គ.ជ.ប ប្រកាសជ្រើសរើសសមាសភាពគណៈកម្មការឃុំ-សង្កាត់ជាង៨ពាន់រូប ជាមន្ដ្រីជាប់កិច្ចសន្យារយៈពេលខ្លី ដើម្បីបម្រើកាងារការបោះឆ្នោត

ការបោះឆ្នោតជ្រើសតាំង តំណាងរាស្ត្រ ឆ្នាំ២០១៨

FN ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២៨ ខែមេសា ឆ្នាំ២០១៨នេះ បានចេញសេចក្តីជូនដំណឹង ប្រកាសជ្រើសរើសសមាសភាព គណៈកម្មការឃុំ-សង្កាត់ រៀបចំការបោះឆ្នោត (គឃ.សប) ចំនួន ៨,៣៣៨ រូប ជាមន្ដ្រីជាប់កិច្ចសន្យារយៈពេលខ្លី ដើម្បីបម្រើការងារបោះឆ្នោត នៅតាមគណៈកម្មការ ឃុំ សង្កាត់រៀបចំការបោះឆ្នោត។ តាមសេចក្ដីជូនដំណឹងរបស់ គ.ជ.ប ដែលបណ្ដាញព័ត៌មាន Fresh News ទទួលបាននៅថ្ងៃនេះ បានបញ្ជាក់ថា សមាសភាពគណៈកម្មការឃុំ-សង្កាត់ រៀបចំការបោះឆ្នោត (គឃ.សប) ដែល គ.ជ.ប ជ្រើសរើស សម្រាប់មុខតំណែងដូចខាងក្រោម៖ ១៖ ប្រធាន ទទួលបន្ទុកដឹកនាំការងាររួម និងការងារហិរញ្ញវត្ថុ ចំនួន១រូប ២៖ អនុប្រធាន ជួយធ្វើការប្រធាន និងទទួលបន្ទុកផ្នែកប្រតិបត្តិការ ចំនួន១រូប ៣៖ សមាជិកទទួលបន្ទុកផ្នែករដ្ឋបាល និងលេខាធិការ ចំនួន១រូប ៤៖ សមាជិកទទួលបន្ទុក ផ្នែកសេវាកម្មច្បាប់ និងវិវាទកម្ម និងការងារសន្ដិសុខបោះឆ្នោត ចំនួន១រូប ឫ៣រូប ៥៖ សមាជិកទទួលបន្ទុកផ្នែកសេវាកម្មច្បាប់ និងវិវាទកម្ម និងការងារសន្ដិសុខបោះឆ្នោត ចំនួន១រូប។ គ.ជ.ប…

សម្ដេចតេជោ ហ៊ុន សែន ផ្តល់នូវទស្សនៈសំខាន់ៗចំនួន៦ចំណុច ក្នុងកិច្ចប្រជុំ «កំពូលអាស៊ាន» នៅប្រទេសសិង្ហបុរី

តេជោ តាមរយៈសារព័ត៌មាន

FN ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងកិច្ចប្រជុំកំពូលអាស៊ាន លើកទី៣២ នៅប្រទេសសិង្ហបុរី នៅថ្ងៃទី២៨ ខែមេសានេះ បានផ្ដល់នូវទស្សនៈសំខាន់ៗ៦ ចំណុច តាមរយៈប្រធានបទ «ភាពរឹងមាំ និងនវានុវត្តន៍របស់អាស៊ាន» ដែលមានការយាង និងអញ្ជើញចូលរួមពីប្រមុខរដ្ឋ ប្រមុខរដ្ឋាភិបាល និងថ្នាក់ដឹកនាំ ដែលជាសមាជិកអាស៊ាន ទាំង១០ប្រទេស។ នៅក្នុងកិច្ចប្រជុំ «កំពូលអាស៊ាន» លើកទី៣២ នៅប្រទេសសិង្ហបុរីនេះ សម្តេចតេជោ ហ៊ុន សែន បានផ្តល់នូវទស្សនៈសំខាន់ៗ ចំនួន៦ចំណុចរួមមាន៖ ១៖ អាស៊ានត្រូវពន្លឿនការអនុវត្តផែនការ ដែលបានកំណត់បញ្ចប់កិច្ចព្រមព្រៀង ដោយបង្កើនប្រសិទ្ធិភាពក្នុងការសម្របសម្រួលស្ថាប័ន ក្របខ័ណ្ឌច្បាប់ពង្រឹង ការតភ្ជាប់ហិរញ្ញវត្ថុ ពាណិជ្ជកម្ម និងសេដ្ឋកិច្ច។ អាស៊ានត្រូវរៀនសូត្រ ឲ្យបានទៀងទាត់ ដើម្បីសម្របខ្លួនទៅនឹងលក្ខខណ្ឌថ្មី ចំពោះការផ្លាស់ប្តូរគំនិត ពីព្រោះអ្វីដែលធ្វើឲ្យអាស៊ានខុស ពីក្រុមក្នុងតំបន់ ដទៃទៀត គឺកិច្ចសហប្រតិបត្តិការល្អ ការទទួលយកនូវឱកាសថ្មីៗ។ ២៖ នៅក្នុងបរិបទនៃការកើនឡើង នៃសង្គ្រាមពាណិជ្ជកម្ម អាស៊ានត្រូវតែហ៊ានប្រឆាំងនឹងនិន្នាការការពារនិយមនេះ តាមរយៈការបង្កើនសេរីភាវូបនីយកម្មពាណិជ្ជកម្ម និងការធ្វើ សមាហរណកម្មតំបន់…

