សេចក្តីដកស្រង់សារសំឡេង ស្តីពី ការទប់ស្កាត់ការចល័តរបស់ប្រជាជន ចេញពីខេត្តព្រះសីហនុ ទៅរាជធានី-ខេត្តផ្សេងទៀត

សុន្ទរកថា-ការអធិប្បាយ

ពិនិត្យមើលទាក់ទិនជាមួយករណីកើនឡើងនៃអ្នកមានវិជ្ជមាន(កូវីដ១៩) នៅខេត្តព្រះសីហនុ គប្បីយកវិធានការបន្ទាន់ ។ វិធានការទី ១ គឺបិទចរាចរណ៍មនុស្សចេញពីខេត្តព្រះសីហនុទៅកាន់ខេត្តផ្សេង​ គឺធ្វើម៉េចកាត់បន្ថយ ខិតខំដើម្បីចលនាមនុស្សកុំឲ្យចេញ។ តាមវិធី(ស្តីពី)ការគ្រប់គ្រងដែលយើងបានកំណត់នៅតាមទីតាំងនានា ហ្នឹងគឺយើងបិទរួចទៅហើយ ប៉ុន្តែអ្នកដទៃទៀតដែលមិនទាន់បានពិនិត្យ គួរតែត្រូវមានការរារាំងកុំឲ្យការធ្វើដំណើរ។ យើងមិនអាចបិទបានទាំងស្រុងទេ ដោយសារតែវាពាក់ព័ន្ធជាមួយការនាំចេញនាំចូលទំនិញ ប៉ុន្តែអាចតម្រូវឲ្យមានការខិតខំទប់ស្កាត់(ចរាចរណ៍មនុស្ស ដើម្បីទប់ស្កាត់)ការរីករាលដាលទៅកាន់ខេត្តផ្សេង ចម្លងទៅខេត្តផ្សេង។ អញ្ចឹង ក៏សុំឲ្យគេស្នាក់នៅខេត្តព្រះសីហនុ កុំឲ្យចេញមកក្រៅដូចជាកែប កំពត ឬក៏មកតាមផ្លូវជាតិលេខ ៤ អាហ្នឹងវិធានការទី ១។ វិធានការទី ២ គឺជម្រុញការចាក់វ៉ាក់សាំង ហើយនឹងបន្តវ៉ាក់សាំងសម្រាប់អ្នកមានអាយុពី ៥៩ ឆ្នាំចុះ និងថែមទៅ(ដោយវ៉ាក់សាំង) AstraZeneca សម្រាប់ប្រជាពលរដ្ឋផង និងសម្រាប់មន្រ្តីរាជការផង ដែលមានអាយុលើសពី ៦០ ឆ្នាំ រាប់ទាំងជនចូលនិវត្តន៍។ ជម្រុញការបង្កើនការចាក់វ៉ាក់សាំងហើយត្រូវគ្រប់គ្រងឲ្យបាននូវសភាពការណ៍ទាំងឡាយដែលបាន និងកំពុងវិវឌ្ឍអាក្រក់នៅទីនោះ។ ឥឡូវនេះបញ្ហាសំខាន់ (រាំងស្កាត់)កុំឲ្យរីកចេញពីខេត្តព្រះសីហនុទៅខេត្តផ្សេង។ អញ្ចឹង រកវិធីដោះស្រាយបញ្ហាហ្នឹងតាមរយៈការរៀបចំរបៀបណាកុំឲ្យរថយន្ត(ទាំងឡាយ) ក្រៅពីរថយន្តដឹកទំនិញ វាមានរថយន្តអ្នកធ្វើដំណើរ(ចេញពីខេត្ត)។ ឥឡូវរកវិធីទៅ។ សំខាន់រកវិធីខ្ទប់មាត់ច្រក ហាមឃាត់រថយន្ត។ សំខាន់ពល​រដ្ឋចិនមួយចំនួនដែលធ្វើការនៅទីនោះ។ យើងត្រូវគ្រប់គ្រងអ្នកធ្វើចត្តាឡីស័ក។ យើងគ្រប់គ្រងបានហើយ (តែ)ក្រែងលោមានអ្នកដែលយើងមិនទាន់បានពិនិត្យ។…

