ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញសម្ពោធសមិទ្ធផលនានានៅក្នុងវត្តឈូកវ៉ា ទើបសាងសង់រួចតម្លៃជាង៩១ម៉ឺនដុល្លារអាមេរិក

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃចន្ទ ០៤រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០៥ ខែមីនា ឆ្នាំ២០១៨នេះ អញ្ជើញសម្ពោធសមិទ្ធផលនានា នៅក្នុងវត្តឈូកវ៉ា ស្ថិតនៅសង្កាត់គោករកា ខណ្ឌព្រែកព្នៅ ដែលទើបនឹងសាងសង់រួច។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានថ្លែងថា ទីអារាមជាទីជម្រកដ៏កក់ក្តៅសម្រាប់លោកយាយ លោកតា ក៏ដូចជាយុវជនសិស្ស និស្សិតរបស់កម្ពុជា។

* សម្តេចប្រមុខរាជរដ្ឋាភិបាលបានថ្លែងថា អាណាចក្រ និងពុទ្ធចក្រមិនអាចកាត់ផ្តាច់ពីគ្នានោះឡើយ ពោលបើអាណាចក្រដាក់ចេញនូវបន្ទាត់ដឹកនាំមិនបានត្រឹមត្រូវនោះ ផ្នែកពុទ្ធចក្រក៏នឹងត្រូវប៉ះពាល់ផងដែរ ដូចជាក្នុងរបបខ្មែរក្រហមទីអារាមត្រូវបាត់គេបំបាត់ចោល។

* សម្តេចតេជោ បានរំលឹកថា ពីឆ្នាំ១៩៧០ ដល់៧៥ ទីអារាមក្លាយជាមូលដ្ឋានរបស់កងទ័ព ហើយក្នុងរបបប្រល័យពូជសាសន៍ ប៉ុល ពត ទីអារាមត្រូវបានបំបាត់ចោល ហើយក៏ត្រូវបានយកធ្វើជាកន្លែងពិឃាតមនុស្សផងដែរ។

* សម្តេចតេជោ ហ៊ុន សែន បានថ្លែងថា សម្តេចពិតជាមានមោទនភាពចំពោះប្រជាពុទ្ធបិរស័ទនៅទូទាំងប្រទេស ក៏ដូចជាចំណុះជើងវត្តនិងសប្បុរសជននានា ដែលបានរួមគ្នាបរិច្ចាគថវិកាកសាងសមិទ្ធផលនានានៅវត្តឈូកវ៉ា ដើម្បីតម្កល់ទុកជាទីគោរពបូជា។ សម្តេចតេជោ បានថ្លែងថា នៅទូទាំងប្រទេសកម្ពុជានាពេលបច្ចុប្បន្ននេះ មានវត្តជាង៤ពាន់វត្ត។

* សម្តេចនាយករដ្ឋមន្ត្រីបានថ្លែងថា ព្រះពុទ្ធសាសនា ក៏បានរួមចំណែកធ្វើឲ្យប្រជាពលរដ្ឋខ្មែរចូលរួមគោរពនូវច្បាប់របស់រដ្ឋផងដែរ តាមរយៈព្រះពុទ្ធោវាទអប់រំណែនាំឲ្យព្រះពុទ្ធបរិស័ទប្រព្រឹត្ត និងធ្វើតែអំពើល្អ។

* ឆ្លៀតក្នុងពេលមកសម្ពោធសមិទ្ធផលក្នុងវត្តឈូកវ៉ា ដោយមើលឃើញពីការខ្វះខាតអគារសិក្សារបស់សិស្សានុសិស្សនៅសាលាជាស៊ីមឈូកវ៉ានោះ សម្តេចតេជោ ហ៊ុន សែន បានសម្រេចផ្តល់អគារសិក្សា ១ខ្នង ៣ជាន់ ស្មើនឹង៣០បន្ទប់។

* សម្តេចតេជោ ហ៊ុន សែន ប្រកាសថា សម្តេចបើកបេះដូងសម្រាប់ចរចាជានិច្ច ប៉ុន្តែមិនចរចាជាមួយអ្នកមានទោសក្បត់ជាតិនោះជាដាច់ខាត។

* សម្តេចតេជោ បានបញ្ជាក់ថា គ្មានការចរចាជាមួយអតីតមេបក្សប្រឆាំង ដែលកំពុងជាប់ទោសទណ្ឌនោះឡើយ។...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជួបសំណេះសំណាលជាមួយកម្មករនិយោជិតជាង១ម៉ឺននាក់ មកពីរោងចក្រសហគ្រាសចំនួន១៤ ក្នុងខេត្តព្រះសីហនុ

FN ៖ ប្រមុខរាជរដ្ឋាភិបាលកម្ពុជា ដែលតែងតម្កល់ប្រយោជន៍ប្រជាជនក្នុងក្រអៅបេះដូងសម្តេចតេជោ ហ៊ុន សែន នៅព្រឹកថ្ងៃអាទិត្យ ៣រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០៤ ខែមីនា ឆ្នាំ២០១៨នេះ បានបន្តជួបសំណេះសំណាលជាមួយបងប្អូនកម្មករ និយោជិតសរុបប្រមាណ ១៤,០២៥នាក់ មកពីរោងចក្រសហគ្រាសចំនួន១៤ នៅក្នុងខេត្តព្រះសីហនុ។

ជំនួបនៅព្រឹកថ្ងៃអាទិត្យនេះ គឺជាជំនួបលើកទី២ របស់សម្តេចតេជោជាមួយកម្មករ និយោជិត នៅក្នុងខេត្តព្រះសីហនុ ខណៈដែលព្រឹកថ្ងៃទី៣ ខែមីនា សម្តេចបានជួបសំណេះសំណាលជាមួយកម្មករ និយោជិតជាង ២ម៉ឺននាក់មកពីរោងចក្រចំនួន៧៧ ក្នុងតំបន់សេដ្ឋកិច្ចពិសេសក្រុងព្រះសីហនុ។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ចាប់ផ្តើមថ្លែងសុន្ទរកថា សំណេះសំណាលជាមួយកម្មករនិយោជិតជាង ១ម៉ឺននាក់ មកពីរោងចក្រសហគ្រាសចំនួន១៤ ក្នុងខេត្តព្រះសីហនុ

* សម្តេចតេជោ បានថ្លែងថា ក្នុងទិវាការងារអន្តរជាតិ ១ ឧសភា សម្តេចនឹងជ្រើសរើសការជួបជុំលេងសប្បាយជាមួយបងប្អូនកម្មករ កម្មការិនីនៅតាមរោងចក្រ។

