FN ៖ មន្រ្តីជាន់ខ្ពស់ផុតលេខរបស់កម្ពុជា សម្តេចតេជោ ហ៊ុន សែន បានប្រកាសនិងព្រមានខ្លាំងៗបំផុតដល់ការបាតុកម្មរបស់គណបក្សសង្គ្រោះជាតិ ដែលគ្រោងនឹងធ្វើនៅពេលខាងមុខនេះ, ដោយសម្តេចតេជោបានព្រមានធ្ងន់ៗថា «ទោះតម្លៃណាក៏ដោយ ពេលវេលាណាក៏ដោយ ទំហំណាក៏ដោយ ទ្រង់ទ្រាយណាក៏ដោយ រាជរដ្ឋាភិបាលមិនអនុញ្ញាតជាដាច់ខាត ព្រោះនេះជាការគំរាមកំហែងយ៉ាងធ្ងន់ធ្ងរបំផុតដល់ប្រជាជន និងប្រទេសជាតិ»។
ប្រមុខរាជរដ្ឋាភិបាល សម្តេចតេជោ ហ៊ុន សែន បានប្រកាសតាមរយៈ Fresh News ថា ទោះជាប្តូរក្នុងតម្លៃណាក៏ដោយ សម្តេចនឹងមិនអនុញ្ញាតឲ្យគណបក្សសង្គ្រោះជាតិ ធ្វើមហាបាតុកម្មនោះទេ។ សម្តេចបានបញ្ជាឲ្យសម្តេចក្រឡាហោម ស ខេង និងកម្លាំងប្រដាប់អាវុធទាំងអស់ត្រៀមបង្ក្រាប មហាបាតុកម្មខុសច្បាប់ របស់គណបក្សសង្គ្រោះជាតិ។ សម្តេចតេជោ ហ៊ុន សែន បានមានប្រសាសន៍ដោយចាត់ទុកថា គម្រោងធ្វើបាតុកម្មរបស់គណបក្សសង្គ្រោះជាតិ កំពុងគំរាមកំហែងយ៉ាងធ្ងន់ធ្ងរដល់រាជរដ្ឋាភិបាលកម្ពុជា និងបង្កអសន្តិសុខដល់ប្រទេសជាតិ ហើយរាជរដ្ឋាភិបាលនឹងកំចាត់ចោល កម្លាំងណាក៏ដោយដែលល្មើសច្បាប់។
មន្រ្តីជាន់ខ្ពស់ផុតលេខសម្តេចតេជោ ហ៊ុន សែន បានមានប្រសាសន៍ប្រាប់អង្គភាព Fresh News យ៉ាងដូច្នេះថា៖ «២ថ្ងៃហើយ គណបក្សសង្គ្រោះជាតិ បានគំរាមកំហែងដល់រាជរដ្ឋាភិបាល និងស្ថេរភាពរបស់ប្រទេស, ដល់ពេលវេលាដែលត្រូវនិយាយត្រឡប់ទៅវិញថា យើងមិនអនុញ្ញាតទេ, សូម្បីតែតម្លៃណាក៏ដោយ ពេលវេលាណាក៏ដោយ ទ្រង់ទ្រាយណាក៏ដោយ គឺមិនអនុញ្ញាតដាច់ខាត គ្មានដំណោះស្រាយណាដែលអាចរកឃើញ ក្រៅពីតុលាការនោះទេ, ប្រព័ន្ធតុលាការ នឹងកាត់ទោសអ្នកដែលធ្វើខុស, ហើយសូមកុំភាន់ច្រឡំថា រាជរដ្ឋាភិបាលមិនមានសិទ្ធិប្រើប្រាស់នូវសមត្ថកិច្ចដើម្បីការពារសន្តិភាពសម្រាប់ប្រទេសជាតិ និងសេចក្តីសុខរបស់ប្រជាជន»។
សម្តេចនាយករដ្ឋមន្រ្តី បានព្រមានខ្លាំងៗថា «រាជរដ្ឋាភិបាលសូមធ្វើការព្រមានទៅអ្នកដែលមានកំហុស សូមកុំធ្វើខុសតទៅទៀត បើមិនដូច្នោះនឹងនាំផលអាក្រក់ ដល់ខ្លួន, កំហុសខ្លួនឯងត្រូវទទួលខុសត្រូវចំពោះមុខច្បាប់»៕
...
