លោក ហ៊ុន ម៉ាណែត៖ សន្តិភាព​ ជាគុណបំណាច់ដ៏ធំបំផុតរបស់រាជរដ្ឋាភិបាល ដែលខិតខំស្វែងរកដោយលំបាក ដើម្បីបន្សល់ទុកឱ្យកូនចៅជំនាន់ក្រោយ

FN ៖ នៅក្នុងវេទិកាសាធារណៈ នៅឯខេត្តកំពង់ចាម នាថ្ងៃទី១២ ខែមីនា ឆ្នាំ២០១៧នេះ លោក ហ៊ុន ម៉ាណែត ដែលគេជឿថាមេដឹកនាំយុវជនជំនាន់ក្រោយ របស់កម្ពុជា បានរំលេចអំពីគុណបំណាច់ របស់គណបក្សប្រជាជនកម្ពុជា នៅក្នុងការខិតខំស្វែងរកសន្តិភាពជូនប្រជាពលរដ្ឋ។ លោក ហ៊ុន ម៉ាណែត បានចាត់ទុកថា សន្តិភាពរបស់កម្ពុជា​ គឺជាគុណបំណាច់ដ៏ធំធេង របស់រាជរដ្ឋាភិបាល ដែលខិតខំស្វែងរកដោយលំបាក ដើម្បីបន្សល់ទុកឱ្យកូនចៅជំនាន់ក្រោយ។ លោក ហ៊ុន ម៉ាណែត កូនប្រុសច្បងរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងជាសាធារណៈបែបនេះ នៅក្នុងពិធីសម្ពោធដាក់ឱ្យប្រើប្រាស់ វិហារអ៊ីស្លាមមួយ ឈ្មោះ «ហក្កុលមីទះ HAQUL MIDAH» ស្ថិតនៅភូមិទី៣ ឃុំព្រែកតានង់ ស្រុកកោះសូទិន ខេត្តកំពង់ចាម នាថ្ងៃទី១២ មីនា ២០១៧។ ពិធីសម្ពោធនោះ មានការចូលរួមដោយក្រុមការងារ និងប្រជាពលរដ្ឋជាច្រើនរូប។ លោក ហ៊ុន ម៉ាណែត បានថ្លែងថា ដោយសារសុខសន្តិភាព និងគោលនយោបាយរបស់រាជរដ្ឋាភិបាលនេះហើយ បានធ្វើឱ្យប្រជាពលរដ្ឋខ្មែរ…

ថ្ងៃស្អែកកម្ពុជា-វៀតណាម នឹងចាប់ផ្តើមបើកកិច្ចប្រជុំស្តីពីការអភិវឌ្ឍ ​តាមព្រំដែនប្រទេសទាំងពីរ

