FN ៖ នាយឧត្តមសេនីយ៍ សៅ សុខា មេបញ្ជាការអាវុធហត្ថលើផ្ទៃប្រទេស និងប្រធានគណៈកម្មការជាតិ ទប់ស្កាត់ និងបង្ក្រាបបទល្មើសធនធានធម្មជាតិ បានបញ្ជាឲ្យតាមចាប់ខ្លួនលោក ស៊ី ស ត្រូវជាកូនប្រសារបស់លោក ឆេង ឡុង នាយរងសេនាធិការអាវុធហត្ថ ខេត្តកំពង់ស្ពឺ ក្រោយរកឃើញថា មានការពាក់ព័ន្ធបទល្មើសព្រៃឈើ។
ជាមួយគ្នានេះ លោក ឆេង ឡុង ក៏ត្រូវបានមន្រ្តីជំនាញហៅមកសួរនាំផងដែរ បន្ទាប់ពីកម្លាំងអាវុធហត្ថចុះទៅបង្ក្រាបការដឹកជញ្ជូន និងទីតាំងស្តុកឈើ នៅជាប់ផ្ទះវីឡារបស់លោក ដែលជារបស់កូនប្រសា។
លោកឧត្តមសេនីយ៍ត្រី អេង ហ៊ី អ្នកនាំពាក្យអាវុធហត្ថលើផ្ទៃប្រទេស បានប្រាប់អង្គភាព Fresh News នៅព្រឹកថ្ងៃទី១៣ ខែមីនា ឆ្នាំ២០១៧នេះថា បន្ទាប់ពីមានការសួរនាំទៅ លោក ឆេង ឡុង មិនទាន់រកឃើញថា មានការជាប់ពាក់ព័ន្ធការរកស៊ីឈើនោះទេ ប៉ុន្តែជាកូនប្រសារបស់លោកទៅវិញទេ មានឈ្មោះស៊ី ស។ យ៉ាងណាក៏ដោយ បើតាមលោក អេង ហ៊ី សម្រាប់លោក ឆេង ឡុង ក៏ត្រូវបានមន្រ្តីជំនាញហៅមកសួរនាំផងដែរចំពោះករណីនេះ តែមិនទាន់ដឹងពីលទ្ធផលនោះទេ។
សូមបញ្ជាក់ថា នៅរសៀលថ្ងៃទី១១ ខែមីនា ឆ្នាំ២០១៧ លោកឧត្តមសេនីយ៍ត្រី ជូ សារុន មេបញ្ជាការអាវុធហត្ថខេត្តកំពង់ស្ពឺ សហការជាមួយកម្លាំងអាវុធហត្ថលើផ្ទៃប្រទេស ក្រោមការសម្របសម្រួលពីលោក កែវ សុធា ព្រះរាជអាជ្ញាអមសាលាដំបូង
ខេត្ត បានឃាត់រថយន្ត១គ្រឿងម៉ាក HYUNDRI ពណ៌ស ទម្ងន់៥តោន ពាក់ស្លាកលេខភ្នំពេញ 3C-9511 នៅចំណុច
ភូមិស្គុះ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ដោយចាប់ខ្លួនអ្នកបើកបរម្នាក់ឈ្មោះ យឹម...Read More
FN ៖ នៅក្នុងវេទិកាសាធារណៈ នៅឯខេត្តកំពង់ចាម នាថ្ងៃទី១២ ខែមីនា ឆ្នាំ២០១៧នេះ លោក ហ៊ុន ម៉ាណែត ដែលគេជឿថាមេដឹកនាំយុវជនជំនាន់ក្រោយ របស់កម្ពុជា បានរំលេចអំពីគុណបំណាច់ របស់គណបក្សប្រជាជនកម្ពុជា នៅក្នុងការខិតខំស្វែងរកសន្តិភាពជូនប្រជាពលរដ្ឋ។ លោក ហ៊ុន ម៉ាណែត បានចាត់ទុកថា សន្តិភាពរបស់កម្ពុជា គឺជាគុណបំណាច់ដ៏ធំធេង របស់រាជរដ្ឋាភិបាល ដែលខិតខំស្វែងរកដោយលំបាក ដើម្បីបន្សល់ទុកឱ្យកូនចៅជំនាន់ក្រោយ។
លោក ហ៊ុន ម៉ាណែត កូនប្រុសច្បងរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងជាសាធារណៈបែបនេះ នៅក្នុងពិធីសម្ពោធដាក់ឱ្យប្រើប្រាស់ វិហារអ៊ីស្លាមមួយ ឈ្មោះ «ហក្កុលមីទះ HAQUL MIDAH» ស្ថិតនៅភូមិទី៣ ឃុំព្រែកតានង់ ស្រុកកោះសូទិន ខេត្តកំពង់ចាម នាថ្ងៃទី១២ មីនា ២០១៧។ ពិធីសម្ពោធនោះ មានការចូលរួមដោយក្រុមការងារ និងប្រជាពលរដ្ឋជាច្រើនរូប។
