សុន្ទរកថា សម្តេច តេជោ ហ៊ុន សែន ប្រកាសបិទការប្រកួតកីឡា SEA Games លើកទី៣២ ឆ្នាំ២០២៣

សុន្ទរកថា-ការអធិប្បាយ

[ចាប់ផ្ដើមអត្ថាធិប្បាយ១] បងប្អូនទាំងអស់គ្នា តើសប្បាយចិត្តទេ? តើនេះជាសមិទ្ធផលរួមរបស់ប្រជាជនកម្ពុជាមែនទេ? តើនេះជាផ្នែកមួយនៃសាមគ្គីភាព មិត្តភាព ក្នុងចំណោមបណ្ដាប្រទេសសមាជិតអាស៊ានមែនទេ? តើយើងចាត់តាំងព្រឹត្តិការណ៍ស៊ីហ្គេមនៅឆ្នាំ២០៤៣ ត្រូវនឹង២០ឆ្នាំខាងមុខទៀតឬទេ? ឯកឧត្ដម Prawit Wongsuwon តំណាងព្រះរាជាណាចក្រថៃ ដែលជាម្ចាស់ផ្ទះ SEA Games លើកទី៣៣ ឆ្នាំ២០២៥!សម្ដេច ឯកឧត្ដម លោកជំទាវ អស់លោក លោកស្រី បងប្អូនជនរួមជាតិ ទាំងនៅទីនេះ ក៏ដូចជានៅទូទាំងប្រទេស និងនៅបរទេសជាទីស្រឡាញ់!       ថ្ងៃនេះ យើងពិតជាបានយល់ច្បាស់នូវន័យដែលហៅថា (១) «កីឡារស់នៅក្រោមសន្តិភាព»។ ចង់បានការរៀបចំនូវពិធីបែបនេះតទៅទៀត ចាំបាច់ណាស់ត្រូវរួមជាមួយរាជរដ្ឋាភិបាលការពារនូវសន្តិភាពឲ្យខាងតែបាន។ [បញ្ចប់អត្ថាធិប្បាយ១] ថ្ងៃនេះ ព្រឹត្តិការណ៍ប្រកួតកីឡា SEA Games លើកទី៣២ បានមកដល់ទីបញ្ចប់ ប្រកបដោយថាមពល និងទទួលបានជោគជ័យដ៏ត្រចះត្រចង់។ ក្តីសប្បាយរីករាយ ពោរពេញដោយស្នាមញញឹម និងសម្រែកអបអរសាទរកងរំពង បានបង្កើតនូវមនោសញ្ចេតនា ដ៏ជ្រាលជ្រៅសម្រាប់គ្រប់ៗគ្នា។ ក្នុងនាមម្ចាស់ផ្ទះ កម្ពុជាបានខិតខំប្រឹងប្រែងអស់លទ្ធភាពក្នុងការរៀបចំ និងបម្រើគ្រប់សេវាតម្រូវការ ដើម្បីធានាឱ្យការស្នាក់នៅ ហូបចុក និងបម្រើការងាររៀបចំប្រកួតប្រព្រឹត្តទៅដោយរលូន និងសម្រេចបានជោគជ័យ។ [ចាប់ផ្ដើមអត្ថាធិប្បាយ២] រួមជាមួយសម្ដេចពិជ័យសេនា…

សេចក្ដីដកស្រង់ប្រសាសន៍ សម្ដេចតេជោ ហ៊ុន សែន ចែកសញ្ញាបត្រគ្រឹះស្ថានឧត្តមសិក្សាកសិកម្ម ៣ គឺ ភូមិន្ទកសិកម្ម, កសិកម្មព្រែកលាប, កសិកម្មកំពង់ចាម

