សម្តេចតេជោ ហ៊ុន សែន និងនាយករដ្ឋមន្ត្រីឥណ្ឌា ណារិន្ទដ្រា ម៉ូឌី ជួបគ្នាតាមទូរស័ព្ទ

សុន្ទរកថា-ការអធិប្បាយ

នៅថ្ងៃទី ១០ មិថុនា ឆ្នាំ ២០២០ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងលោក ណារិន្ទដ្រា ម៉ូឌី នាយករដ្ឋមន្ត្រីឥណ្ឌា បានជួបពិភាក្សាការងារតាមទូរស័ព្ទដើម្បីរួមគ្នាប្រយុទ្ធប្រឆាំង ជំងឺកូវីដ១៩ ព្រមទាំងពិភាក្សាពីទំនាក់ទំនងទ្វេភាគី និងកិច្ចការនៅក្នុងតំបន់ផងដែរ។ ក្នុងជំនួបតាមទូរស័ព្ទនោះ លោកនាយករដ្ឋមន្ត្រីឥណ្ឌា បានកោតសសើរសម្តេចតេជោ និងរាជរដ្ឋាភិបាលកម្ពុជា ចំពោះការគ្រប់គ្រងបានយ៉ាងល្អប្រសើរ ជំងឺកូវីដ១៩ ដែលអាចជាគំរូសម្រាប់ពិភពលោក។ លោក ណារិន្ទដ្រា ម៉ូឌី បានបញ្ជាក់ប្រាប់សម្តេចតេជោ ហ៊ុន សែន ថា ឥណ្ឌាចាត់ទុកកម្ពុជា ជាផ្នែកដ៏សំខាន់មួយនៃនយោបាយ ធ្វើសកម្មភាពឆ្ពោះទៅទិសខាងកើតខ្លួន (Act East Policy) […] តាមរយៈវិស័យចំនួន ៤ គឺ (១) ការការពារសន្តិសុខមហាសមុទ្រឥណ្ឌា (២) សមាហរណកម្មជាមួយអាស៊ីអាគ្នេយ៍ (៣) ការធ្វើឲ្យស៉ីជម្រៅនូវភាពជាដៃគូយុទ្ធសាស្រ្ត ជាមួយការធ្វើឲ្យមានតុល្យភាពរវាងមហាអំណាចនានា និង (៤) ការគ្រប់គ្រងជម្លោះជាមួយប្រទេសចិន។ ថ្នាក់ដឹកនាំទាំងពីរបានប្តេជ្ញាបន្តពង្រឹង និងពង្រីកសហប្រតិបត្តិការទ្វេភាគី ឲ្យកាន់តែស៉ីជម្រៅថែមទៀត […]…

ក្រុមហ៊ុនអាកាសចរណ៍ហោះហើរមកកម្ពុជា ត្រូវគោរពលក្ខខណ្ឌរបស់រាជរដ្ឋាភិបាល

បច្ចុប្បន្នភាព សង្គម

FN ៖ រដ្ឋលេខាធិការដ្ឋានអាកាសចរណ៍ស៊ីវិលកម្ពុជា បានចេញនូវសេចក្ដីជូនដំណឹងថ្មីមួយ ដោយបញ្ជាក់ពីគោលការណ៍មួយចំនួន សម្រាប់ក្រុមហ៊ុនអាកាសចរណ៍ទាំងអស់ ដែលហោះហើរចូលមកកាន់ប្រទេសកម្ពុជាត្រូវអនុវត្តន៍ ដើម្បីបង្ការការពារជំងឺកូវីដ១៩។ លោក ជា អូន រដ្ឋលេខាធិការប្រចាំការ និងជាអ្នកនាំពាក្យអាកាសចរណ៍ស៊ីវិល បានថ្លែងប្រាប់បណ្ដាញព័ត៌មាន Fresh News នៅរសៀលថ្ងៃទី១០ ខែមិថុនា ឆ្នាំ២០២០នេះថា គោលបំណងដែលអាកាសចរណ៍ស៊ីវិលកម្ពុជា ចេញសេចក្ដីជូនដំណឹងនេះ គឺដើម្បីឲ្យក្រុមហ៊ុនអាកាសចរណ៍ទាំងអស់ ដែលហោះហើរចូលមកកាន់កម្ពុជា គោរពឲ្យបាននូវលក្ខខណ្ឌ ដែលក្រសួងសុខាភិបាលតម្រូវ និងលក្ខខណ្ឌថ្មីៗមួយចំនួនទៀត ដែលអាកាសចរណ៍ស៊ីវិលកម្ពុជា តម្រូវឲ្យក្រុមហ៊ុនអនុវត្តន៍ឲ្យបានត្រឹមត្រូវ និងប្រកបដោយភាពទទួលខុសត្រូវខ្ពស់។ ក្រៅពីលក្ខខណ្ឌដែលក្រសួងសុខាភិបាលតម្រូវហើយនោះ សម្រាប់អាកាសចរណ៍ស៊ីវិលវិញ គឺតម្រូវឲ្យក្រុមហ៊ុនអាកាសចរណ៍ទាំងអស់ មិនត្រូវអនុញ្ញាតឲ្យមានការដឹកអ្នកដំណើរ ដែលមានជំងឺកូវី១៩ នៅលើយន្ដហោះរបស់ខ្លួន ចូលមកកាន់កម្ពុជានោះទេ ហើយក៏មិនត្រូវដឹកភ្ញៀវដែលខ្វះខាត នូវឯកសារដែលរាជរដ្ឋាភិបាលកម្ពុជាតម្រូវឲ្យមាននោះដែរ។ លោក ជា អូន បានសង្កត់ធ្ងន់ថា «ក្នុងលិខិតរបស់អាកាសចរណ៍ស៊ីវិលនេះ មានចំណុចមួយដែលតម្រូវឲ្យ ក្រុមហ៊ុនអាកាសចរណ៍ទាំងអស់ អនុវត្តន៍ឲ្យខានតែបាន គឺប្រសិនបើអ្នកដំណើរ ដែលក្រុមហ៊ុនអាកាសចរណ៍បានដឹកមកដល់កម្ពុជា ប៉ុន្ដែខ្វះខាតនូវឯកសារ ដែលតម្រូវដោយរដ្ឋាភិបាលនោះ ក្រុមហ៊ុនអាកាសចរណ៍នោះត្រូវទទួលខុសត្រូវ ក្នុងការដឹកអ្នកដំណើរទាំងនោះត្រឡប់ទៅកន្លែងដើមវិញ»។ លោករដ្ឋលេខាធិការប្រចាំការ បានបញ្ជាក់ទៀតថា ចំពោះក្រុមហ៊ុនអាកាសចរណ៍ទាំងអស់…

