សង្កថា សម្តេចតេជោ ហ៊ុន សែន ក្នុងពិធីចែកសញ្ញាបត្រជូននិស្សិត នៃសាកលវិទ្យាល័យ ន័រតុន

សុន្ទរកថា-ការអធិប្បាយ

ថ្ងៃនេះ ខ្ញុំព្រះករុណាខ្ញុំ ពិតជាមានការរីករាយ ដែលបានមកចូលរួមសារជាថ្មីម្តងទៀត ក្នុងការចែកសញ្ញា​បត្រជូននិស្សិតជាជ័យលាភី នៃសាកលវិទ្យាល័យ ន័រតុន ចំនួន ៤,០៧៣ នាក់។ ការជួបជុំរបស់យើងនេះ ធ្វើឡើងនៅមុនពេលផ្តាច់ឆ្នាំចាស់(ផ្លាស់ចូល)ឆ្នាំថ្មី បានសេចក្តីថា ដាច់ឆ្នាំមមែ សប្តស័ក ព.ស ២៥៥៩ ចូលឆ្នាំវក អដ្ឋស័ក ព.ស ២៥៦០។ មិនដល់មួយខែទៀតទេ សម្លេងស្គរដីរាំវង់នឹងមកដល់​សម្រាប់​ប្រទេស​របស់យើង។ និស្សិតរបស់យើងថ្ងៃនេះ ក៏បានទទួលនូវសញ្ញាបត្រនៅមុនពេលដាច់ឆ្នាំ ហើយខ្ញុំព្រះ​ករុណា​ខ្ញុំ សង្ឃឹមថា អ្វីដែលយើងធ្វើថ្ងៃនេះ ជាតិរបស់យើងបានទទួលបន្ថែមនូវធនធានមនុស្សចំនួន ៤,០៧៣ នាក់ តាមរយៈនៃការបណ្តុះបណ្តាលនៅតាមគ្រឹះស្ថាន សាកលវិទ្យាល័យ ន័រតុន របស់យើង​នៅ​ទី​នេះ។ សាកលវិទ្យាធិការ ចាន់ សុខឃាង បានធ្វើរបាយការណ៍អំពីវឌ្ឍនភាព នៃសាកលវិទ្យាល័យ ន័រតុន ហើយ​ដែល ខ្ញុំព្រះករុណាខ្ញុំ សុំយកឱកាសនេះ ថ្លែងនូវការកោតសរសើរ ចំពោះការខិតខំប្រឹងប្រែង និងវឌ្ឍនភាព នៃ​សាកលវិទ្យាល័យមួយនេះ។ ជារឿយៗ ខ្ញុំព្រះករុណាខ្ញុំ តែងបានរំលឹកអំពីការចងចាំមួយចំនួន ពាក់​ព័ន្ធ​ទៅ​នឹងសាកលវិទ្យាល័យមួយនេះ អាចចាត់ទុកថាជាសាកលវិទ្យាល័យមុនគេ ដែលខ្ញុំនៅចាំថា នៅពេល​ចែក​សញ្ញាបត្រ…