* សម្រាប់ថ្ងៃទី០១ ខែឧសភា សម្តេចតេជោ ហ៊ុន សែន ក៏មិនបានហាមឃាត់ចំពោះការដង្ហែញត្តិរបស់សហជីពនានាផងដែរ។ ប៉ុន្តែសម្តេចបញ្ជាក់ថា ចំនួនអ្នកហែរញត្តិត្រឹម២០០-៣០០នាក់ គឺជាចំនួនតិចតួចណាស់ បើធៀបនឹងចំនួនកម្មករ កម្មការិនីរាប់លាននាក់នៅទូទាំងប្រទេសនោះ។

* សម្តេចតេជោ ហ៊ុន សែន បានថ្លែងថា ការរើសគូស្រករនាពេលបច្ចុប្បន្នមិនត្រូវមើលត្រឹមផៅសណ្តាននោះឡើយ គឺត្រូវមើលឈាមថែមទៀត។ មើលឈាមនេះ គឺសម្តេចសំដៅដល់ការស្វែងរកជំងឺអេដស៍ ហើយការពិនិត្យត្រូវពិនិត្យទាំងខាងប្រុស និងខាងស្រី។

* សម្តេចតេជោ ហ៊ុន សែន បញ្ជាក់ជាថ្មីនៅចំពោះកម្មករ និយោជិតជាង ១ម៉ឺននាក់នៅខេត្តព្រះសីហនុថា ប្រាក់ឈ្នួលអប្បបរមាមិនមែននៅទ្រឹងត្រឹម១៧០ដុល្លារនាឆ្នាំ២០១៨នេះឡើយ គឺនឹងត្រូវឡើងរាល់ឆ្នាំ តែកម្រិតដំឡើងត្រូវមានការជជែកគ្នាជាមួយភាគីថៅកែរោងចក្រ។

* សម្តេចបានរំលឹកកម្មករ កម្មការិនីថា រឿងមួយដែលត្រូវចងចាំនោះគឺ ជីដូនដូនជីតារបស់ពួកគេ ឆ្លងកាត់ការលំបាកខ្លាំងណាស់...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន ជួបសំណេះសំណាលជាមួយកម្មករនិយោជិតជាង ២ម៉ឺននាក់ មកពីរោងចក្រសហគ្រាសចំនួន ៧៧ នៅតំបន់សេដ្ឋកិច្ចពិសេសក្រុងព្រះសីហនុ

FN ៖ បន្ទាប់ពីបានជួបកម្មករ កម្មការិនីក្នុងរាជធានីភ្នំពេញយ៉ាងច្រើនសន្ធឹកសន្ធាប់រួចមកហើយនោះ ប្រមុខរាជរដ្ឋាភិបាលកម្ពុជាដែលតែងតម្កល់ប្រយោជន៍ប្រជាជន ក្នុងក្រអៅបេះដូងសម្តេចតេជោ ហ៊ុន សែន នៅព្រឹកថ្ងៃសៅរ៍ ២រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០៣ ខែមីនា ឆ្នាំ២០១៨នេះ បានជួបសំណេះសំណាលជាមួយបងប្អូនកម្មករ និយោជិតសរុបប្រមាណ ២១,១៩១នាក់ មកពីរោងចក្រ សហគ្រាសចំនួន៧៧ នៅតំបន់សេដ្ឋកិច្ចពិសេសក្រុងព្រះសីហនុ។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចនាយករដ្ឋមន្ត្រីបានលើកឡើងថា កាលពីមុន តើមាននរណាស្រម៉ៃ និងនឹកឃើញថា នៅឃុំបិតត្រាំង ស្រុកព្រៃនប់ ខេត្តព្រះសីហនុ មានតំបន់សេដ្ឋកិច្ចពិសេស មានរោងចក្រ និងមានកូនខ្មែរច្រើនដូចពេលនេះទៅ។

* សម្តេចតេជោ ហ៊ុន សែន បានថ្លែងទៅកាន់កម្មករ កម្មការិនីថា ប្រសិនបើពួកគេចង់ឲ្យសម្តេចបន្តដឹកនាំប្រទេសនាំសេចក្តីសុខ និងភាពរីកចម្រើនតាមបំណងប្រាថ្នារបស់ពួកគេនោះ គឺត្រូវទៅបោះឆ្នោតឲ្យបានគ្រប់គ្នា ហើយបោះឆ្នោតជូនគណបក្សប្រជាជនកម្ពុជា គឺនឹងបានសម្តេចបន្តនៅជាមួយពួកគេហើយ មិនបាច់ទៅបន់ស្រន់នោះឡើយ។

* សម្តេចតេជោ ហ៊ុន សែន បានថ្លែងថា ខេត្តព្រះសីហនុ ក៏មានជោគវាសនាអាក្រក់មិនខុសពីបណ្តាខេត្តដទៃនោះឡើយក្នុងអំឡុងពេលនៃសង្គ្រាមហែកហួរ។ តែបច្ចុប្បន្នក្រុងព្រះសីហនុ កំពុងមានការរីកចម្រើន ដែលសមជាទីក្រុងមាត់សមុទ្រ។

* សម្តេចតេជោ ហ៊ុន សែន បានថ្លែងថា កម្ពុជា នឹងធ្វើកំពង់ផែទឹកជ្រៅមួយទៀតនៅស្ទឹងហាវ ហើយក៏នឹងធ្វើកំពង់ផែមួយទៀតនៅខេត្តកំពតផងដែរ ដើម្បីបំពេញតម្រូវការដឹកជញ្ជូនតាមផ្លូវសមុទ្រ។

* សម្តេចប្រមុខរាជរដ្ឋាភិបាល បានចូលរួមអបអរសាទរជាមួយកម្មករ កម្មការិនី ដែលទទួលបានប្រាក់ឈ្នួលអប្បបរិមា ១៧០ដុល្លារ ហើយប្រាក់ឈ្នួលទៀបបំផុតនេះ នឹងបន្តឡើងទៅទៀតនៅឆ្នាំ២០១៩ និងឆ្នាំបន្តបន្ទាប់។

* ប្រមុខរាជរដ្ឋាភិបាលកម្ពុជា បានថ្លែងថា សម្តេចពិតជាមានមោទនភាព ដែលក្នុងដំណាក់កាលនៃការដឹកនាំរបស់សម្តេចបានធ្វើឲ្យប្រទេសកម្ពុជាប្រែក្លាយពីគ្រាមួយដ៏លំបាកលំបិន មកជាប្រទេសមានការអភិវឌ្ឍក្លាយជាប្រទេសមានចំណូលមធ្យមកម្រិតទាប។