Read More
FN ៖ បន្ទាប់ពីបានអញ្ជើញចូលរួមបើកពិធីតាំងពិព័រណ៍ចិន-អាស៊ាន នៅណាននីញហើយ នាព្រឹកថ្ងៃដដែល សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានអញ្ជើញកាត់ខ្សែបូសម្ពោធពន្លាជាតិកម្ពុជា និងជួបសំណេះសំណាលជាមួយអាជីវករ ពាណិជ្ជករខ្មែរ ដែលបាននាំយកផលិតផលខ្មែរ មកតាំងពិព័រណ៍នៅទីក្រុងណាននីញ ខេត្តក្វាងស៊ី ប្រទេសចិន។
សម្តេចតេជោ ហ៊ុន សែន បានកោតសរសើរដល់ក្រុមហ៊ុនជាតិ និងអន្តរជាតិ ដែលកំពុងវិនិយោគលើវិស័យកសិកម្ម និងដំណាំកសិផលនានា ដែលបានយកទំនិញកម្ពុជាមកចូលរួមបង្ហាញ និងដាក់លក់នៅក្នុងប្រទេសចិន។
សម្តេចតេជោ ហ៊ុន សែន បន្តខិតខំដើម្បីពង្រីកទីផ្សារនៅប្រទេសចិនឲ្យបានទូលាយ ដើម្បីកម្ពុជា យើងអាចនាំចូលនូវផលិតផលកសិម្ម និងទំនិញជាច្រើនមុខថែមទៀតមកកាន់ទីផ្សារមិត្តចិន ក្នុងនោះរួមមានទាំងការអនុគ្រោះលើកលែងពន្ធជាដើម៕
...
Read More
FN ៖ ឧបនាយករដ្ឋមន្រ្តីចិន លោក ចាង កាវលី បានចាត់ទុកសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា គឺជាចំណែកមួយ ដ៏សំខាន់ក្នុងការជំរុញនូវទំនាក់ទំនង និងកិច្ចសហប្រតិបត្តិការអាស៊ាន-ចិន ឲ្យកាន់តែរីកចម្រើនក្នុងភាព ជាដៃគូយុទ្ធសាស្រ្ត។
ការលើកឡើងរបស់ឧបនាយករដ្ឋមន្រ្តីចិន បានធ្វើឡើងក្នុងជំនួបពិភាក្សាការងារជាមួយសម្តេចតេជោ ហ៊ុន សែន នៅទីក្រុង ណាននីង ខេត្តក្វាងស៊ី ប្រទេសចិន នាល្ងាចថ្ងៃទី១០ ខែកញ្ញា ឆ្នាំ២០១៦នេះ។
យោងតាមការចេញផ្សាយនៅលើទំព័រ Facebook របស់សម្តេចតេជោ ហ៊ុន សែន បានឲ្យដឹងថា ក្នុងជំនួបនោះ លោក ចាង កាវលី បានលើកឡើងថា សម្តេចតេជោ ហ៊ុន សែន ជាសាក្សីពិតក្នុងទំនាក់ទំនងអាស៊ាន-ចិន ពោលគឺសម្តេចតែងតែខិតខំ ជំរុញកិច្ចសហប្រតិបត្តិការអាស៊ាន-ចិន ឲ្យមានការរីកចម្រើនទៅមុខក្នុងភាពជាដៃគូយុទ្ធសាស្រ្តអាស៊ាន-ចិន។
លោកឧបនាយករដ្ឋមន្រ្តីបានបញ្ជាក់ប្រាប់សម្តេចតេជោ ហ៊ុន សែន ថា អាស៊ាន-ចិន នឹងប្រើប្រាស់មូលនិធិខ្សែក្រវ៉ាត់មួយ ផ្លូវមួយ របស់លោក ប្រធានាធិបតីចិន ស៊ី ជិនពីង ឲ្យកាន់តែតទួលបានជោគជ័យថែមទៀតសម្រាប់តំបន់។
សូមបញ្ជាក់ថា នៅឆ្នាំ២០១៦នេះ គឺជាខួប ២៥ឆ្នាំ នៃទំនាក់ទំនងអាស៊ាន-ចិន។ ប្រទេសចិន គឺជាទីមួយដែលមានទំហំ ពាណិជ្ជកម្ម និងការវិនិយោគច្រើនជាងគេនៅក្នុងតំបន់អាស៊ាន។
នៅឆ្នាំ២០១៥កន្លងទៅ ទំហំពាណិជ្ជកម្មអាស៊ាន-ចិនមានចំនួន ៣៤៦,៤ប៊ីលានដុល្លាអាមេរិក និងលំហូរវិនិយោគផ្ទាល់ពីចិន ទៅកាន់អាស៊ានមាន ៨,២ប៊ីលានដុល្លាអាមេរិកក្នុងឆ្នាំ២០១៥។ ក្នុងកិច្ចប្រជុំកំពូលអាស៊ាន-ចិន ដែលធ្វើឡើងនៅទីក្រុង វៀងច័ន្ទ ប្រទេសឡាវ ដែលទើបបញ្ចប់ទៅនាពេលថ្មីៗនេះ អាស៊ាន-ចិន បានសន្យាប្រឹងប្រែងជំរុញទំហំវិនិយោគឲ្យដល់ ១៥០ប៊ីលានដុល្លារ និងទំហំពាណិជ្ជកម្មឲ្យដល់ ១ទ្រីលានដុល្លាអាមេរិកនៅឆ្នាំ២០២០៕
...