លោក ហ៊ុន ម៉ាណែត បានថ្លែងថា ដោយសារសុខសន្តិភាព និងគោលនយោបាយរបស់រាជរដ្ឋាភិបាលនេះហើយ បានធ្វើឱ្យប្រជាពលរដ្ឋខ្មែរ ពលរដ្ឋខ្មែឥស្លាម រស់នៅ ក្នុងភាពសុខដុមរមនា ដោយមិនមានការរើសអើង ហើយមានឱកាសគោរពប្រណិបត្តិសាសនា មានឱកាសកសាងហេដ្ឋារចនាសម្ព័ន្ធនៅក្នុងសាសនាឥស្លាម រួមមានវិហារ សាលារៀន និងបានបង្កឱកាសលើកទឹកចិត្តលោកគ្រូអ្នកគ្រូ សិស្សានុសិស្សខ្មែរឥស្លាមទទួលបានការអប់រំនិងឱកាសផ្សេងៗទៀត។
លោកបានបន្ថែមថា ក្នុងសម័យសុខសន្តិភាព នាពេលសព្វថ្ងៃនេះ គឺអាត្រាប្រជាជនមានការកើនឡើង បើប្រៀបធៀបនឹងអតីតកាល ដូច្នេះតម្រូវការ របស់ប្រជាពលរដ្ឋ ក៏មានការឡើងដែរ។ គោលនយោបាយរបស់រាជរដ្ឋាភិបាល គឺធ្វើឱ្យប្រជាពលរដ្ឋមានកំរិតជីវភាពរស់នៅធូរធា និងរស់នៅក្នុងភាពសុខសាន្ត។ លោកបានជំរុញឱ្យពលរដ្ឋ បន្តការជឿទុកចិត្តលើរាជរដ្ឋាភិបាលដែលមាន សម្តេចតេជោ ហ៊ុន សែន ក្នុងការដឹកនាំប្រទេស ដើម្បីបម្រើប្រជាពលរដ្ឋគ្រប់ពេលវេលា ដែលកន្លងមកនេះ ប្រមុខរាជរដ្ឋាភិបាល...Read More
FN ៖ នៅថ្ងៃទី១៣ ខែមីនា ឆ្នាំ២០១៧ស្អែកនេះ កម្ពុជា-វៀតណាម នឹងបើកកិច្ចប្រជុំរួមគ្នា ដើម្បីនិយាយពីកិច្ចសហប្រតិបត្តិការ និងការអភិវឌ្ឍបណ្តាខេត្តជាប់ព្រំដែននៃប្រទេសទាំងពីរ រួមនិងកិច្ចប្រជុំពាក់ព័ន្ធមួយចំនួនទៀត។
យោងតាមសេចក្តីជូនព័ត៌មានរបស់ក្រសួងការបរទេស បានឲ្យដឹងថា កិច្ចប្រជុំដែលធ្វើឡើងចាប់ពីថ្ងៃទី១៣ ដល់ថ្ងៃទី១៥ ខែមីនា ឆ្នាំ២០១៧នេះ មានរបៀបវារៈសំខាន់ៗចំនួនពីររួមមាន កិច្ចប្រជុំលើកទី៩ ស្តីពីកិច្ចសហប្រតិបត្តិការ និងការអភិវឌ្ឍរវាងបណ្តាខេត្តជាប់ព្រំដែនកម្ពុជា-វៀតណាម និងកិច្ចប្រជុំគណៈកម្មការចម្រុះកម្ពុជា-វៀតណាមលើកទី១៥ ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្រ្ត និងបច្ចេកទេស។
បើតាមសេចក្តីជូនព័ត៌មានដដែលបានឲ្យដឹងដែរថា កិច្ចប្រជុំនេះនឹងមានការអញ្ជើញចូលរួមពី សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និង លោកឧបនាយករដ្ឋមន្រ្តី ផាម ប៊ិញ មិញ រដ្ឋមន្រ្តីការបរទេសវៀតណាមផងដែរ។
ក្រសួងការបរទេសកម្ពុជា បានគូសបញ្ជាក់ថា កិច្ចប្រជុំទាំងពីរខាងលើត្រូវបានធ្វើឡើង ស្របពេលនឹងខួបលើកទី៥០ឆ្នាំ នៃការបង្កើតទំនាក់ទំនងការទូតរវាងកម្ពុជា-វៀតណាម ដែលបានផ្តល់ឱកាសសម្រាប់រំលឹកឡើងវិញ នៃសមិទ្ធិផលសម្រេចបាននាពេលកន្លងមក រួមទាំងការរៀបចំផែនការទិសដៅសម្រាប់អនាគត ក្នុងកិច្ចខិតខំប្រឹងប្រែងរួមគ្នា ដើម្បីពង្រឹងបន្ថែមទៀត នូវចំណងមិត្តភាពជាប្រពៃណី អ្នកជិតខាងល្អ និងកិច្ចសហប្រតិបត្តិការគ្រប់ជ្រុងជ្រោយ រវាងប្រទេសទាំងពីរ។
ក្រសួងក៏បានឲ្យដឹងដែរថា នៅចុងបញ្ចប់នៃកិច្ចប្រជុំគណៈកម្មាចម្រុះនេះ រដ្ឋមន្រ្តីការបរទេសនៃប្រទេសទាំងពីរ នឹងចុះហត្ថលេខាលើកំណត់ហេតុនៃកិច្ចប្រជុំគណៈកម្មការចម្រុះ កម្ពុជា-វៀតណាមលើកទី១៥៕
...