សារពិសេស ទាក់ទងព្រឹត្តិការណ៍សហគមន៍ ២០ កុម្ភៈ ២០២១

សុន្ទរកថា-ការអធិប្បាយ

ខ្ញុំព្រះករុណាខ្ញុំ សូមក្រាបថ្វាយបង្គំព្រះថេរានុត្ថេរៈគ្រប់ព្រះអង្គជាទីសក្ការៈ បងប្អូនជនរួមជាតិជាទីស្រឡាញ់!  “ព្រឹត្តិការណ៍សហគមន៍ ២០ កុម្ភៈ” ការឆ្លងក្នុងសហគមន៍លើកទី ៣ ថ្ងៃនេះ ខ្ញុំព្រះករុណាខ្ញុំ មានកិច្ចការបន្ទាន់ ដើម្បីនឹងប្រកាសជូនប្រជាពលរដ្ឋនៅទូទាំងប្រទេស ជាពិសេសនៅរាជធានីភ្នំពេញតែម្ដង។ មុននេះបន្តិច ខ្ញុំព្រះករុណាខ្ញុំ មានការប្រជុំពិសេសមួយរបស់មន្រ្តីថ្នាក់ដឹកនាំដែលជាប់ការពាក់ព័ន្ធជាមួយនឹងការប្រយុទ្ធប្រឆាំងជាមួយនឹង កូវីដ-១៩ ​។ ឥឡូវសភាពការណ៍បានឈានដល់ដំណាក់កាលថ្មីមួយ ដែលខ្ញុំព្រះករុណាខ្ញុំ ក៏ដូចជាមន្រ្តីពាក់ព័ន្ធ បានធ្វើការសន្និដ្ឋានច្បាស់ថា នេះជាការឆ្លងក្នុងសហគមន៍លើកទី ៣ បន្ទាប់ពីព្រឹត្តិការណ៍ឆ្លងសហគមន៍ ៣ វិច្ឆិកា ដែលផ្ដើមចេញដោយរដ្ឋមន្រ្តីការបរទេសហុងគ្រី។ បន្ទាប់ទៅ ពឹ្រត្តិការណ៍សហគមន៍ ២៨ វិច្ឆិកា និងថ្ងៃនេះ ខ្ញុំព្រះករុណាខ្ញុំ បានប្រសិទ្ធនាមថា ជាព្រឹត្តិការណ៍សហគមន៍ ២០ កុម្ភៈ។ ពិតមែនតែព្រឹត្តិការណ៍នេះ បានចាប់ផ្ដើមពីថ្ងៃទី ១៨-១៩ ប៉ុន្តែដោយសារតែវិធានការដែលត្រូវប្រកាន់យកនិងការប្រជុំបន្ទាន់នេះ ត្រូវបានធ្វើនៅថ្ងៃទី ២០ កុម្ភៈ ខ្ញុំព្រះករុណាខ្ញុំ សម្រេចដាក់ឈ្មោះថា ព្រឹត្តិការណ៍សហគមន៍ ២០ កុម្ភៈ​។ ព្រឹត្តិការណ៍សហគមន៍ ២០ កុម្ភៈ ផ្ដើមពីការរកឃើញកូវីដ-១៩ លើអ្នកសុំធ្វើតេស្ដចេញទៅក្រៅប្រទេស…

សេចក្តីដកស្រង់សារសំឡេង ដាក់បទបញ្ជាទប់ស្កាត់ការនាំចូល កូវីដ-១៩ ពីថៃ ពីថៃកាត់ឡាវ វៀតណាម និងការអនុវត្តអនុក្រឹត្យលេខ ១២៩ ចុះថ្ងៃទី ១៩ ខែ ៩ ឆ្នាំ ២០១៥ ស្ដីពីវិធានការសុខាភិបាលទប់ស្កាត់ និងឆ្លើយតបការរីករាលដាលជាអន្តរជាតិនៃជំងឺតាមច្រកចេញចូល