Read More
FN ៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានស្នើចិនឲ្យបង្កើនការនាំផលិតផល របស់កម្ពុជាទៅកាន់ ទីផ្សារចិនឲ្យ បានកាន់តែច្រើនថែមទៀត ជាពិសេសសុំឲ្យលើករបាំងពន្ធគយ និងមិនកំណត់កូតា។ សំណើរបស់ប្រមុខ រាជរដ្ឋាភិបាលកម្ពុជា បានធ្វើ ឡើងក្នុងពេលជួបសំណេះសំណាលការងារជាមួយឧបនាយករដ្ឋមន្រ្តីចិន លោក ចាង កាវលី នៅថ្ងៃទី១០ ខែកញ្ញា ឆ្នាំ២០១៦នេះ នៅទីក្រុងណាននីង ខេត្តក្វាងស៊ី ប្រទេសចិន។
បើតាមការចេញផ្សាយនៅលើទំព័រ Facebook របស់សម្តេចតេជោ ហ៊ុន សែ បានបញ្ជាក់ថា ដើម្បីបង្កើនការនាំផលិតផល កម្ពុជាចូលទីផ្សារចិន សម្តេចតេជោ បានស្នើឲ្យរដ្ឋមន្រ្តីពាណិជ្ជកម្មនៃប្រទេសទាំងពីរកម្ពុជា-ចិន ធ្វើការពិភាក្សាជាមួយគ្នា ឲ្យបានកាន់តែច្រើនថែមទៀតលើបញ្ហានេះ។
ក្នុងជំនួបពិភាក្សាគ្នានេះ សម្តេចតេជោនាយករដ្ឋមន្រ្តី និងឧបនាយករដ្ឋមន្រ្តីចិន បានពិភាក្សាគ្នាយ៉ាងយកចិត្តទុកដាក់ ពីគម្រោងអាទិភាពនានា ដែលរដ្ឋាភិបាលចិន បានផ្តល់ជូនដល់ភាគីកម្ពុជារួមទាំងជំនួយឥតសំណង មានទឹកប្រាក់ ៣,៦០០លានយ័ន របស់រដ្ឋាភិបាលចិនផ្តល់ជូនរាជរដ្ឋាភិបាលកម្ពុជា។ នេះបើតាមការបញ្ជាក់បន្ថែមនៅលើទំព័រ Facebook ប្រមុខរាជរដ្ឋាភិបាលកម្ពុជា។
សម្តេចតេជោនាយករដ្ឋមន្រ្តី និងឧបនាយករដ្ឋមន្រ្តីចិន ក៏បានឯកភាពគ្នាលើយន្តការអន្តររដ្ឋាភិបាលប្រទេសទាំងពីរ ដើម្បីពិភាក្សាលើការអនុវត្តគម្រោងនានា ដែលភាគីកម្ពុជា បានស្នើទៅកាន់ភាគីចិន តាមរយៈគោលនយោបាយវិថីមួយ ផ្លូវមួយ ដើម្បីអនុវត្តលើអនុស្សារណៈមួយ ដែលបានចុះកិច្ចព្រមព្រៀងជាមួយគ្នា។
សូមបញ្ជាក់ថា សម្តេចតេជោនាយករដ្ឋមន្រ្តី នៃកម្ពុជា កំពុងនឹងដឹកនាំគណៈប្រតិភូចូលរួមព្រឹត្តិការណ៍តាំងពិព័រណ៍ ចិន-អាស៊ានលើកទី១៣ នៅទីក្រុងទីក្រុងណាននីង ខេត្តក្វាងស៊ី ប្រទេសចិន។ សម្តេចតេជោក៏នឹងអញ្ជើញចូលរួមវេទិកា ស្តីពីពាណិជ្ជកម្ម និងវិនិយោគកម្ពុជា ចិន លើកទី១ផងដែរ ដែលនឹងធ្វើឡើងនៅថ្ងៃទី១២ ខែកញ្ញា។ តាមរយៈវេទិកា នាយករដ្ឋមន្រ្តីកម្ពុជា រំពឹងថា នឹងជួយកៀរគរវិនិយោគិនចិន នៅខេត្តក្វាងស៊ីមកបណ្តាក់ទុនវិនិយោគឲ្យកាន់តែច្រើន ថែមទៀតនៅប្រទេសកម្ពុជា៕
...