* សម្តេចតេជោ បានបង្ហាញក្តីសង្ឃឹមថា នឹងមានអ្នកវិនិយោគកាន់តែច្រើនទៀតមកវិនិយោគនៅតំបន់សេដ្ឋកិច្ចពិសេសក្រុងព្រះសីហនុ ហើយស្វាគមន៍អ្នកវិនិយោគមកពីគ្រប់ប្រទេស មិនមែនស្វាគមន៍តែមកពីប្រទេសចិននោះទេ។

* សម្តេចតេជោ...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជួបសំណេះសំណាល ជាមួយក្រុមគ្រូពេទ្យស្ម័គ្រចិត្តយុវជនសម្តេចតេជោ នៅសាលមហោស្រពកោះពេជ្រ នាព្រឹកមិញនេះ

FN ៖ នៅព្រឹកថ្ងៃសុក្រ ០១រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០២ ខែមីនា ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញជួបសំណេះសំណាលជាមួយ ក្រុមគ្រូពេទ្យសមាគមគ្រូពេទ្យស្ម័គ្រចិត្តយុវជនសម្តេចតេជោ ហៅកាត់ថា ស.គ.យ.ត ឬ TYDA នៅសាលមហោស្រពកោះពេជ្រ។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ថ្លែងថា ទាំងមូលនិធិបាយន្ត និងសមាគមគ្រូពេទ្យស្ម័គ្រចិត្តយុវជនសម្តេចតេជោ ហ៊ុន សែន មិនមែនបង្កើតឡើងស្វែងរកប្រាក់ចំណេញទេ តែបង្កើតឡើងដើម្បីបុព្វហេតុមនុស្សធម៌សម្រាប់ប្រជាពលរដ្ឋខ្មែរទាំងមូល។

* សម្តេចនាយករដ្ឋមន្ត្រី បានលើកឡើងថា ជីវិតសម្តេចបានជួបលំបាកច្រើនណាស់ ព្រោះតែហេតុនេះហើយ ក្រោយពេលសម្តេចបានក្លាយជានាយករដ្ឋមន្ត្រី ក្រៅពីការប្រើប្រាស់ថវិកាជាតិសម្រាប់ដោះស្រាយបញ្ហា និងអភិវឌ្ឍន៍ជាតិហើយនោះ សម្តេចចង់ប្រមូលផ្តុំគ្រប់កម្លាំង ដើម្បីចូលរួមចំណែកជួយដល់ប្រជាពលរដ្ឋ។

* សម្តេចតេជោ ហ៊ុន សែន បានថ្លែងថា សម្តេចពិតជាមានមោទនភាពដល់ក្រុមគ្រូពេទ្យសមាគមគ្រូពេទ្យស្ម័គ្រចិត្តទាំងអស់ដែលបានចូលរួមធ្វើការងារមនុស្សធម៌។

* សម្តេចតេជោ ហ៊ុន សែន បានរំលឹកថា លើពិភពលោកនេះគ្មានប្រទេសណាវេទនាដូចអតីតកាលរបស់កម្ពុជានោះទេ។ សម្តេចបន្តថា ប្រទេសជាច្រើនបានជួបសង្គ្រាមតែមន្ទីរពេទ្យមិនត្រូវបានវាយបំផ្លាញចោលនោះទេ ខុសពីប្រទេសកម្ពុជាក្នុងរបបប្រល័យពូជសាសន៍ ប៉ុល ពត បានបំផ្លាញចោលខ្ទេចខ្ទីនូវមន្ទីរពេទ្យ។

* សម្តេចនាយករដ្ឋមន្ត្រីនៃកម្ពុជារំលឹកថា ក្រោយថ្ងៃរំដោះ ៧ មករា ឆ្នាំ១៩៧៩ កម្ពុជានៅសេសសល់គ្រូពេទ្យតិចតួចបំផុត។ សម្តេចបន្តថា ក្រៅពីខ្វះគ្រូពេទ្យហើយនោះ បរិក្ខា និងជំនួយពាក់ព័ន្ធវិស័យសុខាភិបាលនេះ ក៏មិនគ្រប់គ្រាន់ផងដែរ។

* សម្តេចតេជោប្រមុខរាជរដ្ឋាភិបាលថា ពីអតីតកាលពោលក្រោយប្រទេសត្រូវរំដោះ កម្ពុជាប្រើថវិកាលើវិស័យការពារជាតិធំជាងវិស័យសុខាភិបាល ប៉ុន្តែពេលបច្ចុប្បន្នថវិកាបម្រើ សម្រាប់មនុស្ស ដោយយកគោលដៅមនុស្សជាស្នូលនោះ គឺធំជាងវិស័យការពារជាតិ និងសន្តិសុខរហូតដល់ទៅ ៣ដង។

* សម្តេចតេជោ ហ៊ុន សែន...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញកាត់ឬស្សសីមាសម្ពោធព្រះវិហារ និងសមិទ្ធផលនៅវត្ត «ជ័យមង្គល» តម្លៃជិត៤លានដុល្លារ

FN ៖ នៅថ្ងៃព្រហស្បតិ៍ ១៥កើត ពេញបូរមី ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០១ ខែមីនា ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញកាត់ឫស្សសីមាព្រះវិហារ និងសម្ពោធដាក់ឲ្យប្រើប្រាស់សមិទ្ធផលនានានៅក្នុងវត្ត «ជ័យមង្គល» ហៅវត្តជ្រៃ ស្ថិតនៅឃុំព្រែករំដេង ស្រុកស្រីសន្ធរ ខេត្តកំពង់ចាម ដែលចំណាយថវិកាសាងសង់ជិត ៤លានដុល្លារអាមេរិក។

ខាងក្រោមនេះជាប្រសាសន៍របស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ចាប់ផ្តើមថ្លែងសុន្ទរកថា អញ្ជើញកាត់ឫស្សសីមាព្រះវិហារ និងសម្ពោធដាក់ឲ្យប្រើប្រាស់សមិទ្ធផលនានានៅក្នុងវត្ត «ជ័យមង្គល» ហៅវត្តជ្រៃ ស្ថិតនៅឃុំព្រែករំដេង ស្រុកស្រីសន្ធរ ខេត្តកំពង់ចាម

