គិតត្រឹមឆ្នាំ២០១៩ ពលករខ្មែរនៅក្រៅប្រទេសមានជាង១.២៨លាននាក់

FN ៖ លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ នៅព្រឹកថ្ងៃទី២៧ ខែកុម្ភៈ ឆ្នាំ២០២០នេះ បានឲ្យដឹងថា គិតត្រឹមឆ្នាំ២០១៩នេះ ពលករខ្មែរដែលកំពុងធ្វើការនៅក្រៅប្រទេសមាន ចំនួន១,២៨៨,០០០នាក់។ ក្នុងចំណោមពលករទាំងអស់ភាគច្រើន គឺបម្រើការងារនៅប្រទេសថៃ។ ក្នុងសន្និសីទសារព័ត៌មានស្ដីពី វឌ្ឍនភាព និងទិសដៅបន្ដរបស់ក្រសួងការងារ និងបណ្ដុះបណ្ដាលវិជ្ជាជីវៈ ដែលរៀបចំដោយអង្គភាពអ្នកនាំពាក្យរាជរដ្ឋាភិបាលកម្ពុជា លោក ហេង សួរ បានបញ្ជាក់ថា ចំនួនពលករនៅក្នុងឆ្នាំ២០១៩នេះ មានការកើនឡើងប្រមាណ៥ម៉ឺននាក់ បើធៀបនឹងឆ្នាំ២០១៨។ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ រូបនេះបានអះអាងទៀតថា ការចេញទៅធ្វើការនៅក្រៅប្រទេសរបស់ពលករកម្ពុជា បានផ្ញើប្រាក់មកក្រុមគ្រួសារនៅក្នុងប្រទេស ជិត២,៨០០លានដុល្លារ ជារៀងរាល់ឆ្នាំ ដែលធ្វើឲ្យកម្រិតជីវភាពរបស់ពួកគេ កាន់តែប្រសើរឡើងពីមួយថ្ងៃទៅមួយថ្ងៃផងដែរ។ លោក ហេង សួរ បានបញ្ជាក់យ៉ាងដូច្នេះថា «ពាក់ព័ន្ធពលករយើងទៅធ្វើការនៅក្រៅប្រទេសនេះ ក្នុងឆ្នាំ២០១៩យើងមានសរុប ចំនួន១,២៨៨,០០០នាក់ ហើយធៀបនឹងឆ្នាំ២០១៨ គឺយើងមាន១,២៣០,០០០នាក់ ចឹងនៅក្នុងឆ្នាំ២០១៩នេះ យើងមានការកើនឡើងប្រមាណជាង៥ម៉ឺននាក់។ តាមរយៈបងប្អូន ដែលធ្វើការនៅក្រៅប្រទេសនេះ យើងឃើញបងប្អូនបានផ្ញើប្រាក់ដែលសល់ពីការចាយវាយជាក់ស្ដែង នៅប្រទេសនោះ មកស្រុកយើងវិញ ប្រហែលជិត២,៨០០លានដុល្លារក្នុងមួយឆ្នាំ»។…

ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញសម្ពោធផ្លូវជាតិលេខ៥៨

FN ៖ ផ្លូវជាតិលេខ៥៨ ដែលជាផ្លូវក្រវាត់ព្រំដែនកម្ពុជា និងថៃ ប្រវែងជាង១៧៤គីឡូម៉ែត្រ តភ្ជាប់ពីក្រុងប៉ោយប៉ែត ខេត្តបន្ទាយមានជ័យ ទៅដល់ក្រុងសំរោង ខេត្តឧត្តរមានជ័យ បិទបញ្ចប់ការសាងសង់ជាស្ថាពរ និងដាក់សម្ពោធឱ្យប្រើប្រាស់ជាផ្លូវការនៅថ្ងៃទី២៦ ខែកុម្ភៈ ឆ្នាំ២០២០នេះហើយ។ ផ្លូវមួយខ្សែលើដែនដីអតីតសមប្រយុទ្ធ ក្នុងប្រវត្តិសាស្ត្រដ៏ឈឺចាប់របស់កម្ពុជានេះ បានចំណាយពេលសាងសង់ជិត៤ឆ្នាំ ជាមួយថវិកាជិត១២៣លានដុល្លារអាមេរិក។ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក វ៉ាង វិនធៀន (Wang Wentian) ឯកអគ្គរដ្ឋទូតចិនប្រចាំនៅកម្ពុជា អញ្ជើញជាអធិបតីភាពរួមគ្នា សម្ពោធដាក់ឱ្យប្រើប្រាស់ផ្លូវដ៏មានសារៈសំខាន់មួយខ្សែនេះ។ មន្ត្រីជាន់ខ្ពស់នៃរាជរដ្ឋាភិបាលកម្ពុជា ព្រមទាំងប្រជាពលរដ្ឋរាប់ពាន់នាក់ ក៏បានអញ្ជើញចូលរួមអបអរសាទរចំពោះសមិទ្ធផល ជាប្រវត្តិសាស្ត្រលើដីជាយដែននេះផងដែរ។ នៅក្នុងឱកាសនោះសម្តេចតេជោ ហ៊ុន សែន បានសុន្ទរកថាសំណេះសំណាលជាមួយខ្លឹមសារសំខាន់ៗដូចខាងក្រោម៖ * សម្តេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋខេត្តបន្ទាយមានជ័យគាំទ្រសម្តេច គាំទ្រគណបក្សប្រជាជនកម្ពុជា និងបោះឆ្នោតជូនគណបក្សប្រជាជនកម្ពុជា។ * សម្តេចតេជោ ហ៊ុន សែន បានថ្លែងថា សម្តេចពិតជារីករាយ បានចូលរួមជាមួយប្រជាពលរដ្ឋក្នុងកិច្ចដំណើរការរបស់ជាតិទាំងឡាយ ជាពិសេសដំណើរស្វែងរកសុខសន្តិភាព និងបិទបញ្ចប់ភ្លើងសង្គ្រាមនៅកម្ពុជា។ *…