Read More
FB ៖ នៅព្រឹកថ្ងៃទី១០ ខែកញ្ញា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់ ទៅចូលរួមការតាំងពិព័រណ៌អាស៊ាន-ចិនលើកទី១៣ នៅទីក្រុងណាននីញ ខេត្តក្វាងស៊ី សាធារណរដ្ឋប្រជាមានិតចិន ដែលមានរយៈពេល០៣ថ្ងៃ គឺចាប់ពីថ្ងៃទី១០-១២ ខែកញ្ញា ២០១៦។
សូមបញ្ជាក់ថា ការតាំងពិព័ណ៌ អាស៊ាន-ចិន នេះគឺក្រោមប្រធានបទ «ការកសាងផ្លូវសូត្រសមុទ្រ សតវត្សរ៍ទី២១ និងវេទិកាវិនិយោគ និងពាណិជ្ជកម្មកម្ពុជា-ចិន លើកទី១» ។ បច្ចុប្បន្ននេះ ទំនាក់ទំនងរវាង កម្ពុជា និងចិន កំពុងមានភាពល្អប្រសើរ ក្នុងនោះ សម្តេចតេជោ ហ៊ុន សែន ក៏ធ្លាប់បានពិភាក្សាយ៉ាងល្អជាមួយនាយករដ្ឋមន្ត្រីចិន ជាច្រើនដងរួចមកហើយ លើទំនាក់ទំនងទ្វេភាគីកម្ពុជា-ចិន ដែលក្នុងនោះមានទំនាក់ទំនងលើផ្នែកសេដ្ឋកិច្ច ពាណិជ្ចកម្ម និងវិនិយោគទេសចរណ៍ ហើយជាអាទិភាពនៃកិច្ចពិភាក្សា នាយករដ្ឋមន្ត្រីចិន បានប្រកាសផ្តល់ឱ្យកម្ពុជានាំអង្ករ ទៅកាន់ប្រទេសចិនពីចំនួន១០មុុឺនតោន ទៅ២០មុឺនតោនក្នុងមួយឆ្នាំដោយរួចពន្ឋផងដែរ។
សម្តេចតេជោ ហ៊ុន សែន បាននិងកំពុងខិតខំធ្វើការជាមួយថ្នាក់ដឹកនាំចិនដើម្បីពង្រីកទីផ្សារសំរាប់នាំទំនិញកម្ពុជាទៅកាន់ប្រទេសចិនបន្ថែមទៀតនាពេលខាងមុខ ៕
...
Read More
FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី០៨ ខែកញ្ញានេះ បានបង្ហោះនូវរូបភាពជាច្រើនសន្លឹកបង្ហាញពីភាពស្និទ្ធស្នាល និងរីករាយជាមួយនឹងមេដឹកនាំ នៃបណ្តាប្រទេសអាស៊ានទាំង១០ និងមេដឹកនាំប្រទេសដែលជាដៃគូចំនួន៨។
សម្តេចតេជោ ហ៊ុន សែន បានបញ្ជាក់ទៀតថា នៅថ្ងៃម្សិលម្សិញ នៃកិច្ចប្រជុំកំពូលអាស៊ាន នៅប្រទេសឡាវ សម្តេចរវល់រហូតដល់ម៉ោងជិត១២យប់ ទើបបានងូតទឹក ប៉ុន្តែទោះជារវល់ និងហត់យ៉ាងណាក្តី សម្តេចសប្បាយចិត្ត ដោយបានធ្វើការជាមួយនឹងមេដឹកនាំ ប្រទេសអាស៊ានទាំង១០ និងប្រទេសជាដៃគូទាំង៨ ដែលមានប្រជាជន ប្រមាណជាង៣ពាន់លាន់នាក់។
ជាមួយគ្នានេះ មានរូបថតមួយសន្លឹក ដែលសម្តេចបានខ្សឹបដាក់ត្រចៀក របស់លោក បាន គីមូន អគ្គលេខាធិការអង្គការសហប្រជាជាតិ ដែលអត្ថន័យនៃការខ្សឹបនេះ ៣ឆ្នាំទៀតទើបសម្តេចទម្លាយប្រាប់។
សម្តេចតេជោ ហ៊ុន សែន បានសរសេរក្នុង Facebook យ៉ាងដូច្នេះថា «ពីម្សិលមិញម៉ោងជិត១២យប់ទើបបានមុជទឹក។ ហត់តែសប្បាយ ដោយមេដឹកនាំប្រទេសអាស៊ាន ១០ និងប្រទេសដៃគូ៨ ដែលមានប្រជាជនប្រមាណជាង៣ពាន់លាននាក់ មកជួបជុំធ្វើការជាមួយគ្នា ដោយរីករាយ។ អាវដែលម្ចាស់ផ្ទះឡាវ កាត់ឱ្យត្រូវបានពាក់គ្រប់ៗគ្នា។ ខ្ញុំសូមជូនរូបថតខ្លះ ដើម្បីបង្ហាញជនរួមជាតិ យើងអំពីភាពស្និទ្ធស្នាល ដែលមេដឹកនាំប្រទេស និងប្រទេសតែងប្រាស្រ័យទាក់ទងគ្នា។ មានរូបថតមួយសន្លឹក ដែលខ្ញុំខ្សឹបដាក់ត្រចៀក អគ្គលេខាអង្គការសហប្រជាជាតិ ឯកឧត្តម បាន គីមូន ចាំ៣ឆ្នាំទៀតចាំខ្ញុំប្រាប់»៕
...
