Speech given by the Prime Minister on national and international occasions, review conference, etc. in English and in Khmer

សេចក្ដីដកស្រង់ ការថ្លែងការណ៍ ក្នុងឱកាសទទួលស្វាគមន៍អ្នកដំណើរ នៃនាវាទេសចរណ៍Westerdam នៅឯកំពង់ផែក្រុងព្រះសីហនុ

សុន្ទរកថា-ការអធិប្បាយ

ដោយសារតែកម្ពុជាមានសន្តិភាព ទើបខ្ញុំហ៊ានសម្រេចចិត្តទទួលយកនាវាទេសចរណ៍ដ៏ធំ ដែលគ្មានកន្លែងចូលចត ឲ្យមកចូលចតនៅកំពង់ផែក្រុងព្រះសីហនុ ដើម្បីជួយដល់អ្នកដែលស្ថិតនៅលើនាវាអស់រយៈពេល ១៣ ថ្ងៃមកហើយ ឲ្យបានវិលត្រឡប់ទៅប្រទេសពួកគេវិញដោយសុវត្ថិភាព។

ព្រឹកស្អែក ថ្ងៃ ១៤ កុម្ភៈ ២០២០ ខ្ញុំនឹងទៅស្វាគមន៍ពួកគេនៅខេត្តព្រះសីហនុក្នុងឋានៈជាម្ចាស់ផ្ទះដែលមានសាមគ្គីភាព និងការទទួលខុសត្រូវ។

សុំអរគុណអង្គការសុខភាពពិភពលោក និងប្រទេសនានាដែលមានពលរដ្ឋខ្លួនស្ថិតនៅលើនាវា ដែលបានផ្តល់នូវការជឿទុកចិត្តដល់កម្ពុជា។

ជួយគ្នាក្នុងគ្រាក្រ, ស្គាល់មិត្តល្អក្នុងពេលលំបាក, អរគុណសន្តិភាព!

សម្តេចតេជោ ហ៊ុន សែន, ហ្វេសប៊ុកផេច, ១៣ កុម្ភ: ២០២០

សេចក្តីដកស្រង់ប្រសាសន៍ សង្កថាបើកការដ្ឋានធ្វើឱ្យប្រសើរឡើងវិញនូវផ្លូវជាតិលេខ ២ និងផ្លូវជាតិលេខ ២២ ប្រវែងជាង ៧២ គីឡូម៉ែត្រ

សុន្ទរកថា-ការអធិប្បាយ

• … ឆ្នាំ ១៩៨៧ គឺ ៣៣ ឆ្នាំមុន ខ្ញុំបានប្រកាសអំពីអាទិភាព ៤ យ៉ាង ដែលកម្ពុជាត្រូវផ្ដល់អាទិភាពសម្រាប់ការវិនិយោគ នោះគឺលើកឡើងអំពី ទឹក ផ្លូវ ភ្លើង មនុស្ស […] ឆ្នាំ ២០១៣ រហូតមកដល់ពេលនេះ យើងបានផ្លាស់ប្ដូរ ដោយយកការបណ្ដុះបណ្ដាលធនធានមនុស្ស ទៅជាអាទិភាពទីមួយ […] គោលដៅទាំង ៤ នេះ ត្រូវក្នុងរយៈពេល ៣៣ ឆ្នាំរួចមកហើយៗខ្ញុំគិតថា នឹងត្រូវរយៈពេល ៣០ ឆ្នាំ ឬ ១០០ ឆ្នាំ ខាងមុខថែមទៀតផង […]

• … បើយោងទៅលើការសិក្សា ស្ពាន(ជ្រោយចង្វា-ស្វាយជ្រំ) នេះ មានតម្លៃប្រហែលជា ៤០-៥០ លានដុល្លារ (សហរដ្ឋអាមេរិក) […] បើគិតពីកញ្ចប់ថវិកា ដែលកូរ៉េត្រៀមឱ្យយើង ២០១៩-២០២៣ ដល់ទៅ ៧០០ លានដុល្លារ (សហរដ្ឋអាមេរិក) ឯណោះ […] ហ្នឹងគិតតាមមួយបែប […]

• … អភិបាលខេត្តព្រះសីហនុ គួច ចំរើន បានធ្វើរបាយការណ៍មានកប៉ាល់ទេសចរណ៍ចូលមកនៅខេត្តព្រះសីហនុ និងមានមួយករណីជនជាតិហូឡង់ មិនមែនជនជាតិចិនទេក្តៅខ្លួន […] យើងកំពុងរង់ចាំលទ្ធផលការធ្វើពិសោធន៍ដើម្បីបញ្ជាក់ថាជាជំងឺកូរ៉ូណា ឬអត់? បើមានជនជាតិហូឡង់ម្នាក់នេះ ត្រូវតែនៅព្យាបាលនៅក្នុងប្រទេស កម្ពុជារហូតដល់ជា […]

