បច្ចុប្បន្នភាពកម្ពុជា

១១ខែ ឆ្នាំ២០១៧នេះ កម្ពុជានាំចេញអង្ករបានជិត៦០ម៉ឺនតោន កើនឡើង១៧ភាគរយ, ចិននៅតែបន្តនាំមុខគេក្នុងការទិញអង្ករពីកម្ពុជាច្រើនជាងគេ​

FN ៖ រយៈពេល១១ខែ ឆ្នាំ២០១៧ ចាប់ពីខែមករា ដល់ខែវិច្ឆិកា ឆ្នាំ២០១៧ កម្ពុជាបាននាំចេញអង្ករទៅកាន់ទីផ្សារអន្ដរជាតិជិត៦០ម៉ឺនតោន កើនឡើង១៧ភាគរយ បើធៀបនឹងរយៈពេលដូចគ្នាក្នុងឆ្នាំ២០១៦។

របាយការណ៍ផ្លូវការ ពីលេខាធិការដ្ឋានច្រកចេញចូលតែមួយ សម្រាប់ការបំពេញបែបបទនៃការនាំចេញអង្ករ ដែលអង្គភាពសារព័ត៌មាន Fresh News ទទួលបាននៅថ្ងៃទី១០ ខែធ្នូ ឆ្នាំ២០១៧នេះ បានបញ្ជាក់ឲ្យដឹងថា ចាប់ពីខែមករា ដល់វិច្ឆិកា ឆ្នាំ២០១៧ កម្ពុជាបាននាំចេញអង្ករបានចំនួន៥៦២,២៣៧តោន កើនឡើង១៧.២០ភាគរយ បើធៀបនឹងរយៈពេលដូចគ្នាឆ្នាំ២០១៦ ដែលមានចំនួន៤៧៩,៦៨៩តោន។

យោងតាមរបាយការណ៍ ប្រទេសចំនួនជិត៦០ ត្រូវបានកម្ពុជានាំចេញអង្ករទៅលក់នៅទីនោះ ហើយប្រទេសដែលទិញអង្ករច្រើនជាងគេនៅកម្ពុជា គឺប្រទេសចិន ដែលមានចំនួនជាង១៦ម៉ឺនតោន បន្ទាប់មកគឺបារាំង ដែលមានចំនួនជាង៧ម៉ឺនតោន និងជាប់ចំណាត់ថ្នាក់លេខ៣ គឺប្រទេសប៉ូឡូញ ដែលមានចំនួនជាង៤ម៉ឺនតោន។

នៅឆ្នាំ២០១៦កន្លងទៅ កម្ពុជាបាននាំចេញអង្ករទៅកាន់ទីផ្សារអន្តរជាតិ បានចំនួនជាង៥៤ម៉ឺនតោន ខណៈរាជរដ្ឋាភិបាល មានផែនការជំរុញការនាំចេញអង្ករ ឲ្យបាន១លានតោនក្នុង១ឆ្នាំៗ៕

ធនាគារជាតិនៃកម្ពុជា ប្រកាសដល់គ្រប់ធនាគារ និងគ្រឹះស្ថានហិរញ្ញវត្ថុទាំងអស់ ហាមធ្វើប្រតិបត្តិការពាក់ព័ន្ធនឹងការ​ចរាចរ​លុយអេឡិចត្រូនិក ពពួក Bitcoin, អ្នកលើ្មសនឹងទទួលទោសតាមច្បាប់

FN ៖ ធនាគារជាតិនៃកម្ពុជា បានចេញសេចក្ដីប្រកាសព័ត៌មានមួយ ទៅដល់គ្រប់ធនាគារ និងគ្រឹះស្ថានមីក្រូហិរញ្ញវត្ថុទាំងអស់​នៅកម្ពុជា ហាមធ្វើប្រតិបត្តិការពាក់ព័ន្ធ នឹងការចរាចរ រូបិយវត្ថុ Crypto (លុយអេឡិចត្រូនិក)។ ការចេញសេចក្ដីប្រកាសរបស់​ធនាគារជាតិនេះ ធ្វើឡើងបន្ទាប់ពីបានពិនិត្យឃើញថាបច្ចុប្បន្ននេះ មានការចរាចរ ទិញ លក់ ទូទាត់ ផ្សព្វផ្សាយ រូបិយវត្ថុ Crypto ដែលជាពពួក Bitcoin និងឧបករណ៍អេឡិចត្រូនិកប្រហាក់ប្រហែល ទាំងនេះមិនត្រូវបានទទួលស្គាល់ពីធនាគារជាតិនៃកម្ពុជា​នោះឡើយ។

យោងតាមសេចក្ដីប្រកាសព័ត៌មាន របស់ធនាគារជាតិនៃកម្ពុជាដែលអង្គភាព Fresh News ទើបទទួលបាននៅថ្ងៃទី៧ ខែធ្នូ​ ឆ្នាំ២០១៧នេះ បានឲ្យដឹងថា ការផ្សព្វផ្សាយ និងការធ្វើប្រតិបត្តិការទាំងនេះ អាចផ្ដល់ហានីភ័យដល់សារធារណជន និងជាមធ្យោបាយសម្រាប់ ការសម្អាតប្រាក់ហិរញ្ញវត្ថប្បទានភេវរកម្ម និងទីផ្សារងងឹត ដោយសារតែអ្នកប្រើប្រាស់ និងវិនិយោគ​មួយចំនួនមិនមានការយល់ដឹងពីរូបិយវត្ថុនេះនៅឡើយទេ ដែលងាយរងការឆបោកផ្សេងៗ។

ធនាគារជាតិនៃកម្ពុជា សង្ឃឹមយ៉ាងមុតមាំថា លោក លោកស្រី អគ្គនាយក អគ្គនាយិកា គ្រឹះស្ថានធនាគារ និងហិរញ្ញវត្ថុទាំងអស់ នឹងបន្ដគាំទ្រ សហការអនុវត្ត តាមសេចក្ដីណែនាំនេះ យ៉ាងមានប្រសិនភាពខ្ពស់។ ប្រសិនបើមានគ្រឹះស្ថានធនាគារ និងហិរញ្ញវត្ថុណា មួយលើ្មសនឹងច្បាប់ណែនាំនេះ នឹងទទួលរងទណ្ឌកម្មតាមច្បាប់ជាធរមាន៕