Read More
អត្ថបទ Samdech Hun Sen, Cambodian Prime Minister
នៅមុនបើកកិច្ចប្រជុំកំពូលប្រចាំឆ្នាំលើកទី២៨-២៩ របស់អាស៊ាននៅថ្ងៃទី៦ ខែកញ្ញា ឆ្នាំ២០១៦ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញចូលរួមពិសារអាហារការងារថ្ងៃត្រង់ពិសេសជាមួយ លោក ប្រាយុទ្ធ ចាន់អូចា នាយករដ្ឋមន្រ្តីថៃ លោក ថងលួន ស៊ីសូលីត នាយករដ្ឋមន្រ្តីឡាវ និងតំណាងអនុរដ្ឋមន្រ្តីពីររូបទៀតមកពីប្រទេសវៀតណាម និងមីយ៉ាន់ម៉ា ព្រមទាំងមានការចូល រួមពីតំណាងក្រុមប្រឹក្សាធុរកិច្ចមកពីប្រទេស ៥ រួមទាំងកម្ពុជាផងដែរ។
ប្រមុខដឹកនាំនៃប្រទេសកម្ពុជា ឡាវ មីយ៉ាន់ម៉ា ថៃ និងវៀតណាម បានវាយតម្លៃខ្ពស់ និងកោតសរសើរដល់ក្រុមប្រឹក្សាធុរកិច្ចនៃប្រទេសទាំងប្រាំ និងដៃគូវិនិយោគដទៃទៀតដែលបានចូលរួមចំណែកយ៉ាងសកម្មក្នុងការបណ្តាក់ទុនវិនិយោគនៅក្នុងបណ្តាប្រទេសទាំងនេះ។ ក្នុងនោះប្រមុខដឹកនាំនឹងលើកយកនូវសំណើមួយចំនួនពីក្រុមប្រឹក្សាធុរកិច្ចទៅពិភាក្សានៅក្នុងកិច្ចប្រជុំកំពូលអាស៊ានលើកទី ២៨-២៩ ដែលនឹងប្រារព្វបើកក្នុងរសៀលថ្ងៃនេះផងដែរ៕
...
Read More
អត្ថបទ Samdech Hun Sen, Cambodian Prime Minister
នៅក្នុងពេលដែល សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញចុះឈ្មោះបោះឆ្នោតនៅក្នុងសាលាសង្កាត់តាខ្មៅ ក្រុងតាខ្មៅ ខេត្តកណ្ដាល កាលពីរសៀលថ្ងៃទី០១ ខែកញ្ញា ម្សិលមិញនេះរួចមក សម្ដេចតេជោ បានផ្ដល់បទសម្ភាសន៍ខ្លីមួយជូនអ្នកកាសែត។
១)-សម្ដេចតេជោនាយករដ្ឋមន្រ្តី បានលើកឡើងអំពីការចរចារវាងគណបក្សប្រជាជនកម្ពុជា និង គណបក្សសង្គ្រោះ ជាតិក្នុងការកែទម្រង់ការបោះឆ្នោតកាលពីឆ្នាំ ២០១៥ កន្លងទៅ គឺសម្តេចជាអ្នកទាមទារឲ្យ ធ្វើកំណែទម្រង់ ប្រព័ន្ធបោះឆ្នោតឲ្យបានទូលំទូលាយ រួមទាំងការរៀបចំប្រព័ន្ឋចុះបញ្ជីអ្នកបោះឆ្នោតផងដែរ ដែលខណៈពេលនោះ ថ្នាក់ដឹកនាំគណបក្សសង្រ្គោះជាតិ ស្នើសុំត្រឹមធ្វើកំណែទម្រង់ផ្លាស់ប្តូរថ្នាក់ដឹកនាំគណៈកម្មាធិការជាតិរៀបចំការ បោះឆ្នោត(គ.ជ.ប)ប៉ុណ្ណោះ។ សម្ដេចតេជោបានស្នើសុំឲ្យនាយករដ្ឋមន្រ្តីជប៉ុន លោក ស៊ិន ហ៊្សូអាបេ ជួយក្នុង កំណែទម្រង់ប្រព័ន្ធបោះឆ្នោត រួមទាំងប្រព័ន្ធចុះបញ្ជីឈ្មោះអ្នកបោះឆ្នោតសារជាថ្មីឡើងវិញ ដើម្បីធានាឲ្យបញ្ជី បោះឆ្នោតមានសុក្រឹត្យភាព ហើយកុំឲ្យបក្សនយោបាយខ្លះចេះតែប្រើពាក្យថាបាត់ចំនួនមនុស្ស ឬក៏ខុសនេះ ខុសនោះបន្តទៀត។
