វិធានការជាក់ស្តែងជាអាទិភាព ដែលរាជរដ្ឋាភិបាល ដឹកនាំដោយគណបក្សប្រជាជនកម្ពុជា និង សម្តេចតេជោ ហ៊ុន សែន នឹងជំរុញអនុវត្ត ក្នុងឆ្នាំ ២០១៩ ក្រោយពីទទួលបានជ័យជម្នះ នៅក្នុងការបោះឆ្នោត ថ្ងៃទី ២៩ ខែ កក្កដា ឆ្នាំ ២០១៨

បើឈ្នះឆ្នោត នាថ្ងៃទី ២៩ កក្កដា ខាងមុខនេះ រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា និងដោយមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី នឹងជំរុញអនុវត្តនូវបណ្តាវិធានការជាក់ស្តែងជាឤទិភាព ដូចខាងក្រោម ៖

១·រៀបចំឱ្យបើកប្រាក់ឈ្នួលការងារប្រចាំខែ ជូនកម្មករ-និយោជិត ក្នុងរយៈពេល ២ សប្តាហ៍ម្តង ចាប់ពី ឆ្នាំ ២០១៩ ទៅ ដើម្បីធានាឱ្យកម្មករ-និយោជិតយើងទាំងអស់គ្នា ទទួលបាននូវប្រាក់ឈ្នួលពលកម្ម ដែលនឹងត្រូវបានបន្តបង្កើនឡើងជាបន្តបន្ទាប់ក្នុងកម្រិតសមរម្យផង ព្រមទាំងបើកប្រាក់ឈ្នួលពលកម្មនេះបានជាប្រចាំ និងដោយទៀងទាត់ ហើយទាន់ពេល សម្រាប់បម្រើសេចក្តីត្រូវការក្នុងការផ្គត់ផ្គង់ជីវភាពរបស់ខ្លួនផង។ នេះគឺជាការយកចិត្តទុកដាក់បន្ថែមពីលើការផ្តល់កិច្ចគាំពារសង្គម ពីសំណាក់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ដល់កម្មករ-និយោជិត ក្នុងពេលកន្លងមកថ្មីៗនេះ រួមមាន៖ ការកំណត់ផ្តល់ជូននូវរបបថែទាំសុខភាពដល់កម្មករ ដោយនិយោជកជាអ្នកបង់ថ្លៃជួស, ការផ្តល់នូវរបបឧបត្ថម្ភមាតុភាពសម្រាប់ការកើតបានកូនមួយ ចំនួន ៤០ ម៉ឺនរៀល, កើតបានកូនភ្លោះពីរ ចំនួន ៨០ ម៉ឺនរៀល និងការអនុញ្ញាតឈប់លំហែមាតុភាពរយៈពេល ៣ ខែ ដោយទទួលបានប្រាក់ឈ្មួលពលកម្ម ១២០% ជាដើម។

២·រៀបចំបើកប្រាក់បៀវត្សជូនមន្ត្រីរាជការស៊ីវិល និងកងកម្លាំងប្រដាប់ឤវុធគ្រប់ប្រភេទ ព្រមទាំងប្រាក់សោធនជូននិវត្តជន និងអតីតយុទ្ធជន តាមប្រព័ន្ធធនាគារ ក្នុងរយៈពេល ២ សប្តាហ៍ម្តង សំដៅធានាឱ្យមន្ត្រីរាជការគ្រប់ប្រភេទ ព្រមទាំងនិវត្តជន និងអតីតយុទ្ធជន ទទួលបាននូវប្រាក់បៀតវត្ស និងប្រាក់សោធន ដែលនឹងត្រូវបានបន្តបង្កើនឡើងជាលំដាប់នោះ ប្រកបដោយតម្លាភាព គ្រប់ចំនួន ទៀងទាត់ និងទាន់ពេល។ ការបើកបៀវត្ស និងប្រាក់សោធន ក្នុងរយៈពេល ២ សប្តាហ៍ម្តងនេះ នឹងត្រូវបានអនុវត្តសម្រាប់មន្ត្រីរាជការស៊ីវិល ព្រមទាំងសម្រាប់និវត្តជន និងអតីតយុទ្ធជនជាមុន ដោយចាប់ផ្តើមនៅក្នុងឆ្នាំ ២០១៩ ខាងមុខ។ ដោយឡែក ចំពោះកងកម្លាំងប្រដាប់ឤវុធគ្រប់ប្រភេទ យើងនឹងរៀបចំធ្វើការសិក្សា ហើយដាក់ឱ្យអនុវត្តជាបន្តបន្ទាប់ទៅទៀត ដោយសារលក្ខណៈពិសេសនៃទីកន្លែងការងារដាច់ស្រយាលរបស់កងកម្លាំងប្រដាប់ឤវុធ ដែលមិនទាន់មានសេវាធនាគារទៅដល់គ្រប់គ្រាន់នៅឡើយ។