រដ្ឋមន្ត្រីការងារ ព្រមានចាត់វិធានការតាមច្បាប់ ចំពោះសហគ្រាសណា មិនបង្កើតគិលានដ្ឋានសម្រាប់និយោជិត

FN ៖ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក អ៉ិត សំហេង បានព្រមានចាត់ការយ៉ាងម៉ឹងម៉ាត់តាមផ្លូវច្បាប់ ចំពោះសហគ្រាស គ្រឹះស្ថានទាំងឡាងណាដែលមិនបង្កើតគិលានដ្ឋាន សម្រាប់ផ្ដល់សេវាសុខាភិបាលជូនកម្មករនិយោជិតរបស់ខ្លួន តាមគោលការណ៍ណែនាំស្ដីពី «ការរៀបចំគិលានដ្ឋានសហគ្រាស គ្រឹះស្ថាន» ដែលបានប្រកាសដាក់ឲ្យអនុវត្តចាប់ពីថ្ងៃទី០៧ ខែធ្នូ ឆ្នាំ២០១៧ នេះតទៅ។

ការប្រកាសដាក់ឲ្យអនុវត្តគោលការណ៍ណែនាំខាងលើ ត្រូវបានធ្វើឡើងនៅភោជនីយដ្ឋានទន្លេបាសាក់២ ក្នុងនោះដែរ លោករដ្ឋមន្ត្រីបានបញ្ជាក់ថា បច្ចុប្បន្នកម្ពុជាមានរោងចក្រ សហគ្រាស គ្រឹះស្ថានការងារចំនួន ៥១៣,៧៥៩កន្លែង ហើយអត្រា ៨៨% បានបង្កើតគិលានដ្ឋានក្នុងសហគ្រាស គ្រឹះស្ថានរបស់ខ្លួនរួចហើយ នៅឡើយតែប្រមាណ​ ១២% ទៀតដែលមិនទាន់បង្កើតគិលានដ្ឋាន។

លោកបានប្រកាសយ៉ាងម៉ឹងម៉ាត់ថា «ទី១. ចាប់ពីឆ្នាំ២០១៨ គ្រប់រោងចក្រទាំងអស់ត្រូវតែមានគិលានដ្ឋាន បើគ្មានទេ ក្រសួងនឹងចាត់វិធានការតាមច្បាប់ស្ដីពីការងារ មានទាំងពីការផាកពិន័យ ឬបញ្ជូនសំណុំរឿងទៅ (ទៅតុលាការ) ដើម្បីចាត់វិធានការឲ្យបានម៉ឹងម៉ាត់ ទី២. ត្រូវមានគ្រូពេទ្យច្បាស់លាស់ដែលមានជំនាញ ត្រូវតែមានថ្នាំ ត្រូវតែមានកន្លែងសម្រាកឲ្យបា​នគ្រប់គ្រាន់ជូនកម្មករនិយោជិត»។

លោក អ៉ិត សំហេង បានបន្ថែមថា គ្រប់សហគ្រាស គ្រឹះស្ថានការងារទាំងអស់ ត្រូវសហការជាមួយអគ្គនាយកដ្ឋានពេទ្យការងារ នៃក្រសួងការងារ បង្កើតឲ្យមានក្រុមការងារដែលមានជំនាញ ចុះត្រួតពិនិត្យកន្លែងធ្វើការរបស់កម្មករនិយោជិតរៀងរាល់ថ្ងៃមុនពេលបើកទ្វារចូលធ្វើការ ដើម្បីត្រួតពិនិត្យបញ្ហាអនាម័យ ជាតិពុល ក្លិនពុល ឬបញ្ហាមិនប្រក្រតី សំដៅជៀសឲ្យផុតពីគ្រោះថ្នាក់ដួលសន្លប់ប៉ះពាល់ដល់កម្មករ បើប្រាកដថាមានសុវត្ថិភាពហើយ ទើបអនុញ្ញាតឲ្យចូលធ្វើការ ផ្ទុយទៅវិញបើឃើញមានបញ្ហា ត្រូវដោះស្រាយជាបន្ទាន់ ពោលត្រូវគិតគូរលើសុវត្ថិភាពជាចម្បង។

បញ្ហាកម្មករដួលសន្លប់នេះទៀតសោត លោករដ្ឋមន្ត្រីបានប្រកាសថា នឹងចាត់ការឲ្យបានម៉ឹងម៉ាងជាទីបំផុត ចំពោះរោងចក្រ សហគ្រាស គ្រឹះស្ថានណាដែលនៅតែមានបញ្ហានេះ តាមរយៈក្រុមការងារអធិការកិច្ចរបស់ក្រសួងការងារ លើសពីនេះ ក្រុមការងារអធិការកិច្ចក៏បង្កើនការទទួលខុសត្រូវ ចំពោះបញ្ហារឿងឲ្យមានប្រសិទ្ធភាពជាងមុនផងដែរ។

លោកបានរំឭកថា ការដាក់ឲ្យអនុវត្តគោលការណ៍ និងវិធានការនានាខាងលើនេះ គឺស្របទៅតាមអនុសាសន៍របស់សម្ដេចតេជោ ហ៊ុន សែន ប្រមុខដឹកនាំរាជរដ្ឋាភិបាលកម្ពុជា ដែលជានិច្ចកាលតែងតែយកចិត្តទុកដាក់ចំពោះកម្មករនិយោជិត ដូចបានលើកឡើង និងក្រើនរំឭកចំពោះម្ចាស់...Read More

គ.ជ.ប ចេញសេចក្តីសម្រេចមិនលើកយកមកពិនិត្យ ពាក្យសុំចុះបញ្ជីបក្សនយោបាយ និងបញ្ជីបេក្ខជនឈរឈ្មោះបោះឆ្នោត ជ្រើសតាំងសមាជិកព្រឹទ្ធសភា នីតិកាលទី៤ របស់អតីតគណបក្សសង្គ្រោះជាតិ

FN ៖ គណៈកម្មាធិការជាតិរៀបចំការបោះឆ្នោត ដែលហៅកាត់ថា គ.ជ.ប បានសម្រេចមិនលើកយកមកពិនិត្យ ពាក្យសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជី បេក្ខជនឈរឈ្មោះបោះឆ្នោត ក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ របស់អតីតគណបក្សសង្គ្រោះជាតិ ដែលត្រូវបានក្រសួងមហាផ្ទៃសម្រេចលុបឈ្មោះ ចេញពីបញ្ជីគណបក្សនយោបាយ តាមសាលដីការបស់តុលាការកំពូល។

