គ.ជ.ប គាំទ្រចំណាត់ការរបស់សាលារាជធានី, បើបក្សនយោបាយណាបំពាន គ.ជ.ប និងអាជ្ញាធរ នឹងចាត់វិធានការតាមច្បាប់

FN ៖ អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) លោក ហង្ស ពុទ្ធា នៅរសៀលថ្ងៃទី០៥ ខែឧសភា ឆ្នាំ២០១៧នេះ បានថ្លែង គាំទ្រពេញទំហឹងលើចំណាត់ការរបស់សាលារាជធានីភ្នំពេញ ដែលហាមឃាត់ដល់គណបក្សនយោបាយទាំង១២ បញ្ចៀសការប្រមូលផ្តុំ និងការដង្ហែក្បួនឃោសនា តាមបណ្តាទីតាំង និងផ្លូវមួយចំនួន ក្នុងរាជធានីភ្នំពេញ អំឡុងពេលធ្វើយុទ្ធនាការឃោសនាបោះឆ្នោតជ្រើសរើស ក្រុមប្រឹក្សាឃុំ-សង្កាត់ អាណត្តិទី៤ ចាប់ពីថ្ងៃទី២០ ខែឧសភា ដល់ថ្ងៃទី០២ ខែមិថុនា ឆ្នាំ២០១៧។ លោក ហង្ស ពុទ្ធា បានបញ្ជាក់ថា ការគាំទ្ររបស់ គ.ជ.ប ធ្វើឡើងដោយយោងតាមទិដ្ឋភាព២ជារួម ក្នុងនោះ ទី១៖ គឺជាទិដ្ឋភាពច្បាប់ មិនអាចធ្វើការ ឃោសនា ដោយមានការដង្ហែក្បួនបាននោះទេ តែក្នុងរយៈពេល១៤ថ្ងៃ នៃការឃោសនាបោះឆ្នោត គឺអាចហែក្បួនបាន២ដង ទិដ្ឋភាពទី២ គឺការគ្រប់គ្រងរបស់អាជ្ញាធរដែនដី មានភាពចាំបាច់ក្នុងការគ្រប់គ្រងស្ថានការណ៍ជាក់ស្តែង។ អ្នកនាំពាក្យ គ.ជ.ប ថ្លែងយ៉ាងដូច្នេះថា៖ «យោងតាមទិដ្ឋភាពជាក់ស្តែងទាំងពីរនេះ គ.ជ.ប បានសម្រេច និងយល់ព្រមថា ការហាមឃាត់មិនឲ្យមានការ ដង្ហែក្បួននៅតាមដងផ្លូវ ទីប្រជុំជន…

ខណៈការបោះឆ្នោតខិតជិតមកដល់ ជប៉ុនរំលឹកថា សម្តេចតេជោ ហ៊ុន សែន ជាអ្នកស្នើឲ្យធ្វើកំណែទម្រង់បោះឆ្នោតនៅកម្ពុជា

FN ៖ គ្រាដែលការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤ នឹងឈានចូលមកដល់​ក្នុងរយៈពេលតែមួយខែទៀតនោះ រដ្ឋាភិបាលជប៉ុន បានរំលឹកថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា គឺជាអ្នកស្នើឲ្យរដ្ឋាភិបាលជប៉ុន ជួយធ្វើកំណែទម្រង់ការបោះឆ្នោតនៅកម្ពុជា។ ក្នុងលិខិតរំលេចពីជំនួយសំខាន់ៗរបស់រដ្ឋាភិបាលជប៉ុន សម្រាប់ការធ្វើកំណែទម្រង់បោះឆ្នោត និងនីតិវិធីនៃការបោះឆ្នោតនៅកម្ពុជា ដែល Fresh News ទទួលបាននៅថ្ងៃទី០៤ ខែឧសភា ឆ្នាំ២០១៧នេះ រដ្ឋាភិបាលជប៉ុន បានរំលឹកថា «ក្នុងអំឡុងកិច្ចប្រជុំកំពូលទ្វេភាគីក្នុងខែវិច្ឆិកា ឆ្នាំ២០១៣ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានធ្វើសំណើទៅកាន់នាយករដ្ឋមន្រ្តីជប៉ុន លោក ស៊ីនហ្សូ អាបេ ដើម្បីស្នើសុំការគាំទ្រលើកំណែទម្រង់ការបោះឆ្នោត។ ឆ្លើយតបការស្នើសុំក្នុងកិច្ចប្រជុំកំពូលនាខែធ្នូ ឆ្នាំ២០១៣ លោកនាយករដ្ឋមន្រ្តីជប៉ុន បានប្រកាសបញ្ជូនក្រុមអង្កេតរបស់អង្គការ JICA ដើម្បីសិក្សា ស្ថានភាព និងកំណត់នូវអ្វីដែលជាតម្រូវការចាំបាច់ ដើម្បីគាំទ្រដល់ការធ្វើកំណែទម្រង់ការបោះឆ្នោត»។ ក្នុងលិខិតបានបញ្ជាក់បន្ថែមថា ឆ្លើយតបនឹងសំណើរបស់សម្តេចតេជោ ហ៊ុន សែន រដ្ឋាភិបាលជប៉ុន បានផ្តល់ជំនួយទាំងថវិកា និងបច្ចេកទេស សម្រាប់ការធ្វើកំណែទម្រង់ការបោះឆ្នោតនៅកម្ពុជានេះមានដូចជា៖ ការចុះឈ្មោះបោះឆ្នោត, ការរាប់សន្លឹកឆ្នោត និងការគណនាលទ្ធផលដោយ គណៈកម្មាធិការជាតិរៀបចំការបោះឆ្នោត…