សេចក្ដីដកស្រង់ប្រសាសន៍ ពិធីសម្ពោធដាក់ឱ្យប្រើប្រាស់នូវផ្លូវជាតិលេខ ៥៨

[…] ខ្ញុំព្រះករុណាខ្ញុំក៏ចង់យកឱកាសនេះដើម្បីបញ្ជាក់ជូនថា មិនមែនខ្ញុំព្រះករុណាខ្ញុំត្រូវបញ្ចប់តួនាទីត្រឹមមួយថ្ងៃពីរថ្ងៃ ឬត្រឹមឆ្នាំ ២០២៣ ទេ។ ខ្ញុំព្រះករុណាខ្ញុំមានមហិច្ឆតា នឹងឈានទៅគ្រប់គ្រងបន្តតំណែងជានាយករដ្ឋមន្ត្រីរហូតទៅដល់ក្រោយឆ្នាំ ២០២៨ ឬក្រោយឆ្នាំ ២០២៨ តទៅទៀត … សង្ឃឹមថា ប្រជាពលរដ្ឋយើងនឹងបន្តបោះឆ្នោតឱ្យគណបក្សប្រជាជននៅឆ្នាំ ២០២២ ក្នុងការបោះឆ្នោតឃុំ-សង្កាត់ និងឆ្នាំ ២០២៣ ក្នុងការបោះឆ្នោតជ្រើសរើសតំណាងរាស្រ្តនៅពេលនោះ […]

[…] ការតភ្ជាប់ផ្លូវជាតិលេខ ៥៦ ពីទីក្រុងប៉ោយប៉ែត លើផ្លូវជាតិលេខ ៥ ទៅទល់នឹងទីក្រុងសំរោង នៃខេត្តឧត្ដរមានជ័យ ចម្ងាយ ១៧៤ គីឡូម៉ែត្រ ដើរតួនាទីដ៏សំខាន់ និងបានឱ្យខ្ញុំព្រះករុណាខ្ញុំសម្រេចនូវគោលគោលដៅ ២ ក្នុងពេលតែមួយ។ បន្ទាប់ពីការអនុវត្តនូវនយោបាយឈ្នះឈ្នះរួចហើយ ខ្ញុំព្រះករុណាខ្ញុំបានដាក់ចេញនូវគោលដៅ ២ នៅក្នុងការអភិវឌ្ឍប្រទេសរបស់យើង … ទី ១ ការប្រែក្លាយតំបន់អតីតសមរភូមិទាំងអស់ ឱ្យទៅជាទីផ្សារ និងជាតំបន់ដែលមានការអភិវឌ្ឍ។ ឯគោលដៅទី ២ គឺប្រែក្លាយព្រំដែនជាមួយប្រទេសជិតខាងទាំងអស់ ឱ្យទៅជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ […]