សុន្ទរកថា-ការអធិប្បាយ

ខ្ញុំព្រះករុណា ខ្ញុំសូមក្រាបថ្វាយបង្គំព្រះតេជគុណព្រះសង្ឃគ្រប់ព្រះអង្គ សម្ដេច ឯកឧត្តម លោកជំទាវ លោក លោកស្រី បងប្អូន កូនក្មួយ ដែលជាជ័យលាភីទទួលសញ្ញាបត្រនៅថ្ងៃនេះ! ថ្ងៃនេះ ខ្ញុំមានការរីករាយដែលបានធ្វើពីធីឡើងវិញនៃការចែកសញ្ញាបត្រសម្រាប់និស្សិតក្នុងវិស័យកសិកម្មរបស់យើង។ ខ្ញុំនៅចាំបានថា មុនៗយើងធ្លាប់ទៅចែកសញ្ញាបត្រនិស្សិតនៅឯសាកលវិទ្យាល័យចំការដូង ហើយក៏បានបន្សល់ទុកនូវអគារមួយនៅទីនោះសម្រាប់ចែកសញ្ញាបត្រនិងការជួបជុំ ដែលកាលពីពេលនោះ ខ្ញុំនិងឯកឧត្តម ចាន់ សារុន បានធ្វើទុកជាអនុស្សាវរីយ៍។ យើងក៏ធ្លាប់មានការជួបជុំនិស្សិត-សិស្ស ដែលចេញពីសាលារាប់ទាំងសាលាព្រែកលៀបផងដែរ ប៉ុន្តែយើងអាក់ខានក្នុងមួយរយៈកាល ក្នុងនោះមានរយៈកាល កូវីដ-១៩ផង និងរយៈកាលដែលខ្លួនខ្ញុំមិនបានចែកផ្ទាល់។ ថ្ងៃនេះ ការទន្ទឹងរង់ចាំរបស់ខ្ញុំក្ដីនិងការទន្ទឹងរង់ចាំរបស់មន្ត្រីរាជការ ក៏ដូចជារបស់និស្សិតដែលបានសិក្សានៅទីនេះ ក៏បានមកដល់ដែលយើងជួបជុំគ្នានៅថ្ងៃនេះ។ ឯកឧត្តមរដ្ឋមន្ត្រី ឌិត ទីណា បានធ្វើរបាយការណ៍ទាក់ទិនជាមួយនឹងវឌ្ឍនៈភាពនៃការបណ្ដុះបណ្ដាល​និស្សិតនៅទីនេះ។ (១) កសិកម្មជាស្នូលទ្រទ្រង់នៃកំណើនសេដ្ឋកិច្ចនិងសន្តិសុខស្បៀង ថ្ងៃនេះ យើងចែកសញ្ញាបត្រដល់និស្សិត ៣ ២៧៩នាក់ ជាអ្នកបច្ចេកទេសកសិកម្មក្នុងនោះមាន បរិញ្ញាបត្ររង, បរិញ្ញាបត្រ, បរិញ្ញាបត្រជាន់ខ្ពស់ ថ្នាក់បសុវេជ្ជបណ្ឌិត, ថ្នាក់បណ្ឌិត។ យើងឃើញអត្រានៃនិស្សិតជាស្ត្រីមានចំនួនមិនច្រើនទេក្នុងវិស័យកសិកម្មនេះ។ ខ្ញុំគិតថានៅពេលខាងមុខនិស្សិតជាស្ត្រីនឹងមានចំនួនកើនឡើង ដែលអាចចូលរួមនៅក្នុងវិស័យកសិកម្ម។ ប្រហែលជាមានការគិតគូរខុសឆ្គងខ្លះអំពីអ្នកដែលត្រូវទទួលបាននូវការបណ្ដុះបណ្ដាល ដែលថាវិស័យកសិកម្មគិតតែដកស្ទូង។ វាមិនដូច្នេះទេ។ វិស័យកសិកម្មមានវិសាលភាពធំទូលាយខ្លាំងណាស់ … (រាប់បានដូចជា)កសិឧស្សាហកម្ម…

សារសម្លេងសម្ដេចតេជោ ហ៊ុន សែន សំណូមពរឲ្យឯកឧត្ដមនាយឧត្ដមសេនីយ៍ សៅ សុខា បន្តជាប្រធានសហព័ន្ធបាល់ទាត់កម្ពុជា