២)-សម្តេចតេជោ ហ៊ុន សែន សង្ឃឹមយ៉ាងមុតមាំថា ប្រជាពលរដ្ឋទាំងអស់នឹងទៅចុះឈ្មោះបោះឆ្នោតតាម បច្ចេកវិទ្យាទំនើបក្នុងប្រព័ន្ធកុំព្យូទ័រដែលធានាបាននូវសុក្រឹត្យភាពពេញលេញ។ ចំពោះប្រជាពលរដ្ឋទូទាំងប្រទេស បើទោះជាធ្លាប់បានបោះឆ្នោត៤-៥អាណត្តិហើយក្តី គឺបញ្ជីបោះឆ្នោតចាស់មុនមិនត្រូវឲ្យប្រើប្រាស់ទៀតទេ។ សូមប្រជាពលពលរដ្ឋប្រើសិទ្ធិរបស់ខ្លួនក្នុងការបោះឆ្នោត គឺត្រូវតែអញ្ជើញ ទៅចុះឈ្មោះបោះឆ្នោតកុំខាន។ ទន្ទឹម នឹងនេះ សម្តេចតេជោ ហ៊ុន សែន សង្ឃឹមផងដែរថាគ្រប់គណបក្សនយោបាយនៅកម្ពុជា រួមទាំងគណបក្ស សង្រ្គោះ ជាតិ គឺអាចទទួលយកបាននូវការចុះឈ្មោះតាមប្រព័ន្ឋបច្ចេកវិទ្យាថ្មីនេះ។ ព្រោះថានេះគឺជា ការកែទម្រង់ការបោះឆ្នោតដ៏ធំមួយនៅកម្ពុជា ដែលមិនធ្លាប់មានពីមុនមក។
៣)-សម្ដេចតេជោ ហ៊ុន សែន បានបញ្ជាក់បន្ថែមផងដែរថា ច្បាប់ថ្មីគឺមិនអនុញ្ញាតឲ្យធ្វើការពហិការកន្លះឆ្នាំ ឬមួយ...Read More
អត្ថបទ Fresh News
(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅយប់ថ្ងៃទី២៦ ខែសីហានេះ បង្ហោះសារឆ្លើយតបភ្លាមៗ ទៅនឹង Comment របស់បុរសជនជាតិវៀតណាមម្នាក់ ដោយសម្តេចតេជោ បញ្ជាក់យ៉ាងច្បាស់ថា «ខ្ញុំមិនមែនជាអាយ៉ងរបស់វៀតណាម ដែលត្រូវបម្រើវៀតណាមលើបញ្ហា ដែលជាផលប្រយោជន៍របស់វៀតណាម ហើយខ្ញុំសង្ឃឹមថាមេដឹកនាំវៀតណាម និងទទួលបាននូវការឆ្លើយតបរបស់ខ្ញុំនេះ ហើយអប់រំពលរដ្ឋវៀតណាម កុំឲ្យរំខានដល់ខ្ញុំតទៅទៀត»។
ខាងក្រោមនេះសារទាំងស្រុងរបស់សម្តេចតេជោ ហ៊ុន សែន ឆ្លើយតបសារជនជាតិវៀតណាម លោក Nguyen Van Tai នៅលើ Facebook:
ខ្ញុំសូមកោតសរសើរដែលលោកចេះភាសាខ្មែរ ភាសាវៀតណាម និងភាសាអង់គ្លេស។ ដោយសារតែខ្ញុំមិនមែនជាជនជាតិវៀតណាម ខ្ញុំមិនអាចឆ្លើយតបជាភាសាវៀតណាមបានទេ តែខ្ញុំសូមឆ្លើយជាភាសាខ្មែរ និងភាសាអង់គ្លេស។
ជាការប្រសើរហើយ ប្រសិនបើលោកយល់ថា សមុទ្រចិនភាគខាងត្បូង មិនគួរត្រូវបានទាក់ទាញកម្ពុជា និងឡាវឲ្យចូលពាក់ព័ន្ធដូចដែលលោកបានលើកឡើង។ ការជ្រើសរើសរបៀបដោះស្រាយរវាងចិន និងវៀតណាម យ៉ាងណានោះគឺជាសិទ្ឋិសម្រេច របស់មេដឹកនាំវៀតណាម។ លោកចង់ជ្រើសរើសផ្លូវសង្គ្រាម ឬផ្លូវសន្តិភាពគឺជាសិទ្ឋិរបស់វៀតណាមផ្ទាល់។ អ្វីដែលខ្ញុំចង់និយាយទៅកាន់លោក គួរគោរពនូវការសន្យារបស់លោក ដែលថាមិនពាក់ព័ន្ឋឡាវ ជាពិសេសកម្ពុជាលើបញ្ហាសមុទ្រចិនខាងត្បូង។
ខ្ញុំសង្ឃឹមថាមេដឹកនាំវៀតណាម និងទទួលបាននូវការឆ្លើយតបរបស់ខ្ញុំនេះ ហើយអប់រំពលរដ្ឋវៀតណាម កុំអោយរំខានដល់ខ្ញុំតទៅទៀត ព្រោះរយៈពេលកន្លងទៅនេះ មានជនជាតិវៀតណាមមួយចំនួន បានចូលមកនិយាយមិនត្រឹមត្រូវ ចំពោះខ្ញុំលើទំព័រហ្វេសប៊ុកខ្ញុំ ក៏ដូចជាប្រជាជនកម្ពុជារបស់ខ្ញុំ ហើយខ្ញុំក៏សូមបញ្ជាក់សារជាថ្មីថា ខ្ញុំជាមេដឹកនាំកម្ពុជាដែលមានឯករាជ្យអធិបតេយ្យភាព និងបូរណភាពទឹកដី ដែលស្មើភាព និងស្មើសិទ្ឋិជាមួយប្រទេសទាំងអស់ រាប់ទាំងជាមួយនឹងវៀតណាមផងដែរ។