Read More
FN ៖ លោក វ៉ាន សំអឿន អតីតតំណាងរាស្ត្រគណបក្សសង្គ្រោះជាតិ នៅថ្ងៃទី១២ ខែមីនា ឆ្នាំ២០១៧នេះ បានអំពាវនាវ និងផ្តាំផ្ញើដល់ប្រជាពលរដ្ឋខេត្តកំពតមួយចំនួន កុំឱ្យមានការចាញ់បោកការឃោសនារបស់ គណបក្សប្រឆាំង។ លោកអះអាងថា បក្សប្រឆាំងពូកែឃោសនា ប៉ុន្តែមិនពូកធ្វើឡើយ។
លោក វ៉ាន សំអឿន ដែលបានចាកចេញពីគណបក្សប្រឆាំង ទៅចូលរួមជាមួយគណបក្សប្រជាជនកម្ពុជា បានរិះគន់ថា គណបក្សប្រឆាំងគ្មានប្រជាធិបតេយ្យផ្ទៃក្នុងបក្សឡើយ ហើយមានតែបក្សពួកគ្រួសារនិយម អំពើពុករលួយ។ លោកប្រាប់ប្រជាពលរដ្ឋបន្ថែមថា បក្សប្រឆាំងគ្មានតម្លាភាពចំណូល- ចំណាយថវិកាដែលប្រជាពលរដ្ឋបានឧបត្តម្ភ ហើយកំពុងកង្វះធនធានមនុស្ស ដែលមានសមត្ថភាពពិតប្រាកដ។
ការលើកឡើងយ៉ាងដូច្នោះរបស់ លោក វ៉ាន សំអឿន បានធ្វើឡើង ខណៈដែលលោកអញ្ជើញចុះសួរសុខទុក្ខ និងសំណេះសំណាល ស្វែងយល់បញ្ហាប្រឈមនានា ដើម្បីដោះស្រាយជូនអាជីវករ នៅផ្សារកំពង់ត្រាច ស្រុកកំពង់ត្រាច នៅព្រឹកថ្ងៃទី១១ ខែមីនា ឆ្នាំ២០១៧នេះ។ ពិធីនេះអមដំណើរដោយ លោក សល់ មករា ទីប្រឹក្សារាជរដ្ឋាភិបាល លោក ម៉ាង ឆៃណាំ ទីប្រឹក្សារាជរដ្ឋាភិបាល និងមន្ត្រីថ្នាក់ស្រុក ឃុំ និងមូលដ្ឋានដែលពាក់ព័ន្ធមួយចំនួន។
លោក វ៉ាន សំអឿន បានបន្ថែមទៀតថា លោក សម រង្សី និងលោក កឹម សុខា គ្មានភាពជាអ្នកដឹកនាំ គិតតែ ផលប្រយោជន៍ផ្ទាល់ខ្លួន គ្មានគោលការណ៍ច្បាស់លាស់ ប្រើនយោបាយញុះញង់ លាបពណ៌ សូម្បីតែទូរទស្សន៍ព្រះអាទិត្យមកដល់ពេលនេះ ធ្វើមិនបានផង ។
ទន្ទឹមគ្នានេះដែរ លោកក៏បានជម្រាប ជូនប្រជាពលរដ្ឋអំពីកំណែទម្រង់ ជាពិសេស ការផ្តល់សេវាសាធារណៈកាន់តែងាយស្រួល និងសមិទ្ធិផលសំខាន់ៗ ដែលរាជរដ្ឋាភិបាល ក្រោមការដឹកនាំរបស់ សម្តេចតេជោ ហ៊ុន សែន...Read More
FN ៖ លោក សុខ លូ អភិបាលខេត្តកំពង់ធំ បានអំពាវនាវដល់បងប្អូនប្រជាពលរដ្ឋទំាងអស់ នាំគា្នគោរពច្បាប់ចរាចរណ៍ទាំងអស់គ្នា និងជៀសឲ្យឆ្ងាយពីគ្រឿងញៀន ប្រសិនបើមានបងប្អូនណា ដែលគាត់ញៀនគ្រឿងញៀនត្រូវខិតខំជួយបន្សាបនៅផ្ទះ ប្រសើរជាងគេយកទៅដាក់នៅពន្ធនាគារ ឬមណ្ឌលកែប្រែ។
ការអំពាវនាវបែបនេះ របស់លោក សុខ លូ បានធ្វើឡើងនៅថ្ងៃទី១១ ខែមីនា ឆ្នាំ២០១៧ ក្នុងពិធីបុណ្យរំលាយព្រះសព ព្រះគ្រូវិសុទ្ធិសត្ថា មាស សួស អតីតព្រះគ្រូអនុគណ ស្រុកសណ្តាន់ នៅវត្តសុវណ្ណជលសារុក្ខារាម (ហៅវត្តកូនអក )ស្ថិតនៅភូមិ ខ្មែរ ឃុំងន ស្រុកសណ្តាន់ ខេត្តកំពង់ធំ និងមានការចូលរួមពី ក្រុមប្រឹក្សាស្រុក មន្ត្រីរាជការជុំវិញស្រុក និងប្រជាពលរដ្ឋយ៉ាងច្រើនកោះកុរ។
លោកបានបន្ថែមថា ចំពោះមីក្រូហិរញ្ញវត្ថុ ជារបស់ឯកជន មិនមែនជារបស់រដ្ឋឡើយ ហើយអត្រាការប្រាក់នឹងធ្វើការបញ្ចុះត្រឹមតែ ១៨% ក្នុងមួយឆ្នាំ បងប្អូនត្រូវពិនិត្យពិចារណា
ថ្លឹងថ្លែងឲ្យបានច្បាស់លាស់ កុំចេះតែជឿពាក្យញុះញង់មូលបង្កាច់របស់ជនអគតិមួយចំនួន ត្រូវគិតពីសន្តិសុខសុវត្ថិភាព គិតតែពីមុខរបរប្រចាំអាយុជីវិតហើយ ខិតរក្សាឲ្យភូមិ ឃុំមាន