[…]ពេលសភាពការណ៍ធម្មតាត្រូវការចិនជួយនេះត្រូវការចិនជួយនោះ ដល់ទៅពេលមានរឿងរត់ចោលចិនអស់។ ហ៊ុន សែន ដែលតំណាងឱ្យកម្ពុជា និងព្រះមហាក្សត្រកម្ពុជា សម្តេចម៉ែ ព្រះអង្គបានប្រទានព្រះរាជសារទៅកាន់ប្រធានាធិបតីចិន ក៏ដូចជាថវិកា […] បង្ហាញពីទឹកចិត្ត ពីបេះដូងរបស់កម្ពុជា។ ឯខ្ញុំព្រះករុណាខ្ញុំបានធ្វើនូវកិច្ចការ ដែលភាសាខ្មែរថា “ស្រឡាញ់គ្នាក្នុងគ្រាក្រ ស្គាល់មិត្តល្អក្នុងពេលលំបាក” […]

[…] ច្រកទាំង ៤ នេះបានបើក ៣ ច្រកហើយ […] ទំនិញរបស់យើងត្រូវលក់ឱ្យថៃ ទំនិញថៃលក់ឱ្យកម្ពុជា។ យើងត្រូវការទំនិញពីថៃ ច្រើនជាងពីថៃទិញពីកម្ពុជា។ យើងត្រូវការដូចជាសម្ភារៈសំណង់ […] វត្ថុធាតុដើម […] ប្រេងឥន្ធនៈ នាំចេញពីព្រះរាជាណាចក្រថៃមកកាន់កម្ពុជា […] ខ្ញុំពិភាក្សាជាមួយឯកឧត្តម ប្រាយុទ្ធ ចាន់អូចា ថា មានគម្រោងបើកនូវច្រកអូរនាង ដើម្បីតភ្ជាប់តំបន់សេដ្ឋកិច្ចពិសេស ជាមួយនិងការដឹកជញ្ជូនទៅក្នុងប្រទេសថៃ […]

[…] ម៉ាស៊ីនច្រូតស្រូវ ចាំតែច្រកបាវយកមកផ្ទះ ហើយជួនកាលមិនយកមកផ្ទះទៀតគេទៅទិញដល់កន្លែងហ្នឹងទៅទៀត។ ប៉ុន្តែអាហ្នឹង វាចេញមកពីអី? ដំបូងចេញមកពីសន្តិភាព ហើយបន្តទៅវាចេញពីការខិតខំរួមរបស់យើងរវាងរដ្ឋ និងប្រជាជនតាមគ្រួសារមួយៗ។ រដ្ឋបង្កលក្ខណៈងាយស្រួលគ្រប់បែបយ៉ាងរាប់ទាំងការមិនយកពន្ធលើដីស្រែដីចំការរបស់ប្រជាពលរដ្ឋរបស់យើង […] ខ្ញុំព្រះករុណាខ្ញុំ បន្តប្រកាសថារយៈពេល ៤១ ឆ្នាំកន្លងផុតទៅ យើងមិនដែលយកពន្ធលើដីកសិកម្មរបស់កសិករទេ ហើយបើសិនជាគណបក្សប្រជាជនកាន់អំណាច ១០០ ឆ្នាំទៀត ក៏យើងនៅតែមិនយកពន្ធលើដីធ្លីកសិកម្មបន្តទៅទៀត […]

[…] (ខ្លះ)គិតតែពីវិភាគថា (កម្ពុជា)បោះបង់ចោលអាមេរិក បោះបង់ចោលអឺរ៉ុប ទៅចាប់យកតែចិន។ ខ្ញុំបានបញ្ជាក់ហើយ ខ្ញុំអត់បោះបង់ចោលអ្នកណាមួយទេ ខ្ញុំត្រូវការមិត្តទាំងអស់។ អ្នកខ្លះទៅហួសជ្រុល។ សូម្បីតែអាមេរិកកាំងក៏រកស៊ីជាមួយចិន។ ហេតុអ្វីបានជាអ្នកឯងស្អប់ចិនខ្លាំងម្លេះ? នេះជាភាពមិនប្រាកដនិយមកក្នុងការធ្វើនយោបាយ។ បើការធ្វើនយោបាយបែបនេះ មិនអាចធ្វើមេដឹកនាំកម្ពុជាបានទេ។ កម្ពុជាប្រកាន់យកនូវទំនាក់ទំនងអន្តរជាតិ ដោយមិនប្រកាន់របបនយោបាយ។ មកដល់ពេលនេះ មានជាង ១៧០ ប្រទេស មានទំនាក់ទំនងការទូតជាមួយនឹងកម្ពុជា […]

សម្ដេចតេជោ ហ៊ុន សែន, សម្ពោធផ្លូវជាតិលេខ ៥៨ តភ្ជាប់ពីប៉ោយប៉ែតទៅសំរោង, ២៦ កុម្ភៈ ២០២០