ខ្ញុំសូមគូសបញ្ជាក់បន្ថែមថា ខ្ញុំមិនមែនជាអាយ៉ងរបស់វៀតណាម ដែលត្រូវបម្រើវៀតណាមលើបញ្ហា ដែលជាផលប្រយោជន៍របស់វៀតណាម ហើយខ្ញុំមិនមែនជាចៅហ្វាយវៀតណាមដែរ។ ខ្ញុំក៏មិនត្រូវអោយវៀតណាម មកបម្រើផលប្រយោជន៍ នយោបាយរបស់កម្ពុជានោះដែរ។ ជម្លោះអធិបតេយ្យក្នុសមុទ្រចិនខាងត្បូង គួរតែត្រូវបានដោះស្រាយ ដោយសន្តិវិធីរវាងចិននិងវៀតណាម ជាជាងការដោះស្រាយតាមសង្រ្គាម ដូចដែលលោកបានលើកឡើងក្នុងហ្វេប៊ុគខ្ញុំ។
I truly admire you...Read More
អត្ថបទ Fresh News
(ព្រះវិហារ)៖ ក្រោយប្រកាសកាត់ដីទំហំ ៨០.៥៣ហិកតានៅព្រលានយន្តហោះក្នុងភូមិហ្មសែត សង្កាត់ប៉ាលហាល ក្រុងព្រះវិហារ ប្រគល់ជូនប្រជាពលរដ្ឋដែលមានបញ្ហាដីធ្លីនៅទីនោះ ១២៧គ្រួសារ កាន់កាប់វិញ ពេលនេះសម្តេចតេជោ ហ៊ុន សែន កំពុងជួបសំណេះសំណាលស្តាប់យោបល់ពីពួកគាត់។
សូមជំរាបថា សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានផ្តល់ការដូរដ៏ធំមួយទៀតជូនប្រជាពលរដ្ឋខេត្តព្រះវិហារ ដោយបានសម្រេចកាត់ដីទំហំ ៨០.៥៣ហិកតានៅព្រលានយន្តហោះ ក្នុងភូមិហ្មសែត សង្កាត់ប៉ាលហាល ក្រុងព្រះវិហារ ប្រគល់ជូនប្រជាពលរដ្ឋរស់នៅកាន់កាប់ជាក់ស្តែង ១២៧គ្រួសារ។ ការសម្រេចនេះ បានធ្វើឡើងក្នុងពេលសំណេះសំណាលជាមួយមន្រ្តីរាជការ កងកម្លាំងប្រដាប់អាវុធខេត្តព្រះវិហារ នារសៀលថ្ងៃទី២៥ ខែសីហា ឆ្នាំ២០១៦នេះ។
ដោយឡែកដីព្រលានយន្តហោះ ដែលនៅសល់ពីការកាត់ឲ្យប្រជាពលរដ្ឋប្រមាណ ៧១.១៧ហិកតា ត្រូវបានសម្តេចតេជោ ហ៊ុន សែន សម្រេចជូនសាលាខេត្តព្រះវិហារ ទុកសម្រាប់ធ្វើការអភិវឌ្ឍ។ បើតាមសម្តេចដីនេះអាចយកទៅធ្វើជាមន្ទីរនានា ឬអាចបង្កើតជាសកលវិទ្យាល័យទៅថ្ងៃក្រោយ តែមិនអនុញ្ញាតឲ្យប្រគល់ ទៅឯកជននោះឡើយ។
សម្តេចតេជោ ហ៊ុន សែន បានបញ្ជាក់ថា ការសម្រេចកាត់ដីព្រលានយន្តហោះឲ្យប្រជាពលរដ្ឋនេះ គឺជាការដោះស្រាយបញ្ហាពិត បន្ទាប់ពីសម្តេចបានស្តាប់នូវរឿងពិតជាអ្វី។
សូមបញ្ជាក់ថា ប្រជាពលរដ្ឋនៅព្រលានយន្តហោះ ខេត្តព្រះវិហារ ដែលបាននិងកំពុងជួបទទួលស្វាគមន៍ សម្តេចតេជោ ហ៊ុន សែន នៅខេត្តព្រះវិហារ នាពេលនេះមានចំនួនជិត១០០គ្រួសារ ។ ជាមួយគ្នានេះ សម្តេចតេជោ ហ៊ុន សែន ក៏បានឧបត្ថម្ភដល់ ពួកគាត់ក្នុងគ្រួសារៗ ទទួលបានថវិកាចំនួន ១០ម៉ឺនរៀលផងដែរ៕
...