សុវត្ថិភាពកុំឲ្យមានចោរលួច ឆក់ ប្លន់ គ្រឿងញៀន ពោលត្រូវយកចិត្តទុកដាក់ជួយទុក្ខធុរៈគ្នានៅតាម ឃុំភូមិរបស់ខ្លួន ត្រូវគិតថាអ្នកណាដែលបានជួយយើងឲ្យរួចផុតពី ទុក្ខវេទនាកាល
ពីសម័យបនប្រល័យពូជសាសន៍ប៉ុលពត។
លោកបានលើកឡើងទៀតថា «រូបំ ជីរតិ មច្ចានំ នាមគោត្តំ ន ជីរតិ» ប្រែថា «រូបកាយរបស់សត្វលោក តែងវិនាសទៅ តែកេរ្តិ៍ឈ្មោះកិត្តិយសមិនសាបសូន្យឡើយ» នេះជាការបញ្ជាក់ថាប្រជាពលរដ្ឋ និងពុទ្ធបរិស័ទ អំពីទីវត្តអារាម គឺមិនត្រឹមតែបម្រើវិស័យសាសនា ជាទីសក្ការៈបូជារបស់បងប្អូនពុទ្ធបរិស័ទប៉ុណ្ណោះទេ គឺជាទីកន្លែង ដែលប្រមូលផ្តុំនូវវប្បធម៌ និងជាថ្នាល បណ្តុះបណ្តាលធនធានមនុស្ស ដែលជាជង្រុកនៃគ្រឹះអក្សរសាស្ត្រជាតិ អរីយធម៌ វប្បធម៌ខ្មែរយើងតាំងពីយូណាស់មកហើយ។
លោក សុខ លូ...Read More
FN ៖ ក្រសួងការបរទេស និងសហប្រតិបត្តិការអន្តរជាតិ កំពុងពិនិត្យ និងតាមដាន យ៉ាងយកចិត្តទុកដាក់ចំពោះករណីតុលាការវៀតណាម បានកាត់ទោសមន្រ្តីខ្មែរម្នាក់ ឱ្យជាប់ពន្ធនាគារ២៥ឆ្នាំ ពាក់ព័ន្ធនឹង ករណីបាញ់សម្លាប់ជនជាតិវៀតណាម្នាក់ នៅក្នុងខេត្តអាងយ៉ាង ប្រទេសវៀតណាម។ នេះបើតាមការអះអាងរបស់ លោក ជុំ សុន្ទរី អ្នកនាំពាក្យក្រសួងការបរទេស ដែលបានថ្លែងប្រាប់ Fresh News នៅថ្ងៃអាទិត្យនេះ។
លោក ឡាយ ប៊ុនធី អាយុ៥៣ឆ្នាំ ជានាយរងប៉ុស្តិ៍ច្រកទ្វារព្រំដែនកម្ពុជា កាលពីថ្ងៃទី០៧ ខែមីនា ឆ្នាំ២០១៧ កន្លងទៅនេះ ត្រូវបានតុលាការខេត្តអាងយ៉ាង ប្រទេសវៀតណាម កាត់ទោសឱ្យជាប់ពន្ធនាគារ២៥ឆ្នាំ ពាក់ព័ន្ធនឹងករណីបាញ់បោះ នៅក្នុងហាងផឹកស៊ីមួយកន្លែង ក្នុងខេត្តនោះ បណ្តាលឱ្យពលរដ្ឋវៀតណាម្នាក់ស្លាប់ និងម្នាក់ទៀតរងរបួសធ្ងន់ កាលពីខែកក្កដា ឆ្នាំ២០១៦ កន្លងទៅ។ នេះបើតាមការចុះផ្សាយរបស់ សារព័ត៌មានក្នុងស្រុករបស់វៀតណាម។
លោក ជុំ សុន្ទរី បានបញ្ជាក់ថា ក្រសួងការបរទេសកំពុងពិនិត្យមើលឯកសារផ្លូវច្បាប់នានា ពាក់ព័ន្ធនឹងករណីនេះ ដោយមិនទាន់ថា នឹងសម្រេចធ្វើបត្យាប័នឬយ៉ាងណានោះទេ។ លោកបានថ្លែងយ៉ាងដូច្នេះថា «យើងគ្រាន់តែដឹងថា រឿងនេះតុលាការវៀតណាម កាត់ទោសឱ្យជាប់ពន្ធនាគារ២៥ឆ្នាំ បច្ចុប្បន្ននេះ ខាងជំនាញផ្នែកច្បាប់ និងការកុងស៊ុល របស់ក្រសួងការបរទេស កំពុងធ្វើការអំពីករណីហ្នឹង ហើយថា តើសម្រេចធ្វើយ៉ាងម៉េច គឺនៅមិនទាន់មានការសម្រេចនៅឡើយទេ»។
បើតាមការផ្សព្វផ្សាយរបស់គេហទំព័រ ក្នុងស្រុករបស់វៀតណាម បានឱ្យដឹងថា មូលហេតុដែលធ្វើឱ្យ មន្រ្តីច្រកព្រំដែនកម្ពុជា បាញ់សម្លាប់ពលរដ្ឋវៀតណាមនេះ កើតឡើង ចេញពីជម្លោះក្នុងវង់ផឹកស៊ីមួយ នៅក្នុងខេត្តអាងយ៉ាង ប្រទេសវៀតណាម។ ក្នុងវង់ផឹកស៊ីនោះ លោក ឡាយ ប៊ុនធី បានចោទឈ្មោះ ផាន យាំងវ៉ាង ដែលជាជនជាតិវៀតណាម (រងរបួសធ្ងន់) ថាបានប្រើមនុស្សឱ្យទៅប្រើហិង្ហាលើរូបលោកកាលពីគ្រាមុន ហើយលោក...Read More
