សេចក្តីដកស្រង់ប្រសាសន៍ សម្តេចតេជោ ហ៊ុន សែន ក្នុងពិធីបើកព្រឹត្តិការណ៍កីឡាជាតិ លើកទី ៣

សុន្ទរកថា-ការអធិប្បាយ

ជយោ! ព្រះរាជាណាចក្រកម្ពុជា!|ជយោ! សន្តិភាព និងការអភិវឌ្ឍ!សម្តេច ឯកឧត្តម លោកជំទាវ អស់លោក/ស្រី ប្រតិភូកីឡា នៃក្រសួងរាជធានី-ខេត្តបងប្អូនជនរួមជាតិជាទីមេត្រី! ថ្ងៃនេះ ខ្ញុំពិតជាមានសេចក្តីរីករាយ ដែលបានមកចូលរួមក្នុងពិធីបើកការប្រកួតកីឡាជាតិលើកទី ៣ និងកីឡាជនពិការជាតិលើកទី ១ ដែលជាធម្មតាការប្រកួតកីឡាជាតិនេះត្រូវរៀបចំជារៀងរាល់ ២ ឆ្នាំម្តង ប៉ុន្តែ មានការខកខាននៅឆ្នាំ ២០២០ ដោយសារការផ្ទុះឡើង នៃជំងឺកូវីដ-១៩។ ឆ្នាំនេះកូវីដ-១៩ មិនអាចរារាំងយើងបានទៀតទេ ដោយសារយើងបានរៀនរស់នៅជាមួយនឹងកូវីដ-១៩ ហើយកូវីដ-១៩ ក៏មិនអាចរារាំងខ្ញុំមិនឱ្យមកចូលរួមបើកកីឡាជាតិនៅល្ងាចនេះផងដែរ បន្ទាប់ពីធ្វើតេស្តអវិជ្ជមានរួចស្រេចទៅហើយ។ ឆ្នាំ ២០២២ ជាឆ្នាំដ៏មមាញឹក និងជាឆ្នាំដ៏មានសារសំខាន់ជាប្រវត្តិសាស្ត្រ សម្រាប់ព្រះរាជាណាចក្រកម្ពុជានាពេលថ្មីៗនេះ ក្នុងនាមជាប្រធានប្ដូរវេនអាស៊ាន កម្ពុជាបានរៀបចំប្រជុំកំពូលអាស៊ានលើកទី ៤០-៤១ ព្រមទាំងកិច្ចប្រជុំកំពូលពាក់ព័ន្ធដោយរលូន និងទទួលបានជោគជ័យដ៏ត្រចះត្រចង់ជូនជាតិមាតុភូមិ ដោយទទួលបានការចូលរួមយ៉ាងច្រើនពីថ្នាក់ដឹកនាំកំពូលៗ នៃប្រទេសមហាអំណាច និងប្រទេសជាមិត្តនៅក្នុងតំបន់ និងសកល។ ព្រឹត្តិការណ៍ជាប្រវត្តិសាស្ត្រនេះ បាននាំមកនូវកេរ្តិ៍ឈ្មោះដ៏ឧត្ដុង្គឧត្តម កិត្តិយសដ៏ធំធេង និងភាពល្បីរន្ទឺក្នុងតំបន់ និងអន្តរជាតិ សម្រាប់កម្ពុជា ព្រមទាំងរួមចំណែកដល់ការផ្សព្វផ្សាយអំពីព្រះរាជាណាចក្រកម្ពុជានៅលើឆាកអន្តរជាតិទាំងមូល។ ឆ្នាំ ២០២៣ ខាងមុខនេះ ដោយទទួលបានការគាំទ្រពីប្រតិភូកីឡាបណ្ដាប្រទេសអាស៊ីអាគ្នេយ៍ កម្ពុជានឹងធ្វើជាម្ចាស់ផ្ទះរៀបចំការប្រកួតកីឡា…

