លោក ហ៊ុន មានី៖ គ្រឿងឥស្សរិយយស ដែលទទួលបានពីប្រធានាធិបតីឥណ្ឌា មិនមែនផ្តល់ឲ្យខ្ញុំតែម្នាក់ឯងនោះទេ ប៉ុន្តែជាកិត្ដិយសរបស់ប្រជាជនកម្ពុជាទាំងមូល

បច្ចុប្បន្នភាព សង្គម

FN ៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) នៅថ្ងៃទី០៤ ខែមេសា ឆ្នាំ២០១៨នេះ បានបង្ហោះសារដ៏មានអត្ថន័យមួយ នៅក្នុង Page Facebook ផ្លូវការរបស់លោក ក្រោយពេលទទួលបានគ្រឿងឥស្សរិយយស «Padma Shri» ចំពោះស្នាដៃឆ្នើមក្នុងកិច្ចការសាធារណៈ ពីប្រធានធិបតីឥណ្ឌា ហើយទើបត្រឡប់មកដល់កម្ពុជាវិញនៅយប់ថ្ងៃទី០៣ ខែមេសា ឆ្នាំ២០១៨។ លោក ហ៊ុន ម៉ានី បានចាត់ទុកថា គ្រឿងឥស្សរិយយសដែលលោកទទួលបាននេះ មិនមែនផ្តល់ឲ្យតែលោកម្នាក់ឯងនោះទេ គឺជាកិត្តិយសរបស់ប្រទេស និងប្រជាជនកម្ពុជាទាំងមូល។ លោក ហ៊ុន​ ម៉ានី បានសរសេរបង្ហោះក្នុង Facebook របស់លោកយ៉ាងដូច្នេះថា «គ្រឿងឥស្សរិយយស PADMA SHRI៖ គឺជាគ្រឿងឥស្សរិយយស ដែលខ្ញុំមានកិត្តិយសទទួលបាន។ តាងនាមឲ្យកម្ពុជា គឺជាគ្រឿងឥស្សរយស ដែលមិនមានផ្តល់ឲ្យ ហ៊ុន ម៉ានី តែម្នាក់ឯងនោះទេ។ ប៉ុន្តែគឺជាគ្រឿងឥស្សរិយយស ដែលតំណាងឲ្យការបូជាលះបង់, ការតាំងចិត្ត, ការខិតខំមិនខ្លាចនឿយហត់ រាប់មិនអស់របស់ប្រជាជនកម្ពុជា ជាច្រើននាក់ពីជំនាន់មុន, របស់ថ្នាក់ដឹកនាំនាពេលបច្ចុប្បន្ន…

សម្តេចតេជោ ហ៊ុន សែន ឯកភាពតាមសំណើវៀតណាម ទប់ស្កាត់ព័ត៌មានក្លែងក្លាយ និងការផ្សព្វផ្សាយទាំងឡាយ ដែលនាំឲ្យប៉ះពាល់ទំនាក់ទំនងកម្ពុជា-វៀតណាម

តេជោ តាមរយៈសារព័ត៌មាន

FN ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី០៤ ខែមេសា ឆ្នាំ២០១៨នេះបានឯកភាពជាមួយ នាយករដ្ឋមន្រ្តីវៀតណាម លោក ង្វៀន សួនហ៊្វុក ក្នុងការចូលរួមទប់ស្កាត់នូវព័ត៌មានក្លែងក្លាយ និងការផ្សព្វផ្សាយទាំងឡាយដែលនាំឱ្យប៉ះពាល់ដល់ទំនាក់ទំនងរវាងប្រទេសទាំងពីរ។ ការឯកភាពរវាងមេដឹកនាំកំពូលនៃប្រទេសទាំងពីរនេះ បានធ្វើឡើងនៅក្នុងជំនួបទ្វេភាគីរវាងសម្តេចតេជោ ហ៊ុន សែន និងលោក ង្វៀន សួនហ៊្វុក នាយករដ្ឋមន្រ្តីវៀតណាម នារសៀលថ្ងៃទី០៤ ខែមេសា ឆ្នាំ២០១៨ នៅមុនពិធីពិសាភោជនាហារ នៅសណ្ឋាគារសុខាអង្គរ ខេត្តសៀមរាប។ ក្រោយបញ្ចប់ជំនួបនេះ លោក អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានអះអាងប្រាប់ក្រុមអ្នកសារព័ត៌មានយ៉ាងច្រើនថា ក្នុងជំនួបនោះ នាយករដ្ឋមន្រ្តី វៀតណាម បានស្នើសុំកិច្ចសហប្រតិបត្តិការជាមួយកម្ពុជាលើវិស័យព័ត៌មាន ឱ្យកាន់តែល្អថែមទៀត ដើម្បីចៀសវាងការផ្សព្វផ្សាយនូវព័ត៌មានមិនពិត ដែលនាំឱ្យប៉ះពាល់ដល់ទំនាក់ទំនង និងកិច្ចសហប្រតិបត្តិការល្អរវាងប្រទេសទាំងពីរ។ លោក អ៊ាង សុផល្លែត បានបន្តទៀតថា សម្តេចតេជោ ហ៊ុន សែន បានឯកភាពតាមសំណើរបស់លោកនាយករដ្ឋមន្រ្តីវៀតណាម។ មិនតែប៉ុណ្ណោះសម្តេចក៏បានជំរុញឱ្យ មានការពិនិត្យមើលកិច្ចសហប្រតិបត្តិការដើម្បីបង្កលក្ខណៈបន្ថែមទៀត…