សារលើហ្វេសប៊ុក អំពីការបើកទីផ្សារនាំស្វាយស្រស់ កម្ពុជា ទៅកាន់ប្រទេសចិន

សុន្ទរកថា-ការអធិប្បាយ

ខ្ញុំសូមអបអរសាទរ និងកោតសរសើរចំពោះការខិតខំរបស់ក្រសួងកសិកម្ម ក្នុងការបើកទីផ្សារស្វាយស្រស់ កម្ពុជា ទៅកាន់ប្រទេសចិន ដែលនៅថ្ងៃទី ៩ ខែ មិថុនា ២០២០ នេះ គឺកម្ពុជា និងមិត្តចិនបានចុះហត្ថលេខាលើកិច្ចព្រមព្រៀងផ្លូវការលើ “លក្ខខណ្ឌតម្រូវភូតគាមអនាម័យសម្រាប់ការនាំចេញផ្លែស្វាយស្រស់ពីកម្ពុជាទៅកាន់ប្រទេសចិន”។ អរគុណចំពោះលោកអគ្គរដ្ឋទូតចិន និងមន្រ្តីពាក់ព័ន្ធទាំងអស់ដែលបានចូលរួមជំរុញការងារនេះរហូតឈានដល់កិច្ចព្រមព្រៀងគ្នាជាផ្លូវការនៅថ្ងៃនេះ។ នេះជាដំណឹងល្អសម្រាប់បងប្អូនប្រជាកសិករ ម្ចាស់ចំការ និងពាណិជ្ជករ ដែលកំពុងវិនិយោគលើដំណាំស្វាយ ដែលកំពុងមានក្តីកង្វល់ព្រោះមានចំការជាច្រើន ដែលមានស្វាយទុំជ្រុះចោល ហើយតម្លៃស្វាយបានធ្លាក់ចុះយ៉ាងច្រើន។ បើតាមព័ត៌មានទទួលបាន គឺមានអាជីវករបានដាក់ពាក្យស្នើសុំចុះបញ្ជីចម្ការស្វាយ និងទីតាំងវេចខ្ចប់សម្រាប់នាំចេញផ្លែស្វាយស្រស់ទៅកាន់ប្រទេសចិនចំនួន ២០ លើផ្ទៃដី ២១.២៨៦ ហិកតា។ យើងសង្ឃឹមថា ក្រោយពីអគ្គនាយកដ្ឋានកសិកម្មចុះត្រួតពិនិត្យ និងវាយតម្លៃលើចម្ការស្វាយ និងទីតាំងវេចខ្ចប់រួចហើយ គឺនឹងឈានដល់ការនាំចេញផលិតផលស្វាយខ្មែរនៅពេលឆាប់នេះមិនខាន។ តាមរយៈការនាំផ្លែស្វាយចេញទៅប្រទេសចិន នឹងផ្តល់ការងារនិងប្រាក់ចំណូលកាន់តែច្រើនសម្រាប់ប្រជាពលរដ្ឋ ជាពិសេស នៅក្នុងដំណាក់កាលដែលប្រទេសយើងកំពុងប្រឈមនឹងជំងឺកូវីដ១៩។ សូមបងប្អូនប្រជាកសិករ និងពាណិជ្ជករពង្រឹងបច្ចេកទេសដាំដុះឲ្យមានគុណភាពកាន់តែខ្ពស់ និងបង្កើតរោងចក្រវេចខ្ចប់ឲ្យបានត្រឹមត្រូវ ដើម្បីយើងអាចមានលទ្ធភាពកែឆ្នៃផ្លែស្វាយ ដើម្បីទទួលបានផលប្រយោជន៍កាន់តែច្រើន។ អ្វីដែលសំខាន់បំផុតក្នុងការនាំផ្លែស្វាយកម្ពុជាទៅកាន់ប្រទេសចិន គឺត្រូវតែមានអនាម័យ និងភូតគាមអនាម័យ(SPS) ឲ្យបានល្អ ដែលអាចទទួលយកបាននៅក្រៅប្រទេស៕