សុន្ទរកថាថ្លែងក្នុងកិច្ចប្រជុំកំពូលអាស៊ាន-រុស្ស៊ីលើកទី ៤

ព្រះចៅស៊ុលតង់ ហាជី ហាសាណាល់ ប៊ុលគីយ៉ា (Sultan Haji Hassanal Bolkiah), ប្រធានអង្គប្រជុំ; ឯកឧត្តម វ្ល៉ាឌីមៀរ ពូទីន (Vladimir Putin), ប្រធានាធិបតីនៃសហព័ន្ធរុស្ស៊ី; ឯកឧត្តមថ្នាក់ដឹកនាំនៃបណ្តាប្រទេសអាស៊ាន; ឯកឧត្តម, លោកជំទាវ, លោក, លោកស្រី ! ជាកិច្ចចាប់ផ្តើម ខ្ញុំសូមចូលរួមជាមួយថ្នាក់ដឹកនាំនៃបណ្តាប្រទេសអាស៊ាន សម្តែងនូវការស្វាគមន៍យ៉ាងកក់ក្តៅចំពោះ ឯកឧត្តម វ្ល៉ាឌីមៀរ ពូទីន ប្រធានាធិបតីនៃសហព័ន្ធរុស្ស៊ី ក្នុង កិច្ចប្រជុំកំពូលអាស៊ាន-រុស្ស៊ី  លើកទី​៤។ ក្នុងនាមជាប្រទេសសម្របសម្រួលក្នុងក្របខណ្ឌនៃទំនាក់ទំនងដៃគូសន្ទនាអាស៊ាន-រុស្ស៊ី, ខ្ញុំសូមតំណាងឲ្យអាស៊ាន សម្តែងនូវការសាទរយ៉ាងកក់ក្តៅចំពោះខួបលើកទី ៣០ នៃចំណងមិត្តភាពដ៏ស្អិតរមួតនេះ ដែលជាផ្លែផ្កានៃការប្តេជ្ញាចិត្ត ក្នុងការបន្តជំរុញកិច្ចសហប្រតិបត្តិការមានស្រាប់ និងការដោះស្រាយនូវរាល់បញ្ហាប្រឈមរួមនៃតំបន់យើងទាំងពីរ។ ក្នុងន័យនេះ, អាស៊ានមានសេចក្តីសោមនស្សក្នុងការអនុម័តនូវ៖ ១). ផែនការសកម្មភាពគ្រប់ជ្រុងជ្រោយ ឆ្នាំ ២០២១-២០២៥; ២). សេចក្តីថ្លែងការណ៍អាស៊ាន-រុស្ស៊ី ស្តីពីការកសាងតំបន់ ប្រកបដោយសន្តិសុខ និងចីរភាព; និង៣). កិច្ចសហប្រតិបត្តិការអាស៊ាន-រុស្ស៊ី លើផ្នែកដោះ-ស្រាយ និងប្រឆាំងបញ្ហាគ្រឿងញៀនពិភពលោក។ ពាក់ព័ន្ធនឹងកិច្ចសហប្រតិបត្តិការនយោបាយ-សន្តិសុខ,…

សុន្ទរកថាថ្លែងក្នុងពិធីប្រគល់តំណែងប្រធានអាស៊ានជូនកម្ពុជា

ព្រះចៅស៊ុលតង់ ហាជី ហាសាណាល់ ប៊ុលគីយ៉ា (Sultan Haji Hassanal Bolkiah), ប្រធានអង្គប្រជុំ; ឯកឧត្តម ថ្នាក់ដឹកនាំនៃបណ្តាប្រទេសអាស៊ាន; ឯកឧត្តម, លោកជំទាវ, លោក, លោកស្រី !   ជាកិច្ចចាប់ផ្ដើម, ក្នុងនាមប្រជាជន និងរាជរដ្ឋាភិបាលកម្ពុជា, ខ្ញុំពិតជាមានមោទនភាពយ៉ាងក្រៃលែង ដែលកម្ពុជាបានទទួលតំណែងជាប្រធានប្ដូរវេនរបស់អាស៊ានសម្រាប់ឆ្នាំ ២០២២។ ខ្ញុំសូមឆ្លៀតឱកាសនេះ វាយតម្លៃខ្ពស់ចំពោះព្រុយណេដែលបានដឹកនាំអាស៊ានក្នុងឆ្នាំ ២០២១ ក្រោមមូលបទ “យើងយកចិត្តទុក​ដាក់, យើងត្រៀមលក្ខណៈ, យើងរីកចម្រើន”។ ជាពិសេស, ខ្ញុំសូមសម្តែងនូវការកោតសរសើរជូនព្រះចៅស៊ុលតង់ ហាជី ហាសាណាល់ ប៊ុលគីយ៉ា (Sultan Haji Hassanal Bolkiah) ចំពោះភាពជាអ្នកដឹកនាំប្រកបដោយឆ្លាតវៃ និងប្រសិទ្ធភាព និងសម្រេចបាននូវសមិទ្ធផលប្រកបដោយផ្លែផ្កាជាច្រើន រួមទាំងជោគជ័យនៃកិច្ចប្រជុំកំពូលដែលទើបតែបញ្ចប់។ ក្នុងនាមជាប្រធានអាស៊ានឆ្នាំ ២០២២, កម្ពុជានឹងដឹកនាំអាស៊ានឈានទៅសម្រេចបាននូវសមិទ្ធផលសំខាន់ៗថែមទៀត ​ ជាពិសេសជំរុញសម្ទុះនៃដំណើរការកសាងសហគមន៍អាស៊ាន ប្រកបដោយសមធម៌,​​ រឹងមាំ និងបរិយាបន្ន ស្របតាមស្មារតីស្នូលរបស់អាស៊ាន គឺ ចក្ខុវិស័យមួយ,  អត្តសញ្ញាណមួយ,…

