FN ៖ នៅព្រឹកថ្ងៃទី១៣ ខែមីនា ឆ្នាំ២០១៧នេះ តុលាការកំពូល នឹងប្រកាសសាលដីកា លើបណ្តឹងសុំនៅក្រៅឃុំរបស់ មន្រ្តីអាដហុក និងគ.ជ.ប ទាំង៥នាក់។ មន្រ្តីអាដហុក និង គ.ជ.ប ទាំងនោះរួមមាន ១-លោក នី សុខា ២-លោក ណៃ វង់ដា ៣-លោក យី សុខសាន្ត ៤-លោក លឹម មុន្នី ៥-លោក នី ចរិយា ដែលត្រូវបានតុលាការឃុំខ្លួន ពាក់ព័ន្ធនឹងសំណុំរឿងសូកប៉ាន់សាក្សី និងសមគំនិតសូកប៉ាន់សាក្សីក្នុងរឿងសញ្ចារកម្ម កាលពីឆ្នាំមុន៕
FN ៖ គណៈកម្មការចម្រុះកម្ពុជា-វៀតណាម នៅព្រឹកថ្ងៃទី១៣ ខែមីនា ឆ្នាំ២០១៧នេះ បានបើកកិច្ចប្រជុំលើកទី១៥ ដើម្បីពិភាក្សាពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្រ្ត និងបច្ចេកទេស។ កិច្ចប្រជុំធ្វើឡើងនៅទីស្តីការក្រសួងការបរទេសកម្ពុជា ដោយភាគីកម្ពុជា ដឹកនាំដោយលោក អ៊ុង ស៊ាន រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ រីឯភាគីវៀតណាម ដឹកនាំដោយលោក DANG Dinh Quy អនុរដ្ឋមន្រ្តីការបរទេសវៀតណាម។ បើតាមការជូនដំណឹងរបស់ក្រសួងការបរទេសកម្ពុជា បានឲ្យដឹងថា ក្រៅការប្រជុំកម្រិតឧត្តមមន្រ្តីនាថ្ងៃទី១៣ ខែមីនា នេះ នៅថ្ងៃទី១៥ ខែមីនា ឆ្នាំ២០១៧ខាងមុខ លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងកិច្ចសហប្រតិបត្តិការអន្តរជាតិ និងឧបនាយករដ្ឋមន្រ្តី ផាម ប៊ិញ មិញ រដ្ឋមន្រ្តីការបរទេសវៀតណាម នឹងដឹកនាំកិច្ចប្រជុំគណៈកម្មកាចម្រុះកម្ពុជា-វៀតណាមលើកទី១៥នេះ។ នៅចុងបញ្ចប់នៃកិច្ចប្រជុំរដ្ឋមន្រ្តីក្រសួងការបរទេសនៃប្រទេសទាំងពីរ នឹងចុះហត្ថលេខាលើកំណត់ហេតុ នៃកិច្ចប្រជុំផងដែរ។ ក្រសួងការបរទេសកម្ពុជា បានឲ្យដឹងដែរថា ក្រៅពីការបើកកិច្ចប្រជុំគណៈកម្មការកម្ពុជា-វៀតណាម ប្រទេសដែលមានភូមិរបងជាប់គ្នានេះ ក៏នឹងមានកិច្ចប្រជុំដាច់ដោយឡែកមួយទៀត គឺកិច្ចប្រជុំលើកទី៩ ស្តីពីកិច្ចសហប្រតិបត្តិការ និងការអភិវឌ្ឍន៍រវាងបណ្តាប្រទេសជាប់ព្រំដែនកម្ពុជា-វៀតណាម។ កិច្ចប្រជុំនេះ…
FN ៖ នាយឧត្តមសេនីយ៍ សៅ សុខា មេបញ្ជាការអាវុធហត្ថលើផ្ទៃប្រទេស និងប្រធានគណៈកម្មការជាតិ ទប់ស្កាត់ និងបង្ក្រាបបទល្មើសធនធានធម្មជាតិ បានបញ្ជាឲ្យតាមចាប់ខ្លួនលោក ស៊ី ស ត្រូវជាកូនប្រសារបស់លោក ឆេង ឡុង នាយរងសេនាធិការអាវុធហត្ថ ខេត្តកំពង់ស្ពឺ ក្រោយរកឃើញថា មានការពាក់ព័ន្ធបទល្មើសព្រៃឈើ។ ជាមួយគ្នានេះ លោក ឆេង ឡុង ក៏ត្រូវបានមន្រ្តីជំនាញហៅមកសួរនាំផងដែរ បន្ទាប់ពីកម្លាំងអាវុធហត្ថចុះទៅបង្ក្រាបការដឹកជញ្ជូន និងទីតាំងស្តុកឈើ នៅជាប់ផ្ទះវីឡារបស់លោក ដែលជារបស់កូនប្រសា។ លោកឧត្តមសេនីយ៍ត្រី អេង ហ៊ី អ្នកនាំពាក្យអាវុធហត្ថលើផ្ទៃប្រទេស បានប្រាប់អង្គភាព Fresh News នៅព្រឹកថ្ងៃទី១៣ ខែមីនា ឆ្នាំ២០១៧នេះថា បន្ទាប់ពីមានការសួរនាំទៅ លោក ឆេង ឡុង មិនទាន់រកឃើញថា មានការជាប់ពាក់ព័ន្ធការរកស៊ីឈើនោះទេ ប៉ុន្តែជាកូនប្រសារបស់លោកទៅវិញទេ មានឈ្មោះស៊ី ស។ យ៉ាងណាក៏ដោយ បើតាមលោក អេង ហ៊ី សម្រាប់លោក ឆេង ឡុង ក៏ត្រូវបានមន្រ្តីជំនាញហៅមកសួរនាំផងដែរចំពោះករណីនេះ…