រាជរដ្ឋាភិបាល នៅតែចាត់ទុកសកម្មភាពបោសសម្អាតមីន ជាអាទិភាពដ៏សំខាន់

ពត៌មានអ្នកបន្តវេន

FN ៖ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក នៅព្រឹកថ្ងៃទី១៥ ខែវិច្ឆិកា ឆ្នាំ២០២២នេះ បានអញ្ជើញពិធីបើកការរដ្ឋានបោសសម្អាតមីន និងយុទ្ធភណ្ឌមិនទាន់ផ្ទុះ របស់កងទ័ពជើងគោក ក្នុងគម្រោង សម្តេចតេជោសម្រាប់សកម្មភាពមីន ក្រោមមូលបទ «ផ្តល់ដីសុវត្ថិភាព បង្កើតស្នាមញញឹម» ស្ថិតក្នុងស្រុកភ្នំស្រួច ខេត្តកំពង់ស្ពឺ។ ថ្លែងក្នុងឱកាសនោះ លោកឧត្តមសេនីយ៍ឯក ហ៊ុន ម៉ាណែត បានបញ្ជាក់ថា ការជួបជុំគ្នានៅលើទីតាំងដែលធ្លាប់ជាតំបន់សង្គ្រាមបង្ហូរឈាមគ្នារវាងខ្មែរ និងខ្មែរក្នុងឱកាសនេះ បានរំឭកឲ្យយើងនឹកឃើញនូវអតីតកាលដ៏សែនជូរចត់ ដែលប្រជាជាតិយើងបានជួបប្រទះ។ ទោះបីព្រឹត្តិការណ៍ទាំងនោះ បានក្លាយជារឿងរ៉ាវប្រវត្តិសាស្ត្រទៅហើយក្តី ប៉ុន្តែគ្រាប់មីន និងយុទ្ធភណ្ឌមិនទាន់ផ្ទុះរាប់លានគ្រាប់នៅសេសសល់រាយប៉ាយពេញផ្ទៃប្រទេស នៅតែជាកេរដំណែលបន្សល់ទុកពីសង្រ្គាម។ ចំណុចនេះដែលទាមទារឲ្យអ្នកពាក់ព័ន្ធ ចូលរួមចំណែកជាមួយរាជរដ្ឋាភិបាល ដើម្បីចូលរួមដោះស្រាយការលំបាក និងបញ្ហាប្រឈមដោយសារគ្រាប់មីន និងសំណល់យុទ្ធភណ្ឌសង្រ្គាម ជាពិសេសនៅតាមតំបន់ស្រែចម្ការរបស់ប្រជាជន ដែលមានប្រជាជនរាប់ម៉ឺនគ្រួសារកំពុងទទួលរងនូវការគំរាមកំហែងដោយផ្ទាល់ និងដោយប្រយោល ដើម្បីឲ្យពួកគាត់មានក្តីសង្ឃឹម និងបន្តកសាងនូវអនាគតដ៏រុងរឿងតទៅមុខទៀត។ បើតាមលោកឧត្តមសេនីយ៍ឯក ហ៊ុន ម៉ាណែត រាជរដ្ឋាភិបាលក្រោមការដឹកនាំរបស់ សម្ដេចតេជោនាយករដ្ឋមន្ត្រី នៅតែចាត់ទុកសកម្មភាពបោសសម្អាតមីននៅកម្ពុជា ជាអាទិភាពដ៏សំខាន់មួយក្នុងចំណោមអាទិភាពសំខាន់ៗនានា ដើម្បីស្តារ កសាង និងអភិវឌ្ឍប្រទេសជាតិឡើងវិញ។…

ប្រមូលពន្ធលើប្រតិបត្តិការពាណិជ្ជកម្ម តាមប្រព័ន្ធអេឡិចត្រូនិក ពីក្រុមហ៊ុនអន្តរជាតិ

បច្ចុប្បន្នភាព សង្គម

FN ៖ អគ្គនាយកដ្ឋានពន្ធដារ បានបញ្ជាក់ថា ក្នុងរយៈពេល៧ខែ ចាប់ពីខែមេសា ដល់ ខែតុលា ឆ្នាំ២០២២ កម្ពុជាបានប្រមូលចំណូលពន្ធ លើប្រតិបត្តិការពាណិជ្ជកម្ម តាមប្រព័ន្ធអេឡិចត្រូនិក (E-Commerce) ពីក្រុមហ៊ុនអន្តរជាតិ បានចំនួនជាង៣០លានដុល្លារ។ នេះបើតាមសេចក្តីប្រកាសព័ត៌មាន របស់អគ្គនាយកដ្ឋានពន្ធដារ។សេចក្តីប្រកាសព័ត៌មាន នៃកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែតុលា និងសម្រាប់រយៈពេល១០ខែ ឆ្នាំ២០២២ បានបញ្ជាក់ថា «ក្នុងខែតុលា ឆ្នាំ២០២២ ចំណូលពន្ធពីប្រតិបត្តិការពាណិជ្ជកម្ម តាមប្រព័ន្ធអេឡិចត្រូនិក (E-Commerce) ប្រមូលបានចំនួន ២២.២២ ប៊ីលានរៀល (ប្រមាណ ៥.៤៩លានដុល្លារ) និងសម្រាប់ខែមេសា-តុលា ឆ្នាំ២០២២ រយៈពេល១០ខែ ឆ្នាំ២០២២ សរុបចំនួន ១២៩.៨០ ប៊ីលានរៀល (ប្រមាណ ៣២.០៥លានដុល្លារ)»។សូមជម្រាបថា បន្ទាប់ពីត្រូវបានពន្យារពេលជាបន្តបន្ទាប់ ការអនុវត្តអាករលើតម្លៃបន្ថែម (VAT) ចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក (E-Commerce) បានចាប់ផ្តើមអនុវត្តជាផ្លូវការ ចាប់ពីថ្ងៃទី១ ខែមេសា ឆ្នាំ២០២២ និងមានក្រុមហ៊ុនអនិវាសនជនធំៗចំនួន៤១ បានមកចុះបញ្ជីអាករលើតម្លៃបន្ថែម ហើយបានប្រកាសបង់ពន្ធ ដែលទទួលបានលទ្ធផលប្រមូលចំណូលពន្ធជាវិជ្ជមាន គួរឱ្យកត់សម្គាល់។ ក្រុមហ៊ុនធំៗទាំងនោះមានដូចជា…