* សម្តេចតេជោ ហ៊ុន សែន បានថ្លែងថា គ្រប់សាសនានៅក្នុងប្រទេសកម្ពុជាត្រូវបានបំផ្លេចបំផ្លាញទាំងអស់នៅអំឡុងឆ្នាំ១៩៧០ ដល់ឆ្នាំ១៩៧៩។ សម្តេចតេជោ ហ៊ុន សែន បានបន្តថា គ្រប់សាសនាត្រូវផ្សារភ្ជាប់ជាមួយអាណាចក្រ ពោលបើផ្នែកអាណាចក្រជួបសង្គ្រាម ដូច្នេះគ្រប់សាសនាមិនអាចដំណើរការទៅមុខបានឡើយ។

* សម្តេចតេជោ បានបញ្ជាក់ថា ព្រះពុទ្ធសាសនា និងសាសនាដទៃទៀតក្នុងសម័យសង្គមរាស្រ្តនិយមដឹកនាំដោយព្រះវររាជបិតាឯករាជ្យជាតិខ្មែរមានការរីកចម្រើន តែក្រោយថ្ងៃរដ្ឋប្រហារ ១៨ មីនា ១៩៧០ ទីអារាមក្លាយជាគោលដៅវាយប្រហារ និងជាកន្លែងធ្វើជាទីតាំងកងទ័ព លុះដល់របបប៉ុលពត ទីអារាមត្រូវបានបិទទ្វារចោលទាំងអស់។ តែជាភព្វសំណាងទីអារាមបានកកើតឡើងវិញក្រោយថ្ងៃរំដោះ៧ មករា ឆ្នាំ១៩៧៩។

* សម្តេចតេជោ បានថ្លែងថា គ្រប់សាសនាទាំងអស់នៅតែមានវត្តមានដរាបណាមានមនុស្សនៅតែជឿ។

* ក្រៅពីការចែកជូនកូនសិស្សហើយនោះ សម្តេចតេជោ ហ៊ុន សែន ក៏ចាប់ផ្តើចែកសៀវភៅច្បាប់អប់រំទូន្មានរបស់ ក្រុម ង៉ុយ និងបណ្ឌិត អ៊ូ ចុង ផងដែរ។

* សម្តេចតេជោបន្តថា សាសនាខុសគ្នាមិនមែនជាឧបសគ្គក្នុងការអភិវឌ្ឍប្រទេសនោះទេ។...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញបិទសន្និបាតបូកសរុបការងារក្រសួងទេសចរណ៍ និងប្រគល់ជយលាភីទីក្រុងស្អាត នារសៀលថ្ងៃនេះ

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅរសៀលថ្ងៃពុធ ១៤កើត ខែផល្គុន ឆ្នាំរកា ព.ស២៥៦១ ត្រូវនឹងថ្ងៃទី២៨ ខែកុម្ភៈ ឆ្នាំ២០១៨នេះ អញ្ជើញជាអធិបតីភាពបិទសន្និបាតបូកសរុបលទ្ធផល និងលើកទិសដៅការងារថ្មីរបស់ក្រសួងទេសចរណ៍ ដែលរៀបចំឡើងនៅសណ្ឋាគារសុខាភ្នំពេញ។

សម្តេចនាយករដ្ឋមន្ត្រី ក៏នឹងអញ្ជើញប្រគល់ជយលាភីដល់ក្រុង និងខណ្ឌ ដែលជាប់ជាទីក្រុងស្អាតផងដែរ។ ខេត្ត-ខណ្ឌដែលទទួលបានជយលាភីផ្ការំដួល៣ទងនោះ រួមមាន៖ខេត្តកំពត ព្រះសីហនុ សៀមរាប កែប កំពង់ចាម ខណ្ឌដូនពេញ និងបាត់ដំបង។ សូមបញ្ជាក់ថា ទេសចរណ៍ជាវិស័យដ៏អាទិភាពមួយ ដែលរាជរដ្ឋាភិបាលកម្ពុជាកំពុងយកចិត្តទុកដាក់ខ្ពស់ ក្នុងការជំរុញលើវិស័យនេះ។ នៅឆ្នាំ២០១៧កន្លងទៅ កម្ពុជាទទួលបានភ្ញៀវទេសចរ ៥.៦លាននាក់។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន បានថ្លែងអំណរគុណដល់ដៃគូទាំងអស់ ដែលបានចូលរួមជំរុញអភិវឌ្ឍន៍វិស័យទេសចរណ៍នៅកម្ពុជា។

* សម្តេចតេជោ ហ៊ុន សែន សង្ឃឹមថា នៅឆ្នាំ២០២០ នឹងទទួលបានភ្ញៀវទេសចរ ៧លាន បង្កើតបានប្រាក់ចំណូល ៥ពាន់លានដុល្លារ និងផ្តល់ការងារដោយផ្ទាល់ជិត ១លាននាក់ ហើយនៅឆ្នាំ២០៣០ នឹងទទួលបានភ្ញៀវ ១៥លាននាក់ រកប្រាក់ចំណូល ១០ពាន់លានដុល្លារ និងបង្កើតការងារដោយផ្ទាល់បានប្រមាណ ២លាននាក់។

* សម្តេចតេជោ ហ៊ុន សែន បានថ្លែងថា សន្តិភាព ស្ថេរភាពនយោបាយ និងសន្តិសុខ ជាធាតុដ៏សំខាន់សម្រាប់ធានាបានថា កម្ពុជាជាគោលដៅទេសចរណ៍ប្រកបដោយភាពកក់ក្តៅ។ ក្នុងន័យនេះសម្តេចតេជោ ហ៊ុន សែន បានប្រកាសប្តេជ្ញាប្រឆាំងដាច់ខាតរាល់សកម្មភាពទាំងឡាយ ដែលធ្វើឲ្យប៉ះពាល់ដល់សន្តិសុខសណ្តាប់របស់កម្ពុជាទោះក្នុងតម្លៃណាក៏ដោយ។

* សម្តេចតេជោ បានថ្លែងថា គ្មានអ្នកទេសចរណាទៅលេងកម្សាន្តនៅប្រទេសដែលមានសង្គ្រាមនោះឡើយ។ សម្តេចបានបញ្ជាក់ទៀតថា កម្ពុជាបានឈឺចាប់ឆ្អែតឆ្អន់ ហើយដោយសារភ្លើងសង្គ្រាម។ សម្តេចប្រមុខរាជរដ្ឋាភិបាលបន្តថា មិនត្រឹមតែទប់ស្កាត់ភេរវកម្មនោះទេ...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញបន្តជួបសំណេះសំណាលជាមួយកម្មករ-កម្មការិនី ជិត២ម៉ឺននាក់ មកពីរោងចក្រចំនួន៨ នៅខេត្តកំពង់ស្ពឺ នាព្រឹកនេះ

