋាភិបាលបរាជ័យ»។ នាយឧត្តមសេនីយ៍ បានបន្តថា «នេះជារឿងមួយអត់ត្រឹមត្រូវទេ ព្រោះគោលនយោបាយភូមិ-ឃុំ មានសុវត្ថិភាពយើងធ្វើបានច្រើនណាស់។ ស្ថានភាពពីមួយថ្ងៃទៅមួយថ្ងៃ ពីមួយឆ្នាំទៅមួយឆ្នាំ គិតពីភូមិដែលមានបទល្មើស ករណីព្រហ្មទណ្ឌ ករណីគ្រឿងញៀន ករណីគ្រោះថ្នាក់ចរាចរណ៍ មានការថយចុះនេះ គឺបានមកដោយការខិតខំ បានមកពីការពលិកម្ម មិនមែនបានមកដោយការបន់ស្រន់ ចេកមួយស្និតធូបបីសរសៃនោះទេ»។ លោកថា និយាយម៉េចនិយាយចុះ សូមយល់ពីយុត្តិធម៌ផង នេះជាការខិតខំរបស់រាជរដ្ឋាភិបាល ការខិតខំរបស់ក្រសួងមហាផ្ទៃ ហើយចោទសួរថា…