FN ៖ គណៈកម្មាធិការគណបក្សប្រជាជនកម្ពុជា ប្រចាំប្រទេសអូស្ត្រាលី និងណូវ៉ែលហ្សេឡង់ នៅល្ងាចថ្ងៃទី១១ ខែមីនា ឆ្នាំ២០១៧ ម្សិលមិញនេះ បានរៀបចំ ពិធីកម្មវិធីសំណេះសំណាលជាមួយ ប្រជាពលរដ្ឋ ជាសមាជិក សមាជិការគណបក្សប្រជាជនកម្ពុជា ប្រចាំនៅទីក្រុង Brisbane នៃប្រទេសអូស្ត្រាលី។ ជាមួយគ្នានេះ នៅថ្ងៃដដែលនោះ ក្រុមការងារយុវជន CPP ប្រចាំទីក្រុង Adelaide ប្រទេសអូស្ត្រាលី ក៏បានរៀបចំពិធីអបអរសាទរ ទិវាសិទ្ធិនារីអន្តរជាតិ៨មីនា ដល់សមាជិការ របស់ខ្លួន នៅទីក្រុង Adelaide ផងដែរ។
ពិធីសំណេះសំណាលជាមួយ ប្រជាពលរដ្ឋ ជាសមាជិក សមាជិការគណបក្សប្រជាជនកម្ពុជា ប្រចាំនៅទីក្រុង Brisbane នៃប្រទេសអូស្ត្រាលី ត្រូវបានធ្វើឡើងក្រោមអធិបតីភាព លោក កុយ គួង ប្រធានគណៈកម្មាធិការគណបក្សប្រចាំប្រទេសអូស្ត្រាលី និងណូវ៉ែលហ្សេឡង់ និង លោក ស៊ូនី វង្សវិសិដ្ឋ អនុប្រធានក្រុមការងាររៀបចំ អង្គការចាត់តាំងយុវជន គណបក្សប្រចាំប្រទេសអូស្ត្រាលី និងណូវ៉ែលហ្សេឡង់។
ដោយឡែក ពិធីអបអរសាទរទិវាសិទ្ធិនារីអន្តរជាតិ៨មីនា ដល់សមាជិការគណបក្សប្រជាជនកម្ពុជានៅទីក្រុង Adelaide ត្រូវបានធ្វើឡើងក្រោមអធិបតីយភាព លោក ណុប រតនា សមាជិកគណៈកម្មាធិការកណ្តាលគណបក្សប្រជាជនកម្ពុជា។
នាឱកាសនោះ លោក កុយ កួង ក៏បានពាំនាំនូវការផ្តាំផ្ញើរសាកសួរសុខទុក្ខ ពីសំណាក់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចអនុប្រធានទាំងពីរ ជូនដល់សមាជិក សមាជិការ គណបក្សប្រជាជនទាំងអស់ប្រចាំនៅទីក្រុង Brisbane។ លោក កុយ គួង ថែមទាំងបាន បានផ្តល់នូវព័ត៌មានស្តីពី ស្ថានភាពជាក់ស្តែង នៃសង្គមកម្ពុជាបច្ចុប្បន្ន ជូនដល់ពួកគេឱ្យបានជ្រាបផងដែរ៕
...
Read More
FN ៖ សុខសន្តិភាពដែលកំពុងគ្រប់ដណ្តប់ទូទាំងផ្ទៃប្រទេសកម្ពុជា បានផ្តល់ឱកាសឲ្យព្រះរាជាណាចក្រកម្ពុជា បន្តអភិវឌ្ឍន៍រីកចម្រើនជាលំដាប់ទាំងផ្នែកអាណាចក្រ និងពុទ្ធចក្រ។ នៅថ្ងៃទី១១ ខែមីនា ឆ្នាំ២០១៧ វត្តប្រាសាទ ជាវត្តមួយស្ថិតនៅឃុំតុងរ៉ុង ស្រុកព្រៃឈរ ខេត្តកំពង់ចាម បានសម្ពោធ និងបុណ្យឆ្លងសមិទ្ធផលមួយចំនួនធំ ដែលទើបសាងសង់រួចរាល់ក្រោមទឹកប្រាក់កើតចេញពីសទ្ធាជ្រះថ្លារបស់ប្រជាពុទ្ធបរិស័ទប្រមាណ ៦៣៣,៦០០ដុល្លារអាមេរិក។
ពិធីសម្ពោធ និងបុណ្យឆ្លងសមិទ្ធផលទាំងអស់នោះ ត្រូវបានធ្វើឡើងក្រោមអធិបតីភាព លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានក្រុមការងារថ្នាក់ជាតិចុះជួយស្រុកព្រៃឈរ ខេត្តកំពង់ចាម ព្រមទាំងមន្រ្តីរាជការ និងប្រជាពុទ្ធបរិស័ទចំណុះជើងវត្តយ៉ាងច្រើនកុះករ ក្នុងបរិយាកាសដ៏សែនសប្បាយរីករាយ។។
លោក ប៉ាន សូរស័ក្តិ បានលើកឡើងពីសារៈសំខាន់នៃសុខសន្តិភាព ដែលមានតម្លៃធំធេង និងជាមូលដ្ឋានគ្រឹះសម្រាប់កសាងវិស័យ សាសនា និងអភិវឌ្ឍន៍ប្រទេសឡើងវិញ។ «ឥឡូវនេះ វិស័យពុទ្ធចក្រកំពុងស្របគ្នាជាមួយអាណាចក្រ! យើងមានហេដ្ឋារចនាសម្ព័ន្ធខ្វាត់ ខ្វែង គ្រឹះស្ថានសាធារណៈ អគារពាណិជ្ជកម្មតូចធំ សាលារៀន និងវត្តអារាមច្រើនជាង ៥០០០ទីតាំង ដែលប្រមូលផ្តុំទៅដោយព្រះវិហារចម្រុះពណ៌ ដែលមានព្រះសង្ឃគង់នៅជាង ៥ម៉ឺនអង្គ»។ លោករដ្ឋមន្ត្រី បានគូសបញ្ជាក់។