FN ៖ នៅព្រឹកថ្ងៃពុធ ១៤កើត ខែផល្គុន ឆ្នាំរកា ព.ស២៥៦១ ត្រូវនឹងថ្ងៃទី២៨ ខែកុម្ភៈ ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបន្តអញ្ជើញជួបសំណេះសំណាលជាមួយកម្មករ កម្មការិនីសរុបប្រមាណ១៧,៨២៨នាក់ មកពីរោងចក្រ សហគ្រាសចំនួន៨ នៅភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ។

ខាងក្រោមជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* ចុះមកដល់ទឹកដីខេត្តកំពង់ស្ពឺ សម្តេចបានរំលឹកពីចក្ខុវិស័យក្នុងការពង្រីកសក្តានុពលវិស័យឧស្សាហកម្ម ដែលសម្តេចបានមើលឃើញកាលពីទសវត្សរ៍ឆ្នាំ៩០។ សម្តេចបានរំលឹកថា ក្នុងរង្វង់ឆ្នាំ១៩៩៥-១៩៩៦ មានការទាស់សម្តីគ្នារវាងសមាជិករដ្ឋជាមួយសម្តេចរឿងបណ្តោយឲ្យប្រជាពលរដ្ឋលក់ដីតាមបណ្តោយផ្លូវជាតិលេខ៤ និងលេខ៣។

* សម្តេចថ្លែងថា មានអ្នករិះគន់រាជរដ្ឋាភិបាល ដែលផ្តល់ឱកាសឲ្យប្រជាជនលក់ដីនៅតាមបណ្តោយផ្លូវជាតិលេខ៤ និងលេខ៣។ សម្តេចបន្តថា មិនគួរព្រួយបារម្ភរឿងលក់ដីរបស់កសិករទេ ព្រោះថា បើបន្តយកដីនោះធ្វើស្រែមួយហិកតាចិញ្ចឹមបានតែ៤ទៅ៥នាក់ ប៉ុន្តែបើក្លាយទៅជារោងចក្រ សហគ្រាស គឺអាចចិញ្ចឹមមនុស្សបាន ៥ពាន់នាក់ ឬច្រើនជាងនេះ។ រីឯកសិករលក់ដី ក៏អាចលក់ដីមួយហិកតា ទៅទិញដីបានរាប់សិបហិកតា។

* សម្តេចតេជោ ថ្លែងថា ចក្ខុវិស័យដែលសម្តេចបានមើលឃើញកាលពី២០ឆ្នាំមុន បាននិងកំពុងក្លាយទៅជាការពិត។ សម្តេចនាយករដ្ឋមន្ត្រីថា ចក្ខុវិស័យវែងឆ្ងាយដែលសម្តេចបានដាក់ចេញ មិនមែនផ្តល់ផលប្រយោជន៍ទៅដល់រូបសម្តេចនោះទេ តែបានផ្តល់អត្ថប្រយោជន៍ជាច្រើន ដល់ប្រជាពលរដ្ឋជាពិសេសការលើកកម្ពស់ជីវភាពរបស់ពួកគាត់តែម្តង។

* សម្តេចនាយករដ្ឋមន្ត្រី ស្តីបន្ទោសឲ្យជំនួយការ រដ្ឋមន្ត្រី អភិបាលខេត្ត រឿងធ្វើរបាយការណ៍ជូនសម្តេចពេលចុះជួបជាមួយកម្មករ កម្មការិនី នៅក្នុងស្រុកសំរោងទង ខេត្តកំពង់ស្ពឺនាព្រឹកនេះ ដោយមិនបានបញ្ជាក់ឲ្យច្បាស់ពីភូមិ ឃុំ។ សម្តេចតេជោ បានចាត់ទុកថា កាយវិការនេះគឺជាការខ្ជិលច្រអូសមួយ។

* សម្តេចប្រមុខរាជរដ្ឋាភិបាលបានគូសបញ្ជាក់ថា កម្ពុជាមិនបានបែងចែកតំបន់ប្រាក់ឈ្នួលអប្បបរិមាដូចបណ្តាប្រទេសមួយចំនួននោះទេ ពោលធ្វើការក្នុងវិស័យរោងចក្រសហគ្រានានា គឺទទួលបានប្រាក់ឈ្នួលអប្បបរិមាដូចៗគ្នាទោះនៅទីក្រុង ឬនៅតាមទីជនបទក៏ដោយនោះ។

* សម្តេចតេជោ ហ៊ុន សែន បានរំលឹកថា ខេត្តកំពុងស្ពឺ ជាពិសេសតំបន់ឱរ៉ាល់ក៏ជាតំបន់ប្រយុទ្ធគ្នាដ៏ស្រួចស្រាវមួយផងដែរ ហើយទើបតែបានបញ្ចប់ទាំងស្រុងនៅក្នុងខែកុម្ភៈ ឆ្នាំ១៩៩៦ប៉ុណ្ណោះ...Read More

សម្តេចតេជោ ហ៊ុន សែន ផ្តល់ថវិកាបុរេប្រទានចំនួន៤.៦លានដុល្លារអាមេរិក សម្រាប់ដោះស្រាយជូនកម្មករជាង ៤ពាន់នាក់ ដែលថៅកែរត់ចោល!

FN ៖ ឆ្លើយតបនឹងសំណួរបស់ភ្នាក់ងារ Fresh News នារសៀលថ្ងៃទី២៧ ខែកុម្ភៈ ឆ្នាំ២០១៨ ពាក់ព័ន្ធនឹងអនុសាសន៍របស់សម្តេចតេជោនាយករដ្ឋមន្រ្តី ដែលបានណែនាំឱ្យ ក្រសួងការងារ និងបណ្តុះបណ្តាលវិជ្ជាជីវៈ និងស្ថាប័នពាក់ព័ន្ធដោះស្រាយជាបន្ទាន់ ចំពោះករណីរោងចក្របិទទ្វារ ដោយម្ចាស់រត់ចោលកម្មករនោះ លោក ហេង សួរ អ្នកនាំពាក្យនៃក្រសួងការងារ និងបណ្តុះបណ្តាលវិជ្ជាជីវៈ បានផ្តល់នូវចម្លើយប្រកបដោយក្តីរីករាយ នារសៀលថ្ងៃនេះថា សម្តេចតេជោនាយករដ្ឋមន្ត្រី ហ៊ុន សែន បានផ្តល់រួចហើយនូវ ថវិកាបុរេប្រទានប្រមាណ ៤.៦លានដុល្លារអាមេរិក សម្រាប់យកទៅទូទាត់ប្រាក់បៀវត្ស និងប្រាក់ផ្សេងៗ ជូនបងប្អូនកម្មករ និយោជិតចំនួនជាង ៤ពាន់នាក់ នៃរោងចក្រចំនួន៩ ដែលត្រូវ បិទទ្វារដោយម្ចាស់រត់ចោល។