FN ៖ នៅថ្ងៃទី១៣ ខែមីនា ឆ្នាំ២០១៧ស្អែកនេះ កម្ពុជា-វៀតណាម នឹងបើកកិច្ចប្រជុំរួមគ្នា ដើម្បីនិយាយពីកិច្ចសហប្រតិបត្តិការ និងការអភិវឌ្ឍបណ្តាខេត្តជាប់ព្រំដែននៃប្រទេសទាំងពីរ រួមនិងកិច្ចប្រជុំពាក់ព័ន្ធមួយចំនួនទៀត។ យោងតាមសេចក្តីជូនព័ត៌មានរបស់ក្រសួងការបរទេស បានឲ្យដឹងថា កិច្ចប្រជុំដែលធ្វើឡើងចាប់ពីថ្ងៃទី១៣ ដល់ថ្ងៃទី១៥ ខែមីនា ឆ្នាំ២០១៧នេះ មានរបៀបវារៈសំខាន់ៗចំនួនពីររួមមាន កិច្ចប្រជុំលើកទី៩ ស្តីពីកិច្ចសហប្រតិបត្តិការ និងការអភិវឌ្ឍរវាងបណ្តាខេត្តជាប់ព្រំដែនកម្ពុជា-វៀតណាម និងកិច្ចប្រជុំគណៈកម្មការចម្រុះកម្ពុជា-វៀតណាមលើកទី១៥ ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្រ្ត និងបច្ចេកទេស។ បើតាមសេចក្តីជូនព័ត៌មានដដែលបានឲ្យដឹងដែរថា កិច្ចប្រជុំនេះនឹងមានការអញ្ជើញចូលរួមពី សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និង លោកឧបនាយករដ្ឋមន្រ្តី ផាម ប៊ិញ មិញ រដ្ឋមន្រ្តីការបរទេសវៀតណាមផងដែរ។ ក្រសួងការបរទេសកម្ពុជា បានគូសបញ្ជាក់ថា កិច្ចប្រជុំទាំងពីរខាងលើត្រូវបានធ្វើឡើង ស្របពេលនឹងខួបលើកទី៥០ឆ្នាំ នៃការបង្កើតទំនាក់ទំនងការទូតរវាងកម្ពុជា-វៀតណាម ដែលបានផ្តល់ឱកាសសម្រាប់រំលឹកឡើងវិញ នៃសមិទ្ធិផលសម្រេចបាននាពេលកន្លងមក រួមទាំងការរៀបចំផែនការទិសដៅសម្រាប់អនាគត ក្នុងកិច្ចខិតខំប្រឹងប្រែងរួមគ្នា ដើម្បីពង្រឹងបន្ថែមទៀត នូវចំណងមិត្តភាពជាប្រពៃណី អ្នកជិតខាងល្អ…

អតីតតំណាងរាស្ត្រគណបក្សសង្គ្រោះជាតិ ប្រាប់ប្រជាពលរដ្ឋខេត្តកំពត កុំឲ្យចាញ់បោកគណបក្សប្រឆាំង

FN ៖ លោក វ៉ាន សំអឿន អតីតតំណាងរាស្ត្រគណបក្សសង្គ្រោះជាតិ នៅថ្ងៃទី១២ ខែមីនា ឆ្នាំ២០១៧នេះ បានអំពាវនាវ និងផ្តាំផ្ញើដល់ប្រជាពលរដ្ឋខេត្តកំពតមួយចំនួន កុំឱ្យមានការចាញ់បោកការឃោសនារបស់ គណបក្សប្រឆាំង។ លោកអះអាងថា បក្សប្រឆាំងពូកែឃោសនា ប៉ុន្តែមិនពូកធ្វើឡើយ។ លោក វ៉ាន សំអឿន ដែលបានចាកចេញពីគណបក្សប្រឆាំង ទៅចូលរួមជាមួយគណបក្សប្រជាជនកម្ពុជា បានរិះគន់ថា គណបក្សប្រឆាំងគ្មានប្រជាធិបតេយ្យផ្ទៃក្នុងបក្សឡើយ ហើយមានតែបក្សពួកគ្រួសារនិយម អំពើពុករលួយ។ លោកប្រាប់ប្រជាពលរដ្ឋបន្ថែមថា បក្សប្រឆាំងគ្មានតម្លាភាពចំណូល- ចំណាយថវិកាដែលប្រជាពលរដ្ឋបានឧបត្តម្ភ ហើយកំពុងកង្វះធនធានមនុស្ស ដែលមានសមត្ថភាពពិតប្រាកដ។ ការលើកឡើងយ៉ាងដូច្នោះរបស់ លោក វ៉ាន សំអឿន បានធ្វើឡើង ខណៈដែលលោកអញ្ជើញចុះសួរសុខទុក្ខ និងសំណេះសំណាល ស្វែងយល់បញ្ហាប្រឈមនានា ដើម្បីដោះស្រាយជូនអាជីវករ នៅផ្សារកំពង់ត្រាច ស្រុកកំពង់ត្រាច នៅព្រឹកថ្ងៃទី១១ ខែមីនា ឆ្នាំ២០១៧នេះ។ ពិធីនេះអមដំណើរដោយ លោក សល់ មករា ទីប្រឹក្សារាជរដ្ឋាភិបាល លោក ម៉ាង ឆៃណាំ ទីប្រឹក្សារាជរដ្ឋាភិបាល និងមន្ត្រីថ្នាក់ស្រុក ឃុំ…