លោករដ្ឋមន្ត្រី ប៉ាន សូរស័ក្តិ បានបន្ថែមថា «សន្តិភាពបាននាំមកនូវគម្រោងវិនិយោគជាច្រើន ដែលបានរួមចំណែកផ្តល់ការងារជូនយុវជន-យុវនារីរាប់សិបម៉ឺននាក់ អាចផ្ញើប្រាក់ជូនអ្នកមានគុណនៅឯស្រុកកំណើត ដើម្បីធ្វើបុណ្យដាក់ទាន និងចូលរួមសមិទ្ធផលក្នុងទីអារ៉ាមនានា»។
នៅក្នុងឱកាសនោះ លោក ប៉ាន សូរស័ក្តិ បាននាំនូវប្រសាសន៍ផ្តាំសាកសួរសុខទុក្ខរបស់សម្តេចតេជា ហ៊ុន សែន នាយករដ្ឋមន្ត្រី និងសម្តេចគតិព្រឹទ្ធបណ្ឌិត ជូនចំពោះលោកយាយ លោកតា និងប្រជាពលរដ្ឋនៅអង្គពិធីជាង ៥០០នាក់ និងបានកោតសសើរ ព្រមទាំងបំពាក់មេដៃស្ថាបនាជាតិដល់សប្បុរសជន ដែលបានសហការជាមួយព្រះសង្ឃ អាជ្ញាធរដែនដី និងពុទ្ធបរិស័ទចំណុះជើងវត្ត ក្នុងការកសាងឧបដ្ឋានសាលានេះឡើង សម្រាប់ប្រជាពលរដ្ឋគ្រប់មជ្ឈដ្ឋានធ្វើការគោរពប្រតិបត្តិ។
លើសពីនេះ ឯកឧត្តមរដ្ឋមន្ត្រីបានប្រគល់ជូននូវថវិកាផ្ទាល់ខ្លួនចំនួន ៥លានរៀល និងថវិកាដែលកើតពីសទ្ធាជ្រះថ្លារបស់មន្ត្រីក្រសួងពាណិជ្ជកម្មចំនួន ៨លាន ៨សែន ប្រាំពីម៉ឺនរៀល...Read More
FN ៖ លោកនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងជាប្រធានក្រុមការងារថ្នាក់ជាតិចុះជួយក្រុងបាវិត បានបំផុសដល់ប្រជាពលរដ្ឋ ទាំងអស់ ជាពិសេសនៅមូលដ្ឋាននេះ ត្រូវចូលរួមថែរក្សាសន្តិភាពរបស់ប្រទេសកម្ពុជា។ លោកចាត់ទុកថា សន្តិភាពនេះហើយ បានធ្វើឱ្យមានភាពរីកចំរើនផ្នែកសេដ្ឋកិច្ច សាសនា និង ភាពសុខដុមរមនារបស់ប្រជាពលរដ្ឋ។
ការអំពាវនាវរបស់ លោកនាយឧត្តមសេនីយ៍ បានធ្វើឡើងខណៈដែល លោក និងភរិយា រួមទាំងក្រុមការងារមួយចំនួនទៀត ចូលរួមក្នុងពិធីកាត់ឫស្សសីមា នៅវត្តមហានីគ្រោតការាម ស្ថិតនៅភូមិជ្រៃធំ សង្កាត់ព្រៃអង្គុញ ក្រុងបាវិត ខេត្តស្វាយរៀង នៅព្រឹកថ្ងៃទី១២ ខែមីនា ឆ្នាំ២០១៧នេះ។ ពិធីនេះ ក៏មានការចូលរួមពីពុទ្ធបរិស័ទ សិស្សានុសិស្សប្រមាណ ៥០០នាក់។
នាយឧត្តមសេនីយ៍ ម៉ឹង សំផន បានអះអាងថា សន្តិភាពនេះហើយ បានធ្វើឱ្យប្រជាពលរដ្ឋ មានសេចក្តីសុខសន្តិភាព ធ្វើឱ្យប្រជាពលរដ្ឋ មានសិទ្ធធ្វើបុណ្យទាន។
លោកបានបញ្ជាក់ថា «សមិទ្ធផលទាំងអស់កើតឡើង បានសារតែប្រទេសជាតិយើង មានសុខសន្តិភាពពេញលេញ ក្រោមការដឹកនាំដ៏ឈ្លៀសវៃរបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានរំដោះប្រទេសជាតិរំដោះប្រជាពលរដ្ឋ និងរំដោះ ព្រះពុទ្ធសាសនានិងសាសនាដ៏ទៃទៀតរស់ឡើងវិញ ហើយប្រមុខរាជរដ្ឋាភិបាលកម្ពុជា មិនប្រកាន់ពូជសាស្ត្រ សាសនាដ៏ទៃនោះទេ ប្រជាពលរដ្ឋមានសិទ្ធិធ្វើបុណ្យគ្រប់គ្នា»។
សូមបញ្ជាក់ថា នាឱកាសនោះ នាយឧត្តមសេនីយ៍ ម៉ឹង សំផន បានធ្វើការកោតសរសើរដល់សប្បុរសជននានា ក្នុងស្រុកក្រៅស្រុក ដែលបានចំណាយធនធានផ្ទាល់ខ្លួន ដើម្បីលើស្ទួយវិស័យពុទ្ធចក្រ ឱ្យមានការរីកចំរើនទុកសម្រើនព្រះសង្ឃពុទ្ធបរិស័ទ បានធ្វើបុណ្យក្នុងផ្លូវព្រះពុទ្ធសាសនា ដែលជាសាសនារបស់រដ្ឋ។
លោក ម៉ឹង សំផន ក៏បានបំពាក់គ្រឿងឥស្សរិយយស ដល់សប្បុរសជន និងបានចែកអំណោយ ដល់យាយជីតាជីប្រមាណ ១០០នាក់ ដោយក្នុងម្នាក់ៗ ទទួលបានក្រណាត់ស ១ដុំ ថវិកា១ម៉ឺនរៀល ផងដែរ៕
...