សុន្ទរកថាថ្លែងក្នុងកិច្ចប្រជុំកំពូលអាស៊ានបូកបី លើកទី ២៤

ព្រះចៅ ស៊ុលតង់ ហាជី ហាសាណាល់ បុលគីយ៉ាស់ (Sultan Haji Hassanal Bolkiah) ប្រធានអង្គប្រជុំ; ឯកឧត្តម ថ្នាក់ដឹកនាំនៃបណ្តាប្រទេសបូកបី និងអាស៊ាន; ឯកឧត្តម, លោកជំទាវ, លោក,​​ លោកស្រី!   ជាកិច្ចចាប់ផ្ដើម, ខ្ញុំសូមសម្ដែងនូវការស្វាគមន៍យ៉ាងកក់ក្ដៅជូនចំពោះ ឯកឧត្តម គីស៊ីដា ហ្វូមីអូ (Kishida Fumio) នាយករដ្ឋមន្ត្រីនៃប្រទេសជប៉ុន ដែលបានចូលរួមក្នុងកិច្ចប្រជុំកំពូលអាស៊ានបូកបីជាលើកដំបូង។ ជាការពិត, យន្តការអាស៊ានបូកបី បន្តជាកម្លាំងចលករស្នូលដែលមិនអាចខ្វះបាន ក្នុងការលើកកម្ពស់កិច្ចសហប្រតិបត្តិការនៅអាស៊ីបូព៌ា ក៏ដូចជាក្នុងការឆ្លើយតបទៅនឹងវិបត្តនានាប្រកបដោយប្រសិទ្ធភាព។ ជាក់ស្ដែង, ទោះបីជាស្ថិតនៅក្នុងបរិការណ៍នៃការបន្តរីករាលដាលជំងឺកូវីដ-១៩, តំបន់អាស៊ានបូកបី នៅតែជាក្បាលម៉ាស៊ីនកំណើនមួយយ៉ាងសំខាន់សម្រាប់ជំរុញកិច្ចអភិវឌ្ឍសង្គម-សេដ្ឋកិច្ចតំបន់ និងសកល។ ឆ្លៀតក្នុងឱកាសនេះ, ខ្ញុំសូមចូលរួមជាមតិមួយចំនួន សំដៅពង្រឹងកិច្ចសហប្រតិបត្តិការអាស៊ានបូកបី ដូចខាងក្រោម ៖ ទី១. កម្ពុជាសូមវាយតម្លៃខ្ពស់ចំពោះកិច្ចខិតខំប្រឹងប្រែងយ៉ាងសកម្មរបស់ប្រទេសបូកបី ក្នុងការរួមចំណែកប្រយុទ្ធប្រឆាំងនឹងជំងឺកូវីដ-១៩ តាមរយៈការផ្តល់វ៉ាក់សាំង និងបរិក្ខារពេទ្យដល់កម្ពុជា និងប្រទេសសមាជិកអាស៊ានផ្សេងទៀត។ ជាមួយគ្នានេះ ក្នុងស្មារតីបន្តលើកកម្ពស់សុខភាព និងសុខុមាលភាព ប្រជាជន កម្ពុជាសូមគាំទ្រការដាក់ចេញនូវ “សេចក្តីថ្លែងការណ៍មេដឹកនាំអាស៊ានបូកបីស្តីពីកិច្ចសហប្រតិបត្តិការផ្នែកសុខភាពផ្លូវចិត្តក្នុងចំណោមក្មេងជំទង់ និងកុមារ”។…