សម្តេចតេជោ ហ៊ុន សែន៖ កិច្ចប្រជុំកំពូលអាស៊ាន ទទួលបានលទ្ធផលល្អត្រចះត្រចង់ ដោយប្រទេសទាំងអស់ប្តេជ្ញាពង្រឹង និងជំរុញនូវសហប្រតិបត្តិការពាណិជ្ជកម្ម​ វិនិយោគ និងសន្តិសុខក្នុងតំបន់

តេជោ តាមរយៈសារព័ត៌មាន

FN ៖ បន្ទាប់ពីបញ្ចប់កិច្ចប្រជុំកំពូលអាស៊ាន លើកទី៣២ នៅប្រទេសសិង្ហបុរី និងកំពុងដឹកនាំគណៈប្រតិភូជាន់ខ្ពស់កម្ពុជា ធ្វើដំណើរ​វិលត្រឡប់ពីទីក្រុងសិង្ហបុរី ឆ្ពោះមកកាន់រាជធានីភ្នំពេញវិញ សម្តេចតេជោ ហ៊ុន​ សែន នាយករដ្ឋមន្ត្រីនៃកម្ពុជា បានបញ្ជាក់ថា កិច្ចប្រជុំកំពូលអាស៊ានលើកនេះ ទទួលបានលទ្ធផលល្អត្រចះត្រចង់។ សម្តេចតេជោ ហ៊ុន សែន បានបញ្ជាក់ថា «កិច្ចប្រជុំនោះ ប្រទេសទាំងអស់បានប្តេជ្ញា ពង្រឹងនិងជំរុញនូវសហប្រតិបត្តិពាណិជ្ជកម្ម​ វិនិយោគពង្រឹងនូវសន្តិសុខក្នុងតំបន់​ ព្រមទាំងបង្កើតបណ្តាញទីក្រុងវៃឆ្លាតនៅក្នុងប្រទេសអាស៊ាន​ ដែលកម្ពុជាអាចចាប់ផ្តើមពីទីក្រុង​ភ្នំពេញ​ បាត់ដំបង​ និង​សៀមរាប​ ស្របពេលនៃដំណើការសមា​ហរណកម្មអាស៊ាន»។ ជាមួយគ្នានេះសម្តេចតេជោប្រមុខរាជរដ្ឋាភិបាលកម្ពុជា បានបញ្ជាក់ទៀតថា កម្ពុជាក៏ត្រូវជំរុញការ​បណ្តុះបណ្តាល នូវធនធានមនុស្សឲ្យមានសម្ថភាពគ្រប់គ្រាន់កាន់តែច្រើន ដើម្បីទទួល​ការងារនៅក្នុងក្របខ័ណ្ឌ​ អាស៊ាន​ដែល​នាំមកនូវអត្ថប្រយោជន៍ជាច្រើន ដល់ប្រទេសជាតិទាំង​មូល។ សូមជម្រាបថា កាលពីព្រឹកថ្ងៃទី២៧ ខែមេសា, សម្តេចតេជោ ហ៊ុន​ សែន បានដឹកនាំគណៈប្រតិភូជាន់ខ្ពស់កម្ពុជា ទៅចូលរួមក្នុងកិច្ចប្រជុំកំពូលអាស៊ានលើកទី៣២ នៅប្រទេសសិង្ហបុរីរយៈពេល២ថ្ងៃ ចាប់ថ្ងៃទី២៧-២៨ ខែមេសា ឆ្នាំ២០១៨។ សម្តេចនឹងទៅដល់រាជធានីភ្នំពេញ នៅរសៀលថ្ងៃនេះ៕