• … ប្រសិនបើប៉ុន្មានអាទិត្យខាងមុខនេះ រោងចក្រខ្លះដែលនាំវត្ថុធាតុដើមពីចិនមកកម្ពុជាមិនរួច មិនមែនកម្ពុជាបិទទេ ដោយសារពីខាងប្រទេសចិនផ្គត់ផ្គង់មកមិនទាន់ពេល សុំកុំចោទថា រឿងហ្នឹងជាទណ្ឌកម្មសេដ្ឋកិច្ចពីគណៈកម្មការអឺរ៉ុប។ ព្រោះបើសិនជាដក ឬមិនដក […] ដល់ខែ ៨ បានចាប់ផ្តើម […]

• … បើថ្ងៃ ១៤ ខែ មីនា ២០២០ ខាងមុខនេះ (មាន)ការប្រជុំអាស៊ាន-អាមេរិក នៅ Las Vegas ខ្ញុំសូមផ្ដាំទៅប្រជាពលរដ្ឋខ្មែរនៅអាមេរិកថា ខ្ញុំនឹងទៅដល់ Las Vegas នៅថ្ងៃទី ១២ ខែ មីនា។ ថ្ងៃទី ១៣ អាចមានលទ្ធភាពវាយកូនហ្គោលនៅ Las Vegas […] ថ្ងៃ ១៤ ប្រជុំ ថ្ងៃ ១៥ ជួបពលរដ្ឋខ្មែរ ថ្ងៃ ១៦ បានខ្ញុំចាកចេញ។ ពេលនោះ ខ្ញុំក៏នឹងជួបប្រជុំជាមួយប្រធានាធិបតីអាមេរិក Donald Trump […]

សម្ដេចតេជោ ហ៊ុន សែន, បើកការដ្ឋានធ្វើឱ្យប្រសើរឡើងវិញនូវផ្លូវជាតិលេខ ២ និង ២២, ១១ កុម្ភៈ ២០២០

លោក លី ខឺឈាង ប្រាប់នាយករដ្ឋមន្រ្តីកម្ពុជាថា ចិននឹងធ្វើគ្រប់បែបយ៉ាងដើម្បីឲ្យពលរដ្ឋរស់នៅទីនោះ កុំភ័យខ្លាចនឹងវីរុសកូរ៉ូណា

សុន្ទរកថា-ការអធិប្បាយ

FN ៖ នាយករដ្ឋមន្ដ្រីចិន លោក លី ខឺឈាង បានបញ្ជាក់ប្រាប់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងជំនួបនៅល្ងាចថ្ងៃទី០៥ ខែកុម្ភៈ ឆ្នាំ២០២០នេះថា រដ្ឋាភិបាលចិន នឹងធ្វើគ្រប់មធ្យោបាយទាំងអស់ ដើម្បីឲ្យប្រជាពលរដ្ឋរស់នៅក្នុងប្រទេសចិន កុំឲ្យមានភាពភ័យខ្លាចនឹងជំងឺ ដែលបង្កឡើងដោយវីរុសកូរ៉ូណា។ លោក លី ខឺឈាង បានបញ្ជាក់ថា រដ្ឋាភិបាលចិន និងប្រជាជនចិនកំពុងតែប្រយុទ្ធប្រឆាំងជាមួយនឹងជំងឺវីរុសកូរ៉ូណា។ តាមរយៈដំណើរទស្សនកិច្ច របស់សម្ដេចតេជោ ហ៊ុន សែន នៅប្រទេសចិននៅពេលនេះគឺបង្ហាញពីការគាំទ្រដ៏ខ្លាំងក្លាចំពោះប្រទេសចិនក្នុងគ្រាលំបាក។ ជាមេដឹកនាំលើលោកលើកទីមួយ ដែលធ្វើដំណើរទៅប្រទេសចិន គ្រាដែលផ្ទុះវីរុសកូរ៉ូណា សម្ដេចតេជោ ហ៊ុន សែន បានប្រាប់នាយករដ្ឋមន្ដ្រីចិនថា អ្វីដែលសំខាន់មិនមែន ដោយសារវីរុសកូរ៉ូណាទេ ប៉ុន្តែគឺជាការភ័យខ្លាចរបស់ប្រជាពលរដ្ឋ។ សម្ដេចតេជោនាយករដ្ឋមន្ដ្រី បានចាត់ទុកថា បញ្ហាជំងឺកូរ៉ូណានេះគឺជាសង្គ្រាមចិត្តសាស្រ្ត ដែលកំពុងធ្វើឲ្យប្រជាពលរដ្ឋភ័យខ្លាច ហើយមានមតិខ្លះចោទប្រកាន់ថា រាជរដ្ឋាភិបាលថា បានដោះដូរអាយុជីវិតរបស់ប្រជាពលរដ្ឋកម្ពុជាជាមួយទំនាក់ទំនងកម្ពុជាចិនទៅវិញ។ យ៉ាងណាមិញ លោក លី ខឺឈាង បានអះអាងដែរថា បច្ចុប្បន្ននេះរដ្ឋាភិបាល និងប្រជាពលរដ្ឋចិន កំពុងតែប្រយុទ្ធប្រឆាំងជាមួយនឹងរូបថ្មី ហើយសង្ឃឹមជឿជាក់ថា…