សុន្ទរកថា ថ្លែងក្នុងពិធីលៀងសាយភោជនាអាហារពេលល្ងាច មុនកិច្ចប្រជុំកំពូលគណៈកម្មការទន្លេមេគង្គ លើកទី ៣

សុន្ទរកថា-ការអធិប្បាយ

ឯកឧត្តម ថ្នាក់ដឹកនាំ នៃបណ្តាប្រទេសជាសមាជិកគណៈកម្មការទន្លេមេគង្គ; ឯកឧត្តម, លោកជំទាវ, លោក, លោកស្រី, ជាទីរាប់ឤន! ខ្ញុំមានកិត្តិយស និងសេចក្តីសោមនស្សជាអនេក ក្នុងការស្វាគមន៍យ៉ាងកក់ក្តៅ ចំពោះវត្តមានរបស់ឯកឧត្តម, លោកជំទាវ, អស់លោក, លោកស្រី, ដែលបានអញ្ជើញមកចូលរួមក្នុងពិធីលៀងសាយភោជនាឤហារ ពេលល្ងាចនេះ និងត្រៀមចូលរួមក្នុងកិច្ចប្រជុំកំពូលគណៈកម្មការទន្លេមេគង្គ លើកទី ៣ ដែលនឹងប្រារព្វធ្វើនៅថ្ងៃស្អែក, ទី ៥ ខែ មេសា ឆ្នាំ ២០១៨ ។ យើងខ្ញុំពិតជាមានមោទនភាព ដែលបានទទួលធ្វើជាម្ចាស់ផ្ទះនៃកិច្ចប្រជុំកំពូលគណៈកម្មការទន្លេមេគង្គ លើកទី ៣ និងព្រឹត្តិការណ៍ពាក់ព័ន្ធនានា នៅលើទឹកដីអង្គរ នៃខេត្តសៀម​រាប​។ ជាការពិត បណ្តាប្រទេសតាមដងទន្លេមេគង្គបានធ្វើកិច្ចការជាមួយគ្នាជាយូរមកហើយ ក្នុងការប្រែក្លាយតំបន់ទន្លេមេគង្គ ទៅជាតំបន់អភិវឌ្ឍប្រកបដោយចីរភាព ជាពិសេស ដើម្បីសាមគ្គីភាពរបស់ប្រជាជនយើង ដែលចែករំលែកទន្លេរួមគ្នា។  ជាងនេះទៅទៀត ទន្លេមេគង្គបានក្លាយជាមូលដ្ឋានដ៏សំខាន់ សម្រាប់ជំរុញកំណើនសេដ្ឋកិច្ច និងភាពចម្រុងចម្រើននៃតំបន់ឤស៊ីឤគ្នេយ៍។ ពិតណាស់ តាមលក្ខណៈភូមិសាស្ត្រ, ទន្លេនេះមិនត្រឹមតែបានភ្ជាប់ប្រទេសរបស់យើងទាំង ៦ ជាមួយគ្នាប៉ុណ្ណោះទេ ប៉ុន្តែ ថែមទាំងបង្កើតជាវាសនារួមប្រកបដោយមិត្តភាព, ភាពជាអ្នកជិតខាងល្អ, សន្តិភាព និងវិបុលភាព។ ដូចនេះ យើងត្រូវបន្តរួមគ្នាធ្វើ និងរួមគ្នាទទួលខុសត្រូវ ទើបយើងឤចសម្រេចបាននូវភាពចម្រុងចម្រើន និងការអភិវឌ្ឍប្រកបដោយចីរភាព។ ខ្ញុំមានសេចក្តីសង្ឃឹមយ៉ាងមុតមាំថា កិច្ចប្រជុំកំពូលរបស់យើងនាថ្ងៃស្អែក នឹងទទួលបាននូវលទ្ធផលជាផ្លែផ្កា និងប្រកបដោយផលិតភាព ដែលនឹងរួមចំណែកត្រួសត្រាយផ្លូវ ឱ្យបានកាន់តែប្រសើរឡើងថែមទៀត…