លោក ហេង​ សួរ បានបញ្ជាក់ថា ចំពោះមុខលោករដ្ឋមន្រ្តី អ៉ិត សំហេង បានផ្តល់ការណែនាំដល់មន្ត្រីពាក់ព័ន្ធដើម្បីចុះទៅពិនិត្យគណនាទំហំទ្រព្យសម្បត្តិ និងត្រៀមទូទាត់ថវិកាជូនបងប្អូន កម្មករនិយោជិតចាប់ពីសប្តាហ៍ក្រោយនេះតទៅ។ ដូច្នេះសូមបងប្អូនកម្មករ និយោជិតនៃរោងចក្រទាំង៩ មានភាពហ្នឹងហ្នរ ហើយសូមជឿទុកចិត្តលើសម្តេចតេជោ ហ៊ុន សែន។ សម្តេចលោក បានចុះជាប់ជាមួយបងប្អូនកម្មករយើងដូច្នេះ លោកបានជ្រាបអំពីស្ថានភាពពិតរបស់បងប្អូនដូច្នេះ លោកនឹងមិនឱ្យបងប្អូនមានការព្រួយបារម្ភលើរឿងនេះទេ។

រាជរដ្ឋាភិបាលនឹងទទួលខុសត្រូវបំពេញបន្ថែមនូវថវិកា ដើម្បីដោះស្រាយ បន្ទុកបៀវត្ស និងអត្ថប្រយោជន៍ផ្សេងៗរបស់បងប្អូនកម្មករនិយោជិត ប្រសិនជាការលក់ឡៃឡុងទ្រព្យសម្បត្តិរោងចក្រ ដែលបិទទ្វារនោះមិនអាច ដោះស្រាយបានគ្រប់ចំនួន។

លោកហេង សួរ បានបន្ថែមថា ក្រៅពីការផ្តល់នូវថវិកាបុរេប្រទាននេះ រាជរដ្ឋាភិបាលក៏បានបង្កើតនូវយន្តការបន្ថែមដើម្បីទប់ស្កាត់ការរត់ចោលបែបនេះ និងបានកែសម្រួលយន្តការដោះស្រាយ ករណីរោងចក្របិទ្វារ ដោយម្ចាស់រត់ចោលនេះឱ្យកាន់តែលឿន និងមានប្រសិទ្ធភាពជាងមុន ជាពិសេសការដោះស្រាយក្តីកង្វល់របស់បងប្អូនកម្មករនិយោជិត ដែលធ្វើការនៅតាមរោងចក្រទាំងនោះ៕

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញបិទសន្និសីទជាតិស្ដីពី «កំណែទម្រង់វិមជ្ឈការ និងវិសហមជ្ឈការ មេរៀនបទពិសោធន៍ បញ្ហាប្រឈម និងចក្ខុវិស័យនៅអនាគត»

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅរសៀលថ្ងៃព្រហស្បតិ៍ ៨កើត ខែផល្គុន ឆ្នាំរកា ព.ស២៥៦១ ត្រូវនឹងថ្ងៃទី២២ ខែកុម្ភៈ ឆ្នាំ២០១៨នេះ បានអញ្ជើញជាអធិបតីបិទសន្និសីទជាតិស្តីពី «កំណែទម្រង់វិមជ្ឈការ និងវិសហមជ្ឈការ មេរៀនបទពិសោធន៍ បញ្ហាប្រឈម និងចក្ខុវិស័យនៅអនាគត»។

សន្និសីទជាតិនេះត្រូវបានបើកនៅថ្ងៃទី២១ ខែកុម្ភៈ ឆ្នាំ២០១៨ម្សិលមិញ ក្រោមអធិបតីសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធាន គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប)។ សន្និសីទជាតិដ៏មានសារៈសំខាន់មួយនេះ មានអ្នកចូលរួមជាង ២,៧០០នាក់ ដែលជាសមាជិក គ.ជ.អ.ប, រដ្ឋមន្ដ្រី ប្រធានស្ថាប័នពាក់ព័ន្ធ អគ្គនាយក នៃអគ្គនាយកដ្ឋានពាក់ព័ន្ធ ប្រធានក្រុមប្រឹក្សា អភិបាលរាជធានី ខេត្ត ក្រុង ស្រុក ខណ្ឌ និងមេឃុំ ចៅសង្កាត់។

ខាងក្រោមនេះជាប្រសាសន៍សំខាន់ៗរបស់សម្តេចតេជោ ហ៊ុន សែន៖

* សម្តេចថ្លែងថា ព្រមានធ្ងន់ៗ នឹងមិនផ្តល់ឱកាសសម្រាប់អាណត្តិទី៦ដល់រដ្ឋមន្រ្តីណា ដែលមិនបានគិតគូរផលប្រយោជន៍ប្រជាជននៅមូលដ្ឋាន និងអោបក្រសោបការងារតែខ្លួនឯង។

* សម្តេចនាយករដ្ឋមន្ត្រី បានស្តីបន្ទោសដល់អភិបាលខេត្តមួយរូប ដែលមិនហ៊ានចាត់ការលើក្រុមហ៊ុនឯកជនមួយរំលោភច្បាប់ បែរជារង់ចាំអនុសាសន៍ពីសម្តេចទៅវិញ។ សម្តេចបានបញ្ជាក់ថា ហេតុអ្វីបានជាច្បាប់មានទៅហើយ បែរជាអភិបាលខេត្តមិនហ៊ានអនុវត្តន៍ទៅវិញ។ សម្តេចចាត់ទុកនេះជាកម្សោយរបស់អភិបាលខេត្តក្នុងការអនុវត្តន៍ច្បាប់។

* សម្តេចតេជោ ហ៊ុន សែន បានថ្លែងតាស់តឿនដល់អភិបាលរាជធានី-ខេត្តទាំងអស់ មិនត្រូវយកលុយគម្រោងអភិវឌ្ឍន៍ទៅទិញរថយន្តជិះនោះឡើយ។

* សម្តេចនាយករដ្ឋមន្ត្រីបានថ្លែងប្រតិកម្មខ្លាំងៗចំពោះគម្រោងបូមខ្សាច់ដាក់សមុទ្រ ដើម្បីបង្កើតទៅជាទីក្រុង ដែលផ្សាយតាមព័ត៌មាននានា។ សម្តេចបញ្ជាឲ្យអភិបាលខេត្តកោះកុង ក្រសួងរៀបចំដែនដី និងក្រសួងបរិស្ថាន ត្រូវឆ្លើយតបលើបញ្ហានេះ។