នេះបើតាមសេចក្ដីសម្រេច របស់ គ.ជ.ប ស្ដីពី ការប្រកាសមិនលើកយកមកពិនិត្យ នូវពាក្យសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោត ក្នុងការបោះឆ្នោតជ្រើសតាំងសមាជិកព្រឹទ្ធសភា ដែលបណ្ដាញសារព័ត៌មាន Fresh News ទទួលបាននៅថ្ងៃទី០៧ ខែធ្នូ ឆ្នាំ២០១៧នេះ។

សូមជម្រាបថា ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ នឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០១៨ ខាងមុខនេះ៕

អគ្គរដ្ឋទូតជប៉ុនចុះហត្ថលេខា ផ្តល់ជំនួយជូនមន្ទីរសាធារណការ និងដឹកជញ្ជូនខេត្តព្រះវិហារ សម្រាប់អភិវឌ្ឍន៍ប្រព័ន្ធហេដ្ឋារចនាសម្ព័ន្ធ នៅឃុំរមទម ស្រុករវៀង

FN​ ៖ លោក ហូរីណូអ៊ុជិ ហ៊ីដេហ៊ីសា ឯកអគ្គរដ្ឋទូតជប៉ុនប្រចាំនៅកម្ពុជា បានអញ្ជើញជាអធិបតីភាព ក្នុងពិធីចុះហត្ថលេខាប្រគល់ជំនួយជូន មន្ទីរសាធារណការ និងដឹកជញ្ជូន ខេត្តព្រះវិហារ សម្រាប់គម្រោងធ្វើផ្លូវឲ្យប្រសើរឡើងវិញ ស្ថិតក្នុងឃុំរមទម ស្រុករវៀង។

ក្នុងឱកាសដ៏រំភើបរីករាយក្រៃលែងនេះ ដែលធ្វើឡើងនៅថ្ងៃទី៥ ខែធ្នូ ឆ្នាំ២០១៧ ក៏មានការអញ្ជើញចូលរួមពីថ្នាក់ដឹកនាំ មន្ត្រីរាជការ នៃមន្ទីរសាធារណការ និងដឹកជញ្ជូន ខេត្តព្រះវិហារ លោកអភិបាលស្រុករវៀង លោកជំទប់ឃុំរមទម លោកមេភូមិស្វាយដំណាក់ និងមន្ត្រី ជាច្រើននាក់ផ្សេងទៀតបានអញ្ជើញចូលរួមផងដែរ។

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានសំដែងនូវកិច្ចស្វាគមន៍យ៉ាងកក់ក្ដៅ និងថ្លែងអំណរគុណដ៏ជ្រាលជ្រៅបំផុតចំពោះប្រទេជប៉ុន ដែលតែងតែផ្ដល់ជំនួយដល់ប្រទេសកម្ពុជា ជាពិសេសជំនួយគូសាណូណិ។

លោកប្រធានមន្ទីរបានថ្លែងទៀតថា ជំនួសមុខឲ្យក្រុមប្រឹក្សា និងអាជ្ញាធរខេត្តព្រះវិហារ លោកសូមថ្លែងអំណរគុណយ៉ាងជ្រាលជ្រៅជាទីបំផុតចំពោះ លោក ហូរីណូអ៊ុជិ ហ៊ីដេហ៊ីសា ឯកអគ្គរដ្ឋទូតជប៉ុនប្រចាំនៅកម្ពុជា តាមរយ:ការផ្តល់ជំនួយឥតសំណងយ៉ាងច្រើន សំរាប់ការស្ដារ និងអភិវឌ្ឍន៍ហេដ្ឋារចនាសម្ព័ន្ធរូបវន្ត ដល់ព្រះរាជាណាចក្រកម្ពុជា។ បន្ថែមពីលើនេះ ប្រទេសជប៉ុន បានគាំទ្រចំពោះការអភិវឌ្ឍន៍មូលដ្ឋាន ភូមិ-ឃុំ ក្រោមជំនួយគូសាណូណិជាដើម គឺសំដៅដល់ការកាត់បន្ថយភាពក្រីក្ររបស់ប្រជាពលរដ្ឋកម្ពុជា នៅតំបន់ដាច់ស្រយាលយ៉ាងមានប្រសិទ្ធភាព ស្របតាមគោលនយោបាយដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

លោក សំ លាងទ្រី មានសង្ឃឹម និងជឿជាក់ថា «រដ្ឋាភិបាលជប៉ុន នឹងបន្តបង្កើនការជួយដល់ប្រទេសកម្ពុជា ក្នុងការអភិវឌ្ឍន៍មូលដ្ឋានបែបនេះ នៅពេលខាងមុខជាបន្តបន្ទាប់ទៅទៀត។ ទន្ទឹមនឹងការទទួលបាននូវគម្រោងនេះ និងបន្ទាប់ពីការសាងសង់រួច វាពិតជាជួយសម្រួលដល់ជីវភាពប្រជាជន ដោយចំណាយពេលវេលាតិច ក្នុងការធ្វើដំណើរទៅកាន់សាលារៀន វត្តអារាម និងមន្ទីរពេទ្យជាដើម ជាពិសេសនោះ វាបានជួយកាត់បន្ថយភាពក្រីក្ររបស់ប្រជាជនកម្ពុជា ដែលជាយន្តការណ៍ចាំបាច់របស់រាជរដ្ឋាភិបាលកម្ពុជាទៀតផង»៕

កម្ពុជាត្រៀមខ្លួនជាស្រេច ក្នុងការពន្លឿនការអភិវឌ្ឍវិស័យ ICT និងចូលរួមជាមួយប្រទេស​ក្នុង​តំបន់ និងសហគមន៍អន្ដរជាតិ

FN ៖ លោក សុខ ពុទ្ធិវុធ អនុរដ្ឋលេខាធិការ ក្រសួងប្រៃសណីយ៍ និងទូរគមនាគមន៍ នៅថ្ងៃទី០៦ ខែធ្នូ ឆ្នាំ២០១៧ បានលើកឡើងថា កម្ពុជាបានត្រៀមខ្លួនជាស្រេចក្នុងការពន្លឿន និងការអភិវឌ្ឍន៍វិស័យ បច្ចេកវិទ្យាគមនាគមន៍ និងព័ត៌មាន (ICT) និង ចូលរួមជាមួយប្រទេសក្នុងតំបន់ និងសហគមន៍អន្ដរជាតិ។

