ការដកស្រង់សេចក្តីអធិប្បាយ សង្កថាសម្ពោធអគារសិក្សា នៃវិទ្យាល័យ ប៊ុនរ៉ានី ហ៊ុនសែន ចរិយាវង្ស
ខ្ញុំព្រះករុណាខ្ញុំ សូមក្របថ្វាយបង្គំ ព្រះតេជព្រះគុណ ព្រះមេគុណ ព្រះអនុគុណ ព្រះថេរានុថេរៈ គ្រប់ព្រះអង្គ ជាទីសក្ការៈ! សម្តេច ឯកឧត្តម លោកជំទាវ អស់លោក លោកស្រី លោកយាយ លោកតា អ៊ំ មា មីង បងប្អូនជនរួមជាតិ ដែលបានអញ្ជើញចូលរួមនៅក្នុងឱកាសនេះ ជាទីគោរពនឹករលឹកពី ខ្ញុំព្រះករុណខ្ញុំ! ថ្ងៃនេះ ខ្ញុំព្រះករុណាខ្ញុំ ពិតជាមានការរីករាយ ដែលបានមកសម្ពោធដាក់អោយប្រើប្រាស់នូវសមិទ្ធផលនានា នៅក្នុងវិទ្យាល័យ ប៊ុនរ៉ានី ហ៊ុនសែន ចរិយាវង្ស ដែលក្នុងនោះ អម្បាញ់មិញទើបនឹងដឹងថា អគារសិក្សា ១ ខ្នង ២ ជាន់ ១២ បន្ទប់ ដែល ឯកឧត្តមទេសរដ្ឋមន្ត្រី ចម ប្រសិទ្ធិ បានស្ថាបនាកាលពីពេលមុននៅខាងនេះ មិនទាន់បានសម្ពោធនៅឡើយទេ ដូច្នេះ ថ្ងៃនេះ យើងរួមគ្នាសម្ពោធជាមួយនឹងអគារ ៣ ជាន់ ១៨ បន្ទប់ ជាមួយនឹងអគារ ២ ជាន់…