សម្ពោធស្ថានីយ៍អ្នកដំណើរថ្មី នៃព្រលានយន្តហោះអន្តរជាតិភ្នំពេញ

តេជោ តាមរយៈសារព័ត៌មាន

ថ្ងៃ ១៦ មីនា ឆ្នាំ ២០១៦ ថ្លែងក្នុង​​ពិធីសម្ពោធស្ថានីយ៍អ្នកដំណើរថ្មី នៃព្រលានយន្តហោះអន្តរជាតិភ្នំពេញ សម្តេចតេជោ ហ៊ុន សែន បានសង្កត់ធ្ងន់ថា សមិទ្ធិផលថ្មីនេះ នឹងជម្រុញបន្ថែមទៀតនូវសមត្ថភាពនៃព្រ​លានយន្តហោះ ក្នុងការទទួលអ្នកដំណើរប្រមាណ ៥ លាននាក់ក្នុងមួយឆ្នាំ និងឆ្លើយតបទៅនឹងការកើន​ឡើងនូវការមកដល់នៃភ្ញៀវ ក្នុងពេលពីប្រាំ ទៅ ប្រាំបីឆ្នាំខាងមុខ។ សម្តេចតេជោ បានគូសបញ្ជាក់ ថា “កាលពីឆ្នាំកន្លងទៅ ចំនួនទេសចរ​មកទស្សនាកម្ពុជាបានឡើងដល់ ៤,៧ លាននាក់ អាស្រ័យ​ដោយ​សន្តិភាពពេញលេញក្នុងប្រទេស បន្ទាប់​ពីការអនុវត្តគោលនយោបាយឈ្នះ/ឈ្នះ”។ ក្នុងពេលដែលវាយ​តម្លៃខ្ពស់ពីវឌ្ឍនភាពនៃព្រលានយន្តហោះអន្តរជាតិភ្នំពេញ ដែលបានទទួលអោយចុះចតនូវយន្តហោះប្រ​ភេទធំៗនានា មានទាំងយន្តហោះនៃប្រធានាធិបតីសហរដ្ឋអាមេរិកផង សម្តេចតេជោ បានជម្រុញអោយ​មន្ត្រីទាំងឡាយ នៃបណ្តាផ្នែកការងារពាក់ព័ន្ធនៅតាមព្រលានយន្តហោះទាំងអស់នៃព្រះរាជាណាចក្រ​កម្ពុជា អោយយកចិត្តទុកដាក់ផ្តល់សេវាល្អ និងមានប្រសិទ្ធិភាព ដើម្បីទាក់ទាញទេសចរច្រើនឡើង​ទៀត អោយមកទស្សនកិច្ចនៅកម្ពុជា។ សូមជំរាបថា កាលពី ខែ កុម្ភៈ ឆ្នាំនេះ ព្រលានយន្តហោះនៅកម្ពុជា បានទទួល និងជូនដំណើរអ្នកដំណើរ ៦៨៥ ពាន់នាក់ មានចលនាយន្តហោះប្រមាណ ១៤០០០ ជើង ដែលជាការកើនឡើង ៧,១% និង…

សង្កថា ក្នុងពិធីសម្ពោធស្ថានីយ៍អ្នកដំណើរថ្មី នៃ អាកាសយានដ្ឋានអន្តរជាតិភ្នំពេញ

សុន្ទរកថា-ការអធិប្បាយ

កម្ពុជាមានពីរ គឺពិត និងក្នុងសារព័ត៌មាន … តើពេលនេះ យើងកំពុងស្ថិតនៅកន្លែងណា? ព្រោះថា កម្ពុជាមានពីរ។ ទីមួយគឺកម្ពុជាពិត និងទីពីរ កម្ពុជា​លើ​ទំព័រសារព័ត៌មាន ដែលមនុស្សមួយចំនួនបានទៅបរិហាកេរ្ត៍ ឬនិយាយ​អាក្រក់ពីកម្ពុជា (ដែលប្រៀបបាន) សឹងតែជាឋាននរកលោកីយ៍។ ថ្ងៃនេះ ខ្ញុំសង្ឃឹមថា ឯកឧត្តម លោកជំទាវ អស់លោក លោកស្រី រួមទាំង ឯកឧត្តមអគ្គរដ្ឋទូតបារាំង និងអគ្គរដ្ឋទូតមកពីសហភាពអឺរ៉ុប ដែលបានអញ្ជើញចូលរួម​នាក្នុងឱកាសនេះ ពិត​ជា​កំ​ពុង​រួមជាមួយយើងខ្ញុំស្ថិតនៅលើកម្ពុជាពិត។ ខ្ញុំបញ្ជាក់ឡើងវិញ កម្ពុជាយើង​ខ្ញុំ ពិតជាមានពីរ៖ កម្ពុជាពិត និង​កម្ពុជាលើទំព័រសារព័ត៌មាន។ កម្ពុជាលើទំព័រសារព័ត៌មាននៅក្រៅប្រទេស តាមរយៈនៃការសរសេរផ្សាយ​របស់​មនុស្សមួយចំនួន រាប់ទាំងជនជាតិកម្ពុជាមួយចំនួនផង គឺកម្ពុជានោះមិនគួរឲ្យ​ចង់រស់នៅ មិនគួរឲ្យ​មាន​ការ​ចង់មកទស្សនកិច្ចនោះទេ ហើយប្រហែលជាមិនមានវត្តមានក្រុមហ៊ុន VINCI ដែលរួមគ្នា​សម្ពោធ​នៅថ្ងៃ​នេះ​នោះទេ។ ឥឡូវនេះ យើងពិតជាកំពុងឈរនៅទីនេះ សម្ពោធដាក់ឲ្យប្រើប្រាស់នូវស្ថានីយអ្នកដំណើរថ្មី ដែលវិនិ​យោគដោយក្រុមហ៊ុនសម្បទានព្រលានយន្តហោះ​ ដែលក្រុមហ៊ុនមេ គឺក្រុមហ៊ុន VINCI។ គោលនយោបាយបើកចំហរជើងមេឃ អម្បាញ់មិញ ឯកឧត្តម ឧបនាយករដ្ឋមន្រ្តី សុខ អាន បានធ្វើរបាយការណ៍ទាក់ទងនឹងវឌ្ឍនភាព នៃការសាង សង់នេះរួច​ហើយ។​…