* សម្តេចតេជោ ហ៊ុន សែន បានបញ្ជាក់ថា មិនមែនផ្តល់តួនាទី និងផ្តល់ផ្កាយ ដើម្បីតែលំអរទីក្រុង តែត្រូវទទួលខុសត្រូវលើការងារភារកិច្ចរបស់ខ្លួនជាចាំបាច់...Read More

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជួបសំណេះសំណាល ជាមួយកម្មករ១៥រោងចក្រ នៅតំបន់វត្តទឹកថ្លា នាព្រឹកថ្ងៃនេះ

FN ៖ នៅព្រឹកថ្ងៃទី២១ ខែកុម្ភៈ ឆ្នាំ២០១៨នេះសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា អញ្ជើញជួបសំណេះសំណាលជាមួយកម្មករ១៥រោងចក្រ នៅតំបន់វត្តទឹកថ្លា រាជធានីភ្នំពេញ។

ខាងក្រោមនេះជាប្រសាសន៍របស់សម្តេចតេជោ ហ៊ុន សែន៖

* សម្តេចតេជោ ហ៊ុន សែន ស្នើឲ្យកម្មករ កម្មការិនី ទៅវាលព្រះមេរុ ទៅចូលរួមត្បាញក្រមាវែងជាងគេ ដើម្បីបង្ហាញពីការរួបរួមកម្លាំងរបស់ពលរដ្ឋខ្មែរក្នុងការបំបែកឯតទគ្គកម្មនេះ, សម្តេចនាយករដ្ឋមន្ត្រីក៏បានប្រកាសថា នឹងរកពេលទៅចូលរួមត្បាញក្រមានេះផងដែរ។

* សម្តេចតេជោ ហ៊ុន សែន បានថ្លែងថា ការត្បាញក្រមាវែងជាងគេដែលមានប្រវែងរហូតដល់ ១ពាន់ម៉ែត្រនេះ គឺជាព្រឹត្តិការណ៍បង្ហាញការរួបរួមកម្លាំងក្នុងសង្គមខ្មែរ ដើម្បីសម្រេចលទ្ធផលរួម,

* សម្តេចតេជោ ហ៊ុន សែន បានថ្លែងថា ការជួបសំណេះសំណាលជាមួយកម្មករ កម្មការិនី បានក្លាយទៅជាការញៀនសម្រាប់សម្តេចទៅហើយ ពោលបើសប្តាហ៍ណាមិនបានជួបជាមួយកម្មករ កម្មការិនី សម្តេចមានអារម្មណ៍នឹករលឹកទៅដល់ពួកគេ ជាពិសេសកម្មការិនីមានផ្ទៃពោះ។

* សម្តេចតេជោ ហ៊ុន សែន បានថ្លែងថា ក្នុងតំណែងជានាយករដ្ឋមន្ត្រីរយៈ៣១ឆ្នាំមកនេះ បានហែលឆ្លងឧបសគ្គ និងរែកនូវអម្រែកដ៏ធ្ងន់ធ្ងរ ពោលមិនខុសពីការរែកភ្នំឡើងជិះលើ ក្បូន ឬស្សីនោះទេ។ សម្តេចនាយករដ្ឋមន្ត្រីថា សមិទ្ធផលនេះ មិនមែនជាកិច្ចខិតខំប្រឹងប្រែងរបស់សម្តេចតែម្នាក់ឯងនោះទេ គឺមានជាការចូលរួមពីថ្នាក់ដឹកនាំគណបក្សប្រជាជនកម្ពុជា និងប្រជាពលរដ្ឋខ្មែរទាំងមូល។

* សម្តេចនាយករដ្ឋមន្ត្រីបានរំលឹកដល់កម្មករ កម្មការិនីថា ការប្រឹងប្រែងរួមគ្នារវាងសម្តេច ថ្នាក់ដឹកនាំគណបក្សប្រជាជនកម្ពុជា និងប្រជាពលរដ្ឋទូទាំងប្រទេសក្នុងការរំដោះជាតិ ទប់ស្កាត់ការប៉ុនប៉ងវិលត្រឡប់របស់របបខ្មែរក្រហម ប្រឹងប្រែងស្វែងរកសុខសន្តិភាព គឺជាឱកាសមាសសម្រាប់ការអភិវឌ្ឍជាតិ និងលើកកម្ពស់ជីវភាពរបស់ប្រជាពលរដ្ឋនាពេលបច្ចុប្បន្ន។

* សម្តេចតេជោ ហ៊ុន សែន បានប្រាប់កម្មករ កម្មការិនីថា សមិទ្ធផលដែលកម្ពុជាកំពុងមានមិនមែនបានមកពីទេវតាប្រទាន ឬកិច្ចខិតខំរបស់បក្សប្រឆាំង ដែលគាំទ្រខ្មែរក្រហមនោះឡើយ។

* សម្តេចតេជោ បានប្រាប់កម្មករ កម្មការិនីថា បើចង់ដឹងថា អតីតកម្ពុជាវាលំបាកដល់កម្រិតណានោះសូមទៅសួរឪពុកម្តាយ និងជីដូនជីតា ដែលធ្លាប់បានឆ្លងកាត់។

* សម្តេចតេជោ...Read More

កម្ពុជា-កូរ៉េខាងត្បូង ប្តេជ្ញាពង្រឹង និងពង្រីកបន្ថែមទៀត នូវទំនាក់ទំនងទ្វេរភាគី លើវិស័យវិនិយោគ ពាណិជ្ជកម្ម និងទេសចរណ៍

FN ៖ រដ្ឋាភិបាលកម្ពុជា និងកូរ៉េខាងត្បូង បានប្តេជ្ញាពង្រឹង និងពង្រីកបន្ថែមទៀត នូវទំនាក់ទំនងទ្វេរភាគី ជាពិសេសលើវិស័យវិនិយោគ ពាណិជ្ជកម្ម និងទេសចរណ៍។ ការប្តេជ្ញាបន្ថែមនេះ បានធ្វើឡើង ក្នុងជំនួបរវាង សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា លោក អូ ណាក់យ៉ុង (Oh Nak-young) ឯកអគ្គរដ្ឋទូតថ្មី នៃសាធារណរដ្ឋកូរ៉េប្រចាំកម្ពុជា នៅវិមានសន្តិភាព នាព្រឹកថ្ងៃទី១៩ ខែកុម្ភៈ ឆ្នាំ២០១៨នេះ ។