ការលើកឡើងបែបនេះ របស់លោកធ្វើឡើងនាឱកាសដែលលោក អញ្ជើញចូលរួមក្នុងកម្មវិធីវេទិកាថ្នាក់តំបន់ស្តីពី «វិទ្យុគមនាគមន៍ សម្រាប់ប្រទេសក្នុងតំបន់អាស៊ី និងប៉ាស៊ីហ្វិក ២០១៧ – ដំណើរឆ្ពោះទៅកាន់ជំនាន់ទី៥ (5G) ក្នុងតំបន់» ដោយមានការចូលរួម​ពីមន្រ្ដីក្រសួងប្រៃសណីយ៍ និងទូរគមនាគមន៍ ព្រមទាំងមន្ដ្រីសហភាពទូរគមនាគមន៍អន្តរជាតិ (ITU)ជាច្រើនរូបផងដែរ។

លោក សុខ ពុទ្ធិវុធ បានលើកឡើងពីសារៈសំខាន់នៃការសហការគ្នា រវាងក្រសួងស្ថាប័នពាក់ព័ន្ធនៅក្នុងប្រទេស និងរវាងបណ្តាប្រទេសនានា នៅក្នុងតំបន់ដើម្បីធ្វើការជាមួយគ្នាឆ្ពោះទៅយុគសម័យឌីជីថល។ លោកថា ប្រទេសនីមួយៗស្ថិតនៅក្នុងដំណាក់កាលអភិវឌ្ឍន៍
រៀងៗខ្លួន ក្នុងនោះដែរប្រទេសកម្ពុជាត្រៀមខ្លួនជាស្រេច ក្នុងការចូលរួមពន្លឿនការអភិវឌ្ឍវិស័យ ICT និងការធ្វើការជាមួយគ្នាជាមួយប្រទេសក្នុងតំបន់ និងសហគមន៍អន្តរជាតិ ដូចITU ហើយយើងសង្ឃឹមថា នឹងមានការសហការគ្នានៅក្នុងតំបន់ដើម្បីអភិវឌ្ឍន៍វិសាល​គមន៍ជាតិ។

លោកបានបន្ដទៀតថា សម្រាប់វេទិកាថ្នាក់តំបន់ស្តីពី «វិទ្យុគមនាគមន៍ សម្រាប់ប្រទេសក្នុងតំបន់អាស៊ី និងប៉ាស៊ីហ្វិក ២០១៧ – ដំណើរឆ្ពោះទៅកាន់ជំនាន់ទី៥ (5G) ក្នុងតំបន់» ក្នុងថ្ងៃនេះជាការបណ្ដុះបណ្ដាលមួយ ក្នុងការទាញការចូលរួមពីប្រទេស​ប្រមាណ២០​ឲ្យចូលរួម ដើម្បីពន្យល់ពីស្ថាប័ន ITU នេះដើម្បីឲ្យដឹងថាមានអ្វីខ្លះក្នុងរចនាសម្ព័ន្ធនេះ ក្នុងការជួយទៅដល់ប្រទេសនីមួយៗដែលជាសមាជិក ITU។

លោកបានបញ្ជាក់ទៀតថា «ក្នុងនោះដែរយើងបានពិភាក្សាពីប្រព័ន្ធ 5G ដែលជាប្រព័ន្ធបច្ចេកទេសថ្មីមួយដែលត្រូវការការប្រើប្រាស់ ប្រេកង់ ក្នុងការជជែកគ្នាក្នុងកិច្ចប្រជុំថ្ងៃនេះយើងក៏បានលើកយកប្រព័ន្ធ 5G នេះយកមកជជែកពិភាក្សាថា តើ​ប្រទេសខ្មែរឈានទៅមុខ​យើងនឹងរៀបចំប្រព័ន្ធ 5G នេះ​ដោយរបៀបម៉េច? ព្រោះថានេះជាបច្ចេកទេសថ្មី១ដែលពិភពលោកកំពុងរៀបចំ»។

សូមបញ្ជាក់ថា វេទិកាថ្នាក់តំបន់នេះ មានសារៈសំខាន់ក្នុងការស្វែងយល់ពីការប្រឈមនានានិងការកាលានុវត្តភាពនៃដំណើរឆ្ពោះទៅបច្ចកវិទ្យា5G ការត្រៀមខ្លួនរបស់ប្រទេសនីមួយៗនៅក្នុងតំបន់ និងការប្រើប្រាស់នៃបច្ចេកទេសនេះប្រកបដោយ​ប្រសិទ្ធភាព...Read More

រោងចក្រធំៗចំនួន៣ថ្មីទៀត ត្រូវបានអនុញ្ញាតឲ្យបង្កើតនៅកម្ពុជា ជាមួយទុនវិនិយោគជាង ៥០លានដុល្លារអាមេរិក បង្កើតការងារជិត២០០០កន្លែង

FN​​ ៖ រោងចក្រធំៗចំនួន៣ថ្មីទៀត រួមមានរោងចក្រផលិតចំណីសត្វ, រោងចក្រគ្រឿងបង្គុំរថយន្ត និងរោងចក្រផលិតគ្រឿងបន្លាស់បរិក្ខាពេទ្យ គ្រឿងបង្គុំពុម្ពលោហៈ គ្រឿងបង្គុំប្លាស្ទីកកង្ហារម៉ូទ័រ និងបាដាង ឧបករណ៍សិនស័ររំញ័រ ត្រូវបានអនុញ្ញាតឲ្យបង្កើតនៅតំបន់សេដ្ឋកិច្ចពិសេសភ្នំពេញ ជាមួយទុនវិនិយោគសរុបជាង៥០លានដុល្លារអាមេរិក។ នេះបើតាមការជូនដំណឹងរបស់ ក្រុមប្រឹក្សាអភិវឌ្ឍន៍កម្ពុជា ដែលអង្គភាពព័ត៌មាន Fresh News ទទួលបាននៅថ្ងៃទី៥ ខែធ្នូ ឆ្នាំ២០១៧នេះ។

រោងចក្រទាំង៣ ដែលបានអនុញ្ញាតឲ្យវិនិយោគនៅកម្ពុជា និងត្រូវបានចុះបញ្ជីជាស្ថាពរក្នុងខែធ្នូនេះ រួមមាន៖