Read More
FN ៖ លោកបណ្ឌិត អ៊ុក កោសា ទីប្រឹក្សាសម្តេចពញាចក្រក្រី ហេង សំរិន ប្រធានរដ្ឋសភា និងជាអនុប្រធានក្រុមការងារថ្នាក់ជាតិ ចុះជួយស្រុកឧដុង្គ បានធ្វើការថ្កោលទោស ចំពោះគណបក្សប្រឆាំង CNRP ចំពោះការចោទប្រកាន់ មេឃុំ/ចៅសង្កាត់ ថាធ្វើការបម្រើបក្ស ដែលពាក្យសម្តីនេះមេឃុំទូទាំងប្រទេស មិនអាចទទួលយកបានឡើយ។
ការលើកឡើងយ៉ាងដូច្នោះ បានធ្វើឡើងនៅថ្ងៃទី១២ ខែមីនា ឆ្នាំ២០១៧នេះ ស្របដែលលោកបណ្ឌិត អ៊ុក កោសា អញ្ជើញអធិបតី ក្នុងពិធីសម្ភោធដាក់ឲ្យប្រើប្រាស់បណ្តាល័យ នៅក្នុងវត្តបន្ទាយខ្មែរ ស្ថិតក្នុងឃុំជើងរាស់ ស្រុកឧដុង្គ ខេត្តកំពង់ស្ពឺ និងមានការចួលរួមពីលោក លី សុន ប្រធានក្រុមការងារថ្នាក់កណ្តាល ចុះជួយស្រុកឧដុង្គ ដែលមានប្រជាពុទ្ធបរិសទ្ធ័ ចំណុះជើងប្រមាណជាង៥០០នាក់មកពី៨ភូមិ ក្នុងខេត្តកំពង់ស្ពឺ។
ក្នុងពិធីនោះផងដែរ លោកបណ្ឌិត ក៏បានដាស់តឿនដល់លោកគ្រូ អ្នកគ្រូ សូមមេត្តាចូលរួមគោរពនៅទិវា អំនានជាតិថ្ងៃទី១១ ខែមីនា រាល់ខែសុំនាំសិស្សានុសិស្ស មកអានសៀវភៅនៅទីនេះ ដែលមានបន្ទប់ និងសៀវភៅចំរុះរក្សានៅទីនេះ។
លោកឧត្តមសេនីយ៍ អ៊ុក កោសា បានឲ្យដឹងថា បណ្តាល័យនេះ សៀវភៅដែលបានមកពីសប្បុរសជាច្រើននេះ គឺសម្រាប់ ព្រះសង្ស លោកតាជី យាយជី បងប្អូនប្រជាពុទ្ធបរិសទ្ធ័ សិស្សានុសិស្សអញ្ជើញមកអង្គុយអានស្វែងយល់អំពីធម៌វិន័យ ច្បាប់នានា ដែលបានតម្កល់នៅទីនេះ។
ជាមួយគ្នានោះ លោក លី សុន ប្រធានក្រុមការងារបក្សប្រជាជនចុះជួយស្រុកឧដុង្គ បានឲ្យដឹងថា មន្ត្រីគណបក្សប្រជាជនបានកសាងទាំងវិស័យពុទ្ធចក្រ និងអាណាចក្រហើយក្រុមការងារ បានចំណាយសរុបមិនតិចជាង១២ម៉ឺនដុល្លា នោះយកមកកសាងនៅស្រុកឧដុង្គយើង។ ដូច្នេះគណប្រជាជនមិនបានសន្យាខ្យល់ទេគឺជួយដល់ការខ្វះខាត ទីទាល់ក្រ ដល់អ្នកគ្មានលទ្ធភាព ដើម្បីឲ្យមានភាពរុងរឿង អភិវឌ្ឍន៍នៅក្នុងមូលដ្ឋាន៕
...
Read More
FN ៖ លោក ជា បូរ៉ា រដ្ឋលេខាធិការក្រសួងទេសចរណ៍ និងជាប្រធានក្រុមការងារថ្នាក់ជាតិ ចុះមូលដ្ឋានស្រុកកំពង់រោទិ៍ ខេត្តស្វាយរៀង នាព្រឹកថ្ងៃទី១១ ខែមីនា ឆ្នាំ២០១៧នេះ បានដឹកនាំក្រុមការងារ និងគ្រូពេទ្យស្ម័គ្រចិត្តកូរ៉េចំនួន ៦៤នាក់ ចុះពិនិត្យព្យាបាលជំងឺជូនប្រជាពលរដ្ឋដោយឥតគិតថ្លៃ នៅឃុំស្វាយតាយាន ស្រុកកំពង់រោទិ៍ ខេត្តស្វាយរៀង។
សកម្មភាពមនុស្សធម៌នេះ ធ្វើឡើងរយៈពេល៣ថ្ងៃ ចាប់ពីថ្ងៃទី១១-១២-១៣ ខែមីនា ឆ្នាំ២០១៧ រួមមានសេវាពិនិត្យព្យាបាលផ្នែកត្រចៀក ច្រមុះ ភ្នែក ផ្នែកសម្ភព និងកុមារ ផ្នែកជំងឺសើស្បែក និងផ្នែកវះកាត់ និងសន្លាក់។
លោក ជា បូរ៉ា បានផ្តាំផ្ញើដល់ប្រជាពលរដ្ឋទាំងអស់ ត្រូវរក្សាសុខភាពឱ្យបានល្អ និងត្រូវមានអនាម័យជានិច្ច ដើម្បីជៀសវាងជំងឺផ្សេងៗ ដែលនាំឱ្យខាតបង់ពេលវេលា លុយកាក់ និងប៉ះពាល់សុខភាព។
លោកបានគូសបញ្ជាក់ថា ចំពោះការពិនិត្យ និងព្យាបាលជំងឺ នាពេលនេះ គឺជាស្មារតីមនុស្សធម៌ ដោយពុំមានការរើសអើងពូជសាសន៍ និងនិន្នាការនយោបាយឡើយ ព្រមទាំងអំពាវនាវឱ្យប្រជាពលរដ្ឋមកទទួលសេវាពិនិត្យ និងព្យាបាលជំងឺនេះ ឱ្យបានគ្រប់ៗគ្នា។