គ.ជ.ប ៖ សន្លឹ​ក​ឆ្នោត​បម្រុង​ចាំបាច់​​ដើម្បី​​ធានា​ឲ្យ​មាន​សន្លឹក​ឆ្នោត​គ្រប់​គ្រាន់​នៅ​ថ្ងៃ​បោះ​ឆ្នោត

RFI ៖គណៈ​កម្មា​ធិការ​ជាតិ​រៀបចំ​ការ​បោះឆ្នោត (គ.ជ.ប) កាល​ពី​ថ្ងៃពុធ​ម្សិលមិញ បាន​ចេញ​លិខិត​បំភ្លឺ​មួយ សម្តែង​ការ​សោកស្តាយ​​ចំពោះ​​ការ​រិះគន់​រ​​​បស់​គណបក្សប្រឆាំង និង​​អង្គការ​សង្គម​ស៊ីវិល​មួយ​ចំនួន ទៅ​លើការ​បោះពុម្ព​សន្លឹកឆ្នោត​បម្រុង​ទុក​ច្រើន​ជាង អ្នក​បោះ​ឆ្នោត ដល់​ទៅ ២០%​​។ បក្ស​ប្រឆាំង និង​សង្គម​ស៊ីវិល បាន​ណែនាំ​ថា គួរ​តែ​បោះពុម្ព​សន្លឹក​ឆ្នោត​បម្រុង​ច្រើន​បំផុត​ត្រឹម ៥% បាន​ហើយ ដើម្បី​ចៀស​វាង​​ភាព​មិន​ប្រក្រតី​ណា​មួយ​។ តែ​ចំពោះ គជប ការ​បោះពុម្ព​លើស​ចំនួន​នេះ គឺ​ដើម្បី​ធានា​ឲ្យ​មាន​សន្លឹ​ក​ឆ្នោតគ្រប់​គ្រាន់ ព្រោះ​ប្រសិន​បើ​ ការិយា​ល័យ​​បោះឆ្នោត​ណាមួយ ខ្វះ​​សន្លឹក​ឆ្នោត ការិយាល័យ​នោះ នឹង​ត្រូវ​បិទ ខណៈ​ការ​បោះពុម្ព​សន្លឹក​ឆ្នោត​ និ​ង​ដំណើរ​ការ​នៅ​ថ្ងៃបោះ​ឆ្នោត គឺ​ជា ការ​ទទួល​ខុស​ត្រូវ​​របស់ គ.ជ.ប។​ បើ​តាម​សេចក្តី​ប្រកាស​ព័ត៌មាន របស់ គណៈ​កម្មាធិការ​ជាតិ​រៀបចំ​ការ​បោះឆ្នោត (គ.ជ.ប) កាល​ពី​ថ្ងៃទី​០៣ ខែ​ឧសភា ការ​បោះ​ពុម្ព​សន្លឹក​ឆ្នោត​បម្រុង​លើស​ចំនួន​អ្នកបោះឆ្នោត​ជាង ២០% គឺ​ដើម្បី​ធានា​ឲ្យ​មាន​សន្លឹកឆ្នោត​គ្រប់គ្រាន់​នៅ ថ្ងៃ​បោះឆ្នោត​ជ្រើស​រើស​ក្រុម​ប្រឹក្សា​ឃុំ​សង្កាត់​ ករណី​សន្លឹក​ឆ្នោត​ខូច ដោយ​សារ​រោងពុម្ព​បោះពុម្ព​ប្រឡាក់ ឬ​រហែក មន្រ្តី​ការិយា​ល័យ​​បោះឆ្នោត​ហែក​ជូន​អ្នក​បោះឆ្នោត​​រហែក​ខុស​ពី​ថ្នេរ អ្នក​បោះឆ្នោត​គូស​ខុស ឬ​សុំ​ផ្លាស់​ប្តូរ​ចិត្ត​​គូស​ជ្រើស​រើស​ឡើង​វិញ​ជា​ដើម​។ គ.ជ.ប នឹង​បោះពុម្ព​សន្លឹក​ឆ្នោត​សម្រាប់​ការបោះឆ្នោត​ជ្រើសរើស​ក្រុមប្រឹក្សា​ឃុំសង្កាត់ អាណត្តិ​ទីបួន សរុប​ចំនួន ៩.៤២៦.៦០០សន្លឹក ក្នុ​ង​នោះ ចំនួន​សន្លឹកឆ្នោត​បម្រុង…