១៖ ក្រុមហ៊ុន ANT FEED CO.,LTD: គម្រោងបង្កើតរោងចក្រផលិតចំណីសត្វ, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសភ្នំពេញ, មានទុនវិនិយោគចំនួន ៧.៥លានដុល្លារអាមេរិក និងអាចបង្កើតការងារបានចំនួន ១៤៦កន្លែង។

២៖ ក្រុមហ៊ុន DENSO (CAMBODIA) CO.,LTD: គម្រោងបង្កើតរោងចក្រគ្រឿងបង្គុំរថយន្ត, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសភ្នំពេញ, មានទុនវិនិយោគចំនួន ២១.៤៥លានដុល្លារអាមេរិក និងអាចបង្កើតការងារបានចំនួន ៣៨២កន្លែង។

៣៖ ក្រុមហ៊ុន MINEBEA (CAMBODIA) CO.,LTD: គម្រោងបង្កើតរោងចក្រផលិតគ្រឿងបន្លាស់បរិក្ខាពេទ្យ គ្រឿងបង្គុំពុម្ពលោហៈ គ្រឿងបង្គុំប្លាស្ទីកកង្ហារម៉ូទ័រ និងបាដាង ឧបករណ៍សិនស័ររំញ័រ, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសភ្នំពេញ, មានទុនវិនិយោគចំនួន ២៤.៦៣លានដុល្លារអាមេរិក និងអាចបង្កើតការងារបានចំនួន ១,៣១៥កន្លែង៕

លោក ហ៊ុន ម៉ានី៖ ក្រោយនាំគ្រឿងអលង្ការមាសមកកម្ពុជាវិញ រាជរដ្ឋាភិបាលនឹងប្រឹងប្រែងស្វែងរក និងនាំត្រឡប់មកវិញនូវកេរដំណែលបុព្វបុរសបន្តទៀត

FN ៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) បានបង្ហាញពីស្មារតីប្ដេជ្ញាថា បន្ទាប់ដង្ហែនាំយកគ្រឿងអលង្ការមាសសម្រាប់លម្អរូបចម្លាក់ ដែលជារតនវត្ថុខ្មែរនាសម័យអង្គរ ពីចក្រភពអង់គ្លេសមកដល់កម្ពុជានេះតទៅ រាជរដ្ឋាភិបាលកម្ពុជា នឹងខិតខំប្រឹងប្រែងតាមស្រែងរក និងនាំត្រឡប់មកវិញនូវកេរមរតកបុព្វបុរសខ្មែរ មកមាតុប្រទេសវិញជាបន្តបន្ទាប់ឲ្យទាល់តែបាន។

ការប្ដេជ្ញាយ៉ាងក្លៀវក្លានេះ ត្រូវបានបញ្ជាក់ឡើងក្នុងឱកាសផ្ដល់បទសម្ភាសន៍នៅព្រលានយន្តហោះអន្តរជាតិភ្នំពេញ បន្ទាប់ពីលោកប្រធាន ស.ស.យ..ក រួមជាមួយគណៈប្រតិភូ មកពីក្រសួងវប្បធម៌ និងវិចិត្រសិល្បៈ បាននាំគ្រឿងអលង្ការមាសខ្មែរបុរាណខាងលើ មកដល់ដល់ប្រទេសដើមវិញភ្លាមៗ នាព្រឹកថ្ងៃទី០២ ខែធ្នូ ឆ្នាំ២០១៧។

ចៅចំពោះមុខក្រុមអ្នកសារព័ត៌មាន លោក ហ៊ុន ម៉ានី បានរៀបរាប់ថា «ក្រោយទទួលដំណឹងពីស្ថានទូតកម្ពុជាប្រចាំនៅទីក្រុងឡុងដ៍អំពីព័ត៌មានថា គ្រឿងអលង្ការមាសសម្រាប់លម្អរូបចម្លាក់ខ្មែរសម័យអង្គរ ត្រូវបានគេដាក់ដេញថ្លៃលក់នៅទីក្រុងឡុងដ៍រួចមក រាជរដ្ឋាភិបាលកម្ពុជា ដែលមានក្រសួងការបរទេស និងសហប្រតិបត្តិការអន្តរជាតិ ក្រសួងវប្បធម៌ និងវិចិត្រសិល្បៈ និងស្ថានទូតកម្ពុជាប្រចាំចក្រភពអង់គ្លេស បានស្វះស្វែងទំនាក់ទំនងធ្វើយ៉ាងណា ដើម្បីប្រមូលយកគ្រឿងអលង្ការទាំងនោះមកវិញ តាំងពីពេលនោះមក រាជរដ្ឋាភិបាលបានខំប្រឹងធ្វើការងារ ខំប្រឹងទំនាក់ទំនងដើម្បីដង្ហែនាំរតនវត្ថុមិនអាចកាត់ថ្លៃបានទាំងនោះមកមាតុប្រទេសកម្ពុជាវិញ រហូតបានដង្ហែនាំមកដល់កម្ពុជា នាថ្ងៃនេះ ប្រកបដោយជោគជ័យ និងមានសុវត្ថិភាពពីការចេញដំណើរនៅទីក្រុងឡុងដ៍មក»។

លោកក៏មិនភ្លេចថ្លែងអំណរព្រះគុណ និងអំណរគុណចំពោះព្រះមហាក្សត្រខ្មែរ ព្រះបាទសម្ដេច ព្រះបរមនាថ នរោត្តម សីហមុនី សម្ដេចតេជោ ហ៊ុន សែន នាយករដ្ឋមន្ត្រី និងលោកស្រី ភឿង សកុណា រដ្ឋមន្ត្រីក្រសួងវប្បធម៌ផងដែរ ដែលបានព្រះរាជអនុញ្ញាត និងអនុញ្ញាតឲ្យលោក និងគណៈប្រតិភូបានខិតខំដង្ហែនាំកេរមរតកដូនតាខ្មែរមកវិញ។

មិនតែប៉ុណ្ណោះ លោក ហ៊ុន ម៉ានី បានបង្ហាញពីឆន្ទៈយ៉ាងមុតមាំថា រាជរដ្ឋាភិបាលកម្ពុជា នឹងខិតខំប្រឹងប្រែងតាមស្រែងរក និងនាំត្រឡប់មកវិញនូវរតនសម្បត្តិ កេរមរតកបុព្វបុរសខ្មែរ មកមាតុប្រទេសវិញជាបន្តបន្ទាប់ឲ្យទាល់តែបាន បន្ទាប់អមដង្ហែនាំយកគ្រឿងអលង្ការមាសពីចក្រភពអង់គ្លេសមកដល់កម្ពុជានេះតទៅ។

