គណបក្សប្រជាជនកម្ពុជា នៅតែជាជម្រើសតែមួយគត់របស់ប្រជាជនកម្ពុជា
FN៖ នារសៀលថ្ងៃទី១៩ ខែកុម្ភៈ ឆ្នាំ២០២២នេះ ក្នុងពិធីសំណេះសំណាលជាមួយរចនាសម្ព័ន្ធគណៈចលនាមហាជនខេត្តឧត្តរមានជ័យ លោក ហ៊ុន ម៉ានី អគ្គលេខាធិការ នៃអគ្គលេខាធិការដ្ឋានគណៈចលនាមហាជន នៃគណៈកម្មាធិការកណ្ដាលគណបក្សប្រជាជនកម្ពុជា បានលើកឡើង ចំពោះមុខសកម្មជនគណបក្សប្រជាជនជាច្រើនរូបថា «គណបក្សប្រជាជនកម្ពុជា នៅតែជាជម្រើសតែមួយគត់ សម្រាប់ប្រជាជនកម្ពុជា ព្រោះគណបក្សប្រជាជនមានប្រភពពីប្រជាជន ជារបស់ប្រជាជន និងដើម្បីប្រជាជន»។ ការលើកឡើងបែបនេះ គឺចំពេលដែលប្រទេសកម្ពុជា កំពុងទទួលបានការកោតសរសើរខ្លាំង ចំពោះការគ្រប់គ្រងការរីករាលដាលជំងឺកូវីដ១៩ បានល្អប្រសើរទាំងក្នុងប្រទេស កម្រិតតំបន់ និងអន្តរជាតិ។ ក្នុងដំណាក់កាល នៃការលំបាកបែបនេះ ថ្នាក់ដឹកនាំគ្រប់ជាន់ថ្នាក់ នៃគណបក្សប្រជាជនកម្ពុជាតែងតែនៅកៀកក្បែរ ប្រជាពលរដ្ឋ ស្គាល់ទុក្ខធុរៈគ្រប់កាលៈទេសៈទាំងអស់។ លោក ហ៊ុន ម៉ានី បានបន្ថែមប្រកបដោយភាពជឿជាក់ថា «គ្រប់ពេលដែលមានការលំបាក ឬពេលប្រទេសជាតិមានវិបត្តិ មន្ត្រីនៃគណបក្សប្រជាជនកម្ពុជា តែងតែមានវត្តមាននៅជាមួយប្រជាជនកម្ពុជាជានិច្ច»។ ក្នុងជំនួបនារសៀលនេះ លោក ប៉ែន កុសល្យ ប្រធានគណបក្សប្រជាជនកម្ពុជាខេត្តឧត្តរមានជ័យ ក៏បានលើកឡើងក្នុងរបាយការណ៍របស់លោកដែលមានខ្លឹមសារថា នៅខេត្តឧត្តរមានជ័យ ឲ្យតែមានការខ្វះខាត មានបញ្ហា តែងតែមានមន្ត្រីគណបក្សប្រជាជនកម្ពុជា មិនថាជនរងគ្រោះមាននិន្នាការទៅខាងណាក៏ដោយ។ ឆ្លៀតក្នុងឱកាសនោះ លោកបានថ្លែងអំណរគុណដល់មន្ត្រីរាជការ ក្រុមការងារទាំងអស់ ដែលបានចុះជួយប្រជាពលរដ្ឋ…