លោក អ៊ាង សុផល្លែត ជំនួយការផ្ទាល់សម្តេចតេជោ បានអះអាងបន្ថែមទៀតប្រាប់ដល់អ្នកសារព័ត៌មាន នៅក្រោយជំនួបខាងលើថា នៅក្នុងជំនួបនេះ លោក អូ បានផ្តាំផ្ញើរការសួរសុខទុក្ខ ពីប្រធានាធិបតីកូរ៉េ ជូនសម្តេចតេជោ ហើយ​លោកបានមានប្រសាសន៍ថា លោកធ្លាប់បានធ្វើការក្នុងប្រទេសកម្ពុជា កាលពីឆ្នាំ២០០៣ ហើយរហូតមកដល់ពេលនេះ លោកបានមើលឃើញប្រទេសកម្ពុជា មានការផ្លាស់ប្តូរយ៉ាងច្រើន ទាំងវិស័យសេដ្ឋកិច្ច ពាណិជ្ជកម្ម និងវិនិយោគ ដែលទាំងនោះសុទ្ធសឹង ជាការរីចម្រើនគួរអោយកត់សំគាល់ ស្របពេលដែលកម្ពុជា កំពុងមានសុខសន្តិភាព ស្ថេរភាពយ៉ាងពេញលេញ។

លោក Oh Nak-young ក៏បានជម្រាបជូន សម្តេចតេជោ ផងដែរថា បេសកកម្មលោក មកកាន់កម្ពុជា នាពេលនេះ គឺដើម្បីពង្រីក និងពង្រឹងទំនាក់ទំនង រវាងប្រទេសទាំងពីរ កសាងលើមូលដ្ឋានទំនាក់ទំនង ដែលមានស្រាប់ ធ្វើយ៉ាងណាក្តាប់ឲ្យបាន នូវសក្តានុពលទាំងឡាយ នៅក្នុងព្រះរាជាណាចក្រកម្ពុជា ដើម្បីជម្រុញទំនាក់ទំនងលើគ្រប់វិស័យ។ ជាងនេះដែរ លោក ក៏បានជម្រាបជូន សម្តេចតេជោអំពីនយោបាយ ឆ្ពោះទៅកាន់ទិសខាងត្បូង របស់កូរ៉េ​នោះ គឺសុទ្ធសឹងតែគោលនយោបាយ ក្នុងការពង្រីកទំនាក់ទំនង ជាមួយប្រទេសក្នុងតំបន់អាស៊ាន, ទំនាក់ទំនងទ្វេរភាគី, ក្របខណ្ឌមេគង្គ...Read More

ឱកាសបុណ្យចូលឆ្នាំចិន សម្តេចតេជោ ហ៊ុន សែន ជូនពរជនរួមជាតិ និងបងប្អូនខ្មែរជាប់សែស្រឡាយចិន មានសេចក្តីសុខ សុភមង្គល មានលាភសំណាងលុយកាក់ហូរចូលគ្រប់ក្រុមគ្រួសារ

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី១៥ ខែកុម្ភៈ ឆ្នាំ២០១៨នេះ ដែលជាថ្ងៃសែនចូលឆ្នាំចិន បានផ្ញើសារតាមរយៈ Facebook របស់សម្តេច ដោយជូនពរដល់ជនរួមជាតិ និងបងប្អូនខ្មែរជាប់សែស្រឡាយចិន សូមប្រកបតែសេចក្តីសុខ សុភមង្គល និងមានលាភសំណាងលុយកាក់ហូរចូលគ្រប់ៗក្រុមគ្រួសារ។

លើសពីនេះ សម្តេចតេជោ ហ៊ុន សែន ក៏បានអំពាវនាវឲ្យបងប្អូនប្រជាពលរដ្ឋ ប្រុងប្រយ័ត្នចំពោះអគ្គិភ័យ ដែលអាចបណ្តាលមកពីការដុតធូបទៀន ក្នុងឱកាសពិធីបុណ្យនេះ និងអំពាវនាដល់ប្រជាពលរដ្ឋ ធ្វើដំណើរកម្សាន្តតាមទីជិតឆ្ងាយ សូមគោរពច្បាប់ចរាចរណ៍ និងមានសុខសុវត្ថិភាពគ្រប់ក្រុមគ្រួសារ។

សម្តេចតេជោនាយករដ្ឋមន្ត្រីបាន សរសេរក្នុង Facebook របស់សម្តេចយ៉ាងដូច្នេះថា «នៅក្នុងឱកាសនៃពិធីបុណ្យចូលឆ្នាំចិននេះ ខ្ញុំនិងភរិយាសូមជូនពរដល់បងប្អូនខ្មែរ កាត់ចិនទាំងអស់ និងជនរួមជាតិដែលចូលរួមអបអរសាទរ ពិធីបុណ្យចូលឆ្នាំប្រពៃណីចិន សូមប្រកបតែសេចក្តីសុខ សុភមង្គល ព្រមទាំងមានលាភសំណាងលុយកាក់ហូរចូលគ្រប់ៗក្រុមគ្រួសារកុំបីខាន។

នៅក្នុងថ្ងៃសែននេះ សូមបងប្អូនប្រុងប្រយ័ត្នភ្លើងអគ្គិភ័យ ដែលអាចបណ្តាលមកពីការដុតធូបទៀនមិនបានប្រុងប្រយ័ត្ន។ សូមបងប្អូនធ្វើដំណើរកំសាន្ត ជិតឆ្ងាយមានសុខសុវត្ថិភាព និងបានសប្បាយជួបជុំក្រុមគ្រួសារកុំបីខានឡើយ»។

សូមជម្រាបថា បុណ្យចូលឆ្នាំប្រពៃណីចិន គឺជាបុណដ៏សំខាន់មួយ របស់បងប្អូនជនជាតិចិន ឬបងប្អូនជនជាតិខ្មែរ ដែលជាប់សែស្រឡាយចិន។ នៅឆ្នាំ២០១៨នេះ បុណ្យនេះត្រូវប្រារព្ធឡើងរយៈពេល៣ថ្ងៃ ចាប់ពីថ្ងៃ២កើត, ៣កើត និង៤កើត ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៦, ១៧ និង១៨ ខែកុម្ភៈ ឆ្នាំ២០១៨ ហើយពិធីសែនព្រេន ត្រូវប្រារព្ធឡើងនៅថ្ងៃ១កើត ខែផល្គុន ត្រូវនឹងថ្ងៃទី១៥ ខែកុម្ភៈ ឆ្នាំ២០១៨នេះ៕