សូមជម្រាបថា គ្រឿង​អលង្ការ​មាស​​សម្រាប់​លម្អ​លើ​រូប​ចម្លាក់ខ្មែរ ​នា​សម័យ​អង្គរ ដែលទាមទារបានដោយជោគជ័យយកមកវិញនេះ​ ​មានចំនួន​១០គ្រឿង ហើយត្រូវបានក្រុមអ្នកជំនាញបុរាណវត្ថុជាតិ​ និងអន្តរជាតិចាត់ទុកថា ជា​សម្បត្តិ​បេតិកភណ្ឌ​មនុស្សជាតិដ៏​វិសេសវិសាល​ និងពុំ​អាច​កាត់​ថ្លៃ​បាន។​...Read More

ក្រុមប្រឹក្សាសហជីពជាតិកម្ពុជា​ តំណាងកម្មករជាង៧០ម៉ឺននាក់ ​ចេញសេចក្តីថ្លែងការណ៍ ប្រាប់​អង្គការជាតិ និងអន្តរជាតិ ជាពិសេសសហគមអ៊ឺរ៉ុប អំពីស្ថានភាពនយោបាយនៅកម្ពុជា

FN ៖ ​លោក តុល ផាន់មឿង ប្រធានក្រុមប្រឹក្សាក្រុមប្រឹក្សាភិបាល នៃក្រុមប្រឹក្សាសហជីពជាតិកម្ពុជា CCNU តំណាងឲ្យកម្មករនិយោជិតជាង៧០ម៉ឺននាក់ នៅក្នុងវិស័យវាយនភ័ណ្ឌកាត់ដេរ ផលិតស្បែកជើងនៅទូទាំងប្រទេសកម្ពុជា ចេញសេចក្តីថ្លែងការណ៍ជំរាបជូនដល់អង្គការជាតិ និងអន្តរជាតិ ជាពិសេសសហគមអ៊ឺរ៉ុប និងអាមេរិក ដែលជាអ្នកបញ្ជាទិញផលិតផលវាយនភ័ណ្ឌនានាពីកម្ពុជា អំពីស្ថានភាពនយោបាយនៅកម្ពុជានាពេលបច្ចុប្បន្ននេះ។

តាមរយៈសេចក្ដីដែលអង្គភាព Fresh News ទទួលបាននៅល្ងាចថ្ងៃទី៣០ ខែវិច្ឆិកា ឆ្នាំ២០១៧នេះ ក្រុមប្រឹក្សាសហជីពជាតិកម្ពុជា បញ្ជាក់ថា ស្ថានភាពនយោបាយនៅកម្ពុជា ពុំមែនជារឿងនយោបាយទេ វាគឺជាការអនុវត្តច្បាប់របស់ស្ថាប័នតុលាការសុទ្ធសាតទៅលើបុគ្គល ឬគណបក្សនយោបាយណា ដែលបានប្រព្រឹត្តល្មើសច្បាប់ ហើយវាជារឿងដាច់ដោយឡែកមួយ ពីបញ្ហាសេដ្ឋកិច្ច និងលក្ខខណ្ឌការងារនៅក្នុងវិស័យកាត់ដេរសម្លៀកបំពាក់ ស្បែកជើង និងកាបូប។​

​សមាជិកក្រុមប្រឹក្សាសហជីពជាតិកម្ពុជា (CCNU) សង្ឃឹមថាអង្គការជាតិ និងអន្តរជាតិ ជាពិសេសសហគមអ៊ឺរ៉ុប និងអាមេរិក អ្នកបញ្ជាទិញនានា មិនបង្អាក់ទឹកចិត្ត​ ដោយយកកត្តានយោបាយ មកភ្ជាប់នឹងសិទ្ធិសេរីភាព និងផលប្រយោជន៍របស់កម្មករ និយោជិតឡើយ ហើយកុំយកផលប្រយោជន៍កម្មករនិយោជិត ធ្វើជាចំណាប់ខ្មាំង នៃកត្តានយោបាយមួយជ្រុងណានោះឡើយ ។

ក្រុមប្រឹក្សាសហជីពជាតិកម្ពុជា CCNU ជួសមុខឲ្យកម្មករនិយោជិត សូមអំពាវនាវដល់ដៃគូទាំងអស់ សូមបន្តអនុគ្រោះពន្ធ និងបន្ថែមការបញ្ជាទិញនូវផលិតផល វាយនភ័ណ្ឌកាត់ដេរ ស្បែកជើង កាបូបពីកម្ពុជា តាមការសន្យាកន្លងមកដើម្បីបន្តបេសសកម្មលើកស្ទួយ និងការពារសិទ្ធ ផលប្រយោជន៍កម្មករ និងផលប្រយោជន៍នៃការផ្តល់សិទ្ធិសេរីភាព សហជីព ដល់កម្មករនិយោជិតដូចកម្ពុជា​៕

រមណីយដ្ឋានទេសចរណ៍ ២២កន្លែងនៅកម្ពុជា ក្លាយជារមណីយដ្ឋានគំរូប្រចាំឆ្នាំ២០១៧-២០១៨

FN ៖ ក្រោយរាជរដ្ឋាភិបាលបានដាក់ចេញចលនាប្រលងប្រណាំងរមណីយដ្ឋានទេសចរណ៍គំរូលើកទី១រួចមក រមណីយដ្ឋានទេសចរណ៍ចំនួន៣៣ មកពី ១៧រាជធានី-ខេត្ត បានស្ម័គ្រចិត្តចូលរួមជាមួយចលនានេះ ក្នុងនោះមានរមណីយដ្ឋានទេសចរណ៍ចំនួន២២ បានទទួលជ័យលាភីទេសចរណ៍គំរូសម្រាប់ឆ្នាំ២០១៧-២០១៨។

បន្ទាប់ពីរកឃើញជ័យលាភីទាំងនោះហើយ ក្រសួងទេសចរណ៍ នាថ្ងៃទី៣០ ខែវិច្ឆិកា ឆ្នាំ២០១៧នេ បានរៀបចំសិក្ខាសាលាបូកសរុបចលនាប្រលងប្រណាំងរមណីយដ្ឋានទេសចរណ៍គំរូ លើកទី១
នៅសណ្ឋាគារភ្នំពេញ ក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍។