៣·អនុវត្តនូវកម្មវិធីកាត់បន្ថយថ្លៃអគ្គិសនី សម្រាប់អ្នកប្រើប្រាស់គ្រប់ប្រភេទនៅទូទាំងប្រទេស សម្រាប់ ឆ្នាំ ២០១៩ និង ២០២០ តាមគោលដៅដូចខាងក្រោម៖

កំណត់សម្គាល់ : «ភព» មានន័យថា ភ្នំពេញ, “kwh” មានន័យថា គីឡូវ៉ាត់ម៉ោង, ថ្លៃជារៀលនៅក្នុងវង់ក្រចក គឺជា

ថ្លៃគណនាពីអត្រាថ្លៃគោល តាមអត្រាប្តូរប្រាក់ ១ ដុល្លារ ស្មើនឹង ៤១០០ រៀល ។

៤·រៀបចំដាក់ឱ្យអនុវត្តនូវកម្មវិធីជាឤទិភាពមួយចំនួន នៅក្នុងក្របខ័ណ្ឌនៃឯកសារ «ក្របខណ្ឌគោលនយោបាយជាតិគាំពារសង្គម ឆ្នាំ ២០១៦-២០២៥» ដូចខាងក្រោម ៖

ទី១-ដាក់ឱ្យអនុវត្ត ចាប់ពីពាក់កណ្តាលឆ្នាំ ២០១៩ ទៅ នូវកម្មវិធីឧបត្ថម្ភស្ត្រីមានផ្ទៃពោះ និងកុមារឤយុ ក្រោម ២ ឆ្នាំ នៃគ្រួសារក្រីក្រ ដែលការឧបត្ថម្ភនេះនឹងធ្វើឡើងជា ៣ ដំណាក់កាល គឺ ៖

• ដំណាក់កាលទី ១ : ឧបត្ថម្ភ ៤ លើក ក្នុងមួយលើក ៤ ម៉ឺនរៀល នៅពេលស្ត្រីមានផ្ទៃពោះទៅទទួលយកសេវាពិនិត្យផ្ទៃពោះនៅមូលដ្ឋានសុខាភិបាលរបស់រដ្ឋ ។
• ដំណាក់កាលទី ២ : ឧបត្ថម្ភ ២០ ម៉ឺនរៀល នៅពេលស្ត្រីសម្រាលកូននៅមូលដ្ឋានសុខាភិបាលរបស់រដ្ឋ។
• ដំណាក់កាលទី ៣ : ឧបត្ថម្ភ ១០ លើក ក្នុង ១ លើក ៤ ម៉ឺនរៀល នៅពេលស្ត្រីជាម្តាយ នាំ ទារក ទៅទទួលថ្នាំបង្កា ឬសេវាគាំពារ រហូតដល់កុមារមានឤយុ ២ ឆ្នាំ ។

ទី២-ដាក់ឱ្យអនុវត្ត នៅក្នុងឆ្នាំ ២០១៩ នូវរបបហានិភ័យការងារសម្រាប់មន្ត្រីសាធារណៈ។ និង

ទី៣-ដាក់ឱ្យអនុវត្ត នៅក្នុងឆ្នាំ ២០១៩ នូវរបបសោធនសម្រាប់កម្មករ-និយោជិត។