បន្ទាប់ពីបានសំណេះសំណាល ក្នុងពិធីពិនិត្យ និងព្យាបាលជំងឺ ជូនប្រជាពលរដ្ឋដោយឥតគិតថ្លៃ រួចមក លោក ជា បូរ៉ា បានជួបប្រជុំជាមួយក្រុមការងារគណបក្ស ចុះជួយឃុំស្វាយតាយាន គណៈកម្មាធិការគណបក្សឃុំ និងសាខាបក្សភូមិ និងបានផ្តល់ អនុសាសន៍មួយចំនួនដូចខាងក្រោម៖
១៖ ត្រូវខិតខំដោះស្រាយសេវាសាធារណៈ តាមគោលការណ៍របស់រាជរដ្ឋាភិបាល ត្រូវលុបបំបាត់ភាពអសកម្ម ដែលធ្វើឱ្យប្រជាពលរដ្ឋថ្នាំងថ្នាក់ ពិសេសត្រូវយកចិត្តទុកដាក់កសាងអំពើល្អ ជាមួយប្រជាពលរដ្ឋ។
២៖ បន្តពង្រឹងការកសាង និងគ្រប់គ្រងសមាជិកគណបក្ស ដោយខិតខំកសាងបក្ស តាមរយៈយុទ្ធសាស្ត្រ «រក្សាចាស់ កសាងថ្មី»។ លើកកម្ពស់ស្មារតីទទួលខុសត្រូវ និងធ្វើការ ឆ្លើយតបឱ្យទាន់ពេលវេលា រាល់ការឃោសនាអកុសល បំផ្លើសការពិត ចោទប្រកាន់មកលើរាជរដ្ឋាភិបាល និងគណបក្សប្រជាជនកម្ពុជា។
៣៖ បន្តផ្សាភ្ជាប់ជិតស្និទ្ធជាមួយប្រជាជនក្នុងឃុំ...Read More
FN ៖ លោកឧបនាយករដ្ឋមន្រ្តី ហោ ណាំហុង និងលោកស្រី បានដឹកនាំក្រុមការងារ ជាមន្ត្រីថ្នាក់ក្រោម មកចូលរួមផ្ដល់នូវគ្រឿងឧបភោគបរិភោគ និងបច្ច័យជាច្រើន ដែលជាកម្មវិធីមនុស្សធម៌របស់ព្រះសពព្រះមនីកោសលកិត្តិបណ្ឌិត ហ៊ុល សុវណ្ណ ដើម្បីមកចែកជូនដល់ប្រជាពលរដ្ឋក្រីក្រចំនួន៤០៤គ្រួសារ ដែលមកពីតាមបណ្ដាភូមិនានា ក្នុងការជួយសម្រាលនូវការខ្វះខាតផ្សេងៗតាមគ្រួសារនិមួយៗ បានមួយចំនួន។
សកម្មភាពមនុស្សធម៌នេះដែរ បានធ្វើឡើងនៅរសៀលថ្ងៃទី១១ ខែមីនា ឆ្នាំ២០១៧ នៅត្រង់ចំណុចក្នុងវត្តទួលសុណ្ណរាម ហៅវត្តទួលសង្កែ ស្ថិតក្នុងសង្កាត់ទួលសង្កែ ខណ្ឌឫស្សីកែវ ដោយមានការចូលរួមពីលោក ជា ពិសី អភិបាលខណ្ឌ ព្រះមង្គលរក្ខិត ខឹម សម្បត្តិ ព្រះអនុគណខណ្ឌឫស្សីកែវ ព្រះអគ្គចិត្តោ គឹម វ៉ើង ព្រះចៅអធិការស្ដីទីវត្តទួលសង្កែ និងគណកម្មការអាចារ្យវត្ត យាយជី តាជី អាជ្ញាធរសង្កាត់លោក សយ កុសល និងមន្ត្រីក្រុមយុវជន ស.ស.យ.ក ខណ្ឌ-សង្កាត់ យ៉ាងច្រើនកុះករផងដែរ។
ក្នុងពិធីនេះ ព្រះអគ្គចិត្តោ គឹម វ៉ើង ព្រះចៅអធិការស្ដីទីវត្តទួលសង្កែ បានមានសង្សដីការថា បន្ទាប់ពីព្រះមនីកោសលកិត្តិបណ្ឌិត ហ៊ុល សុវណ្ណ បានទទួលអនិច្ចធម្មកាលពីកន្លងទៅ និងក្នុងឱកាសបុណ្យគំរប់ខួប១០០ថ្ងៃ ប្រគេនព្រះបដិសន្ធិវិញ្ញាណ ដោយគណកម្មការបានរៀបចំជាបច្ច័យ និងគ្រឿងឧបភោគបរិភោគ តាមព្រះសពព្រះមនីកោសលកិត្តិបណ្ឌិត ហ៊ុល សុវណ្ណ ដើម្បីចែកជូនដល់ប្រជាពលរដ្ឋក្រីក្រ ក្នុងការរួមចំណែកលើកកម្ពស់វិស្ស័យព្រះពុទ្ធសាសនា ដែលជាសាសនារបស់រដ្ឋ ឲ្យកាន់តែមានភាពរីកចម្រើន។
ដោយឡែក លោក ជា ពិសី បានថ្លែងទៅកាន់ប្រជាពលរដ្ឋជាច្រើនគ្រួសារ ផងដែរថា ពីមុនរហូតមកទល់បច្ចុប្បន្ននេះ មានការខុសប្លែកគ្នាយ៉ាងខ្លាំង ព្រោះអ្វីៗក៍យើងមាន ហើយមានសប់គ្រប់បែបយ៉ាង នេះក៍ព្រោះតែនយោបាយឈ្នះឈ្នះ របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានធ្វើឲ្យប្រទេសជាតិ ទទួលបាននូវសុខសន្តិភាពពេញបរិបូរ...Read More