លោករដ្ឋមន្ត្រីបានលើកឡើងថា ក្រសួងទេសចរណ៍បានកំណត់យក «ឆ្នាំ២០១៧ ជាឆ្នាំប្រលងប្រណាំងរមណីយដ្ឋានទេសចរណ៍គំរូនៅទូទាំងប្រទេស» និងជាការជួបជុំដ៏សមស្របមួយដែលផ្នែករដ្ឋ វិស័យឯកជន សហគមន៍ និងដៃគូអភិវឌ្ឍន៍រួមគ្នាពិភាក្សាផ្លាស់ប្តូរយោបល់ និងដាក់ចេញនូវវិធានការ និងទិសដៅថ្មីៗសម្រាប់បន្តអនុវត្តចលនាប្រលងប្រណាំង «រមណីយដ្ឋានស្អាត» នៅបណ្តាឆ្នាំក្រោយៗទៀត សំដៅចូលរួមធ្វើឱ្យកម្ពុជាស្អាត កម្ពុជាបៃតង ប្រកបដោយភាពទាក់ទាញ និងផ្តល់ភាពកក់ក្តៅដល់ភ្ញៀវទេសចរ។

លោកបន្តថា កន្លងមក ក្រសួងទេសចរណ៍បានយកចិត្តទុកដាក់ជំរុញនូវយុទ្ធនាការ «កម្ពុជា៖ ព្រះរាជាណាចក្រអច្ឆរិយៈ» និងចលនាប្រឡងប្រណាំងទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អនេះ ដោយបានរៀបចំឲ្យមានរួចហើយនូវការជូនជ័យលាភីទីក្រុងស្អាត និងជ័យលាភីសេវាល្អ បដិសណ្ឋារកិច្ចល្អ ក្រោមឆ័ត្រនៃ «រង្វាន់សម្តេចតេជោនាយករដ្ឋមន្ត្រី សម្រាប់ធុរកិច្ចបៃតងក្នុងវិស័យទេសចរណ៍» ហើយថ្ងៃនេះក្រសួងទេសចរណ៍ប្រកាសលទ្ធផលរមណីយដ្ឋានស្អាត ក្រោមការប្រលងប្រណាំងរមណីយដ្ឋានទេសចរណ៍គំរូ លើកទី១។

សម្រាប់ការប្រលងប្រណាំងរមណីយដ្ឋានទេសចរណ៍គំរូលើកទី១នេះ មានរមណីយដ្ឋានទេសចរណ៍ចូលរួមចំនួន៣៣ មកពីរាជធានី-ខេត្ត ចំនួន១៧ ហើយជាលទ្ធផលរមណីយដ្ឋានទេសចរណ៍ចំនួន២២ បានជាប់ជ័យលាភីទេសចរណ៍គំរូ សម្រាប់ឆ្នាំ២០១៧-២០១៨នេះ ហើយម្ចាស់ជ័យលាភីទាំងនោះក៏ត្រូវបានលោករដ្ឋមន្ត្រី ថោង ខុន អញ្ជើញប្រគល់ពានរង្វាន់ជូនផងដែរ។

ដើម្បីវាយតម្លៃក្នុងចលនាប្រលងប្រណាំងរមណីយដ្ឋានទេសចរគំរូ បេក្ខភាពរមណីយដ្ឋានទេសចរណ៍ទាំងអស់ ត្រូវគោរពតាមសូចនាករគោលចំនួន៣ រួមមាន​៖
១៖ ការគ្រប់គ្រងរមណីយដ្ឋានទេសចរណ៍៖ ត្រូវរៀបចំក្រុមការងារទទួលបន្ទុកគ្រប់គ្រងរមណីយដ្ឋានទេសចរណ៍ និងត្រូវមានផែនការអភិវឌ្ឍន៍ សម្រាប់រមណីយដ្ឋានទេសចរណ៍។

២៖ ការគិតគូរពីបរិស្ថាន៖ ត្រូវគោរពតាមបទដ្ឋានគតិយុត្ត និងបទប្បញ្ញត្តិស្ដីពីបរិស្ថាន ត្រូវមានភាពស្អាតនៅទីសាធារណៈ និងទីកន្លែងទទួលសាធារណជន និងការគ្រប់គ្រងសំណល់ ព្រមទាំងត្រូវមានបង្គន់សាធារណៈ ស្របតាមស្ដង់ដារបង្គន់សាធារណៈកម្ពុជា។

៣៖ ព័ត៌មាន សុវត្ថិភាព និងការពេញចិត្តរបស់ភ្ញៀវទេសចរ៖ បង្ហាញព័ត៌មានជាក់ស្ដែង...Read More

អភិបាលរាជធានីភ្នំពេញ ដឹកនាំមន្រ្តីជំនាញប្រជុំពិភាក្សា បញ្ជាកកស្ទះចរាចរណ៍រាល់ថ្ងៃ នៅចំណុចក្បាលថ្នល់ ក្នុងខណ្ឌចំការមន, រដ្ឋបាលគ្រោងនឹងកសាងស្ពានអាកាស ឬផ្លូវក្រោមដី នៅតំបន់នោះ

FN ៖ ដោយសារកំណើនប្រជាជន និងកំណើននៃមធ្យោបាយធ្វើដំណើរ មានការកើនឡើងឥតឈប់ឈរ ធ្វើឲ្យនៅរាជធានីភ្នំពេញ មានការកកស្ទះចរាចរណ៍ ដូចជា នៅតំបន់ក្បាលថ្នល់ មានការកកស្ទះជាប្រចាំ ជាពិសេសនៅចំណុចប្រសព្វរវាងផ្លូវព្រះមុន្នីវង្ស ផ្លូវ២៧១ និងផ្លូវ៦០ម៉ែត្រនោះ នៅព្រឹកថ្ងៃទី១ ខែធ្នូ ឆ្នាំ២០១៧នេះ លោក ឃួង ស្រេង អភិបាលរាជធានីភ្នំពេញ បានដឹកនាំកិច្ចប្រជុំមួយ ដោយមានមន្រ្តីជំនាញពាក់ព័ន្ធចូលរួម ដើម្បីពិភាក្សា និងពិនិត្យលទ្ធភាព កែសម្រួលប្រព័ន្ធចរាចរណ៍នៅចំណុចខាងលើនេះ។