សុន្ទរកថា-ការអធិប្បាយ

ជូនចំពោះ ឯកឧត្ដម រដ្ឋមន្រ្តី ក្រសួងសុខាភិបាល ឯកឧត្ដម លោកជំទាវ អស់លោក លោកស្រី ក៏ដូចជាអភិបាលខេត្ត អភិបាលស្រុក ក៏ដូចជាបងប្អូនប្រជាពលរដ្ឋយើង ថ្ងៃនេះ ខ្ញុំមានកិច្ចការបន្ទាន់ដើម្បីចេញសារជម្រាបជូនបងប្អូនជនរួមជាតិ ទាក់ទិនជាមួយនឹងការពង្រឹងវិធានការទប់ស្កាត់ការរីករាលដាលនៃជំងឺឆ្លង។ កន្លងទៅ ជោគជ័យរបស់យើងដែលទទួលបាន គឺផ្ដើមចេញពីការធ្វើចត្តាឡីស័កបានត្រឹមត្រូវ ដែលមិននាំទៅដល់ការឆ្លងសហគមន៍សាជាថ្មី ហើយបើទោះ​បីជាយើងធ្លាប់ឆ្លងសហគមន៍ ដែលហៅថាសហគមន៍ ៣ វិច្ឆិកា និងសហគមន៍ ២៨ វិច្ឆិកា ក៏យើងមិនមានការរីករាលដាលឲ្យទៅជាចង្កោមធំនោះទេ ដោយសារតែយើងបានធ្វើចត្តាឡីស័កបានត្រឹមត្រូវ។ បន្ទាប់ពីបិទបញ្ចប់នូវព្រឹត្តិការណ៍ ២៨ វិច្ឆិកា ការផ្ទុះការរីករាលដាលនៅក្នុងសហគមន៍នៅព្រះរាជាណាចក្រថៃ តម្រូវឲ្យយើងពង្រឹងការធ្វើចត្តាឡីស័កនៅតាមព្រំដែនកម្ពុជា-ថៃ។ បន្ទាប់ទៅ ដោយមើលឃើញ​ថាមានការឆ្លងរីករាលដាលនៅក្នុងសហគមន៍នៅភាគខាងជើង ភាគកណ្ដាល រហូតមកដល់ភាគ​ខាងត្បូងរបស់ប្រទេសវៀតណាម យើងក៏បានពង្រឹងនូវវិធានការថែមទៀតជាមួយនឹងព្រំដែនកម្ពុជា​-វៀតណាម។ ថ្មីៗនេះ ដោយឃើញថាពលរដ្ឋរបស់យើងមួយចំនួន ដែលធ្វើការនៅក្នុងប្រទេសថៃ បានធ្វើដំណើរមកកម្ពុជាវិញដោយឆ្លងកាត់តាមប្រទេសឡាវ យើងក៏បានពង្រឹងនូវការធ្វើចត្តាឡីស័ក និងត្រួតពិនិត្យនៅតាមព្រំដែនកម្ពុជា-ឡាវ ដោយរកកិច្ចសហប្រតិបត្តិការជាមួយនឹងសាធារណរដ្ឋប្រជាធិបតេយ្យប្រជាមានិតឡាវ ព្រោះឃើញថាវាមានហានិភ័យសម្រាប់ប្រជាជនឡាវផងដែរ នៅពេលដែលប្រជាជនកម្ពុជាយើងបានធ្វើដំណើរចេញពីប្រទេសថៃ ដោយឆ្លងកាត់ប្រទេសឡាវ ហើយចូលមកក្នុងប្រទេសកម្ពុជាវិញ។ ជាទូទៅ គឺយើងធ្វើចត្តាឡីស័កបានត្រឹមត្រូវ គ្រាន់តែតួលេខសម្រាប់ព្រំដែនកម្ពុជា-ថៃ គិតត្រឹមយប់មិញ​នេះ គឺអ្នកដែលបានធ្វើចត្តាឡីស័កចំនួន ៣៥ ៦៦៥…