Read More
អត្ថបទ Fresh News
(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើងតាមរយៈ Facebook ថា មានជនជាតិវៀតណាមម្នាក់ ឈ្មោះ Bao Lam បានចូលមក Comment វាយប្រហាររិះគន់សម្តេច ដោយសាររឿងផ្ទាល់ខ្លួនរបស់ប្រទេសគាត់ និងប្រទេសដទៃ។
ប៉ុន្តែត្រូវបានសម្តេចតេជោ ហ៊ុន សែន ឆ្លើយតបវិញថា ឲ្យដោះស្រាយបញ្ហាទាំងឡាយ ជាមួយប្រទេសដែលកំពុងមានបញ្ហាជាមួយគ្នា ដោយសន្តិវិធី កុំយកកម្ពុជាទៅបង្ករឿងជាមួយ។
សម្តេចតេជោ ហ៊ុន សែន បានបញ្ជាក់យ៉ាងដូច្នេះថា៖ «មានជនជាតិវៀតណាមម្នាក់ ឈ្មោះ Bao Lam ចូលមក Comment វាយប្រហារខ្ញុំដោយសាររឿង ផ្ទាល់ខ្លួនរបស់ប្រទេសគាត់ និងប្រទេសដទៃ។ ខ្ញុំបានប្រាប់ទៅគាត់អោយដោះស្រាយបញ្ហាទាំងឡាយ ជាមួយប្រទេសដែលកំពុងមានបញ្ហាជាមួយគ្នាដោយសន្តិវិធី កុំយកកម្ពុជាទៅបង្ករឿងជាមួយ។ ចំពោះខ្ញុំគឺស្មោះត្រង់ជាមួយជាតិខ្ញុំ ជាមួយព្រះមហាក្សត្រខ្ញុំ និងជាមួយភរិយាខ្ញុំ។ ហើយខ្ញុំបានសួរគាត់ទៀតថា តើពាក្យដែលគាត់លើកយកមកនិយាយក្នុង Page ខ្ញុំនេះជាគំនិតផ្ទាល់ខ្លួន ឬជាពាក្យណែនាំពីមេដឹកនាំវៀតណាម?»
...
Read More
អត្ថបទ Fresh News
(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានព្រមានជាថ្មីម្តងទៀតថា សម្តេច នឹងមិនចុះហត្ថលេខាស្នើ លើកលែងទោសឲ្យប្រធានគណបក្សប្រឆាំង ដែលកំពុងនិរទេសខ្លួនលោក សម រង្ស៊ី ទៀតឡើយ ជុំវិញការប្រមាថយ៉ាងធ្ងន់ធ្ងរ ដល់សម្តេច និងគ្រួសារសម្តេច ដោយសម្តេចចាត់ទុកថា ការប្រមាថកន្លងមកនេះ មិនមែនត្រូវធ្វើការប៉ះប៉ូវតូចនោះទេ។
សម្តេចតេជោ ហ៊ុន សែន បានប្រសាសន៍បែបនេះ ខណៈសម្តេច អញ្ជើញជាអធិបតីភាពក្នុង វេទិកាស្តីពីការការពារ និងអភិរក្សធនធានធម្មជាតិនៅ វិមានសន្តិភាព នៅថ្ងៃទី២២ ខែសីហា ឆ្នាំ២០១៦នេះ ដោយមានអ្នកចូលរួមពីសមាជិកព្រឹទ្ធសភា សមាជិករដ្ឋសភា សមាជិករាជរដ្ឋាភិបាល តំណាងក្រសួង ស្ថាប័នរដ្ឋ អង្គទូត ដៃគូអភិវឌ្ឍន៍ អង្គការមិនមែនរដ្ឋាភិបាល អង្គការសង្គមស៊ីវិល សហគមន៍មូលដ្ឋាន និងសកម្មជនអភិរក្សធនធានធម្មជាតិ មួយចំនួនទៀតរួមមាន ព្រះសង្ឃ សិល្បករ កីឡាករ និងយុវជនដែលបានចូលរួមក្នុងសកម្មភាពការពារធនធានធម្មជាតិ និងការអភិរក្សចម្រុះ សរុបប្រមាណជាង ៧០០នាក់។
សម្តេចតេជោ ហ៊ុន សែន បានបញ្ជាក់យ៉ាងដូច្នេះថា « ខ្ញុំនឹងមិនចុះហត្ថលេខាស្នើលើកលែងទោសឱ្យ ប្រធានគណបក្សប្រឆាំង លោក សម រង្ស៊ី ដែលបានប្រមាថ ធ្ងន់ធ្ងរដល់ខ្ញុំ និងគ្រួសារខ្ញុំឡើយ ការប្រមាថកន្លងមកនេះ មិនមែនត្រូវធ្វើការប៉ះប៉ូវតូចនោះទេ» ។
ក្នុងឱកាសនោះ សម្តេចតេជោ ហ៊ុន សែន ក៏បានរំលឹកភាពឈឺចាប់ រឿងគេប្រមាថសម្តេចកិត្តិព្រឹទ្ធបណ្ឌិតថា ជាប្រពន្ធមេដឹកនាំវៀតណាម ឡេដឹកថ និងប្រមាថលោក ហ៊ុន ម៉ាណែត ថាជាកូនរបស់ ឡេដឹកថ។
សម្តេចថានេះមិនមែនជាសិទ្ធិបញ្ចេញមតិនោះទេ។ និយាយដល់រឿងនេះ សម្ដេចតេជោ បានបង្ហាញអារម្មណ៍សោកស្តាយ ដោយអមនឹងទឹកភ្លែករលីងរលោង...Read More