លោក ម៉េត មាសភក្តី អ្នកនាំពាក្សសាលារាជធានីភ្នំពេញ បានប្រាប់ក្រុមអ្នកសារព័ត៌មាន នៅក្រោយកិច្ចប្រជុំនេះថា «រដ្ឋបាលរាជធានីភ្នំពេញ បាននិងកំពុងគិតគូរពីលទ្ធភាព ក្នុងការកសាង ឬ សម្រួលចរាចរណ៍ ដែលគ្រោងនឹងកសាងស្ពានអាកាស ឬផ្លូវក្រោមដី នៅតំបន់នោះ។ យ៉ាងណាមុននឹងឈានទៅការកសាង ហេដ្ឋារចនាសម្ព័ន្ធទាំងអស់នោះ ត្រូវការពិនិត្យ និងពិភាក្សាគ្នា ឱ្យបានគ្រប់ជ្រុងជ្រោយ ជាមួយភាគីពាក់ព័ន្ធ ដើម្បីធ្វើឱ្យតំបន់នោះ មិនឱ្យមានការកកស្ទះបន្តទៀត»។

លោក ម៉េត មាសភក្តី បញ្ជាក់ទៀតថា ក្នុងកិច្ចប្រជុំនោះដែរ មន្រ្តីជំនាញក៏បានលើកឡើងពីជម្រើសមួយចំនួន ទៅតាមទិសប្រសព្វពីផ្លូវណាមួយ ដើម្បីអង្គប្រជុំធ្វើការពិភាក្សាគ្នា ឱ្យបានហ្មត់ចត់ ដើម្បីឱ្យការងារនោះរឹតតែច្បាស់លាស់ ពិសេសគិតពីផលប៉ះពាល់ព្រោះថា នៅទីតាំងនោះ បើកសាងស្ពានអាកាស ឬផ្លូវក្រោមដី វាអាចនឹងមានផលប៉ះពាល់ ជាមួយបណ្តាញអគ្គិសនី ក៏ដូចជា បណ្តាញទឹកក្រោមដីផងដែរ។ ដូច្នេះទាមទារឱ្យមានការគិតគូរ ឱ្យបានគ្រប់ជ្រុងជ្រោយ មុននឹងសម្រេចកសាង។

ជាមួយគ្នានោះ លោកអភិបាលរាជធានីភ្នំពេញ ក៏បានចាត់ឱ្យអភិបាលរងមួយចំនួន រួមជាមួយមន្ទីរជំនាញ ពិនិត្យ ពិភាក្សាលើការងារបច្ចេកទេសបន្ថែមទៀត ដោយចុះពិនិត្យទីតាំងផ្ទាល់ ដើម្បីឱ្យដឹងច្បាស់ពីលំហូរចរាចរណ៍ នៅតំបន់នោះ ដែលកំពុងមានការកកស្ទះ ហើយក៏គិតគូរផងដែរ អំពីលទ្ធភាព ធ្វើការរំដោះចរាចរណ៍បណ្តោះអាសន្ន មុនពេលគម្រោងនេះ ចាប់ផ្តើមដំណើរការការដ្ឋាន។

គួរបញ្ជាក់ថា ជាគម្រោងរបស់រាជធានីភ្នំពេញ នៅរាជធានីភ្នំពេញ...Read More

CPP​ ដាក់បេក្ខជនតំណាងរាស្រ្ត៤រូបថ្មីទៀត ជំនួសតំណែងសមាជិកសភារបស់ខ្លួន៤រូប ដែលលាលែងពីតំណែង

FN ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសទទួលស្គាល់ បេក្ខជនតំណាងរាស្រ្ត៤រូបថ្មីទៀត មកពីគណបក្សប្រជាជនកម្ពុជា ដែលត្រូវជំនួសតំណែង សមាជិកសភា៤រូបរបស់គណបក្សប្រជាជន ដែលបានដាក់ពាក្យលាលែងពីតំណែងនាថ្មីៗនេះ។ នេះបើតាមលិខិតរបស់គ.ជ.ប ដែលបណ្តាញព័ត៌មាន Fresh News ទទួលបាន នៅថ្ងៃទី២៩ ខែវិច្ឆិកា ឆ្នាំ២០១៧នេះ។

បេក្ខជនតំណាងរាស្រ្តថ្មីទាំង៤រូប រួមមាន៖
១៖ លោក សុខ ប៊ន នៅឈរឈ្មោះនៅមណ្ឌលខេត្តកំពង់ស្ពឺ
២៖ លោក អ៊ុក ដាមរី ឈរឈ្មោះនៅមណ្ឌលខេត្តកណ្តាល
៣៖ លោក ជុំ យុហៀន ឈរឈ្មោះនៅមណ្ឌលខេត្តកោះកុង
៤៖ លោក ពៅ សាមី ឈរឈ្មោះនៅមណ្ឌលខេត្តព្រៃវែង

បេក្ខជនតំណាងរាស្រ្តថ្មី៤រូបនេះ គឺជាអ្នកដែលត្រូវជំនួសសមាជិករដ្ឋសភាមកពី CPP​​ ៤រូប ដែលលាលែង ហើយត្រូវបាន គ.ជ.ប បញ្ចូនភ្ជាប់ជាមួយ​ បញ្ជីឈ្មោះបេក្ខជន១១រូប ផ្សេងទៀតរបស់គណបក្សប្រជាជនកម្ពុជា ដែលរៀបចំដោយ គ.ជ.ប ដើម្បីកាន់អាសនៈចំនួន១១ ដែលសេសសល់ ក្រោយគណបក្សចំនួន២ មិនទទួលយកក្រោយរំលាយគណបក្សសង្រ្គោះជាតិ។

នាថ្មីៗនេះសមាជិករដ្ឋសភារបស់គណបក្សប្រជាជនកម្ពុជា ចំនួន៤រូប បានលាលែងពីតំណែងក្នុងនោះមាន ១៖ លោក សុខ ឥសាន តំណាងរាស្រ្ត មណ្ឌលខេត្តព្រៃវែង, ២៖ លោក ហែម ខន អ្នកតំណាងរាស្ត្រមណ្ឌលកំពង់ស្ពឺ, ៣៖ លោក អាយ ខន តំណាងរាស្ត្រ​មណ្ឌល​កោះកុង, ៤៖ លោក ម៉ម ជុនហ៊ុយ ​មណ្ឌលខេត្តកណ្តាល។

បើតាម លោក ឡេង ប៉េងឡុង អ្នកនាំពាក្យរដ្ឋសភា បានឱ្យដឹងថា ការលាលែងរបស់សមាជិករដ្ឋសភាទាំង៤រូបនេះ...Read More