ស៊ីហ្គេម៣២

ជូនចំពោះឯកឧត្តមនាយឧត្តមសេនីយ៍ សៅ សុខា ក៏ដូចជាកីឡាករ/ការនីបាល់ទាត់ទាំងអស់ ព្រមទាំងប្រជាពលរដ្ឋដែលស្នេហាកីឡាបាល់ទាត់! កាលពីម្សិលមិញ បន្ទាប់ពីការបញ្ចប់ការប្រកួតរវាងកម្ពុជានិងមីយ៉ាន់ម៉ា ដោយទទួលលទ្ធផលមិនបានល្អ នាយឧត្តមសេនីយ៍ សៅ សុខា ដែលជាប្រធានសហព័ន្ធបាល់ទាត់កម្ពុជា បានសុំលាលែងចេញពីតំណែង។ ខ្ញុំបានសង្កេតឃើញថា បន្ទាប់ពីការទទួលបានព័ត៌មាននេះ មានមនុស្សជាច្រើនបានបង្ហាញនូវការខកចិត្តនិងបង្ហាញអំពីការសោកស្ដាយចំពោះឯកឧត្តម សៅ សុខា ដែលធ្លាប់បានដឹកនាំបង្កើតនូវការរីកចម្រើនរបស់កីឡាបាល់ទាត់កម្ពុជា។ ខ្លួនខ្ញុំផ្ទាល់ក៏សូមចូលរួមសម្ដែងនូវការសោកស្ដាយនេះផងដែរ។ ហើយក៏សូមធ្វើការកត់សម្គាល់ថា ចាប់តាំងពីឯកឧត្តម សៅ សុខា បានទទួលនូវមុខតំណែងនេះ កីឡាបាល់ទាត់របស់កម្ពុជាគឺមានការរីកចម្រើនឈានឡើងជាលំដាប់ បើទោះបីការលេងរបស់យើងមានលទ្ធផលមិនទាន់តាមការចង់បានរបស់យើងក៏ដោយចុះ ក៏ប៉ុន្តែយើងបានដើរចេញឆ្ងាយពីចំណុចដែលយើងមិនធ្លាប់មានកាលពីពេលមុន។ ខ្ញុំគួរតែបញ្ជាក់ថា មានប្រទេសច្រើនណាស់ដែលកីឡាបាល់ទាត់មិនអាចទទួលបាននូវលទ្ធផលល្អ។ ប្រទេសខ្លះមានប្រជាជនជាង១ពាន់លាននាក់, រាប់រយលាននាក់ ក៏បាល់ទាត់របស់គេមិនខ្លាំងនោះដែរ។ យើងមានប្រជាជនត្រឹមតែជាង១៦លាននាក់ ថា១៧លាននាក់ យើងធ្វើបានប៉ុននេះវាជាការល្អណាស់ហើយ សម្រាប់ក្នុងកែវភ្នែកប្រជាជនកម្ពុជារបស់យើង ដែលធ្លាប់តែស្ថិតនៅក្នុងបាតតារាង ប៉ុន្តែយើងក៏ធ្លាប់ឈ្នះ ធ្លាប់ទទួលបានលទ្ធផលល្អប្រសើរ។ ដូច្នេះ ក្នុងឋានៈជានាយករដ្ឋមន្ត្រីនៃព្រះរាជាណាចក្រកម្ពុជា ខ្ញុំអំពាវនាវចំពោះនាយឧត្តមសេនីយ៍ សៅ សុខា បន្តការធ្វើជាប្រធានសហព័ន្ធកីឡាបាល់ទាត់តទៅទៀត។ ហើយនេះមិនមែនជាបញ្ហាដាច់ដោយឡែករបស់ខ្ញុំ តែនេះជាបញ្ហារួមដែលខ្ញុំតំណាងឱ្យរាជរដ្ឋាភិបាល អំពាវនាវឱ្យនាយឧត្តមសេនីយ៍ សៅ សុខា បន្តតួនាទីនេះ ជាមួយនឹងការចង់បានរបស់កីឡាករ​/ការិនី កីឡាបាល់ទាត់ និងប្រជាពល​រដ្ឋដែលគាំទ្រកីឡាបាល់ទាត់​ផងដែរ។…